Lajmi më i fundit nga zgjedhjet e 3 korrikut

[Albo]

PDR-ja deklaron se ka shpenzuar 1 713 000 lekë, mori nga shteti 2 408 473 lekë

PDR-ja shpenzon gjysmën e shumës së akorduar nga KQZ-ja

A.R

TIRANE - Reformatorët kanë deklaruar dje pranë KQZ-së të dhënat për shpenzimet e fushatës elektorale të qershorit. Nga formulari i dorëzuar nga ky subjekt zgjedhor në Komisionin Qendror të Zgjedhjeve rezulton se shpenzimet e PDR-së për të gjithë fushatën arrijnë në 1 713 000 lekë të reja. Sipas të dhënave të deklaruara nga PDR-ja, në këtë shifër është përfshirë edhe fondi që ky subjekt zgjedhor ka përftuar nga buxheti i shtetit. Përkatësisht reformatorët kanë marrë nga fondet e ndara nga KQZ-ja shumën prej 2 473 408 lekë. Ndërkohë, pavarësisht se PDR-ja konsiderohet si një parti e vogël, gjatë fushatës zgjedhore të qershorit ka qenë aktive duke zhvilluar takime e mitingje të ndryshme, por edhe duke pasur kandidatë të drejpërdrejtë në maxhoritar, shpenzimet kanë qenë jo pak të vogla. Përveç PDR-së, në KQZ ka mbërritur edhe formulari me të dhënat për shpenzimet e Lëvizjes për Zhvillim Kombëtar, që është në shuma simbolike, edhe pse ky koalicion ka kandiduar në të 100 zonat me kandidatë më vete. Po kështu edhe PKSH-ja ka deklaruar shpenzimet për fushatën elektorale, duke konfirmuar në formularin e saj se nuk ka marrë asnjë sponsorizim gjatë fushatës. Po kështu edhe kandidatja e pavarur, Elizabeta Dosti, që kandidoi, dorëzoi pranë KQZ-se deklaratën mbi shpenzimet e fushatës elektorale të 3 korrikut, ku rezulton se ajo ka shpenzuar për fushatën e saj gati 2 milionë lekë të reja. Dosti kandidoi në zonën 42 në Tiranë, përballë kandidatit të PD-së, Spartak Ngjela që është shpallur fitues dhe atij të PS-së, Spartak Poçi.

[zeus]

-----------------------------------------------------------

Eshte miratuar me 6 vota pro dhe asnje kunder vendimi per shpalljen e rezultatit perfundimtar te zgjedhjeve te 3 korrikut. 60 dite pas zhvillimit te zgjedhjeve te pergjithshme Komisioni Qendror i Zgjedhjeve miratoi listen e fituesve ne proporcional, listen e fituesve ne maxhoritar si dhe 40 emrat e deputeteve qe do te marrin mandatin nga lista shumeemerore. Duke iu referuar rezultatit perfundimtar Partia Demokratike ka 56 deputete fitues nen siglen e saj, nderkohe qe socialistet kane marre 42 mandate nga sistemi i drejtperdrejte, republikanet vetem nga listat proporcionale marrin 11 deputete, PBDNJ-ja 2 deputete, LSI 4 deputete, PSD 7 deputete, PAD 3 deputete, PDS 2 deputete, PAA 4 deputete, PDK 2 deputete, PDR 4 deputete, PBLD 1. Pas zhvillimit te mbledhjes nga KQZ-ja dhe shpalljes se rezultatit perfundimtar para medias, syte e opinionit politik dhe atij publik do te perqendrohen te institucioni i Presidences, institucioni i vetem qe detyrohet nga kushtetuta e vendit per te dekretuar daten e mbledhjes se parlamentit te ri. Pas takimit te zhvilluar 3 dite me pare me perfaqesues te koalicionit te djathte, Moisiu ka premtuar se nuk do te konsumoje afatin 20-ditor qe e parashikon kushtetuta.

-----------------------------------------------------------