Kukes-Morine-Cerrik

[Brari]

Moderator..pse e zhduket temen -LZHK dhe Nano- ?

minimumi i edukates e kerkon ti thuhet lexuesve se x teme e hoqem a e transferuam ne y vend..
cfar kuptimi ka kjo aroganc?
po ngjani me ata fillestaret ne lojen e Shahut qe kur nxehen fusin mbretin e tyre ne xhep.. qe te mos kapet mat..

jo keshtu or quna..


qazim dua nga ty ndoj mendim per keto shkrime qe po sjell..

---

Tema
--




Dogana e Kukësit, presione politike tregtarëve të
vegjël

Rreth 10 furgonë me pleh kimik janë bllokuar në
doganën e Vermicës në Kosovë me urdhër të doganës
shqiptare. Kryeplaku i fshatit Përbreg, Rakip Matmuja
që është edhe vetë shofer furgoni i dëmtuar, tha dje
se doganierët e Morinit kishin bërë të mundur
moslejimin e kalimit të kufirit me pretekstin se
shoferët e këtyre fugonëve janë votues të Partisë
Demokratike dhe se bëjnë propagandë për këtë parti.
Ligjërisht dogana kosovare nuk ka të drejtë të
bllokojë askënd që del nga kufiri kosovar pasi një gjë
të tillë mund ta bëjë vetëm dogana shqiptare. Ka qenë
pikërisht kjo e fundit, e cila me një urdhër anormal
ka bërë që prej tre ditësh furgonët e banorëve përreth
fshtatrave të Kukësit të bllokohen në tokën kosovare.
Secili prej fugonëve ka rreth 1 ton pleh kimik.
Arsyeja që banorët e fshtatrave kufitarë shkojnë në
Kosovë për të marrë pleh kimik është se në Kukës plehu
i cili vjen nga porti i Durrësit është më i shtrenjtë.
Një tjetër arsye përse shoferët e fugonëve janë
ndaluar, është se tregtarët e mëdhenj të plehut kimik
kanë bërë marrëveshje me doganierët shqiptarë në
mënyrë që këta të fundit të mos lejojnë blerjen e
plehut nga Kosova. Shoferët e këtyre fugonëve, të
cilët sot hyjnë në ditën e katërt të bllokimit në
doganën kosovare kanë kërkuar ndihmë dhe thonë se
doganierët u kanë kërkuar që të japin votën për
Partinë Socialiste që t’i lirojnë.


---

hmmm..
dy llafe..

e kisha kte dyshim se doganieret Kosovare jane pothuajse te gjithe te seleksionuar..pra spiune te mafies Thaqo Kloso Nanoiste..
kjo sjellja qe tregojn tregtaret e vegjel.. mbi merakun e doganierve te Kosoves se mos votohet Pd i ve vulen.. dyshimit tim dhe e ben bindje..
shume krime fshihen nga keta dobiçe enveriste.. hajdute e gangstere..
Jan keta qe ndihmojne vrasesit ne Kosove te zhduken pa len gjurme..
Ne duart e tyre te qelbura kan kaluar kushedi sa viktime prostitucioni..
Keta e dine te verteten e zhdukjes se Myftiut te Gostivarit..

---





Tema..

---

Kukës, Hoxha: Rivali im i PS të ndalojë fushatën e
shpifjeve

Shtabi i kandidatit të Partisë Demokratike, Fatos
Hoxha, në qytetin e Kukësit i ka bërë thirrje rivalit
socialist që të lërë mënjanë sharjet dhe shpifjet, por
të bëjë një fushatë të rregullt. Përmes një deklarate
për shtyp shtabi i demokratëve thotë: “Me deshirën e
vullnetin e mirë për një fushatë qytetare, Partia
Demokratike e Kukësit dhe stafi i kandidatit të PD-së
Fatos Hoxha, nuk janë marrë me asnjë vogëlsi dhe kanë
bërë një vesh shurdh e një sy qorr ndaj deklarimeve
dashakeqe, ndaj shpifjeve e ligësive të shfaqura nga
tellallët dhe sejmenët e kandidatit socialist. Por kur
fyerjet e ligësitë teprohen, ne nuk mund të heshtim,
të bindur se nuk ftojmë askënd në kurth dhe nuk biem
në kurthin e askujt, por mbrojmë nga terrori i
shpifjeve qytetarët dhe njerëzit që duan një qeverisje
më të mirë dhe janë për ndryshimin e kësaj
qeverisjeje”. Më tej në këtë komunikatë thuhet se
kandidati i Partisë Demokratike, Fatos Hoxha, gëzon
respekt në qytetin e Kukësit, por edhe në zonat
përreth. “Tellallët dhe sejmenët e kandidatit
socialist që po fëlliqin mjedisin shoqëror e politik,
kanë deklaruar në publik se “Fatos Hoxha është faqja e
zezë e Kukësit e Asllan Dogjani është faqja e bardhë e
Kukësit”. Kujt, kur dhe çfarë të keqje i ka bërë Fatos
Hoxha, që qenka faqja e zezë e Kukësit. Kurrë askënd
nuk ka vjedhë, nuk ka mashtruar, nuk ka plaçkitë, as
me maskë në kokë, as pa maskë në kokë, as shqiptar as
kosovar, as në rrugën Kukës – Tiranë, as në rrugën
Tiranë – Qafë-Thanë. Askënd nuk ka vrarë, burgosë,
arrestuar apo ndaluar”, thuhet në deklaratë. Shtabi i
kandidatit Hoxha i bën thirrje rivalit socialist që të
distancohet nga këto shpifje, pasi ato nuk i shërbejnë
askujt.


---

dy llafe..

qazim ç'mendim ke per kete Hoxhen e Pd-se..se per ata te Ps-se dihet cfar krokodilash jane.. kriminele sojsorrolloperisht..


Tema

--

Topi dhe Skuqi takojnë banorët e fshatit Gosë

Në vijim të turit elektoral nënkryetari i Partisë
Demokratike, Bamir Topi ka zhvilluar dje një takim në
kumunën e Gosës e cila është pjesë e zonës 50, ku
kandidon Luan Skuqi. Topi tha se pjesëmarrja në këtë
takim tregon më së miri se edhe banorët e kësaj komune
janë bërë pjesë e ndryshimit. “Kjo pjesëmarrje e juaja
në këtë takim, tha në fillim të dialogut të tij
elektoral Topi, është rikonfirmimi i fitores sonë,
cilësitë intelektuale të zotit Skuqi do ta
përfaqësojnë denjësisht mendimin tuaj në parlamentin e
ardhshëm, për këto drejtime edhe më parë ai ka dhënë
prova se e bën diçka të tillë”. Entuziasmi i
pjesëmarrësve në tubimin e komunës Gosë tregoi se
elektorati i kësaj zone ka kohë që ka konfirmuar votën
e tij për ndryshimin e madh, kjo atmosferë ndihet
tashmë në të gjithë zonën 50. “Zgjedhjet e tre
korrikut, tha më tej në fjalën e tij Topi, do të
largojnë nga qeverisja qeverinë Nano. Kjo për shumë
arsye, e para ajo është një qeveri e korruptuar, e
zënë ngushtë nga monopolet, trafiqet, të cilat e kanë
zhytur vendin në varfëri dhe papunësi, fëmijët e
pushtetarëve shkollohen jashtë vendit, ndërsa fëmijët
tanë vuajnë mungesën e shërbimit arsimor, që të
rregullohen fenomene të tilla që rëndojnë mbi
shqiptarët. Partia Demokratike ka një program ambicioz
për ta nxjerrë vendin nga kolapsi ku e kanë futur
socialistët dhe kryetari i tyre Nano. Elektorati jo
vetëm i Gosës, por i gjithë Shqipërisë duhet që me
votë të tregojë se ndryshimi tashmë ka trokitur,
situatë politike është e atillë, tha Topi që opozita
do të fitojë bindshëm si në 92-shin,” vijoi më tej ai.
Kandidati i Partisë Demokratike zoti Luan Skuqi në
këtë ballafaqim me votuesit e tij edhe një herë tjetër
e vuri theksin e fjalës së tij se avantazhet e
programit të PD-së është mundësia më e mirë për të
ndyshuar qeverisjen në interes të mirëqenies
familjare, të zhvillimit të bujqësisë, biznesit, të
hapjes së vendeve të punës për uljen e papunësisë.


Kryetari i KQZ tha se nëse nuk dorëzohen listat
përfundimtare, zgjedhjet janë të rrezikuara

Sërish Celibashi:
Zgjedhjet mund të dështojnë

Kryetari i KQZ doli ditën e djeshme sërish në një
konferencë për shtyp dhe deklaroi se zgjedhjet mund të
dështojnë në rast se disa njësi vendore nuk sjellin në
KQZ numrin e qendrave të votimit dhe numrin e votuesve
për këto qendra dhe listën përfundimtare për çdo
qendër. “Jam këtu në emër të KQZ, për të bërë një
deklarim mjaft të rëndësishëm. Deklarimi ka të bëjë me
mungesën e të dhënave mbi numrin e qendrave të votimit
dhe numrin e zgjedhësve në listën përfundimtare për
çdo qendër votimi. Kjo mungesë ka ardhur për faktin se
kryetarët e qeverisjes vendore nuk kanë depozituar në
KQZ, me përjashtim të Kryetarit të Bashkisë së
Elbasanit, informacionin i cili lidhet me numrin e
qendrave të votimit për çdo njësi të qeverisjes
vendore si dhe numrin e zgjedhësve në listën
përfundimtare për çdo qendër votimi,” tha Celibashi.
Ai tha se në rast se ky proces nuk përfundon deri në
të hënën atëherë procesi është i rrezikuar. “Në rast
se shpresoj që kjo të dëgjohet mirë dhe të kuptohet
shumë mirë mesazhi, deri në ditën e hënë në mëngjes,
në KQZ nuk do të jenë numri i qendrave të votimit për
çdo njësi të qeverisjes vendore dhe numri i zgjedhësve
në listën përfundimtare për çdo qendër votimi, atëherë
me garanci të plotë, procesi zgjedhor në datën 3
korrik 2005, është i rrezikuar. Sepse është e pamundur
nga pikëpamja fizike, kohore që të prodhohen fletët e
votimit, të printohen, të paketohen për çdo qendër
votimi dhe të organizohet i gjithë materiali tjetër
zgjedhor për çdo qendër votimi. Është e sigurt që në
rast se vonesat do të jenë tej këtij afati që unë
deklarova, zgjedhjet e datës 3 korrik 2005 do të jenë
të rrezikuara në kuptimin që do të jetë e pamundur për
t’u votuar në të gjithë territorin e Republikës së
Shqipërisë,” tha Celibashi. “KQZ e konsideron një
papërgjegjshmëri absolute të organeve të qeverisjes
vendore edhe për autoritetet e tjera, të cilat mundet
të lidhen në një mënyrë ose në një tjetër me këtë
çështje, pasi ka qenë gjithë koha e mjaftueshme për të
përgatitur gjithë informacionin për t’ia dërguar
KQZ-së. Është vënë re se disa kryetarë të njësive
vendore jashtë afateve të përcaktuara nga ligji dhe
nga vendimi i KQZ kanë filluar të shtojnë qendra
votimi. Ligji ka përcaktuar qartë se procesi i ndarjes
së qendrave të votimit apo i bashkimit të tyre, mbaron
në përgatitjen e listës paraprake të zgjedhësve,”
vijoi më tej Celibashi.


Mediu në Cërrik: Votoni në mazhoritar kandidatin e PD

Kryetari i Partisë Republikane, Fatmir Mediu, vijoi
ditën e djeshme turin elektoral në qytetin e Cerrikut
dhe më pas në Elbasan ku u bëri thirrje votuesve që të
votojnë në mazhoritar për Mehmet Ibajn dhe në
proporcional për Partinë Republikane. Gjatë takimeve
të zhvilluara në “Ptoleme Xhuvani” në Cërrik dhe në
Teatrin ‘Skampa’ në Elbasan ai u shpreh se: “3 korriku
është një datë e rëndësishme në jetën e politikës
shqiptare. Nëse në vitin 1992 shqiptarët përmes PD-së
dhe PR-së së bashku u ndanë nga sistemi i një
diktature komuniste që rëndoi mbi shqiptarët për 45
vjet, më 2005 shqiptarët do t’i japin fund sistemit të
krimit dhe korrupsionit të mbështetur nga trafiqet dhe
monopolet e klikës së Fatos Nanos”. Duke vijuar më tej
kreu republikan u shpreh se “Për PS-në dhe Fatos Nanon
cerrikasit dhe elbasanasit janë thjesht numra votimi
për interesat e tyre që janë interesat e krimit dhe
trafiqeve, monopolizimit të gjithçkaje dhe të lënies
së shqiptarëve në varfëri, në humbjen e shpresës, se
ashtu do t’i lodhë dhe do të thyejë më mirë Fatos Nano
të gjithë shqiptarët e varfër e të papunë”. Mediu u
shpreh se nano ka frikë nga ndryshimi, sepse do t’i
prishen monopolet dhe jo për të ardhmen e Shqipërisë.
“Fatos Nano u bën thirrje shqiptarëve që të kenë frikë
nga ndryshimi i qeverisjes, sepse kjo sjell Berishën
në pushtet. Por unë them se ai dhe klika e tij
qeverisëse e shohin ndryshimin si rrezik për veten e
tyre dhe njerëzit e krimit me të cilët ai është i
lidhur, si rrezik për prishjen e monopoleve dhe të
trafiqeve të tij dhe të qeveritarëve të tij, e shohin
ndryshimin si rrezik për shkëputjen e shqiptarëve nga
varfëria dhe papunësia, shkëputjen e shqiptarëve nga
rryshfetet në miliarda dollarë që taksapaguesit i
paguajnë sistemit të korrupsionit socialist, si plagë
që kanë hapur aq shumë hendeqe mes jetës së zymtë dhe
shpresës për integrim europian”. Duke folur para
simpatizantëve të Cerrikut, Mediu u shpreh se:
“Cerriku ka nevojë për një doktor që t’i shërojë
plagët qytetarëve të tij dhe ky njeri është doktori
Mehmeti Ibaj, kandidati i PD që do të jetë edhe
kandidati i fitores më 3 korrik”, përfundoi ai.


LSI, Meta: Ndriçim Hysa, një njeri pa vlera

Kryetari i Lëvizjes Socialiste për Integrim, Ilir Meta
vijoi ditën e djeshme turin e tij elektoral në qytetin
e Belshit ku prezantoi kandidatin Ramazan Hysa, i cili
do të jetë përballë Ndriçim Hysës së PS-së dhe Bexhet
Uruçit të PD-së. Meta tha se LSI do të synojë të heqë
nga qeverisja njerëzit e korruptuar dhe të shpëtojë
Dumrenë nga mafia e Ndriçim Hysës. Ai akuzoi
kandidatin socialist duke thënë se: “Ka ardhur koha që
më 3 korrik Dumreja t’i japë fund privatizmit të saj
nga një njeri pa vlera shoqërore dhe njerëzore. Çim
Hysa është një njeri edhe pa vlera politike. Ai nuk ka
bindje politike, sepse kur ishte Nano kryeministër,
ishte me Nanon, kur u bë Majko, ishte me Majkon, kur u
bëra unë kryeministër, çfarë nuk bënte Ndriçimi”, u
shpreh Meta.


KOMENTI

Të dielën me INDRO MONTANELLI-n * Letra & Editorial

Për një grumbull me eshtna

Sovjetikët rrëzojnë një Boeing 747 koreanojugor,
ndërsa po udhëtonte drejt Tokios. Asnjë pasagjer nuk
shpëton. Moska justifikohet duke këmbëngulur se Jumbo
po fluturonte mbi hapësirën ajrore të BRSS.

X X X

Kur nuk e konsideronte veten protagonist - gjë që
ndodhte rrallë – konti Sforca ishte një evokues i
mahnitshëm kujtimesh dhe anekdotash. Dhe një ditë më
tregonte për marrëdhëniet e tij me Wiscinski-n, kur
ky, si përfaqësues i Konferencës Ndëraleate, vinte në
Romën e sapo çliruar prej gjermanëve për t’i dhënë një
mbështetje shokut Togliatti. Wiscinski ishte një ish
menshevik që i kishte shpëtuar skuadrës së
pushkatimit të bolshevikëve, duke u bërë akuzuesi më
i pamëshirshëm publik në proceset kundër shokëve të
tij të vjetër: bënte karrierë duke i radhitur të
gjithë për mur. Me paparagjykueshmërinë dhe
gatishmërinë e tij ndaj çdo loje që sendërtohej, ai e
kuptoi shpejt skenarin italian, dhe vepronte me zotësi
të madhe. Mirëpo, një ditë ai nxitoi të shkonte me
padurim për te Sforca. “Po çfarë njerëzish janë”, -i
thotë – “këta kolegët tuaj të Qeverisë? Nuk bëjnë gjë
tjetër veçse të më mërzisim për historinë e ushtarëve
italianë të humbur në Rusi. A thue se nuk ka gjëra pak
më të rëndësishme për të folur. Dhe tash marr vesht se
këta të humbur janë gjithsejt, njëqindmijë.
Njëqindmijë. Gjithë këto historina për njëqindmijë
njerëz!”.
Ka shumë mundësi që kundërveprimi i jerarkëve
sovjetikë, përballë britmës së tmerrit që është
ngritur në gjithë botën jokomuniste për rrëzimin e
Jumbos koreanojugur, të mos jetë i ndryshëm nga ai i
Wiscinski-t. Duket që janë befasuar nga kjo revoltë.
Dhe janë të befasuar që nuk mund t’i referohen
ngjarjes, sepse prej interceptimeve të radios del
krejt qartë se rrëzuesi nuk ka vepruar në krye të vet.
T’ia hedhësh përgjegjësinë bazës për, nëse duhej të
lëshonte apo jo raketën, është pak e besueshme që kjo
bazë ta ketë marrë këte përgjegjësi pa u urdhëruar
prej krerëve të sallës së butonove. Të cilët nuk janë
marrë aspak me faktin nëse një Jumbo mund të përmbajë
apo jo, treqind njerëz, sepse për ta nuk ia vlen të
bësh gjithë këte histori për treqind njerëz . E pra,
në vend të vetë “historive”, është kjo e fundit që të
çudit. Sinqerisht. Si Wiscinski-n.
Më shumë se sa nga e dhëna politike apo teknike, besoj
se duhet të nisemi nga kjo e dhënë njerëzore për të
kuptuar ate që ka ndodhë, dhe se si mund të ketë
ndodhë. Dhe besoj se kjo është ajo që ia vlen të
vlerësojmë për marrëdhëniet – na pëlqen apo nuk na
pëlqen – që do të na duhej të vazhdonim të kishim për
t’u marrë vesht me sovjetikët. Duhet të bindemi një
herë e mirë: ata janë krejt “tjerë”, me të cilët ne
nuk kemi të përbashkët as dhe sensin e fjalëve.
Pikërisht sot, në faqen e tretë të kësaj gazete, është
një shkrim i Renato Mielit, i cili falë militimit e
tij të gjatë në Partinë Komuniste në pozicione
delikate, madje dhe të përgjegjësive të larta, për
këto gjëra di se ç’thotë; dhe që duke recensuar një
studim mbi Adriano Guerra-n, specialist i lartë, sot e
kësaj dite militant edhe ai, jep disa shembuj të
mosmarrunit vesht, edhe nga ana leksikore, midis nesh
dhe atyre. Për të kuptuar domethënien që ata i japin
fjalës “demokraci”, mjafton të shohësh se si e kanë
zbatuar ate në të ashtuquajturat “demokraci popullore”
të tyre të Lindjes. Dhe këte e dijnë të gjithë. Po
ashtu e dijmë se kur ekspertët perëndimorë dhe rusë
mblidhen përreth një tryeze për të folur për sigurinë
dhe “kërcënimet”, ata kanë nëpërmend gjëra krejt të
tjera prej njërit te tjetri. Madje, në fjalorin rus,
termi “kërcënim” nuk ekziston. Në vend të tij ka një
tjetër që i përshtatet fjalës sonë “frikësim”. Për
sovjetikët siguria është kjo: një marrëdhënie force që
të lejon të frikësosh këdo. Dhe kjo është paqja që
marrin me mend ata kur thërrasin, dhe bëjnë të
thërrasin shërbëtorët e tyre të çmendur të Perëndimit:
“Paqë!”
Ndërkaq, flasin për “të drejtat njerëzore”. Lodruesi
Carter besonte se kishte arritur kushedi se çfarë
suksesi, kur i ka rrëmbyer një firmë Brezhnjevit mbi
të famshmen “Kartë e Helsinkit”, që sanksiononte mu
këto të drejta njerëzore. Nuk e merrte me mend se
midis të drejtave njerëzore, sovjetikët do të
përfshinin edhe këte të rrëzimit të një Jumboje të
paqtë, i cili rastësisht kishte kaluar në kufijtë e
qiejve të tyre. Nëse ne themi “Çfarë të keqe ka të
kalosh kufirin”, ata përgjigjen: “Çfarë të keqe ka ta
rrëzosh?”. Ky është tipi i “dialogut” që tash
gjashtëdhjetë vjet “ecën përpara” midis nesh dhe
atyre. E, natyrisht që nuk do të ndryshojë as në
rastin e rrëzimit të Jumbos. Spjegimet që sovjetikët
japin për çka ngjau, janë të trasha, sepse ata nuk e
prisnin që do të duhej t’i jepnin. Kuptojeni. Ata e
kanë fjalën thjesht për një grumbull eshtnash!
Janë, ose – po të parapëlqeni – jemi të ndryshëm.
“Ngacmojeni një rus, - thoshte Clemanceau, - dhe do
t’iu çojë në ferr”. Gabim: nuk ia vlen aspak që të
ngacmosh.
3 shtator 1983


Fëmijët e punësuar nga Fatos Nano

Rexhep Shahu

Para mëse dy muajsh, organizata Mjaft solli Andis
Harasanin në Kukës në takim me kuksianët qytetarë e
pushtetarë për të pohuar organizatën Mjaft, që u bëri
thirrje kuksianëve edhe ajo “paguani që ta keni” dhe
për të nxjerrë pak kunj me kuksianët që për 7 vitet e
fundit kanë jetuar për çdo 24 orësh me 11.5 orë pa
energji elektrike dhe të ndëshkuar nga fatura afërfajt
prej 47 dollarësh, kuksianët, në arat e të cilëve
prodhohet energjia elektrike për gjithë vendin tonë
dhe jetojnë në mjerim e skamje sa për të gjithë
shqiptarët.
Në atë takim, e mora fjalën dhe i thashë Harasanit se
na terrorizuat me një reklamë të poshtër televizive ku
thuhet “të barazojmë koston me tarifat”. Ujin na e jep
falë Zoti, hidrocentralin na e la koha e komunizmit,
shtyllat e tensionit të lartë i kemi që nga ajo kohë,
ndaj nuk e di se për çfarë kostoje flet KESH-i.
Harasani, që edhe në qëndrim, edhe në pirjen e
cigares, edhe në fjalët që fliste, në ton, ritëm,
sintaksë e diksion, imitonte shëmtueshëm Nanon dhe
dilte kopje e zbehtë e tij, më tha “ më mirë mos e
shih atë reklamë televizive...”.
Por tash më e neveritshme na ka dalë një reklamë
tjetër, më vrasëse, më tallëse. Reklama FAKT e Nanos
si KESH-i i Harasanit.
Në fakt unë sot po dal me këtë artikull për të
ilustruar një thënie të FAKT-it të Nanos. Ai thotë se
Fatos Nano e PS-ja ka çelur 100 mijë vende pune.
Në këtë foto, të bëra në aksin e udhës Fushë - Arëz –
Kukës, tregohet se si i ka punësuar edhe fëmijët Fatos
Nano e Partia Socialiste. Fëmijët në orën 12 të drekës
e deri në terr janë në punë në anë të udhës. Presin të
vije ndokush nëpër atë udhë e të shesin ndonjë gjë. Të
shesin ndonjë varg apo pjatë me qershia. Fëmijët
presin se a mos kalon Nano andej pari dhe ua blen
ndonjë varg qershia. Por të gjorët fëmijë të Kukësit
nuk e dinë se Nano nuk udhëton për Kukës me makinë,
sepse Nano ka plot helikopterë të shtetit dhe të
Xhoit. Fëmijët presin se mos andej pari kalon ndonjë
ministër apo shtetar i zyrave të Tiranës.
Nuk do t’i shkruaj emrat e fëmijëve. Sepse kam droje
se i vras edhe unë siç po i vret përditë Fatos Nano e
Partia Socialiste. Kam frikë se mos më keqkuptojnë
prindërit e tyre. Kam frikë dhe dhimbje të thellë. Ata
janë në moshën e shkollës. Por ai më i vogli, ai është
në klasë të dytë dhe del me shitë qershia krejt i
zbathur, O KREJT I ZBATHUR!!!, pranë kolibes së tij,
që ia ka ndërtuar i ati i tij me gjethe, i ati që nuk
mundet me dalë në rrugë të madhe me shitë qershia
vetë, sepse ka njëmijë punë të tjera me rritë 7
fëmijët që ka. I ati që ky vogëlush nuk e di se ku
punon, sepse siç më thanë të tjerët nuk punon askund
por rend gjithandej udhëve kush po e thërret për noj
punë...
Ata fëmijë duhet të jenë pranë librave. Në mos, pranë
televizionit duke parë kukulla, sepse këto ditë të
fushatës elektorale Fatos Nano e PS-ja na kanë
furnizuar 24 orë me energji elektrike.
Por fëmijët e Kukësit, ata që bëjnë pjesë në 100 mijë
të punësuarit në biznese private nga Partia Socialiste
e Fatos Nano, duhet të jenë në punë për të siguruar
miellin, sapunin, vajin, pantallona apo këpucë e
sandale të plastikta për veten e tyre. Sepse s’ka kush
ua siguron. Prindërit që s’i ka punësuar Fatos Nano
s’munden t’ua sigurojnë e plotësojnë nevojat. Atëhere
Fatos Nano e PS-ja kanë punësuar fëmijët e Kukësit që
të punojnë për prindërit e tyre dhe të mbajnë
prindërit e tyre të papunë.
Fëmija 8 vjeç që është në foto vetëm, me pjatën e
qershiave në dorë drejtuar nga kalimtarët e mundshëm,
që nuk e din se a punon e se ku punon i ati i tij, që
mes gishtave të këmbëve të skuqura krejt të zbathura i
ka hyrë skorje që është e përzier me zhavor anash
udhës, skuqet kur e pyes i kujt je e çfarë klase je.
Pafajësisht më tregon gjithçka. Dridhem kur mësoj për
jetën e fatin e tij. Këta fëmjë, që janë shumë më
vitalë e fisnikë se fëmijët e çdo politikani, se
fëmijët e Nanos e të Xhoanës e të çdo Nanoje e Xhoane,
ndoshta nesër do të jenë biznesmenët e ardhshëm
fëmijërivrarë nga Fatos Nano e Partia Socialiste.
Pak më larg këtij fëmije që është vetëm në fotografi,
këtij fëmije që do të doja ta bëja zog me krahë e ta
ulja në supin e Nanos nëpër mitingje kur me rrenat që
llomotit vret qindra e mijëra ëndrra fëmijësh
shqiptarë, mijëra fëmijëri shqiptarësh, pak më larg
hasa në një grup fëmijësh më të rritur. Ndryshe nga
fëmija 8 vjeç që rrinte në këmbë anash udhës e nuk
sulej drejt makinës, ky grup fëmijësh më të rritur
desh hynë nën gomat e makinës. Ndala. Nuk munda të
bleja më qershia...
Piktori i madh Pikaso kishte bërë një pikturë të një
qyteti të rrënuar. Shkojnë ta shohin pikturën ca
autoritete të larta naziste, - po më tregonte një ditë
piktori i Ramazan Memishi. - Njëri nga ata që shihte
pikturën e qytetit jetëshuar e pyeti Pikason, - e
juaja është kjo vepër? - Pikasoja i përgjigjet: - Jo,
kjo është vepra juaj...
Edhe unë po them se këto fotografi, këto jetë fëmijësh
shqiptarë, këta fëmijë fëmijërivrarë, kjo pikturë, kjo
panoramë, këto vepra, janë vepër e Fatos Nanos dhe
Partisë Socialiste. Dhe kjo është vetëm një fragment
nga jeta e fëmijëve shqiptarë fëmijërivrarë të
punësuar nga Fatos Nano e PS-ja.


--

[Iliriani]

Brar

Vendos dote ate editorialin e temes per debatin nano-berisha

me qe pashe shkrimet e mesiperme.

ME TE MIRA