FRONTI PËR BASHKIMIN KOMBËTAR SHQIPTAR
KRYESIA QËNDRORE
Nr.17 / 09 PROT. DSH 5
Tiranë,Prishtinë,Shkup,Ulqin,Prevezë;21 gusht 2002
T'I BOJKOTOJMË ZGJEDHJET NË IRJM!
( DEKLARATË NR. 5 )
Vëllezër e motra shqiptarë!
Nëna e baballarë shqiptar!
Nxënës e studentë shqiptar!
Punëtorë e bujqë shqiptar!
Intelektualë e funksionarë shqiptar!
Kryetarë e liderë të partive politike shqiptare!
Popull i dashur shqiptar, të gjithë ju që jeni të vetëdijshëm dhe keni të drejtë votimi duhet që,
T’I BOJKOTONI KËTO ZGJEDHJE!
Për arësye se:
Këto zgjedhje, edhe pse duhet ndryshe, do t'i fitojnë në mënyrë
absolute sllavo-maqedonasit, sepse shteti është nacional dhe
shqiptarët nuk janë shtetformues e me të as sovran, që do të thotë,
shqiptarët janë qytetarë inferiorë dhe të rendit të dytë.
Deputetët shqiptarë, qoftë të zgjidhen 19,21,23,25 apo edhe 27,
përsëri proporcionalisht me përbërjen e popullsisë prej mbi 40% janë
shumë pak, aq më shumë kur e dijmë se sa banorë autoktonë shqiptarë
nuk e kanë nënshtetsinë e bashkë me të nuk e gëzojnë as të drejtën
për votim!!! Madje, sa shqiptar janë jashtë IRJM-së nëpër Botë, që
poashtu nuk do të munden që të udhëtojnë e të votojnë?! Nga këtu
pyesim: Pse partitë politike shqiptare, të cilat i shohin interesat
e tyre individuale, grupore e partiake, nuk arritën që të bëjnë një
herë regjistrimin real të popullatës e pastaj zgjedhjet?! Përse ata
kurrë nuk e çajnë kokën për problemet kardinale dhe për hallet me të
cilat po ballafaqohet popullata e shumëvuajtur e (ri)robëruar
shqiptare, por po japin premtime boshe?! Kaluan dekada dhe asgjë nuk
realizuan. A e dijnë ata se sa shqiptarë të pafajshëm ende mbahen të
arrestuar nëpër kazamatet sllavo-maqedonase?! "Lufta mbaroi" dhe
"amenstia u dha", kurse nga ana tjetër sa shqiptarë ka që nuk munden
të këthehen nëpër shtëpitë e tyre?! Ku janë të zhdukurit
shqiptar?!Pse vëllezërit tanë akoma mbahen nëpër burgje?!
Po si mund tua japësh votën kandidatëve të mundshëm për deputetë
kur lufta në terren u fitua dhe po kjo luftë u humb në tavolinën e
diplomacisë?! Si mund t'i votojsh njerëzit në një Parlament që është
i huaj për ne shqiptarët, kur dihet që për çdo gjë deputetët
shqiptarë do të jenë të mbivotuar nga deputetët sllavo-maqedonas?!
Si mund të votosh për deputetë interesxhinjë, megalomanë,
inatmëdhenjë që nuk arritën të merren vesh që qoft edhe një kandidat
të vetëm, të përbashkët, ta fusin në listën e përbashkët?! Sa të
përçarë dhe sa mjeranë! Si mund të votohen deputetë kur ne kemi
fituar më pak dhe jemi nën kushtetutën e vitit 1974 ?! Kjo është e
habitshme por shumë e vërtetë ! Si mund të votojmë kur problemi
madhor kombëtar nuk u zgjodh me armë në dorë e mendojmë, pretendojmë
dhe konsiderojmë se kjo do të zgjidhet me parti politike apo me
deputetë të vjetër e të rinj në to, që do të shërbejnë, si deri më
tani, për dekor të parlamentit të FYROM-it dhe asgjë më shumë !
Vota është e shenjtë. Ajo nuk i jepet çdokujt. Ajo i jepet vetëm
atij që e meriton, atij që i mbron interesat kombëtare, atij që
është në gjendje që në çdo kohë të rrezikoj për ta mbrojtur votën e
marrë nga populli i vet. E si mund t'iu jepet vota deputetëve të
vjetër, të cilët jo vetëm nuk iu përgjigjën luftës por përkundrazi
edhe e sabotuan atë?! Por, si mund t'iu jepet vota kandidatëve të
rinj, të cilët kandidohen kur dihet që deri më sot nuk kanë dhënë
llogari publikisht dhe nuk kanë dhënë përgjegjësi se si dështuan ?!
Cudi!!! Historia nuk njeh luftëra të tilla! Luftërat bëhen për t'u
çliruar dhe për të dëbuar armikun nëse je i okupuar apo i robëruar,
ose për të bërë shtet me kufij të rinj !
Prandej, mos mashktroheni dhe bojkotoni zgjedhjet që nuk janë
tonat, kur para kohe dihet që Kryetari i IRJM-së, Kryetari i
Parlamentit, Kryeministri dhe ministrat e rëndësishëm, si ai i
mbrojtjes, i brendhsëm,…, do të jenë sllavo-maqedonas. Kur dihet se
ne do të jemi, siç thamë edhe më lart, popull i rendit të dytë,
ashtu siç kemi qenë deri më tani, falë pavendosmërisë sonë,
kompromiseve, gabimeve, urrejtjeve ndërmjet partive shqiptare! Duhet
pasur mosbesim të plotë te sllavo-maqedonasit, të cilët përdorën
forcën ushtarake me tanksa e helikopterë luftarakë, aq më shumë kur
e dijmë se nuk është arritur asgjë dhe nuk është implementuar edhe
pas një viti as marrëveshja aq e përfolur e Ohrit.
Atëherë pse duhet të dilet në zgjedhje?! apo, si deri më tani,
për pesë a gjashtë zëvendësministra, për po aq ambasadorë e konsuj,
për 20 deputetë, për 7-8 drejtorë dhe u zgjodh problemi madhor i
kombit shqiptar?! Këtë s'do të na e falin pasardhësit tanë dhe nesër
do të jemi përgjegjës para tyre. Në zgjedhje mund të dilet vetëm me
një kusht, që ne nuk e dëshirojmë konfliktin - luftën; por, nëse
ndodhë dhe nëse na imponohet lufta, atëherë shktrohet pyetja, a do
ta përkrahin luftën zotërinjtë deputetë të ardhshëm, siç bëri z.
Hysni Shaqiri?! Dhe, këta zotërinjë të mos i frikësohen as burgut,
as Hagës dhe as vdekjes... Të jenë të gatshëm për sakrificë e jo për
privilegje! Të jenë në shërbim të popullit dhe jo në shërbim të
sllavo-maqedonasve! Nëse edhe ju nuk doni që të mbani përgjegjësi si
kandidatë për deputetë të mos thoni nesër se nuk e keni dijtur;
prandej, zgjidhja më e mirë do të ishte që edhe ju t'i bojkotoni
zgjedhjet dhe vetë të hiqni dorë nga garat e mëtutjeshme elektorale;
sepse, pa shqiptarë nuk ka Maqedoni... Mos e mashtroni më popullin
tonë, se çdo gjë e ka një kufi!!!
SEKRETARI POLITIK : KRYETARI :
AV. ALBAN VJOSA JUR. VALDET VARDARI
Përgjigju Duke Cituar
Krijoni Kontakt