Tregime te ndryshme fetare!

[INDRITI]

Meqe na e bere detyre shtepie ja ku po postoj dicka shkurt

Nje dite e pyeti Musai a.s. Zotin e tij: "O Zot.. Si i pergjigjesh Ti robit Tend mekatar nese te therret.. "O Zot"?

U pergjigj All-llahu i Madheruar te derguarit dhe robit te Tij: "I them... te pergjigjem robi im, te pergjigjem robi im, te pergjigjem robi im."


Me pas pyeti Musa a.s. All-llahun e Madheruar perseri: "O Zoti im si i pergjigjesh Ti robit tend te mire nese te therrret e te thote "O Zot"?

I tha All-llahu i madheruar: "I them: "Te pergjigjem robi im".


I tha Musa: O Zot, te thirri robi jot mekatar e Ti i the "te pergjigjem robi im" tre here, e kur te thirri robi jot i mire Ti i the "Te pergjigjem robi im" vetem nje here?
I tha All-llahu i madheruar: "O Musa! Kur me thirri robi im i mire u mbeshtet tek punet e tij te mira, ndersa kur me thirri robi im mekatar u mbeshtet ne meshiren Time"

Thuaj: O roberit e mi te cilet i keni bere padrejtesi vetes suaj mos u beni pesimiste nga meshira e All-llahut!

[Zana e malit]

Meqe na e bere detyre shtepie ja ku po postoj dicka shkurt

INDRITI, pasi e konsideron detyrë shtëpie shkruarjen në këtë temë, dije që, detyrat e shtëpisë nuk bëhen një herë në vit!...

Faleminderit për pjesëmarrjen!

Unë po sjell edhe një tregim!

FLAKA E QIRIRIT

Një herë në një lagje të Stambollit kishte rënë zjarri.
Flakët e zjarrit arrijnë deri në shtëpinë e një Pashai. Vajza e Pashait e cila ishte shumë e bukur, trembet shumë nga zjarri dhe për të shpëtuar, del në rrugë dhe fillon të ecë pa e ditur se ku shkonte, derisa arriti e sfilitur pranë një xhamie.

Aty pranë, pa një dritë dhe skoi e u fut brenda. Në dhomë pa një nxënës i cili po mësonte në flakën e qiririt. Nxënësi i çuditur e pyeti:

- Kush je ti?...Përse ke ardhur?..

- Në shtëpinë time ra zjarri. Të lutem më mbro mua këtë natë- ja ktheu vajza.

- Unë jam beqar, prandaj nuk mund ta kalosh natën këtu- i tha djali

- E ku mund të shkoj unë në këtë natë të ftohtë dhe të errët dimri?- e pyeti vajza.

Nxënësi e pa që nuk kishte zgjidhje tjetër, i dha vajzës ujë për të pirë, i tregoi asaj krevatin e tij që të flinte, ndërsa vetë u kthye dhe vazhdoi të mësonte. POr nuk po arrinte dot të përqëndrohej në mësime.

Vajza duke bërë një gjumë të trazuar ishte zbuluar.

Shejtani i fut këtë mendim të keq në kokë djalit: "Mos e humb këtë rast! Nuk të vjen më në dorë një vajzë kaq e bukur dhe një rast i tillë! Askush nuk të sheh dot..."

Por e mblodhi veten shpejtë. Zgjati njërin gisht drejt flakës së qiririt dhe foli me vete: "Flaka e këtij qiririt të kujton zjarrin e Xhehennemit. Po i bëre gjë kësaj vajze të pafajshme, do të digjesh!..."

Gishti i dogji shumë dhe kështu u kthye përsëri te mësimet.
Por i njëjti mendim i ligë nuk po e linte rehat. Deri në mëngjes luftoi shumë me veten për të mos iu bindur shejtanit dhe kështu dogji në flakën e qiririt edhe disa gishta të tjerë.

Vajza u zgjua nga gjumi aty nga mëngjesi , u mbulua dhe filloi të ndjekë fshehurazi veprimet e djalit. Kur zbardhi mirë, mori një pallto nga djali, e veshi dhe shkoi në shtëpi dhe i tregoi nënës së saj gjithë çka kishte ndodhur një natë më parë.

Kur e mori vesh edhe Pashai ngjarjen, mori edhe vajzën e tij në karrocë dhe shkuan në shtëpinë e nxënësit. Pashai kur pa djaloshin me duart e lidhura, ngaqë ishte djegur mendoi:
"Domethënë, ky është djali për të cilin më tregoi vajza. Ka luftuar me nefsin e tij për të mos bërë ndonjë veprim të keq dhe për këtë ka djegur duart e tija.."

Shkoi tek nxënësi dhe i tha: "Ky vend qëndron akoma në këmbë, në saje të edukatës së mirë të njerëzve si puna jote. Eja në shtëpinë time, ha, pi, fli dhe mëso aty..."

Në fund nxënësi u martua me vajzën e Pashait.


Marrë nga TAKVIM

************************************************** *******

Mendim personal mbi tregimin: Njeriu me edukatë të mirë dhe që është durimtar, në fund gjjithmonë del fitimtar!

zEm

[Zana e malit]

Një ditë Hazreti Ebu Bekri shkoi në shtëpinë e Resulullahut. Në momentin që po futej brenda, erdhi edhe Hazreti Aliu.

Hazreti Ebu Bekri i tha:"O Ali! Urdhëro, futu ti i pari".
Hazreti Aliu u përgjigj: "O Ebu Bekr!Futu ti i pari sepse ti vrapon i pari në çdo punë të mirë."

Futu ti i pari o Ali sepse ti je i pari i Resulullahut.

Si mund unë të kaloj përpara teje? Unë kam dëgjuar nga Resulullahu të thotë: "Dielli nuk ka ndriçuar mbi një njeri nga populli im që të jetë më i lartë se Ebu Bekri"

Unë nuk mund të kaloj përpara teje, sepse ditën që u martove ti me Fatimenë, kam dëgjuar Resulullahun të thotë: " I dhashë vajzën më të mirë, burrit më të mirë".

Unë nuk mund të kaloj përpara teje sepse Resulullahu ka thënë:
"Ai që dëshiron të shohë Ibrahimin alejhis-selam, le të shohë fytyrën e Ebu Bekrit!"

Unë nuk mund të kaloj përpara teje sepse Resulullahu ka thënë:
"Ai që dëshiron të shohë butësinë e Ademit alejhis-selam dhe edukatën e mirë të Jusufit alejhis-selam, të shohë Aliun."

Unë nuk mund të kaloj përpara teje sepse Resulullahu ka thënë:
"O All-llah kush më don mua më shumë dhe kush është më i mirë nga Es'habët e mi." All-llahu teala thotë:"O Pejgamberi im, sa baba i mirë është babai jot, Ibrahim Halili. Sa vëlla i mirë është vëllai jot, Ali ibn Ebi Talib."

Unë nuk mund të kaloj përpara teje sepse Resulullahu ka thënë:
"Në qoftë se peshohet besimi i Ebu Bekrit dhe besimi i të gjithë besimtarëve të tjerë, besimi i Ebu Bekrit vjen më i rëndë."

Kështu vazhduan për një kohë të gjatë dhe Resulullahu po i dëgjonte ato. Nga brenda u tha:

" O vëllezërit e mi, Ebu Bekri dhe Aliu! Futuni brenda tani. Erdhi Xhebraili alejhis-selam dhe më tha Engjëjt në qiej po iu dëgjojnë, edhe po të vazhdoni të lavdëroni njëri tjetrin deri në ditën e Kijametit, nuk mund të tregoni dot vlerën e madhe që keni te All-llahu teala!"

U përqafuan me njëri tjetrin dhe u futën brenda.

************************

Marrë nga TAKVIM!

zEm

[La_Lune]

Ebu Hamid Gazaliu,permend tek libri i tij ''Ihja Ulume Din'' se nje adhurues (abid) mori vesh se disa njerez adhuronin nje peme ne vend te Allahut dhe doli ta proste,ndersa Iblisi i tha:Nese ti do presesh ate peme,ata do te adhurojnenje tjeter ,prandaj kthehu dhe adhuro Zotin Tend,por ky i thote qe patjeter do ta pres dhe perleshet me shejtanin dhe adhuruesi e mposhti ,ndersa shejtani menjehere i thotei je njeri i varfer ,ktheu ne adhurimin tend dhe une cdo dite do te sjell 2 monedha floriri poshte jastekut tend dhe nese don Allahu qe ajo te pritet do te dergoje nje pejgamber ta kryeje kete pune dhe ti nuk ke ndonje gjynah se ti nuk po e adhuron ate.Ai pranoi.
Diten e pare i gjeti 2 monedhat ,ndersa diten e dyte nuk i gjeti dhe doli i zemeruar qe ta priste pemen por shejtani e ndaloi dhe u perleshen me njeri-tjetrin por shejtani e mposhti dhe ky i cuditur e pyet shejtanin se si munda te mposht heren e pare dhe me mposhte kete here?
Shejtani i thote se zemerimi yt i pare ishte per hir te Allahut ,ndersa heren e dyte ishte per shkak te 2 monedhave qe nuk i gjete me.



Ahmed ibn Hanbeli degjon se ne Damask ndodhej nje dijetar qe dinte nje hadith te pejgamberit (alejhi selam) dhe u nis nga Bagdati per Damask.Kur arriti pyeti per sjelljen dhe virtytet e ketij dijetari.Ky kishte marre gusel,kishte hedhur parfum dhe kishte veshur rroba te mira.Kur u afrua afer shtepise se tij,pa se dijetari donte lidhte kalin i cili refuzonte qe te shkonte te ai,mblodhi cepin e rrobes se tij qe kali te mendonte se aty ndodhej tagji dhe kali e ndoqi nga pas.Imam Ahmedi u afrua dhe kur pa qe aty nuk kishte asgje u kthye dhe nuk pranoi ta merrte hadithin se ai qe genjeu kafshen mund te genjeje edhe njeriun.


Marre nga librielhemet e zemres

[the artist]

[QUOTE=fjollat]Fenomen i çudtishëm në Dibër

Një telefonatë nga një qytetar në Dibër, më njoftoi të shkoj e të shoh në oborrin e një shtëpie mrekullinë Kuranore në rrjetin që kishte thurur një merimangë. Kur arrita në këtë shtëpi kishte shumë njerëz që kishin ardhur ta shohin me sytë e tyre këtë mrekulli të dëgjuar dhe të rrallë për ta parë.
Destan Lala, pronar i kësaj shtëpie, për Fakti-in deklaroi se:"Duke u kujdesur për lulet që kam mbjellë në oborrin e shtëpisë sime, mes dy tufave me lule vërejta një figurë të çuditshme që kishte thurur merimanga në rrjetën e saj, në mesin e së cilës lexohej qartë emri MUHAMMED, Kjo gjë mu duk shumë e shenjtë, një dhuratë e madhe magjepsëse dhe hyjnore nga Perëndia. Fillimisht përveç anëtarëve të familjes sime nuk i tregova askujt. Pesë ditë i kalova duke e vërejtur dhe ndjekur punën e kësaj merimange të gjelbër. Ditën e gjashtë nuk mu durua dhe e bëra publik këtë fenomen të rrallë. Në oborrin e shtëpisë sime erdhën dhe ende po vijnë shumë qytetarë kureshtarë për ta parë dhe për t'iu bindur vetë këtij fenomeni. Këtë rast të rrallë e shënuam edhe me aparatin tonë fotografik, për t'ua plasuar dhe për t'i informuar edhe lexuesit tanë."

Rexhep Torte
"Fakti"[/QUOT

moter e dashur

te kisha prefereuar te mos tregosh tregime te tilla sepse kam friken qe do te mitizosh pejagamberin a.s. - islami nuk eshte mitologji ajo eshte e vertete dhe argumenti eshte vete libri i cili zbriti permes te derguarit a.s. - keshtu qe nuk na duhen argumente te tilla. Per njerezit qe shohin dhe kane mendje ka mjaft argumente. Allahu i udhezofte.
Besimi eshte besim dhe jo materie te cilen mund ta percaktojme me permasa dimensionale prandaj edhe eshte i tille.
Ma ben hallall - kam vetem qellime te mira.
selam

[Bani gjk]

Zana malit shum faliminderit per trregime, Zoti te shperbleft ...
Desha vetem nje pytje ta bej, aj trregimi i Aliut dhe Ebu Bekrit a met vertet ka ndodhur ajo ngjarje apo vetem trregim eshte ?

Selam (paq)

[fjollat]

moter e dashur

te kisha prefereuar te mos tregosh tregime te tilla sepse kam friken qe do te mitizosh pejagamberin a.s. - islami nuk eshte mitologji ajo eshte e vertete dhe argumenti eshte vete libri i cili zbriti permes te derguarit a.s. - keshtu qe nuk na duhen argumente te tilla. Per njerezit qe shohin dhe kane mendje ka mjaft argumente. Allahu i udhezofte.
Besimi eshte besim dhe jo materie te cilen mund ta percaktojme me permasa dimensionale prandaj edhe eshte i tille.
Ma ben hallall - kam vetem qellime te mira.
selam

Alejkum selam

I nderuar vëlla
Allahu xh.sh. të shpërbleftë për qëllimet tua të mira. Mua më vjen keq që e paske keqkuptuar qëllimin e këtij artikulli. Në këtë artikull në asnjë mënyrë nuk tentohet që figura e Profetit a.s. të shndërrohet në figurë mitologjike, larg qoftë, artikulli më tepër flet për Madhërinë e Zotit dhe shenjat që ai ua dërgon njerëzve që kuptojnë. A thua vallë njerëzit duhet ti heshtin shenjat e Allahut xh.sh. vetëm për shkak se në këtë botë ekzistojnë njerëz me mendje dhe botëkuptime të ngushta?

Ata të cilët i udhëzon Zoti nuk ka kush i shpie në lajthitje dhe ata që janë në lajthitje nuk mund ti udhëzojë kush përveç Allahut të Madhëruar. Prandaj vëlla i nderuar mos ki frikë, se figura e Pejgamberit tonë nuk është mitizuar qe 14 shekujt dhe nuk do të mitizohet...

[buki19]

Pas nje zenke me fjale se kush e krijoj njeriun, Zoti apo u krijua vet nga natyra,nje pabesimtar dhe Ebu hanife
caktuan nje duel verbal por qe te jet publik, pra ne nje xhamij para xhematit.Mirepo ate dite kur Ebu Hanife ishte nisur,tere diten kishte rene shi,e rruges duhej kaluar neper nje ure te improvizur me disa lisa te shtrir mbi dy brigjet e lumit,Kur Ebu hanife Arriti tek ura verejti se porea,uji i madhe i kishte marr lisat keshtu qe ishte i detyruar qe te pret deri sa te ulet niveli i ujit.Gjate asaj kohe pabesimtari kishte arritur me kohe dhe filloj qe t'i flas xhematit per cendrimin e vete se njeriu u krijuar vetvetiu nga natyra..dhe se Ebu Hanife eshte friguar dhe se nuk ka guxim qe te vij.
Me vone kurr arriti Ebu Hanife kerkoj falje per vonesen dhe filloj te tregon per ate se cka i kishte ndodhur,dhe se nuk kishte si te kalon lumin.Pabesimtari e pyeti - ani cka bere per te kaluar.Ebu Hanife i tha se prita qe te ndertohet nje ure e re.Po si eshte e mundur te ndertohet nje ure e re?Pyeti ateisti .Ebu Hanife u pergjegj - po thjesht, duhej te prehen drunjt,te pastrohen nga deget,te vijn deri te bregu i lumit dhe pastaj te vendosen mbi lum,gje e thjesht.
Po si eshte e mundur qe vetvetiu te behen te gjitha keto,te ndertohet nje ure,pyeti pabesimtari. - Un mendoj se me veshtir eshte te ndertohet nje njeri se nje ure,kur ju thoni se njeriu u ndertua vetvetiu,pse mos te ndertohet edhe nje ure,ja priti Ebu Hanife,duke nxitur gazin e te gjithe te pranishmive.

[Zana e malit]

Zana malit shum faliminderit per trregime, Zoti te shperbleft ...
Desha vetem nje pytje ta bej, aj trregimi i Aliut dhe Ebu Bekrit a met vertet ka ndodhur ajo ngjarje apo vetem trregim eshte ?

Selam (paq)

Selam!

Bani gjk!

Iu faleminderit për vlerësimin e temës dhe që jeni lexues i shkrimeve të bëra në këtë temë.
Të gjitha tregimet (shkrimet) që i kam sjellë këtu, siç edhe mund ta vërreni, ua shkruaj edhe burrimet se nga i marr ato. Megjithatë, sa i përket vërtetësisë së ngjarjeve të këtilla që kanë ndodhur në të kaluarën, atë vetëm All-llahu xh.sh. mund ta dijë sepse ai është i Gjithdijshëm, ndërkaq ajo që unë mund të them është se, vetëm në fe nuk lejohet TRILLIMI, por edhe nëse ndodh një gjë e tillë nga njerëzit, atëherë trilluesi do ta merr "shpërblimin" e duhur nga i Madhërishmi Zot!

Sidoqoftë të gjitha burrimet e shkrimeve të mia fetare, në këtë temë e gjetiu, janë burrime FETARE dhe besoj se, burimet fetare nuk mund të prodhojnë trillime, apo tregime të pavërteta.

zEm

[Bani gjk]

Zana Malit ju faliminderit per pergjegjen, jam i knaqur shum me pergjegje tende, por vetem ktu nuk jom dakort me ty,
Citim Zana Malit: burimet fetare nuk mund të prodhojnë trillime, apo tregime të pavërteta.
Por me gjith ate prap po te them Allahu xh.h te shperbleft per nijetin e mir qe e ke.

Selam (paq)