Lajmi më i fundit nga zgjedhjet e 3 korrikut

[inter_forever]

KQZ PUBLIKON REZULTATIN PROPORCIONAL PER 98 ZONA


Para pak minutash zedhenesi i Komisionit Qendror te Zgjedhjeve, Erton Sinani publikoi shifrat e 98 zonave ne proporcional, si dhe beri te ditur vazhdimin e bllokimit te procesit ne disa zona. Ai theksoi se ne zonat 2, 92, 64 dhe 100, puna per numerimin e votave, vazhdon te ngelet e bllokuar. Ai shtoi se neqoftese gjendja do te vazhdoje te paraqitet e tille, atehere nje vendim ne lidhje me shpalljen e rezultateve per keto zona, do ta marre vete KQZ-ja. Lista e proporcionalit per 98 zona eshte; PAD 4.8%, PDR 7.41%, PDK 3.28%, PR 20.05%, LZHK 3,41%, LSI 8.37%, PAA 6.54%, PBDNJ 4.06%, PDS 4.27%, PD 7.72%, PSD 12.7% dhe PS 8.94%

Top Channel.

[RTP]

http://news.ft.com/cms/s/4ca97c46-f1...00e2511c8.html

http://www.guardian.co.uk/worldlates...129495,00.html

http://seattletimes.nwsource.com/htm...23_wdig10.html

[Brari]

E Marte, 12 Korrik 2005


LEVIZJA E VONUAR RAMA

Burime serioze bejne te ditur se Kryetari i Bashkise se Tiranes dhe anetari i KPD-se se PS-se, Edi Rama, eshte gati per te nisur nje tur tek socialistet e bazes, pas humbjes se zgjedhjeve. Morali i rene i militanteve pas 3 korrikut, por sidomos sjellja e pazakonte e Kryeministrit dhe kryetarit te PS-se, i cili ne vend qe te ndalej ne nje analize ka flutuar neper brigje ekzotike te mesdheut, me siguri do te jene nje terren i pershtatshem per Ramen per te ngritur profilin e tij politik brenda socialisteve si dhe per te nxitur kryerjen e reformave qe priten ne PS.

Trauma qe ka pesuar baza e socialisteve ka nevoje per nje ilac qe nuk mund ta zevendesoje assesi loja e pahijshme e denoncimit te votimeve, qe po bejne disa nga perfaqesuesit roze, te cilet jane bash pergjegjesit kryesor per demtimin e imazhit te PS-se, dhe per pasoje per renien ne opozite.

Nano i ka urdheruar ministrat dhe zedhenesit qe te dalin ne televizion per te demtuar fitoren e PD-se, por harron se kesisoj po provokon alergjine e pasuesve te partise se tij, te cilet nuk duan me as ta degjojne emrin e Anastas Angjelit e Kastriot Islamit, e jo me ti shohin perdite ne ekran duke u qarravitur si femijet qe u kane ngrene djathin.

Keshtu qe levizja Rama, qe s'mund te jete tjeter vec nje analize e thelle e humbjes se zgjedhjeve per shkak te keqqeverisjes se Nanos dhe arrogances se klanit te tij, shihet si i vetmi aspirator per frymemarrjen e bazes socialiste. Megjithese 10 dite pas zgjedhjeve, kjo levizje e kryebashkiakut duket serish e vonuar. Ajo duhej te kishte nisur ne fakt perpara 3 korrikut, atehere kur shumekush qe i kishte dy pare mend, e kuptonte se PS po shkonte vete drejt opozites. Nje humbje e determinuar nga ata vete, pa marre parasysh ketu ndryshimet pozitive qe ndodhen ne PD.

Per here te pare, Edi Rama mund ta thote hapur ambicien dhe projektin e tij politik per te majten, pasi edhe po te doje, Nano nuk ka me asnje shans per ta ndaluar. Ai ka pushuar qe seni idhulli i socialisteve dhe tani njihet vetem si shkaktar i humbjes, por edhe autor i pasurimit hiperbolik te atij vete dhe nje grupi njerezish rreth tij.

Tani nuk eshte koha per te vajtuar te vdekurin, por per te gjetur parimet e se majtes te shkelura me kembe gjithe keto vite nga Nano dhe te tijte. Vetem rizbulimi i ketyre principeve dhe i moralit te merguar, do te bejne te mundur nje ringritje te PS-se, qe te jete te pakten e afte per te qene konkurente dinjitoze pas 4 vitesh. Nese ky operacion nuk nis, dhe nese Nano vendos te perzihet serish duke bere viktimen dhe duke stimuluar nostalgjine, atehere socialistet do te jene partia me e shkaterruar qe do te paraqitet per zgjedhjet e vitit 2009.


koha jone

[Era1]

Në sitin www.seeurope.net që mbulon informacione nga Europa Juglindore botohet ky lajm i marrë nga Reuters

Reuters: Nano nuk pranon humbjen

Shqipëria rrezikon një tjetër dështim në zgjedhje, për shkak se kryeministri i vendit, Fatos Nano, refuzon që të pranojë rezultatet e Komisionit Qëndror të
Zgjedhjeve që flasin për fitore të pastër të rivalit të tij, Sali Berisha.
Votimet e javës së kaluar shikoheshin si një provë për Shqipërinë ish-komuniste, për të provuar se tashmë ajo ka maturinë politike të nevojshme për t’u bashkuar me BE dhe me NATO.
Një proces zgjedhor konfliktual që do përfundojë duke u endur nëpër dyert e gjykatës, mund të dëmtojë rëndë shanset e Shqipërisë. Të pesë proceset zgjedhore të kaluara, që nga rënia e komunizmit në vitin 1990 janë njollosur për shkak të dhunës dhe kërcënimeve. Megjithatë edhe pse zgjedhjet e 3 korrikut nuk janë shoqëruar nga akte dhune, duket se transferimi i pushtetit nuk do të bëhet në mënyrë normale. “Do të pranoj çdo rezultat, pavarësisht nëse është
fitore apo humbje, vetëm në rast se do të çertifikohet nga Kolegji zgjedhor dhe Komisioni Qëndror i Zgjedhjeve,” thotë Nano, duke shtuar se qeveria e tij
vazhdon punën. “Deri në çertifikimin e tyre kushtetuta kërkon që çdo ministër të vazhdojë punën deri sa të legjitimohet pasardhësi”.
Partia Socialiste ka deklaruar se do të depozitojë ankimime për 30 zona zgjedhore. Rezultatet tregojnë se Partia Demokratike e qendrës së djathtë dhe aleatët e saj kanë fituar të paktën 73 vende nga 140 vende të parlamentit dhe mund të formojnë qeverinë. Socialistët e Nanos dhe aleatët e tij kanë fituar 64 vende.


Marre nga gazeta Tema

[Albo]

PD, 13 deputete me teper se e majta

E Marte, 12 Korrik 2005
Nga 97 zona, Partia Demokratike ka arritur te siguroje 55 deputete, ndersa socialitet 40. Se bashku me Ilir Meten dhe te pavarurin Spiro Peci, te majtet mberrijne ne 42 mandate. Mbeten te papercaktuara 3 zona, si dhe ndarja e 40 vendeve te listes proporcionale, ku aleatet e PS do te marrin me teper se ata te PD

Partia Demokratike do te perfaqesohet me 55 deputete ne Kuvendin e ri te Shqiperise, ndersa Partia Socialiste vetem me 40 ligjvenes te zgjedhur me sistemin mazhoritar. Ky eshte rezultati ne baze te te dhenave qe vijne nga Komisioni Qendror i Zgjedhjeve per 97 zona zgjedhore, nga 100 gjithsej qe ka Republika e Shqiperise. Nderkohe, bashke me mandatin e Metes dhe ate te te pavarurit Spiro Peci, e majta mberrin te 42 deputete. Pra vetem 13 deoputete me pak se e djathta.

Megjithate, mbetet ende per t'u percaktuar numri i deputeteve qe do te marre spektri i majte dhe ai i djathte nga lista e proporcionalit. Kete te fundit vazhdon ta kryesoje Partia Republikane me 20% te votave te fituara ne 3 korrik dhe pas saj renditen Partia Socialdemokrate e Skender Gjinushit me mbi 12%. Ne baze te ketyre te dhenave, rezulton se te majtet do te mund te marrin nga 40 vendeshi i proporcionalit rreth 22 deputete, ndersa te djathtet vetem 18 mandate.

Nderkaq, KQZ ka konfirmuar fitues ne zonen 79, Kryetarin e Levizjes Socialiste per Integrim, Ilir Meta, si dhe ne zonen 98 kandidatin e pavarur, Spiro Peci. Zonat e mbetura pa fitues jane zona numer 2 ne Qarkun e Shkodres, zona 64 ne Qarkun e Fierit dhe zona 100 ne Qarkun e Vlores. Per fituesit e te treja zonave zgjedhore ne fjale, pritet te shprehet se shpejti, Komisioni Qendror i Zgjedhjeve.

R. K

PARTIA DEMOKRATIKE

1 - RAMIZ COBAJ

2 - GILMAN BAKALLI

3 - ARENCA TROSHANI

4 - JOZEFINA TOPALLI

5 - NARD NDOKA

6 - REXHEP UKA

7 - ALEKSANDER BIBERAJ

8 - JEMIN GJANA

9 - FATOS HOXHA

10 - ALDO BUMCI

11 - PREC ZOGAJ

12 - GJOVALIN PRENGA

13 - GJOKE VUKSANI

14 - PAL DAJCI

15 - IDRIZ XHOMARA

16 - SALI SHEHU

17 - RAHIM KALECI

18 - SHKELQIM ZIRI

19 - NDRICIM BABASI

20 - SAMI GJERGJI

21 - SOKOL OLLDASHI

22 - FLORI BAJRAMAJ

23 - FERDINAND XHAFERRI

24 - GAZMEND OKETA

25 - GENC JUKA

26 - BAMIR TOPI

27 - BESNIK MUSTAFAJ

28 - LULZIM BASHA

29 - BUJAR NISHANI

30 - YLLI PANGO

31 - MAJLINDA BREGU

32 - GEZIM KARAPICI

33 - SPARTAK NGJELA

34 - SAFET SULAJ

35 - ASTRIT PATOZI

36 - LEONARD DEMI

37 - BAKI SHEHI

38 - SALI BERISHA

39 - ENGJELL CARA

40 - LUAN SKUQI

41 - DASHNOR SULA

42 - AUREL BYLYKBASHI

43 - BLERIM CELA

44 - MEVLAN XHINDOLI

45 - FATOS BEJA

46 - ARTUR SHEHU

47 - MEHMET XHEKA

48 - RIDVAN BODE

49 - ILIR RUSMAJLI

50 - EDMOND SPAHO

51 - BESNIK JACELLI

52 - MEHMET HOXHA

53 - GENC RULI

54 - BUJAR LESKAJ

55 - ARDIAN KOLLOZI

PARTIA SOCIALISTE

1 - PAULIN STERKAJ

2 - TOM DOSHI

3 - QEMAL MINXHOZI

4 - SADRI ABAZI

5 - ERMELINDA MEKSI

6 - ANDIS HARASANI

7 - SHPETIM IDRIZI

8 - MUSA ULQINI

9 - DURIM LAMAJ

10 - DURIM HUSHI

11 - TAULANT DEDJA

12 - BUKUROSH STAFA

13 - VALENTINA LESKAJ

14 - NAMIK DOKLE

15 - NDRICIM HYSA

16 - ELMAZ SHERIFI

17 - TAULANT BALLA

18 - RRAPUSH TOLA

19 - ARTA DADE

20 - ALBERT CACI

21 - PETRO KOCI

22 - FATMIR XHINDI

23 - YLLI BUFI

24 - BLENDI KLOSI

25 - RAJMONDA STEFA

26 - ERION BRACE

27 - MARKO BELLO

28 - LUAN MEMUSHI

29 - BASHKIM FINO

30 - BEN BLUSHI

31 - PANDELI MAJKO

32 - FATMIR XHAFAJ

33 - ALFRED DALIPI

34 - FLAMUR HOXHA

35 - GRAMOZ RUCI

36 - ARBEN MALAJ

37 - ARBEN ISARAJ

38 - BESNIK DERVISHI

39 - FATOS NANO

40 - VANGJEL TAVO

LEVIZJA SOCIALISTE PER INTEGRIM

1 - ILIR META

TE PAVARUR

1 - SPIRO PECI

GJITHSEJ 97 ZONA ZGJEDHORE

PD 55 zona

PS 40 zona

LSI 1 zone

I PAVARUR 1 zone

PROPORCIONALI NE 98 ZONA ZGJEDHORE

PR 20.10%

PSD 12.70%

PS 8.90%

LSI 8.40%

PD 7.70%

PDR 7.40%

PAA 6.50%

PAD 4.80%

PDS 4.30%

PBDNJ 4.10%

LZHK 3.40%

PDK 3.30%

[Albo]

PS votoi në proporcional për PSD, PAD, PDS dhe PAA sipas ndarjes për çdo parti

Të vegjlit s’i japin PS asnjë deputet

Shkelet marrëveshja për shkëmbimin e mandateve paszgjedhore

Luljeta Progni
Asnjë socialist nuk ka përfituar nga listat proporcionale të partive aleate të PS-së. Nga shtatë vende të PSD-së në Parlament, katër të PAA-së, dy të PDS-së dhe tre të PAD-së, nuk do të përfitojë asnjë socialist, ndryshe nga ç’ishte vendosur në një marrëveshje mes PS-së dhe secilës prej këtyre partive.

Gjatë fushatës elektorale, në të gjitha zonat, thirrjet e PS-së kanë qenë të votojnë për kandidatin e tyre dhe në proporcional për PSD-në, PAD-në, PAA-në dhe PDS-në në zona të caktuara. Në shkëmbim të saj në listat e partive të vogla, do të hynin emra të PS-së, të cilët nuk mund të ishin në listën e kandidatëve për deputetë të PS-së. Sipas formulës së njohur se në Parlament hyn ai kandidat që ka marrë më shumë vota për partinë në zonën e tij elektorale, të vegjlit kanë shmangur përfshirjen në listën e deputetëve fitues të partive të tyre, emrat e PS-së, duke shkelur marrëveshjen me PS-në.

Shkelja e marrëveshjes
Menjëherë pas përfundimit të zgjedhjeve dhe shpalljes paraprake të rezultateve, ku dhe po shihej humbja e PS-së, aleatët e kësaj të fundit kanë nxituar të përcaktojnë emrat fitues nga lista proporcionale, ku dhe mungonin emrat e premtuar të PS-së. Në fillim të fushatës elektorale, sekretari i përgjithshëm i PS-së, Gramoz Ruçi, arriti një marrëveshje me krerët e partive aleate në “koalicionin për integrim”, sipas së cilës, në listat proporcionale të partive të vogla hynin emra të PS-së dhe vota në proporcional do të shkonte për partitë e vogla. Megjithëse nuk e pranuan asnjëherë publikisht, krerët e katër partive aleate me PS-në pranuan marrëveshjen e pashkruar dhe në listat e tyre u përfshinë edhe emra të PS-së. Gjatë fushatës në të gjitha zonat, elektorati socialist i orientuar nga organet drejtuese të PS-së, votoi për kandidatët e PS-së, ndërsa në proporcional votoi për PSD-në, PAD-në, PDS-në, PAA-në sipas ndarjes së zonave për secilën parti. Sipas kësaj skeme, partia që ka përfituar më shumë nga PS-ja ishte PSD-ja, e cila në bazë të përqindjes së fituar në proporcional me mbështetjen e PS-së përfiton shtatë deputetë. Në këtë grup deputetësh nuk ka hyrë asnjë socialist, siç pretendohej në marrëveshjen me PS-në. Gjinushi ka eliminuar emrat e PS-së në listën proporcionale, duke iu referuar formulës, sipas së cilës hyn në Parlament ai kandidat që merr më shumë vota në proporcional. Të njëjtën procedurë kanë ndjekur edhe Xhuveli i PAA-së, Ceka i PAD-së dhe Milo i PDS-së.

Debati
Burime pranë PS-së bëjnë të ditur se sekretari i përgjithshëm socialist, Gramoz Ruçi, ka kërkuar nga aleatët t’i përmbahen marrëveshjes, ndërsa këta të fundit kanë nxjerrë argumentin e formulës. Ruçi ka komunikuar me kryetarin socialdemokrat, të cilit i ka kërkuar që në listën prej shtatë deputetësh të përfshiheshin katër socialistë, ashtu siç ishte marrëveshja para zgjedhjeve. Ndërsa Gjinushi i është referuar formulës që, sipas tij, është vendosur për hyrjen e kandidatëve në Parlament, duke iu përgjigjur Ruçit se asnjë prej emrave të PS-së nuk ka marrë numrin e nevojshëm për të hyrë në Parlament. Pas një debati mes Ruçit e Gjinushit, ky i fundit ka nxituar të dalë para shtypit dhe të deklarojë se nuk ka arsye të rishikohet proporcionali, pasi përqindja e marrë nga PSD-ja ishte reale dhe pa ndihmën e askujt.


zgjedhjet 2005

Proporcionali

PSD
Skënder Gjinushi
Engjëll Bejtja
Pajtim Bello
Ferdinand Ibrahimi
Diana Çuli
Angjelina Kola
Ingrid Shuli

PAA
Lufter Xhuveli
Ymer Tola
Petrit Gjoni
Nikollaq Nërenxi

PAD
Neritan Ceka
Pirro Lutaj
Pashko Ujka

PDS
Paskal Milo
Hamit Kosta



PSD merr 7, PAD 3, PAA 4 dhe PDS merr dy mandate
Aleatët e PS, 16 deputetë në proporcional

Katër partitë aleate të PS-së në “koalicionin për integrim” kanë marrë gjithsej gjashtëmbëdhjetë deputetë në zgjedhjet e 3 korrikut. Me mbështetjen e PS-së në proporcional, PSD-ja ka marrë shtatë deputetë, PAD-ja tre deputetë, PAA-ja katër deputetë dhe PDS-ja dy deputetë. Krerët e këtyre partive pretendojnë se janë mbështetur nga elektorati i tyre në përqindjen e fituar në këto zgjedhje. Ndërsa përqindja më e lartë e fituar nga PSD-ja është parë me xhelozi nga krerët e tre partive të tjera aleate të PS-së, të cilat pretendojnë se votat e tyre në proporcional janë manipuluar nga PS-ja në bashkëpunim me PSD-në. E vetmja aleate e PS-së në “koalicionin për integrim”, PBDNJ-ja, nuk ka përfituar në sistemin proporcional nga maxhoranca socialiste. Madje në zona të caktuara sfida e PS-së ka qenë me PBDNJ-në, siç ndodhi në zonën nr. 92 ku u përplasën në një garë të fortë kandidati i PS-së, Vangjel Tavo, dhe ai i PBDNJ-së, Spiro Ksera.

Panorama

[Albo]

marreveshja e pd

PD respekton marrëveshjen parazgjedhore me partitë aleate


Opozitarët që hyjnë në Parlament me proporcional

EVA GJURA
Zbardhet lista e deputetëve të rinj që do të hyjnë në Parlament sipas votës proporcionale dhe sipas marrëveshjes së PD-së me aleatët.

Nga kjo listë, siç shihet, numrin më të madh të deputetëve e përfiton Partia Republikane, e cila gjithsesi ka në përbërje dhe pesë emra që janë të PD-së. Pjesa tjetër e shpërndarjes së proporcionalit mes aleatëve do të bëhet sipas përqindjes që kanë fituar vetë partitë, pa qenë të detyruar të përfshijnë njerëz të PD-së. Në princip, Partia Demokratike po zbaton pikë më pikë marrëveshjen e nënshkruar me aleatët e saj para fillimit të fushatës elektorale, ndërkohë që PS nuk ka arritur të zbatojë aleancat e saj me partitë që përbënin koalicionin qeverisës. Sipas skemës paraprake, të parashikuar nga marrëveshja e PD-së me aleatët, tri zona të lira i la PD-ja, PR-së, ndërsa kjo e fundit përfshiu në listën e saj proporcionale 33 emra anëtarë të PD-së. Ndërsa PDR-ja pati po tri zona të lira nga PD-ja, por në listën e saj proporcionale ka pasur vetëm anëtarë të partisë së saj, po kjo skemë është ndjekur edhe me PDK-në. Nga 33 emra të PD-së që kandiduan nën siglën e PR-së për proporcionalin vetëm 5 prej tyre kanë arritur të marrin numrin e duhur të votave për t’u futur në Parlament.

Marrëveshja
Kandidati që merr më shumë vota në proporcional nga partitë e vogla do të futet në Parlament. Kjo ka qenë marrëveshja që është bërë para zgjedhjeve mes Partisë Demokratike dhe aleatëve të saj, marrëveshje, e cila ka filluar të vihet në zbatim pa krijuar ndonjë problem. Partia Republikane përveç emrave të saj, të cilët kanë kandiduar për proporcionalin ka pasur edhe 33 emra nga PD-ja që në zgjedhjet e 3 korrikut kanë kandiduar nën siglën e PR-së në zona të ndryshme. Po këtë skemë kanë ndjekur edhe Liberal Demokratët e drejtuar nga Starova, ku në listë është dhe Luan Malltezi dhe Balli Kombëtar Demokrat i drejtuar nga Artur Roshi, ku në listë është Edi Paloka. Ndërsa reformatorët dhe demokristianët nuk kanë pasur një marrëveshje të tillë, të dyja këto parti janë përfaqësuar me kandidatë, të cilët janë anëtarë të partive te tyre, por do të futen në Parlament ata që marrin më shumë vota, duke përjashtuar kryetarin që është i pari në këtë listë.

Përfaqësimi në qeveri
Në bazë të marrëveshjes së bërë mes PD-së dhe aleatëve të saj poste ministrore u takojnë vetëm partive, që kanë marrë një përqindje të lartë në zgjedhjet e 3 korrikut. Duke iu bazuar kësaj marrëveshjeje, tani pas mbarimit të zgjedhjeve kryetari i PR-së, Mediu dhe kryetari i PDR-së, Pollo duke qenë dy parti që kanë marrë më shumë vota sesa partitë e tjera që përbëjnë koalicionin e djathtë, u takon të kenë nga një post ministror në qeverinë e drejtuar nga Berisha. Mendohet që Mediu të jetë edhe zëvendëskryeministër, pasi partia e tij është e para si subjekt politik dhe merr më shumë deputetë në proporcional se çdo parti tjetër. Ndërsa partitë që kanë kaluar pragun dhe marrin nga dy ose tre deputetë nga proporcionali, sipas drejtuesve të PD-së, duhet të kënaqen në përfaqësimin e tyre edhe me poste dytësore si zëvendësministra, drejtorë drejtorish etj.

Reagimi
Deklarimi i Berishës se do të shkurtojë numrin e ministrive dhe se jo të gjithë aleatët do të përfaqësohen në kabinetin qeverisës të drejtuar prej tij si ministra, është pritur mirë nga partitë aleate të PD-së. Nënkryetari i PDR-së, Tritan Shehu, ka pranuar dje se PDR-ja do të ketë një rol të rëndësishëm në qeverisjen e ardhme dhe do të përfaqësohet me poste ministrore, por konkretisht ai nuk ka përmendur ndonjë emër. “PDR-ja tashmë është pjesë e maxhorancës qeverisëse dhe ka të njëjtin qëllim me partitë e tjera të djathta. Të gjithë duhet të realizojnë impenjimet që morën përsipër para elektoratit”, është shprehur Shehu. Gjithashtu ai ka deklaruar më tej se është i nevojshëm bashkëpunimi dhe besimi reciprok brenda koalicionit qeverisës për të çuar vendin drejt rrugës së integrimit. Ndërsa kryetari i PDK-së, Nikollë Lesi, është shprehur se tashmë e djathta është në pushtet dhe do të ketë një kabinet qeveritar që do të drejtohet nga Sali Berisha, të cilit i ka uruar suksese në punën e tij. Sipas Lesit për PDK-në nuk është shumë e rëndësishme që ajo të ketë patjetër një post ministror, pasi kjo forcë politike mund të përfaqësohet edhe në nivelet dytësore si zëvendësministra apo ndonjë post tjetër drejtues.

zgjedhjet 2005

Proporcionali

PR
Fatmir Mediu PR
Genc Sharku PD
Besnik Xhidra PD
Albert Faruku PR
Hajrulla Paturi PR
Artur Hasanbelliu PR
Robinson Lipe PR
Alfred Gega PR
Besnik Bisha PD
Galip Ramadhi PD
Parid Teferiçi PD

PDR
Genc Pollo PDR
Tritan Shehu PDR
Jak Ndokaj PDR
Frrok Gjini PDR

PDK
Nikollë Lesi PDK
Ndue Shpani PDK


Balli Kombëtar dhe Bashkimi Liberal në koalicion me PD
Zv.ministra për partitë që s’morën 2.5 për qind

Për partitë e vogla aleate të PD-së, Berisha ka menduar të dhurojë poste zëvendësministrash dhe të tjerë të këtij niveli. Shpërndarjen e këtyre posteve, PD e bën në përputhje me marrëveshjen parazgjedhore që nënshkroi për bashkëpunimin me shtatë parti të djathta, të cilat pranuan të bëjnë aleanca me të për zgjedhjet e 3 korrikut. Me gjithë thirrjet e PD-së që si subjekt politik të mos votohej PD-ja, por njëra nga partitë aleate, tri nga këto parti nuk arritën të marrin numrin e duhur të votave për të kaluar pragun 2.5% që të përfaqësoheshin në Parlament me deputetët e tyre. PBL e drejtuar nga Starova nuk do të ketë asnjë deputet në Parlament, po kështu edhe PBKD e drejtuar nga Artur Roshi, dhe PBK e drejtuar nga Alimadhi, pasi nuk arritën të marrin 2.5% të votave. Por megjithëse këto parti nuk do të kenë përfaqësuesit e tyre në Parlament, kryetari i PD-së, Berisha, ka premtuar se do të përfaqësohen në qeverisje në nivele të dyta dhe të treta. Kështu Starova pritet të ketë postin e zëvendësministrit në Ministrinë e Jashtme. Ndërsa PBDK-ja dhe PBK-ja në nivele drejtorësh. Këtë skemë të propozuar nga PD-ja kryetarët e partive të vogla e kanë mirëpritur, duke e parë si diçka pozitive dhe një vlerësim nga PD-ja.

Panorama

[Albo]

Deri tani KQZ-ja ka rrëzuar 70 ankesa nga 320 që kanë mbërritur gjithsej në këtë institucion

KQZ, rezultati më 23 korrik

Kodi Zgjedhor: KQZ merr vendim përfundimtar për kërkesën ankimore brenda 10 ditëve nga data e regjistrimit të saj

A.Rama

TIRANË-Shqyrtimi i ankesave të depozituara nga kandidatët dhe subjektet politike në Komisionin Qendror të Zgjedhjeve pritet të përfundojë brenda datës 23 korrik. Ndonëse deri tani janë regjistruar në KQZ në Regjistrin e Ankimeve Zgjedhore 320 ankesa për kundërshtim të tabelave të rezultateve dhe disa për pavlefshmëri, afati i fundit që përcakton Kodi Zgjedhor për të mbyllur shqyrtimin e tyre është data 23 korrik. Kështu, subjektet zgjedhore dhe kandidatët kanë të drejtë të depozitojnë në KQZ ankesa mbi vendimet e marra nga Komisionet Zonale Zgjedhore deri 10 ditë pas zhvillimit të zgjedhjeve, pra deri në datën 13 korrik. Ndërsa KQZ-ja duhet të shqyrtojë secilën ankesë brenda 10 ditëve nga koha kur ajo është depozituar pranë saj. Ndërkohë ankimimi i fundit lidhur me procesin zgjedhor të 3 korrikut është regjistruar në datën 10. Por duke parë numrin e madh të ankimimeve që janë depozituar për këtë proces zgjedhor, burimet nga KQZ-ja pohuan se mbyllja e shqyrtimit të tyre do të përfundojë deri në fund të javës që vjen. Duke llogaritur se afati i fundit për t’u ankuar në KQËZ është data 13 korrik dhe KQZ është e detyruar të vendosë brenda 10 ditëve nga dorëzimi i ankesës, del që në 23 korrik institucioni kryesor i zgjedhjeve të mbarojë pune me ankesat në 23 korrik. Gjatë kësaj jave pritet të përfundojnë të gjitha ankesat për kundërshtim të tabelave të rezultateve të miratuara nga KZZ-së, si dhe ankesat për mosmarrje vendimi për shpalljen e kandidatit fitues. Ndërsa më pas do të shqyrtohen ankesat e ardhura nga subjektet dhe kandidatët për shpalljen e pavlefshmërisë së zgjedhjeve në zona të caktuara. Deri dje në mbrëmje KQZ-ja ka rrëzuar gati 70 ankesa, të cilat kanë pasur si objekt kundërshtimin e tabelës së rezultateve të proporcionalit në qendra të ndryshme votimi, apo edhe në mjaft zona elektorale. Shumica e ankesave që janë rrëzuar me votat unanime të 7 anëtarëve të KQZ-s. Kanë qenë të partive të vogla, të cilat kanë kontesuar rezultatet e deritanishme të proporcionalit. Konkretisht vetëm dje janë rrëzuar 10 ankesa të LZHK-së që kishin si objekt kontesimin e rezultave të proporcionalit. Ndër kërkesat e rrëzuara nga KQZ-ja me votim unanim, është edhe ajo e kandidates socialiste në zonën 90, Makbule Çeço, e cila kundërshtonte vendimin e KZZ-së për shpalljen të pavlefshme të 2 kutive të votimit. KQZ-ja la në fuqi vendimin e KZZ-së, duke shpallur fitues kandidatin e PD-së, Genc Ruli. Po kështu janë rrëzuar edhe ankesat e kandidatëve Neritan Sejamini i PD-së dhe Mark Nikolli i PS-së, të cilët kundërshtonin rezultatet përkatësisht në KZZ-në 42 në kryeqytet dhe të KZZ-së 15. Ndërkaq shpejtësia në përfundimin e shqyrtimit të ankesave do të jetë në dorë të Kolegjit Zgjedhor, i cili vetëm dje ka filluar shqyrtimin e 3 ankesave të para që kanë ardhur nga subjektet dhe palë të tjera të interesuara, pas vendimeve të shpallura nga KQZ-ja. Pritet që shumica e ankesave që do të shqyrtojë KQZ-ja, me përjashtim të atyre që janë për shpallje vendimi për kandidatët fitues, të apelohen në Kolegjin Zgjedhor.


Neni 146
E drejta e ankimimit
Çdo subjekt zgjedhor ka të drejtë të ankohet në KQZ, kundër vendimeve të KZZ-së që cënojnë interesat e tyre të ligjshme brenda dy ditëve nga data e shpalljes së vendimit.


Neni 161
KQZ-ja merr vendim përfundimtar për kërkesën ankimore brenda 10 ditëve nga data e regjistrimit të saj.

Shekulli

[Era1]

KQZ nuk ka mundur të marrë dje një vendim për Kastriot
Islamin, pasi ai ka ndryshuar formulimin e ankimimit
duke çuar në një tjetër shtyrje të çështjes

PS ndryshon formulimet e ankimimeve në KQZ për të
vonuar procesin

Partia Socialiste vendosi që ankesat drejtuar Komisionit Qendror të Zgjedhjeve për kundërshtimin e vendimit të Komisioneve Zonale Zgjedhore, t’i paraqesë si ankesa për pavlefshmëri të votimit në qendrat e votimit. Kandidatët e Partisë Socialiste kanë vendosur të dublojnë ankimimet e tyre në KQZ duke ndryshuar
formulimet e ankimimeve, me qëllim që të vonohet procesi i çertifikimit të rezultatit nga KQZ. Kandidati i Partisë Socialiste, për zonën 73 dhe aktualisht ministri i Jashtëm, Kastriot Islami, tha dje nëpërmjet avokatit të tij se ankimimi i tij do të
konsistojë në pavlefshmërinë e zgjedhjeve në 2 qendra votimi. Disa ditë më parë ministri i Jashtëm, Islami kishte ankimuar në Komisionin Qendror të Zgjedhjeve vendimin e Komisionit Zonal Zgjedhor numër 73 për quajtjen të parregullta të dy kutive të votimit në këtë zonë. Ky ankimim është pezulluar për momentin nga kandidati i PS-së, Kastriot Islami dhe do të shqyrtohet pas pretendimit për pavlefshmërinë e zgjedhjeve në 2 qendra votimi. Kjo ka sjellë një shtyrje tjetër nga ana e KQZ-së për këtë çështje. Artur Shehu, kandidati i Partisë Demokratike në zonën zgjedhore 73 theksoi se asgjë nuk e shpëton Kastriot Islamin nga humbja dhe rezultati i votimit është verdikt i popullit. Artur Shehu, kandidat për deputetë i PD-së në Mallakastër, ka një diferencë prej 38 votash me rivalin e tij socialist, Kastriot Islami. Kandidati i PD-së, Shehu është shpallur fitues nga KZZ-ja e zonës 73. Të njëjtin ankimim ka paraqitur edhe Myzelejen Hoxha, kandidat i Partisë Socialiste në zonën 71. Sipas përfaqësuesit të tij, Hoxha ka kërkuar pavlefshmërinë e zgjedhjve në disa qendra votimi, ankesë e ndryshuar kjo ditën e djeshme nga Myzelejen Hoxha. Komisioni Zonal Zgjedhor numër 71, në qarkun e Fierit ka shpallur si fitues kandidatin e Partisë Demokratike, Fatos Bejën.Kandidati i PD-së në këtë zonë kishte marrë 4916 vota, ndërsa rivali socialit Hoxha kishte 4193 vota.


Gazeta Tema

[Brari]

shekulli

--


Krerët socialistë mblidhen për të analizuar rezultatin e zgjedhjeve

Nano në selinë e PS: Ta çojmë rezultatin 70 me 70


Darina Tanushi

TIRANË – Drejtuesit socialistë kanë diskutuar dje për rreth tri orë në selinë e PS-së shifrat dhe përqindjet që kanë arritur të marrin deri tani në zgjedhjet e 3 korrikut. Të nxitur edhe nga kryetari i partisë, Fatos Nano, i cili ka mbërritur dje në selinë e PS-së, pas një pushimi në fundjavë jashtë Shqipërisë, disa prej drejtuesve të PS-së, njohës të mirë të ligjit zgjedhor dhe taktikave zgjedhore, kanë bërë gjithashtu edhe llogaritë se sa mund të arrijë lista e deputetëve të majtë përballë deputetëve të djathtë në Parlamentin e ri. Të gjitha llogaritë e krerëve socialistë kanë ardhur rrotull rezultatit barazues 70 me 70. Aktualisht PD-ja konfirmon 55 deputetë në maxhoritar, ndërsa socialistët numërojnë deri tani 40 mandate deputetësh. Por ky rezultat i dy partive politike ka dalë pa llogaritur zonën 2 në Shkodër, ku kandidojnë për PS-në Pal Lera dhe për PD-në Astrit Bushati, si dhe zonën nr. 100, ku gara tashmë është midis kandidatit socialist Stefan Çipa dhe Thoma Miços të mbështetur nga PBDNJ-ja. Nga ana e saj, PS-ja pretendon se të dyja këto zona janë në favor të saj, duke llogaritur edhe Spiro Peçin e mbështetur po kështu nga PBDNJ-ja, si dhe mandatin e Ilir Metës, duke i shtuar edhe rreth 23 mandate në listën proporcionale, dhe synon që të kapë 70 deputetë, që do të thotë se qeveria nuk mund të krijohet vetëm nga të djathtët. Sipas burimeve të afërta me drejtuesit socialistë, ata presin dhe llogarisin gjithashtu që të kenë në dorë edhe mandatet e Kastriot Islamit, Ethem Rukës, Makbule Çeços apo edhe Pal Lerës, ku pritet të ketë zgjedhje. Nga ana tjetër, ata kanë drejtuar edhe ankesa të tjera në Komisionin Qendror të Zgjedhjeve, por do t’i drejtojnë edhe Kolegjit Zgjedhor ankesa të tilla deri edhe për ribërje zgjedhjesh në zona të veçanta. Një kërkesë e tillë është bërë një ditë më parë edhe nga kandidati i zonës nr. 29 në Durrës, Gjergji Koja, ndërsa edhe të tjerë si Mark Nikolli, Myzelejen Hoxha, Arben Ahmetaj, Igli Toska etj., kanë kërkuar gjithashtu përsëritje qoftë në disa qendra, qoftë në tërësi. Deri tani është rrëzuar kërkesa e Mark Nikollit në KQZ, por pritet një përgjigje nga Kolegji Zgjedhor. Kryetari socialist, Fatos Nano, ka mbledhur dje shtabin elektoral, ku ka munguar një nga drejtuesit kryesorë; kryetari i Bashkisë së Tiranës, Edi Rama, si dhe anëtarë të tjerë, për t’u njohur më saktë me zhvillimet më të fundit. Sipas të njëjtave burime nga selia e PS-së, ende nuk bëhet fjalë që të nisë fushata e analizave në parti për të nxjerrë edhe përgjegjësit kryesorë të humbjes së PS-së, pasi pritet që të dalë rezultati zyrtar i këtyre zgjedhjeve. Por duket se tashmë socialistët janë të bindur se rezultatet e arritura janë shumë të dobëta, megjithëse ende nuk pranojnë faktin që janë humbës të këtyre zgjedhjeve.






13/07/2005