A do t'i mbaje premtimet Berisha dhe PD?

[Qerim]

Po cfare premtimesh do mbaje ai tuafi ore derebardhe? Sala eshte ne rastin me te mire nje aparatcik i mire partie qe merret me organizimin ne nivelet e ulta por ai NUK eshte fare politikan. Flas politikan i kalibrit perendimor. Tip qe rrembehet shpejt por qe i mungon vizioni. Ka vullnet por i mungojne idete. Flet shume dhe me nje cilesi te dobet elokuence. Ngazellehet si femije por ambicjen e ka me te madhe se aftesite qe i ka falur zoti. Se si e zgjodhen prape k.minister eshte nje cudi e madhe. Ai duhet te ikte bashke me Tosin. Duhet te vijne te rinj edhe ne PD si Topi ose Pollo.

Shume pershkrim te mire i ke bere pamjes se jashtme te Z.Sali Berisha... Ai e luan shume bukur rolin e budallait politik, qe gabon padashje. Por ne te vertete ai eshte shume dinak dhe i zgjuar ne qellimin e tij antishqiptar. Ai mundohet shume ti realizoje me perpikmeri udhezimet dhe direktivat ,qe i kane ngarkuar agjenturat e huaja antishqiptare.
Ai eshte Juda i politikes shqiptare..
Eshte kolona e 7 e Hitlerit
Eshte Esat Toptani i Shqiperise moderne ..
Gjate kesaj qeverisje ai do te mundohet me gjithe shpirt ti zbatoje qellimet e njohura antishqiptare,qe finalizohen me perseritjen e 97.
Por per kete i duhet kohe dhe harmonizim i forcave antikombetare.
Prandaj si fillim do mundohet te krijoje nje tymnaje ne mendjen e njerezve dhe iluzione te rremta ,qe gjithshka po shkon mire. Dhe pastaj do vije goditja finale.

check mate

[Fortis Viatorus]

Me ka marre malli per gafat e Berishes. Ka filluar te thote "Jam i gzum qe morr pjes ne hidhrrimin tuaj!"? Apo ka mesuar? Idioti as shqipen zyrtare nuk e flet dot.

[DYDRINAS]

BB:SIGURONI IMPORTIN E ENERGJISE PER DIMER

Teuta Shamku

Sigurimi i energjise per dimrin e sivjetshem dhe garantimi i importit per vitin qe vjen eshte porosia kryesore qe ka dhene Banka Boterore per qeverine e re. Kjo u be e ditur dje ne takimin zyrtar qe zhvilloi Ministri i Ekonomise, Tregtise dhe Energjetikes, z. Genc Ruli, me Misionin Monitorues te Bankes Boterore, te kryesuar nga z.Iftikhar Khalil, Drejtor Teknik i Energjise ne Banken Boterore per rajonin. Ministri Ruli i beri me dije perfaqesuesve te Misionit te BB-se se ai personalisht eshte njohur me situaten aktuale qe po perballon vendi persa i perket furnizimit me energji elektrike dhe se qeveria Berisha po merr te gjitha masat per te perballuar furnizimin normal me energji gjate dimrit. Vec kesaj ne takim u diskutuan edhe zhvillimet e projekteve ne Sektorin Elektroenergjetik Shqiptar. Z. Khalil e njohu Ministrin Ruli me raportin e hartuar nga Misioni per monitorimin e gjendjes dhe rekomandimet e Bankes per problemet e ndryshme e njeheresh, e falenderoi Ministrin Ruli per mbeshtetjen e dhene ne zhvillimin me sukses te ketij Misioni. Objektivi i Misionit te Bankes Boterore ishte se pari, mbikqyrja e realizimit te projekteve te Bankes Boterore ne sektorin elektroenergjetik, si te "Projektit te Rehabilitimit dhe Ristrukturimit", "Projektit te Ristrukturimit dhe Gjenerimit", projektit te rehabilitimit te nenstacioneve te sistemit te transmetimit; se dyti, diskutimi me Qeverine Shqiptare dhe KESH-in per realizimin e Planit te Aksioneve, zbatimin e reformave ne sektor, gjendjen e furnizimit me energji per vitin 2005 e 2006 dhe monitorimin e situates financiare te KESH -it.

Ne lidhje me situaten e deritanishme e ne vijimesi te vitit 2005, ne kete takim u vu ne dukje se nivelet e arketimeve dhe humbjeve nuk jane realizuar dhe eshte i domosdoshem, permiresimi i ketyre treguesve, sidomos ne zonen e Veriut. Ne menyre te vecante, theksuan masat qe duhet te merren per perballimin e situates se furnizimit me energji elektrike per tremujorin e katert te vitit 2005 dhe fillimin e vitit 2006. Ministri theksoi se nga ana e tij njihej shume mire situata e krijuar dhe Qeveria Shqiptare po ndermerr masa urgjente per zgjidhjen e situates per periudhen e dimrit.

[Brari]

sot ruli mblodhi Kesho-istet.. dhe i tha.. per ne nu ka pushim.. pun pun nat e dit qe te marri mileti drite..
sukseserulit!

Tema shkruan:

----

Shija e pelinit

Nga Prof. Dr. Apollon Baçe

Qeveritë e reja korrin të mbjellat e qeverive të
mëparshme, dmth., korrin kallinjtë e qeverive që
rrëzuan. Qofshin këta kallinj me bukë, pa bukë, a me
bukë të hidhur si pelini. Edhe korrja-pelin e hidhur e
“Marrëveshjes së Ripranimit të Personave Ilegalë”
Shqipëri-BE u mboll dhe u kultivua bukurmirë nga
qeveria e PS-së. Edhe nja dy, e shumta tre muaj, fill
pas ratifikimit të saj nga Kuvendi, marrëveshja hyn në
jetë me pasoja të paparashikuara për Shqipërinë.
“Nëse një vend anëtar i BE-së i kërkon Shqipërisë të
pranojë shqiptarët ose qytetarët nga vende të treta,
që kanë vizë shqiptare, pala shqiptare është e
detyruar t’i pranojë ata. Dmth., se mund të kthehen
edhe ata që nuk janë qytetarë shqiptarë, por kanë vizë
shqiptare” spjegon Koordinatorja e Komisionit për
Çështjet e Sigurisë të Parlamentit Europian Ewa Klamt.
Pas qytet-shteteve Hong Kong, Makao dhe Singapur
(qytetarët e të cilëve si qytetarë të Commonwealth-it
lëvizin dhe punojnë lirshëm nga Anglia në Australi pa
treguar pikë interesi për BE-në) Shqipëria është vendi
i katërt në botë që nënshkroi një marrëveshje të
tillë.
Para Shqipërisë firmosja e një marrëveshjeje të tillë
iu kërkua Algjerisë dhe Marokut, emigrantët e të
cilëve për BE-në janë më të bezdisur se emigrantët
shqiptarë. Por Algjeria dhe Maroku thanë se papunësia
në vendet e tyre është mjaft e lartë (rreth 19%,
dmth., dy herë më pak se Shqipëria që e ka 42%) dhe se
emigracioni klandestin është valvola që i lejon të
mbijetojnë. Si pasojë BE-ja akoma sot e kësaj dite po
sprovon që t’u mbushë atyre mendjen që të firmosin
Marrëveshjen e Ripranimit, por, ndonëse u ka ofruar
pekule ekonomike nga më të lakmueshmet, ato s’pranojnë
që s’pranojnë ta firmosin këtë marrëveshje.
Në të vërtetë Marrëveshja e Ripranimit është një
marrëveshje tip, e cila nuk ndryshon për asnjë shtet,
Marok a Shqipëri qoftë. Vlerë në të ka vetëm
Protokolli shoqërues Ekzekutiv, të cilin çdo shtet e
tregton dhe negocion për t’u krijuar sa më shumë
lehtësira dhe favore shtetasve të tij. Duke shmangur
me tërë mënyrat “handicap-et“ që sjell zbatimi i tij.
Vërtet pala rumune pranoi që ta firmoste Marrëveshjen
e Ripranimit të emigrantëve romë me palën polake, por
ajo kërkoi që në Protokollin Ekzekutiv të shënohej se
për punësimin, banimin dhe integrimin pala polake do
paguante për çdo të riatdhesuar 40.000 euro. Dhe, për
shkak të kostos së lartë, Marrëveshja e Ripranimit dhe
Protokolli Ekzekutiv nuk u zbatuan kurrë.
Por pala socialiste shqiptare as negocjoi dhe as
tregtoi gjë me BE-në. Si pasojë ajo po e kthen në
imunodefiçente industrinë e emigracionit të
Shqipërisë, GDP e së cilës mbështetet së pari në
paranë e bardhë, të hirtë dhe të zezë të emigracionit.
Duke u hequr në këtë mënyrë shpresën e integrimit
emigrantëve, të cilët mund të përzihen për 48 orë me
rrobat e trupit. Duke i hapur vendit një thes me
telashe dhe pa i sjellë asnjë përfitim atij. As si
Rumania, as si Algjeria, as si Maroku. Tashmë Greqia,
e cila nuk e firmosi kurrë marrëveshjen dypalëshe të
tipit rumuno-polak, tashti mund të fshijë me fshesë
elektrike me dhjetëramijë emigrantë pa i thënë askush
asgjë: Akti i riatdhesimit u nënshkrua nga Parlamenti
Europian ku Greqia është anëtare.
“Besoj se Shqipëria duhet ndihmuar… Ndihmë reciproke
do të thotë që Shqipëria të pranojë qytetarët që
qëndrojnë ilegalisht në Europë dhe si shpërblim do të
ketë lehtësira në sistemin e vizave,” thotë Klamt. Dhe
kjo është e gjitha. Lehtësira në sistemin e vizave ka
kuptimin edhe nëse viza që nxirrej për 14 ditë të
nxiret në 10 ditë, ose në se viza që paguhej 45 euro
të paguhet 35 euro. Me një fjalë do të thotë asgjë.
Pasi për të pasur gjë duhen klauzolat detyruese se
çfarë duhet bërë, kur duhet bërë dhe, si duhet bërë.
Si në Protokollin Ekzekutiv të Marrëveshjes së
Ripranimit Rumani- Poloni.
“Unë s’kam të bëj fare me këtë marrëveshje. Unë s’di
asgjë për të,“ tha ish Ministri i Punëve të Jashtme
Paskal Milo (i cili e di mirë sesa mirë përvëlon
“patatja përvëluese“ e Marrëveshjes së Ripranimit).
“Unë? Kurrsesi unë,“ tha edhe ish Ministri tjetër i
Punëve të Jashtme Ilir Meta. “Kjo marrëveshje s‘më
përket mua,“ tha edhe pararendësi Sokol Nako i
Ministres së Integrimit Ermelinda Meksi.
Por vetë Meksi, tepër e lodhur nga puna e madhe,
shprehet “Negociuam për një kohë të gjatë, pasi
marrëveshja ishte shumë voluminoze”. Për të mirën e
popullit. Pastë bashkë me kolegët e tjerë ish
qeveritarë socialistë, tërë mirënjohjen shqiptare,
veçanërisht të emigrantëve dhe familjeve të
emigrantëve që do kthehen me plaçkat e trupit!
“Unë i pata vënë BE-së si kusht për firmosjen e
Marrëveshjes së Ripranimit, firmosjen e Marrëveshjes
së Asocim-Stabilizimit,“ thotë Sokol Nako. Ndërkohë që
Ermelinda Meksi e firmosi këtë marrëveshje pa asnjë
kusht dhe Marrëveshja e Asocim-Stabilizimit u shty nga
shtatori i sivjetëm, për në kalendat greke të vitit të
ardhshëm. Ndërkohë që shtyrja e Marrëveshjes së
Asocim- Stabilizimit është një tjetër e keqe e madhe,
pasi që nga viti 2006, ndihmat e BE-së i përfitojnë
vetëm kandidatët për në BE dhe ata që kanë firmosur me
BE-në Marrëveshjen e Asocim- Stabilizimit.
Veç shqiptarëve në Shqipëri do “kthehen edhe ata që
nuk janë qytetarë shqiptarë, por kanë vizë shqiptare,”
sqaron koordinatorja Klamt. Çka do të thotë se
kinezët, kurdët, afganët dhe irakenët, të cilët u
kontrabanduan drejt BE-së nga skafet e
kontrabandistëve shqiptarë, do ripërplasen në
Shqipëri.
“Unë i pata kërkuar BE-së që klauzola për pranimin e
azilantëve joshqiptarë të zbatohet pas 5 vjetëve për
derisa të ngrihen kapacitetet përkatës,“ thotë Nako.
Çka nënkupton se, si pala socialiste shqiptare, ashtu
edhe BE-ja, e dinë bukurmirë se këta mijëra dhe mijëra
azilantë joshqiptarë, do mbeten për jetë të jetëve në
Shqipëri, pasi Shqipëria nuk ka Marrëveshje Ripranimi
as me Kinën, as me Turqinë, as me Afganistanin, as me
Irakun a ndonjë Irak tjetër. Dhe kjo do të thotë se në
Shqipëri do të ngrihen kampe-geto gjigante për mijëra
e mijëra kinezër- kurdër- afganër- irakenër. Duke
montuar një bombë tepër të rrezikshme humano-
ekologjike. E cila do të shpërthejë në grindje, rrahje
dhe vrasje- presje të azilantëve me vendasit. Për
shkak të mungesës së punës, për shkak të pranimit të
pagave të ulëta nga azilantët dhe marrjes edhe të asaj
pune të pakët në rajon, për shkak të diferencave në
botëkuptim dhe për 101 shkaqe të tjerë të ushqyera nga
skamja.
Dhe kjo i hap Kuvendit të ri dhe qeverisë së re një
qerre me telashe. I kërkon çaktivizimin dhe çmontimin
e një bombe me sahat, sahati i së cilës ka filluar
count-down-in e tij. Rinegocimin dhe pajisjen e
Marrëveshjes së Ripranimit me Protokollin Ekzekutiv
përkatës. Për t’i shpëtuar shqiptarët nga pelini i
hidhur që mbolli PS-ja.

[Lunesta]

Me ka marre malli per gafat e Berishes. Ka filluar te thote "Jam i gzum qe morr pjes ne hidhrrimin tuaj!"? Apo ka mesuar? Idioti as shqipen zyrtare nuk e flet dot.

E tha prape kur takoi Bushin ne OKB per ta ngulleshuar per uraganin Katrina.

[Fortis Viatorus]

Prape?

Mua me vjen keq per Berishen se ja hodhen ne 1997 dhe morren vendin ne qafe. Por do me vije mire te ju tregoje vendin atij Skender Gjinushit, Arben Malaj, Gramoz Rucit me shoke qe visheshin me uniforma greke dhe ngrinin tre gishtat serbe ne Vlore. Per 1997 nuk i ve faj Nanos sepse ishte ne burg ai ka te tjera gjynahe per te lare.

[Juxhina]

Berisha eshte zotni burre! jo si ai krimineli tjeter, nano.
ma merr mendja qe berisha do perpiqet ti mbaj ato qe ka premtuar.

[Michigan2005]

Ambasadori i Komisionit Evropian në Tiranë, komenton uljen e taksave

Saltzman: Qeveria e re po mban premtimet, ulja e taksave e suksesshme në vende të tjera


A.Rama

TIRANË- Ambasadori i prezencës së Komisionit Evropian në Tiranë, Lutz Saltzman, ka vlerësuar vendimin e qeverisë së re për përgjysmimin e taksave të biznesit të vogël. Gjatë vizitës në përurimin e ambienteve të reja të Drejtorisë së Përgjithshme të Auditimit të Brendshëm, ambasadori Saltzaman, tha se qeveria po mban premtimet e bëra gjatë fushatës elektorale. Ai ka nënvizuar faktin se vendime të tilla për uljen e taksave kanë rezultuar të suksesshme në vende të tjera europiane, duke shpresuar që të ishin të tilla edhe në vendin tonë. “Qeveria po mban premtimet që ka bërë gjatë fushatës elektorale dhe besoj se, nisma e saj për uljen e taksave do të stimulojë mjaftueshëm zhvillimin e biznesit. Në vendet e tjera evropiane që është marrë kjo nismë ka rezultuar e suksesshme. Shpresoj që qeveria shqiptare do t’i arrijë premtimet e bëra para zgjedhjeve dhe mesa duket, ajo tashmë e ka nisur zbatimin tyre. Bashkimi Evropian ka theksuar se është e nevojshme të merren masa konkrete për të luftuar krimin e organizuar dhe kontrabandën dhe mesa duket, qeveria ka nisur të vërë në zbatim këto rekomandime”, - tha Salzman. Ndërkaq i pyetur nga gazetarët lidhur me kohën e nënshkrimit të Marrëveshjes së Stabilizim-Asociimit, zyrtari i BE-së, është shprehur skeptik duke pohuar se nuk mund të thuhet asgjë konkrete për momentin. “Lidhur me nënshkrimin e marrëveshjes së stabilizim-asociimit nuk mund të them asgjë konkrete. Ne do të zhvillojmë një takim në fund të këtij muaji, por ky do jetë një takim njohës mes palëve, ndërkohë që ka shumë gjëra që duhet të negociohen dhe të finalizohen. Nuk është e rëndësishme të thuhet që do të nënshkruhet një javë para ose një jave më pas, por që kjo marrëveshje të finalizohet”,- vijoi Saltzman. Takimi i parë mes palës së re negociatore dhe ekipit “Taske Force” të BE-së, drejtuar nga Rienhard Priebe në fund të shtatorit, do të shërbejë për prezantimin e palëve dhe për të diskutuar vazhdimin e negociatave në atë pikë ku ato kanë mbetur nga grupi i mëparshëm negociator. Kryesuesja e grupit negociator të qeverisë shqiptare do të jetë ministrja e Integrimit Arenca Troshani, e cila zëvendëson në këtë detyrë ish ministren Ermelinda Meksi, e cila ka drejtuar për gati dy vjet negociatat për nënshkrimin e MSA-së. Në janar bëhen plot 3 vjet nga koha, kur BE zyrtarizoi hapjen e bisedimeve me BE-në për nënshkrimin e MSA-së, dhe ende nuk ka një afat përfundimtar për mbylljen e tyre. Deri tani janë mbyllur negociatat për pjesën më të madhe të neneve të marrëveshjes. Por ende BE nuk ka dhënë një afat përfundimtar për mbylljen e negociatave, për shkak të procesit zgjedhor të 3 korrikut, që u shoqërua edhe me rrotacion të pushtetit. Ecuria e negociatave do të varet tashmë nga prezantimi që do t’i bëhet negociatve dhe çështjeve të mbetura pezull nga ekipi i ri negociator i qeverisë së re, por edhe nga vlerësimi që ndërkombëtarët dhe BE do t’i bëjnë zgjedhjeve parlamenttare të 3 korrikut.


24/09/2005
KATEGORIA: Politike
shekulli.com.al

[Michigan2005]

Po punohet mbi draftin e lënies së imunitetit


Drejtuesja e legjislativit shqiptar, Jozefina Topalli, paralajmëroi dje se së shpejti do të vihet në jetë edhe një premtim tjetër i Partisë Demokratike, për heqjen e imunitetit për deputetët. Ajo tha se po punohet mbi këtë draft dhe pritet që ai të jetë i përfunduar në fillim të javës së ardhshme. Sipas Topallit, ky draft do t`i japë fund njëherë e mirë mundësisë së abuzimit nga ana e politikanëve të lartë, duke shfrytëzuar imunitetin apo pushtetin politik. "Me sa di unë po punohet dhe të hënën mund të kemi në tryezë ndoshta për të diskutuar mbi natyrat për ligjin për lënien e imunitetit, gjë që do të thotë se janë të gjithë të barabartë përpara ligjit, dhe asnjë njeri nuk mund të mendojë se mund të abuzojë përmes trafiqeve, influencave apo pushtetit politik", theksoi Topalli. Ajo theksoi se ky është një projektligj që do të vëjë në provë të gjithë ligjvënësit, qoftë të mazhorancës, qoftë të opozitës. "Është një projektligj në të cilin do të vihen në provë të gjithë deputetët me vullnetin e tyre. Natyrisht që mazhoranca ka premtuar se do ta votojë, por është një provë e madhe edhe për opozitën, e cila, pavarësisht se ka qenë e çoroditur këto kohë, uroj që të tregojë maturinë dhe përgjegjësinë politike për të votuar lënien e imunitetit", shpjegoi kryeparlamentarja Topalli. Ajo shtoi më tej se ky veprim do t`u tregojë të gjithë shqiptarëve se politikanët nuk do ta shohin veten ekstra të tjerëve, në favorin e të paatakueshmëve, kur ata i dënon ligji për problemet e korrupsionit, të trafiqeve, interesave apo për probleme të tjera të shfrytëzimit të postit publik politik në interes të klaneve. Kjo, tha më tej Topalli, nuk ka lidhje fare me jetën dhe sigurinë e deputetëve, por ka të bëjë vetëm me trajtimin e luftës kundër korrupsionit dhe me akuzat, dyshimet dhe të dhënat që kanë të bëjnë me korrupsionin në raport me figurat politike. "E rëndësishme është vendosja e shtetit ligjor dhe vendosja e shtetit ligjor është një filozofi që e drejton në të njëjtën mënyrë si deputetin e mazhorancës, si deputetin e opozitës, si çdo qytetar tjetër", vërejti nënkryetarja e Partisë Demokratike. Ajo tha se kjo i shërben një qeverisjeje shërbese në shërbim të qytetarit. (RD)

[oiseau en vol]

Me pelqen shume kjo ideja e "lenies se imunitetit" per deputetet. Sepse, me sa di une, ne fushen politike, ne nuk kemi akoma kulturen e modestise. Menjehere pas nje posti, sidomos ai i deputetit, ne kthehemi te tjere njerez. Ndryshon e ecura, te folurit, gjestet dhe levizjet e duarve, ndryshon gjithçka. Arsyeja : nje nivel i ulet i kultures. Fjala kulture duhet marre ketu jo ne kuptimin e perqafimit te asaj çka eshte me e re (avant-gardisme), se per keshtu nuk na e kalon kush, por ajo duhet marre ne kuptimin e kultivimit te vlerave me te mira te popullit tone, qe nuk na mungojne aspak.

Me pelqen ideja qe askush te mos ndihet i gjithepushtetshem. Ndoshta nuk do te behemi si ne Holande ku kryeministri shkon ne pune me biçiklete, por ama le te jete ky nje hap i pare ne ngulitjen ne koke te kesaj gjeje : I ZGJEDHURI ESHTE AI PERSON QE KA PRANUAR ME VETEDIJEN E TIJ TE PLOTE PER TE MARRE PERSIPER DETYREN E LEHTESIMIT SA ME TE MADH TE JETES SE ZGJEDHESVE TE TIJ.

I zgjedhuri nuk eshte zgjedhur per rehatimin e vetes por per ate te zgjedhesve. Perndryshe, zgjedhesit kane te drejte qe ne çdo kater vjet te mos e votojne me ate. Dhe kjo lidhet dhe me subjektin politik qe ai perfaqeson. Keshtu qe, mendoj se zbritja pak me shume me kembe ne toke e deputeteve do te jete nje kembane e re per ata qe duan te degjojne. Per te tjeret, ekziston diçka qe do te thote VOTE E LIRE dhe SHTET I SE DREJTES.