Lajmi më i fundit nga zgjedhjet e 3 korrikut

[Albo]

Kandidatet socialiste, Angjeli, Islami, Toska dhe Ahmetaj kontestojne rezultatet e zgjedhjeve

Zedhenesi i LSI-se, Sokol Dervishi gjate nje prononcimi per mediat te bere disa caste me pare u shpreh 4 kandidate per deputete te Partise Socialiste, Anastas Angjeli, Kastriot Islami, Igli Toska dhe Arben Ahmetaj te cilet kandidojne ne zonat 38, 73, 34 dhe 33 kontestojne rezultatin e Islami akuzon kryetarin e KZZ-se te zones elektorale numer 73 per bllokimin e 2 qendrave votimi ne te cilat nuk ka nisur ende numerimi i votave. Nderkaq Igli Toska ka paraqitur zyrtarisht prane Komisionit Qendror te Zgjedhjeve kerkesen per manipulimin e votave dhe ka kerkuar qe votimi ne 10 qendra te zones 34 te shpallet i pavlefshem. Rivali i dekanit te Fakultetit te Shkencave Sociale, Ylli Pango, Anastas Angjeli duke mos qene dakort me rezultatin e zgjedhjeve eshte shprehur se jane manipuuar disa qendra, ndersa kandidati ne zonen elektorale 33, Arben Ahmetaj ka kerkuar rivotim ne te gjithe zonen ne te cilen ai kandidon.

BalkanWeb

[Resto]

Kryetari i Partisë Demokratike, tashmë kreu i mazhorancës së dalë nga zgjedhjet e 3 korrikut, Sali Berisha, përshëndeti nëpërmjet një fjalimi të shkurtër qytetarët e shumtë të mbledhur përpara selisë blu në TiranëTë mbledhur në një tubim festiv, mijëra qytetarë të kryeqytetit kanë pritur me entuziazëm të papërmbajtur daljen e kryeministrit tashmë të konfirmuar të qeverisë së ardhshme.
Rrofte Partia Demokratike .
Tani do te shohim nje qeveri te lire edhe Demokratike Boll me me mashtrime edhe vjedhje poshtrime posshte kelyshat e Enverit (fatos nano me shok )

[Albo]

Kreu i PD përshëndet simpatizantët, së bashku me katër kandidatë demokratë që fituan në zona të nxehta

Zgjedhjet, fitore e qartë e PD-së


Nevila Perndoj

TIRANË- Kryetari i Partisë Demokratike, Sali Berisha, ka preferuar të bëjë publike fitoren e Partisë Demokratike në më shumë se 50 zona të vendit deri në orën 23.30 të natës, i shoqëruar nga 4 kandidatët kryesorë të cilët (sipas rezultateve paraprake) fituan kundrejt kandidatëve socialistë, Shyqyri Duraku, Anastas Angjeli, Agron Duka dhe Igli Toska. “Kjo është një fitore historike. Profesor Safet Sula nxori nga politika njërin nga kockat mafioze më të rrezikshme të Ballkanit të Shqipërisë, Shyqyri Durakun. Profesor doktor Ylli Pango nxori nga politika mumuthin e korrupsionit, Anastas Angjelin. Sokol Olldashi, pas një beteje dymujore, nxori nga politika Dukën e krimit; Bujar Nishani, Iglin e malavitës. Unë dola me këta zotërinj, sepse që në fillim të fushatës elektorale u kisha deklaruar të gjithë mbështetësve, anëtarëve të PD-së, se fitorja e PD-së pa fitoren në zonën e Angjelit, në zonën e Durakut, në zonën e Dukës, në zonën e Toskës ishte një fitore e lënduar”, - tha mbrëmë Berisha, duke shtuar se ai e konsideron një fitore të dyfishtë të shqiptarëve, “pasi balozët e zi të krimit dhe të korrupsionit, sovrani i nxori nga politika”.
“Në emër të PD-së, por edhe në emër të të gjithë shqiptarëve që votuan ndryshimin, dua t’ju shpreh falënderimin tim më të përzemërt zotërinjve që më shoqërojnë. Jam i bindur se Shqipëria do t’u jetë mirënjohës për betejën që zhvilluat”, - i është drejtuar Berisha kandidatëve fitues, Safet Sula, Sokol Olldashi, Ylli Pango dhe Bujar Nishani. “Ne kemi fitore shumë të gjerë. Imagjinoni miliarda dollarë kundër nesh. Aparati administrativ, një pjesë e mirë e tij i tëri në fushatë, siç e keni parë edhe vetë. Edhe ushtria për herë të parë në epokën e pluralizmit, filloi që të angazhohej në fushatë, (segmente të saj). Ne fituam ne zgjedhje që nuk janë cilësuar të lira dhe të ndershme. Nuk ka gjë më të vështirë sesa të fitosh zgjedhjet e palira nga opozita. Mirëpo e tillë ishte uragani mbarëpopullor. Unë mund t’u them se sot përmasat e fitores janë të shkëlqyera”, - tha ai. I pyetur nga përfaqësues të medias se çfarë do të bëjë Berisha në 100 ditët e para të qeverisjes së tij, ai u përgjigj: “Përfaqësuesit e medias do të jenë të parët ata që do të mësojnë se çfarë do të bëj unë në 100 ditët e mia të para, por unë mund t’u siguroj se këto 100 ditë do të punoj fort për të hedhur themelet e atyre që unë u kam premtuar shqiptarëve. Unë qëndroj në politike për të mbajtur premtimet e mia”, - tha ai. Berisha shtoi se fitorja është shumë e gjerë. Më pas në ambientet e selisë blu ka vazhduar atmosfera festive si brenda, ashtu dhe jashtë saj.

Kryeartikulli i gazetes Shekulli

[Era1]

TOPALLI: PS, THIRRJE KOMISIONEREVE PER TE BLLOKUAR PUNEN

Nenkryetarja demokrate Jozefina Topalli ne nje prononcim per Top Channel u shpreh se socialistet po u bejne thirrje komisionereve te tyre te bllokojne procesin e numerimit te votave. "Asgje nuk mund te ndryshoje rezultatin dhe perpjekja e fundit e tyre nuk arrin te nxjerre fitues kandidatet socialiste", u shpreh Topalli. Sipas saj edhe tentativat per te ndryshuar dicka ne sistemin proporcional nuk favorizojne kundershtaret, pasi eshte konfirmuar qe shumicen edhe ketu e ka marre e djathta.



Top Chanel

[Era1]

PROPORCIONALI, PD KRYESON ME 42%, PS E DYTA ME 40%


Ne baze te te dhenave te deritanishme te listes se partive ne proporcional, mesohet se PD me partite e tjera te djathta kane fituar 42% te votave, duke siguruar keshtu 17 vende ne kuvendin e ardhshem. Ndersa PS me aleatet e saj kane 40% me 16 vende. LSI, partia e ish-kryeministrit Ilir Meta, ne proporcional pritet te mare 8% me 5 vende, ndersa LZHK dhe PBDNJ me votimet e marra kane secila nga 1 vend ne kuvendin e ri.


Top chanel

[Albo]

Fitorja e vertete e 3 korrikut

E Marte, 05 Korrik 2005
Pjesemarrja masive ne votime, perceptimi i pergjithshem i realizimit te nje standarti me te larte zgjedhor se ne ato te kaluarat, ndeshkimi gati unanim i nje pjese te ministrave apo i qeveritareve te akuzuar per korrupsion dhe konflikt interesi, qetesia realtivisht e kenaqshme ne te gjithe territorin, duket te jene deri tani, disa nga fitoret e "vogla" te 3 korrikut 2005.

Pavaresisht se te dielen elektorale dhe ne vazhdim, u regjistrua incidente deri edhe vrasje te nje vezhguesi ne Tirane, lojera nervash politike gjate procesit te numerimit te votave, festime te pakontrolluara militantesh, e deri tek 2 vrasjet e djeshme ne Lushnje ndersa festohej fitorja e opozites ne kete qytet, etj, etj. gjithesesi duket se ky mozaik, nuk ka per ta prishur shijen e pergjitheshme te ketij procesi zgjedhor ne vetevete.

Por, pavaresisht nga te gjitha keto, ka nje element tjeter politik, qe mund te rezultoje si fitorja e vertete, apo si fitorja e fitore te ketyre zgjedhjeve ne Shqiperi. Ne rast se konfirmohet zyrtarisht ajo qe ka filluar te perceptohet tashme, se fituesja e ketyre zgjedhjeve do te jete PD e Berishes dhe humbesja, PS e Nanos, atehere jane te gjitha gjasat qe ky rrotacion i pushtetit, te realizohet ne menyre krejt te natyrshme, pas 15 vjet pluralizem.

Megjithese deri tani, pas 1990, jane realizuar 6 zgjedhje te pergjitheshme parlamentare dhe keto te 3 korrikut mund te sjellin rrotacionin e trete te pushtetit mes PS e PD, ne dy rastet e para, kjo stafete nuk eshte nderruar ne menyre "paqesore". Mjafton te kujtojme per kete, zgjedhjet e 1992, kur PD erdhi ne pushtet vetem nje vit pas zgjedhjeve te 1991, qe u shoqeruan me tragjedine e 2 prillit ne Shkoder dhe paralizim te jetes se vendit nga grevat dhe demostratat. Ashtu sikunder edhe ne vitin 1997, kur Berisha u detyrua te linte pushtetin, vetem pas trazirave antifajde qe çuan gati- gati, ne "shkrirjen e shtetit".

Zgjedhjet e kesaj jave, duket se mund te shenojne rastin e trete te rrotacionit te pushtetit. Po te shohesh me vemendje sjelljet e lidershipit socialist,- pavaresisht tensionit dhe nervozizmit me te cilen po percillet humbja e mundshme,- lexohet qarte se po i i frohemi momentit kur ndryshimi pushtetit do te behet ne menyre krejt paqesore. Pikerisht ky gjest, do te konsiderohej si fitorja e vertete jo vetem e 3 korrikut, por edhe e proves ndoshta me te madhe te pjekurise se demokracise se brishte shqiptare. Nje hap qe mund te jete nje nga kontributet me domethenese ne rrugen drejt fundit te tranzicionit te veshtire,- te pakten politik,- te Shqiperise.

Kryeartikulli i gazetes Korrieri

[Albo]

DESHTOI NANOMAFIA

Kryetari i PD-se, Berisha, deklaron fitoren ne 56 zona zgjedhore. Berisha: Fitorja jone eshte historike, pasi sovrani nxorri jashte nga politika bajlozet e krimit dhe te korrupsionit

Partia Demokratike ka korrur nje fitore te thelle ne zgjedhjet parlamentare te 3 Korrikut. Sipas te gjitha informacioneve nga selia blu, rreth 56 kandidate te saj tashme jane shpallur fitues si pasoje e votes se zgjedhesve. Kryetari i Partise Demokratike ka konfirmuar para mediave se tashme 56 deputete demokrate kane konfirmuar fitoren e tyre nga 100 zonat ne mazhoritar. Nderkohe kreu i selise blu theksoi se 100 ditet e para te punes se tij do te punoje per te mbajtur premtimet e bera gjate fushates elektorale, pasi vetem ky eshte qellimi i qeverisjes se tij. Gjithashtu Berisha e ka cilesuar fitore te dyfishte rrezimin nga kolltuku i njerezve te fuqishem te krimit dhe monopoleve si Anastas Angjeli, Agron Duka, Shyqyri Duraku dhe Igli Toska. Para mediave, kreu demokrat eshte shfaqur me kandidatet demokrate Pango, Nishani, Safet Sula te cilet sipas tij kane meriten e tyre per fitoren pasi u perballen ne kete fushate me njerez te fuqishem te krimit dhe monopoleve. Nese kjo fitore ndaj ketyre njerezve te korruptuar nuk do te ndodhte, atehere fitorja e madhe do te ishte e manget. "Fitorja eshte historike. Safet Sula nxorri nga politika kocken me te madhe mafioze Shuqyri Duraku, Ylli Pango nxorri nga politika nacin mumuthin e korrupsionit, Anastas Angjeli. Sokol Olldashi nxorri nga politika Duken e krimit, Nishani nxorri ne pension Iglin e krimit. Une qe ne fillim te fushates u kisha deklaruar te gjithe mbeshtetesve te PD-se se fitorja e zgjedhjeve pa fitoren ne zonat e Angjelit, Dukes, Toskes dhe Durakut ishte nje fitore e lenduar. Une konsideroj fitore te dyfishte kete fitore mbasi balojzet e krimit dhe korrupsionit sovrani i nxorri nga politika. Derdhen miliarda leke nga taksat e shqiptareve, ushtruan presion por moren pergjigjen. Jam i bindur se Shqiperia do t'u jete mirenjohes ketyre njerezve per aktin e bere", tha Berisha.

Lideri demokrat e ka konsideruar teper te ashper fushaten e zhvilluar per zgjedhjet e 3 Korrikut, pasi jane ndeshur dy linja kryesore; ajo e perfaqesuar nga PD-ja, e cila ka si parim te saj luften kunder korrupsionit dhe ajo e causheve te vitit 1997.

Pavaresisht veshtiresive te hasura dhe procesit zgjedhor jo te ndershem qe u zhvillua, Berisha deklaroi se ishte uragani i votes se shqiptareve ai qe vendosi per fatin e Shqiperise. "Deputetet tane kane fituar gjeresisht, imagjinoni miliarda dollare kunder nesh, aparati administrativ i teri ne fushate edhe ushtria filloi te angazhohej ne fushate. Ne fituan ne zgjedhje qe nuk u cilesuan te lira dhe te ndershme. S'ka gje me te veshtire sesa te fitosh zgjedhjet jo te lira dhe te ndershme. Por ishte uragani mbare popullor i permbysi" tha Berisha. Nderkohe per ceshtjen e komisionereve te terhequr ne disa KZZ-se, kreu i selise blu ka deklaruar se asnje prej komisionereve demokrate nuk eshte laguar por ka denoncuar se jane larguar komisionere ne Vlore, mbasi Kollozi eshte fitimtar i Vlores. Nje atmosfere teper festive, si para selise se Partise Demokratike, ka perfshire te gjitha qytetet e vendit ku kandidatet demokrate kane marre shumicen e zonave elektorale. Me mijera qytetare kane mbushur sheshet dhe ambientet e qyteteve ku po festojne fitoren e thelle ne zgjedhje.

Kryeartikulli i gazetes Koha Jone

[Albo]

LSI fiton 1, PBDNJ 1 dhe 1 i pavarur

Rezultati: PD 50, PS 39 dhe 8 zona mbeten pezull


Sipas rezultateve paraprake të konfirmuara deri sot në orën 01.30, Partia Demokratike udhëheq rezultatin me 50 deputetë të fituar në mazhoritar, kundrejt 39 deputetëve që ka fituar Partia Socialiste. Diferenca midis dy partive më të mëdha është vetëm me 11 deputetë, ndërkohë që 3 deputetë janë fituar nga tre subjekte të tjera. Një deputet është fituar nga LSI në zonën 79 (Skrapar-Ilir Meta), PBDNJ ka fituar në zonën 92 dhe një i pavarur ka fituar në zonën 98. Tetë zonat elektorale kanë mbetur pa një rezultat përfundimtar, për shkak të disa pengesave teknike që kanë bllokuar procesin e numërimit të votave. Pezull ka mbetur zona 18, 33, 36, 37, 64, 90, 96 dhe 97. Nisur nga informacionet më të fundit, rezulton se pavarësisht arsyeve që kanë penguar shpalljen e rezultatit në këto 8 zona, gjithsesi vihet re një avantazh i dukshëm mes kandidatëve rivalë. Kështu, zona 18 dhe 64, janë me rezultat të bllokuar, por sipas të dhënave që mbështeten në numrin e përgjithshëm të votave të numëruara, udhëheqin kandidatët e PS-së. Nga ana tjetër, kandidati i PD-së në zonën 96 (Kollozi), nga votat e numëruara rezulton të jetë në avantazh ndaj rivalit të tij socialist. Por, interesante në gjithë këtë garë, që është përcjellë gjithë përqendrim nga selitë qendrore të dy partive më të mëdha, është fakti se në zonat e mbetura pezull si ajo 33, 36, 37, 90 dhe 97, rivaliteti është shumë i mprehtë dhe diferenca shumë e ngushtë. Në këto zona numërimi ka nxjerrë fitues herë njërin kandidat e herë tjetrin me diferenca shumë të vogla votash, që ngushtohen nganjëherë deri tek njëshifrori. Domethënës është për këtë rast, fati që pësoi kandidati demokrat në ish-bllok, Sejamini, i cili e humbi garën përballë kreut socialist të Tiranës, Ulqinit, vetëm me 18 vota. I njëjti rivalitet, po vihet re edhe mes kandidatëve Memia (PD) dhe Harasani (PS) apo mes Palokës (PD) dhe Idrizit (PS).
Në sfond të këtyre rezultateve, dy partitë kryesore kanë deklaruar zyrtarisht një fitore bindëse. Kështu, PD ka përmendur rreth 55 deputetë fitues dhe po kaq, edhe Ruçi i ka përmendur si fitues. Ai, madje, duke iu referuar rastit të zotit Ulqini, theksoi se deri në fund të procesit të numërimit do të ketë “surpriza”. Sot në mesditë, pritet që të konfirmohet zyrtarisht rezultati final për pjesën dërrmuese të kandidatëve, ndërkohë që nga KQZ ka filluar edhe përllogaritja e përqindjeve që kanë fituar partitë në proporcional. Sipas rezultateve paraprake të përcjella mbrëmë, mësohet se edhe në sistemin proporcional, kryeson përsëri blloku i aleatëve të PD-së. Partia Republikane ka marrë më shumë se gjithë partitë e tjera, duke lënë pas edhe partitë e tjera të majta. Partitë lanë hapur përdorimin e skemës së Dushkut, duke bërë që ai të përsëritet, këtë herë në favor të PD-së dhe aleatëve të saj.


rezultatet - 2001

PS fitoi 41.439 % ose 73 deputetë
PD dhe aleatët fituan 36.886% ose 46 deputetë
(25 mazhoritar dhe 21 proporcional)
PDR fitoi 5.088% ose 6 deputetë
PSD fitoi 3.65% ose 4 deputetë
PBDNJ fitoi 2.604% ose 3 deputetë
PASH fitoi 2.556% ose 3 deputetë
PAD fitoi 2.557% ose 3 deputetë
Nikoll Lesi (i pavarur)
Agron Duka (i pavarur)


rezultatet - 2005

proporcionali

PAD 14091 4.80 %
PDR 16339 5.57%
PDK 11485 3.92 %
PR 65693 22.40%
LZHK 11561 3.94%
LSI 23175 7.90 %
PAA 15796 5.39 %
PBDNJ 7285 2.48%
PDS 9506 3.24%
PD 31044 10.59 %
PS 31523 10.75%
PSD 30162 10.28%


Kryeartikulli i gazetes Panorama

[ClaY_MorE]

FITUESIT

Paulin Sterkaj 1 PS
Fatlum Nurja 2 PD
Ramiz Cobo 3 PD
Jozefina Topalli 6 PD
Tom Doshi 7 PS
Nard Ndoka 8 PD
Rexhep Uka 9 PD
Jemi Gjana 11 PD
Fatos Hoxha 12 PD
Aldo Bumci 13 PD
Prec Zogaj 14 PD
Gjovanin Prenga 15 PD
Gjoke Vuksani 16 PD
Pal Dajci 17 PD
Idriz Kumara 19 PD
Sali Shehu 20 PD
Rahim Kaleci 21 PD
Sadri Abazi 22 PS
Shpetim Ziri 23 PD
Ndricin Babasi 24 PD
Sami Gjergji 25 PD
Sokol Olldashi 26 PD
Florjan Bajramaj 27 PD
Ferdinand Xhaferri 28 PD
Gazmend Oketa 29 PD
Genc Juka 30 PD
Bamir Topi 31 PD
Besnik Mustafaj 32 PD
Lulzim Basha 33 PD
Bujar Nishani 34 PD
Ermelinda Meksi 35 PS
Ylli Pango 38 PD
Majlinda Bregu 39 PD
Gezim Karapici 40 PD
Spartak Ngjela 41 PD
Musa Ulqini 42 PS
Safet Sulaj 43 PD
Astrit Patozi 44 PD
Mehmet Hasanlame 45 PS
Durim Lamaj 46 PS
Baki Shehu 47 PD
Sali Berisha 48 PD
Engjell Cara 49 PD
Afron Dibra 50 PS
Dashamir Sula 51 PD
Durim Hushi 52 PS
Aurel Bylykbashi 54 PS
Bukurosh Stafa 55 PS
Valentina Leskaj 56 PS
Namik Dokle 57 PS
Ndricim Hysa 55 PS
Elmaz Sherifi 59 PS
Tauland Balla 60 PS
Rrapush Tola 61 PS
Blerim Cela 62 PD
Vath Koreshi 63 PS
Arta Dade 65 PS
Arlbert Caci 66 PS
Petri Koci 67 PS
Ylli Bufi 69 PS
Rajmonda Stefa 72 PS
Mehmet Xheka 74 PD
Erjon Brace 75 PS
Luan Memushi 76 PS
Marko Bello 77 PS
Bashkim Fino 78 PS
Ilir Meta 79 LSI
Ben Blushi 80 PS
Ridvan Bode 81 PD
Pandeli Majko 82 PS
Ilir Rusmajli 83 PD
Edmond Spaho 84 PD
Fatmir Xhafa 85 PS
Mehmet Hoxha 87 PD
Alfred Dalipi 88 PS
Falmur Hoxha 89 PS
Gramoz Ruci 91 PS
Spiro Ksera
Arben Malaj 93 PS
Bujar Leskaj 94 PD
Arben Isaraj 95 PS
Spiro Peci
Fatos Nano 99 PS
Stefan Cipa 100 PS


Marre Top Channel

[Albo]

Berisha apel administrates e turisteve: Tranzicioni do te jete i bute, angazhohuni ne pune e shijoni pushimet

Lajmi i ores 19:05

Kryetari i Partise Demokratike, Sali Berisha beri nje apel ne adrese te administrates shqiptare per angazhim ne pune dhe qyetareve shqiptare per kalimin e pushimeve ne Shqiperi. "Premtoj se do te kete nje tranzicion te bute e te qyteteruar. Prandaj administrata te mos shkrehe zbatimin e detyrave. Asgje s'mund te zevendesoje funksionimin e nje administrate sidomos ne momentet kur shqiptaret presin me padurim ditet e qeverisjes se ardhshme. Dua te siguroj administraten se dua te zbatoj me te strategjine qe kam premtuar, prandaj angazhohuni ne pune", tha Berisha i cili u dergoi nje mesazh edhe qytetareve shqiptare te cilet i ftoi per kalimin e pushimeve ne Shqiperi. "Sado qe mund t'ju duket jashte konteksti u bej thirrje te gjithe shqiptareve te vijne te kalojne pushimet ne Shqiperi, te mos konsiderojne se kjo eshte periudhe tranziocioni, te mos hezitojne aspak per turizem". Berisha ftoi PS te pranoje humbjen pasi ve re se shume kandidate socialiste po kontestojne rezultatin, nderkohe qe ka ndodhur e kunderta. Lideri demokrat nuk mohoi edhe nje bashkepunim me pushtetin local pas ardhjes se PD ne pushtet. "Siguroj se granti per bushetin e Bashkise se Tiranes do te kaloje nga 6 ne 24%". Berisha beri te ditur gjithashtu se edhe nje mesazhe te shumta urimi kane ardhur nga parti simotra demokratike dhe nga ambasadore te vendeve te ndryshme.

BalkanWeb