Mos Më Duaj Më

[SkenderRusi]

MOS MË DUAJ MË


Mos më duaj më!
Nis më urre
nëse do mundësh!
Dhe qiellin(qielli jam unë!)
S’përmbyset bota
po ta humbësh!


Mos më afro më!
Nuk mund të duash
dy njëherësh!
Dhe ajrin(ajri jam unë!)
S’përmbyset bota,
po ta shkelësh!


Mos më kujto më!
Nis fshiji puthjet,
po të duash!
Dhe zjarrin(zjarri jam unë!)
S’përmbyset bota,
po ta shuash!

23 shtator 2005

LUMENJTË


Lumenjtë e duan shiun,
Sidomos kur me rebesh
fillon të bjerë!
Se veç prej tij
ata e ndrrojnë shtratin,
Dhe shkojnë e futen
nëpër shtretër të tjerë!



Unë i dua lumenjtë,
Se ata vetëm në det
pranojnë të vdesin!
Dhe tradhëtojnë rrallë,
shumë rrallë,
Jo çdo ditë si njerëzit!





DËBORA E PARË

Këtë vit,çuditërisht,
ti erdhe natën!
(Kaq shumë,njerëzve,
jua paske frikën!?)
Ti ngjan me atë nusen
në momentin pas dasmës,
Që xhvishet pranë shtratit
pasi e ka fikur dritën!

25 janar,2004

[EDUARDI]

Bukur shume

urime jemi ne pritje te lexojme me tej shkrimet tuaja

Urime


Eduardi...

[Humdinger]

Poezi të bukura si gjithnjë.
Urime Skënder

[Ereza]

LUMENJTË


Lumenjtë e duan shiun,
Sidomos kur me rebesh
fillon të bjerë!
Se veç prej tij
ata e ndrrojnë shtratin,
Dhe shkojnë e futen
nëpër shtretër të tjerë!



Unë i dua lumenjtë,
Se ata vetëm në det
pranojnë të vdesin!
Dhe tradhëtojnë rrallë,
shumë rrallë,
Jo çdo ditë si njerëzit!






te bukura shume

[Living in Vain]

Mos me duaj
ndalo...
lodhur duke degjuar,
mall per vetmi

e cmendur , e di!

Te dua,
je imja
shpirt
zemer

STOOOOP