Opozita anti-siriane fiton zgjedhjet në Liban

[Albo]

Raundi i dytë i zgjedhjeve në Liban

Libanezët votojnë sot në raundin e dytë të zgjedhjeve parlamentare.

Këto janë zgjedhjet e para që po zhvillohen pa praninë e trupave siriane në këtë vend gjatë 30 viteve të fundit.

Të djelën e kaluar, kandidatët anti-sirian fituan të gjitha 19 vendet në kryeqytetin, Bejrut, por në këtë raund pritet të fitojnë kandidatët pro- sirian në jug të vendit.

Më shumë se 650 mijë votues pritet të votojnë sot në jugun e vendit, rajon ky që ka qenë i pushtuar pjesërisht nga Izraeli deri para pesë viteve.

Grupi militant islamik, Hesbollah, largoi ushtrinë izraelite nga andej dhe të mbështetur nga Siria ky grup shiit vazhdon të jetë faktor i rëndesishëm në këtë pjesë të vendit si dhe në politiken libaneze në përgjithësi.

[Albo]

Opozita anti-siriane drejt fitores

Aleanca anti-siriane në Liban, e udhëhequr nga Saad al-Hariri duket se ka arritur fitore në raundin e katër dhe të fundit në zgjedhjet parlamentare të vendit, të parat pas 30 vjetësh që zhvillohen pa praninë siriane.

Aleanca pritej që të fitonte shumicë dërrmuese në parlament, por suksesi i kundërshtarëve të tyre kryesorë, gjeneralit Michael Aoun, në raundin e tretë të votimit, e kishte vënë këtë në dyshim.

Rezultatet e plota mbetet ende që të njoftohen zyrtarisht.

Megjithatë, nga tendenca e rezultateve që kanë mbërritur, udhëheqësit e dy fraksioneve kyresore në garë, ranë dakord se lista anti-siriane, e kryesuar nga Saad al-Hariri, po shkonte drejt fitores në veri.

Me këtë fitore të mundshme, ajo do të siguronte shumicën e vendeve në parlament.

Zyrtarët e koalicionit Hariri besojnë se ata kanë për të marrë 28 vende në veri, më shumë nga sa u duhen për të siguruar shumicën në parlament.

Suleiman Franjieh, udhëheqësi i krishterë që drejton në veri koalicionin e Gjen.Michel Aoun, e pranoi se pala e tij po humbiste.

Nëse kjo do të konfirmohet zyrtarisht, do të thotë se koalicioni anti-sirian do ta ketë më të lehtë të plotësojë programin e tij që ai e cilëson si program për shpërbërjen e shtetit policor të ngritur nga sirianët dhe formimin në vend të tij të një administrate të lirë nga influenca siriane.