PD: Mitingu i Berishës në Sarandë ishte i jashtëzakonshëm

[BlueBaron]

50 mijë vlonjatë pushtuan dje Sheshin e "Flamurit" për të dëshmuar vullnetin e tyre dhe vendimin se do të votojnë kandidatët e Partisë Demokratike. Vlora ka qenë e gjitha në shesh, si asnjëherë tjetër gjatë gjithë këtyre 15 viteve të demokracisë. Pjesëmarrja e djeshme e vlonjatëve në mitingun e jashtëzakonshëm të PD ka konfirmuar vendosmërinë e Vlorës për t'iu bashkuar më 3 korrik ndryshimit të madh. Qytetit të "Flamurit" i është rikthyer dje dinjiteti i munguar gjatë këtyre viteve të qeverisjes së socialistëve. Për tetë vjet, vlonjatët u mashtruan nga kryetari i PS dhe qeverisja e tij, dhe dje ata i kanë thënë stop këtij manipulimi me Vlorën. Vlora ishte dje e gjitha blu. Vlora votoi dje për kandidatët e PD. Ajo iu bashkua dje festës së madhe të shqiptarëve nga Jugu në Veri. Ajo që vlonjatët kanë firmosur dje, ka qenë humbja më 3 korrik e socialistëve në atë qytet që deri dje e konsideronin si bastion të tyre. Vlora dëshmoi se është bastion i ndryshimit të madh.

Kryetari i Partisë Demokratike, Sali Berisha, ishte i shoqëruar nga nënkryetarja Jozefina Topalli, aleatët Lesi, Roshi, Alimadhi, Pollo si edhe nga deputetët e Vlorës, Leskaj, Meminaj, Rexhepi, Kollozi dhe Panozaqi. Berisha përshëndeti të pranishmit dhe tha se "sot, Vlora është kryeqyteti i fitores dhe i prin fitores së kombit. Unë ju sjell këtu përshëndetjen nga Saranda, Gjirokastra, Tepelena, Përmeti, Korça, Elbasani, Tirana dhe e gjitha Shqipëria. Fitorja e madhe është agim i bardhë për çdo shqiptar. 3 korriku është fitorja e të gjithë shqiptarëve që po bashkohen me besimin tek vetja, njëri-tjetri, tek e ardhmja, flamuri, Shqipëria. 3 korriku është dita e bashkimit të shqiptarëve në një përpjekje për dinjitet, integrim, mirëqenie, punë, arsim. Më 3 korrik, Vlora hap kapitullin e ri në historinë e saj. Më 3 korrik, vlonjatët e historisë do të firmosin për fitoren e ndryshimit të madh". Nënkryetarja e PD, Jozefina Topalli, tha se "kanë ngelur vetëm 3 ditë dhe Nano nuk do të jetë më kryeministër. Vlora e ndryshimit është shpresa jonë, është një mesazh i jashtëzakonshëm që i bashkohet Sarandës dhe Shkodrës, gjithë Shqipërisë". Më pas takimin e përshëndeti Nikollë Lesi, i cili iu drejtua vlonjatëve me fjalët: "Familja Nano ka bërë gati plaçkat dhe po përgatitet të largohet nga vendi me helikopter në mesnatën e 3 korrikut. Unë i kërkoj këtu nga Sheshi i "Flamurit" kryeministrit të 4 korrikut, që të mos lejojë që helikopteri i familjes mafioze Nano të ngrihet nga Rinasi. Unë i dua ata këtu dhe do të përballem përditë me ta në parlament". Në vijim, të pranishmit i përshëndetën kryetarët e partive aleate, Genc Pollo, Adriatik Alimadhi dhe Artur Roshi. Më pas përshëndetën deputetët e ardhshëm të Vlorës. Bujar Leskaj tha se "Vlora nuk është bastion i askujt. Ajo është vetëm bastion i ndryshimit". Ardian Kollozi tha se "nuk kishte si të ndodhte ndryshe. Vlora ka reaguar gjithmonë në momente historike dhe sot, në një moment historik, ajo ka vendosur t'i bashkohet ndryshimit të madh". Ndërsa Panozaqi, Xhevair Rexhepi dhe Moisi Meminaj deklaruan përpara qytetarëve të Vlorës garancitë që qytetarët e zonave të tyre japin për deputetët e Partisë Demokratike.

[BlueBaron]

Kryetari i PD-së, Sali Berisha, dhe kreu i PDR, Genc Pollo, shprehën dje në një konferencë të përbashkët për shtyp vlerësimin e tyre për mesazhin e mbështetjes që vjen nëpërmjet deklaratës së presidentit të Partive Popullore Europiane.

Në këtë konferencë të përbashkët për shtyp në sallën e konferencave të PD-së, kreu i PDR, Pollo, bëri publike deklaratën e presidentit të Partisë Popullore Europiane, zotit Martens, në të cilën theksohet rëndësia e madhe e zgjedhjeve parlamentare të 3 korrikut në vendin tonë për forcimin e demokracisë dhe për të ardhmen europiane të Shqipërisë.

"Manipulimi i listës së votuesve, përdorimi i paligjshëm i burimeve shtetërore dhe përdorimi i provokimeve në fushatë janë taktika që janë krejt të papranueshme", thuhet në deklaratën e Martens. PPE nënvizon rëndësinë e madhe të zgjedhjeve të ardhshme parlamentare për forcimin e demokracisë dhe për të ardhmen europiane të Shqipërisë. Bashkimi Europian po e vëzhgon me shumë kujdes mënyrën se si do të zhvillohen zgjedhjet.

"Ne i bëjmë thirrje qeverisë Nano dhe autoriteteve shqiptare që të respektojnë plotësisht Kodin Elektoral dhe Kodin e Etikës. Ne i bëjmë thirrje qeverisë Nano që të mos u rikthehet atyre praktikave të paligjshme që janë përdorur gjatë zgjedhjeve të kaluara, dhe që janë kritikuar ashpër nga Europa dhe komuniteti ndërkombëtar", thuhet më tej në deklaratën e Martens. Deklarata e presidentit të Partive Popullore Europiane është mjaft kritike lidhur me qeverinë Nano. "Është e qartë se qeveria Nano e ka provuar veten si një qeveri inefektive dhe e korruptuar. Ajo ka bllokuar rrugën e Shqipërisë drejt Bashkimit Europian. Tashmë është koha e nevojshme për ndryshime pozitive", thuhet në deklaratën e Martens. Popullorët europianë deklarojnë se mbështesin koalicionin e PD në këto zgjedhje dhe iu kanë bërë thirrje shqiptarëve që të votojnë për alternativën e PD. "PPE mbështet fuqishëm koalicionin e Partisë Demokratike dhe Partisë Demokrate të Re dhe paktin e suksesit që është nënshkruar mes të dyjave. Ne besojmë se partnerët tanë janë të aftë që të implementojnë në vendin e tyre standardet europiane dhe të sjellin Shqipërinë më afër familjes europiane".
Presidenti i PPE vlerëson 3 korrikun si një mundësi për të sjellë Shqipërinë një hap më afër BE-së.

[Dito]

Ishte mer si nuk ishte, problemi eshte qe kush do fitoje se mitingu behet po te marresh 100 makina nga tirana.

Dito.

[BlueBaron]

Sikur Sala te merrte ne miting ...

100 Makina x 5 vete per makine = 500 vete.

500 vete jane 1% e e 50.000 veteve ne shesh.

[Antimafia]

Ne qofte se Berisha do merrte me vete ne cdo qytet te shqiperise Kukes, Vlore, Sarande,Korce, Elbasan, Fier, Lushnje etj. etj. njerzit qe dalin neper sheshe ( pra mesatarisht 30 mije qytetar) ateher Berisha nuk kishte pse kandidonte per kryeminister i Shqiperise.

Pasi do e kishte marre Pentagoni dhe do e kishte bere shefin e logjistikes te ushtrise amerikane.

Nuk ka gjeneral ne Pentagon i cili te jete i afte te organizoj brenda 12 oresh, 3 -4 divizione (30 mije vete) me 6000 makina, qe te futen , te bejn nje miting, te dalin ne 4-7 qytete te ndryshme.

-------------------------------------------------

Po qe se Berisha ka arritur ta beje edhe kete, ateher shqiptaret do votojne me 3 Korrik jo vetem per kryeministrin qe ju ka munguar, por edhe gjeniun e operacioneve logjistike.

[RTP]

Data: 01/07/2005


PD: Nano kërcënon autoritetet lokale në Sarandë, të mos bllokojnë certifikatat e falsifikuara


Partia Demokratike dënon presionin e ushtruar ndaj institucioneve vendore nga kryeministri Fatos Nano, duke i kujtuar atij se nuk mund të vazhdojë të shpresojë tek skema e tij e certifikatave të falsifikuara, si një sistem tipik socialist


PD: Nano kërcënon autoritetet lokale në Sarandë, të mos bllokojnë certifikatat e falsifikuara



Partia Demokratike dënon presionin e ushtruar ndaj institucioneve vendore nga kryeministri Fatos Nano, duke i kujtuar atij se nuk mund të vazhdojë të shpresojë tek skema e tij e certifikatave të falsifikuara, si një sistem tipik socialist



Selia blu, nëpërmjet zëdhënësit të fushatës elektorale Lulzim Basha, ka reaguar dje ndaj akuzave publike të ardhura nga bashkëpunëtorët e kryeministrit Nano se, gjoja kryetari i Bashkisë së Sarandës ka urdhëruar pezullimin e punës në gjendjen civile të qytetit të Sarandës, me qëllim që të pengojë votuesit socialistë për të votuar në 3 korrik. "Kërcënimi që kryeministri ka lëshuar ndaj autoriteteve lokale në Ksamil dhe Sarandë, bëhet që nëpërmjet presionit, të mundësojë vënien në jetë të mekanizmit të certifikatave të falsifikuara, një skemë kjo, kryekëput socialiste", u shpreh zëdhënësi Basha, i cili dënoi edhe veprimet e bashkëshortes së kryeministrit në Ksamil, e cila, vetëm një ditë më parë përveshi përgjegjësinë politike të bashkëshortit të saj, duke i sqaruar si pa të keq banorët e Ksamilit, për arsyet e forta dhe tepër njerëzore që e detyruan kabinetin qeveritar (në listën e të cilit nuk figuron personi Xhoana Nano) për t'i "ngrirë" pronat e tyre legjitime. I pyetur nga përfaqësuesit e medias në lidhje me spotin e ri "antireklamë" të Partisë Socialiste, që fokusonte nënkryetaren demokrate Jozefina Topalli, gjatë një debati televiziv, Basha e cilësoi spotin, si një keqpërdorim të fjalëve të deputetes Topalli dhe një shtrembërim të mendimit dhe mesazhit të saj. "Burracakë si Nano dhe Ruçi e kanë nxjerrë jashtë kontekstit batutën e znj.Topalli, sepse për të gjithë ata që patën mundësinë të ndiqnin debatin televiziv, u kuptua qartë se znj.Topalli u përpoq t'u tregonte në mënyrë ilustrive socialistëve se, Berisha, në vend të përdorimit të dhunës ndaj kundërshtarëve, dha dorëheqjen", sqaroi zëdhënësi demokrat i fushatës, Basha.



Habion HASANI

[Duke_Of_Arberia]

Mitingu i Sarandes sebashku me ate te Vlores dhe te Tirones sot do ngelen gjithmone te jashtezakonshem

[BlueBaron]

Ne qofte se Berisha do merrte me vete ne cdo qytet te shqiperise Kukes, Vlore, Sarande,Korce, Elbasan, Fier, Lushnje etj. etj. njerzit qe dalin neper sheshe ( pra mesatarisht 30 mije qytetar) ateher Berisha nuk kishte pse kandidonte per kryeminister i Shqiperise.

Pasi do e kishte marre Pentagoni dhe do e kishte bere shefin e logjistikes te ushtrise amerikane.

Nuk ka gjeneral ne Pentagon i cili te jete i afte te organizoj brenda 12 oresh, 3 -4 divizione (30 mije vete) me 6000 makina, qe te futen , te bejn nje miting, te dalin ne 4-7 qytete te ndryshme.

-------------------------------------------------

Po qe se Berisha ka arritur ta beje edhe kete, ateher shqiptaret do votojne me 3 Korrik jo vetem per kryeministrin qe ju ka munguar, por edhe gjeniun e operacioneve logjistike.

... e ke thone shume bukur Antimafia, nuk duhet me i leviz as edhe nje presje ...

[BlueBaron]

SOT NE SHESHIN SKENDERBEJ, VULOSET FITORJA ...

Koalicioni i djathte organizon mitingun e madh ne sheshin "Skenderbej". E gjithe Shqiperia feston sot, ne oren 20.00, ndryshimin e madh dhe triumfin e 3 korrikut. Mbreme Shkodra dha mesazhin perfundimtar

Partia Demokratike dhe aleatet e saj ne zgjedhjet e 3 Korrikut do te zhvillojne sot ne mbremje nje miting madheshtor festiv ne mbyllje te fushates elektorale ne sheshin Skenderbej. Ky miting eshte cilesuar nga kreu demokrat Berisha si fillimi i festimeve te fitores historike qe PD-ja dhe aleatet e saj ne zgjedhje PR-ja, PDR-ja, PDK-ja dhe te tjere do te arrijne ne zgjedhjet parlamentare. Pritet qe mbremja e sotme te sjelle nje atmosfere te madhe festive ku mijera demokrate do te jene te pranishem ne kete feste te madhe te fitores. Surprizat nuk do te mungojne nderkohe qe pjesemarrja e simpatizanteve dhe mbeshtetesve mendohet se do t"i kaloje parashikimet e mundshme. Prej disa diten ne qender te sheshit Skenderbej po punohet per dekorin e skenes nga ku do te mbajne fjalen e tyre kreu i Partise Demokratike si dhe kreret e partive aleate. Organizatoret e ketij mitingu permbylles kane menduar qe gjithcka te kete formen e nje spektakli te madh ku pervec fjalimeve politike do te kete dhe mjaft grupe te njohura muzikore. Tirana do te jete dhe stacioni i fundit per kete fushate elektorale, e cila duket teper e sukseshme per koalicionin e djathte. Lideri demokrat Berisha ka zhvilluar ditet e fundit takime permbyllese te fushates ne qytetet kryesore te vendit dhe ne zonat elektorale, te cilat kane qene teper te suksesshme duke treguar dhe nje here se tashme ka ardhur koha per ndryshim. Kjo eshte dhe motoja me te cilen Partia Demokratike ka hyre ne keto zgjedhje duke premtuar nje jete me te mire per te gjithe shqiptaret. Lufta kunder korrupsionit, vendosja e shtetit ligjor, punesimi dhe ulja e taksave jane shtyllat kryesore te zhvillimit te fushates elektorale te Partise Demokratike, pasuar kjo ne programin elektoral te hartuar nga grupet e punes te Komitetit te Orientimit te Politikave prane kesaj partie. Ndryshe nga heret e tjera ne fushaten e PD-se ne keto zgjedhje u vu re model i ri ne zhvillimin e saj duke u fokusuar ne platformen dhe jo ne akuza me kundershatrin. Kompania e njohur amerikane Barbour Griffith&Rougers e njohur per ceshtjet e imazhit dhe menaxhimin e fushatave elektorale i dhane nje ngjyrim te ri stilit te fushates elektorale te Partise Demokratike duke e bere ate bashkekohore dhe mjaft te sukseshme gjate takimeve, mitingjeve te zhvilluara ne mbare territorin e Shqiperise.


Shkodra, uragani i fitores së PD ...

Shkodra festoi dje në një tubim të jashtëzakonshëm fitoren e Partisë Demokratike më 3 korrik. Me mijëra e mijëra qytetarë shkodranë ishin mbledhur në qendër të qytetit, duke rrëzuar çdo parashikim. Më shumë se një "xhelozi" ndaj sarandiotëve, beratasve, durrsakëve, korçarëve, elbasanasve, vlonjatëve, dje në Shkodër u dëshmua se nevoja për ndryshim është më e madhe se në çdo qytet tjetër të Shqipërisë. Shkodra njihet për shumë gjëra në historinë e Shqipërisë, por mund të thuhet pa frikë se është një nga qytetet ku nevoja për ndryshim ka lindur që ditën e parë që banda e Fatos Nanos uzurpoi pushtetin. Shkodranët, të palëkundur në zgjedhjen dhe mbështetjen e tyre për Partinë Demokratike dhe liderin Sali Berisha, dolën i madh dhe i vogël në rrugë për të treguar se ata nuk do të lejojnë më mbi kurrizin e tyre qeveri që i poshtërojnë, i braktisin, i mjerojnë.

Si edhe në qytetet e tjera, ku fitorja po demonstrohet në sheshe, kryetari i PD iu drejtua banorëve të Shkodrës me fjalët "fitimtarë dhe fitimtare", duke nisur përpara kohe festën e madhe të fitores së pas 3 korrikut. Ai u shpreh se qytetarët e Shkodrës ndihen krenarë për faktin se me ata sot është bashkuar e gjithë Shqipëria, me objektivin e vetëm që në 3 korrik të ndahet nga korrupsioni.

Berisha tha se ndryshimi i madh historik erdhi pikërisht nga qëndresa e shkodranëve. "Fitimtarë dhe fitimtare të Shkodrës, gëzuar fitoren! Juve ju takon nderi historik se me qëndresën tuaj bëtë të pamposhtur vlerat e lirisë, liritë njerëzore dhe hyjnore. Qytetarë të mrekullueshëm të Shkodrës, ju sot duhet të ndiheni krenarë, sepse bashkë me ju janë fitimtarë qytetarët nga Saranda, Gjirokastra, Berati, Lushnja, Tirana, Vlora, Korça, Elbasani, Burreli, Laçi, Tropoja. Unë ju sjell përshëndetjet vëllazërore nga Saranda dhe e gjithë Shqipëria. Qëndresa juaj solli ndryshimin e madh dhe historik. Në 3 korrik, shqiptarët ndahen nga korrupsioni", u shpreh Berisha. Lideri demokrat vijoi më tej fjalën e tij, duke thënë se fitimtarë do të jenë të gjithë ata që besojnë te familja dhe te flamuri kombëtar. Sipas tij, pas 3 korrikut, të gjithë shqiptarët do të kenë të mbyllur përfundimisht kapitullin e varfërisë dhe të listave në dyqane, duke hapur një kapitull të ri, atë të integrimit në Europë. "Fitimtarë janë ata që besojnë te vetja, familja, te flamuri kombëtar dhe te Zoti. 3 korriku është dita e madhe ku shqiptarët bashkohen për të mbyllur kapitullin e varfërisë, për dinjitet dhe integrim. Ju jeni ata që mbrojtët vlerat perëndimore", u shpreh Berisha. Ai shtoi gjithashtu se ndryshimi nuk kërkohet vetëm në Shqipëri, por edhe në Europë. Edhe në qytetin e Shkodrës, kryetari i PD citoi presidentin e Partive Popullore Europiane, Wilfried Martens, i cili tre ditë më parë lexoi një deklaratë të 65 partive të spektrit të djathtë në Europë, ku u kërkohej shqiptarëve që të votonin koalicionin e djathtë si shpresa e vetme që Shqipëria të integrohet në Europë. "Në 3 korrik, vota juaj është vokacioni perëndimor, për shpirtin perëndimor të shqiptarëve, për integrimin europian. Fitorja e 3 korrikut është fitorja e atyre që duan të kenë pasaportë të dytë, atë europiane. Presidenti i Partive Popullore Europiane, Wilfried Martens, ka thënë shprehimisht se është faktuar që qeveria Nano është qeveri e korruptuar dhe se është koha për ndryshim. Ky është mendimi i Europës, ky është zëri i shumicës së Parlamentit Europian", u shpreh Berisha.

Kryetari i PD, edhe në këtë qytet u bëri thirrje mijëra qytetarëve që kishin dalë në shesh, që në mazhoritar të votojnë kandidatët e Partisë Demokratike, për të cilët premtoi se do t’i mbështesë në të gjitha projektet që ata do të kenë për zhvillimin e zonave të tyre dhe të gjithë Shqipërisë, ndërsa në proporcional kërkoi vota për partitë aleate, në mënyrë që të digjet skema e Nanos për Dushkun dhe kryeministri të mos marrë vende në parlament nga opozita.

Turin e fundit elektoral në Veri të vendit, kryetari i Partisë Demokratike, Sali Berisha, e zhvilloi në qytetin e Lezhës ku do të kandidojnë Preç Zogaj, Aldo Bumçi dhe Gjovalin Prenga. Edhe në këtë qytet, Berisha përcolli urimin e fitores së zgjedhjeve të 3 korrikut, duke thënë se fitorja do të jetë e të gjithë shqiptarëve, pa dallim bindjesh politike dhe pa dallim moshe. Ai tha se fitorja do të jetë e të gjithë atyre që duan të ecin përpara me punë, besimin te Zoti dhe dinjitet. Sipas Berishës, fitimtarë janë ata që kanë ëndrrën europiane. "Gëzuar fitoren historike! Fitimtare është Lezha dhe Shqipëria, jeni ju, të të gjitha besimeve dhe të gjitha bindjeve politike, të të gjitha moshave që duan të ecin drejt të ardhmes me punë, me besimin te Zoti, me dinjitet. Fitimtarë janë të gjithë ata që besojnë te Lezha dhe Shqipëria që kanë si ëndrrën më të bukur të tyre ëndrrën europiane. Sot, Lezha lidh besën e madhe me vlerat njerëzore, dinjitetin njerëzor, besimin te Zoti. Sot, Lezha është në zenitin e historisë së saj", u shpreh Berisha. Duke folur për kandidatët e kësaj zone, Berisha u shpreh se qyteti i Lezhës do të përfaqësohet në parlamentin e ardhshëm me tre prej intelektualëve më të shquar dhe garantoi se punësimi, turizmi dhe mospërmbytjet do të jenë detyrat e qeverisë së re. "Ju sillni tre ndër intelektualët më të shquar të kombit. Unë ju garantoj se me ata do ta shndërroj fitoren në punësim, turizëm, fund të përmbytjes, shkollim, mirëqenie, pasaportë europiane, për Lezhën dhe Shqipërinë", tha Berisha. Kryetari i Partisë Demokratike citoi kërkesën e Partive Popullore Europiane drejtuar votuesve shqiptarë ku bëhet thirrje që në zgjedhjet e 3 korrikut të votohet për të djathtën, si forca e vetme politike që mund ta ndryshojë Shqipërinë. "3 korriku është dita e shpirtit, besimeve, kulturës e të ardhmens suaj. Fitorja e 3 korrikut është fitorja e atyre që duan të kenë pasaportë të dytë atë europiane. Presidenti i Partive Popullore Europiane, Wilfried Martens, ka thënë shprehimisht se është faktuar që qeveria Nano është qeveri e korruptuar dhe se është koha për ndryshim. Ky është mendimi i Europës, ky është zëri i shumicës së Parlamentit Europian", tha Berisha para 20 mijë qytetarëve lezhianë dje në mbrëmje.

Ai u shpreh më tej se në 3 korrik, vendi do të ndahet njëherë e përgjithmonë nga një njeri që i përçmon qytetarët lezhianë dhe gjithë shqiptarët. "3 korriku është fundi i atij që përçmon vendin. Ju përçmon ju, përçmon shqiptarët. 3 korriku është historia juaj. Më 3 korrik hapet kapitulli i ri i integrimit dhe mirëqenies. Sot, në orën 20:00, e gjithë Shqipëria feston fitoren në Sheshin "Skënderbej", tha lideri demokrat. Edhe në këtë qytet, ai vuri theksin te mënyra e votimit, ku bëri thirrje që në mazhoritar të votohen për kandidatët e Partisë Demokratike dhe në proporcional për partitë aleate, në mënyrë që sipas tij, Nano të mos mund të marrë më deputetë nga opozita. Partia Demokratike i dha fund në këtë mënyrë dje turit të saj elektoral në Veri të vendit dhe sot do të zhvillojë tre mitingjet e fundit në qytetin e Kavajës, Shijak dhe në kryeqytet, ku do të zhvillohet edhe mitingu i fundit i kësaj fushate.


Përmbytet Lezha nga dhjetra mijëra përkrahës të PD ...

Turi elektoral i fitores së PD dhe aleatëve të saj, ka ndezur Lezhën, në një miting madhështor e të paparë deri më sot, ku ka marrë pjesë lideri i të djathtës shqiptare, Sali Berisha. Lezha e besës, dinjitetit, qytetarisë, mirëkuptimit dhe të ardhmes, i është bashkangjitur uraganit mbarë popullor të kohës për ndryshim. Kryetari i PD, Sali Berisha, tek ka marrë fjalën në një atmosferë festive, në prani të mbi 20.000 vetëve dhe të bukurisë së fishekzjarreve, ka thënë përpara të pranishmëve.

Qytetarë fitimtarë të Lezhës. Ju i jeni bashkangjitur fitores, pasi me fitoren tonë të kohës për ndryshim janë të gjithë shqiptarët, jantë gjithë ato që e duan dhe kanë përqafuar ndryshimin, të gjithë ato që e duan dhe respektojnë jetën dhe të ardhmen e tyre, të gjithë ato që duan të ecin drejt të ardhmes, të gjithë ato që e duan ta ndërtojnë të ardhmen e tyre në vendin e tyre të dashur.

Fitimtarë janë të gjithë ato që me besimin e tyre, harmoninë dhe respektin për njëri-tjetrin të ardhmen dhe shoqërinë të gjithë ato që i janë bashkangjitur ndryshimit të madh. Fitimtarë janë të gjithë shqiptarët që shohin si ëndërr të kahershme, integrimin e tyre në Europë të kësaj ëndrre të bukur që, PD dhe aleatët e tyre do të realizojnë pas 3 korrikut 2005.

Besëlidhja e lezhianëve për ndryshimin është besë me lirinë, besimet të ardhmen është zeniti i historisë së lavdishme të saj. Berisha edhe në Lezhë ka rikonfirmaur mbështetjen e Partive Popullore Evropiane për PD dhe aleatët e saj. Duke folur për kandidatët e PD në zonat e Lezhës, Berisha ka thënë se me votën tuaj më 3 korrik ju do të sillni në Parlament zotërinjtë e nderuar Preç Zogaj, Aldo Bumçi e Gjokë Vuksani, tre intelektualë ndër më të shquarit e kombit që i bëjnë nder Lezhës dhe gjithë Shqipërisë. 3 Korrku është dita e ndarjes së skamjes dhe varfërisë, është dita e ndarjes nga rreziqet e përmbytjeve, është dita e vokacionit perëndimor të shqiptarëve në ëndrrat e tyre për integrimin në Europë.

Kanë përshëndetur edhe kandidatët për deputetë të PD, Aldo Bumçi, Preç Zogaj, Gjokë Vuksani si dhe nënkryetarja e PD, Jozefina Topalli, kryetari i PDR, Genc Pollo, kryetari i PDK, Nikollë Lesi.

Me një miting madhështor në sheshin e Besëlidhjes së Lezhës dhe garancinë e fitores së kandidatëve të PD, Sali Berisha, i ka ftuar lezhianët dhe gjithë shqiptarët të bëhen pjesë e mitingut të fitores së madhe të së premtes në Sheshin "Skënderbej".

Ora e ndryshimit tashmë ka trokitur për kohën dhe gjithë shqiptarët. Ardhtë ei bardhë ky ndryshim, për të cilin prej vitesh kemi nevojë.

[BlueBaron]

Shtabi elektoral i kryeministrit, duke parandjerë humbjen, nis kërcënimet ndaj sarandiotëve ...


Nano provokon incidente në Sarandë.

Tre ditë para datës së votimeve, shtabi i Fatos Nanos me në krye bashkëshorten e tij po tensionojnë situatën, duke nxitur konflikte sociale. Në grahmat e fundit, njerëzit e kryeministrit janë hedhur në sulm me të gjitha mjetet dhe po kërcënojnë hapur se do të hakmerren ndaj të gjithë atyre që nuk votojnë për të. Shtabi elektoral i Fatos Nanos, i përbërë nga nëpunës të lartë të administratës shtetërore, po vë në veprim industrinë e shpifjes dhe kërcënimit, si të vetmin shpëtim nga humbja e pashmangshme.


Kërcënohen banorët me dëbim nga Saranda.

Banorët e lagjes "Butrinti" kanë denoncuar kërcënimet e bëra ndaj tyre nga stafi i kryeministrit gjatë një takimi elektoral të organizuar në këtë lagje. Bashkëshortja e kryeministrit së bashku me ekipin shoqërues kanë debatuar me banorët e lagjes rreth problemit të legalizimeve. Tre ditë para zgjedhjeve, ata janë munduar të përpunojnë situatën në favor të tyre me mashtrime, duke e quajtur fakt të kryer legalizimin e banesave të tyre. Por pasi kanë hasur në kundërshtime, sepse asgjë nuk është e saktë nga sa është servirur, kanë filluar kërcënimet. Banorëve u është paraqitur një hartë me një projekt studimi urbanistik, rreth të cilit kanë bërë shumë vërejtje dhe e kanë konsideruar atë jashtë realitetit. Ata janë shprehur se nuk mund të mashtrohen me një studim të tillë që serviret tre ditë para votimeve. Njëri prej atyre që ka shfaqur këtë mendim, ka qenë Hafëz Kullai, i cili është përballur me sulmet e Artan Begës, punonjës i administratës së tatimeve në Tiranë, që është instaluar në Sarandë në funksion të fushatës së kryeministrit. Ai i është drejtuar me fjalë fyese, duke thënë se "ju nuk keni vend këtu në Sarandë, keni ardhur në tokat tona". Kërcënimet kanë vazhduar më tej, me dëbim nga Saranda të atyre që nuk votojnë për kryeministrin. Reagimi i banorëve ka qenë i njëzëshëm: "Ne jemi në tokat dhe në shtëpitë tona, dhe nuk ka zot që të na shkulë këndej". Presionet dhe kërcënimet e beniaminëve të Nanos e kanë ndezur situatën dhe takimi ka degjeneruar në replika të ashpra, dhe në fyerje të ndërsjellta.


Thirrje për të sulmuar Komunën e Ksamilit.

Një tjetër takim elektoral në Ksamil, i iniciuar nga Xhoana Nano, ka patur si objektiv kundërvënien ndaj komunës dhe institucioneve të saj të fituara nga Partia Demokratike. Duke marrë shkas nga një problem i mprehtë, ai i ndarjes së tokës sipas Ligjit 7501, dhe shndërrimi i saj në troje ndërtimi për arsye të zhvillimit urban e turistik të këtij territori, një ekip qeveritar i mobilizuar nga zonja e parë ka zbritur në Ksamil për t'u mbushur mendjen njerëzve se janë organet e qeverisjes vendore ato që nuk duan të ndajnë tokën. Titullarë të instancave të ndryshme, nga kryetari i Këshillit të Qarkut, Theodhori Shia, e gjer te kryetari i Komunës së Xarës, beniamini i Fatos Nanos, Dhimo Kote, si dhe të tjerë beniaminë nga Kryeministria, Ministria e Bujqësisë, Ministria e Rregullimit të Territorit e Turizmit, që janë "të përgjëruar" për banorët e Ksamilit vetëm tani në fushatë zgjedhore, iu kanë bërë thirrje militantëve të tyre të sulmojnë komunën dhe të bllokojnë aktivitetin e saj. Gjatë takimit elektoral nuk janë lejuar pjesëmarrësit të shprehin mendimet e tyre. Qytetari Nebi Marku është kërcënuar prej bodigardëve të Nanos, për arsye se ka dashur të bëjë pyetje dhe të kërkojë sqarime. Klithjet e tyre, banorët e Ksamilit i kanë përcjellë me indiferencë e mospërfillje, sepse janë të bindur se sa u është djegur zemra këtyre pushtetarëve për tetë vjet rreth halleve të Ksamilit, dhe rreth këtij problemi. Reagimi i organeve të qeverisjes vendore ka qenë i menjëhershëm nëpërmjet një takimi të gjerë me komunitetin, ku me gjuhën e fakteve dhe të argumenteve është shpjeguar ecuria e punës për realizimin e kësaj reforme. Kryetari i Komunës, anëtarët e Këshillit, anëtarët e Komisionit për Ndarjen e Tokës janë prononcuar dhe kanë dhënë shpjegime bindëse se nuk është komuna që e ka penguar këtë proces, por kemi të bëjmë me një ngutje të shtirur të qeverisë dy ditë para votimit, për t'u hedhur hi syve qytetarëve të Ksamilit, duke u thënë: Ta gëzoni tokën me fletë bakalli! Mendësitë komuniste të njerëzve të Nanos, të cilët kanë si parim të punës së tyre aksionin me goditje të përqëndruar shkojnë gjer aty, sa ta quajnë kryetarin e Komunës, Tuç Maku. Ata kanë dashur që t'iu dorëzohen në dorë vetëm 50 fletë aktmarrje të tokës në përdorim të firmosura nga kryetari i komunës dhe pastaj nga kryetari i Komisionit të Tokës në Qark, sa për të thënë: Ta gëzoni tokën! Mirëpo me këto truke elektorale nuk ka qenë dakord jo vetëm kryetari dhe komisioni i tokës, por as vetë banorët e Ksamilit. Kryetari i Komunës,Vesel Koçia, thotë se pushteti lokal ka qenë kaq i angazhuar për këtë problem, sa ka lënë të gjitha punët e tjera. Ai shton se "ndarja e tokës në Ksamil nuk bëhet për dhjetë ditë, si duan këta zotërinj. Po të kemi parasysh problemet e ndërlikuara të Ksamilit dhe kontradiksionet që përmbajnë vendimet qeveritare rreth këtij problemi, kërkohet kohë e mjaftueshme për ta çuar atë gjer në fund. Ne jemi të vendosur ta çojmë në fund këtë detyrë dhe nuk e kushtëzojmë aspak me zgjedhjet. Qeveria të tjera thotë e të tjera bën. Në mbledhjen e KRRTSH në Berat paraqitet studim për zgjerimin e planit rregullues të Ksamilit për nevoja të kompensimit me troje të tokës bujqësore që e humbet këtë destinacion, ndërsa më vonë ky studim shndërrohet në zonë suburbane me të tjera synime. Vendimi i qeverisë që ngarkon Komisionin e Tokës pranë Komunës dhe Këshillin e Komunës për vazhdimin e këtij procesi nuk ka ardhur ende në Komunë, ndërsa puna ka filluar më shpejt për ta shpejtuar procesin. Atëherë ku është pengesa e Komunës?". Kështu argumenton Vesel Koçia, duke shtuar se janë organizuar disa konsulta me komunitetin rreth këtij problemi. Janë organizuar edhe disa takime me ekipet qeveritare. Kështu që tendencat për të denigruar punën e Komunës, rezultojnë bllofe.


Rreth incidentit të sajuar në Bashkinë e Sarandës.

Kandidati për deputet i PD, Besnik Aliaj, ka reaguar lidhur me insinuatat e fabrikuara nga zëdhënësi i kryeministrit, Aldrin Dalipi, rreth një incidenti të sajuar në Bashkinë e Sarandës nga segmente të PS dhe SHISH me një punonjëse të gjendjes civile. Aliaj shpreh habi se si zëdhënësi i kryeministrit merret me problemet e PS-së në Sarandë. "Ky problem tepër episodik dhe periferik që ka të bëjë me lejen e zakonshme të një nëpunëseje të zyrës së gjendjes civile në Bashkinë e Sarandës, nuk besoj se përbën arsye për t'u fokusuar në deklaratë për shtyp të zëdhënësit të kryeministrit. Kjo tregon se incidenti ka prapavijë politike dhe është i stisur nga segmente të PS dhe SHISH". Kështu është shprehur Aliaj pas zhurmës së krijuar për asgjë, prapa së cilës lexohet strategjia e Fatos Nanos për të tensionuar situatën zgjedhore. E gjithë historia e këtij "incidenti" vërtitet rreth një punonjëseje të gjendjes civile, e cila ka refuzuar të fillojë lejen e zakonshme në kohën e planifikuar. Pas kundërshtimit të saj për ta shtyrë lejen vjetore, në Bashki kanë vërshuar punonjës të SHISH, të policisë, drejtues të Partisë Socialiste në Sarandë. Ndërhyrja e tyre në organizimin e punëve të brendshme të Bashkisë, prezenca e menjëhershme pas disa polemikave lidhur me grafikun e pushimeve vjetore të punonjësve, flet për faktin se kush është interesuar për t'u fryrë urave të zjarrit. Ky është komenti i zotit Aliaj për këtë ngjarje. Nga ana e tij kryetari i Bashkisë, Edmond Gjoka, e quan këtë një keqkuptim që po keqpërdoret me zell të madh.


Opozitës i ndalohet sheshi për koncert.

Dega e PD Sarandë ka protestuar për mosdhënie leje nga ana e komisariatit të policisë për të zhvilluar koncert në sheshin qendror të qytetit ditën e premte. Kryetari i Degës, Ylli Piro, ka thënë se shefi i komisariatit të policisë ka manipuluar dhe falsifikuar dokumentet që kanë të bëjnë me regjistrimin e kërkesave të subjekteve për zhvillimin e veprimtarive zgjedhore në mjediset publike. Në mënyrë abuzive, ai ka regjistruar më parë kërkesën e PS-së, ndërkohë që ajo është bërë më pas. Në regjistrin e kërkesave, kërkesa që mban datën 20.06.2005 e PS është futur në një boshllëk midis kërkesave të datës 14.06.2005, të regjistruara më parë për të tjera aktivitete. Dega e PD Sarandë ka bërë njoftim në Bashki që më datën 14 qershor për zhvilimin e koncertit dhe prej këtej është përcjellë në komisariatin e policisë. Sipas ligjit, tre ditë më parë është përcjellë një tjetër njoftim në komisariatin e policisë për zhvillimin e koncertit të opozitës më datën 1.07.2005, por është dhënë përgjigje negative, me justifikimin se një tjetër subjekt ka bërë kërkesë më parë. Duke falsifikuar datat e regjistrimit të kërkesave, sheshi është vënë në dispozicion të PS-së. Drejtuesit e Degës së PD dhe kandidati për deputet Besnik Aliaj, i kanë quajtur këto qëndrime provokative, që përveçse nuk sigurojnë barazi të subjekteve për zhvillimin e fushatës zgjedhore, krijojnë precedentë të rrezikshëm për konfrontime. Kryetari i Degës së PD, Ylli Piro, ka thënë se ka verifikuar falsifikimet e bëra në komisariatin e policisë lidhur me regjistrimin e kërkesave dhe do ta ndjekë këtë çështje në rrugë ligjore.