GSH
--
Intervista e Kryebashkiakut që trasmetohet sot në ora 2100 në NEWS 24
Rama: Bashkëpunimi PS-LSI pengon kthimin e Berishës
"Nano president i vendit? Pse jo"
----------------------
Kryebashkiaku Edi Rama, në një intervistë dhënë për NEWS 24 dhe që do të transmetohet sot në emisionin "Studio24", në orën 21:00 drejtuar nga Edvin Parruca tregon se cila është ideja e tij për bashkëpunimin mes PS dhe LSI për të krijuar një qeveri të së majtës pas zgjedhjeve dhe për të penguar ardhjen e Berishës në pushtet. Në lidhje me zgjedhjet e Presidentit të ri të vendit ai thotë se duhet t'i takojë të majtës. I pyetur nëse mund të jetë Nano presidenti i ardhshëm rama përgjigjet shkurt: Pse jo.
LAJMI
Në hapjen e fushatës në Tiranë ju kërkuat një bashkëpunim të të gjithë të majtës duke përfshirë edhe LSI-në. Pse mendoni se duhet ky bashkëpunim?
Unë i konsideroj këto zgjedhje si zgjedhje vendimtare për të ardhmen e afërt të vendit. Çdo zgjedhje në fakt ka një rëndësi të madhe, çdo zgjedhje ka një vlerë që gjithmonë pavarësisht relativitetit nuk është e vogël, por këto zgjedhje janë vendimtare për të ardhmen e afërt të vendit.. (...)
Në rast se vota do të shkonte në drejtimin e gabuar do të ishte një votë për të shkuarën, për të sjellë sërish në krye të vendit një njeri i cili mishëron një dështim të madh, i cili lidhet në kujtimet e çdo shqiptari me një kohë që s'duhet të kthehet më, por edhe një filozofi qeverisjeje që ka në bazë kërcënimin për lirinë dhe sigurinë e individit, ky kërcënim nuk është një dordolec që unë kërkoj ta tund për të trembur votuesit, por është një kërcënim real, pasi pavarësisht se votohet për një parti, pavarësisht se votohet për një program, kjo parti ka një udhëheqës dhe ky program do të zbatohet nga njerëz nën drejtimin e këtij udhëheqësi dhe më vjen shumë keq por opozita sot nuk përfaqëson jo vetëm shpresën dhe kohën për ndryshim, por revanshin e ambalazhuar me platforma dhe fytyra të reja dhe pjesërisht të pafajshme. Kur them pjesërisht të pafajshme, nuk them pjesërisht të fajshme, por pjesërisht të pavetëdijshme për atë që po bëjnë në dëmë të së ardhmes së vendit, sepse shërbimi i parë që duhej të bënin ishte shoqërimi për në shtëpi i kandidatit për kryeministër që ata sot mbështesin, dhe pastaj unë do të isha i pari që do thosha, dhe do të doja të më besonit për këtë, "po, është koha për ndryshim të timonit. Është koha për ndryshim dhe rotacion sepse realisht tetë vjet janë kohë e gjatë dhe konsumojnë dhe forca shumë më të mëdha, shumë të artikuluara dhe me shumë më pak probleme sesa forcat tona politike që janë ende shumë të reja. Por sot se s'mund ta themi këtë sepse do të ishte një aventurë dhe një eksperiment që mund të merrte përmasa dramatike dhe ju siguroj që përvecse opozita dhe përkatësisht kandidati i saj për kryeministër përfaqësojnë një kërcënim lirinë dhe sigurinë e individit në një përmasë të kuptueshme brenda një sistemi si ky, sepse unë nuk e besoj alibinë se ka ndryshuar koha, që është forcuar sistemi dhe për këtë arsye zotëria dhe të tjerët nuk mund të sillen në këtë mënyrë, unë nuk e besoj se bolshevikët dhe njerëzit me mentalitet prej bajraktari komunist nuk mund të ndryshojnë dhe nuk mund të pranojnë asnjë kontest. (...)
Si mund të bashkëpunojnë PS dhe LSI?
Unë jam i skandalizuar si qytetar i këtij vendi nga ajo që po ndodh në kampin e opozitës, nga deformimi absolutisht skandaloz dhe i turpshëm i vuullnetit të zgjedhësve nëpërmjet deformimit të sistemit zgjedhor, nuk do të hyj në diskutime që s'kanë më vlerë për Kodin, etj, po do të them vetëm se mënyra se si po ecën opozita në kërkim të një shumice aritmetike dhe jo një shumicë që përfaqëson vullnetin dhe votën e lirë të çdo qytetari (...) . Dhe duke menduar sn qëllim kryesor nuk është pushteti, por kauza që përfaqësojmë për të cilën kemi dhe shumicën e qytetarëve dhe këtë e tregojnë edhe sondazhet më të kontestuara që bashkimi i së majtës i lë prapa kundërshtarët tanë dhe se si ne të tregojmë realisht se ne jemi vërtet ndryshe dhe se ne që nga nivel më real që është ai i qytetarit dhe i votuesit të thjeshtë deri te niveli më i lartë jemi në gjendje të mos presim urat e bashkëpunimit dhe të tregojmë se çdo votë që shkon majtas qoftë për partinë më të madhe, qoftë për partinë më të vogël është një votë e vlerësuar, e respektuar dhe e përfaqësuar kështu që ka një ndryshim themelor mes bashkëpunimit të forcave të njërit kamp dhe përversionit të të gjithë sistemit për të sjellë një pushtet që do të jetë rezultat i këtij deformimi, këtu ka vend për të diskutuar dhe jo për ta çuar biseden se si do të ulen për të diskutuar liderët e forcave politike dhe si do bëjnë marrëveshje. Problemi është të një vullnet dhe dëshirë, që janë gjithnjë arma e më të madhit dhe më të fortit, dorën e shtrin gjithnjë më i madhi më i forti nëse është vërtet i tillë. Dhe pastaj gjërat ndërtohen jo vetëm në një ditë, me një batutë, një shprehje, një fjalë, por bëhet fjalë për t'i ndërtuar ditë për ditë. Sepse këtu bëhet fjalë për të ndërtuar një besim të thyer keqas, por ne jetojmë në një botë kur kemi parë shumë çudira, shumë pajtime dhe shumë akte paqeje mes armiqve të përbetuar dhe jo vetëm kundërshtarëve politike dhe ne duhet të përfaqësojmë këtë frymë dhe këtë nuk ka kush ta përfaqësojë tjetër ves PS-së.
Pas zgjedhjeve si do jetë bashkëpunimi?
Nuk dëshirojë të ulem në këtë nivel bisede që është shumë konkret dhe teknik. Këtu nuk është fjala për teknicitet, është fjala për një aritmetikë banale që mund të ketë rezultat, përsëris ushtrimin e pushtetit, është fjala për të kuptuar se përfaqësojmë shumë më tepër se vetja interesat vetjake dhe partinë tonë përfaqësojmë një kauzë dhe duam apo s'duam ne kjo nuk është vetëm nderi, por edhe përgjegjësia jonë, është një përgjegjësi e madhe, barrë e jashtëzakonshme, dhe nëse ne nuk e çojmë këtë barrë aty ku qytëtarët na kanë kërkuar ta çojmë, kjo kthehet në një barrë përgjegjësie historike. Kush do ta mbajë këtë përgjegjësi tjetër veç nesh, s'mund ta mbajë dot askush tjetër, është një përgjegjësi historike dhe një ballafaqim historik, s'mund ta lejojmë këtë opozitë të rikthehet në krye të vendit, përsa kohë nuk është reformuar dhe nuk është në gjendje të japë garanci. Këtu nuk është fjala për të mbrojtur pushtetin, por të ardhmen. Une s'merrem me kush do takojë kë në cilin kat të të cilit hotel, këtu bëhet fjalë për të rënë dakord në një pikë të mos lejojmë kthimin prapa.
Nëse do të varej nga ju kë do të zgjidhnit president të republikës në vitin 2007?
Kjo është pyetja për të bërë titullin e gazetës, nuk besoj se do të jap përgjigje për të bërë titullin. Unë mendoj se në 2007 i takon radha të majtës të bëjë zgjedhjen për president.
Edhe Nano që është një emër shumë i përfolur?
Pse jo.
(Marrë me shkurtime intervista e regjistruar e "Studio 24")
Petro Koçi: Elektorati i PS dhe LSI të bashkëpunojë për të majtën
Anëtari i Kryesisë së PS-së Petro Koçi i kërkon elektoratit socialist që të gjejë mënyrën për të bashkëpunuar me elektoratin e LSI-në në mënyrë që votat të jenë vota për të majtën dhe jo vota për të sjellë në pushtet opozitën. Koçi shpreh mesazhin e tij për votuesit e majtë pas kërkesës publike që bëri kryetari i Bashkisë së Tiranës Edi Rama që PS-ja të bëjë aleancë me LSI-në. "Rezultati i sondazhit më të fundit, i cili ishte serioz dhe i mbështetur nga qeveritë perëndimore, dëshmoi se e majta është në avantazh të qartë ndaj së djathtës veçse për shkak të sistemit aktual elektoral duhet që çdo votë e majtë të përdoret në mënyrë racionale në 3 korrik", u shpreh Koçi në një prononcim për Gazetën Shqiptare. Një bashkëpunim strategjik në nivel lokal do të ishte një zgjidhje ideale për të mos lënë që koalicionet opozitare të arrinin që të fitonin zgjedhjet. Sipas anëtarit të kryesisë së PS-së, "kjo logjikë shërben jo thjesht si një thirrje për marrëveshjen midis liderash politikë, të cilët duhet pranuar shpesh vënë interesat e karrigeve të tyre mbi interesat strategjike dhe parimore, por si një apel serioz për ndërgjegjësimin e elektoratit kudo që ndodhet, në PS, LSI, PSD, PDS, PAD, PAA apo edhe PBDNJ". Koçi tregon për elektoratin e majtë dhe mënyrën se si duhet të bashkëpunohet në mënyrë që të ketë një përfitim real të partive të majta. "Elektorati duhet të kuptojnë se copëtimi I votave në maxhoritar do të shërbente si dhuratë elektorale për Partinë Demokratike dhe kandidatin e saj për kryeministër Sali Berisha".
---
dy llafe..
Hajduti Edvin i ka mjele te dy kryhajdutet Meta dhe Nano..
Formula e tije qe Nano te jete president e Meta kryeminister dhe ai vete MBRETI i TIRANES.. eshte ilac per Mafien .. sepse mbahet grusht bashkuar soji i Xhelateve qe ka prodhuar PPSH e PS nga 1942-shi deri me sot..
Te mencur jane kriminelet..
Përgjigju Duke Cituar
Popull,zgjohu Nga Gjumi!
.
Postuar më parë nga CLAY_MORE
Krijoni Kontakt