Një tjetër vrasje mafioze në Durrës

[Brari]

Shume interesante...


shekulli shkruan:

--

Viktima s’kishte pak ditë që kishte dalë nga burgu. Policia: Heqimi dyshohej se ishte marrë me trafik droge dhe prostitucioni

Fier, vritet në pritë 30- vjeçari i sapoliruar nga burgu

Fier, Rivelino Heqimi u ekzekutua dje në mbrëmje nga persona ende të paidentifikuar

V. Muçaj

FIER- Ekzekutohet një 30- vjeçar, i cili kishte vetëm pak ditë që kishte dalë nga burgu. Ngjarja ndodhi në orët e vona të ditës së djeshme, në qytetin e Fierit. Burime të policisë thanë për gazetën se Rivelino Heqimi, 30 vjeç, u ekzekutua në mbrëmjen e djeshme, me armë zjarri, nga persona ende të panjohur. Mendohet se në këtë krim ka marrë pjesë më shumë se një person. Policia tha se 30-vjeçari dyshohet të jetë ekzektuar me armë zjarri pistoletë, pasi në vendngjarje u gjet një e tillë. Shefi i komisariatit të Fierit, Naun Doko, i pyetur nga gazeta lidhur me rrethanat dhe motivet e këtij krimi nuk dha asnjë detaj. “Jemi duke hetuar”, bëri të ditur Doko. Burimet thanë se po punohet në pistën e një hakmarrjeje të mundshme, por edhe në atë të larjes së hesapeve.

Krimi
Ka qenë ora 21:30 e ditës së djeshme kur Rivelino Heqimi, 30 vjeç, është qëlluar për vdekje nga persona ende të panjohur. Burime të policisë që shkuan në vendngjarje thanë për gazetën se krimi ka ndodhur në një parking në lagjen “Liri”, në hyrje të qytetit të Fierit, kur vjen nga Tirana. Viktima, sipas informacioneve të marra në vendngjarje, që u referohet policia, sapo kishte parkuar makinën dhe po i drejtohej shtëpisë së tij, kur është qëlluar me armë zjarri. Sipas hetimeve të para mendohet se 30-vjeçari është qëlluar nga një largësi jo më shumë se 3 metra. Ai ka gjetur vdekjen e menjëhershme për shkak të dy plumbave që ka marrë në kokë.

Policia
Në vendngjarje kanë shkuar forca të shumta të policisë dhe një grup ekspertësh, të cilët kanë nisur hetimet intensive lidhur me këtë ngjarje. Policia tha se gjeti jo shumë larg vendit të ngjarjes një pistoletë tip TT, ndërsa pranë trupit të viktimës 2 gëzhoja pistolete, të cilat janë sekuestruar në cilësinë e provës materiale. Burime të komisariatit të Fierit, megjithëse të rezervuara, thanë se viktima ishte i skeduar nga policia. Ai dyshohej se ishte marrë me trafik prostitucioni madje dhe droge, ndaj dhe policia po heton në disa pista lidhur me vrasjen e tij. Burimet bënë të ditur se 30-vjeçari Heqimi sapo kishte dalë nga burgu i Rrogozhinës, ku kishte kryer dënimin për vrasjen e një shtetasi nga Fieri.




13/06/2005


-------

Dy llafe..




Pra i denuar per nje Vrasje ka qene Rivelinua.. po nuk besonet se eshte fjala per vrasje derrash te eger ne shkurret e Cakranit apo kapje ngjalash pa leje ne Hoxhare..
rIVELINUA KA VRARE NJE NJERI .. SIPAS GJYKATES.. POR EDHE SHUM FAMILJE I KA VRARE ..SEPSE SIPAS KODIT GENETIK SHQIPTAR.. NJE FAMILJE TE CILES I ESHTE TUTORO-PROSTITUAR E BIJA.. ajo Familje ka vdekur.. sepse asnje baba nene apo vlla nuk merr me frym i lire mbas tragjedive qe shkaktojne Rivelinot e Mandejlat..
Por megjithse i ka bere keto vrasje ky maskara ai perseri edhe ne prag votimesh lihet i lire..
Pse valle tani e mbushi ai denimin tahmëm tre jave para votimeve?
Pse aq lehte u mbushkan vitet e burgut per nje Vrases qe ka vrare NJEREZ.. ?

Po kush i ka ne dore stilo lapsat e vulat e mafiozit minister Xhafa Fatmirm.uti i drejtesise nga varen Burgjet.. ?
Po vulat e punet e Sallak Prokurorit e Moisi trapit qe lirojne Vrases ne prag Votimesh?

Nanua..i plot tere fuqishmi i Shqipopleherise..

Pra rastesia qe Rivelinua ka pasur nje trim qe ja ka zbraz kallashin ..e mir ja ka bere.. behet shkak qe te dal ne gazete (se ndryshe kjo poshtersi e lirimit te banditeve ne prag Votimesh do mbetej sekret) .. na zbulon se cpo ben PS ne Pushtet kto dite qe tribunave thot..behuni me ne se ne bejm Paqe e Begati e lumturi..
Kjo karak.urve 65 vjecare pra PPSH-PS-ja liron Banditet qe.. ushtria e banditeve te terrorizoje te mjeret qe duan te ndryshojne fytyren e Shtetit dhe te tyren..

Sa te tmerrshem jan more..
ARapo Shyto - Imeldat..e albenc Agot i cojne ne Brukselave.. .. e Rivelinot i nxjerrin nga hauri te na vrasin neve jasht e brenda qe duam.. nje Shqiperi me te mire..

rrac e poshter paskan qene..

Te lumt pushka o Firaku qe e palose zagarin e Nanos e Igell Tosk Petro Kocave..



Se ndryshe skishim marre vesh gjë..

[Antimafia]

Brari

Ajo pushka qe vrau kete zagarin, mund te jete shkrepur nga ushtaret e Nanos.

Ne qofte se ky plehra do mbetej ne burg, mbas1 viti mund te ndodhte qe te jepte ndonje informacion mbi pronaret e qindra kilogrameve heroine.

Nano nuk eshte i cmendur, qe te rrezikoj veten per krimba te tille.
Me tradhton - s'me tradhton. Di gje per mua, apo s'di gje.

I fut plumbin dhe eshte i sigurte 100%, qe edhe po te ket ditur gje, nuk do e tradhtoj.


-------------------------

Berisha nuk ka pse i fut ne burg Nanon, Dukat, Kokat, Finot etj.

Arma e konkurenteveve te tyre, po vajiset dhe po behet gati.

Kush rremben shpaten, nga shpata do bjer.


Ameeeeeeeeeeeeeeeeeeeeennnnnnnnnnnnnnnnnnnnnnnnnn

[Brari]

Panorama


--------


vrasja ne plazh

ngjarja

Florian Kulla, pronar i tre motoskafëve, qëllohet me një pistoletë me silenciator


Tmerr në plazh, vritet 28-vjeçari

Krimi në prani të dhjetëra pushuesve në Shkëmbin e Kavajës


Durres
Një person me kapele dhe syze të errëta, që mbante në dorë një peshqir banje, nuk u ka bërë përshtypje pushuesve të shumtë në Shkëmbin e Kavajës.

Ai ka mundur të afrohet pas shpinës së 28-vjeçarit dhe të largohet i qetë, sepse krismat e pistoletës me silenciator nuk i ka dëgjuar askush. Pronari i tre skafeve-shëtitës për pushuesit, ka rënë mbi shezlonin e gjelbër, ku ishte shtrirë. Dhjetëra plazhistë kanë dhënë alarmin vetëm kur gjaku ka mbuluar rërën. Ekzekutimi perfekt është bërë në mes të ditës, në pikun e fluksit të pushuesve nga Durrësi, Tirana dhe vendet të tjera. Viktimë e këtij krimi ka mbetur 28-vjeçari Florian Kulla, baba i tre fëmijëve. Qindra pushues, të ndodhur në vijën bregdetare pranë “Shkëmbit të Kavajës”, kanë qenë dëshmitarë të një skene të tmerrshme, që më pas ka mbjellë panik jashtëzakonisht të madh. Autori i vrasjes, pasi ka qëlluar, është larguar përgjatë vijës bregdetare, ku e priste një automjet në një distancë rreth 200 metra.

Ngjarja
Gjithçka ka ndodhur rreth mesditës së djeshme, përpara hotel “Besani”. Megjithëse dita e djeshme është karakterizuar nga një mot me erë të lehtë, plazhit te Shkëmbi i Kavajës dhe në gjithë vijën bregdetare të Durrësit nuk i kanë munguar pushuesit. Të gjithë hotelet përgjatë vijës bregdetare kishin nxjerrë shezlonet dhe pjesa më e madhe e tyre ishte zënë nga pushuesit. Në cepin e majtë të rreshtit të parë të shezloneve, përpara hotel “Besani” në një me ngjyrë të gjelbër të shkëputur disi nga pjesa tjetër, prej disa orësh pushonte i riu Florian Kulla. Ai ishte pronar i tre skafeve të vegjël shëtitës, të cilët i jepte me qira për pushuesit, që kërkonin t’i shfrytëzonin për shëtitje në det. Sipas dëshmitarëve okularë, gjatë paradites së djeshme ai ka qenë i qetë dhe është ngritur nga shezloni i tij vetëm për t’iu përgjigjur kërkesave të disa të interesuarve për shëtitje me skaf. Shezloni ku pushonte viktima Kulla ishte në pozicion gjysmë të ngritur te pjesa e kokës. Ata kanë thënë se ai qëndronte gjithmonë në këtë pozicion për të kontrolluar në çdo moment dy skafet e tij, që ishin ankoruar në cekëtinën bregdetare, në pritje të ndonjë kërkese për shëtitje. Rreth mesditës i është afruar dikush nga pjesa e pasme e shezlonit, që mendohet të ketë hyrë nga rruga nacionale. Ai është afruar te shezloni dhe e ka qëlluar Kullën në kokë me një pistoletë me silenciator. Të paktë kanë qenë personat që e kanë vënë re në momentet e para se çfarë kishte ndodhur. Ata që kanë qenë duke pushuar fare pranë viktimës, kanë parë që menjëherë pas largimit të personit i cili iu afrua Kullës, nga koka e tij filloi të rridhte gjak. Kulla ka tentuar të ngrihet menjëherë pas goditjes, pastaj e kanë lënë forcat, duke e mbështetur kokën në anën e majtë të shezlonit dhe gjaku ka filluar të bjerë në rërë. Në këtë kohë, pushuesit e tjerë e kanë kuptuar çfarë kishte ndodhur dhe kanë dhënë alarmin. Pothuajse i gjithë bregu i detit është zbrazur brenda disa minutave dhe të gjithë pushuesit të terrorizuar kanë nxituar të futen në banesat apo automjetet e tyre. Pas dhënies së alarmit, në vendngjarje kanë mbërritur disa shokë të Florianit, për t’i dhënë atij ndihmën e parë. Ata e kanë transportuar menjëherë në hollin e hotel “Besani”, i cili gjendej vetëm 50 metra larg vendngjarjes. Por Kulla ka dhënë shpirt shumë shpejt. Dhjetë minuta më vonë nga momenti i vrasjes, në vendngjarje ka mbërritur policia. Kufoma u çua menjëherë në morgun e spitalit të Durrësit për të bërë ekzaminimet e nevojshme mjekësore.

Plani perfekt i ekzekutimit
Pasi ka derdhur tre plumbat në pjesën e prapme të kokës së Kullës autori është larguar menjëherë me një automjet “Audi”, me targa të huaja, që e priste rreth 200 metra larg vendngjarjes, në brezin e rërës, përpara të gjithë pushuesve. Shumë pushues që gjendeshin aty e kanë parë njeriun me syze të errëta dhe kapele, që ka nxituar të hipë në automjet, duke mbështjellë gjatë rrugës me një peshqir banje diçka që mbante në dorë. Askujt nuk i ka shkuar mendja në moment që ai sapo kishte qëlluar në mes të qindra pushuesve, duke lënë të vdekur një njeri. Sapo autori ka hipur në automjet, drejtuesi i tij është nisur me një shpejtësi marramendëse dhe ka marrë një rrugë midis hoteleve, në buzë të një kanali ujërash të zeza, që ndodhet aty afër, për të dalë në rrugën nacionale. Shumë afër rrugës, automjetit ku hipi autori i vrasjes i është vënë flaka, duke realizuar një djegie të shpejtë brenda pak minutave, ndërsa autorët janë larguar me një mjet tjetër që po i priste. Policia që ka mbërritur menjëherë në vendngjarje nuk ka mundur ta shpëtojë automjetin në flakë nga djegia e shpejtë.



Tri javë më parë u kthye nga Italia
Florian Kulla, me shumë biznese në Tiranë e Durrës

Viktima 28-vjeçar është baba i tre fëmijëve. Florian Kulla ka lindur në një fshat afër Ishmit në Durrës. Prej vitesh, familja e tij jeton në Tiranë. Kulla, prej afro dhjetë vitesh, ka jetuar në vende të ndryshme të Evropës, sidomos në Itali. Përveç banesës në Tiranë mësohet se ai ka në pronësi një vilë në Golem, një banesë tjetër mbrapa hotelit ku ndodhi vrasja, një dyqan në Durrës, një tjetër në Tiranë dhe disa aktivitete dhe prona të tjera me aktivitet tregtar dhe të shërbimit. Pikërisht pranë vendngjarjes, te Shkëmbi i Kavajës, kishte sjellë për të banuar përpara pak kohësh të atin. Vetëm përpara tre javësh ishte kthyer nga Italia dhe kishte sjellë me vete tre skafet, që i kishte vënë në shërbim të pushuesve. Mësohet se shumicën e kohës e kalonte jashtë shtetit dhe vinte rrallë në Shqipëri. Sipas konfirmimeve zyrtare të policisë së Durrësit ishte person pa precedent penal në Shqipëri.

--

vrasja ne plazh
hetimi

interviste/ Flet dëshmitarja okulare: M’u duk sikur u plas ndonjë qese patatinash


“Floriani u qëllua një metër para meje”

Pushuesja përshkruan autorin me kapele dhe syze të errëta


Ana Xheka / Durres
Matilda Mëhilli ka qenë duke pushuar jo më larg se një metër nga Floriani, ndaj të cilit u derdhën tre plumba me silenciator. Ajo ka dëgjuar një zhurmë “sikur çan një qese patatinash”, siç shprehet ajo, por nuk i ka dhënë rëndësi, sepse ka menduar se ka qenë ndonjë fëmijë që luan aty afër.

Kur ka parë gjakun e fqinjit të saj që rridhte mbi shezlon, ka kuptuar se diçka e rëndë kishte ndodhur shumë afër saj.

A mund të përshkruani momentin kur ndodhi vrasja?
Unë isha e vetme në çadër, pasi mami dhe vëllai ishin futur në det. Sapo kisha dalë nga deti dhe po merrja rrezet e para të diellit për t’u tharë. Shezloni im ishte shumë afër atij të Florianit. Mund të them se ndodhesha direkt pas tij. Nuk di se nga erdhi, por mbaj mend që pashë mbrapa tij një njeri me kapele. Nuk i kushtova rëndësi, pasi mendova se do të jetë ndonjë kalimtar i rastit apo dikush që do të pyesë për çmimin e skafit, pasi që nga koha që ne kemi ardhur këtu, kjo gjë ishte e zakonshme në bisedat e të tjerëve me Florianin. Ajo që them me siguri është se njeriu me kapele nuk kaloi përpara meje. Pra mund të ketë ardhur nga pjesa e pasme, nga rruga nacionale.

Vutë re ndonjë shenjë të veçantë?
Nuk i kushtova rëndësi prezencës së atij njeriu. Nuk kishte kaluar as një minutë, kur dëgjova një zhurmë sikur çahet një qese bosh patatinash. Ktheva kokën nga erdhi zhurma, pra te shezloni i Florianit, por nuk pashë asgjë të dyshimtë për momentin dhe mendova se do të kishte qenë ndonjë fëmijë aty afër. Shtriva kokën dhe instinktivisht e ngrita sërish, duke kërkuar me sy fëmijën që kishte çarë “qesen e patatinave”. Në këtë moment pashë që Floriani tentoi të ngrihej, duke u kapur te çadra që kishte afër dhe nga koka e tij rridhte një curril gjaku.
Njëkohësisht, përpara këmbëve të mia nxitonte njeriu me kapele, duke mbështjellë diçka të zezë me një peshqir që e kishte në dorë. Për momentin u trondita. Hedh sytë sërish nga Floriani dhe shoh që ai ishte ulur prapë në shezlon, kishte mbështetur kokën në anën e majtë të tij dhe kishte vendosur dorën përpara fytyrës, si për të mbajtur kokën që po i këputej nga dhimbja. Gjaku kishte lagur shezlonin dhe kullonte mbi rërë.

Çfarë mbani mend nga portreti i njeriut që qëlloi Florianin?
Kishte vënë një kapele sportive të zezë me strehë të gjatë. Ishte i hollë dhe i gjatë. Nuk mbaj mend t’i dukeshin flokët në asnjë anë të kapelës, kështu që nuk kam fiksuar ngjyrën e tyre. Përveç kapelës, kishte një palë syze të errëta të mëdha. Kishte mustaqe të mëdha, që i mbulonin pjesën tjetër të fytyrës. Mënyra sesi ishte sajuar të linte shumë pak mundësi ta përfytyroje portretin e tij. Kujtoj që kishte veshur një palë pantallona të shkurtra, deri te gjunjët me ngjyrë të zezë. Pantallonat i kam fiksuar shumë mirë se më kaloi përpara syve. Në pjesën e sipërme të trupit mbante veshur një bluzë ngjyrë hiri, të thjeshtë. Kam fiksuar shumë mirë peshqirin e banjës me disa ngjyra, me të cilin duke nxituar ai mbështillte diçka të zezë.

A arritët të dëgjoni ndonjë bisedë midis autorit dhe viktimës?
Nuk dëgjova absolutisht asgjë dhe mendoj që midis tyre nuk pati ndonjë bisedë, të paktën me zë të lartë, sa të kisha arritur ta dëgjoja unë që isha rreth 1 metër më larg. Them se ai thjesht e ka qëlluar dhe ka ikur.



Policia: Vrasja, për shkak të ndonjë konflikti interesi

DURRES - Florian Kulla kishte vetëm tri javë që ishte kthyer nga Italia. Herën e fundit ai kishte marrë me vete dhe 3 skafet e vegjël, që po i shfrytëzonte në brigjet e Adriatikut. Jeta e tij jashtë ka hedhur dyshimet se mes 28-vjeçarit dhe autorëve të vrasjes të ketë pasur konflikte të lindura për ndonjë çështje interesi. Vrasja e Kullës është cilësuar nga Policia e Durrësit tepër të rëndë dhe ajo është angazhuar totalisht për ta zbardhur. Shumë forca policie dhe grupe hetimore kanë punuar gjatë ditës së djeshme, për të hedhur dritë mbi shkaqet dhe autorësinë e kësaj vrasjeje mafioze. Plani i veprimit të autorëve të vrasjes, të cilët mendohet të jenë më shumë se dy, konsiderohet i realizuar në një mënyrë perfekte dhe shumë të vështirë për t’u zbardhur. Sipas policisë, djegia e automjetit me të cilin autori u largua nga vendi i ngjarjes dhe lëvizja e mëtejshme e grupit me një tjetër makinë, që nuk u vu re nga askush, e vështirëson pistën e hetimit. Është evidentuar numri i shasisë dhe targa e automjetit të djegur, por deri në momentet e fundit ato nuk korrespondojnë me asnjë automjet të regjistruar, që ka hyrë në Shqipëri. Sipas hetimit është shumë e mundshme që targat të jenë marrë në ndonjë varrezë automjetesh apo diku në ndonjë shtet tjetër, për t’u përdoruar pikërisht në funksion të humbjes së gjurmëve të vrasësve. Aktualisht po hetohet në disa pista, ndër të cilat më e mundshmja është ajo e larjes së hesapeve midis grupeve rivale. Shumë nga të njohurit e Florianit kanë deklaruar për gazetën se një ditë më parë, ai është konfrontuar me njërin prej të punësuarve të tij për menaxhimin e skafeve. Shkak është bërë një kundërshtim i urdhrit të Kullës, për ta lënë njërin prej tre skafeve te Shkëmbi i Kavajës, ku ishin edhe dy të tjerët. I punësuari e ka kundërshtuar, duke e çuar skafin te Currilat. Kjo gjë ka irrituar shumë 28-vjeçarin, i cili ka marrë njërin prej dy skafeve të tjerë dhe e ka ndjekur në det të pabindurin. Në ndjekje e sipër mësohet se skafi që kishte në përdorim i punësuari është përplasur me një pjesë shkëmbi dhe është dëmtuar. Si pasojë, konflikti është acaruar më tej deri në rrahjen me grushte mes dy personave. Ky incident renditet si pista e fundit e shkaqeve të vrasjes nga policia, por megjithatë nuk përjashtohet mundësia që të jetë provokuar pikërisht një ditë më parë nga personat, që kishin organizuar vrasjen. Policia ka shoqëruar shumë njerëz, pushues dhe personel të hotelit, ku ndodhi vrasja apo të njohur të Kullës, por ende nuk ka ndonjë të dhënë të saktë në lidhje me autorin e vrasjes.




...
panorama



.....




Moderator..ndryshoje titullin e Temes..psh... "Vrases qe bredhin te lire" a dicka e tille ose " Vrases me Pagese, profesion fitimprures ne Shqiperi..".




tung