Kështu fliste Muhammedi s.a.v.s.

[fjollat]

Është një vëllim modest hadithesh të zgjedhura dhe të ndara në kapituj të ndryshëm dhe i kushtohet në rradhë të parë njeriut të zakonshëm, me njohuri mesatare në fushë të dijes islame.

Çdo musliman e di se hadithi, menjëherë pas Kuranit, është burim i fesë islame. Hadith quhet fjala ose praktika e Pejgamberit Muhammed s.a.v.s., me anën e së cilës sqarohen shumë urdhëra e porosi që dalin nga Kurani.

Kur All-llahu ka vendosur për një çështje, ose i dërguari i Tij, nuk i takon (nuk i lejohet) asnjë besimtari dhe asnjë besimtareje që në atë çështje të tyre personale të bëjnë ndonjë zgjidhje tjetërfare. E kush e kundërshton All-llahun dhe të dërguarin e Tij, ai është larguar shumë larg të vërtetës. (Ahzab, 36)

"Pas meje ju me siguri do të keni mendime të ndryshme, prandaj çdo gjë që ju vjen nga unë krahasojeni me Librin e All-llahut dhe ajo që është në pajtim me të është thënë nga unë e çkado që nuk pajtohet me të, nuk është nga unë."

Nëse veprohet sipas kësaj porosie të Muhammedit s.a.v.s., njëkohësisht zbatohet edhe ajeti i Kuranit famëlartë:

Ndërsa ty të shpallëm Kuranin që t'u shpjegosh njerëzve atë që u është shpallur atyre, me shpresë se do ta studiojnë (Nahl, 44).

[fjollat]

Thuaj: “Ai është All-llahu, Një I Vetmi! All-llahu është mbrojtës I gjithkujt. Nuk ka lindur kë as nuk është I lindur. Dhe askush Atij nuk I përngjet”
(Al-Ihlas, 1-4)

All-llahu është Një- nuk ka Zot përpos Tij- I Gjalli dhe I Përjetshmi!
(Ali-Imran,2)

Dhe Zoti juaj është Një- All-llahu! Nuk ka Zot përveç Atij, të Gjithëmëshirshmit, Mëshirëplotit!
(El-Bekare, 163)

All-llahu është I bukur dhe e do bukurinë.
(Muslimi, Tirmidhiu)

All-llahu është origjinali, ndërsa njeriu është shëmbëllim I Tij.
(Buhariu, Muslimi)

All-llahu ka thënë:”Mua njeriu më shtie rrenë e nuk ka të drejtë; dhe më sulmon e nuk ka të drejtë. Thot se nuk do ta ringjall, sikur e krijova për herë të parë. A nuk është krijimi i parë më i vështirë sesa ringjallja? Njeriu thot:”All-llahu ka fëmijë” e Unë jam Një, të cilit I drejtohet çdonjëri, nuk jam lindur dhe nuk kam lindur dhe askush nuk është i barabartë me Mua.”
(Buhariu)

Ruaje All-llahun, Ai do të të ruajë ty! Ruaje All-llahun, do Ta gjejsh para vetes. (Ibnu-l-Kajjim El Xhevzi)

Njeriu që zgjohet e brenga e tij nuk është për All-llahun, nuk është i All-llahut. Njeriu që zgjohet e nuk i intereson çështja e muslimanëve, nuk u takon atyre. (Hakimi)

Muhammedi s.a.v.s. thot se All-llahu i Lartmadhëruar ka thënë:”Kush nuk është i kënaqur me urdhërat e Mija dhe nuk është i durueshëm në vështirësi, le të kërkojë për vete zot tjetër, përveç Meje.”
(Bejhekiu)

Muhammedi s.a.v.s. thot se All-llahu i Lartmadhëruar ka thënë:”Unë jam në kujtimin e robit Tim për Mua. Unë jam me të kur ai Më përmend. Po qe se ai Më kujton Mua në vete edhe Unë e kujtoj atë në vete; nëse Më përmend para një tubimi edhe Unë do ta përmendi atë para një tubimi më të mirë”.
(Buhariu, Muslimi)

Muhammedi s.a.v.s. thot se All-llahu i Lartmadhëruar ka thënë:”Madhëria është pelerinë Imja e sipërme, ndërsa Lartmadhëria pelerinë Imja e poshtme dhe kushdo që grindet me Mua, për këtë do ta hedh në zjarr” (Ahmedi, Ebu Davudi, Ibni Maxhe)

Për All-llahun, asgjë nuk është më e dashur se falënderimi. Prandaj Ai e madhëron dhe e lëvdon Veten duke thënë:”Falënderimi i qoftë All-llahut, Zotit të botërave...” (Taberani)

All-llahu i ka nëntëdhjetë e nëntë emra të bukur, kush i arrin, do të hyjë në Xhennet!
(Buhariu)

Mendoni për ato që i ka krijuar All-llahu e jo për qenien e Tij.
(Maturidi)

Askush nuk është më i durueshëm se All-llahu për ofendimet që i bëhen I bëjnë shok hyjni të tjera, thonë se ka djalë dhe Ai megjithëkëtë i përkrah e u jep shëndet dhe i furnizon me gjëra për të cilat kanë nevojë.
(Buhariu, Muslimi)

Njerëzit do të merren me çështje të ndryshme, derisa të arrijnë te pyetja: All-llahu i ka krijuar krijesat e kush e ka krijuar All-llahun? Kush has në diçka të tillë, le të thot: “Unë besoj All-llahun”!
(Muslimi)