PD: Negociatat u mbyllën, qeveria e re publikohet në 10 gusht

[Albo]

Nisin të projektohen kërkesat e para të aleatëve për kabinetin e ri qeveritar

Aleatët, kushte Berishës për qeverinë

Nga PR pretendohet posti i zv.kryeministrit dhe nga PDR Ministria e Jashtme ose kryetari i Kuvendit

N. P

TIRANË- Votat e 17 deputetëve të opozitës, që kanë fituar deri më tani nga proporcionali, do të kushtëzojnë formimin e qeverisë së ardhshme të drejtuar nga lideri i opozitës, Sali Berisha. Për këtë arsye, aleatët kanë filluar të pretendojnë fort kundrejt synimeve që ata kanë për të qenë pjesë e kësaj qeverie. Edhe pse bisedimet nuk kanë filluar zyrtarisht, në rrugë jozyrtare përfliten mjaft emra pretendentësh nga partitë e vogla për të qenë pjesë e qeverisë. Burime nga partitë aleate thanë dje për “Shekullin” se kanë filluar të formatizohen kërkesat e para, edhe pse ato nuk janë bërë ende objekt diskutimi mes tyre dhe liderit të opozitës, Sali Berisha. Nisur nga përqindja e fituar në proporcional, Partia Republikane rezulton e para deri më tani me 20,82%, për 86 zona. Nga përllogaritjet e bëra deri më tani, rezulton se PR-ja do të ketë plot 11 karrige, një numër i konsiderueshëm ky për të pretenduar edhe përfaqësimin e tyre në rang ministri. Partia Republikane është renditur si partia kryesore aleate e PD-së dhe kësisoj, pretendohet që përfshirja e saj në qeveri të jetë po aq e rëndësishme. Kështu kryetari i Partisë Republikane, Fatmir Mediu, po përflitet nga PR-ja si kandidati i mundshëm për zv.kryeministër. Duke pasur parasysh edhe begraundin e tij, republikanët mendojnë, gjithnjë në rrugë jozyrtare, që të pretendojnë edhe për Ministrinë e Jashtme ose atë të Mbrojtjes. Ndërkohë republikanët do të përfaqësohen në qeverinë e ardhshme edhe në poste zv. ministrash, por pa u caktuar ende numri dhe emrat. Një tjetër parti e rëndësishme aleate e PD-së, është edhe Partia Demokrate e Re. Deri më tani PDR-ja ka fituar 7,11% të votave. Me këtë përqindje reformatorët pritet që të përfaqësohen në Kuvend me katër deputetë, duke përjashtuar dy deputetët e PDR-së, që kanë garuar në emër të PD-së, Ferdinand Xhaferri dhe Nard Ndoka, të cilët kanë fituar bindshëm në zonat e tyre kundrejt kandidatëve socialistë. Me katër deputetë në Kuvend, edhe reformatorët kërkojnë që të përfaqësohen në rang ministri. Burime nga PDR-ja thanë dje për “Shekullin” se janë disa hipoteza që po hidhen mbi mundësinë e përfshirjes së kryetarit të PDR-së, Genc Pollo. Pretendimi i parë nga reformatorët mësohet të jetë për Ministrinë e Jashtme, gjë që ka pak gjasa që të ndodhë. Kjo sepse Ministria e Jashtme pritet që t’i jepet një prej zyrtarëve më të rëndësishëm të PD-së. Duke iu referuar gjithnjë burimeve nga partitë aleate, mësohet se reformatorët kanë kërkuar postin e kryetarit të Kuvendit ose Ministrinë e Punës dhe Çështjeve Sociale. Këto janë pretendimet e para të partive aleate, ndërkohë që ende nuk është konfirmuar zyrtarisht, për shkak se bisedimet për formimin e qeverisë do të fillojnë ditët e ardhshme. Ndërkohë, një tjetër ftesë është bërë për PBDNJ-në, zyrtarë të së cilës janë shprehur se do të japin një qëndrim zyrtar vetëm pas shpalljes së rezultatit përfundimtar nga KQZ-ja.

Republikanët fitojnë 11 deputetë në Kuvend
Reformatorët fitojnë 4 deputetë, pa Xhaferrin dhe Ndokën


Republikanët pretendojnë deri më tani një prej këtyre posteve:
Postin e zv. kryeministrit
Ministrinë e Jashtme
Ministrinë e Mbrojtjes

Republikanët pritet të përfaqësohen edhe në rang zv. ministrash

Reformatorët pretendojnë deri më tani një prej posteve të mëposhtme:
Ministrinë e Punëve të Jashtme
Ministrinë e Punës dhe Çështjeve Sociale
Kryetarin e Kuvendit

[Albo]

Skicohet kabineti i ri qeveritar. PDR-së i ofrohet posti i nënkryetarit të Kuvendit dhe Ministria e Transportit

Skicohet qeveria e re e Berishës

Mediu zv.kyeministër, Mustafaj i Jashtëm, Ruli i Ekonomisë, Bode i Financave, Topalli kryetare Kuvendi

Darina Tanushi

TIRANË – Skicohet përbërja e qeverisë së re të demokratëve dhe aleatëve të tyre. Burimet nga kjo parti bëjnë të ditur se nga bisedimet paraprake mendohet që nënkryetarja e PD-së, e cila ka mbajtur edhe postin e nënkryetares së Kuvendit, të drejtojë Kuvendin e ri në këtë legjislaturë të tij. Të njëjtat burime thanë dje për ”Shekullin” se mendohet që kryetari i PDR-së, Fatmir Mediu, të mbajë postin e zv.kryeministrit, shoqëruar me një ministër dhe disa zv.ministra. Nga kjo parti mësohet se kandidatja Lajla Përnaska të jetë një nga gratë në qeveri, duke iu shtuar Majlinda Bregut të PD-së. Por ende nuk janë përcaktuar postet që do t’u jepen dy zonjave në qeveri. Reformatorëve u është ofruar që të mbajnë postin e nënkryetarit të Kuvendit, por edhe Ministrinë e Transporteve, për të cilën ka dalë edhe një emër, ai i Ferdinand Xhaferrit. Sekretari i përgjithshëm i PD-së, Ridvan Bode, mendohet të jetë ministri i ri i Financave, ndërsa Genc Ruli, ministër i Ekonomisë. Nënkryetari i PD-së, Bamir Topi, sipas burimeve, është caktuar paraprakisht ministër i Bujqësisë. Edhe aleatët e vegjël të demokratëve, si PDK-ja, pritet të marrin një post ministror, por nuk mendohet që në krye të tij të jetë kryetari Nikollë Lesi. Të gjitha këto të dhëna janë nga bisedat paraprake brenda selisë së PD-së, por pritet që gjithçka të saktësohet në ditët në vijim. Po kështu sekretari i PD-së për marrëdhëniet me jashtë, Besnik Mustafaj, pritet që të marrë postin e ministrit të Jashtëm.


Topi

Ndërkohë dje, nënkryetari i PD-së, Bamir Topi, është shprehur dje se qeveria e re do të krijohet në bashkëpunim me aleatët e djathtë, bashkëpunim i cili do të shtrihet në të gjitha nivelet e qeverisjes. Ai ka pohuar dje se dy nga emrat më të njohur të opozitës, kreu i Partisë Republikane, Fatmir Mediu dhe ai i PDR-së, Genc Pollo, mund të jenë dy ministra në kabinetin e ri qeveritar. “Besoj që autoriteti i tyre, personaliteti i tyre u jep mundësi, pra probabilitet të mundshëm që ata të jenë në kabinetin qeveritar”, - tha Topi. Ai u shpreh se “kur bëhet fjalë për nivele të qeverisë, këto janë në disa nivele. Pra fillon me kabinetin, vazhdon me administratën e poste të rëndësishme”. “Por, ka vijuar Topi, më e rëndësishmja nuk është kjo. Më e rëndësishmja është që të marrim në dorë rezultatin e çertifikuar sikurse është shprehur edhe kryeministri që po lë pushtetin dhe pastaj gjithçka do të shkojë, sipas atyre marrëveshjeve paraprake dhe asaj fryme mirëkuptimi që ka ekzistuar tek të gjitha partitë aleate me PD-në”. Sipas Topit, në qendër të ekzekutivit do të jetë PD-ja, por bashkëpunimi me aleatët do të jetë në funksion të mbarëvajtjes së qeverisjes. Ai theksoi se në situatën aktuale është më e rëndësishme ngritja e qeverisë. Sipas tij, vëmendja e aleatëve nuk duhet të fokusohet vetëm në kabinetin e kryeministrit, pasi administrata është mjaft e gjerë si në nivele të dyta dhe të treta. Nga ana tjetër, edhe sekretari i përgjithshëm i PD-së, Ridvan Bode, është shprehur se tashmë kanë filluar përgatitjet për krijimin e qeverisë së re. Ai u shpreh i bindur në fitoren e PD-së dhe të opozitës. Sekretari i përgjithshëm i PD-së, Bode, akuzoi qeverinë se po përpiqet të bllokojë daljen e rezultatit. Ai tha se PD-ja do të zbatojnë të gjitha afatet ligjore. Ndërkohë nga burime brenda partive aleate të PD-së mësohet që republikanët të kenë zv.kryeministrin të përfaqësuar me kryetarin Fatmir Mediu, por pretendohet që të merren edhe Ministria e Jashtme ose ajo e Mbrojtjes. Kjo llogaritet përveç posteve që ata kërkojnë në nivele më të ulëta. Po kështu edhe Partia Demokrate e Re pretendon që të përfaqësohet në kabinetin qeveritar në rang ministri, në dikastere si ajo e Punëve të Jashtme, e Punës dhe Çështjeve Sociale, por nga reformatorët mësohet se pretendohet edhe kryetari i Kuvendit. Ndërkohë gjithçka pritet të saktësohet në ditët në vijim. Nënkryetari Bamir Topi thotë nga ana tjetër, se nuk mendon se Kolegji Zgjedhor do të rrëzojë rezultatin e zgjedhjeve. “Përgjegjësia për manipulimin nuk vjen nga opozita. Kjo është absurde, qesharake. Kjo vjen nga shteti, nga nëpunësit e shtetit që edhe pas 8 vitesh në pushtet, një pushtet të deformuar totalisht dhe pa asnjë moment pushtet i qytetarëve, kërkojnë me çdo kush të krijojnë një psikozë që nuk e kanë humbur pushtetin, që i kanë manipuluar, por besoj që nuk mund të jenë ata që vendosin, qotë edhe duke i kontestuar, duke i çuar në Kolegjin Zgjedhor, sepse fatmirësisht, Shqipëria, përveç faktorëve politikë të brendshëm, ka një monitorim të kujdesshëm nga institucionet ndërkombëtare që po e shohin realisht se si shkon situata”. Ai tha se PD-ja po plotëson një dokumentacion, ku janë evidentuar manipulimet dhe parregullsitë e procesit edhe në ato zona ku PD-ja ka fituar.


Topi: Mediu e Pollo në qeveri

Nënkryetari i PD-së, Bamir Topi, është shprehur dje se qeveria e re do të krijohet në bashkëpunim me aleatët e djathtë, bashkëpunim i cili do të shtrihet në të gjitha nivelet e qeverisjes. Ai ka pohuar dje se dy nga emrat më të njohur të opozitës, kreu i Partisë Republikane, Fatmir Mediu dhe ai i PDR-së, Genc Pollo, mund të jenë dy ministra në kabinetin e ri qeveritar. “Besoj që autoriteti i tyre, personaliteti i tyre u jep mundësi, pra probabilitet të mundshëm që ata të jenë në kabinetin qeveritar”, - tha Topi. Ai u shpreh se “kur bëhet fjalë për nivele të qeverisë, këto janë në disa nivele. Pra fillon me kabinetin, vazhdon me administratën e poste të rëndësishme”.


Bode: Po krijojmë qeverinë e re

Sekretari i përgjithshëm i PD-së Ridvan Bode është shprehur se, tashmë kanë filluar përgatitjet për krijimin e qeverisë së re. Ai u shpreh i bindur në fitoren e PD-së dhe të opozitës. Sekretari i përgjithshëm i PD-së Bode, akuzoi qeverinë se po përpiqet të bllokojë daljen e rezultatit. Ai tha se PD-ja do të zbatojnë të gjitha afatet ligjore.

[ALBA]

BERISHA KA SHANSIN PER TE BERE HISTORI

Tani qe ngjarjet politike shqiptare post-elektorale po marrin nje trajte me te ekuilibruar dhe normale dhe kur dihet pak a shume se kush jane fitimtaret dhe te mundurit, nje epoke e re fillon per vendin tone. Situata politike ne Shqiperi eshte bere mjaft intriguese, jo per faktin qe ndodhi tranzicioni i pushtetit nga duart e Nanos ne ato te Berishes, sepse u be e qarte gjate fushates elektorale qe Nano e damkosi PS-ne me vulen e diskreditimit dhe te humbjes. Eshte bere intriguese sepse jemi deshmitare te nje dukurie qe ndodh ralle ne politike, dukuria e rikthimit te te mundurit.

Berisha e humbi pushtetin ne 1997 ne mes te nje anarkie politike dhe pakenaqesie te madhe te popullit, per shak te renies se firmave piramidale, dhe ne mendjet e shume njerezve keto ngjarje shenuan edhe vdekjen politike te Berishes. Ndersa ngjarjet qe vijuan me pas deshmuan se Berisha zoteronte nje karakter te pathyeshem dhe vullnet te forte per te sfiduar rrjedhen historike te gjerave dhe ndaj Berisha meriton respekt dhe pergezime per keto dimensione te personalitetit te tij.

Ai, jo vetem qe i rezistoi goditjes se madhe psikologjike qe mori ne 1997 dhe braktisjes nga shume aleate te vet, por perkundrazi i perdori keto ngjarje dhe 8 vjet ne opozites, si nje katalizator per ringjalljen e tij personale dhe te PD-se ne te njejten kohe. Dhe sic e kemi deshmuar te gjithe, Berisha, u maturua, u be me i kujdesshem, me pragmatist dhe me tolerant ndaj mjedisit politik qe e rrethonte. Por, mbi te gjitha, ai u tregua strateg i afte ne hartimin e nje plani te qarte politik per rimarrjen e pushtetit dhe ne rifreskimin qe i beri PD-se, duke e rrethuar me figura te reja politike qe kane jo vetem potencial intelektual por edhe rekord te virgjer politik.

****

Keshtu Berisha arriti ta sfidoje vakuumin politik, nga i cili u rrethua, gje qe jo shume politikane boterore do te kishin mundur ta bejne. Duke shfrytezuar me mprehtesi relievin politik shqiptar, qe eshte mjaft unik ne karakteristikat e veta, ai u kthye perseri ne majen e politikes shqiptare. Por tani ate e pret nje sfide akoma me e madhe, sfida e qeverisjes se nje vendi me nevoja gjigante ekonomike, sociale dhe politike. Ai duhet te shkule rrenjet e thella te korrupsionit qe shkojne shume thelle ne ekonomine shqiptare. Ai duhet te denoje "mamuthet" e korrupsionit, sic i quan ai vete duke qene i kujdesshem per te mos u dukur hakmarres. Por eshte e pafalshme qe, per hir te deshires per t'i provuar botes qe ai di te fale dhe ka marre tiparet e nje politikani me tipare moderne, Berisha te mos i vere shkaktaret e kolapsit ekonomik e social perpara pergjegjesise ligjore.

Ai duhet te ule barren e taksave qe rendojne mbi supet e shqiptareve duke u perpjekur qe te siguroje fonde qeveritare per zhvillimin e vendit. Ai duhet te rimekembe pavaresine ekonomike e politike te Shqiperise ndaj fqinjve, duke u perpjekur te mos duke si renegat i diplomacise ballkanike. Ai gjithashtu ka detyren e veshtire per te pozicionuar politiken shqiptare pro SHBA-se ndaj se ciles Shqiperia ka nje tendence pothuajse sentimentale, apo ndaj Bashkimit Evropian qe mban celesin e endrres se shqiptareve per t'u ndjere pjese politike dhe ekonomike e Evropes. Pa permendur pastaj sfiden per te siguruar levizjen e lire te shqiptareve neper Evrope, dhe ne te njejten kohe te frenoje "eksportet" ilegale shqiptare, si droga, prostitucioni, apo trafiku i armeve.

Keto jane thjesht disa nga pengesat madhore qe qendrojne ne rrugen e idealit politik te Berishes per t'u pare si shpetimtari i Shqiperise. Ai ka shansin e madh historik per te hedhur bazat e politikes kombetare. Ky eshte nje nocion qe politikanet shqiptare te deritanishem nuk kane denjuar ta konsiderojne. Perkundrazi, ata hodhen bazat e politikes anikombetare, qe mund te perkufizohet ndryshe edhe si politika e perfitimit personal. Berisha ka shansin per t'u bere idhulli politik i shqiptareve. Nuk kemi pasur kurre fatin te kemi nje politikan per te cilin te krenohemi, nje figure e cila do te reflektonte ne arenen boterore virtytet pozitive te Shqiperise, vitalitetin e ketij kombi dhe vullnetin per integrim. Gjithmone i referohemi Zogut, Ismail Qemalit e Fan Nolit, qe nuk qene kurre politikane te mirefillte por me teper "part-time leaders" "udheheqes te pjesshem) neqoftese do te huazoja nje zhargon te gjuhes politike angleze.



Po, Berisha e ka shansin historik per t'u bere idhulli yne politik. Dhe per nje popull te uritur per ndryshim, per stabilitet ekonomik e social, kjo do te thote nje politikan i pakorruptuar, i vendosur, i drejte, atdhetar, tolerant, dhe pragmatist. Berisha ka mundesine per te ndertuar demokracine e vertete shqiptare, dhe jo nje pseudodemokraci si kjo qe ekziston tani, nje shtet te mirefillte modern me aftesi ekzekutive dhe jo nje shtet "handikapat" si ky yni, institucione te afta per implementimin e ligjeve te miratuara nga pushteti legjislativ dhe jo nje mishmash portofolesh si keto qe patem per 8 vjet.

Populli shqiptar manifestoi nje inteligjence dhe pjekuri politike impresionuese dhe e rrezoi Nanon, dhe solli Berishen ne pushtet duke treguar se i eshte mirenjohes liderit demokrat qe pa frike mund ta quajme "babain" e demokracise shqiptare dhe po i jep atij serish mundesine per te perfunduar ate qe la ne mes. Tani i takon Berishes t'ia shperbleje Shqiperise besimin.

[Albo]

Milo, Dule, Xhuveli e Ceka, bisedime jozyrtare me PD për qeverinë e re


Aleatët e Nanos me kokë nga Berisha, ja kush ikën

Blerina Sinani

Aleatët e vegjël aktualë të socialistëve duket se janë të orientuar drejt përfshirjes në koalicionin e PD-së,

Edhe pse ata janë në pritje të shpalljes së rezultatit përfundimtar të zgjedhjeve nga ana e KQZ-së, për të vendosur nëse do të jenë apo jo pjesë e këtij koalicioni në qeverinë e ardhshme të demokratëve. Megjithatë, ata nuk e mohojnë mundësinë e bisedimeve për të krijuar një koalicion paszgjedhor me PD-në, e cila rezulton të jetë fituesja e zgjedhjeve të 3 korrikut. Por, një gjë e tillë, sipas tyre, do të ndodhë kur të qartësohet përfundimisht sesa do të jetë rezultati që do që marrë blloku i majtë dhe i djathtë. Mandatet e të vegjëlve, duke i specifikuar në vota janë të rëndësishme për qeverinë e ardhshme, pasi edhe nëse ajo ka numrat e duhur për të krijuar qeverinë, ato do t’i duhen për të krijuar një maxhorancë akoma dhe më të qëndrueshme, sidomos pas dy vjetësh, kur do të zgjidhet presidenti i Republikës, për të cilin duhen 84 vota.

Aleatët e majtë
Deri tani vetëm PBDNJ-ja e Vangjel Dules dhe PAA-ja e Lufter Xhuvelit kanë zhvilluar bisedime jozyrtare me PD-në për të qenë pjesë e koalicionit qeverisës të demokratëve. Ende nuk është vendosur asgjë për këtë, por PD-ja është shprehur e hapur për të ftuar në koalicion parti të qendrës së majtë. PBDNJ-ja aktualisht i ka të ftohura marrëdhëniet me PS-në dhe nuk e ka refuzuar në asnjë rast ftesën e PD-së për të qenë pjesë në qeverinë e ardhshme. Ndërsa PDS-ja e Paskal Milos është në pritje të bisedimeve të mundshme, duke qenë se vetë Milo ka qenë i pari që është shprehur i gatshëm për të bashkëpunuar me PD-në dhe nënkryetarja e PD-së, Topalli është shprehur se demokratët janë të gatshëm të bisedojnë me partitë e qendrës së majtë, ku nuk përjashtohet as Milo. Edhe kreu i PAD-së, Neritan Ceka, nuk e konsideron të pamundur mundësinë e bisedimeve me PD-në për të qenë pjesë e qeverisë së demokratëve, duke qenë se PAD-ja është parti e qendrës. Megjithatë, për Cekën, kjo gjë do të ndodhë në momentin e duhur dhe pasi të shpallen rezultatet përfundimtare të zgjedhjeve të 3 korrikut. I vetmi që duket se nuk do të përfshihet në valën e bisedimeve me PD-në është Skënder Gjinushi, kreu i PSD-së, i cili shprehet bindshëm se është në koalicionin e majtë.

Aleatët e djathtë
Të vegjlit e djathtë janë thuajse të gjithë në aleancë me PD-në, ku faktorët për qeverisjen e ardhshme janë PR-ja e Mediut, PDR-ja, e Pollos dhe PDK-ja e Lesit, duke qenë se këto parti kanë kaluar pragun elektoral hyjnë në Parlament dhe për rrjedhojë votat e tyre janë jetike për qëndrueshmërinë e maxhorancës që do të krijojë selia blu. E vetmja që nuk është në koalicion është LZHK-ja, e drejtuar nga Leka Zogu I, me të cilën ende nuk dihet nëse PD-ja do ta ftojë në koalicion. Megjithatë, kreu ekzekutiv i LZHK-së, Dashamir Shehi, është shprehur dje se kjo lëvizje nuk e përjashton mundësinë e bashkëpunimit me të djathtën, duke përfshirë PD-në, por sipas tij, duke se kjo e djathtë i ka vjedhur votat LZHK-së, e cila deri tani nuk e ka kaluar pragun elektoral për t’u futur në Parlament. Megjithatë, duke parë dhe rezultatet më të fundit të zgjedhjeve, ditët në vijim do të jenë ndoshta vendimtare për të parë sesi do të krijohet koalicioni qeverisës i kryesuar nga demokratët.


* Neritan Ceka
Kreu i PAD-së, Ceka, u shpreh se kur të vijë koha e duhur, PAD do të jetë e gatshme për të negociuar me PD-në për krijimin e një koalicioni qeverisës, duke qenë se demokratët janë shprehur të gatshëm të krijojnë koalicione me parti të qendrës së djathtë. Për Cekën është ende herët për të vendosur një lidhje me këtë çështje, pasi ende nuk janë shpallur rezultatet e zgjedhjeve, për të cilat ai kërkon rinumërim të votave proporcionale.

* Paskal Milo
Kreu i PDS-së, Paskal Milo, ka thënë se nuk përjashtohet mundësia e krijimit të një koalicioni për qeverinë e ardhshme të PD-së. Megjithatë, sipas tij, është ende herët duke qenë se procesi zgjedhor nuk ka përfunduar ende dhe duke pasur parasysh që partia e tij është një nga ato që kërkon rinumërimin e votave në proporcional. Sipas Milos, gjithçka në lidhje me bashkëpunimin me demokratët do ta vendosin rezultatet zgjedhore.

* Kristo Goxhi
Deputeti i PBDNJ-së, Kristo Goxhi, tha se orientimi i PD-së në lidhje me koalicionet do të jetë shumë i kujdesshëm dhe do të varet nga rezultatet e zgjedhjeve parlamentare. Ai ka ripërsëritur se, duke pasur parasysh rezultatet e deritanishme, të cilat janë në favor të PD-së për partinë në të cilën ai bën pjesë, pjesëmarrja në qeverinë e ardhshme është një detyrë në shërbim të kombit. PBDNJ-ja nuk e ka refuzuar asnjëherë ftesën e PD-së për koalicionin qeverisës.

* Dashamir Shehi
Shehi u shpreh se LZHK-ja e ka përjashtuar bashkëpunimin me të majtën pas zgjedhjeve dhe se pozicioni i saj është për një bashkëpunim me të djathtën, duke përfshirë këtu edhe PD-në. Megjithatë, Dashamir Shehi thotë se fillimisht LZHK-ja duhet të punojë për të rifituar votat që i janë vjedhur në proporcional, në mënyrë që të jetë pjesë e Parlamentit të ardhshëm dhe pastaj të vendosë për aleancë ose jo me PD-në.

[Albo]

Kreret e koalicionit te djathte mblidhen ne mesjave

E Marte, 12 Korrik 2005
Drejtuesit e partive te koalicionit opozitar, te cilet metojne se kane fituar ne zgjedhjet e pergjithshme parlamentare te 3 korrikut, pritet te mblidhen ne mesjave per te formalizuar qendrimet e metejshme te tyre politike, ne lidhje me procesin zgjedhor. Zyrtare te larte te forcave politike perberese te ketij koalicioni ben te ditur se takimi ne fjale pritet te shprehe mbeshtetje per institucionet pergjegjese per zgjedhjet, por nga ana tjeter do te terheqe vemendjen qe socialistet e kaluar tashme ne opozite, te pranojne humbjen dhe te mos perpiqen te zvarrisin me shume shpalljen e rezultateteve zgjedhore, nepermjet zvarritjes se procesit te numerimit te votive, si dhe te ankimimeve te tyre per pjesen derrmuese te zonave ku ata kane humbur thellesisht.

Takimi ne fjale pritet te skicoje ne vija te pergjithshme edhe objektivat qeverisese te koalicionit, si dhe te hedhe bazat per perberjen e qeverise. Zyrtaret e larte demokrate bejne te ditur se, ndonese ne kete takim nuk do te publikohen se cilet do te jene ministrat e ardhshem te qeverise se djathte, deri ne shpalljen zyrtare te rezultateve te zgjedhjeve te 3 korrikut, do te behen perpjekje per arritjen e nje konsensusi per formatin e qeverise, e cila do te jete mjaft ngushte me afro 14 portofole ministrore, ku aleatet e PD do te perfaqesohen mbi bazen e peshes politike.

Perpos PD-se, ne poste ministeriale mesohet se do te jene te perfaqesuar edhe PR e PDR, ndersa aleatet me te vegjel do te ofrohen postet e zv/ministrave. Gjithsesi, skema e formatimit te qeverise do te kerkoje kohe qe te konkretizohet, pasi pritet qe aleatet e PD te kene kerkesa jo te vogla, po te kihet parasysh se blloku opozitar do te jete me nje shumice mjaft te brishte ne Kuvend, ku cdo vote do te kete vlere jetike per vijueshmerine normale te punes se kabinetit qeveritar "Berisha".

A.META

[Albo]

Lideri demokrat reagon pas afrimit të ish-aleatëve të Nanos në koalicionin e ri


Berisha: Qeveria ime, me bazë të gjerë
“Lufta kundër korrupsionit nuk do ketë ngjyrim politik”

EVA GJURA

Partia Demokratike mbetet e hapur për të bashkëpunuar me të gjitha forcat politike të djathta dhe të qendrës dhe për të krijuar koalicionin më të gjerë që ka pasur kjo parti gjatë qeverisjes së saj të mëparshme.

Këtë e ka bërë të ditur dje kryetari i PD-së, Sali Berisha, i cili është shprehur se: “Po konturohet koalicioni më i gjerë që ka ekzistuar ndonjëherë, koalicion, i cili krijohet me partitë e djathta dhe të qendrës”. Kreu demokrat ka premtuar se ky ndryshim është për të mirën e shqiptarëve me qëllim që të shënohet një fillim i ri dhe në sensin e qeverisjes ndryshimi nënkupton vetëm reforma.

Reformat
Kryetari i Partisë Demokratike, Berisha, thekson se alfa dhe omega e ndryshimeve që kërkojnë shqiptarët janë vetëm reformat. “Në këtë kontekst, ndonëse ne kemi një maxhorancë të rehatshme deri tani do të dëshiroja që të ishte sa më i gjerë përfaqësimi i shqiptarëve në këto reforma. Ndaj dhe dua të përshëndes reagimin pozitiv dhe të përgjegjshëm të të gjitha forcave për rreth qendrës që po shprehin mirëkuptim për këtë hapje të PD-së dhe koalicionit”, është shprehur kreu demokrat. Sipas tij, shansi historik i shqiptarëve është procedimi me seriozitet i qeverisë së ardhshme ndaj reformave. “Më të suksesshme dhe më të mbështetshme janë ato reforma që kryhen nga një qeveri me spektër të gjerë përfaqësimi”, tha Berisha. Ndërsa në lidhje me reagimin e disa partive për një bashkëpunim të mundshëm mes tyre dhe PD-së, Berisha është shprehur se reagimin e tyre e merr si mjaft të përgjegjshëm dhe qëndrimin e tyre si reagim për të kontribuar ndaj reformave. “Ky proces reformash që do të ndërmarrë Partia Demokratike do ta nxjerrë Shqipërinë nga varfëria drejt mirëqenies, nga ngrirja e procesit të integrimit drejt integrimit të vendit, nga papunësia në punësim, nga dëshpërimi në shpresë, nga mungesa e rendit publik në vendosjen e tij, dhe nga krimi i organizuar në një vend të sigurt e më tërheqës për investitorët e huaj”, është shprehur kryetari i PD-së, Berisha.

Korrupsioni
Për PD-në lufta ndaj korrupsionit do të jetë një nga prioritetet kryesore të qeverisjes së tij dhe që do të fillojë të zbatohet që në fillim të punës së kësaj qeverie. Berisha është shprehur se: “Jam zotuar që kjo qeveri do të funksionojë mbi bazën e standardeve më transparente, jashtë konfliktit të interesit. Do të amendohen ligjet përkatëse që të krijohet transparencë e plotë për median dhe publikun. Pra luftën kundër korrupsionit kam deklaruar se do ta filloj nga qeveria dhe kabineti”. Gjithashtu kreu demokrat ka premtuar se lufta kundër korrupsionit nuk do të përdoret për qëllime politike, pasi çdo ditë mediat, opinioni publik, por dhe politika kanë denoncuar me emra dhe afera konkretë. “Kështu që jam shumë i sigurt, - tha Berisha,- se lufta kundër korrupsionit nuk do të ketë ngjyrim politik, përkundrazi do të ketë një mirëkuptim të lartë nga publiku shqiptar dhe komuniteti ndërkombëtar.

[Albo]

Berisha: Qeveria e re, me 11 parti

E Shtune, 16 Korrik 2005
Kryetari i Partise Demokratike njofton fillimin e negociatave per krijimin e qeverise se re. Berisha fton 10 parti t'i bashkohen koalicionit te ardhshem, perfshire edhe 3 aleate te Kryeministrit socialist Nano. Ne total, ekzekutivi i ri synon te kete 81 deputete, ne Kuvendin me 140 anetare. Veshtiresite e PD per te bashkuar Mediun dhe Pollon, me Milon dhe Xhuvelin, dy nga ministrat me jetegjate te qeverive te majta

Elton METAJ

Sali Berisha nisi zyrtarisht perpjekjet per formimin e qeverise se re, qe premton ta drejtoje vete dhe ku parashikon te grupoje 11 parti. Nje iniciative e veshtire, qe nese do te kete sukses, do te shenoje ekzekutivin me mbeshtetje me te gjere, perjashtuar rastet emergjencave kombetare, kur lidnen Qeveria e Stabilitetit dhe ajo e Unitetit Kombetar ne vitet 1991 dhe 1997.

Ish-Presidenti 61 vjecar pranoi dje publikisht se u kishte nisur ftesat per bashkepunim edhe 10 partive te tjera, qe ai synon t'i bashkoje me Partine Demokratike, ne perpjekje per te formatuar ekzekutivin e qendres se djathte. Ne ftesat e selise blu jane perfshire edhe tre parti aleate te Partise Socialiste te Kryeministrit Nano. Vangjel Dule (PBDNJ), Lufter Xhuveli (PAA) dhe Paskal Milo (PDS) jane ftuar te braktisin Nanon dhe t'i bashkohen te djathteve.

Por ndonese eshte shtrire ne ftesat e tij deri te Partia "Demokracia Sociale" e ish-ministrit te Jashtem, Paskal Milo, kryetari i Partise Demokratike ka lene jashte vemendjes Partine Aleanca Demokratike, te qendres se djathte. E drejtuar nga nje themelues i Partise Demokratike, PAD e Neritan Cekes nuk eshte perfshire ne listen e ftesave te firmosura dje nga Berisha.

Ne kete menyre, projekti "Berisha" synon te grumbulloje rreth liderit demokrat, 81 deputete te Kuvendit te ardhshem me 140 anetare, ndersa do te ftohen per bashkepunim edhe 3 parti te koalicionit te djathte qe nuk arriten te perfaqesohen me deputete.

Pas disa ditesh mungese, Sali Berisha eshte shfaqur ne sallen e konferencave te selise blu dhe ka deklaruar se do te realizoje ekzekutivin e reformave dhe kthesave te medha, si ne vitin 1992. "Nisem ftesat zyrtare per forcat politike, me te cilat ne mendojme te krijojme koalicionin e reformave dhe te ndryshimit. Ftesa u drejtohet kryetareve te forcave politike te koalicionit, sikunder edhe forcave te tjera politike te qendres dhe te qendres se majte", deklaroi Berisha, fitues i zgjedhjeve te pergjithshme parlamentare. Per kreun e partise me te madhe parlamentare, koalicioni do te jete si lokomotive e reformave dhe do te garantoje nje mbeshtetje sa me te gjere.

Megjithate, kryetari demokrat pranoi nje fare pasigurie, se bashkimi i nje numri te madh partish rreth tij dhe qeverise qe tenton te ndertoje, mund te sjelle te papritura. "Negociatat jane ato qe do t'i percaktojne te gjitha zhvillimet. Nuk mund te them qe PD do te leshoje shtyllat e programit te saj, por PD-ja do te bashkepunoje ngushte me te gjitha forcat e koalicionit per te arritur ne nje qeverisje solide", u shpreh Berisha.

Sidoqofte, ish-Presidenti pritet te perballohet me kerkesa te shumta te aleateve gjate negociatave per formimin e qeverise se re. Per me teper, reformatoret e drejtuar nga Genc Pollo kane shprehur pakenaqesine e shtrirjes majtas se koalicionit fitues te zgjedhjeve. Shtrirje, qe synon te perfshije ne qeveri edhe parti te angazhuara ne fushate perkrah socialisteve te Fatos Nanos. Veshtiresite per Berishen duket se shtohen edhe nga fakti se ekzekutivi i ardhshem do te jete me i vogel ne numer. Ai pritet te kete vetem 14 ministri, ndersa republikanet kane bere te qarte se do te kerkojne postin e zv/kryeministrit. Ne nje levizje parandaluese te hapjes se epidemise se kerkesave, Partia Demokratike deklaroi pak dite me pare se do te mbaje vete portofolet me te rendesishme te ekzekutivit. Ndaj liderit demokrat do t'i duhet te djersise per te ulur bashke ne nje qeveri, Fatmir Mediun e Genc Pollon, me Paskal Milon e Lufter Xhuvelin, dy nga ministrat me jetegjate te qeverive, te drejtuara nga socialistet.

Partite e ftuara nga Berisha:

1 - Partia Demokratike 55 deputete

2 - Partia Republikane 11 deputete

3 - Partia Demokrate e Re 4 deputete

4 - Partia Demokristiane 2 deputete

5 - Partia Bashkimi Liberal Demokrat 1 deputet

6 - Partia Balli Kombetar Demokrat ---

7 - Partia Bashkimi Demokrat ----

8 - Partia Levizja per te Drejtat dhe Lirite e Njeriut ----

9 - Partia Agrare Ambjentaliste 4 deputete

10 - Partia Bashkimi per te Drejtat e Njeriut 2 deputete

11 - Partia "Demokracia Sociale" 2 deputete

TOTALI 81 deputete

[Albo]

Kryetari i PD-së bëri dje të ditur nisjen zyrtare të negociatave për krijimin e kabinetit të ri qeveritar

PD, ftesë zyrtare Milos dhe Xhuvelit

Berisha: Do të krijojmë koalicionin qeveritar të reformave dhe të ndryshimit

Nevila Perndoj

TIRANE - Nga dje Partia Demokratike ka nisur zyrtarisht ftesat për tri partitë jashtë spektrit të djathtë, PBDNJ-në, PAA-në dhe PDS-në. “Ju njoftoj se sot nisim letrat, ftesën zyrtare për forcat politike me të cilat ne mendojmë të krijojmë koalicionin e reformave dhe të ndryshimit. Ftesa u drejtohet kryetarëve të forcave politike të koalcionit me të cilat ishim të bashkuar gjatë fushatës elektorale dhe kishim deklaruar se do të qeverisnim së bashku, sikundër edhe forcave të tjera politike të qendrës dhe të qendrës së majtë, në mënyrë që ky koalicion të shprehë në frymë dhe në gërmë një bashkim sa më të gjerë të shqiptarëve dhe ky koalcion, si lokomotivë e reformave të garantojë, një mbështetje sa më të gjerë dhe përfaqësim sa më të gjerë të shqiptarëve”, - tha dje Berisha në një konferencë për shtyp. Krahas ftesës, Berisha i është përgjigjur edhe interesimit të medias lidhur me mundësinë e konfliktit me të djathtën, për kërkesën drejtuar të majtëve për bashkëpunim. “Mendoj se është në traditën e kthesave të mëdha, siç ishte viti ’92. I tillë ka qenë koalicioni i 92-shit. Ajo ishte periudhë e reformave të mëdha dhe kjo është një kohë e reformave madhore, që do të integrojë Shqipërinë në Evropë. Nuk besoj që të ketë zemërthyer, përkundrazi jam i bindur se do të ketë mirëkuptim. Bashkimin e kam deklaruar në mënyrë të përsëritur. Nuk po bëj asnjë gjë tjetër veçse po konkretizoj atë që unë kam deklaruar gjatë fushatës elektorale. Kam deklaruar se morali i parë i ndryshimit është bashkimi i shqiptarëve. Unë qëndroj pas kësaj deklarate”,- tha Berisha. I pyetur nëse kishte besim se partittë e qendrës dhe qendrës së majtë do të ndihmonin qeverinë edhe atëherë kur do të ishte e nevojshme, Berisha u përgjigj: “Absolutisht besoj. Sepse sot këto forca politike janë totalisht të përcaktuara për reformë. Unë e bazoj këtë ftesë para së gjithash në qëndrimin e tyre ndaj reformave. Kam bindje të plotë se këto parti që unë kam ftuar, kanë reformat dhe lehtësimin e tyre si shtylla kryesore të programit dhe përkushtim të lidershipit të tyre. Po të ishte ndryshe, nuk do të bëja një ftesë”,- tha ai, duke shtuar se ky ishte qëllimi i vërtetë dhe jo për të siguruar votat e mjaftueshme për presidentin në vitin 2007. Berisha nuk bëri me dije edhe nivelin e përfaqësimit të ish-aleatëve të PS-së në qeverisjen e ardhshme “Kini durim të shihni negociatat. Ju duhet të kuptoni që qeveria që shkoi, ishte një qeveri e cila bllokoi reformat. Do të ishte qesharake të mendohej se reformat u bllokuan për shkak të PBDNJ-së apo Milios dhe Xhuvelit. Reformat i bllokoi kupola e qeverisjes. Këto parti kanë qenë të përkushtuara për reforma. Qendra është gjithmonë promotori i zhvillimit të njerëzimit”,- tha ai. Ndërsa i pyetur nëse Pollo apo Mediu do të përfshihej në qeveri, Berisha u përgjigj: “Padurimi juaj është i pajustifikuar. Negociatat janë ato të cilat do të përcaktojnë gjithçka. Unë nuk shkoj me asnjë lloj mëdyshje në tryezë me të gjithë ata që i ftoj të krijojnë koalicionin përreth qendrës”,- tha ai.

“Postet qendrore, të PD-së”

TIRANE - Kryetari i Partisë Demokratike, Sali Berisha, përcolli dje një tjetër deklaratë të rëndësishme lidhur me faktin nëse postet qendore do të jenë të Partisë Demokratike. I pyetur nëse ai do t’i qëndronte deklaratave se postet qendore do të jenë të PD-së, Berisha la të kuptojë se po. “Mendoj se negociatat janë ato që do t’i faktojnë të gjitha zhvillimet. Unë nuk mund të them se PD-ja do të lëshojë shtyllat e programit të saj, por PD-ja do të bashkëpunojë ngushtë me të gjitha forcat e koalicionit për të arritur një qeverisje solide”, -tha ai Prej disa ditësh, nënkryetarja e PD-së, Jozefina Topalli, ka bërë me dije se ministritë kryesore nuk do të jenë pjesë e drejtimit të aleatëve. Kjo ka sjellë edhe pakënaqësinë e reformatorëve, të cilët publikisht janë shprehur se deklarata të tilla nuk duhet të kushtëzojnë negociatat mes dy partive. Ndërsa partitë e tjera aleate nuk janë shprehur publikisht, duke e konsideruar një kompetencë të kryeministrit të ardhshëm, Sali Berisha.

[Dito]

Per hir te se vertetes une mendoj qe Berisha s`ka ndryshuar aspak nga modeli i politikes se tij hakmarrese dhe pozicionimit te njerezve te pa-afte ne drejtimin e shtetit, por, Berisha nuk eshte aspak budalla qe mos kuptoje qe kjo fitore e ngushte nuk i siguron atij nje qeverisje te qete sepse kundershtaret e tij politike packa se ne opozite tashme ndjehen ende te forte nen efektin e kandidatures presidenciale e cila po afron. Berishes me shume se kurre i duhen aleate sesa kundershtare dhe mbi kete arsye ai fton aletet e perhershem te socialisteve. Gjithsesi uroj mos bej gabimet e te kaluares me burgosjen e kundershtareve politike dhe diktatin kunder te mposhtureve. Uroj gjithashtu qe te gjeje te pakten kete rradhe njerez te paster per qeverisjen e ketij vendi dhe tu jape atyre vendin qe u takon. Intelektualizmi shqiptar ka nevoje sot me shume se kurre te fitoje pozicionin e tij.

Dito.

Ps: Albo Llogaria juaj mbi numrin e deputeteve perfundimtare eshte komplet e gabuar packa se deshira juaj kerkon te kunderten. Numri 81 deputete nuk eshte i sakte perfshi dhe aleatet e mundshem qe ende sjane definitive.

[Xhuxhumaku]

Krijimi i qeverisë, përtej një momenti psikologjik

Ndriçim Kulla

Cila do të jetë qeveria e re? Cilët do jenë emrat e ministrave të rinj? Çfarë kapaciteti profesional dhe çfarë figure morale do të kenë ata? Ç’kulturë do të zotërojnë, ç’prirje a ç’formim të ri intelektual dhe njerëzor për të mishëruar jo vetëm dëshirën e shprehur nga elektorati në thirrjen për ndryshim, por edhe shpresën e gjithë një shoqërie të tërë që më në fund Shqipëria të hyjë në rrugën e vërtetë që nënkupton ndryshimi?
Përderisa qeverisjen gjatë këtyre 14 viteve e kemi patur gjithnjë problemin më të madh shoqëror, në këto ditë të diskutimit mbi promovimin e qeverisë së re, këto janë pyetje që i bëjnë të gjithë. Do kemi të bëjmë vallë me një qeverisje të re që i përket koalicionit të djathtë me në krye Partinë Demokratike? Prej fituesve pamë një fushatë elektorale që u përpoq t’i frymëzonte si idhtarët ashtu dhe të lëkundurit të bashkoheshin në lëvizjen për një ndryshim të ri e të vërtetë. Po ç’do të thotë vallë ndryshim i vërtetë? Një qeverisje më e mirë në luftën kundra korrupsionit dhe sistemit që e ushqen atë, një seleksionim dhe organizim më i mirë i kapaciteteve njerëzore të përshtatshme me këtë zotim e synim, e së fundi një rivendosje e plotë e moralit të shprishur e nëpërkëmbur nga qeveritarë dhe zyrtarë të të gjitha niveleve. Por jo vetëm kaq. Ky s’është ndryshim, kjo është evidentja dhe e domosdoshmja për këdo qeveri, pa çka se mos-vendosja e tyre si vlera nominale qeverisjeje, sot mund të na ngjajnë si ndryshim. Të qeverisësh nuk është punë e lehtë, as punë që kërkon vetëm përkushtim, karshi problemeve jashtëzakonisht të mëdha sociale, ekonomike e kulturore që ka shoqëria aktuale.Nga ana tjetër, me pak përjashtime, ministrat e të gjitha qeverive gjatë këtij tranzicioni kanë qenë më tepër produkt i kombinacioneve të tepruara politike apo pjella të nepotizmit se sa zgjidhje profesionale që i përgjigjen jo vetëm kërkesave konkrete të çdo posti, por edhe një konturi të caktuar vizioni që kërkon koha dhe zhvillimi i përshpejtuar i shoqërisë shqiptare. Idetë dhe formimi, talenti politik, përkushtimi dhe aftësitë shoqërore, një imazh i ri madje edhe në oganizim e administrim, janë nënvlerësuar dhe anashkaluar në dëm të mjaft individëve të spikatur, por të palidhur me fijet politike, duke i mëshuar më tepër anës militantiste apo simpative personale, për të mos thënë edhe disa llogarive meskine e xheloze. Kjo ka qenë një dukuri e qartë për të cilën nuk është shqetësuar vetëm elita intelektuale, por edhe shumica e opinionit publik. Personalisht, për vetë rrethanat e krijuara, nuk kam si të besoj - në çfarëdolloj kohe të kësaj qeverisjeje të re – përsëritjen e femomeneve të tipit “ala Caci, Naçi e Baçi”, sepse e gjithë shoqëria civile shqiptare dhe ndërkombëtarët, do të shprehnin reagime të forta e të menjëhershme. Mirëpo, s’duhet harruar se edhe vetë opozita e deritanishme, që pritet të krijojë një grup të ri vendimmarrës me parametra të tjerë në përmbushjen e standarteve të kërkuara, ka pasur në rradhët e saj njerëz të korruptuar ose të akuzuar publikisht për afere.
Një fakt i tillë, na shtyn të mendojmë se krijimi i qeverisë së re, tani mban në vete edhe një komponent të caktuar psikologjik. Ai është kthyer në një moment psikologjik të besimit zanafillor te një ndryshim i ri dhe i vërtetë, nga ana e të gjithë shqiptarëve. E frika për të besuar largohet vetëm me provë. Që të jemi të sigurtë se fenomene të tillë në realitetin tonë qeverisës, kur zilja e telefonit a celularit bie 10 herë në ditë për bizneset e një ministri apo qeveritari dhe një herë për punët e shtetit, nuk do të përsëriten e do të skartohen, kantidatë, qoftë edhe me hije dyshimi për korrupsion a trafiqe, nuk duhet të propozohen në qeveri. Hapi i parë i madh dhe shumë i rëndësishëm që mund të bënin fituesit e zgjedhjeve është lista e një qeverie me emra jo vetëm të papërfolur, por edhe me kredenciale të larta profesionale dhe morale. Kjo do të ndikonte jo vetëm psikologjikisht në kalimin e provës së besimit te një mënyrë e re qeversijeje. Mirëpo, kurrësesi projekti i kësaj qeverie s’duhet të ngelet këtu. Duhet të strukturohet edhe përtej momentit të parë psikologjik, sepse vetë vota popullore nuk kërkoi vetëm këmbim, por edhe ndryshim. E ndryshim në rradhë të parë do të thotë krijueshmëri vizionesh, kulturë-formimi i mënyrave të reja në administrimin dhe manazhimin si të fondeve ashtu dhe të skicë-projekteve të reja e deri te marrëdhëniet me njerëzit, përfshi këtu militantë, intelektualë, opozitarë a elitë, në sintezë-idesh për funksionimin autonom, të pavarur të ministrave a qeveritarëve, gjithmonë në kuadrin e planit dhe strategjisë së qeverisë, e kështu me rradhë. Ja, këtyre qëllimeve duhet t’i përshtaten emrat e rinj të qeverisë, pasi nuk mjafton të kalohet vetëm prova e parë, ajo e besimit në figurën e tyre, thelbësorja është të kalohet prova e vizionit të tyre, i strukturuar dhe i mundshëm, prej kurrikulumit dhe garancisë së punës së bërë më parë, për të përballur provën e “Vaterlosë” më të vërtetë, atë të luftës kundër krimit dhe korrupsionit (kujdes, jo në inivel individësh, por në nivelin e një strukture të tërë që e ushqen, e mbron dhe e mbështet).
Është e vërtetë se vendimmarrësit, si asnjëherë tjetër gjatë këtij tranzicioni, në punën e tyre për hartimin e një kabineti ministrash, do të ndeshen me një problem sociologjik dhe psikologjik të rëndësishëm, siç është optimizmi dhe pesimizmi i individit shqiptar. Përvoja jonë dhe mësimet e historisë na mësojnë se kjo atmosferë e rënduar mosbesimi vret dhe nuk mund të kapërcehet duke e zgjidhur me format e së shkuarës. Përkundrazi, duhen këputur të gjitha lidhjet shtrënguese me të. Nuk mund të shkohet me mendimin se aksh bashkëpunëtor më ka qëndruar besnik dhe vetëm për këtë tash i takon qeverisja. As se ky ka një post të lartë në parti, pa çka se nuk ka një “post” të lartë në hierarkinë e vlerave të fushës së vet intelektuale. Më tej, politika ka rregullat e veta, ashtu si kodet e etikës dhe moralit në raportet me popullin. Për fat të mirë, por dhe të keq, e pamerituar apo jo, ikja nga skena politike e njerëzve që punojnë për të i dënon, dhe riciklimi i tyre ka masën më të madhe të mundshme të rrezikut për të fyer inteligjencën e atij që ka votuar, qoftë pro apo kundra. Të gjitha këto kategori që përmendëm më lart, mund ta kalojnë vërtet provën e besimit në ndershmëri a përkushtim, por kurrësesi provën e vizionit që kërkon koha. E në krijimin e kësaj qeveri të re nuk ka vend të eksperimentohet, as të kalohet në etapa. Punët e mëdha që e presin ia ngushtojnë hapësirën e kohës së harxhuar në kalimin e këtyre provave njëra pas tjetrës. Zgjidhja duhet t’i marrë parasysh njëherë e mirë të gjitha këto prova, në mënyrë që të bëjë një hop, jo një hap ndryshimi. Kjo do vërtet guxim e largpamësi, e një dozë të mirë racionaliteti, sepse mund të sjellë reagime, ndoshta dhe të forta, por fati i Shqipërisë dhe i qeverisjes në të ardhmen do dijë t’i nderojë të kthjelltit dhe guximtarët. Do të ishte tragjike dhe dëshpëruese për të sotmen dhe të ardhmen, që ndër profilet e atyre që do të na qeversin në vitet e ardhshme të kishte edhe njerëz të tillë. Koha e atyre njerëzve që na ka shkaktuar kaq shumë probleme dhe angari në të shkuarën duhet të përfundojë. Janë pjekur rrethanat që në qeverisjen tonë të triumfojë rikthimi i njeriut idealist, që të zotërojë talentin dhe përkushtimin për veprimtaritë shqërore dhe publike, që t’ia kushtojë tërësisht orët e punës detyrës shtetërore, që të kultivohet vazhdimisht për ta pasuruar me ide fushën e veprimtarisë së vet. Sigurisht, që më parë kushtet e anormalitetit në të cilat zhvillohej jeta politike dhe shoqërore shqiptare, mund të mos t’ia kenë dhënë mundësinë opinionit publik që të shprehte kujtesa të tilla për klasat politike; Ose ndoshta zëri i tyre nuk arrinte të dëgjohej fort dhe qartë sa tani. Po kështu edhe pasiguria, trazimet apo emergjencat e ndryshme mund t’a kenë penguar spikatjen ose nxjerrjen e tyre në pah. Por gjithsesi, një qëmtimi vetëm i vëmendshëm e i kujdesshëm, i ftohtë e pa pasione partiake, mund ta bëjë shumë mirë një identifikim të tillë.
Është e qartë si drita e diellit, se nga përbërja, vullneti dhe motivimi i ministrave dhe zyrtarëve të lartë të qeverisë së re, do varet shumë edhe fitorja ndaj këtyre sprovave të vështira. Po është e qartë gjithashtu se përgatitja dhe përzgjedhja e qeverisë së re nuk është një kollajllëk, por as edhe një punë e vështirë sa të pështjellohet dhe mistifikohet. S’ka pse të zgjidhet rruga e kombinacioneve politike, as e krijimit të ekuilibrave nëpërmjet riciklimeve të mundshme, siç po shihet deri tani. Duhet zgjidhur rruga më racionale dhe korrekte. Cila ishte arsyeja madhore që solli ndryshimin? Më kryesorja është lufta kundër shtetit të korruptuar. Atëherë zgjidhja mbetet unike. Rivlerësim real dhe racional i bashkëpunimeve dhe kombinimeve të diktuara nga politika, vetëm për masën e rëndësisë që ato kanë dhe përzgjedhja me kurajo e individëve të aftë dhe të përkushtuar, të ndershëm, të ditur, të formuar e me vizion, qoftë dhe jashtë rrethit partiak, për ta fshirë kështu modelin e qeveritarit hajdut, gënjeshtar e të pabesë, që aq shumë na ka munduar dhe sorollatur gjithë këta vjet. Ja, këtë model të ri qeveritari presim dhe shpresojmë ta shohim sa më shpejt në përbërje të qeverisë së re.

17/07/2005
KATEGORIA: Analiza Shekulli.