Postuar mė parė nga
Shpirta
"Kam rene ne mendime" Nuk eshte kjo nje forme e cuditshme per t'u shprehur ?
Te biesh ne mendime . Ku bie ? Nga bie ?
Mendimet valle ndodhen diku tjeter pervec kokes tone ? Ndodhen diku , ne nje ene ? Jane mbledhur aty dhe ne here pas here hidhemi si ne nje pishine dhe zhytemi ne te .... apo ... ne to ? Apo mos ndoshta ndodhen ne nje vid , ne nje hapesire qe s'eshte hapesire , sepse nuk ekziston , por qe ekziston sepse ne "biem " ne te . Nga biem ? Ku kemi hipur qe te biem ?
" Bie ne mendime " Sikur jemi dy gjera te ndryshme , ekzistenca dhe mendimet . Sikur nuk jemi nje .... Apo vertete eshte keshtu ... ?
Fizikisht , fiziologjikisht , trurin e kemi me vete , madje eshte organi me i mbrojtur i trupit tone . Eshte i futur komplet ne nje kuti kocke . Asnje organ nuk e ka kete privilegj ... apo kete fatkeqesi ... te themi ...
Ndoshta , pikerisht kjo kuti qe nuk lejon zgjerim e ka fajin , qe ne " biem " ne te . Po te ishte truri i lire , po te ruhej vetem nga nje cipe e holle dhe disa brinje , si mushkerinjte , apo vetem nga nje pelte dhjami , si zorret , apo po te dilte jashte , i zgurdulluar si syte .... atehere , ndoshta , dhe ne , do ekzistonim bashke me mendimet . Do ecnim perdore me to dhe nuk do qe nevoja te benim kaq perpjekje dhe gjera te rrezikshme sic eshte " renia ".
Ne pergjithesi njerezve nuk u pelqen te bien , te bien nga lartesi , te bien ne det , te bien nga bicikleta , te bien ne dashuri . Kane frike nga renia . Ndoshta pikerisht nga kjo frike , te cilen shpeshhere , ne prag gjumi , e ndjejme dhe dridhemi duke u zgjuar , qe te kuptojme , te ndjejme dhe te sigurohemi , qe jemi shtrire ( fizikisht pozicioni me i ulet ) , pra pikerisht nga kjo frike e renies , e rrenjosur ne qenien tone , nuk biem as ne mendime .
Jeta eshte shume me e thjeshte po te mos mendosh . Eshte me e sigurt .
Qe ketu , kuptohet fare thjeshte komentimi :
" Mos u mendo shume se te dalin thinja .... "
Krijoni Kontakt