Lutja qe ju i drejtoni Zotit

[Albo]

Do te doja te lexoja nga besimtaret e feve dhe sekteve te ndryshme, se cila eshte lutja e tyre kryesore me te cilen i luten Zotit.

Nuk jam i interesuar te njoh ritualet apo sa here luteni apo ne cfare dite luteni. Jam i interesuar qe ne kete teme te lexoj vetem lutjet qe ju, ju personalisht, i drejtoni Zotit.

Albo

P.S Ata qe nuk besojne ne Zot, jane te lutur te mos marrin pjese.

[Leila]

Lutemi për gjërat që do kërkonim prej xhinit (në shishe) tonë personal.

[Del Monako]

Tani ate shkrimin me lart mos ma fshini se thejsht kerkova pak detaje nga Bayern.

Sa per lutjen e myslymaneve, nje prej te cileve inshallah jam edhe une, diapazoni eshte shume i gjere. Falja eshte ndryshe. Nje lutje te cilen une e bej shpesh, eshte qe zoti te me japi gjithmone urtesi se pa urtesi nuk je i ndergjegjshem dhe pa ndergjegje nuk di se cben.
Sic thuhet ne nje hadith te pejgamberit tone a.s (Allahu te me fale nese e di gabim) thuhet "Ai qe nuk ka urtesi, nuk ka asnje gje(vlere)".

[FLORIRI]

Lutja ime qe e perseris shpesh eshte
"O ZOT IM ME BEJ PREJ BANOREVE TUA TE XHENETIT"

[PrInCiPiEl]

' O Zoti ynë! Na jep të mira në këtë botë dhe të mira në botën tjetër/ahiret dhe na ruaj nga zjarri i xhehennemit!
O Zoti ynë! Falmi gjunahet mua dhe prindërve të mij dhe të gjithë besimtarëve të vërtetë, atë ditë kur do ta japim llogarinë për punët tona! '

[Del Monako]

Inshallah.

[Shpresmiri]

Më pëlqyen disa lutje që i lexova këtu.

Unë lutem më së shumti në bazë të Fjalës së Ungjillit, fjalëve të Jezu Krishtit duke medituar mbi to. Pra, si bazë psh. e marrë një pjesë nga Ungjilli sipas Gjonit 14,27; 15,9:

Po ju lë paqen, po ju jap paqen time! Nuk po jua jaç siç e jeç bota. Mos t`ju shqetësohet zemra as të mos ju trembet... Sikurse Ati më ka dashur mua, ashtu edhe unë ju kam dashur ju. Qëndroni në dashurinë time!

E parafytyroj vendin ku e ka thënë këtë Jezusi (në Darkën e Fundit), pak e imagjinoj në kokën time me detaje që mendoj se ndoshta kanë qenë përreth: njerëzit, sendet... dhe në këtë kuptim e dëgjoj brendësinë time dhe nxitjet e shpirtit. E dëgjoj se çka do të mund të më thoshte në këtë moment Jezusi me ato fjalë dhe do t`i lidh me jetën time. Nganjëherë e lus edhe Atynën, që është lutje standarde e të krishterëve por që gjithmonë mund të frymëzoj për pendim dhe lavdërim të Zotit... varësisht nga situata në të cilën gjindesh.
Nëse më përshtatet ndonjë lutje që dikush e ka shkruar edhe atë mund ta marr e ta lexoj para Zotit, si psh. një që më pëlqen si kjo:

Zoti i së vërtetës,

krijo në ne shpirtin e dashuruar në të vërtetën tënde,
në të vërtetën e tërësishme, në të vërtetën e pakufi.
Na lidh me të vërtetën objektive dhe na ruaj prej tundimit që ta mtojmë e ta
transformojmë në qëllime tona.
Na frymëzo nderin ndaj së vërtetës dhe kujdesin që ta ruajmë në tërë pastrinë
dhe tërësinë e saj.
Bëj që me afsh të zemrës ta kërkojmë, që gatshëm ta gjurmojmë atë dhe ta
gjejmë atë.
Shembi në ne të gjitha ballinat që i ndërtojmë edhe me pavetëdije,
e që mund të na pengojnë ta shohim çka është e vërtetë.
Na mbroj prej egoizmit tonë
që pengon përputhjen me të vërtetën.
Na jep guximin që e vërteta t'i paraprijë shijeve, paragjykimeve tona personale
dhe dëshirave të fshehta.
Na mëso si ta pranojmë të vërtetën me arsye të hapur krejtësisht
dhe si ta përvetësojmë në gëzim.
Na e rrit zellin tonë që të vërtetën ta përhapim dhe për të të dëshmojmë.
Bëj që në Personin e Krishtit ta zbulojmë apsolutetin e së vërtetës.
Dhe gjersa na tërhjek kah e vërteta, na lidh edhe më ngusht me Atë që tha:
"Unë jam e Vërteta".

[leci]

Ati im
me fal urtesine dhe gjykimin per çdo dite te veshtire
ruaj prinderit dhe te dashurit e mij nga e keqja.
me fal mekatet dhe me ndihmo te shoh te drejten.


Po te lutem edhe per Interin qe te fitoje kampionatin po me duket qe edhe ti qenke milanist
Mos e merrni seriozisht kete sepse autori nuk e kishte mendjen kur e shkruajti

[DeuS]

ZOT i madhnishem !

Me ndihmo te te afrohem sa me prane !
Jepme urtesi dhe maturi ne te vepruar e sjellur !
Mbrome cdo pjestar te familjes nga e keqja dhe ndricoja rrugen e jetes !
Shtoma kete miresi qe me ke gatuar ne zemer !
Me largo nga erresira dhe me jep force te mposht vetite qe djalli i dhuroi njeriut !
Dhurome force per te mposhtur dallget e furishme te kesaj bote hipokrite !
Sill paqen ne kete bote o I Madhi ZOT !
Beje njeriun te doje njeriun dhe jo ta urreje !
Ka nevoje kjo bote per me shume " dashuri " !

Te falem per jeten , te mirat dhe gjithcka qe me ke dhuruar o ZOTI im !

...DeuS...

PS: Dhuroi jete , miresi , force ,dituri ,lumturi e shendet " D "

[Reina]

Kur isha femije rrija nja gjysem ore duke puthur ikonat e duke permendur emrat e c'do njeriu qe kisha ne zemer. Para se te haja buke gjithmone do beja kryqin, prinderit qeshnin se nuk harroja kurre. Cuditem pse nuk besoj me ne gjithcka si beja kur isha femije. Tani lutem c'do darke para se te fle, kur me vjen gjume them thjesht nje lutje te shpejt per gjithe njerezimin.

Lutja ime Per Atin!

Ati yne te lutem kujdesu per familjen time, te jemi sa me afer bashke dhe te duhemi gjithmone. Mbrohe c'do njeri ne kete bote, te lutem na drejto ne rrugen tende! Largohe ligesine nga zemrat tona, na fal mekatet, dhe te lutem O Zot te lutem, vendos nje engjell per c'do femije te pafat ne kete bote.

Zakonisht kjo eshte lutja ime!