Lajmi më i fundit nga zgjedhjet e 3 korrikut

[Lexuesja]

PS, 31 kërkesa për ripërsëritjen e zgjedhjeve

Zgjedhjet të përsëriten në 54 zona

Socialistët kërkojnë shpalljen e zgjedhjeve të pavlefshme në 31 zona, ndërsa demokratët në 7

Anila Rama

TIRANË- Është mbyllur dje afati i depozitimit në Komisionin Qendror të Zgjedhjeve i kërkesave për pavlefshmëri të procesit zgjedhor në zona të ndryshme të vendit. Sipas burimeve zyrtare nga KQZ-ja, janë 54 kërkesa të ndryshme të ardhura gjatë këtyre ditëve, nëpërmjet të cilave subjektet zgjedhore apo kandidatët kanë kërkuar pavlefshmëri të pjesshme apo edhe të plotë në zona të caktuara të zgjedhjeve parlamentare të 3 korrikut. KQZ-ja ka rrëzuar 3 ankesa, për shkak se ankuesi nuk legjitimohej si dhe 4 të tjera për shkak të formës së parregullt të ankimimit. Pra, siç shihet, subjektet zgjedhore kanë kërkuar pavlefshmëri në gjysmat e zonave elektorale në vend. Në listën e kërkesave për pavlefshmëri, bie në sy fakti se PS-ja ka depozituar numrin më të madh të tyre, përkatësisht 31 të tilla, që janë bërë në emër të subjektit dhe vetëm një pjesë prej tyre nga kandidatët, të cilët në të shumtën e rasteve kërkojnë pavlefshmërinë e zgjedhjeve në të gjithë zonën. Ndërsa kandidatët e PD-së dhe ky subjekt zgjedhor ka depozituar kërkesë për pavlefshmëri për 7 zona zgjedhore dhe pjesa tjetër u përket subjekteve dhe kandidatëve të PBDNJ-së, LSI-së, e ndonjë kandidati të pavarur. Ndër ankesat ku PS-ja kërkon pavlefshmërinë është edhe zona 31 në Tiranë, ku ka fituar kandidati i PD-së, Bamir Topi, me 53,35 % të votave, përballë përfaqësueses socialiste Mimi Kodheli, e cila ka marrë 33,36 % të votave. Për Tiranën është kërkuar pavlefshmëria në zonët 33, 34 e pjesëshme, 43, 32, 41 dhe zonën 45.
Rastet
Institucioni zgjedhor do të fillojë shqyrtimin e kërkesave për pavlefshmëri gjatë javës së ardhshme, vetëm pasi të kenë përfunduar shqyrtimi i ankesave për kundërshtimin e tabelave të rezultateve për kandidatët dhe për proporcionalin. Zona që rrezikon seriozisht përsëritjen e zgjedhjeve për shkak të parregullsive të shumta që u vërejtën në 3 korrik, por edhe gjatë numërimit të votave, është zona elektorale 2 në Malësinë e Madhe. Në këtë zonë, në 17 qendra votimi nuk është zhvilluar votimi, pasi anëtarët e komisioneve të qendrave të votimit nuk tërhoqën materialet zgjedhore, duke bllokuar pa shkak zhvillimin normal të procesit zgjedhor. Por edhe kandidati i PS-së që kandidon në këtë zonë, Pal Lera, ka kërkuar në KQZ që edhe në ato qendra ku është zhvilluar votimi, të shpallet pavlefshmëria. Lera kandidon përballë demokratit Astrit Bushati, kryetar i PD-së së Shkodrës, i cili nga votimi i pjesshëm që është zhvilluar, është në avantazh me vota. Për këtë zonë zgjedhore KZZ-ja nuk ka marrë asnjë vendim as për votimin e pjesshëm të zhvilluar, pasi komisionerët nuk kanë pranuar të firmosin tabelat e rezultateve. Ndërkohë edhe disa anëtarë të KQZ-së kanë pohuar jozyrtarisht se ka shumë gjasa që në këtë zonë të ribëhen zgjedhjet nga e para, për shkak të problemeve të mëdha që u vërejtën si gjatë votimit, ashtu edhe gjatë numërimit. Edhe disa zonë të tjera problematike, siç është zona 64, 73, 90, 92 apo edhe në ndonjë zonë tjetër tjetër, mund të ketë pavlefshmëri të pjesshme, gjë që e kanë kërkuar subjektet zgjedhore dhe kandidatët. Në rast se KQZ-ja apo Kolegji Zgjedhor do të zyrtarizojë pavlefshmërinë në ndonjë zonë, kjo do të zgjasë pafundësisht procesin zgjedhor dhe shpalljen e rezultateve përfundimtare. Madje kohëzgjatja mund të jetë e njëjtë si në vitin 2001, kur zgjedhjet parlamentare u zhvilluan në disa zona, me 5 raunde votimesh.

Kërkesat e PS-së për pavlefshmëri:
Kandidati Pal Lera për zonën 2.
Kandidati Igli Toska për zonën 34, të pjesshme
Kandidati Zef Preçi për zonën 13
Kandidati Maqo Lakrori për zonën 86
Kandidati Artan Lame për zonën 49, të pjesshme
Kandidati Asllan Dogjani për zonën 12
Kandidati Fehmi Xhemo për zonën 84
Kandidati Ahmet Hoxhallari për zonën 81
Kandidati Bujar Derveni për zonën 23
Kandidati Agim Isaku për zonën 87
Kandidati Shyqyri Duraku për zonën 43
Kandidatja Mimi Kodheli për zonën 31
Kandidati Lekë Çukaj për zonën 3
Kandidati Ali Berbati për zonën 10
Kandidati Luan Rama për zonën 32
Kandidati Arben Ahmetaj për zonën 33
Kandidati Qazim Sejdini për zonën 54
Kandidati Hasan Hoxha për zonën 47
Kandidati Bashkim Habilaj për zonën 96
Kandidati Ramadan Hasanaj për zonën 5
Kandidati Mark Nikolli për zonën 15
Kandidati Agron Dibra për zonën 50
Kandidati Lulëzim Traga për zonën 27
Kandidati Gjergji Koja për zonën 29
Kandidati Myzelejen Hoxha për zonën 71
Kandidati Rexhep Ukperaj për zonën 11
Kandidati Kastriot Islami për zonën 73
Kandidati Spartak Poçi për zonën 41
Kandidati Mehmet Hasanlami për zonën 45
Kandidatja Makbule Çeço për zonën 90, të pjesshme
Kandidati Viktor Doda për zonën 9


Kërkesat e PD-së për pavlefshmëri:
Kandidati Edi Paloka për zonën 37
Kandidati Bexhet Uruçi për zonën 58
Kandidati Luftim Ahmetaj për zonën 46
Kandidati Ilir Bano për zonën 64
Kandidati Shaban Memia për zonën 36
Kandidati Neshat Fana për zonën 22
Kandidati Ismail Hoxha për zonën 82


Të tjera
Kandidati Anton Gurakuqi për zonën 8, të pjesshme
Kandidatja Esmeralda Uruçi për zonën 3, LSI
Kandidati Spiro Ksera për zonën 92, PBDNJ
Kandidati Thoma Miço për zonën 100, i pavarur


Neni 117 “Pavlefshmëria e zgjedhjeve”
1. Subjektet zgjedhore, brenda 10 ditëve nga data e zgjedhjeve ose brenda 10 ditëve nga data e përsëritjes së zgjedhjeve, kanë të drejtë të kërkojnë në KQZ shpalljen e pavlefshme të zgjedhjeve në qendra të caktuara votimi, në njësi të veçanta zgjedhore ose në të gjithë vendin.
2.KQZ-ja i shpall zgjedhjet të pavlefshme në rase se:
a) Kanë ndodhur shkelje të ligjit
b) Kanë ndodhur fatkeqësi natyrore në përmasa të tilla që pengojnë pjesëmarrjen e zgjedhësve në votim
c) Votimi nuk ka filluar ose është pezulluar për më shumë se 6 orë ;
dhe për cilindo nga këto shkaqe është cënuar procesi zgjedhor në një masë të tillë që mund të ketë ndikuar në ndarjen e mandateve në në njësitë zgjedhore ose në shkallë vendi.
3. Kërkesa për shpalljen e pavlefshme të zgjedhjeve duhet të përmbajë shkaqet ligjore, përshkrimin e rasteve të shkeljeve dhe arsyetimin e detajuar për pasojën e tyre.
4. KQZ-ja merr vendim për pavlefshmëri pas konsultimeve me KZZ-të përkatëse. Në arsyetimin e vendimit të KQZ-së duhet të përshkruhet shkaku ligjor, rastet e vërtetuara të shkeljeve dhe arsyetimi i detajuar për pasojën e tyre.
5. KQZ-ja ka të drejtë të vendosë mospërsëritjen e zgjedhjeve në rast se vërteton se shkeljet nuk mund të kenë ndikuar mbi ndarjen e mandateve në njësitë zgjedhore në shkallë vendi.




shekulli

[Albo]

Sekretari socialist për çështjet elektorale pranon humbjen e PS-së në 3 korrik

Sherifi: PD i ka fituar zgjedhjet
“Ne do t’u tregojmë shqiptarëve se si bëhet opozita”

Luljeta Progni

Sekretari socialist për çështjet elektorale, është zyrtari i parë i Partisë Socialiste, i cili pranon humbjen e partisë së tij në zgjedhjet e 3 korrikut dhe kërkon analizimin e shkaqeve dhe përgatitjen e platformës opozitare.

Deputeti i certifikuar, sekretar për burimet njerëzore dhe çështjet elektorale në PS, Elmaz Sherifi, ka pranuar dje fitoren e PD-së, në zgjedhjet e 3 korrikut. Ai ka dhënë mesazh për kolegët e tij që të pranojnë fitoren e PD-së dhe t’i kthehen pozicionit që i ka dhënë elektorati PS-së, qëndrimin e saj në opozitë. Sherifi ka kërkuar dje që PS-ja të kërkojë shkaqet e humbjes brenda vetes dhe është shprehur se PS-ja do të jetë modeli i opozitës shqiptare.

Deklarata
Elmaz Sherifi deklaroi se rezultati duhet parë me syrin kritik dhe për këto rezultate duhen mbledhur forumet për të bërë analizat përkatëse. “Eshtë një rezultat jopozitiv, unë do ta shikoja me sy kritik në aspektin se ne e kishim të mundshme marrjen e mandateve të nevojshme për të bërë qeverinë”, tha dje Sherifi. Ai ka deklaruar dje se PD-ja ka fituar duke theksuar se megjithatë ende nuk ka një qeveri. Sekretari socialist ka bërë thirrje që kolegët e tij socialistë të mos vazhdojnë të pengojnë mbylljen e procesit zgjedhor, por të pranojnë pozicionin që u ka dhënë elektorati në 3 korrik, atë të opozitës. Sherifi tha se PS-ja do t’u tregojë shqiptarëve modelin e një opozite konstruktive për të arritur një qeverisje sa më të mirë për shqiptarët. “PD-ja ka fituar zgjedhjet, por ende nuk kemi një qeveri. Unë prirem jo drejt vështirësive dhe ngritjes së pengesave, por drejt luajtjes së rolit që të takon në bazë të votave që të ka dhënë elektorati, për të bërë opozitën për një qeverisje sa më të mirë. Në qoftë se ne do të jemi në opozitë do të jemi modeli i opozitës konstruktive dhe do t’u tregojmë shqiptarëve sesi bëhet opozita”, tha dje Sherifi.

Përgjegjësitë
Në mënyrë të tërthortë ai ka sulmuar njerëzit e forumeve të kësaj partie, të cilët kanë humbur në garën e tyre me demokratët për postin e deputetit. Sherifi tha dje se individët që humbën në këto zgjedhje janë të parët që duhet të reflektojnë. “Kur ka humbje përgjegjësitë janë të të gjithëve. Në radhë të parë PS-ja duhet të shikojë përgjegjësitë brenda vetes, duke iu drejtuar kandidatëve të humbur për arsyet që sollën këtë humbje”, tha dje Sherifi. Ai ka reflektuar në lidhje me marrëdhëniet e PS-së me aleatët e saj, duke theksuar se një marrëveshje e mirë parazgjedhore me ta nuk do të çonte në humbjen e së majtës në zgjedhjet e 3 korrikut. “Më pas duhet të shikojmë rezultatin e humbjes në një plan më të gjerë të të gjithë faktorëve që ishin të nevojshëm për të bërë të mundur fitoren me aleatët tanë”, tha dje Sherifi.



Anëtari i kryesisë socialiste sulmon aleatët e PS që shkojnë tek Berisha

Koçi: Bashkëpunimi i aleatëve me PD, i pamoralshëm
“E djathta është e pasigurt në fitoren e saj”

Anëtari i kryesisë së PS-së, Petro Koçi, ka vlerësuar dje të pamoralshme qëndrimet e tri partive aleate me PS-në, të cilat janë shprehur për bashkëpunim të mundshëm me PD-në. Koçi tha dje se PAA-ja, PDS-ja dhe PAD-ja kanë marrë votat e elektoratit të majtë dhe në këto kushte, ata nuk mund të marrin vendime për bashkëpunim me një qeverisje të djathtë. “Qëndrimet e aleatëve të PS-së për përafrim me PD-në në qeverisje të lënë një shije jo të mirë morale, pasi votat e fituara prej tyre janë nga elektorati i majtë”, tha dje Koçi. Anëtari i kryesisë socialiste ka deklaruar dje se gatishmëria e PD-së për të pranuar tri parti të majta në koalicionin e ardhshëm qeverisës, dëshmon për krizë brenda së djathtës, përderisa kërkohet bashkëpunim me tri parti të majta. “Përderisa PD-ja është duke kërkuar aleatë të rinj në spektrin politik, kjo tregon që nuk ndjehen të sigurt se i kanë fituar zgjedhjet ashtu, siç nuk ndjehen të sigurt me aleatët që kanë aktualisht në bllokun e tyre politik”, tha dje Koçi.
Anëtari i kryesisë socialiste vazhdon t’i qëndrojë idesë se ende nuk mund të flitet konkretisht për humbje të PS-së, duke theksuar se rezultatet përfundimtare që do të shpallen nga KQZ-ja do të vërtetojnë humbjen dhe fitoren e dy krahëve. “E majta nuk realizoi dot objektivat që kishte parashikuar megjithëse nuk mund të themi akoma se PS-ja dhe aleatët e saj kanë humbur në këto zgjedhje. Duhet të presim rezultatet përfundimtare që do të shpallen nga KQZ-ja, megjithëse paraprakisht mund të themi se moskoordinimi i taktikave elektorale me aleatët ka shkaktuar mosrealizim të objektivave të PS-së në këto zgjedhje”, tha dje Koçi. Ai ka ritheksuar kërkesën e tij për një mbledhje urgjente të kryesisë së PS-së, për të bërë një analizë të situatës politike paszgjedhjore, si dhe për rezultatet me të cilat u paraqit PS-ja në këto zgjedhje.

[Brari]

KJ
--
E Premte, 15 Korrik 2005


ZYRTARE, PD-JA I FITOI ZGJEDHJET

Tedi Blushi

Komisioni Qendror i Zgjedhjeve shpalli dje rezultatet perfundimtare te zgjedhjeve parlamentare per 97 zona zgjedhore si dhe 40 mandatet e deputeteve per sistemin proporcional. Vendimet per kandidatet fitues u publikuan nga kreu i ketij institucioni, Ilirjan Celibashi mbeshtetur ne procesverbalet e depozituara nga KZZ-te perkatese.

"Ne 55 zona zgjedhore jane shpallur fitues kandidatet e Partise Demokratike,
ne 40 zona kandidatet e Partise Socialiste,
ne 1 zone kandidati i Levizjes Socialiste per Integrim dhe
ne 1 zone tjeter nje kandidat i pavarur",

... komunikoi per mediat kryekomisioneri duke sqaruar se

tre rezultatet e munguara iu perkasin respektivisht zonave 2, 64 dhe 100.

Sipas tij per ecurine e zgjedhjeve ne keto zona, KQZ-ja do te vendose gjate shqyrtimit te ankimimeve per pavlefshmeri te procesit zgjedhor.
Persa i perket vendimeve te KZZ-ve per sistemin e proporcionalit, Celibashi ka bere publike vetem ato per 98 zona per partite e koalicionet.
Zonat e munguara jane respektivisht ato me numrin 2 dhe 92, rezultatet e te cilave nuk do te ndikojne ne konfigurimin e mandateve plotesuese per Parlamentin e ardhshem.
Nje fakt te tille e pohoi dhe kryekomisioneri, qe deklaraten e tij e mbeshteti pikerisht ne llogaritjet paraprake.

"Shperndarja e mandateve nga proporcionali tregon se

Partia Republikane do te perfitoje 11 deputete,
Partia SocialDemokrate 7 deputete,
Partia Demokrate e Re 4 deputete,
Levizja Socialiste per Integrim 4 deputete,
Partia Agrare Ambjentaliste 4 deputete,
Aleanca Demokratike 3 deputete,
Partia Bashkimi per te Drejtat e Njeriut 2 deputete,
Partia Demokracia Sociale 2 deputete,
Partia Demokristiane 2 deputete dhe
Bashkimi Liberal Demokrat 1 deputet",

.. u shpreh Celibashi.
Gjithashtu ai beri me dije se po dje KQZ-ja nisi punen per shqyrtimin e kerkesave per pavlefshmeri te procesit zgjedhor te 3 korrikut ne disa zona elektorale te vendit.
Ky institucion do te marre ne shqyrtim 107 ankimime per 60 zona elektorale respektive nga kandidatet per deputete, nga ku 40 kerkesa i ka paraqitur PS e 11 prej tyre PD.

"Procesi i ankimeve paszgjedhore ka perfunduar megjithese ka qene nje proces mjaft voluminoz dhe intensiv.
KQZ-ja ka shqyrtuar 303 kerkesa ankimore, nga te cilat ka marre vendime per 108 ceshtje, pjesa tjeter eshte kthyer per plotesim dhe nuk eshte ridepozituar me ne KQZ. Afati per dorezimin e kerkesave per pavlefshmeri ka perfunduar dhe kane mberritur 107 kerkesa te tilla ne zona te ndryshme te territorit zgjedhor", sqaroi Celibashi.
Bazuar ne te gjitha rezultatet e siperpermendura nga kreu i KQZ-se, konstatimi i pare qe vlen per t"u permendur eshte fitorja e se djathtes ne zgjedhjet e 3 korrikut, e certifikuar kjo ne 55 zona zgjedhore. Shto ketu edhe 18 mandatet e fituar ne proporcional numri i pergjithshem i deputeteve te djathte, momentalisht shkon ne 73.
Megjithese keto rezultate pritet te pasohen nga nje sere ankimimesh ne Gjykaten Kushtetuese, kjo nuk mund te ndikoje per konstituimin e Parlamentit te ri, c"ka praktikisht nenkupton dhe celjen e "drites jeshile" per krijimin e qeverise postzgjedhore.
Mbeshtetur ne kete hapesire ligjore dhe njekohesisht ne nje nga kompetencat e tij kushtetuese, Presidenti i Republikes, Alfred Moisiu ka lene te kuptohet se shume shpejt do te therrase mbledhjen e pare te Kuvendit.
Konstatimi ne fjale ka ardhur para dy ditesh per "Koha Jone" nga institucioni qe ai drejton nepermjet nje njoftim zyrtar sqarues per afatet ligjore te mbledhjes te legjislativit dhe te qeverise ku mes te tjerash thuhet se "ne eventualitetin e nje ankimi ne Gjykaten Kushtetuese, Presidenti i Republikes nuk pengohet per te thirrur mbledhjen e pare te Parlamentit".

--

[Albo]

Mandatet shtesë janë 22 për të majtën dhe 18 për të djathtën

KQZ: PD ka maxhorancën, fiton 73 deputetë në total

Bledar Hoti

Pas shumë përplasjesh me anë të deklaratave nga ana e PS-së dhe PD-së për ndarjen e 40 mandateve shtesë, KQZ-ja i ka dhënë fund këtyre qëndrimeve, duke shpallur rezultatin e saktë. Partitë e djathta do të përfitojnë 18 mandate shtesë, ndërsa ato të majta 22 mandate.

Komisioni Qendror i Zgjedhjeve ka bërë dje publike ndarjen zyrtare të 40 mandateve shtesë të Kuvendit, nga votat e proporcionalit për 98 zona zgjedhore. Në bazë të përllogaritjeve të bëra nga ana e KQZ-së, rezulton se blloku i majtë do të përfitojë 22 mandate, ndërsa blloku i djathtë do të përfitojë 18 mandate. Sipas kreut të KQZ-së, Ilirian Celibashi, rezultatet e subjekteve dhe koalicioneve politike përfshijnë 98 KZZ, duke mos përfshirë zonën nr. 2 të Shkodrës dhe zonën nr. 92 të Gjirokastrës. “Këto dy zona nuk ndikojnë në totalin e votave të përgjithshme të proporcionalit”, theksoi kreu i KQZ-së. Me këto të dhëna, Partia Demokratike dhe partitë aleate të saj kanë siguruar maxhorancën për formimin e qeverisë, me 73 deputetë, ndërsa e majta do të përfaqësohet deri më tani me 64 deputetë. Këtu nuk përfshihen tri zonat e maxhoritarit, 2, 64 dhe 100.

Të majtët
Në bazë të formulës së përllogaritur nga ana e KQZ-së, nga partitë e majta përfiton më shumë vende nga 40 mandatet shtesë PSD-ja e Gjinushit. Socialdemokratët, me 12.7% të votave, do të përfaqësohen në Kuvendin e ri me shtatë deputetë. Lëvizja Socialiste për Integrim do të ketë në Parlamentin e ardhshëm katër deputetë nga lista shumemërore. LSI-së, në bazë të formulës, përfiton pesë vende nga proporcionali, por një mandat shtesë i është hequr, pasi kjo forcë politike ka fituar në sistemin maxhoritar. Po kaq deputetë do të ketë edhe Partia Agrare Ambientaliste. Partia Aleanca Demokratike ka marrë 3 deputetë, ndërsa Partia Demokracia Sociale ka marrë 2 vende në Kuvendin e ardhshëm. Partia Bashkimi për të Drejtat e Vangjel Dules do të marrë dy deputetë.

Të djathtët
Nga 18 mandatet shtesë, që u takojnë partive të djathta, 11 prej tyre do t’i marrë Partia Republikane. Në sistemin proporcional, ajo ka dalë partia e parë, me 20 për qind të totalit të votave, ose 271729 vota. Partia Demokrate e Re, në bazë të përqindjes së marrë, do të përfitojë 4 deputetë, ndërsa demokristianët do të përfaqësohen me dy deputetë në Parlamentin e ardhshëm. Nga ndarja e mandateve shtesë do të përfitojë edhe Partia e Bashkimit Liberaldemokrat, 1 deputet.

Maxhoritari
KQZ-ja ka shpallur dje rezultatet për 97 zona zgjedhore, duke nxjerrë se PD ka fituar 55 deputetë, ndërsa PS-ja 40 deputetë. Një zonë është fituar nga Lëvizja Socialiste për Integrim, ndërsa një tjetër nga i pavaruri, Spiro Peçi. Pritet që KQZ-ja të japë vlerësimet e saj për tri zonat e mbetura, pasi deri më tani nuk ka asnjë vendim të Komisioneve të Zonave Zgjedhore për votimet e 3 korrikut. Për këtë çështje, kreu i KQZ-së, Celibashi, theksoi se “mund të priten vendime edhe për ripërsëritje zgjedhjesh në këto zona, ku nuk është nxjerrë rezultati përfundimtar”. Përsëritje të votimeve mund të ketë në zonën nr. 2, pasi më datën 3 korrik nuk u votua në 17 Komisione të Qendrave të Votimit. Për zonën 64 të Lushnjës, KZZ-ja përkatëse nuk ka marrë vendim përfundimtar, si dhe nuk është vendosur për numërimin e tre KQV-ve. Në këtë zonë, kandidati i PD-së, Ilir Bano, është 100 vota përpara. Ndërsa në zonën numër 100, edhe pse Stefan Çipa i PS-së është fitues, KZZ-ja përkatëse nuk ka shpallur asnjë rezultat përfundimtar. Kreu i KQZ-së, pas shpalljes së këtyre rezultateve, theksoi se mble-dhja ose jo e Parlamentit është një çë-shtje ekskluzive e presidentit Moisiu dhe se vetë nuk mund të japë ndonjë vlerësim për këtë situatë. Të njëjtin qëndrim, Celibashi mbajti edhe për faktin nëse duhet të hyjë në lojë Gjykata Kushtetuese për animimet që kanë partitë politike për procesin zgjedhor të 3 korrikut. “Unë, si kryetar i KQZ-së, nuk jam në gjendje që të jap përgjigje për një çështje të tillë, pasi nuk kam tagër që të flas, nëse duhet të ndërhyjë ose jo Gjykata Kushtetuese”, theksoi Celibashi. Ndërsa nënkryetari i PD, Bamir Topi, pas shpalljes së rezultateve nga KQZ, i kërkoi Presidentit të mbledhë Parlamentin.


E majta
40 deputetë PS nga maxhoritari
1 deputet LSI
1 i pavarur
22 deputetë nga proporcionali
7 PSD
4 LSI
4 PAA
3 PAD
2 PBDNJ
2 PDS
Totali 64 deputetë

E djathta
55 deputetë PD nga maxhoritari
18 deputetë nga proporcionali
11 deputetë PR
4 deputetë PDR
2 deputetë PDK
1 deputet PBL
Totali 73 deputetë



FITUESIT

1 Paulin STERKAJ PSSH 6724
3 Ramiz ÇOBAJ PD 5167
4 Gilman BAKALLI PD 6561
5 Arenca TRASHANI PD 5896
6 Jozefina TOPALLI PD 6261
7 Tom DOSHI PSSH 7333
8 Nard NDOKA PD 7670
9 Rexhep UKA PD 5368
10 Aleksandër BIBERAJ PD 9000
11 Jemin GJANA PD 6500
12 Fatos HOXHA PD 7162
13 Aldo BUMÇI PD 7538
14 Preç ZOGAJ PD 7165
15 Gjovalin PRENGA PD 4645
16 Gjoke VUKSANI PD 7139
17 Pal DAJCI PD 6323
18 Qemal TAHIR PSSH 6048
19 Idriz XHOMARA PD 6813
20 Sali SHEHU PD 7590
21 Rahim KALECI PD 7443
22 Sadri ABAZI PSSH 7564
23 Shkelqim ZIRI PD 7705
24 Ndriçim BABASI PD 7537
25 Sami GJERGJI PD 8514
26 Sokol Olldashi PD 7369
27 Flori Bajramaj PD 8205
28 Ferdinad XHAFERRI PD 8489
29 Gazmend OKETA PD 7147
30 Genc JUKA PD 6913
31 Bamir TOPI PD 9756
32 Besnik MUSTAFAJ PD 8643
33 Lulzim BASHA PD 7870
34 Bujar NISHANI PD 6735
35 Ermelinda MEKSI PSSH 7364
36 Andis HARASANI PSSH 7263
37 Shpëtim IDRIZI PSSH 7092
38 Ylli PANGO PD 8418
39 Majlinda BREGU PD 8259
40 Gëzim KARAPICI PD 6044
41 Spartak NGJELA PD 5299
42 MUSA ULQINI PSSH 6339
43 Safet SULAJ PD 9126
44 Astrit PATOZI PD 6978
45 Leonard DEMI PD 6464
46 Durim LAMAJ PSSH 7428
47 Baki SHEHI PD 4918
48 Sali BERISHA PD 7419
49 Engjell CARA PD 7123
50 Luan SKUQI PD 5552
51 Dashnor SULA PD 9353
52 Durim HUSHI PSSH 6144
53 Taulant DEDJA PSSH 6282
54 Aurel BYLYKBASHI PD 5753
55 Bukurosh STAFA PSSH 6316
56 Valentina LESKAJ PSSH 7208
57 Namik DOKLE PSSH 5595
58 Ndriçim HYSA PSSH 5998
59 Elmaz SHERIFI PSSH 5455
60 Taulant BALLA PSSH 7102
61 Rrapush TOLA PSSH 6603
62 Blerim ÇELA PD 4025
63 Mevlan XHINDOLI PD 5899
65 Arta DADE PSSH 6387
66 Albert ÇAÇI PSSH 7113
68 Fatmir XHINDI PSSH 6701
69 Ylli BUFI PSSH 4811
70 Blendi KLOSI PSSH 5656
71 Fatos BEJA PD 4916
72 Rajmonda STEFA PSSH 5216
73 Artur SHEHU PD 5090
74 Mehmet XHEKA PD 6281
75 Erion BRAÇE PSSH 5213
76 Marko BELLO PSSH 6355
77 Luan MEMUSHI PSSH 4998
78 Bashkim FINO PSSH 6071
79 Ilir Meta lsi 6218
80 Ben BLUSHI PSSH 7337
81 Ridvan BODE PD 7212
82 Pandeli MAJKO PSSH 6256
83 Ilir RUSMALI PD 7482
84 Edmond SPAHO PD 6185
85 Fatmir XHAFAJ PSSH 6400
86 Besnik JAÇELLI PD 5415
87 Mehmet HOXHA PD 7789
88 Alfred DALIPI PSSH 6643
89 Flamur HOXHA PSSH 5150
90 Genci RULI PD 6438
91 Gramoz RUÇI PSSH 7316
92 Vangjel TAVO PSSH 5232
93 Arben MALAJ PSSH 5315
94 Bujar LESKAJ PD 6272
95 Arben ISARAJ PSSH 5820
96 Ardian KOLLOZI PD 6158
97 Besnik DERVISHI PSSH 6857
98 Spiro PEÇI I PAVARUR 5234
99 Fatos NANO PSSH 6784



Komisioni Qendror i Zgjedhjeve nis shqyrtimin e 107 ankesa

“Duam përsëritje në 37 zona”
Ankesat e PS për pavlefshmëri të rezultateve

Partia Socialiste kërkon pavlefshmërinë e rezultatit të votimit në 37 zona zgjedhore.

Pranë Komisionit Qendror të Zgjedhjeve janë depozituar 53 ankimime nga ana e subjekteve politike, të cilat kërkojnë pavlefshmërinë e rezultatit të votimit për disa Komisione të Qendrave të Votimit apo në të gjithë zonën. Kryetari i KQZ-së, Ilirian Celibashi, bëri të ditur se janë depozituar 107 ankimime nga partitë politike, për përsëritje votimesh në 60 zona zgjedhore. Sipas burimeve pranë KQZ-së, procesi i shqyrtimit të këtyre kërkesave mund të zgjasë dhjetë ditë. Pjesa më e madhe e ankimimeve të bëra nga PS-ja, si dhe një pjesë e kandidatëve për deputetë përfshijnë zonat zgjedhore të fituara në Tiranë dhe Durrës nga ana e Partisë Demokratike. Në ankimimet e socialistëve kërkohet pavlefshmëria totale e zgjedhjeve për ato zona, ku kanë dalë fitues Bamir Topi, Lulzim Basha, Bujar Nishani dhe Besnik Mustafaj. Ndër zonat e kontestuara të socialistëve përfshihet edhe ajo e Vlorës, e fituar nga kandidati i PD-së, Kollozi, si dhe ajo me numër 54, e fituar nga demokrati Aurel Bylykbashi. Ndërsa nga ana e PD-së, ankimimet kanë ardhur nga Edi Paloka për zonat e fituara nga socialistët Shpëtim Idrizi, Luftim Ahmetaj. Gjithashtu, socialistët kërkojnë pavlefshmëri të zgjedhjeve edhe në tre zonat e Korçës, ku kanë fituar demokratët Hoxha, Spaho dhe Jaçelli. Ndërsa Lëvizja Socialiste për Integrim kërkon përsëritje të votimeve në zonën nr. 59, ku ka fituar socialisti Elmaz Sherifi. Komisioni Qendror i Zgjedhjeve i ka mbyllur të gjitha ankimimet e bëra nga ana e subjekteve politike, për të rishikuar votat e proporcionalit. Shtatë anëtarët e KQZ-së kanë hedhur poshtë çdo pretendim të partive politike për rishikimin e votave të proporcionalit. Të gjitha këto kërkesa janë rrëzuar me nga shtatë vota të anëtarëve të KQZ-së, Celibashi, Zguri, Gjata, Prenga, Subashi, Varfi dhe Malaj, me arsyen se nuk ekzistojnë prova dhe argumente të besueshme ligjore, të cilat mund t’i detyronin ata për rinumëruar fletët e votimit për subjektet politike.



zgjedhje 2005

ankimimet

Zona 34 Igli Toska pavlefshmëri në 7 KQV
Zona 59 LSI përsëritje zgjedhjesh
zona 49 PS, përsëritje votimi në 7 KQV
zona 12 PS, pavlefshmëri totale
zona 84 PS, pavlefshmëri totale
Zona 81 PS, pavlefshmëri totale
Zona 23 PS, pavlefshmëri totale
zona 87 PS, pavlefshmëri totale
zona 43 PS, pavlefshmëri totale
zona 31 PS, pavlefshmëri totale
zona 3 PS, pavlefshmëri totale
zona 10 PS, pavlefshmëri totale
zona 32 PS, pavlefshmëri totale
zona 54 PS, pavlefshmëri totale
zona 33 PS, pavlefshmëri totale
zona 47 PS, pavlefshmëri totale
zona 96 PS, pavlefshmëri totale
zona 5 PS, pavlefshmëri totale
Zona 73 Kastriot Islami, PS


Panorama

[BvizioN]

Tiranë

Ministrat e jashtëm të Bashkimit Evropian thirrje që qeveria e re dhe parlamenti të përshpejtojnë reformat

BE: Zgjedhjet në tërësi paqësore

D.T

TIRANË – Bashkimi Evropian kërkoi dje, nëpërmjet një deklarate të Këshillit të Ministrave të Punëve të jashtme që politikanët shqiptarë të tregohen të pjekur dhe të përmbajtur duke respektuar plotësisht procedurat ligjore të procesit zgjedhor. Në këtë deklaratë theksohet se qeveria e re, së bashku me Parlamentin, duhet të punojnë me ngulm për përmbushjen e axhendës së reformave të integrimit në BE, ku vend të rëndësishëm zë respektimi i ligjit. Në ditën e parë të takimit të tyre në Bruksel, 25 ministrat e jashtëm të BE-së kanë firmosur dhe miratuar konkluzionet për Shqipërinë. "Këshilli i Ministrave të Punëve të jashtme Europiane mirëpret zhvillimin në tërësi paqësor të zgjedhjeve në Shqipëri, proces i cili është një provë e rëndësishme për gatishmërinë e vendit për integrimin e mëtejshëm evropian",- thuhet në këtë deklaratë, pas takimit të ministrave, i cili është i fundit për 6- mujorin e parë të këtij viti. "BE vuri re një numër parregullsish, të cilat duhet të trajtohen dhe përmirësohen në mënyrë që të mos përsëriten në të ardhmen",- thuhet në deklaratë, ku vlerësohet gjithashtu puna e OSBE-ODHIR. BE është në pritje të raportit përfundimtar të këtyre organizmave vëzhguese të zgjedhjeve në Shqipëri. "Këshilli u bën thirrje të gjithë liderëve politikë si edhe partive shqiptare që të tregojnë përgjegjësi dhe të respektojnë plotësisht termat e Kushtetutës Shqiptare, Kodit Zgjedhor dhe atij të Sjelljes, nëpërmjet procesit zgjedhor dhe formimit të një qeverie të re. Pasi të jetë formuar qeveria e re dhe Parlamenti, duhet të fillojnë punë pa humbur kohë për përmbushjen e reformave për integrimin evropian, në veçanti në fushën e respektimit të shtetit ligjor", thuhet më tej në deklaratë, ndërsa këtë vjeshtë Këshilli do të përgatisë raportin vjetor mbi procesin e Stabilizim- Asociimit me Shqipërinë. "Ky do të jetë edhe rasti i duhur për të vlerësuar nëse do të mund të përmbyllen negociatat për këtë marrëveshje apo jo, dhe kjo në bazë të përparimeve të përgjithshme në lidhje me standardet demokratike dhe reformat kyçe",- shprehen ministrat e jashtëm të BE-së. Në konkluzionet e ministrave thuhet se Shqipëria do të vazhdojë të ketë mbështetjen e BE-së në lidhje me ambicjet e vendit për afrimin me Bashkësinë Evropiane, duke theksuar se për këtë "çelësi për përparime të mëtejshme mbetet gjithmonë në duart e autoriteteve shqiptare".

19/07/2005 ( Shekulli )

[Albo]

Zgjedhësit e zonave 2, 64 dhe 90 do të përsërisin 3 korrikun. KQZ do të shpenzojë 15 milionë lekë

KQZ: Rivotimi do të bëhet më 21 gusht

Celibashi: Po marrim masat që të mos ketë ankesa të reja


Blerina sinani
Përsëritja e zgjedhjeve të 3 korrikut në tri zona zgjedhore do të zhvillohet në datën 21 gusht. Ky ka qenë vendimi i djeshëm i Komisionit Qendror të Zgjedhjeve lidhur me korrigjimin e gabimeve të konsideruara gjatë procesit zgjedhor në zonat zgjedhore 2, 6 dhe 90.

Vendimi i KQZ-së erdhi pas mbylljes së shqyrtimit nga ana e Kolegjit Zgjedhor e të gjitha ankesave për 3 korrikun nga kandidatët dhe subjekte të ndryshme zgjedhore. Kolegji Zgjedhor mbylli dje shqyrtimin e të gjitha apelimeve për zgjedhjet e 3 korrikut dhe mori vendimin që zgjedhjet të përsëriten edhe në zonën zgjedhore 90. Të paktën 83 mijë zgjedhës do t'u drejtohen sërish kutive të votimit në këto zona. Në lidhje me përsëritjen e zgjedhjeve në këto tri zona, kreu i KQZ, Ilirian Celibashi, u shpreh dje se, nga ana e institucionit që ai drejton do të bëhen përpjekjet maksimale që të shmangen parregullsitë dhe problemet. Kjo, sipas tij, për të mos lejuar që kandidatët të kenë ankesa pas përfundimit të procesit zgjedhor.

Deklarata
Pas vendimit që ribërja e zgjedhjeve në 3 zona zgjedhore të jetë data 21 gusht, kreu i KQZ ka dhënë një prononcim për mediat. "Në bazë të vendimit të Komisionit Qendror të Zgjedhjeve, zgjedhjet do të ribëhen në këto tri zona në datën 21 gusht. Ne do të bëjmë disa ndryshime që lidhen me elementët e sigurisë dhe me pamjen e jashtme të fletës së votimit. Kuptohet që përmbajtja e saj nuk ndryshon, por do të jenë përsëri të njëjtën kandidatë në fletën e votimit", tha dje Celibashi. Nga ana tjetër, kryetari i institucionit që administron zgjedhjet theksoi se, ky institucion do të punojë shumë në mënyrë që të mos ketë asnjë parregullsi në këto zgjedhje, me qëllim që edhe kandidatët pas përfundimit të procesit zgjedhor, të mos kenë arsye për të ngritur pretendime apo ankesa ndaj procesit zgjedhor apo dhe rezultatit të zgjedhjeve në këto tri zona zgjedhore. Gjithashtu, Celibashi tha dje se nuk ka mundësi për përsëritjen e zgjedhjeve në asnjë zonë tjetër, pasi edhe në zonën ku kandidon për PS-në, Kastriot Islami dhe Artur Shehu për PD-në, KQZ-ja do të shqyrtojë vetëm tabelën e rezultateve të Komisionit Zonal Zgjedhor. "Z.Islami ka paraqitur një kërkesë që lidhet me rezultatin e zgjedhjeve në këtë zonë zgjedhore. Nuk ka asnjë mundësi tjetër për përsëritjen e zgjedhjeve në zona të tjera zgjedhore", tha dje Celibashi.
Komisioni Qendror i Zgjedhjeve do të nisë qysh në javën që vjen përgatitjet për zhvillimin e zgjedhjeve në këto zona. Në tri zonat zgjedhore, ku do të ribëhen zgjedhjet votojnë gjithsej rreth 83 mijë zgjedhës dhe shuma që do të shpenzojë KQZ-ja për procesin zgjedhor është mbi 150 milionë lekë të vjetra.


Valentina Leskaj
Sekretarja për Marrëdhëniet me Publikun në Partinë Socialiste, Valentina Leskaj, dha dje vlerësimin e saj për sa i përket vendimit të Kolegjit Zgjedhor për përsëritjen e zgjedhjeve në zonën zgjedhore 90. Leskaj ka vlerësuar si mjaft pozitive vendimin e Kolegjit Zgjedhor për çështjen në fjalë dhe shtoi se kjo është rrjedhojë e marrjes në konsideratë të provave të parregullsive në zonën zgjedhore 90. Nga ana tjetër, Valentina Leskaj theksoi se vëmendja e socialistëve në ditët në vijim do të përqendrohet në tri zonat zgjedhore, ku do të përsëriten zgjedhjet, në mënyrë që fitorja të jetë në anën e selisë rozë. Më pas, shtoi ajo, në PS mund të bëhet analiza e rezultateve të gjithë procesit zgjedhor.


Jozefina Topalli
Nënkryetarja e Partia Demokratike, Jozefina Topalli, është shprehur e sigurt për fitoren e zgjedhjeve nga PD-ja në zonën 90. Sipas saj se edhe kjo zonë do t'i shtohet fitores së demokratëve, duke u bërë pjesë e ndryshimit të madh. Kolegji zgjedhor ka vendosur një ditë më parë që të përsërisë zgjedhjet në zonën 90 ku kandidon për PD-në Genc Ruli. Gjithashtu demokratët nuk kanë dashur të komentojnë vendimin e marrë nga gjyqtarët e Kolegjit Zgjedhor, por e kanë vlerësuar si diçka pozitive punën e tyre dhe të KQZ-së. As tërheqja e forcave të tjera politike nga gara elektorale nuk përbën ndonjë problem të madh, pasi e djathta e ka fitoren të sigurt dhe zona 90 në Gjirokastër do të bëhet pjesë e kësaj fitoreje.


Pëllumb Xhufi
Nënkryetari i Lëvizjes Socialiste për Integrim, Pëllumb Xhufi, tha dje se LSI-ja nuk do të jetë pjesë në përsëritjen e zgjedhjeve në zonën zgjedhore 90, por edhe në zonat zgjedhore 2 dhe 64. Ai theksoi se kjo tashmë nuk lidhet me LSI-në për sa kohë që nuk janë rinumëruar votat e saj në proporcional. Madje Xhufi shtoi se LSI-ja nuk do t'i bëjë asnjë orientim elektoratit të saj në zgjedhjet që do të ribëhen më 21 gusht, duke qenë se, sipas tij, LSI-ja nuk mund të marrë pjesë në një shtojcë të masakrës elektorale. Xhufi shtoi se votat e LSI-së në Gjirokastër nuk duhet të llogariten në bazë të njërës apo tjetrës parti. "Ne kemi votat tona e nuk bëjmë pjesë në llogaritë e të tjerëve", tha ai.


Odisea elektorale mes kandidatëve të PD dhe PS

Kutia e Manalatit riktheu zonën 90
Kolegji Zgjedhor vendosi pas ankesës së Çeços

Zona zgjedhore 90 ka qenë një nga zonat që është kontestuar më shumë për sa i përket mënyrës së si janë zhvilluar zgjedhjet aty, si dhe rezultatet e dala nga procesi i votimit. Ankesat në lidhje me procesin e zgjedhjeve të 3 korrikut në këtë zonë janë diskutuar për një kohë të gjatë në Komisionin Qendror të Zgjedhjeve. E gjithë "odisea" e kësaj zone zgjedhore në fakt ka qenë vetëm një kuti votimi, e cila i përkiste qendrës së votimit 4244 në lagjen Manalat të Gjirokastrës. Kjo kuti votimi ka qenë e parregullt dhe nga kandidati demokrat, Genc Ruli, qysh në fillim është kërkuar që ajo të mos numërohej. Nga ana tjetër, kandidatja e Partisë Socialiste, Makbule Çeço, ka kërkuar numërimin e votave që gjendeshin në atë kuti. Kjo pasi, sipas socialistes Çeço, lagjja Manalat ka qenë historikisht një zonë e majtë dhe votat e numëruara aty mund të përmbysnin diferencën që ndanin atë me kandidatin e PD-së. Gjatë diskutimeve në Komisionin Qendror të Zgjedhjeve për numërimin apo jo të votave që gjendeshin në këtë kuti votimi, nuk është arritur që një gjë e tillë të ndodhte. Në votimin që bënë anëtarët e KQZ-së, rezultati doli katër pro dhe tre kundër, rezultat që nuk mjaftonte për të marrë një vendim, pasi duheshin pesë vota. Më pas çështja është ndjekur në Kolegjin Zgjedhor të Gjykatës së Apelit, ku pas disa seancave të gjykimit, është vendosur vetëm dy ditë më parë që zgjedhjet në zonën zgjedhore 90 të përsëriten në tërësi. Kolegji Zgjedhor pasi ka bërë ekspertizën e të gjitha provave dhe pasi ka dëgjuar pretendimet e dy kandidatëve në fjalë, Genc Ruli dhe Makbule Çeço ka vendosur që procesi i zgjedhjeve të 3 korrikut të përsëritet. Në të vërtetë të dy kandidatët kryesorë kanë pranuar që gjatë procesit zgjedhor të zgjedhjeve të 3 korrikut ka pasur parregullsi në zonën ku ata kandidonin. Ashtu si dhe kandidatja socialiste, Makbule Çeço, edhe kandidati demokrat, Genc Ruli, ka paraqitur pretendimet e tij për sa u përket parregullsive të vërejtura gjatë zgjedhjeve të 3 korrikut. Pas vendimit të Kolegjit Zgjedhor dy kandidatët do të përballen për herë të dytë më datën 21 gusht.

[Albo]

PS-ja deklaron se komisionerët do të jenë të lirë të ushtrojnë funksionet e tyre

Sherifi: Po pati presione nuk do të njohim zgjedhjet

D.Tanushi

TIRANË – Nëse komisionerët nuk do të jenë të lirë të ushtrojnë funksionet e tyre në zonat ku do të zhvillohen zgjedhjet, atëherë socialistët nuk do të njohin rezultatin e zgjedhjeve. Kështu është shprehur dje sekretari për burimet njerëzore në PS, Elmaz Sherifi, në një prononcim për gazetarët. Ai hodhi poshtë zërat që thonë se komisionerët socialistë do të tërhiqen nga Lazarati. ”Kam parë vetë me sytë e mi falanga që demonstronin në qendër të qytetit me flamuj dhe që do të jenë suport në Lazarat dhe e theksoj në Lazarat, sepse rezultati në qytetin e Gjirokastrës do të jetë shumë më i thellë në favor të PS-së, në favor të kandidates Makbule Çeço. Kjo komunë që ka qendra votimi, duhet të monitorohet dhe unë do t’i ftoja të gjithë të shkojnë në Lazarat ta monitorojnë procesin që të mos ketë më deklarata për njohje apo mosnjohje rezultati”, - deklaroi Sherifi. Sipas tij, “nëse nuk do të ketë një klimë të tillë që vetë komisionerët të jenë të lirë për të ushtruar funksionet e tyre ligjore, do të thotë që nuk ka se si të njihet rezultati në këtë zonë zgjedhore”. Partia Socialiste nuk ka paralajmëruar bojkot apo mosnjohje rezultati, por ka kërkuar prezencë të madhe monitoruesish në zgjedhjet e 21 gushtit, ka thënë më pas Sherifi. Ai ka denoncuar faktin se ka tendecë nga PD-ja për presion mbi komisionerët. "Nuk është e vërtetë që socialistët do të bojkotojnë rezultatin e zgjedhjeve të 21 gushtit. Ne vetëm kemi kërkuar që të gjithë monitoruesit, përfshi dhe ata të OSBE/ODIHR-it, të jenë prezent për të treguar sa i përmbushin standardet këto zgjedhje", - tha Sherifi. Sekretari për çështjet elektorale në PS, Sherifi, deklaroi dje se fitorja në zonën nr. 90 në Gjirokastër është e sigurt dhe i vetmi shqetësim në këtë zonë është Lazarati. “Besoj që të tërë shqiptarët duhet të kuptojnë rrezikshmërinë që sjellin këto kontigjente. Besoj që të gjithë shqiptarët duhet të kuptojnë se çfarë sjell në mentalitet, në vizion dhe shkallën e rrezikshmërisë që sjellin këto kontigjente të inkurajuara ngaqë mendojnë se PD-ja erdhi në pushtet. Sjellja e tyre politike është që të mos lejojnë të futet kërrkush në zonën që ata e konsiderojnë pronë të tyre. Është dëshmia më e mirë që tregon çfarë përfaqëson PD-ja dhe sa larg mentalitetit demokratik është dhe standardeve për të cilat flasim”, - sqaroi Sherifi. Ndërkohë bëhet e ditur se në Lazarat, përveç vëzhguesve të OSBE-ODIHR-it, do të jetë edhe vetë shefi i misionit, Jorgen Grunet.

[Albo]

Kreu i PD-së shprehet se socialistët janë kthyer tek ideja e tyre e vjetër e bojkotit

Berisha: Çeço do që të bllokojë zgjedhjet në Lazarat

D. T

GJIROKASTER – Çeço kërkon të bllokojë zgjedhjet në Gjirokastër, është shprehur dje kryetari i PD-së, Sali Berisha. Ai ka zbritur në zonën nr. 90 një ditë para heshtjes elektorale dhe ka akuzuar kandidaten socialiste, Makbule Çeço, se janë komisionerët socialistë të kandidates socialiste, që nuk duan mbarëvajtjen e procesit. Kreu i PD-së, Berisha, është shprehur se socialistët e Lazaratit i kanë dërguar listat e komisionerëve të tyre, por është vetë Çeço ajo që nuk i pranon këto lista me idenë e bojkotit. Ashtu si edhe gjatë këtyre ditëve, por siç kanë bërë edhe socialistët, Berisha i ka ftuar institucionet ndërkombëtare të monitorojnë procesin e 21 gushtit në këtë zonë, duke shprehur bindjen se KQZ-ja do të veprojë në përputhje me ligjin. “Duhet gjetur se ku fle “lepuri” i socialistëve, që, sipas meje, ai është kthyer tek ideja e vjetër e bojkotit dhe te dhunimi i votës së lirë të qytetarëve. Nga informacionet që unë kam, socialistët e Lazaratit i kanë dërguar listat e komisionerëve të tyre, por është Çeço ajo që nuk i pranon ato lista, me idenë e bojkotit të zgjedhjeve në këtë fshat, por unë shpresoj që KQZ-ja në këtë rast do të zbatojë ligjin. Unë nga ana ime, ftoj sot zyrtarisht OSBE-ODIHR-in, KQZ-në, Ambasadën e SHBA-së dhe të gjithë faktorët e tjerë ndërkombëtarë që të monitorojnë procesin e 21 gushtit”, - është shprehur Berisha. Kryetari i Partisë Demokratike, Sali Berisha, gjatë një konference për shtyp, të zhvilluar dje në Gjirokastër, në mbështetje të kandidatit të kësaj partie në zonën elektorale nr. 90, Genc Ruli, ka premtuar ta kthejë Gjirokastrën në një bizhu të kulturës kombëtare. Kam ardhur këtu, tha Berisha, "t'ju siguroj se qeveria do të bëjë çdo përpjekje për ta shndërruar këtë qytet në lartësinë e vlerave që i takon, duke e kthyer atë në një bizhu të kulturës kombëtare". Ai garantoi se "fondet e UNESKO-s do të jenë simbolike në krahasim me fondet që qeveria dhe zoti Ruli do të garantojnë për këtë qytet". Berisha ka garantuar në këtë konferencë më shumë liri dhe të drejta për të gjitha minoritetet gjatë qeverisjes së tij, dhe në veçanti për atë grek, në bazë të standardeve të BE-së. Gjithashtu ai ka siguruar opinionin e gjerë se zgjedhjet më 21 gusht në Komunën e Lazaratit do të jenë të ndershme dhe të lira. “Qëndrimi ynë ndaj pushtetit vendor do të jetë respektimi dhe vlerësimi i tij. Qeverive vendore ne do t’u japim të gjitha kompetencat, pavarësisht se cilës forcë politike i përket, pasi ne jemi në gjendje të dallojmë opozitarizmin në qendër me veprimtarinë e strukturave të qeverisjes vendore. Ne do të shtojmë fondet publike për të gjitha bashkitë dhe komunat pa dallim, do të aplikojmë procedura transparente, por natyrisht “lupa” e kontrollit mbi përdorimin e fondeve publike do të funksionojë dhe do të intensifikohet. Ne nuk do të lejojmë që fondet publike të tenderohen dhe të fitohen nga firmat që i japin ryshfete kryetarit të bashkisë”, - është shprehur Berisha.

[Albo]

Partia Socialiste dorëzon një ditë pas afatit ligjor shifrën e harxhimeve gjatë fushatës elektorale

PS: Fushata, shpenzuam 2 milionë $

Deklarimi zyrtar i socialistëve në KQZ: Harxhuam 198 170 000 lekë të reja në fushatë

A.Rama

TIRANE - Edhe pse pjesës më të madhe të shqiptarëve fushata elektorale e socialistëve mund t’u jetë dukur shumë e shtrenjtë dhe superluksoze, shifrat zyrtare flasin për të kundërtën. Në formularin e dorëzuar në Komisionin Qendror të Zgjedhjeve nga kryefinancieri i PS-së, Shpëtim Kaçi, është paraqitur shifra totale e shpenzimeve që kandidatët e saj kanë shpenzuar në të gjithë vendin. Kështu PS-ja deklaron zyrtarisht se së bashku me paratë që ka marrë nga buxheti i shtetit, ka shpenzuar për të mbuluar aktivitetet elektorale gjithsej 198 170 000 lekë të reja. Ndërkohë, sipas burimeve zyrtare nga KQZ-ja, në formularin që socialistët kanë dorëzuar 1 ditë pas afatit zyrtar të parashikuar në Kodin Zgjedhor, nuk janë dhënë shifra të detajuara për shpenzimet që 100 kandidatët e PS-së kanë harxhuar në zonat ku ata kandiduan për garën elektorale të 3 korrikut. Thjesht aty janë paraqitur në mënyrë formale të dhënat e shpenzimeve të përgjithshme për aktivitetet kryesore dhe takimet e tjera të kandidatëve në mënyrë të përmbledhur. Ndërkohë shifra në fjalë prej gati 200 milionë lekësh të reja, shpenzime për një fushatë që zgjati gati dy muaj, duket e pabesueshme, pasi vetëm kongresi elektoral i PS-së, takimi hapës i fushatës dhe ai i mbylljes i saj, mund të ketë harxhuar 1/3 e kësaj shume. Për të mos përmendur faktin se mitingjet kryesore elektorale janë shoqëruar me koncerte të këngëtarëve të ndryshëm, të cilët kanë marrë jo pak lekë për praninë e tyre gjatë ditëve të fushatës. Ajo që duket paksa e çuditshme në shifrat e deklaruara nga PS-ja, është se aty janë përfshirë edhe paratë që ky subjekt zgjedhor ka përfituar nga fondi i akorduar nga buxheti i shtetit. Konkretisht, gjatë llogaritjes në KQZ të parave të akorduara nga Ministria e Financave, ka përfituar 24 850 854 milionë lekë të reja, ose gati 40 % të shumës totale të akorduar nga buxheti i shtetit. Pra, edhe pse për këtë proces zgjedhor, për herë të parë Kodi Zgjedhor kishte të përcaktuar një dispozitë që i detyron partitë të deklarojnë shumat e sponsorizimeve të përftuara gjatë fushatës zgjedhore, si dhe vendos limitin që dhuratat nuk duhet të kalojnë vlerën e 100 milionë lekëve të vjetra, kjo duket se nuk ka zgjidhur asgjë. Ashtu siç edhe pritej, shuma e shpenzimeve që do të deklarohej në KQZ do të ishte shumë larg asaj që ka ndodhur në realitet përgjatë dy muajve që zgjati fushata zyrtarisht dhe jozyrtarisht. E kjo mund të thuhet pa frikë për PS-në, forcë politike që ishte për 8 vite në pushtet, dhe që ka zhvilluar një fushatë spektakolare, të ngjashme me konventat amerikane. Luksi që mbuloi aktivitetet e PS-së, ku vetëm për mitingun përmbyllës të zhvilluar te sheshi “Nënë Tereza”, është marrë regjia, efektet e dritave dhe gjithçka tjetër nga Greqia, nuk i justifikojnë aspak shifrat e shpenzimeve të deklaruara nga kjo parti. Këtu nuk po përmendim shpenzimet marramendëse të një pjese të mirë të kandidatëve të PS-së, që në disa zona shlyen edhe listat ushqimeve të papaguara të banorëve në gjendje të vështirë ekonomike.


198 170 000 lekë
Kjo është shifra zyrtare e shpenzimeve e kandidatëve socialistë gjatë fushatës elektorale të zgjedhjeve të 3 korrikut


24 850 854 lekë
Kjo është shifra zyrtare që Komisioni Qendror i Zgjedhjeve akordoi për Partinë Socialiste një muaj para zgjedhjeve për shpenzime elektorale

12%
Sipas deklarimit zyrtar të PS-së për shpenzimet, del se vetëm 12% e parave kanë qenë nga buxheti i shtetit, pjesa tjetër prej 88% janë sponsorizime

[Albo]

Kryefinancieri i PD-së shprehet se kjo parti do të publikojë shpenzimet

Çela: Zgjedhjet nuk kanë përfunduar, jemi në kohë

Shekulli

TIRANE - Kryefinancieri i PD-së, Blerim Çela, është shprehur dje se secili prej kandidatëve të PD-së që konkurroi në zgjedhjet 3 korrikut, ka marrë formularin përkatës për të bërë deklarimin e shpenzimeve të kësaj fushate. Sipas tij, të gjitha këto të dhëna 100 kandidatët e PD-së do t’i dorëzojnë pranë selisë dhe më pas do të përcillen drejt KQZ-së. “Ne jemi marrë vetëm me shpërndarjen e fondit që ka marrë partia nga buxheti i shtetit, dhe jo me sponsorizimet e gjetura nga kandidatë të ndryshëm në mënyrë individuale. Kjo ka qenë çështje individuale”, - tha Çela. Sipas tij, ka ende kohë që PD-ja të dërgojë në KQZ formularët për shpenzimet e fushatës zgjedhore, pasi zgjedhjet ende nuk kanë përfunduar dhe fushata vazhdon për 3 zonat ku do të rivotohet. Ai shtoi se PD-ja do të dërgojë të plotë informacionin në KQZ, ashtu siç e parashikon Kodi Zgjedhor, vetëm kur fushata zgjedhore të këtë përfunduar. “Ne do të dërgojmë informacion në KQZ për fushatën e të 100 kandidatëve dhe jo për një pjesë”, - tha Çela. Ai vërejti se afati i përcaktuar nga Kodi Zgjedhor që deri në datën 18 duhet të ishin dorëzuar të dhënat për shpenzimet jopublike të fushatës, ishte i vlefshëm në rast se zgjedhjet do të kishin përfunduar në të gjithë vendin që më 3 korrik. PD-ja ka përfituar nga buxheti i shtetit shumën 17 836 800 lekë të reja, ndërkohë që ka zhvilluar një fushatë goxha të kushtueshme si ish-parti opozitare. Madje PD-ja për organzimin e fushatës zgjedhore lidhi kontratë me kompaninë amerikane BG&R. Por vlera e kësaj kontrate nuk është bërë ende publike. Vlen të përmendet mënyra e organizimit të Kuvendit Kombëtar të kësaj partie si dhe fillimi i fushatës publikisht 10 ditë para se ajo të fillonte sipas Kodit Zgjedhor, dhe është e qartë se demokratët nuk mbeten pas socialistëve për shpenzimet marramendëse të kësaj fushate.