Angli, zhduket minorenia shqiptare

[Shijaksi-London]

Birmingam, alarmohet policia lokale. Vihet në dispozicion për çdo informacion një numër telefoni

Angli, zhduket minorenia shqiptare

15-vjeçarja Albana Rumani humbi pas një pikniku


Nga Londra Muhamed Veliu

Policia angleze ka filluar hetime të ethshme për të mësuar rreth fatit të një minorenje shqiptare e cila është zhdukur disa ditë më parë. Albana Rumani është emri i pesëmbëdhjetëvjeçares tashmë e konsideruar e humbur në një piknik shkollor që në datën 13 korrik. Ajo kishte pak kohë që kishte mbërritur nga Shqipëria si studente në një kolegj pranë qytetit të Birmingamit në veri të Anglisë.

Humbja

Për të gjithë klasën e adoleshentëve të shqiptares supozohej që të ishte një piknik i këndshëm. Ka filluar i tillë por fundi ka qënë mbushur me trishtim. Shoqja e tyre, një vajzë shqiptare, nuk do të mund të kthehej me ata në konviktin e kolegjit. Albana Rumani ishte në grupin e tyre duke vizituar qytezën Worcestershire. Sipas policisë ajo qëndronte në kolegjin e quajtur "Abbey College" në zonën Malvern. Zhdukja e saj u kuptua nga mësueset e shkollës teksa ata kishin filluar një shëtitje njohëse në Ëorcester. Për herë të fundit mësohet se ajo është parë rreth orës 03:30 në rrugën kryesore të qytezës "High Street", pranë një dyqani ku shiten celularë të kompanisë "Orange" të mërkurën e datës 13 Korrik. Ndërkohë që të gjithë bashkëmoshatarët e klasës së saj nuk kanë patur shumë se ç'të thonë rreth zhdukjes enigmakite të Albanës, ndërsa mësueseve të saj nuk u ka mbetur gjë tjetër veçse t'i drejtohen policisë për ndihmë.

Policia

"Ne e konsiderojmë humbjen e saj si një ngjarje shumë serioze", tha një zëdhënës i policisë "West Mercia Police", që po heton zhdukjen e minorenes shqiptare. Ai tha se policia ka bërë apel për çdo lloj informacioni që ka të bëjë me vazjën e humbur. Nga të dhënat e para që ka lëshuar policia, është mësuar se ajo është me një trup normal me flokë të gjata, kafe, ndërsa në njërin vesh kishte tre vathë. Sipas dëshimtarëve në momentin e zhdukjes Albana kishte të veshur një T-shirt të zezë, xhinse blu, atlete, një kapele të kuqe basketbolli dhe mbante një çantë të vogël shpine. Për momentin policia po heton një pistë të mundëshme, që ka të bëjë me shkuarjen e saj tek disa të afërm në Liverpul. Por ata nuk e konfirmojnë përfundimisht mundësinë e vendodhjes së saj në Liverpul. Policia pohon se familja e vajzës ka kontaktuar me hetuesit e çështjes dhe ata po informohen me zhvillimet më të reja për kërkimet. Një numër telefoni është vënë në dispozicion të atyre që kanë informacion rreth zhdukjes së saj. "Na telefononi në numrin 08457 444 888 nëse dini diçka rreth vajzës së humbur", thotë policia "West Mercia Police" në një kominikatë shtypi. Ky është rasti i parë i zhdukjes së një minoreneje shqiptare në Angli që bëhet publik.

100 studentë studiojnë në "Brooks" të Oksfordit

Në shkollat angleze vetëm fëmijët e shqiptarëve të pasur
Që të studiosh në Angli për shumë studentë shqiptarë është një mollë e ndaluar. Ata që e kanë këtë mundësi javë vetëm fëmitë e elitës së pasur së shoqërisë shqiptare. Djem dhe vajza biznesmenësh, bosësh të kompanive të sigurimeve apo të llotarive sportive, vitet e fundit kanë filluar të frekuentojnë auditorët e Brooks University në Oxford. Për një student shqiptar vetëm pagesa e një viti shkollor i kalon të 6 mijë paund (mbi 10 mijë USD) pa përfshirë koston e lartë të jetësës në shtetin ishull. Ndërsa çmimet e universiteteve që shesin dije për një specializim pasuniversitar (master), i kaljnë 8 mijë paundët. Me gjithë çmimet e kripura vitet e fundit numri i fëmive të pasurve shqiptarë është rritur ndjeshëm. Vetëm në universitetin Brooks të Oksfordit në degë të ndryshme studiojnë rreth 100 studentë shqiptarë. Dy vjet më parë studentët shqiptarë të Oxfordit krijuan shoqatën e tyre me emër "Zgjimi Studentor", ndërkohë lektorë të universitetit i rendisin ata në rangun e studentëve me prirje për të shkëlqyer në fushat e zgjedhura. Edhe universitet e Londrës me ato të Birminghamit nuk mbeten prapa në frekuneitimin e pinjollëve të klasës së kamur gjatë viteve të tranzicionit shqiptar. Është e vështirë të përcaktohet numri i përgjithshëm studentëve shqiptarë pasi vetëm në Londër janë gjashtë universite, ndërkohë që ëndërra për të studiuar në universitetin me famë botërtore atë të Oksfordit të vjetër është një prag i pashkelur nga shqiptarët. Broks University ku ata po studjojnë është po i njëjtë me universitet e tjera në të gjithë Anglinë.

[Fiona]

Shume gjynaf. Ishalla eshte mire dhe e gjejne se shpejti!!!