SK Elbasani - FK Vardari

[Davius]

Shpresojme se si te thuash ti eshte Dodon, do te fitojne ne Shkup, por sic e kane thene dhe shume antare ketu dallimi mes nje Vardari me pervoje te madhe ne Evrope dhe nje Elbasani fillestar eshte tejet i madh keshtu qe jam nje cike pesimist sepse tefitosh ne fushe te Vardarit dmth ne stadiumin "Gradksi" eshte teper veshtire a?

Por prap ne jemi me shprese se do ndodh dicka e mire ne kampin shqiptar dhe do vije fitorja e shume merituar per bijte tane dhe te eleminojne Vardarin dhe te kualifikohen ne xhirot e metutjeshme.

Forza Elbasani....

(Pershendetje keni nga nje cun i Elbasanit qe eshte perskaj meje ketu ne internet)

[miko]

Rezulati i sotshem eshte teper zhgenjyes por jo i pashprese.Te them te drejten dhe une prisja nje fitore (jo shume te thelle) por per fatin e keq nje gje e tille nuk ndodhi.Rreth ndeshjes nuk kam shume informacion por ajo qe di momentalisht eshte se te dy golat i beme vete,dmth njerin autogol .Nejse shpresat nuk mbarojne ketu per ekipin tone,por mbas 90 minutave te Shkupit.Me kete rezulatat ne avantazh jane maqedonsat por ne duhet te japin gjithcka per te arritur objektivin tone.


Vazhdoj te jem optimist edhe mbas ketij rezultati zhgenjyes per faktin qe besoj akoma tek ky ekip.Jam i bindur se ky ekip ka dicka me shume per te thene ne fushe pervec ketij rezultati zhgenjyes.Mundet,dhe duhet te kaloje ne turin tjeter Elbasani...


Me shume komente neser kur do na jipet rasti te lexojme dhe me shume komente e opinione nga e dashura jone gazete,sportishqiptar.com.lol.

Forca cuna...


Gjithe te mirat

[StormAngel]

Te forte jemi qe se lun topi.
Shkojme e bejme nje gol, dhe pastaj na vjen keq e e fusim i autogol.

[Bledari]

Verdheblutë barazojnë 1-1 në ndeshjen e parë dhe kanë pak shpresa për kalimin e turit
Elbasani, fort pak për kualifikimin

Nga Elbasani, Klevi

Elbasani - Vardar 1-1

Shënues: K.Dalipi 28', Triçkovski 66'

Ekipi i Elbasanit nuk ia ka shpërblyer publikut gjithë atë interesim të madh. Nuk ka qenë vetëm rezultati i ndeshjes, por edhe loja jo shumë e mirë e verdhebluve. Kuptohet, asgjë nuk ka mbaruar për sa i përket kualifikimit, por shpresat tani janë shumë të pakta. Pavarësisht nga mjedisi i elektrizuar që ishte krijuar në stadiumin "Rizhdi Bizhuta", që luhej për herë të parë një ndeshjes e Kupës UEFA, takimi mes Elbasanit dhe Vardarit ka nisur i vakët. Përpjekje të paktë nga lojtarët e të dyja skuadrave, sidomos të miqve, të cilët në 20 minutat e para shumë pak herë e kaluan mesfushën në drejtim të portës së Kotorrit. Dalëngadalë, loja fillon e nxehet, ku Dallku nga krahët pason disa topa të gjatë dhe Klevis Dalipi në sulm lëviz shumë shpejt, duke u bërë rreziku numër një për maqedonasit. Ka qenë pikërisht sulmuesi elbasanas Dalipi, i cili ka shënuar me kokë, pas një krosi të ardhur nga djathta. Ka qenë minuta e 28-të e takimit dhe tifozët elbasanas kishin të drejtë të festonin. Pas shënimit të golit, miqtë fillojnë të lëvizin më shumë në fushë, por pa qenë në gjendje të krijojnë ndonjë situatë goli. Vendësit mbanë ritmin e tyre dhe e mbyllin në avantazh pjesën e parë. Të gjithë ishin të bindur që Elbasani do të shënonte sërish në pjesën e dytë, ose të paktën do të ruhej ky rezultat, që në njëfarë mënyre intrigonte gjithçka në ndeshjen e kthimit. Por në pjesën e dytë ka ndodhur e kundërta. Edhe në fillimet e kësaj pjese është sërish Elbasani që është superior, por edhe Vardari ngjitet në lojën e tij. Loja fillon e bëhet më e bukur, duke pasur më shumë raste, por nuk shfrytëzohet nga sulmuesit e të dy ekipeve. Në minutën e 65-të, trajneri Bushati bën pikërisht një ndërrim në sulm, duke futur në lojë Norën në vend të Kaçit. Por ky zëvendësim si duket ka qenë tersndjellës. Pikërisht një minutë më vonë, Gligorovski jep një pasim ideal për Triçkovskin dhe portieri Kotorri e sheh topin në rrjetën e portës së tij. Skuadra e Elbasanit goditet shumë nga ana psikologjike dhe nuk është më e zonja të organizojë sulme për të kaluar sërish në avantazh. Dede mundohet shumë të mobilizojë të tijtë, duke bërtitur në fushën e lojës, madje mbrojtësi tiranas merr dhe iniciativën vetë, ku vetëm shtylla e pengon për të shënuar. Në minutat e fundit, kur edhe thirrjet e publikut filluan të shtoheshin, i gjithë Elbasani hidhet në sulm, por është shumë vonë, pasi Vardari është tërhequr i tëri në mbrojtje për të ruajtur barazimin. Dhe në fakt kështu ndodh, ndeshja mbyllet në barazim me nga një gol, rezultat që i kënaq më shumë maqedonasit. Duhet përmendur fakti që takimi në përgjithësi është zhvilluar korrekt dhe pa më të voglin problem. Pas dy javësh, më 28 korrik, do të luhet ndeshja e kthimit në Shkup. Nënkampionët shqiptarë besojnë ende, por do ta kenë shumë të vështirë të kualifikohen për më tej. Megjithatë, shpresat mbeten, edhe pse të pakta, pasi eksperiencat në futboll kanë treguar se çdo gjë mund të ndodhë.


Deklarojnë:
Artan Bushati, trajner i Elbasanit: "Me thënë të drejtën, ishim përgatitur për ta fituar këtë ndeshje, por, për fatin tonë të keq, ndodhi ndryshe. Duhet ta pranoj që barazimi ishte rezultati më i drejtë. Nuk e realizuam fitoren, sepse në kohën më të madhe të ndeshjes ishim fragmentarë. E humbëm përqendrimin pas shënimit të golit të tyre, pasi nuk u shfaq ai ekip që, kur pësonte gol, reagonte menjëherë. Nuk shfaqëm vlerat tona më të mira, por u befasova edhe nga loja e miqve, të cilët ishin më mirë nga sa i kisha parë. Çështja e kualifikimit nuk ka mbaruar ende. Nuk futboll nuk përdoren përqindjet."

Vujadin Stanojkoviç, trajner i Vardarit: "Takimin e kisha parashikuar të vështirë dhe ashtu ndodhi. Elbasani krijoi shumë raste dhe humbi shumë të tilla. E rëndësishme është që barazuam. Unë do ta quaja real këtë rezultat për nga mënyra sesi shkoi loja. Dua të them se të dyja skuadrat nuk treguan vlerat e tyre të vërteta. Shpresoj që kjo të ndodhë edhe në Shkup. Kualifikimi teorikisht është i hapur, prandaj na duhet akoma shumë punë. Do t'jua kthejmë mikpritjen që gjetëm këtu në Elbasan."

[episodestory]

car behet kshu mer car behet.ta marrin barazim ato vardariotet ne elbasan.
po eshte turp mer se ato kishin dhe mungesa.
maje men po se kan shit neshjen.
nejse ishallah fitopjme ne shkup.

[militanti1980]

---------------------------------------------------------

Ndeshja perfundoi 1-1 (1-0 38' Asllani, 1-1 61' Memelli)

---------------------------------------------------------

Golat nuk i kane shenuar Asllani e Memelli, por K.Dalipi 28' dhe Triçkovski 66'!!!

[StormAngel]

nejse ishallah fitopjme ne shkup.

O episodestory,
Ne Shkup edhe luajten ndeshjen e pare o lal.
Ndeshja e kthimit eshte ne Elbasan.

[bitsiani]

Ashtu eshte StrormAngel , tash me daten 28 korrik , luhet ne stadiumin e qytetit ne Shkup , por cka eshte fakt e vertete se atje do te kete shume , shume shqiptare , do te jete sikurse ne Elbasan , ne forumin maqedon sod lexova se tifozat maqedon jane te kenaqur nga mikpritja e elbasanasve , por mendojne se paku ashtu te ju kthejne ketu ne Shkup por ata komitat e dijne se nga vjen friga ( tuta ) , ata frigohen nga shqiptaret e maqedonise se nese ata vijne elbasani do te kete lojtarin e 12 , dhe ceshte e verteta ne shkup prej tash mendohet per revanshin ne GRADSKI , dhe te them te verteten Elbasani nuk e din se ketu do ta kete me lehte se ne vendin e tyre .

FORZA ELBASANI

[Qerim]

Bitsian cfare pershtypje ju ka bere Shqiperia , dhe pikerisht Elbasani tifozave maqedonas. Besoj se shumica prej tyre ishin per here te pare ne Shqiperi.

Ju pelqeu apo jo?

[bitsiani]

Bitsian cfare pershtypje ju ka bere Shqiperia , dhe pikerisht Elbasani tifozave maqedonas. Besoj se shumica prej tyre ishin per here te pare ne Shqiperi.

Ju pelqeu apo jo?

Prej forumeve maqedonas , shifet se Komitat jane me se te kenaqur nga mikpritja e elbasanasve , them elbasansve pershkak se vetem me ata momentalisht i kane punet mire , i urrejne shume shqiptaret e maqedonise dhe kosovaret .
Ne kufi kishin pritur pak por kishin kaluar mire , nuk kishin pasur te holla per vize , por sic thuhet ati ne kufi , per ate qe po shkojne ne shqiperi per te ndjekur lojen ishte perkujdesur ish lojtari i sloges Nexhmedin Memedi i cili u kishte dhene te holla " Gratis " per te nxjerre vizen , atje i kishin pritur mire , por shkau nuk ehste shka nese tallet me ndjenjat shqiptare , citoj - atje rreth udhes ne cdo hap kishte bunkera , nuk pame asnje xhami , asnje kishe , asnje plis , me keto fjale ata thjesht qeshen me popullin tone , thjesht presin ketu ne revansh , qe ti mirepresin elbasanasit , kurse kinse per ata "joshqiptaret" nga maqedonia dhe kosova nuk do te kete mikpritje bile edhe ne stadium do te kete mikpritje , POR une ju garantja zot.Qerim se lere qe do te kete ne stadium shqptare por ati do te kete aq shume sa qe do te mendosh se luhet dikund ne neutral fushe , do te kete sharje , fyerje si zakonisht , mendoj se do te jete ndeshje e rrezikut te shkalles se pare , duhet vetem zemer te forte nga lojtaret e Elbasanit , per gjuajtje te lira do ta kisha lutur trajnerin Bushati nese ndokush ja percjelle kete tekst se sa i perket gjajtjeve te lira Komitat frigen e kane nga Arben Nuhiu , shpesh here
Nuhiu e ka tund rrjeten e tyre .
FORZA ELBASANI
FORZA SHKUPI