Ali G në lidhje me Shqipërinë

[MtrX]

Iu sugjeroj te shkarkoni nga Kazaa nje video me emrin "Ali G before he was massiv"...
Kjo tregon per te kaluaren si komedian te Ali G, i cili duke improvizuar sikur eshte pak si **** ka tallur mjaft politikane dhe VIP nga fusha te ndryshme te jetes, deri dhe Beckham dhe Victoria Adams...
Po ama ne klipin qe u sugjeroj te shkarkoni, per te kaluaren e tij, jepet se si ai ne nje kohe te karrieres se tij ka pretenduar te jete nje intervistues shqiptar, me emrin Kristo, dhe ne kete klip edhe kur ai imiton nje perzonazh tjeter Borat, qe vjen nga Kazakistani, degjohet ne sfond nje kenge e Ilir Shaqirit . Ne fakt e keqperdoron te pretenduarit se eshte intervistues nga Shqiperia, gje e cila nuk me pelqeu aspak...
Per vete mendoj se Ali G, ishte i suksesshem si karakter komik dhe ne filmin e tij Ali G in da House, por ama ky person i cili e ka krijuar si karakter, nuk ka pike talenti dhe do ta shikoni vete nga klipi...
C'prisni pra shkoni ne Kazaa dhe shkarkoni "Ali G before he was massiv" !!!
Boyakasha!!! - pershendetja e Ali G

[iliria e para]

Shkruan : Ilva TARE

Kazakistani dhe Shqipëria kanë marrë të njëjtën notë për nivelin e korrupsionit në 2006. Përveç renditjes sipas rendit alfabetik, ku vendi ynë përfiton nga germa e parë, Albania, vlerësimi me 2.6, bën që kazakët të jenë vëllezërit tanë në vendin e 111. Por nuk është kjo arsyeja e vetme pse Kazakistani është në gojën e gjithë botës së fundmi. Kuptohet, për keq. Për prapambetjen, varfërinë, korrupsionin, gjithçka portretizon një vend të botës së tretë, ku hyn edhe vendi ynë. Shteti po aq i korruptuar sa Shqipëria është vënë në lojë në filmin e vlerësuar nga disa kritikë si më i miri i vitit 2006.

Gazetari i shpikur televiziv me origjinë nga Kazakistani, i quajtur Borat Sagdiyev ka thyer çdo parashikim në shikueshmëri dhe fitime. Në kinematë amerikane naivi, racisti, i paskrupullti Borat, për dy javë rresht ka zënë vendin e parë në garën e filmave më të ndjekur, duke arkëtuar 67 milionë dollarë. Parodia denigruese për kazakët, jo vetëm ka mbushur sallat botërore, por duket se nuk janë regjistruar kurrë më parë të qeshura më të shfrenuara. Kritikët po debatojnë tashmë vetëm për "fenomenin Borat", i cili, përveç pamjes qesharake, ka ofruar një sjellje të paturpshme dhe diskriminuese ndaj të intervistuarve të tij. Industria e filmit duket e shokuar nga popullariteti i të ashtuquajturit "mockumentary" (tallje në vend të fjalës doc-umentary) të komedianit britanik me emrin e vërtetë Sacha Baron Cohen. Kazakistani është vetëm shteti i pafat që po e pëson nga zgjedhja rastësore e reporterit të sajuar televiziv. Shqiptarët kanë shpëtuar rastësisht nga përfolja dhe fyerjet në nivel ndërkombëtar. Ndoshta jo të gjithë e dinë (edhe pse në Shqipëri personazhi Ali G. ka fansa fanatikë) se përpara se të shpikte arrogantin Borat, aktori britanik quhej Kristo, gazetar televiziv nga Shqipëria. Në 1994 Sacha Baron Cohen ka dorëzuar në kanalin "Channel 4" për konkursin e prezantuesve të rinj të humorit kasetën ku kishte regjistruar veten si shqiptari Kristo. Fati ka bërë që aktori të ishte në fillimet e parodive të tij dhe suksesi të mos ishte ky i kazakut Borat. Yllit të sotëm të parodisë i janë dashur shumë vite, por edhe famë e fituar nga spektaklet e jashtëzakonshme në rolin e Ali G., përpara se të bënte xhiron e botës me provokimet tallëse. Zyrtarët e qeverisë së Kazakistanit kanë reaguar të indinjuar, duke e quajtur fyerje të madhe realitetin që Borat përqesh në filmin e tij. Autoritetet kanë mbyllur edhe faqen e tij të internetit që përfundonte me inicialet e vendit, kz. Ndërsa Rusia në emër të fqinjësisë së mirë me Kazakistanin ka vendosur t'ia ruajë nderin, duke censuruar shfaqjen e filmit të Borat në kinematë e saj. Skenat e humorit vlerësohen si të papërballueshme, sidomos po të kihet parasysh se të intervistuarit besojnë se reporteri nga Kazakistani është i vërtetë dhe përpiqen të përgjigjen seriozisht. Kështu, kur një artiste nga New Yorku kujtonte se po kontribuonte me intervistën e saj në shtimin e të drejtave për gratë në vendet e botës së tretë, Borat e pyet nëse e kishte adresën e Pamela Andreson! Batuta për gratë që tërheqin karrocat apo djemtë e martuar që 11 vjeç, mburrja e dikujt se motra e asaj është prostituta më e madhe në vend, shoqërojnë udhëtimin e kinse reporterit nëpër SHBA. Në Kazakistanin e Borat larja e syve në kabinën e tualetit konsiderohet si pjesë e zakonit në vendin e tij, ndërsa përdhunimi është marrëdhënia normale mes një burri dhe një gruaje. Gjashtë javë i janë dashur aktorit për ta bërë qesharak edhe portretin e tij me mustaqe dhe flokë të mëdhenj. Përveç këtyre, asgjë tjetër nuk është reale në film. Borat interpreton mjeshtërisht të paditurin dhe vetëm kur bën deklarata antisemitiste, disa nga të intervistuarit e tij i tërheqin vëmendjen për të korrigjuar sjelljen. Edhe pse Borat magjepsi audiencën botërore me fyerje dhe provokime, ky reporter me anglishte të çalë, ngjalli polemika të shumta. Të shumtë mendojnë se asnjë komb nuk meriton të poshtërohet si Kazakistani, qoftë edhe për të bërë humor. Mund të duket një paralel i ekzagjeruar, por Borat dhe A.A. Gill janë të ngjashëm në stilin fyes dhe denigrues. Në shkrimin e shumëdebatuar në Tiranë të A.A.Gill, përpos disa të vërtetave parë me sy superkritik, thuhej se edhe gjuha shqipe ngjan me një kod të gatshëm për kriminelët. Sa shumë dorëlëshuar janë reporterët e huaj ndaj vendeve si Shqipëria apo Kazakistani! Shumë humor bëjnë me aksentin ndryshe, me veshjen ndryshe, me ushqimin e ndryshëm që pëlqejnë. Shkurt, me të qenit tonë ndryshe. Borat sikundër dhe A.A.Gill gajasen me epitete të palumtura ndaj presë së tyre. Vështirësia është të ndash satirën nga arroganca dhe gjykimi prej pozitave superiore ndaj më të dobëtëve. Në të vërtetë, të huajt shkulen së qeshuri me humorin ksenofobik, por vetëm kur nuk janë ata në lojë. Pyetja është se a do të qeshnin kaq shumë britanikët apo amerikanët nëse parodia do të bëhej me vendet e tyre? Vështirë për ta zbuluar. E sigurt është se Borat i dhuroi aktorit britanik në muajin tetor çmimin "German Comedy Award", si komediani më i mirë ndërkombëtar për vitin 2006. Kështu funksionon me gjetjet televizive. Bëhesh superyll dhe milioner brenda një fundjave. Publiku është më i prirë të shpenzojë biletën për të qeshur 60 minuta, se sa të gjykojë të vërtetat dhe fyerjet për vendin e origjinës së reporterit fals. Pala e fyer, Kazakistani po përpiqet ta mbrojë veten, duke përhapur edhe fjalën se xhirimet e skenave të mjerueshme janë bërë në Shqipëri. Por pavarësisht çdo përpjekjeje të dëshpëruar të kazakëve, ata nuk mund të konkurrojnë Hollivudin. As, ne, shqiptarët, fatkeqësisht nuk jemi aq të pushtetshëm për ta mbrojtur veten ndaj kritikave të shfrenuara, nëse nuk e nxjerrim vendin nga bataku i varfërisë ekstreme dhe korrupsionit galopant. Duhet punuar për një të ardhme të përbashkët vlerash dhe parimesh në një demokraci bindëse, që i bën ndërkombëtarët të mos i trajtojnë sfidat elektorale si teste bërthamore. Për momentin si për kazakët ashtu edhe për shqiptarët vlen të ndërmendet vetëm një ngushëllim. Teoritë thonë se në terma publicitarë, çdo reklamë, edhe ajo negativja, është një reklamë e mirë. Mbetet të presim të dhënat e patrukuara të ministrisë mbi shtimin e turistëve në vend pas shkrimit të A.A.Gill dhe sidomos të lutemi që aktori Cohen të fshijë nga kujtesa Kriston, përpara se të vendosë për origjinën e personazhit post-Borat.

http://www.lajmishqip.com/modules.ph...ticle&sid=1409

[lone_star]

Filmin e kam pare dhe eshte shume fyes per Kazakistanin, aq sa edhe une qe vetem njoh disa nga Kazakistani u indinjova. Kur lexova edhe qe ne fillim projekti ka qene te behej me shqiptarin 'Kristo' u rrenqetha. Fare mire mund te ishim ne sot ne poziten e Kazakistanit. Sidoqofte po nga interneti pashe qe skenat e mjerueshme nuk jane xhiruar ne Shqiperi po ne nje fshat te varfer ne Rumani. Ja edhe linku: http://www.foxnews.com/story/0,2933,229323,00.html

[FTN_2004]

Akoma habitem sesi mund te fyhet dikush ose nje komb prej nje komedia. Fundi fundit, Borat tallet me injorancen e njerezve qe nuk e dine se cfare vendi eshte Kazakistani, ose qe kazaket ngjajne me shume me mongolet sesa me arabet dhe ruset (borat) Te pakten, tani me shume amerikane e dine qe Kazakistani ekziston.

[ildushja]

Ky siper e tha dhe mendimin tim, ktyre sikur ju djeg mo lla... ai eshte comedian, sot do tallet me celebrities, neser me njerez te thjeshte, pasneser me nje komb te tere...
Cudi si nuk ofendoen nga gjithe comedians e pernatshem ne BET qe tallin rracen e bardhe, kineze, etj etj...