Kapen vrasësit e Behar Kastratit

[Brari]

RD

--


Akt terrorist tre ditë pas përfundimit të zgjedhjeve.

Policia, tërësisht inekzistente


Zhduket kryetari i PD Has, Behar Kastrati


Është zhdukur që prej mbrëmjes së djeshme kreu i Partisë Demokratike në Has dhe drejtuesi i shtabit elektoral të kandidatit për deputet Jemin Gjana, Behar Kastrati. Rrëmbimi i Kastratit ka ndodhur pas orës 22.30. Deri në këtë orë mësohet se Kastrati ka qenë duke ndjekur në lokal intervistën e dhënë nga kryetari i PD, Sali Berisha, në televizionin "Klan". Sipas familjarëve, pas kësaj ore nuk është mësuar më asgjë për Kastratin. Për kreun e PD të Hasit nuk kanë informacion as punonjësit e spitalit të qytetit. Lajmi për zhdukjen e Kastratit është bërë i ditur nga zëdhënësi i fushatës së Partisë Demokratike, Lulzim Basha, i cili gjatë një konference për shtyp u shpreh se në vendin e rrëmbimit të kreut demokrat të Hasit janë gjetur çelësat e makinës dhe shtëpisë. Duke theksuar se Kastrati nuk ka asnjë precedent penal dhe asnjë hasmëri, Basha ka akuzuar forcat e policisë së këtij qyteti për neglizhencë të punës së saj për gjetjen e kreut të Partisë Demokratike të këtij qyteti. Ndërkaq burime nga policia e Hasit shprehen se kanë nisur hetimet, por nuk bëjnë të ditur pistat në të cilat po hetohet.


Policia, indiferente


Uniformat blu të policisë së Hasit, pas denoncimit të bërë nga familjarët e Kastratit, thuajse nuk kanë reaguar fare. Familjarët kanë protestuar për këtë zvarritje të hetimeve dhe gjetjen e familjarit të tyre, por gjithçka ka hasur në veshin e shurdhër, deri në mëngjesin e ditës së djeshme. Sipas zëdhënësit të fushatës së PD, Basha, janë lajmëruar menjëherë të gjitha institucionet e larta shtetërore, përfshi edhe Presidentin e Republikës.

Sipas Ibrajt, policia menjëherë pasi ka marrë të dhënat e nevojshme nga familjarët e Kastratit, të cilët kanë depozituar një denoncim për zhdukjen e tij si dhe nga të gjithë dëshmitarët e mundshëm, ka filluar hetimet. Ibraj u shpreh se për zhdukjen e kreut demokrat të Hasit janë vënë në dijeni drejtuesi i Qarkut të Kukësit, Asllan Ndoka, dhe kryebashkiaku i Hasit, Bardhyl Peka. Por sipas familjarëve të Kastratit, këto veprime të policisë janë marrë me shumë vonesë dhe vetëm pasi është lajmëruar PD, e cila e ka vënë alarmin në të gjitha institucionet shtetërore. Nuk është rasti i parë gjatë këtyre zgjedhjeve që policia bën veshin e shurdhër ndaj dy ngjarjeve mjaft të rënda që kanë ndodhur. Edhe në vrasjen e komisionerit republikan, Learton Vathi, policia, megjithëse gjendej shumë pranë atentatorit të Vathit, nuk ka reaguar. Ndërsa më pas, Ministria e Rendit reagoi përmes një komunikate për shtyp ku mashtronte dhe deklaronte se vrasja ishte kryer për motive ordinere. Vetëm pas zbardhjes së plotë të vrasjes nga kandidati për deputet i PD në këtë zonë të Tiranës, Edi Paloka, policia reagoi duke ndryshuar njoftimin e dhënë më parë për mediat lidhur me këtë vrasje.


Moisiu kërkon reagim të menjëhershëm të SHISH dhe policisë


Sipas një njoftimi për shtyp, Presidenti i Republikës, Alfred Moisiu, thirri dje në një takim Shefin e Shtabit të Përgjithshëm të FA-së, Gjeneral Lejtnant Pëllumb Qazimi, Drejtorin e Përgjithshëm të Policisë së Shtetit, drejtues Bajram Ibraj, Prokurorin e Përgjithshëm, Theodhori Sollaku, dhe Drejtorin e SHISH-it, Bahri Shaqiri.

Biseda e zhvilluar me këtë rast trajtoi çështje të masave kundër kërcënimeve të mundshme terroriste, pas aktit të djeshëm barbar në Londër. Por sipas burimeve mediatike, kreu i shtetit ka kërkuar reagimin e menjëhershëm të SHISH dhe të policisë, për të bërë të mundur lirimin e Kastratit. Reagimi i Moisiut ka ardhur edhe pas njoftimeve që kanë mbërritur në Presidencë nga selia e PD. Njoftime nga Hasi bënë të ditur dje se kanë mbërritur në qytet edhe oficerë nga SHISH dhe policia.


Gjendje e tensionur në Has


Situata ka qenë mjaft e tensionuar dje në qytetin e Hsait. Me qindra e mijëra banorë jaë mbledhur para Bashkisë së këtij qyteti, duke kërkuar reagimin e institucioneve shtetërore për lirimin e menjëhershëm të kreut të Partisë Demokratike në Has dhe drejtuesit të shtabit elektoral të kandidatit për deputet Jemin Gjana, doktor Behar Kastratit. Motivet e këtij rrëmbimi nuk kanë asnjë pistë personale, pasi Kastrati nuk ka pasur asnjë lloj konflikti apo hasmërie.





---------

[Brari]

misteri i zhdukjes
denoncimi

PD denoncon te Moisiu humbjen misterioze të kryetarit të PD-së, Has


PD akuza policisë për zhdukjen e Behar Kastratit



Bledar Hoti
Kryetari i PD-së së Hasit, njëkohësisht shef i shtabit të fushatës elektorale të Jemin Gjanës, Behar Kastrati, është zhdukur mbrëmjen e së enjtes pa lënë gjurmë.

I menjëhershëm ka qenë reagimi zyrtar i Partisë Demokratike, e cila ka fajësuar policinë për ndërhyrje me vonesë në kërkimin e zyrtarit demokrat. Zëdhënësi i Partisë Demokratike, Lulzim Basha, ka denoncuar dje zhdukjen e kryetarit të PD-së së Hasit, Behar Kastrati. Sipas Bashës “mesnatën e një nate më parë, persona të panjohur kanë rrëmbyer në afërsi të shtëpisë së tij, kryetarin e Partisë Demokratike të Hasit dhe drejtuesin kryesor të fushatës elektorale për deputetin, Jemin Gjana, doktor Behar Kastratin”. Po sipas zëdhënësit të PD-së, në vendin e ngjarjes dje janë gjetur çelësat e shtëpisë së tij. Megjithëse policia e Hasit është njoftuar, tha Basha, ajo nuk ka bërë asgjë për të nisur hetimin. “Doktor Behar Kastrati është një nga personat më të nderuar dhe një mjek i përkushtuar dhe i respektuar i komunitetit”, ka theksuar Basha. Gjithashtu ai ka deklaruar se “Partia Demokratike ka njoftuar edhe Presidentin e Republikës, Alfred Moisiu, për këtë akt kriminal dhe kërkojmë ndërhyrjen urgjente të shtetit”. Zëdhënësi i Partisë Demokratike, Lulzim Basha, ka hedhur akuza të forta dhe ndaj policisë së shtetit për të cilët ka thënë se janë treguar indiferentë dhe kjo indiferencë e policisë, sipas Bashës, hedh hije të forta mbi këtë akt. Drejtuesit e policisë e kanë hedhur poshtë deklaratën e bërë nga zëdhënësi i PD-së se “strukturat e policisë janë njoftuar dhe nuk kanë nisur hetimet”. Ibraj tha se kjo nuk është e vërtetë dhe u ka kërkuar aktorëve të politikës shqiptare që të mos përpiqen të hedhin baltë mbi punën e policisë së shtetit, e cila është i pari institucion i shtetit shqiptar që sapo ka marrë një certifikatë të pakundërshtueshme dhe krejtësisht pozitive për qëndrimin ligjor dhe të depolitizuar gjatë procesit zgjedhor të 3 korrikut”. Ndërkohë burime zyrtare të Ministrisë së Rendit pohuan se krahas policisë lokale, ngjarjen është duke e hetuar edhe një grup special i Drejtorisë së Luftës kundër Akteve terroriste dhe Krimeve të hapura. Menjëherë në drejtim të Krumës, vendit ku ka ndodhur rrëmbimi i shtetasit Behar Kastrati, është nisur edhe vetë drejtori i kësaj drejtorie, Rebani Jaupaj, i cili do të drejtojë hetimet speciale lidhur me këtë ngjarje të rëndë



Shokët: Çdo pasdite mblidheshim për të luajtur futboll
Behari, mjeku në krye të demokratëve hasianë

HAS- Qyteti i vogël i Krumës e ka përcaktuar si një ndër njerëzit më të dashur dhe të respektuar. Tipi i tij i qeshur, sportiv e gjithmonë me dëshirë dhe i gatshëm për t’u qenë pranë të tjerëve janë karakteristikat e përshkruara për Behar Kastratin. Duket se të gjitha këto veti, 40-vjeçarit ia kishte ngjizur dhe profesioni i mjekut. Ai është lindur në fshatin Brut të Kukësit për t’u shpërngulur më pas me familjen e tij në qytetin e Krumës. Rezultatet e shkëlqyera gjatë shkollës së mesme i hapën atij dyert e Universitetit të Tiranës për të përfunduar studimet në Fakultetin e Mjekësisë. Pas përfundimit të universitetit, Kastrati nuk mjaftohet me kaq, por vazhdon studimet pasuniversitare, duke u specializuar si mjek patolog. Që nga koha e përfundimit të shkollës, Behari ka punuar në spitalin e qytetit të tij, në Krumë dhe njihet si një ndër mjekët e rrallë specialistë për sëmundjet e brendshme. Vitet pas ’90-ës e kanë angazhuar atë vrullshëm në politikë, duke përkrahur lëvizjet demokratike në vend e më pas përfshirjes direkt në të. Prej disa vitesh Kastrati është zgjedhur kryetar i degës së Partisë Demokratike në Has dhe aktualisht anëtar i Këshillit Bashkiak. Gjatë fushatës për zgjedhjet e fundit parlamentare, ku kandidoi dhe fitoi kandidati i PD-së Jemin Gjana, Behar Kastrati ishte udhëheqësi i shtabit elektoral të kësaj partie. Ai ka qenë i angazhuar gjatë gjithë fushatës, duke nisur që nga organizimi i saj, me pritjen e kryetarit të PD-së, Sali Berisha në vizitën e tij në Has, takimet në çdo zonë të qytetit dhe në çdo fshat. Madje, anëtarë të stafit të tij pohojnë se ka qenë Behar Kastrati ai që ka udhëhequr fushatën deri në zonat më të thellë kufitare të Hasit. Por jo vetëm pacientët dhe politikanët janë miqtë e tij. Të rinjve të qytetit të Hasit u ka munguar dje mjeku sportist, i cili bashkohej çdo pasdite në fushën e futbollit për të luajtur me ta. Shokët e tij e cilësojnë si tip sportiv, me dëshirë për të qëndruar pranë njerëzve që kanë nevojë për të, qoftë nga ana profesionale, si mjek, qoftë si politikan e qytetar, me qëllimin e mirë për të zgjidhur problemet nga detyra në Këshillin Bashkiak. Behar Kastrati është i martuar dhe baba i tre fëmijëve, dy vajzave dhe një djali. Për ta është tepër e vështirë të mendojnë se dikush i ka bërë keq babait të tyre, i cili respektohej nga të gjithë bashkëqytetarët e tij në Has. Ai ka pesë vëllezër, dy prej të cilëve jetojnë në Durrës, ndërsa të tjerët në qytetin e Krumës.
--
misteri i zhdukjes
ngjarja

Dëshmia e një miku: E pashë në errësirë duke debatuar me dy burra


Has, zhduket kryetari i PD-së

Dyshimi: Eshtë rrëmbyer teksa hynte në shtëpi


Ka pritur sa kryetari i partisë së tij, Sali Berisha ka thënë “natën e mirë” në “Opinion” dhe është ngritur nga lokali i vëllait për të ikur në shtëpi.

Behar Kastrati, kreu i demokratëve të Krumës, është përshëndetur me shokët, pa e ditur se të gjithë do t’i shkonin në shtëpi, kur të mësonin zhdukjen e tij pa lënë gjurmë. Ora sapo kishte kaluar 23.00 të së enjtes, kur, sipas dëshmisë së personit të fundit që e ka parë, Behari ka qenë pranë hyrjes së pallatit, duke debatuar me dy persona. Më pas asnjë lajm, heshtje.

Zhdukja
Behar Kastratin, kryetar i Partisë Demokratike, dega Krumë, mbrëmja e së enjtes e ka gjetur të veshur me tuta sportive, në një tavolinë të mbushur me shokë. Në lokalin e vëllait të Beharit, që të gjithë sy e veshë ishin duke dëgjuar liderin demokrat Berisha për premtimet që do të realizonte, nëse bëhej kryeministër, në një emision televiziv. Në përfundim të emisionit ka lëshuar secili batutat për pretendentin për kryeministër dhe kanë nisur që të largohen një e nga një nga lokali. Behari, bashkë me një polic bashkiak, mik i tij, kanë bërë bashkë disa dhjetëra metra dhe më pas janë ndarë. (Shtëpia e Beharit ndodhet vetëm 200 metra larg lokalit të vëllait). Më pas janë ndarë dhe Behari ka vazhduar i vetëm atë pjesë të rrugës që i ngelej për të bërë. (Sipas dëshmisë së policit bashkiak, rruga ishte krejt bosh në momentin që janë ndarë dhe Behari ka vazhduar vetëm). Por kur i është afruar shtëpisë ku banonte me gruan dhe fëmijët, aty Behari ka qëndruar. Sipas dëshmisë së një personi tjetër, shok i tij, ai e ka parë Beharin nga larg, duke debatuar me fjalë me dy persona. Vetëm kaq. Të nesërmen në mëngjes, të gjithë kanë mësuar se Behari atë natë nuk kishte arritur dot të hapte portën e shtëpisë. Në mënyrë misterioze, ai ishte zhdukur pa lënë gjurmë. Përtokë, disa metra para hyrjes së pallatit, është gjetur tufa me çelësa, që, si duket, i kishte rënë pa e pasur mendjen. Familja ka pritur deri në mëngjesin e së premtes se Behari kthehej, por më kot. Ai shkonte edhe në ndonjë fshat të largët për ndonjë urgjencë, por këtë radhë telefoni i tij ishte i fikur. Nuk kishte bërë vaki që të largohej ndonjëherë në këtë mënyrë. Kur ka zbardhur familjarët kanë kërkuar edhe në spital, por sërish mister. Nuk kishte asnjë gjurmë të Beharit. Atëherë nuk ngeli gjë tjetër veçse të jepej alarmi.

Kërkimet
Me dhjetëra forca policie janë nisur nga Kukësi, një helikopter ka mbërritur nga Tirana, drejtori i Policisë së Kukësit Asllan Noga, drejtori i përgjithshëm i Policisë së Shtetit, Bajram Ibraj, drejtues të strukturave të policisë sekrete, të antiterrorit dhe të forcave speciale kanë zbarkuar paraditen e djeshme në Krumë. Asnjëherë në qytetin e vogël verilindor nuk kishte pasur një dyndje të tillë uniformash blu. Forcat e rendit nga toka dhe helikopteri nga ajri kanë krehur gjatë gjithë paradites së djeshme të gjithë zonën që rrethon qytetin e Krumës, me fusha e me kodra, me pyje e më gërxhe. Asnjë shenjë, apo lëvizje e dyshimtë nuk e ka tërhequr vëmendjen e policisë. E ndërkohë që policët bënin detyrën në terren, drejtori Ibraj ka mbërritur në shtëpinë e Behar Kastratit, ku është takuar me babanë dhe familjarët e të zhdukurit. Pasi i ka ngushëlluar për gjendjen në të cilin ndodheshin, Ibraj është shprehur: Unë kam punuar vetë në Kukës e Has dhe e njoh mirë mentalitetin e zonës. Ky krim nuk ka të bëjë aspak me këtë zonë. Ky është një krim tipik mafioz, i cili do të zbulohet shumë shpejt. Kemi angazhuar forca të mëdha policore dhe kërkojmë edhe bashkëpunim tuaj si familje”. Më tej Ibraj, ka pyetur edhe në lidhje me ndonjë konflikt që mund të kishte pasur Behari me persona të dytë. Ka qenë babai i Beharit, Faiku, ai që i ka sqaruar kryepolicit Ibraj, se jo vetëm Behari, por asnjë nga 6 djemtë e tij nuk kishin probleme personale. “Unë besoj se zhdukja e djalit tim ka të bëjë thjesht me fushatën dhe asgjë më shumë. Iu bëj thirrje atyre që më kanë rrëmbyer djalin, që të ma sjellin në shtëpi dhe me mua nuk do të kenë asnjë borxh. Le të merret shteti me ta, në se do”.



Pas tyre edhe demokratët me Gjanën dhe Meminë
Socialistët vizitë në shtëpinë e rivalit të zhdukur

Megjithëse një ngjarje që i ka dhimbur në shpirt të gjithë qytetit të Krumës, demokratë e socialistë kanë mbërritur të ndarë në shtëpinë e Behar Kastratit. Askush nuk di se çfarë emri t’i vejë kësaj ngjarjeje të paprecedentë në zonën e Hasit: rrëmbim, zhdukje, marrje peng... Të gjithë janë të shastisur. Edhe aludimet për motivet janë nga më të ndryshmet, qoftë edhe duke përfshirë agjenturat e huaja në këtë ngjarje misterioze. Por si emërues të përbashkët, të gjithë i venë motivin politik.
Të parët që kanë hyrë në derën e hapur të familjes të Kastrati kanë qenë përfaqësuesit vendorë, si prefekti, nënprefekti, kryetari i bashkisë, drejtori i policisë Ibraj, si dhe kandidati humbës socialist Rexhep Ukperaj. Që të gjithë kanë shprehur pikëllimin për një ngjarje të tillë dhe i kanë premtuar familjes Kastrati se do të venë në dispozicion të gjithë pushtetin që zotërojnë për t’iu gjendur pranë.
Rreth një orë më vonë, në këtë familje kanë mbërritur edhe përfaqësuesit e djathtë. Jemin Gjana, i cili fitoi edhe zgjedhjet në këtë zonë, Shaban Memia dhe shumë anëtarë të tjerë të Partisë Demokratike, ku Kastrati ishte kryetar, kanë shprehur dhimbjen e tyre, njëkohësisht edhe habinë për këtë ngjarje.
Gjatë gjithë natës kanë vazhduar edhe operacionet e kërkimit për Beharin, por sërish nuk ka pasur asnjë gjurmë nga ai.



kronologjia

Ora 22.00
Behar Kastrati është në lokalin e vëllait të tij, bashkë me një grup shokësh, duke parë liderin demokrat në një emision televiziv
Ora 23.00
Behar Kastrati del nga lokali i vëllait dhe niset drejt shtëpisë, i shoqëruar nga një mik i tij, që punonte në policinë bashkiake
Ora 23.03
Një mik e shikon Behar Kastratin, i cili ishte afër shtëpisë së tij dhe po debatonte në errësirë me dy persona të shëndoshë
Ora 08.00
Fëmijët gjejnë para derës së shtëpisë një tufë çelësash të Behar Kastratit, që gjendeshin për tokë
Ora 10.00
Familja e Behar Kastratit bën denoncimin në polici për zhdukjen e tij, pasi nuk e gjejnë as në spital ku shërbente si patolog
Ora 19.00
Në familjen e Behar Kastratit mbërrin drejtori i përgjithshëm i policisë Bajram Ibraj, i shoqëruar nga drejtues të tjerë vendorë
Ora 20.00
Në familjen e Behar Kastratit mbërrin një grup deputetësh të djathtë, të cilët ishin në një parti me të zhdukurin pa lënë gjurmë


--gazeta Panorama.--


---


...




Edhe Hoxha i Gostivarit qe u rrembye para 1 viti e ca nuk eshte gjetur akoma.
Duket qe i njejti brume qe rrembeu Hoxhen vepron dhe ne Has.

[Marinari]

Brari pas kesaj fitore te Berishes a ke shprese te ktheheshe e te punoshe aty ku ke punuar me pare???!!!E meriton se per bese i ke kallur tre kompjuter deri me tani duke i bere transparence Berishes e PD-se!Por fitore jo stabile po me duket Brari,apo si e komenton ti?

Brari per hogjen e Gostivarit mos baje kasavete ti...se hogja duhet te ruhet e jo ti ngacmoj grate e huaja...rrezik tensioni i nalte ti perzihesh shqiptarit ne moral...
Lulash hogje kishte qene edhe ai...

[Brari]

marinar ..i Thaq Qose jakupit..

shkove votove por nuk fitove..
adhahile sa ishit atje prej jush ne sherbim te Nanos?
A ju piu uje ai thesi me certifikata ?



Bukur po mundohesh ta justifikosh zhdukjen e Hoxhes se Gostivarit..

Ngo marinari..
Ata qe ngucin grate juve (ju enveristo-kloso-nano-kriminelet e Kosoves ) i beni kryetara qe te qeverise ne hije. Kurse tutoret tuaj..enveroisto-nano-rucoistet e Shqiperise ngucesit e grave bile dhe vrasesit e grave i bejne kryetara partie e qeverie..

kjo parulla jote se kinse hoxha i Gostivarit eshte zhduk per pun femrash eshte shum pa krip...e nuk mashtron njeri..
Kjo verteton se ti personalisht ke lidhje me kte ceshtje..
Hoxha u rrembye ne Gostivar (maqedoni) u kalua i lidhur neper Kosove e pastaj neper Has e Kukes dhe zhduken gjurmet deri ne vLore..
ju i kerkua te vllait te hoxhes mbi 1 milion euro qe ju duheshin mafies tuaj LPK-iste ..
Te gjitha gjurmet e faktet tregojne se jeni juve banditet enveriste te Kosoves dhe banditet nanoiste te Kukesit autore te zhdukjes se Hoxhes.

Nuk e permenda kot Hoxhen tani me rastin e zhdukjes se atdhetarit dhe Demokratit Humanist te zones Kukes-Krume .. Behar Kastratit..

Sepse dhe ti me nderhyrjen tende me binde qe jeni po ju te lidhur me keto kidnapime e vrasje..

sic e shikon o HIJE.. Populli ju ndeshkoi me Vote si ne Kosove si ne Shqiperi..

Kjo eshte nje Mrekulli.

Po ju vjen fundi.

Besoj ke bere shoqerimin per ne Kosove te kriminelit Kulla qe vrau diten e votimit veprimtarin demokrat Vathin..
edhe Jaho Salihin e mbajtet atje te fshehur disa kohe.

Por ditet i keni te numeruara.

Po ju vjen gjyqi i madh..

[Marinari]

Brari me te vertete ti di te dredheshes e te zdhdredhesh!!!
Merre me mend se ç'ka shkruan:hogjen e muaren lidhur nga Gostivari dhe neper Kosove te lidhur e kaluan ne Krume e Has e deri ne Vlore...si te ishte zone operative kjo e kontrolluar nga partizanet e xhaxhit....Brari edhe hogjes ja kenda *qervishin poashtu edhe ai ka halete apo jo?
Tjeter eshte krejt rasti i Komisionerit Kastrati,por ti nga pa dija i perzien gjerat e i ben skllote...
Rasti i komisionerit Kastarati ka prapavije politike,kjo shihet qarte!

Brari tani pasi deshtoi "ideali"yne ne votime,une kam frike te vij ne Shqiperi tani e tutje nga ti dhe shoket tuaj.Por une besoj qe do e hani karroten edhe ju?!Si?!Ju demokratet se pari vitin e pare jeni idealiste dhe e mbani pushtetin,por ne vitin e dyte ju kaloni ne korrupsion dhe e pate puna e pushtetit.Keshtu ngadale,ngadale te dhenur pas korrupsionit e harroni idealizmin dhe i dorzoni ne pjate PS pushtetin shume shpejt....dhe keshtu e hani karroten.Nuk mbani pushtet stabil ju se jeni cuba...
Hajde Brari pergjigju a ja kam qelluar?Ua njohe surratin une juve demokratve te Sales.U kam studjuar mire heret...

[Brari]

Prapavijat politike or ti Marinar tek Paraja i keni se ideale tjera nuk dim ne se keni.
Ata qe kidnapuan Imamin e Gostivarit kerkuan miljona euro e ata ishin disa njerz te cilet shpesh i sheh ne Tv e gazeta si partizan te vijave te forta..s kinse Per Bashkim Kosov Shqiperi etjetj..
Por ideali tyre eshte ne fakt Paraja e kjo duket qarte tek ai Kryetari LPK-s enveriste i cili direkt esht i lidhur ne rrembim e Hoxhes.
Keshtu eshte dhe shoku juaj Idajet Beqiri..
Marinar.. ti nuk e ke pas fatin te njohesh Demokratet.. sepse Demokrati sa po ju nuhat ne fjalen e pare ju kthen shpinen juve enveristave qe dhe ne tiran kur keni ardh ishit me sherbim nga sigurimi..
Doktor Saliun ju nuk e urreni se eshte Sala hajn e ju nuk i duroni hajnat.. perkundrazi ju me hajnat bukur shum merreni vesh.
Sala i mori votat pikerisht sepse nuk eshte Hajn.. dhe populli kete radhe denoi Hajnat.. pra tutori juaj o Marinar..PS..ja eshte nje hajneshe dhe ju hajna e kjo e vertetuar sa here kur kfori ju ka gjet dysheket plot me euro.. (vllaun e Thaqit e Sabri Fejzullahun..)
Mjafton te kujtoj ty servilizmin tuaj ndaj Nanos.. megjithse e dini mir qe esht hajn..
Ju per xhepat e Nanos bet dhe "luften" .. at luft qe i kushtoj mijra e mijra te zhdukur e te masakruar Kosoves..
shyqyr qe na doli Nato e i ka shpetue ata 3 miljon Shqiptar se ju ishit gati me ja ba ata 3 milion kurban bajonetave te Arkanit.. vec xhepi Nanos mos te mbetej bosh..
Bukur shume na sqaron ne popullin qe nuk i dim me kohe planet tuaja te fshehta ajo biseda e Rognerit mes Nanos dhe Abdiut..
Ajo bised ju a ka nxjerr lakuriq krejt ndyresit..
Ju ishit te tmerrshem..
Tash o Marinar njerzit do marrim frym lirisht.. e kushedi ckemi per te degjuar..
Brari ska pas poste kurre por Krimet tuaja njihen edhe nga njerzit e thjeshte..

Marinar.. kur Nanon e gjeti Kamera ne Selanik duke bere orgjira ne dit-zine e aksidentit te gjimnazistave ju plaset nga marazi jo per gjimnazistet por se Enveri juaj u zu me presh ne duar.. por ju u mobilizuat e deri sa me dhune i moret familjaret zemer plagosur e ja cuat Nanos ne zyre nuk ju zuri gjumi..
Ky rast do mbahet mend sii vepra me servile dhe me e neveritshme e qose jakupo Thaqo Halitoistave te Kosoves..


Tash te shohim cthon Gazetat..




Shekulli

--


--

Arrestohen dy persona, emrat e të cilëve ishin përmendur në letër.
Sipas letrës, Behar Kastrati ishte vrarë në Cahan

Letra: Kreu i PD-së së Hasit është ekzekutuar


Bashkim Shala

HAS - Ndërsa vazhdojnë kërkimet për gjetjen e kryetarit të PD-së së Hasit, Behar Kastrati, që rezulton i zhdukur që prej mesnatës të së enjtes, një letër e gjetur në mëngjesin e djeshëm, pranë godinës së bashkisë së Krumës ka çorientuar policinë dhe të afërmit e tij. Në letër thuhej se Behar Kastrati është ekzekutuar nga dy persona, në fshatin Cahan të rrethit të Hasit. Madje shkruesi i letrës kishte treguar dhe emrat e dy personave që e kishin rrëmbyer atë dhe më pas e kishin ekzekutuar. Fill pas gjetjes së kësaj letre, policia e Hasit e ndihmuar dhe nga forcat speciale që kanë mbërritur në këtë rreth kanë ndërmarrë aksionin për ndalimin e dy personave. Burime të policisë thanë për gazetën se kanë ndaluar shtetasit S. Gjenci dhe G. Sahini, emrat e të cilëve janë përmendur në letrën e gjetur. Grupi hetimor nuk jep asnjë detaj tjetër lidhur me dy personat e dyshuar si autorë të rrëmbimit të kreut të PD-së së Hasit, njëkohësisht dhe mjek i njohur në këtë rreth. Burimet thanë se ata janë marrë në pyetje lidhur me këtë ngjarje dhe konkluzionet do të jepen në ditët në vazhdim.

Letra dhe policia
Burimet thanë për gazetën se në mëngjesin e djeshëm, në afërsi të godinës së bashkisë së qytetit të Krumës u gjet një letër e shkruar me gërma kapitale, ku thuhej se Behar Kastrati është eliminuar fizikisht në fshatin Cahan të rrethit të Hasit. Dy personat tashmë të arrestuar, sipas letrës, ishin protagonistë të rrëmbimit dhe të ekzekutimit të mjekut pathollog, njëherazi dhe kryetar i PD-së së rrethit të Hasit. Fill pas gjetjes së kësaj letre, forca të policisë kanë shkuar në fshatin Cahan të Hasit, por nuk kanë gjetur asnjë gjurmë që të çonte në gjetjen e trupit të Behar Kastratit ashtu siç ishte shkruar në letër. Megjithëse policia ka arrestuar dy personat, emrat e të cilëve implikoheshin në letër për rrëmbimin e Kastratit, grupi hetimor nuk përjashton mundësinë se letra është shkruar për të çorientuar uniformat blu në veprimet e saj. Gjithsesi dhjetëra forca të policisë së qarkut të Kukësit janë vënë në kërkim të Behar Kastratit, që rezulton i zhdukur që prej mesnatës të së enjtes. Në Krumë ndodhen dhe drejtues të lartë të policisë së shtetit, të cilët po drejtojnë operacionet e kërkimit për gjetjen e 40-vjeçarit të zhdukur. Drejtori i Policisë së Shtetit, Bajram Ibraj, që ka mbërritur menjëherë në Krumë pas ngjarjes së rëndë, tha se për këtë ngjarje është njoftuar dhe UNMIK-u në Kosovë, pasi nuk përjashtohet mundësia se pengmarrësit mund të kenë kaluar kufirin bashkë me pengun. Burimet thanë se policia shqiptare po mban kontakte të vazhdueshme me policinë e UNMIK-ut në Kosovë, pasi dyshohet se Kastrati mbahet i izoluar në rajonin e Prizrenit. Në Krumë janë instaluar dhe përfaqësues të strukturave më të larta të Shërbimit Informativ Shtetëror.

Zhdukja
Behar Kastrati, me profesion mjek dhe njëkohësisht kreu i PD-së së rrethit të Hasit, rezulton i zhdukur që prej orës 23:40 të së enjtes. Ai mendohet të jetë rrëmbyer në afërsi të shtëpisë së tij, në qytetin e Krumës. Sipas një dëshmitari, emri i të cilit mbahet sekret nga policia, rreth orës 23:40 të së enjtes ai (dëshmitari) ka parë dy persona që po bisedonin me Behar Kastratin, por pa ditur se kush ishin dhe çfarë qëllimi kishin. Zhdukja e mjekut Kastrati u denoncua në paraditen e djeshme nga të afërmit e tij. Behari nuk kishte qenë pranë familjes gjatë natës duke u gdhirë dita e djeshme, por familjarët nuk janë shqetësuar, pasi ai zakonisht punonte si mjek roje në spital, apo shkonte për ndonjë urgjencë në ndonjë fshat të rrethit të Hasit. Shqetësimi i familjarëve lindi kur telefoni i Beharit dilte gjithmonë i mbyllur. Ndërsa gjetja e çelësave të kreut të PD-së, pranë shtëpisë së tij, e ka rritur dhe më tepër shqetësimin e të afërmëve që më pas kanë lajmëruar policinë.


Behar Kastrati
Behar Kastrati, me profesion mjek, është baba i tre fëmijëve, më i vogli i të cilëve është vetëm një muajsh. 40-vjeçari është një njeri i njohur në zonë, jo vetëm për profesionin që kryen, por dhe si aktivist dhe drejtues i PD-së. Në fushatën për zgjedhjet e 3 korrikut Kastrati ishte mjaft aktiv. Ai ishte shef i shtabit elektoral të kandidatit Jemin Gjana, që fitoi ndaj rivalit të tij socialist.


Rrëmbimi

Behar Kastrati, me profesion mjek dhe njëkohësisht kryetar i PD-së për rrethin e Hasit, rezulton i zhdukur që prej orës 23:40 të së enjtes. Kastrati ishte duke u kthyer në shtëpinë e tij, pasi kishte ndjekur në një lokal emisionin “Opinion”, ku ishte i ftuar kryetari i Partisë Demokratike Shqiptare, Sali Berisha. Një dëshmitar ka thënë se në ato orë të vona të natës ka parë Kastratin duke debatuar me dy persona


Zhdukja e Imamit
Rrëmbimi i Behar Kastrait në qytetin e Krumës, pason atë të imamit të Gostivarit, Irfan Idrizi, i cili rezulton i zhdukur që prej tre vjetësh. Në bazë të dëshmive, Imami i Gostivarit mendohet se ka qarkulluar edhe në rrethin e Hasit dhe atë të Kukësit, ku dhe mendohet të jetë marrë peng. Madje lidhur me zhdukjen e Imamit janë katër persona nga rrethi i Kukësit dhe një maqedonas, të cilët tashmë janë në gjyq



10/07/2005

[Brari]

Ministria e Rendit, inekzistente në kryerjen e hetimeve për gjetjen e kryetarit të PD të Hasit


Policia hesht për rrëmbimin e Behar Kastratit



Kanë kaluar pesë ditë nga zhdukja e kryetarit të Partisë Demokratike të Hasit, Behar Kastrati, dhe ende nuk dihet asgjë për fatin e tij. Ndonëse zhdukja e mjekut dhe kreut të PD të Hasit u njoftua menjëherë nga familja, policia nuk ndërhyri në kohë për gjetjen e tij dhe zbulimin e autorëve të këtij akti terrorist. Kryetari i PD të Hasit, Behar Kastrati, ishte njëkohësisht edhe kryetar i shtabit elektoral të kandidatit demokrat në zgjedhjet e 3 korrikut dhe zhdukja e tij u krye pas përfundimit të zgjedhjeve ku doli fitues kandidati i PD, Jemin Gjana.

Ministria e Rendit ende nuk ka asnjë të dhënë për zhdukjen e kryetarit të PD të Hasit. Kjo ministri vuri në dispozicion një shumë qesharake për shtetasin që jep informacion për vendndodhjen e kryetarit të PD të Hasit, Behar Kastrati. Ministria e Rendit deklaroi se ka vënë në dizpozicion 1 milion lekë për informatorët një ditë pasi Partia Demokratike kishte vënë një premio për cilindo që kishte informacion për kryetarin e PD të Hasit. Në fakt ishte detyrë e Ministrisë së Rendit që të hetonte dhe të përdorte çdo mjet për të gjetur kryetarin e Partisë Demokratike të Hasit, por ky dikaster nuk ka ndërhyrë në kohë për gjetjen e tij.

Rrëmbimi i kreut të PD të Hasit, Behar Kastrati, është një akt terrorist politik dhe si i tillë ky veprim kërkonte edhe ndërhyrje të menjëhershme nga strukturat e policisë së Toskës. Kastrati është rrëmbyer nga persona ende të panjohur menjëherë sapo ai ka dalë nga lokali i vëllait të tij ku kishte ndjekur intervistën e kryetarit të PD, Sali Berisha në "Tv Klan". Ngjarja e rëndë ka ndodhur rreth orës 23:30 të natës së enjte dhe familjarët kanë njoftuar menjëherë në mëngjes policinë për rrëmbimin e kryetarit të PD, Behar Kastrati, por policia nuk ndërhyri në kohë.

Megjithëse kanë kaluar pesë ditë nga rrëmbimi i kryetarit të PD-së së Hasit, asgjë nuk dihet për fatin e tij. Para tre ditësh u bë e ditur se ishte gjetur një letër ku flitej për ekzekutimin e Kastratit dhe në letër ishin shkruajtur edhe dy emrat e personave që kishin kryer aktin kriminal, por dy personat e shoqëruar të shtunën në mesditë në policinë e Kukësit, pasi emrat e tyre ishin shkruar në letrën anonime që i implikonte ata në rrëmbimin e Kastratit, u liruan të dielën në mbrëmje. Dy të ndaluarit nga policia ishin Skënder Ngjeçi e Gëzim Cahani nga qyteti i Krumës. Shoqërimi i tyre u bë pas publikimit të një letre anonime, e shkruar me dorë dhe me gërma kapitale në të cilën thuhej se dy personat e shoqëruar ishin të implikuar në pengmarrjen e Behar Kastratit. Sipas letërshkruesit, kryetari i PD-së së Hasit është ekzekutuar në fshatin Cahan, rreth 20 kilometër në lindje të qytetit të Krumës, por pas kontrolleve nuk është gjetur asnjë gjurmë për eleminimin e Kastratit.

Mjeku Behar Kastrati, i PD-së për rrethin e Hasit dhe njëkohësisht kryetar i shtabit elektoral të kandidatit të PD për deputet, Jemin Gjana, u rrëmbye rreth orës 23:30 të së enjtes në afërsi të shtëpisë së tij, në qytetin e Krumës. Një dëshmitar ka bërë të ditur se rreth orës 23:30 të së enjtes ka parë dy persona që po bisedonin me Behar Kastratin, por ai nuk i ka njohur ata dhe nuk ka ditur se çfarë qëllimi kishin. Zhdukja e mjekut dhe kryetarit të PD të Hasit, Behar Kastrati, u denoncua nga familjarët paraditen e së premtes.

Kryetari i Partisë Demokratike, Sali Berisha, i ka kërkuar Presidentit të Republikës që të ndikojë pranë organeve kompetente për shpejtimin e hetimeve rreth zhdukjes së kryetarit të Degës së PD Has, Behar Kastrati. Berisha tha gjatë një konference shtypi, se nisur nga hetimet e deritanishme, "ka të dhëna serioze që bëjnë të dyshohet se zhdukja e Kastratit është një akt terrorist i mirëfilltë politik, i stampës politike". Berisha bëri të ditur se, "PD është e vendosur të caktojë një prim, një shpërblim për të gjithë ata që japin të dhëna të sakta për krimin e shëmtuar, ndërsa kërkojmë nga Presidenti i Republikës të urdhërojë organet përkatëse të bëjnë çdo gjë, në mënyrë që zhdukja e politikanit kryesor të Hasit të hetohet me shpejtësi dhe transparencë". Kryetari i PD, Sali Berisha tha se, "hetimet e deritanishme faktojnë se Behar Kastrati, ky mjek, prind, qytetar i mrekullueshëm, politikan i talentuar, nuk ka patur asnjë lloj ngatërrese familjare apo personale me njeri".

R.P



RD

[mani]

Has/ Zhdukja e kryetarit të PD-së. Shpallet në kërkim pronari i "Peugeut" të bardhë

Mjeku Kastrati peng në Kosovë?
Drejtori Ibraj dje takim urgjent me UNMIK-un




Dyshimi se kreu i PD së Hasit, Behar Kastrati mund të mbahet peng në Kosvë, ka dërguar dje pasdite me urgjencë drejt Prishtinës, drejtorin e përgjithshëm të policisë shqiptare Bajram Ibraj. Sipas burimeve zyrtare nga ministria e rendit, Ibraj ka realizuar një takim me drejtuesit e UNMIK-ut në lidhje me çështjen "Kastrati", por nuk bëhet e ditur nëse ka siguruar informacione të vlefshme për zbardhjen e saj. Dyshimi për mbajtjen peng të mjekut të mirënjohur të Hasit, të zhdukur që prej pesë ditësh e ka ngritur fillimisht shtypi kosovar, sipas të cilit një grup keqbërësish e kishin strehuar Kastratin në një lokalitet praën Prizrenit. Edhe pse, UNMIK-u nuk e ka konfimuar zyrtarisht një fakt të tillë, kreu I policisë shqiptare ka kaluar dje rreth orës 17.00 pikën e kalimit kufitar të Morinës për të realizuar një takim me homologët e policisë kosovare. Një hetim I tillë I ka ringjallur më tepër shpresat e familjarëve dhe të afërmve të kryetarit të PD-së së Hasit, të cilët nuk kanë marrë asnjë sinjal prej tij që prej disa ditësh.

Hetimi
Nga burime të grupit special hetimor që po merret me çështjen "Kastrati" mësohet se gjatë ditës së djeshme është lëshuar një urdhër drejtuar policisë për të identifikuar dhe ndaluar një shtetas të dyshuar(për arsye të sekretit hetimor nuk po e publikojmë emrin e tij) se ka dijeni rreth kësaj ngjarjeje. Sipas burimit të cituar thuhet se "personi i dyshuar është nga veriu i vendit dhe mendohet se ka lidhje familjare me trungun farefisnor të viktimës. Ky shtetas është i skeduar nga policia pasi ka patur precedentë penalë dhe në të shkuarën, madje ka qenë dhe i arrestuar. Ky person i identifikuar në rrugë operative është parë të qarkullojë në rrethin e Hasit para ngjarjes me një autoveturë të prodhimit francez tip "Peugeut", me ngjyrë të bardhë e targa të Hasit". Burimi i cituar nuk ka dhënë detaje në lidhje me dyshimet që rëndojnë mbi këtë person dhe rolin e tij në zhdukjen e mjekut Kastrati. Grupi hetimor nuk e ka përjashtuar pistën e transportimit të mjekut Kastrati drejt Kosovës nga autorët, që kanë organizuar rrëmbimin e tij, madje një version të tillë e ka mbështetur tre ditë më parë dhe një gazetë serioze në Prishtinë.

Letra
Grupi special hetimor dhe policia e rretheve Has e Kukës nuk kanë ende asnjë vizion të qartë në lidhje me fatin e mjekut Behar Kastrati edhe pse kanë kaluar pesë ditë nga zhdukja misterioze e tij. Shoqërimet e një numri të madh personash nuk kanë dhënë asnjë drejtim për zbulimin e çështjes, e cila vazhdon të jetë e mbuluar nga një mjegull e denduar. Hetuesit shpresojnë të arrijnë diçka nga ekspertiza që po i bëhet letrës së hedhur nga një person anonim pranë bashkisë së Krumës. Pavarsisht faktit se dy personat emrat e të cilëve ishin shënuar në letër si ekzekutorët e Kastratit u liruan, për shkak se paraqitën një alibi të fortë për pafajësinë e tyre, hetuesit mendojnë të nxjerrin diçka prej saj. Letra anonime që u gjet mëngjesin e së shtunës, po i nënshtrohet analizave laboratorike në Institutin Shkencor të Kriminalistikës. Po analizohet shkrimi dhe gjurmët e gishtërinjve që mund të jenë lënë nga autori në sipërfaqjen e letrës. Autori i saj dyshohet të ketë dijeni mbi fatin e mjekut 40- vjeçar Behar Kastrati, dhe në këtë mënyrë është përpjekur të çorientojë hetimet rreth zhdukjes së tij. Kaligrafia e autorit të letrës ka qenë mjaft e keqe por nuk janë humbur shpresat që të zbulohet identiteti i tij.


19-vjeçari Zijadin Kastrati humbi në Kosovë

Si u zhduk pesë vjet më parë kushëriri i mjekut Kastrati
Pesë vjet më parë një kushëri i mjekut Behar Kastrati është zhdukur në rrethana misterioze dhe deri sot nuk ka asnjë dijeni për fatin e tij. Ka qenë 19 shtatori i vitit 2000, kur Zijadin Kastrati 19 vjeç, sëbashku me një grup bashkëmoshatarësh është nisur në drejtim të Kosovës për të blerë një autoveturë, pasi çmimet e tyre matanë kufirit ishin më të lira se në Shqipëri. Sipas familjarëve të tij Zijadini ka patur me vete 4 milionë lekë të vjetra, me të cilat do të blinte autoveturën. Familja ka pritur që ai të kthehet në darkë, por një gjë e tillë nuk ka ndodhur as të nesërmen. Të shqetësuar nga kjo ngjarje familjarët e viktimës kanë pyetur personat me të cilët ai kishte shkuar në Kosovë, por nuk kanë marrë asnjë përgjigje. Qysh nga ajo kohë e deri më sot familja e Zijadin Kastratit e ka kërkuar djalin e vet në gjithë brezin kufitar, në Kosovë e gjithkund tjetër, por nuk ka marrë asnjë përgjigje. Kjo familje pati vënë në dispozicion dhe një shumë parash për personin që do të tregonte mbi fatin e të birit, apo vendodhjen e trupit të tij, nëse ai ishte vrarë. Dyshimet e familjes janë se Kastrati mund të jetë vrarë për t'i marrë paratë, që kishte me vete dhe trupi i tij të jetë groposur.

[Brari]

kj
-
E Merkure, 13 Korrik 2005


ENIGME FATI I KASTRATIT

Tirane - Pas bisedimeve te dy diteve me pare te Drejtorit te Pergjithshem te Policise Bajram Ibraj me Komisionerin e Larte te UNMIK-ut per policine, Kai Vittrup per zhdukjen e kryetarit te PD-se, dega Has, Behar Kastrati, u mor vendimi per ngritjen e nje grupi pune, i cili do te kryesohet nga Drejtori i Luftes Kunder Krimit te Organizuar, kolonel Friedrich Scheidt. Sipas zedheneses se Drejtorise se Policise se Shtetit, Edlira Teferici, mesohet se edhe policia shqiptare ka intensifikuar hetimet per kete ceshtje. Kryekomisari Rebani Jaupaj eshte nisur drejt Hasit ne date 8 korrik me urdher te drejtorit Ibraj. Keto dy grupe pune do te mbajne kontakte te vazhdueshme, duke vleresuar dhe analizuar cdo informacion qe ndihmon ne zbardhjen e ceshtjes. Grupi i punes eshte ngritur pas supozimeve te bera nga gazeta kosovare se Kastrati ndodhet ne Kosove dhe eshte marre peng. Por nje dite me pas zedhenesi i UNMIK-ut Shefki Morina, eshte shprehur se nga informacionet zyrtare qe kjo polici disponon nuk i rezulton qe Behar Kastrati te kete kaluar kufirin. Por megjithate kane filluar hetimet dhe policia Kosovare ka kryer kontrolle ne zonat kufitare me Shqiperine. Prej gjashte ditesh funksionari i PD-se Behar Kastrati figuron I zhdukur dhe ende asnje gjurme nuk eshte gjetur per vendndodhjen e tij. Policia e Kukesit ka kryer shoqerimin e mbi 30 "te personave.

D.S

[Brari]

panorama

..
Kalon java nga rrëmbimi i Behar Kastratit. Familjarëve u shuhen shpresat që është gjallë


Mjeku i zhdukur, 70 persona në pyetje

Mbërrin në Has delegacioni i PD-së kryesuar nga Bode

Nga i dërguari ynë në Has
Afro 70 persona janë marrë në pyetje deri tani për zhdukjen e mjekut dhe kryetarit të Partisë Demokratike, Behar Kastrati. Familjarët e 40-vjeçarit të zhdukur që më 7 korrik tashmë nuk kanë më shpresa se Behari është gjallë.

Asnjë sinjal apo presion nga dikush që kërkon diçka në këmbimin të lirisë të Beharit nuk është ofruar. Në familjen Kastrati dhimbja dhe tmerri kanë pllakosur bashkë me lumin e njerëzve, që vërshon çdo ditë në shtëpi. Partia Demokratike e ka thyer heshtjen, duke nisur nga Tirana një grup deputetësh të kryesuar nga Ridvan Bode. Këta të fundit, pasi kanë bërë vizitë në shtëpi, kanë kontaktuar edhe me autoritetet lokale, për të mësuar mbi ecurinë e hetimeve. Deri tani, të gjitha pistat e hedhura në shtyp konsiderohen thjesht sensacione dhe në to nuk ka asgjë të vërtetë. Enigma e zhdukjes së mjekut patolog të spitalit të Krumës sa vjen e thellohet. Policia e Kukësit dhe Prokuroria e Krimeve të Rënda ende nuk kanë një pistë të përcaktuar qartë, rreth së cilës po hetohet. Burime nga grupi hetimor bëjnë të ditur se nuk ka të paktën një gjurmë që mund të vërtetojë se Kastrati ka pasur probleme personale të pazgjidhura. Gjithashtu, edhe përgjimi i telefonatave nuk ka nxjerrë gjë në dritë. Megjithatë, policia vazhdon të mbajë shpresa se vetëm në këtë mënyrë do të arrihet diku. Sakaq, numri i forcave policore të përqendruara në Has është reduktuar. Policia e Kukësit ka pohuar se krahas përgjimeve telefonike, edhe në terren nuk është ndërprerë kërkimi. Nga ana tjetër e kufirit, në Kosovë, nuk ka asnjë shenjë që Kastrati të jetë dërguar atje.
Hetues të çështjes kanë marrë në pyetje dhe familjarët e Kastratit. Nga marrja në pyetje e familjarëve dhe gruas së tij nuk rezulton në asnjë rast që ai të jetë kërcënuar ose të ketë pasur probleme me njeri. Për familjarët, pista e vetme mbetet ajo politike, pasi ai u rrëmbye vetëm pasi u zgjodh kryetar i degës së PD-së së Hasit dhe kjo parti doli fituese në zgjedhjet e fundit parlamentare në këtë rreth. Po nga familja mësohet se, pista të tilla sikur Kastrati ka pasur grindje me ndonjë person tjetër që në vitin 1995 dhe se ai ka tentuar të vrasë një person për motive pronësi në Krumë hidhen kategorikisht poshtë. “Ka shumë thashetheme që vetëm sa e zgjasin humbjen e njeriut tonë. Ne nuk ua kemi vënë seriozisht asnjëherë veshin këtyre thashethemeve, që synojnë të largojnë vëmendjen nga pista e saktë e ngjarjes. Ne këtu jemi prej 23 vitesh dhe ia kemi kaluar shumë mirë me të gjithë njerëzit. I kemi respektuar, na kanë respektuar, sidomos Beharin që ua ka shërbyer njerëzve dhe është votuar prej tyre si këshilltar i bashkisë dhe si kryetar i partisë. Politika e ka marrë peng njeriun tonë”, është shprehur Vjollca Behari.
Enigmë ka mbetur dhe identifikimi i atyre personave që kanë shkruar letrën që aludonte për dy bashkëqytetarë të Beharit si pengëmarrës të tij. Pas arrestimit të tyre, kjo alibi ra poshtë ndërkohë që dy të akuzuarit vizituan familjen Kastrati, duke u betuar edhe para Kanunit se nuk kishin gisht në zhdukjen e djalit të tyre. Behar Kastrati u mor peng mesnatën e së enjtes, kur po shkonte në shtëpinë e tij. Disa fëmijë të nesërmen gjetën çelësat e makinës së tij dhe më pas u dha alarmi i zhdukjes. Mbërritja e grupit të deputetëve demokratë, pritet të ndikojë në përshpejtimin e hetimeve.



Familja Kastrati

Familja e Behar Kastratit është më origjinë nga fshati Brrut, pranë Kukësit të vjetër, i përmbytur i tëri nga ujërat e liqenit që në vitin 1978. Pas shpërnguljes së fshatit, familja e Beharit u vendos në Krumë, në një prej pallateve të qytetit dhe nuk kishin asnjë pronë në këtë qytet.




..