Universiteti i Verës 2005

[RTP]

www.kriik-alb.org


KRIIK-ALBANIA në bashkëpunim me DLP Club Albania dhe IRDD në kuadër të programit


"DREJT FORCIMIT TË LIDERSHIPIT TË RI, SI FORMË E DREJTËPËRDREJTË E CILËSISË SË NESËRME TË QEVERISJES"

me bashkëpunimin e
Qendrës për Politikat Publike, Shkencat Politike dhe të Drejtën, Programit të Lidershipit Demokratik të Këshillit të Europës dhe Programit të Rinisë-OSFA Soros
organizojnë:
Universitetin e Verës, "Demokracia dhe Pjesëmarrja", EDICIONI IV



Edicioni 2005: "Europa Juglindore midis Globalizmit, Nacionalizmit, Demokratizimit dhe Ideologjive"
Vlorë, 21 - 28 Gusht 2005

--------------------------------------------------------------------------------

Edicioni i sivjetshëm i universitetit te verës, merr në konsideratë dimensionin rajonal të tij. Në qendër të temave dhe debateve për këtë edicion do të jenë proceset politike dhe shoqërore ne Europën Juglindore dhe roli i lidershipit në këto procese në vendet përkatëse.

Te gjithë vendet e rajonit pas një dekade luftërash, konfrontimesh, trazirash të brendshme janë duke kaluar pak a shumë të njejtat fenomene politike. Ato janë duke përjetuar një tranformin drejt shoqërive të hapura apo për të konsoliduar insitucionet demokratike. Po ashtu të gjitha vendet e rajonit jane duke kaluar një proces politik qe i orienton zhvillimet e tyre drejt integrimit euroatlantik të këtyre vendeve.

Janë të paktën tre procese qe ndodhin së bashku, pra në të njejtën kohë në të gjitha vendet e rajonit, te cilat prodhojnë me kombinimin e tyre fenomenet që po ndodhin sot në Europen Juglindore. Elitat politike, aktorët shoqërore dhe lidershipi i ri në këto vende ka nevojë për të trajuar këto fenomene, për t’i analizuar ato dhe për ti konsideruar këto fenomene në punen e tyre të përditshme.

GLOBALIZMI: Vendet e rajonit janë dhe ato objekt i te gjitha transformimeve të medha dhe të shumëanshme, të cilat etiketohen sot nën siglen e Globalizmit dhe Integrimit. Ato janë duke u hapur ndaj njeri tjetrit dhe ndaj botës në përgjithësi, jane duke u perfshire në logjikat globale dhe janë duke prekur në shtepinë e tyre të gjitha efektet e zhvillimet ndërkombëtare.

NACIONALIZMI: Nacionalizmi, edhe pse e ka kaluar fazën e tij agresive, konfrontuese që u shfaq gjatë viteve ‘90 të shekullit të kaluar, mbetet serish një gjenerator i jetës publike, një frymëzues i aksionit politik, një mënyrë për të mobilizuar masat të mëdha të njerezve dhe për të ndikuar në aksionin e elitave politike. Statusi dhe format e reja që ka marrë nacionalizmi ne kushtet e sotme dhe prespektiva e tij, si ideologji frymëzuese për grupe të tëra të popullsisë janë mjaft me rendësi për tu trajtuar.

DEMOKRATIZIM: Procesi i demokratizimit është tipari përbashkët i të gjithë hapësirës ballkanike. Si po ecen procesi i demokratizimit në hapësirën ballkanike. Cilat janë tiparet e përbashkëta të procesit dhe dallimet mes tyre. Roli i ndërkombëtarëve në asistimin e procesit politik në vendet e ballkanit.

IDEOLOGJITE: Ideologjitë e mëdha politike, e majta dhe e djathta janë duke u rikthyer fuqishëm në logjikën politike lokale në të gjitha vendet e rajonit. Fokusimi tek problemet e brendshme, ekonomia, papunesia, emigracioni, urbanizimi, varferia, tregtia, etj., janë kthyer ose po kthehen pak nga pak në problemet kryesore të aktualitetit politik në vend. Kjo do të thotë se ideologjite politike kryesore, e majta - e djathta jane rikthyer ne debatin politik. Ideologjite dhe riformulimet ideologjike te ligjerimit te lidershipit jane mjaft te dobishme per t’u trajtuar.