Miss Shqipëria 2005, fituese Edlira Mema

[Davius]

MISS SHQIPERIA,EDLIRA MEMA FITON KUROREN

19-vjecarja Edlira Mema nga Tirana u kurorezua me Miss Shqiperia 2005 gjate spektaklit qe u zhvillua ne kalane e Kanines ne Vlore. Mema u perzgjodh me e mira mes 30 vajzave konkurente nga e gjithe shqiperia. Ajo do te marre pjese edhe ne konkursin Miss Globe 2005, qe edhe kete vit do te zhvillohet ne Shqiperi, ne muajin shtator. Shoqeruesja e pare e missit ishte bukuroshja Ema Gerdanji, ndersa shoqeruesja tjeter eshte Matilda Metini. Spektakli i bukurise Miss Shqiperia zhvillohet per te dytin vit rresht fale bashkepunimit te Top Channel dhe Deliart Associaton.

Burimi: TopChannel

[Davius]

...............................

[Davius]

E sigurt në vetvete, plot sharm dhe elegancë është shfaqur mes tridhjetë bukurosheve Edlira Mema. Nga dje është "Miss Shqipëria 2005", edhe pse për të është ende një vegim, një ëndërr.

18-vjeçarja nga Tirana, nxënëse e vitit të fundit në shkollën "Ismail Qemali", natën e 18 qershorit ka "rrokur" kurorën e bukurisë, të cilën kishte kohë që e dëshironte. Prindërit kanë qenë shoqëruesit e saj gjatë spektaklit, të cilët me prezencën e tyre në sallë e kanë ndihmuar të përballojë emocionet e fitores. Telefonatat e para i ka marrë nga të afërmit, ndërsa mesazhet e shumta e kanë bërë të ndihej mirë. Por kush është Edlira Mema, cilat janë ëndrrat dhe hobet e saj, çfarë do të bëjë tashmë pas fitores. Të gjitha këto i rrëfen në një intervistë të parë pas marrjes së çmimit, dhënë për gazetën "Panorama".

Si u bëtë pjesë e këtij konkursi buatokurie?
Fare thjesht. U bëra një telefonatë organizrëve, ku dhashë të dhënat e mia. Të merrja pjesë në një spektakël bukurie ka qenë dëshira ime që e vogël, por shpesh kam hezituar dhe e kam shtyrë për më vonë. Mendova se këtë herë ishte momenti i duhur për të konkurruar.

E kishit menduar kurorën e Miss-it?
Mendoj se çdo vajzë e ka ëndërr kurorën, sikurse edhe unë, por falënderoj ata që më votuan, publikun dhe jurinë që më zgjodhën të parën në këtë spektakël bukurie. Jam e mendimit se në një spektakël të tillë bukuria shpirtërore ka më shumë vlerë se ajo fizike, fati im që i kisha që të dyja.

Sa vlen për ju ky konkurs bukurie?
Ende nuk kanë kaluar shumë ditë, por le të shohim se si do të shkojnë gjërat. Eshtë një çmim shumë i madh që besoj se do të më vlejë shumë dhe do më ndihmojë për fushën ku jam futur, në botën e spektaklit.

Çfarë ndryshoi kjo kurorë tek Edlira?
Asgjë nuk ka ndryshuar. Jam po ajo që kam qenë, por dihet që është një sukses më shumë, në fushën që unë do të vazhdoj.

Ç'ndjetë kur dëgjuat emrin tuaj mbrëmjen e djeshme?
Jam ndjerë shumë e emocionuar, saqë fillova të dridhesha dhe nuk po e besoja dot se isha unë fituesja, ndaj nuk reagova, mbeta në vend sepse nuk dija se si ta shprehja emocionin tim. Por megjithatë u gëzova jashtë mase dhe m'u desh shumë kohë që ta mblidhja veten.

Çfarë pëlqeni te vetja?
Më pëlqen fakti që jam shumë e sinqertë edhe pse e kuptoj se nuk duhet të jem kaq shumë. Ndërsa tek të tjerët urrej hipokrizinë.

Kush ju ka shoqëruar mbrëmë në spektakël?
Familja ime, të cilën e kisha përballë dhe më jepte kurajë. Shokët që ishin të pranishëm të gjithë. Dua të them se dje jam ndjerë shumë mirë.
Pastaj urimet kanë qenë të shumta. Sapo hapa telefonin, më kanë ardhur mbi 70 mesazhe, saqë për një moment m'u bllokua telefoni.

Si kanë qenë ditët tuaja para spektaklit?
Sigurisht kanë qenë të paharrueshme. Eksperienca në këtë aktivitet ka qenë shumë e bukur, megjithëse ishte një kohë e shkurtër pune. Kemi punuar gjatë gjithë kohës, jemi lodhur pak, por gjithmonë me lodhje fitohet e mira.

Ka kaluar vetëm një ditë pas kurorëzimit, si ka qenë për ju?
Si çdo ditë normale. Në shtëpi, ku nuk kam kontakt fare me njerëzit jashtë, aq sa nuk po e besoj ende që jam vlerësuar me çmimin "Miss Shqipëria 2005".

Thatë që jeni në përfundim të shkollës së mesme. Projektet tuaja për të ardhmen do të mbeten në fushën e artit?
Them se po, pasi ky çmim do të më ndihmojë me të vërtetë që të vazhdoj në fushën e artit. Në fakt kam pasur dëshirë më parë që të studioja për juridik, por ende nuk mund të jap një përgjigje të saktë. Këtë më mirë t'ia lëmë kohës, pasi tani është shumë shpejt për të folur.



Pasaporta

Emri: Edlira
Mbiemri: Mema
Mosha: 18 vjeç
Datëlindja: 3.12.1986
Vendlindja: Tiranë
Horoskopi: Shigjetari
Hobi: Piktura, dhe pasarelat e modës

Burimi: Panorama

[Davius]

Miss Interneti - Myzafere Azemi

[Davius]

Miss Buzeqeshja - Eneida Graboba

[Davius]

Miss Spektakli - Elkida Sinani

[Davius]

Miss Fotozhenia - Olta Musaraj

[Davius]

Miss Kinemaja - Rajmonda Kola

[Davius]

Miss Eleganca - Evis Beshiri

[Davius]

Shoqeruese e pare: Ema GerdaniShoqeruesja e dyte: Matilda Meçini