Berisha: "Do t'u njohim shtetësinë greke minoritetit"

[Albo]

Karamanlis : Marredheniet me Shqiperine, strategjike

E Enjte, 08 Shtator 2005
Mesazhi tjeter dje, ka mberritur ne seline e PD-se, nga shteti fqinj dhe kryeministri i tij, Kosta Karamanlis. Pas urimeve protokollare, ky i fundit i ka perkujtuar Berishes rendesine strategjike te marredhenieve dy-paleshe, por edhe ne nivel rajonal. "Eshte ne te miren e dy popujve tane, qe marredheniet greko-shqiptare te perbejne model bashkepunimi ne kuadrin e zgjerimit evropian", ka vleresuar me tej fqinji Karamanlis, i cili ne perfundim ka theksuar, se parashikon nje bashkepunim produktiv me kolegun e tij te ardhshem, Berishen.

Korrieri

[KACAKU]

Politika Anti-Greke mund te jete veprimi me i gabuar,qe mund te beje nje politikan shqiptar.
Berisha nese kesaj rradhe ka vendosur te nderroje politiken me Greqine (ne ndryshim nga ajo qe ndoqi kur ishte President) tregon qe e ka kuptuar me se miri se cfare politike duhet te zhvilloje.
Ky eshte edhe nje hap tjeter perpara i Berishes.
Mos harroni qe ne Greqi "hane buke" afersisht 1 milion shqiptare.

[Xhuxhumaku]

Të pathënat e marrëveshjes Dule-Berisha


--------------------------------------------------------------------------------

Nga Kristaq XHA*
*Analist i minoritetit grek. Shkruan në Gazetën minoritare "Romiosini" (Grekëria)


Në kongresin e Federatës "Panipirotiqi" që u mbajt në muajin Gusht 2005 në qytetin e Janinës, kryetari i PBDNJ-së, Vangjel Dule shkëmbeu disa replika me publicistin e njohur grekoamerikan, Nikolas Gaxojanis (Gage). Objekti i replikës ishte marrëveshja postelektorale "Dule-Berisha", sidomos disa nga pikat e përmbajtjes që lidhen me afatet kohore për zbatimin e saj.
Por pavarësisht nga kjo, për opinionin e njerëzve të thjeshtë në minoritetin etnik grek është me interes të mësohet se ç'farë përmban në të vërtetë kjo marrëveshje?... Duhet thënë se për një pjesë të diplomatëve grekë të akredituar në Tiranë e Gjirokastër, kjo marrëveshje konsiderohet si një dokument "Top-Sekret", sidomos pjesa e dytë e kësaj marrëveshje që pritet që nga Kryeministri i ri i Shqipërisë Berisha të përdoret si "biletë" hyrëse në kancelaritë e Athinës zyrtare, gjatë vizitës së tij të parë zyrtare pas këtyre 15 vjetëve të pluralizmit të brishtë. Nga ana e tij kreu i PBDNJ-së Dule mundohet t'a përdorë këtë marrëveshje si "kartë" të përfaqësimit politik të Minoritetit Etnik Grek, megjithëse elektorati i minoritetit votoi për kandidatët e së Majtës në zgjedhjet e 3 Korrikut, pra kundra Dules. Nga burime të besueshme politike dhe diplomatike
mësohet se në marrëveshjen për bashkëqeverisje midis PD-së dhe PBDNJ-së Kryeministri Berisha merr përsipër të realizojë disa lëvizje politike mjaftë të vështira. Së pari, Kryeministri Berisha zotohet të realizojë regjistrimin e popullsisë ku qytetarët shqiptarë do të deklarojnë kombësinë dhe besimin fetar. Analistë grekë midis tyre dhe zoti Gaxojanis, shprehin dyshime për mosrealizim të këtij zotimi meqënëse në dokumentin sekret Dule-Berisha nuk janë përcaktuar afatet kohore të realizimit. Gjithashtu, megjithëse regjistrimi i popullsisë është kërkesë e kahershme e Këshillit të Evropës, Athina zyrtare duket e pavendosur dhe nuk është bindur plotësisht nëse pikërisht tani "...është momenti i duhur", duke pasur parasysh emigrantët dhe predispozicionin e tyre për t'u bërë pjesë e këtij procesi. Vlen për tu theksuar fakti se Qeveria Greke financoi regjistrimin e popullsisë të vitit 2001 dhe që sikurse dihet Minoriteti Etnik Grek e bojkotoi procesin. Së dyti, Kryeministri Berisha, në kuadrin e rindarjes administrative zotohet të bashkojë në një qark rrethet Gjirokastër, Delvinë, Sarandë ku dhe banon një pjesë (ndoshta shumica) e komunitetit grek. Në fakt për një "bashkim" të tillë administrativ flitej edhe në në projektin socialist për ndarjen e re teritoriale. Mirëpo, çështja shtrohet, përfshihet apo jo në këtë ndarje Himara, ajo që vitet e fundit ka shërbyer si suporti politik i zotit Dule dhe motiv për bashkëpunimit PD-PBDNJ. A do të mbetet sërisht Himara "Thëmbra e Akilit" në këtë mesele? Siç dihet, Himara i takon administrativisht rrethit të Vlorës dhe nuk i dihet nëse Berisha do të arrijë të "rinovohet" deri në atë shkallë sa që t'i kthejë kësaj bashkie statusin administrativ të viteve 20' që nga pikpamja administrative ishte e përfshirë në Prefekturën e Gjirokastrës, apo zoti Dule do të tregohet "tolerant" ndaj kësaj çështjeje për hir të bashkëqeverisjes? Së treti: mësohet gjithashtu se Kryeministri Berisha merr përsipër për të zbatuar një "kërkesë personale" të zotit Dule, për të larguar nga strukturat e shtetit "të majtët e Dropullit" dhe të gjitha subjektet e biznesit në Dropull që nuk mbështetën PBDNJ-në në zgjedhjet e 3 Korrikut. Në këtë kontekst, liderët e së majtës në Dropull janë tashmë të bindur dhe presin revanshin dhe hakmarrjen politike të zotit Dule me anë dhe në emer të qeverisë Berisha. Hakmarrja e Dules nuk do të vonojë, por urojmë që mos ardhtë kurrë "Shën Bartolemeu" i vitit 1994. Reagimi ndaj përfaqësuesve të majtë me kombësi grekë në administratë dhe biznes duket se ka shqetësuar edhe Athinën zyrtare. Mësohet se nisur nga ky fakt, Athina ka përcjellë urgjentisht një mesazh tek liderët e komunitetit grek për zbutjen e toneve, të paktën deri në zgjedhjet lokale të vitit 2006. Vetë fakti që diplomatët grekë e kanë konsideruar këtë marrëveshje si dokument "Top-Sekret" të bën të besosh se përmbajtja e saj në tërësi nuk do të zbardhet kurrë. Por, sidoqoftë, pavarësisht nga "horoskopi" politik i pështjelluar i "mblesërisë" për bashkëqeverisje Dule-Berisha, koha dhe rrjedha e ngjarjeve do të arrijë të zbardhë disa nga të fshehtat dhe të pathënat e kësaj marrëveshje.

Gazeta Shqiptare.

[troptit]

Tung!
Personalisht mendoj se mbajtja e dyshtetesise ne nje shtet demokratik nuk eshte vecse nje gje normale. Por meqe Greqia nuk eshte aspak nje shtet demokratik, nje levizje e tille mund te rezultoje vetvrasese per kombin shqiptar. Pergjegjesine e saj do ta mbaje Z.Berisha ne rradhe te pare e te fundit. Sa per kujtesen qe na ben Z. Kacak, i them atij se eshte e vertete se ne Greqi hane buke 1 000 000 shqiptare, te nenkuptuar si shtetas te Republikes se Shqiperise, po problemi eshte se ata me te vertete hane vetem buke kur do te duhej ne baze te asaj qe ata punojne , jo vetem te hanin por edhe te visheshin me mire te blinin jo vetem makina por edhe shtepi, e jo vetem kaq por edhe te mos kishin frike se per shkak te humorit te keq te ndonje polici grek te humbisnin dokumentat! Greqia nuk i mban shqiptaret po jane shqiptaret qe ia kane bere vendin vetes vete atje. Shqiptaret jetojne ne ato toka qe sot quhen Greqi jo qe dje por ka tremije vjet. Shteti shqiptar duhet te njohe te drejtat e minoritetit grek kur Greqia te pranoje mekatet e se kaluares,te beje "mea coulpa", te njohe jo minoritetin shqiptar ne Greqi por pjesetaret e kombit shqiptar ne Greqi, qe nuk jane minoritet . Ata jane Bashkeshtetformues. Ata sakrifikuan po aq sa edhe greket, ne mos me shume per lindjen e shtetit grek. Prej kesaj rrejdh edhe e drejta e njohjes se bashkeshtetformimit .