Komentet tuaja për zgjedhjet e 3 korrikut

[Zarathustra.]

Keta vijne kot si i thone llafit "si pordha neper breke". BERISHA I FITOI ZGJEDHJET, dhe kete nuk e luan as topi. Panvaressiht se si i fitoi, per hir te Metes apo aleateve te PS, kjo nuk ndryshon asgje dhe tashme nuk ka rendesi. PD duhet te qeverise dhe te lejohet te qeverise per 4 vitet e ardhshme. PS nuk duhet ta bllokoje kete proces, dhe e vetmja gje per te cilen duhet te kembegule eshte zgjedhja e nje presidenti konsesual.

Keto zgjedhje vertetuan trashjen e PS dhe mosllogaritjet e vogla dhe te holla qe i sollen asaj humbjen. Nano vet nuk doli dhe aq i humbur kur merr parasysh faktin se jo vetem fitoi bindshem ne Sarande, per edhe qe pas 8 vitesh ne pozite dhe me nje figure personale kaq te akuzuar dhe nxire, perseri arriti te siguroje 43 deputet te drejtperdrejte ne parlament dhe ta ruaj voten totale nga e majta. Ne keto zgjedhje e majta ne total mori rreth 5% me shume se e djathta, gje qe e ben qeverisjen e PD shume te paqendrueshme dhe delikate. Ja pse Saliu kerkon edhe votat e Agrareve dhe PDS, - qe ne fakt jane votat e PS - per ta ndihmuar te qeverise. PD-ja beri nje kalkulim mjaft preciz, dhe ndoshta te ndihmuar edhe nga fakti qe Nano nuk i lozi bukur kartat me Meten, fitoi shumicen minimale per te qeverisur. Ndoshta zgjidhje dhe rezultat me te mire se ky nuk do kishte. Pse?

PS-s i kishte ardhur koha te bente nje rishikim te plote te vetes. Ajo ne fakt duhet te dilte nga situata dhe ta shikonte ate nga jashte per te kuptuar realitetet shqiptare. Humbja e PS, do sjelle levizje jo te vogla brenda saj, dhe padyshim ngritjen e Rames ne krye qe vazhdimisht ka kerkuar aleance me Meten dhe metodike tjeter qeverisjeje. Rama patjeter qe fiton perseri vitin qe vjen dhe ne 2009 - vit me dy zgjedhje, vendore dhe lokale - ai nuk mund te konkuroje me per kryetar bashkie, keshtu qe e ka te hapur synimin e postit te kryeministrit. Sic u pa nga shume sondazhe Rama ngelet politikani me popullor dhe me i dashur i shqiptareve.
Nga ana tjeter systemi i "check and balances" ne shqiperi tashme aplikohet me mire. PD dhe Sala e di shume mire qe po qeveris duke mos gezuar vullnetin e shumices se shqiptareve, sepse e majta ne vote popullore mori me shume vota dhe kandidatet e PD ne shumicen dermuese te tyre nuk moren 50+% te votave neper zona. Ne sistemin e vjeter zgjedhor psh PD do ti kishte humbur zgjedhjet pasi shume zona qe do shkonin ne balotazh ku do perballeshin vetem 2 kandidate PS - PD dhe votat e LSI e shume aleateve te PS do shkonin kete here per PS. Te tilla ishin plot 20 zona.

Kjo e ben PD te vetedijshme dhe shkakton shume presion tek ajo pasi moralisht PS dhe e majta ka te drejte te kerkoje zgjedhje te reja sapo te krijohet pak pakenaqsi, dhe kjo sidomos nqs ndryshohet kodi zgjedhor. Ja pse Saliu dhe PD tashme flasin per reforma te zbutura, kerkojne aleanca imorale me parti qe moren votat e PS, dhe koalicione nga me te pakuptimta. Te pakuptimta sepse PD do qeverise me 7 programe politike dhe jo me vetem nje - ate te sajin. PS pra e ka mberthyer per "ko****" qeverisjen e PD, duke garantuar aplikimin e politikave me ekuilibruese dhe te balancuara nga qeveria e PD. Kjo ne fakt eshte mjaft pozitive per te gjithe shqiptaret qe e dine mire se cfare mund te bej Berisha dhe PD me nje pushtet absolut. Por nderkohe demton qeverisjen e PD qe duhet ti kenaqe te gjithe, keshtu duke mos pasur shume liri ne aplikimin e vizionit te saj qeverises.

Megjithate keto zgjedhje ishin te rendesishme me kete perfundim edhe sepse i treguan botes se me se fundi qe prej 92, shqiperia mund te bej nje rotacion politik te qete dhe te civilizuar. Keto zgjedhje treguan se akuzat e PD per vjedhje votash nga ana e PS ishin fallco, pasi edhe sot e majta gezon shumicen absolute te votes se shqiptareve dhe prape se prape ajo lejoi humbjen e pushtetit. Sikur keto vota te ishin ndare keshtu si u ndane ne 3 korrik por me kodin zgjedhor te 2001 dhe PS te ishte e pandare nga LSI si ne 91, PS i fitonte prape zgjedhjet.

Le ti urojme pra pune te mbare qeverise se re, dhe rikuperim sa me te shpejte PS.

[darwin]

Eshte vertete qejf kur flisni si Skender Gjinushi..

e majta , e majta...


Cfare te majte kupton ti me Agron Duken, Cacin apo Bashkim Finon?

Absurditeti me i madh eshte se "te majtet" qeverises ne Shqiperi jane dhe njerezit me te pasur..

prandaj, injorantet neper rrethe (sidomos andej poshte) hutohen dhe ngazellehen kur degjojne "e majta, e majta"..

Leshator, Edvinit si do ja beni tani? ka dosje qe i jane derguar ne prokurori nga shoku Luan Rama dhe Esmeralda Uruci (me urdhrin e Tosit, sigurisht.. atehere kur ishte ajo epoka e "pastrimit gjeneral").. dhe thuhet se abuzimet ne letra jane skandaloze.

[Caku Nuries]

ky popull e tregoi me te vertete qe e dashuron dhunen dhe rremujen. si mund tja japesh voten personit qe e ktheu shqiperine permbys. njeriut qe i mbushi lulishtet me kjoska dhe ai qe futi ne shqiperi firmat piramidale. Enver Hoxha te ishte gjalle dhe te kishte votime te lira ky popull ai do ja jepte prap voten.

[Xhuxhumaku]

INTERVISTE/Bob Hand kreu i Helsinkit Amerikan: Pavarësisht problemeve standartet u arritën

"Mosmbyllja e zgjedhjeve destabilizon"
Bob Hand: Jepini fund në të mirë të Shqipërisë

Kryetari i Komitetit amerikan të Helsinkit në një intervistë dhënë dje për Zërin e Amerikës paralajmëroj se mosmbyllja e zgjedhjeve destabilizon vendin. Ai bën thirje që ky proces të mbyllet sepse rezultati është i qartë pavarësisht parregullësive. Bob Hand ishte vetë vëzhgues i zgjedhjeve të zhvilluara në Shqipëri më 3 korrik dje në intervistën e tij thotë se: Pavarësisht nga problemet, në fund të fundit do të arrihet në përfundmin se zgjedhjet përmbushën standardet ndërkombëtare. Hand vëren se Nano nuk do të largohet duke mosnjohur zgjedhjet dhe Berisha nxiton të formojë qeverinë, duke e vendosur këtë në kontekst të problemeve që janë krijuar në Shqipëri në momentet e ndryshimit të pushtetit.

Zoti Hand, ju ishit në Shqipëri si vëzhgues. ODIHR-i nxori raportin e dytë pas zgjedhjeve, në të cilin nuk jepen vlerësime pozitive për procesin zgjedhor. Para 3 korrikut, zgjedhjet u cilësuan si shumë të rendësishme për ecurinë e demokracisë në Shqipëri, për integrimin e saj në institucionet evropiane. A mendoni ju se e kaloi Shqipëria këtë prove?
"Mendoj se deri diku është tepër herët të thuhet në se Shqipëria e kaloi këtë provë. Më shumë se 2 javë nga dita e zgjedhjeve procesi i përcaktimit të fituesit vazhdon dhe ky proces nuk duhet të konsiderohet i përfunduar deri sa të mblidhet parlamenti i ri dhe të formohet qeveria e ardhshme. Prandaj mendoj se është tepër herët të thuhet në se Shqipëria e kaloi këtë provë. Ndërkohë ekzistojnë disa probleme si për shembull numërimi i votave dhe vetë procesi i zgjedhjeve, siç është theksuar në raportin e ODHIR-it. Gjithashtu ka shqetësime që këto çështje nuk u diskutuan më herët. Megjithatë shumë përmirësime janë vënë re dhe këto përmirësime do të identifikohen jo me ankesat, që po i paraqiten komisionit qëndror të zgjedhjeve, por nga mënyra se si komisioni do t'i zgjidhë ato në mënyrë të ligjshme dhe jo me tendenca partiake. Megjithëse nuk mund të them përfundimisht në se zgjedhjet përmbushën standardet ndërkombëtare, ekziston mundësia që në fund të fundit të arrihet në përfundimin se kjo ndodhi. Tani për tani ekziston një farë zhgënjimi që nuk mund të themi se zgjedhjet u zhvilluan në bazë të standardeve ndërkombëtare sepse kjo ishte pikërisht ajo që donim të shikonim të ndodhte në Shqipëri".

Siç e përmendët edhe ju rezultati përfundimtar i zgjedhjeve nuk është konfirmuar. Shqipëria nuk ka shumë përvojë përsa i përket kalimit të pushtetit nga një parti tek tjetra. Sa i përgatitur është vendi për këtë kalim të pushtetit?
"Shqipëria ka përjetuar kalimin e pushtetit nga një parti në tjetrën edhe më parë; në vitin 1992 e 1997. Asnjëri prej këtyre kalimeve të pushtetit nuk ishte i qetë dhe i pastër dhe deri sa një gjë e tillë të ndodhë vendi nuk është gati për kalimin normal të pushtetit, prandaj edhe po shohim pengesa. Nga njëra anë zoti Berisha dëshiron të veprojë me shpejtësi për formimin e qeverisa, ndërsa Fatos Nano përpiqet ta ndalojë atë, duke mos qenë i gatshëm të pranojë rezultatin, i cili megjithë parregullsitë, është më se i qartë. Shpresoj që të dy udhëheqësit të arrijnë në përfundim se mos mbyllja e procesit zgjedhor do të ishte destabilizues për vendin dhe se për të mirën e Shqipërisë dhe për hir të përparimit ata do ta mbyllin këtë proces. Vakumi politik krijon kushte që të ndodhin disa gjëra negative për shoqërinë, me të cilat, mendoj se Shqipëria është përballur më parë. Populli shqiptar meriton më shumë. Me të vërtetë shpresoj që këto çështje të zgjidhen, KZQ-ja të shpallë rezultatin me integritet dhe rezultati të respektohet. Pas kësaj të vazhdohet me formimin e qeverisë dhe me trajtimin e çështjeve të tjera, si integrimi në Evropë, çrrënjosja e korrupsionit, ngritja e standartit të jetesës, e të tjera çështje që janë të rëndësishme për Shqipërinë".

Para zgjedhjeve, në botën perëndimore pati disa zëra që mbështetën Partinë Socialiste dhe zotin Fatos Nano si alternativa më e mire për të udhëhequr Shqipërinë në një kohë kritike si për vetë vendin ashtu edhe për gjithë rajonin. Si i shikoni ju këto argumente në mbështetje të njërës parti apo tjetrës?
"Gjithnjë ka pasur akuza se komuniteti ndërkombëtar mbështet partinë në pushtet dhe deri diku kjo është e vërtetë sepse komuniteti dhe diplomacia ndërkombëtare në përgjithësi i shikojnë me shqetësim ndryshimet. Ndërkohë, institucione të ndryshme që mbështesin të drejtat e njeriut dhe demokracinë përpiqen të ndikojnë në politikën e Shteteve të Bashkuara dhe të komunitetit ndërkombëtar se ndryshimet janë pozitive. Megjithatë fjalën e fundit e patën votusit shqiptarë dhe nuk mendoj se ka pasur ndonjë mbështetje të hapur për një parti apo tjetër. Pas 8 vjet të qëndrimit në pushtet, në çdo vend demokratik, njerzit duan ndryshime. Dhe kjo është më se e vërtetë për Shqipërinë për shkak të korrupsionit, që duket qartë se ekziston në vend, që shtrihet deri në qeveri e që është shumë problematik".

Dhe pikërisht ajo që thatë ju rreth votës së vetë shqiptarëve më çon mua tek pyetja tjetër. Shqipëria megjithëse ka ende shumë për të bërë që të konsiderohet një vend demokratik, ajo po ecën drejt demokracisë. Në zgjedhjet e 3 korrikut, megjithëse ka pasur parregullsi, zgjedhësit shqiptarë hodhën votën e tyre për kandidatin e preferuar. Me çfare mandati vjen Sali Berisha në postin e kryeministrit?
"Mendoj se ai vjen në pushtet kryesisht me një mandat për të luftuar korrupsionin, që ka pllakosur Shqipërinë në gjitha nivelet dhe që pengon përparimin e vendit. Korrupsioni është gjithashtu edhe një prej sfidave kryesore, me të cilat do të përballet qeveria e tij. Korrupsioni është aq i përhapur duke u shtrirë edhe në qeveri, sa që votuesit arritën në përfundimin se ky fenomen duhet ç'rrënjosur. Pra zoti Berisha ka një mandat të fortë për ta luftuar korrupsionin dhe për ta çuar vendin drejt integrimit evropian. Gjithashtu ai përballet me një detyrë të vështirë që të mos e kthejë luftën kundër korrupsionit në një gjueti shtrigash me motive politike. Ai duhet të veprojë kundër zyrtarëve me të vërtetë të korruptuar dhe jo t'u qepet njerzve për motive politike. Ashtu si për çdo çështje, edhe në luftën kundër korrupsionit, ai duhet të respektojë shtetin ligjor në luftën kundër korrupsionit dhe në të njëjtën kohë të sigurohet që ky fenomen nuk prek qeverinë e tij. Dua të them gjithashtu se megjithëqë komuniteti ndërkombëtar vuri standarde të larta për zgjedhjet e 3 korrikut, procesi zgjedhor në Shqipëri është përmirësuar dhe vullneti i popullit do të pasqyrohet në rezultatin e zgjedhjeve, të cilat do të tregojnë përfundimisht se u fituan nga demokratët, të cilët me partitë aleate do të formojnë qeverinë. Mendoj se çështja më e rëndësishme për komunitetin ndërkombëtar e ndoshta edhe për popullin shqiptar është se Berisha do të kishte një mandat edhe më të fortë në se do të ishte e qartë se ai ishte me të vërtetë alternativa më e mirë ndaj socialistëve, dhe se ai kishte mësuar nga e kaluara dhe se do të ndjekë rrugën e reformave demokratike për t'i bërë të mundur Shqipërisë që të arrijë potencialin e saj të plotë. Ndërsa kam shpresë se do të arrihet në përfundimin se Shqipëria ka bërë përparim të mjaftueshëm për të ndërmarrë hapat e ardhshëm të nevojshëm drejt integrimit evropian, kjo nuk do të thotë në asnjë mënyrë se vendi nuk ka nevojë për të përmirësuar formën se si zhvillohen zgjedhjet. Komuniteti ndërkombëtare deshi që Shqipëria të zhvillonte zgjedhje të sukseshme, prandaj edhe pati zhgënjime që kjo dëshirë dhe shpresë nuk u përmbush. Shpreson që pas formimit të qeverisë, të gjitha palët të arrijnë në përfundimin se është në të mirën e vendit që të bashkëpunojnë mes tyre dhe me OSBE-në dhe organizatat e tjera për të bërë edhe më shumë përparim në mënyrë që zgjedhjet e ardhshme të jenë edhe më të sukseshme dhe të përmbushin pa dyshim standartet ndërkombëtare".

Gazeta Shqiptare.

[Xhuxhumaku]

LEKSIONI I 3 KORRIKUT

Skënder Shkupi

Tashmë, kur po bëhen tri javë që nga dita e zgjedhjeve të 3 korrikut, secili nga ne mund të gjykojë më qetësisht për atë që ndodhi, dhe të evidentojë mësimet e çmuara që na dha elektorati shqiptar me votën e tij gati plebishitare.
Zgjedhjet e fundit, për Kuvendin Popullor ishin tepër të ngjashme, për nga këndvështrimi agonistik, me ato të 22 marsit të vitit 1992. Atëhere shqetësimi i madh i shqiptarëve, i shndërruar gati në ankth, ishte përmbysja e komunizmit dhe lufta për t'u ndarë nga fataliteti ynë që për 1500 vjet me radhë, na la robër të Lindjes. Më 3 korrik 2005 shqiptarët të pushtuar nga ndjenja e një frike të skajshme, se sistemi i korrupsionit të plotë i vendosur në Shqipëri, mund të sillte katastrofën ekonomike e bashkë me të edhe atë politike, duke errësuar përfundimisht të ardhmen e tyre dhe të të gjithë vendit, votuan masivisht kundër zotit Nano, domethënë pro zotit Berisha.
Zgjedhësit shqiptarë, sado e çuditshme që të duket, tanimë kanë bërë të tyren, mentalitetin e votuesve anglosaksonë, që praktikisht janë të ndarë në vetëm dy parti. Realisht turi i vetëm i zgjedhjeve të 3 korrikut, ndonëse ravijëzohej si kryesisht mazhoritar, u konceptua në thelb si proporcional. Votuesit nuk shihnin më se për kë votonin. Ata kërkonin kush ishte i PD-së apo i PS-së, për t'i vënë kryqin përbri. Po marrim si shembull vetëm zonën 40 në Tiranë. Pas ballafaqimit televiziv ndërmjet kandidatëve për deputet të katër grupimeve më të mëdha politike, PS, PD, LSI dhe LZHK, epërsia e Dashamir Shehit në debat dhe në argumentim të tezave të hedhura për diskutim, ishte aq e madhe sa të nesërmen, shumë dashamirës të PD-së e të PS-së më thanë në Tiranë se ishin të detyruar të pranonin që në atë zonë Dashi nuk kishte konkurentë. Befasia e papërfytyrueshme ndodhi pas votimit: kandidati demokrat, z. Karapici, një pedagog i nderuar i Universitetit Politeknik të Tiranës dhe njëherësh njeri pozitiv për ata që e kanë njohur por shumë larg për nga formimi politik e kulturor ndaj z. Shehi, mori 13-fishin e votave të drejtuesit të grupimit LZHK. Në zona të tjera në Tiranë, familjarë të kandidatëve të grupimit LZHK kanë votuar për PD-në, duke ndjekur një linjë logjike krejtësisht pragmatike: Fatosin mund ta rrëzojë vetëm Saliu e askush tjetër. Ndërkohë, në jug të vendit shumë socialistë që ndiqnin vijën e re politike të z. Meta, por që trembeshin nga riardhja e z. Berisha në qeverisje, ia dhanë votën Nanos sepse vetëm ai - mendonin ata - mund të ndalonte rikthimin e PD-së në pushtet. Sigurisht kjo është vetëm njera anë e medaljes. Ndërkohë, si rrjedhojë e ligjit zgjedhor të miratuar nga dy partitë e mëdha, komisionerët e të dyja palëve kanë dhënë një ndihmesë jo të vogël për rrjedhjen e votave të LZHK-së e të LSI-së përkatësisht në pronësi të PD-së e të PS-së. Sidoqoftë, kjo dukuri e shëmtuar nuk ka mundur të ndryshojë në mënyrë të ndjeshme raportin real të forcave në elektoratin shqiptar i cili, siç e thamë më sipër, sheh vetëm kuq e blu.
Ky fakt kërkon t'i përshtatemi realitetit. Krijimi i grupimeve politike rivale me PD-në e PS-në, me sa duket nuk është produktiv për kushtet e Shqipërisë. E vetmja zgjidhje mbetet riorganizimi i plotë dhe demokratizimi i gjerë i të dyja partive të mëdha. Brenda tyre duhet të ekzistojnë e të përfshihen të gjitha rrymat e së djathtës apo të së majtës nëpërmjet legalizimit dhe zyrtarizimit të fraksioneve. Është një detyrë e vështirë por një domosdoshmëri të cilën e dikton vetë elektorati shqiptar. Një zgjidhje e tillë, ka edhe një përfitim të madh ekonomik. Nëse do të mbeteshim në kornizat e dy partive të mëdha edhe shpenzimet per zgjedhjet do të ishin shumë më të vogla, edhe elektorati do të ishte më i qartë por edhe mbajtja në këmbë e infrastrukturave të partive të veçanta në të gjithë vendin, do të ishte barrë shumë më e lehtë për ekonominë publike dhe atë private të strukturave partiake të mbi 70 partive që gëlojnë në Shqipëri. Në të tilla kushte, Dushku do të mbetej pa kuptim, sepse nuk do të kishte dushkarë. Riciklimi i PS-së e PD-së do të bëhej gjithashtu me më pak probleme sepse, askush nuk do të merakosej që të retushonte programin e vet për të afruar parti të vogla që mund të kërkonin shpërblime të mëdha, duke vënë kushte për pjesëmarrjen e tyre në bashkëqeverisje.
Një mësim i dytë që del nga leksioni i 3 korrikut është fakti, jo aq i papritur, që drejtuesit e partive politike në Shqipëri, quajnë më të rëndësishëm një pozicion çfarëdo në kabinetin e fituesit, kushdo qoftë ai, se realizimin e një programi që materializon idealin e tyre politik. Ky fakt përbën një argument tjetër të rëndësishëm sipas të cilit ekzistenca e partive të vogla antagoniste ndaj PD-së apo PS-së, nuk përligjet. Nëse të qenit pranë majës së qeverisjes del më e rëndësishme se të bërët e asaj pune, për të cilën është krijuar partia atëhere përse duhet partia? Le të atashohen personat drejtues të atyre partive të vogla pranë komiteteve drejtuese të partive të mëdha dhe të gjithë shqiptarët e mbledhin mendjen (një pohim i tepërt ky i fundit sepse siç treguan votimet ata e kanë të mbledhur atë mendje). Kur një drejtues partie nuk le gjë pa thënë për një kundërshtar potencial dhe vetëm pas një jave, kur e sheh që ai ka dalë fitimtar, shpreh gatishmërinë për të bashkëqeverisur me të, ai nuk ka kurrfarë të drejte morale të ekzistojë si subjekt politik. Për të shmangur aventurat e ardhshme të "politikanëve" të tillë mirë do të ishte që pragu i përfaqësimit në parlament të ngrihej deri në 5 për qind. Vetvetiu, do të zhdukeshin edhe pretendimet për protagonizëm politik të amatorëve të politikës që afishohen si profesionistë.
Një tjetër mësim i 3 korrikut është edhe zbulimi se jo gjithmonë paraja zgjidh problemet e "hallexhinjve". Z. Nano, dhe partia e tij e kishte një "hall" të madh - të bënte të pamundurën që gogoli Berisha, të mos u merrte qeverinë. Halli i madh kërkonte një shpenzim të madh. Sipas shumë të dhënave socialistët nuk u kursyen. Mirëpo paraja e derdhur ndonëse nuk shkoi fare kot - ajo arriti të zbusë përmasat e humbjes - por nuk mundi ta shmangë atë. Shqiptarët tashmë kaluan një provë, jo të vogël, të ndërgjegjësimit qytetar. Ata i thanë jo me zë të lartë korrupsionit, pavarësisht se sa të sigurt do të jenë në të ardhmen. Gjithësesi , kjo humbje e socialistëve duhet të jetë gjithashtu edhe një paralajmërim serioz për vetë PD-në pasi nëse njerëzit do të mbeteshin të zhgënjyer, ai elektorat tashmë të heq ashtu siç te vuri në krye të tij.
Gjatë fushatës së zgjedhjeve liderët kryesorë të dy grupimeve të mëdha, lëshuan akuza të skajshme ndaj njeri-tjetrit. Sigurisht, llogaria bëhej për të bindur elektoratin se kundërshtari ishte krejt i padenjë për t'i besuar. Mirëpo shumë nga këto akuza shkojnë në fund të fundit, për llogari të diskreditimit të Shqipërisë e të shqiptarëve si shtet e si komb duke i sjellë dëme të pariparueshme interesave të tyre. Kështu për shembull pohimi i z. Berisha se nëpër Shqipëri kalon rruga kryesore e trafikimit të drogës së Lindjes si rrjedhojë e korrupsionit të Fatos Nanos, nuk është në dëm vetëm të Nanos por të afrimit të Shqipërisë me BE-në. Nga ana tjetër, pohimi i z. Nano se z Berisha është islamist dhe kërkon të lidhë Shqipërinë me radikalët e vendeve arabo-myslimane, është një thikë pas shpine për të gjithë shqiptarët. Janë vërtetë fjalë të destinuara për konsum të brendshëm por, me sa duket, pak janë menduar ata që i formulojnë se sot teknologjia e komunikimit masiv e bën një proces rutinë regjistrimin e çdo shprehjeje apo opinioni të shprehur nga udhëheqësit politikë të vendeve të ndryshme të mëdha apo të vogla qofshin ato.
Mësimi i fundit që na dha 3 korriku, ishte qetësia dhe normaliteti në sjelljen e njerëzve të nesërmen e përplasjes së madhe. Tirana ishte e zakonshme, e qetë, e qeshur, pak e vaposur por tërësisht normale. Njerëzit pyesnin, jo pa kureshtje, se si po shkon numrimi i votave por me një interes të ngjashëm me atë që tregojnë tifozët për takimet e javës së kampionatit italian apo anglez të futbollit. Ishte ajo pamje e këndshme që na ka munguar prej shumë vjetësh, gjatë përmbylljeve të zgjedhjeve politike apo vendore ku militantët e revoltuar përplaseshin me shumë mllef e energji me kundërshtarë të tyre të eksituar nga fitorja. Ishte një Tiranë normale, në një Shqipëri normale. E ndofta vetëm kjo do të mjaftonte që askush pas këtyre zgjedhjeve të mos e ndjejë veten të humbur.

21/07/2005
KATEGORIA: Analiza.Shekulli.

[tani_26]

ky popull e tregoi me te vertete qe e dashuron dhunen dhe rremujen. si mund tja japesh voten personit qe e ktheu shqiperine permbys. njeriut qe i mbushi lulishtet me kjoska dhe ai qe futi ne shqiperi firmat piramidale. Enver Hoxha te ishte gjalle dhe te kishte votime te lira ky popull ai do ja jepte prap voten.

Ky popull veproi me maturi pasi nese fitonte dhe nje here PS kjo gje do te ishte me te vertete idiotizem..Personalisht kam rezerva persa i perket aftesive te S. Berishes si politikan si dhe jam i bindur se F. Nano duhet patjeter te largohet nga kreu i PS si dhe nga politika shqiptare...Jo vetem Nano por edhe shume "Baballare" te tjere mekatare...Populli shqiptar nuk votoi Berishen por votoi per ndryshim pasi mospergjegjesia e mafiozit Nano kishte kaluar kulmin....

Persa i perket piramidave besoj se PD kishte pergjegjesine pasi ishte ne pushtet, ndersa persa i perket '97 besoj se te gjitha palet jane mekatere....

[Zarathustra.]

Ti o Tano me duket mua, ke harxhuar shume kohe qebabtoreve dhe kafeneve me mezexhinj qe zanatin e tyre me te mire e kane ate te marrjes neper goje si femra te keqija.

Jo po Nano na qenka mafioz, jo po na paska vjedhur. Edhe ne amerike po te pyesesh ndonje njeri te zakonshem apo puntor krahu, do te te thote se kongresmenet dhe qeveritaret jane njerez te korruptuar qe mendojne vetem per vete. Ideja eshte ketu qe masat e gjera mbizoterohen nga mentaliteti inferior i skllavit dhe nuk e durojne dot njeriun e suksesshem apo te fuqishem, keshtu qe mundohen ta demonizojne apo te ngrene male thashethemesh per te. Nano per ju patjeter qe eshte hajdut sepse vizioni juaj piciruk nuk mund ta imagjinoje dot se ky njeri eshte i afte per te qene i suksesshem dhe te siguroje te mira materiale per veten me shume se ju.

Kur plasi lufta ne Irak, kontraten prej mbi 7 miliarde dollaresh per ti sherbyer ushtrise amerikane, papritur e fitoi kompania "Halliburton" ish presidenti i se ciles ishte Dick Cheney, qe sot ka nje shume mjaft te konsiderueshme te aksioneve te saj. Vetem ky shembull flet mjaft qarte per natyren e kapitalizmit qe ju e doni, por qe edhe nuk e duroni dot, ngaqe vuani nga paaftesia dhe inferioriteti per te konkuruar. Duket qarte qe per ju "cdo zog qe fluturon haet". Nqs ne shqiperi do fluturonin gomeret psh, sipas jush per kete do ta kishte fajin Nano. Por nese Nano qenka hajdut kaq i madh, atehere pse jane rritur investimet publike te shtetit me 5 here krahasuar me 1996 (shiko shifrat tek CIA Factbook), pse jane shtruar 250 km autostrade dhe 500 km rruge dytesore, pse eshte 4-fishuar fondi per bashkite dhe komunat, pse te ardhurat nga doganat dhe tatimet, objektiva keto te vendosura dhe kontrolluara nga FMN, realizohen ne masen 102%, pse jane investuar mbi 500 milione euro ne rrjetin elektrik sot ne shqiperi, nga vetem 30 milione gjate 92-97, dhe pse eksportet cdo 3-mujor rriten me 12-15%? Pse valle Berisha i ndershem mezi na shtroi 5 km rruge, dhe nuk beri absolutisht asgje tjeter??

Ta kerkosh ndryshimin tek ai lider nen vizionin udheheqes te te cilit shqiptaret perjetuan 97-en, me duket mua se eshte si te vesh si "cjapi tek kasapi". Ndryshim nuk kerkohet nga ai lider rekordi i te cilit si udheheqes eshte "firma piramidale", ekonomi e shkaterruar, 2500 te vdekur, shtet i dezertuar, lufte civile etj etj. Ja ky ishte fundi i qeverisjes se Berishes. Sa here do ta perjetosh ti kete fund, qe te bindesh se xhahili Sale nuk di te udheheqe? Me duket mua se keto nuk te bejne aq perhtypje sa qejfet e Nanos. Ti, me sa shof une, te gerryen fakti qe njerezit nuk jane te barabarte me ty, por per 97 me 2500 te vdekur, s'ka problem- ajo eshte thjesht gabim qe ti je i gatshem ta tolerosh, dhe me tej, prej te cilit ti kerkon edhe ndryshimin!

WOW, cfare mendje brilante!!

[Brari]

firmat piramidale jane shpikje e Partise se Punes me ne krye Ali Nano Mizin qe me 1988-90-ten e qe u modernizuan nga malo arbeni me shoke ne kohen kur ishte pd-ja zyrtarisht ne pushtet e Ps faktikisht zot hauri mbi thes te parave.

edhe parate e atyre firmave i ka perseri Ps ne kontot e saje andej kendej.

edhe kto dite PS po e zgjat pushtet-mbajtjen pikerisht qe te fshehe miljardat e vjedhura.
cdo socialist nanoist keto dite eshte ne detyren "fisnike" te trasportimit te parave te zeza per dit te "bardha".

meqense dogana-porte-aeroportet jane ne dore te militanteve nanoiste te gjithe nanoistet besnike po kalojne pa u kontrolluar traun e kufirit kinse si turiste dhe po cojne ne kontot sekrete ane kend botes thaset me euro-dollare.
sipas ca zerave PS po u jep militanteve te vet shuma kolosale qe ti fshehin ku te mundin (natyrisht me fitim dhe per vet transportuesin) sepse Nano vet ska mundesi ti transportoje te gjitha vet miljardat e vjedhura.

paci fat o leshatora qe te jeni dhe ju ne ato listat e besnikeve qe transportojne e mbillin miljardat ne kontot sekrete se vec parave te partise do te keni dhe pjesen tuaj.

Vraponi pra socialist e bijo-bija mbeso nipa nano enveristesh.. e mos flini.. Ruci ka listen .. Nano vendos.. malo cac poci japin valixhet.. me ato gjerat e mira brenda.. ato gjerat pra qe behen cdo gje..

PD do ket fatin si ne 92-shin te marre ne dorzim dhe nashi me 2005 nje shtet "Kulle bari" si te selim myrtes.. pra nje shtet me arka bosh..

...se ashtu rrezohet me mire.. mbas ca muajsh a 1-2 vjetesh..

Ca thas i coj Nanua vet ne stamboll e Rodos para ca javesh e nashti kto dite.. ne Spanje i fshehu ca thase tjera..
lum si bodi gardo-gardeshat e ciftit XHo Nano..
sejcili e sejcila prej tyre kane ne kontot jashte miljarda euro dollare..

bravo u qofte.. kan solidaritet te celikte..

..

[MICHI]

O leshator nanos jo vec ato te kafeneve edhe piciruket por edhe ato qe kane maru nga dy akademi e njofim se si eshte e kush eshte. Po ta them edhe un ska njeri me te ndyre ne dy kembe imoral hajdut i piu gjakun shqiptarve, nuk me mjafton koha ti numeroj pislliqet e tij por mos fol kot por ti me siguri di te jesh ndonje nga bijte e bllokut. Mire thote brari agjenturat e bishes kuqe ne pushtet i hapen firmat por ato u harrun se nano me shoke e ben 100 here me zi shqiperine saqe ato meten lule ne ball.
Cdo gje ne shqiperi shkon ne xhepin e tyre ne xhepin e krimit e bandave miqve te pushtetareve.

Leshatoro ti thu ka shtru kaq km rruge kurse ka ana tjeter dyfisho taxat e rrit nr e papunsiimit e rrit cmimet e cdo gje e robt marrin ushqime e buke me lista por ti do jesh i bllokut e ske marr me liste.

Un jetoj ne usa edhe si ai qe ka dy universitete si ai me shkolle mesme se rruan se kush o dick cheney apo bush, dhe mos na fol per konkurim me nanon ti, ai po lun me djerse te shqiptarit ai imoral i pa ftyre grek.
Dhe nje gje po te fitonte ps ksaj radhe (le qe ska fitu asiher se i ka vledh me zor ) edhe gjysma e shqiptarve qe jane mrena fuifjve do iknin jashte se do e bete metropol shqiperine kelysshi i bushtres fatos nano me plerat e tjete te ish byrose.

[MICHI]

Dhe nje gje tjeter. Un isha vet ne shqiperi me 3 korrik edhe votova pashe tera emisionet televizive te te gjithe figurave atje. Organizmat nderkomtare ju kishin ven kusht qe te behen zgjedhet me standarte per te pasur shanse te hyne ne be ect. Naten e pare u bene zgjedhjet shum te mira pas asnje ekses. Kurse te nesermen dilnin kandidatet e ps duke qare e duke u andkuar na vodhi opozita votat qe nuk nodh ne asnjeven te botes. Si mund te vjedhe opozita votat kur ke ti pushtetin edhe ate lokalin me gjithe certefikata. Pastaj prishen imazhin e zgjedhejve sipas tyre do i prishnim pune pd-se por ato lane shqiperine mbrapa dhe tregon qarte qe pushtetaret e sotem jane me antishqiptar se cdo kush edhe qofshin mallkuar .