Diskutim ndermjet muslimaneve

[ORIONI]

Si Amerikanet do ta luftojne Islamin?


Cheryl Benard

Amerikanët reformojnë islamin


Përmbledhja e studimit

Nuk ka dyshim se islami në gjendje tejet të ndezur, thellë është futur në konfliktin e brendshëm dhe të jashtëm lidhur me vlerat, identitetin dhe vendin e vet në botë. Versionet e konfrontuara garojnë për dominim shpirtëror dhe politik. Ky konflikt ka pasoja serioze dhe implikime ekonomike, shoqërore, politike dhe të sigurisë për pjesën tjetër të botës. Në pajtim me këtë, Perëndimi gjithnjë e më shumë përpiqet të pranojë, të kuptojë dhe të ndikojë në rezultatin e kësaj lufte.
Qartë, SHBA-të, bota moderne e industrializuar dhe bashkësia ndërkombëtare në tërësi, e dëshiron botën islame e cila është e bashkuar me pjesën tjetër të botës: demokratike, të qëndrueshme ekonmomikisht, politikisht stabile, shoqërisht progresive – e cila ndjekë rregullat dhe normat e mirësjelljes ndërkombëtare. Ata, po ashtu, dëshirojnë ta pengojnë “konfliktin e qytetërimeve” në të gjitha variantat e tij të mundshme – nga trazirat shoqërore në rritje të shkaktuar me konfliktet ndërmjet pakicave muslimane dhe popujve “autokton” në Perëndim deri te militantizmi në rritje përgjatë botës muslimane dhe konsekuencave të tyre: jostabiliteti dhe terrorizmi.
Për këtë arsye duket e arsyeshme të përkrahen ato elemente brenda islamit të cilët janë më kompaktibile me paqën globale dhe bashkësinë ndërkombëtare dhe të cilët miqësisht janë të përcaktuar ndaj demokracisë dhe modernitetit.
Mirëpo, identifikimi korrekt i këtyre elementeve dhe gjetja e mënyrës më të mirë për bashkëpunim me ta nuk është gjithnjë lehtë.
Kriza momentale e islamit ka dy komponenta thelbësore: prapambeturinë dhe lidhja e humbur me amzën globale. Bota islame tashmë një kohë të gjatë vuan nga prapambeturia dhe pafuqia komparative. Pa sukses janë provuar zgjidhje të shumta sikur janë nacionalizmi, panarabizmi, socializmi arab dhe revolucioni islam. Kjo solli deri te frustrimet dhe mllefi. Njëkohësisht, bota islame ka humbur hapin me kulturën globale botërore, që është gjendje tejet e pakëndshme për të dyja palët. Muslimanët nuk pajtohen në atë se si do të duhej vepruar në situatën konkrete. Ata nuk pajtohen as në atë se si do të duhej të duket shoqëria e tyre në përfundimin e saj. Është e mundur të identifikohen katër pozicione kryesore:
- Fundamentalistët refuzojnë vlerat demokratike dhe kulturën bashkëkohore perëndimore. Ata dëshirojnë shtetin autoritar, puritan, i cili në vepër do ta realizonte perceptimin e tyre ekstrem të të drejtës dhe moralit islam. Ata kanë vullnet t’i përdorin risitë dhe teknologjinë moderne me qëllim të arritjes së këtij synimi;
- Tradicionalistët dëshirojnë shoqëri konservative. Ata janë skeptik ndaj modernitetit, risive dhe ndryshimeve;
- Modernistët dëshirojnë që bota islame të bëhet pjesë e modernitetit global. Ata dëshirojnë ta modernizojnë dhe reformojnë islamin në mënyrë që ta harmonizojnë me kohën bashkëkohore;
- Shekullaristët dëshirojnë që bota islame ta pranojë ndarjen ndërmjet kishës dhe shtetit në mënyrën se si e kanë bërë këtë demokracitë e industrializuara perëndimore të cilat fenë e vendosën në sferën private të jetës;
Grupet e theksuara kanë pozicione qartë të ndryshme në çështjet thelbësore të cilat janë kontestuese në botën bashkëkohore islame, duke nënkuptuar liritë politike dhe individuale, arsimin, pozitën e femrës, drejtësinë penale, legjitimitetin e reformës dhe ndryshimet dhe raportet kundrejt Perëndimit.
Fundamentalistët janë përcaktuar armiqësisht ndaj Perëndimit dhe SHBA-ve veçanërisht, dhe janë të vendosur, në masë të ndryshme, ta provokojnë dhe shkatërrojnë modernitetin demokratik. Përkrahja e tyre nuk është obcion, përveç në fazat kalimtare për arsye taktike. Tradicionalistët përgjithësisht kanë qëndrime më të buta por ekzistojnë dallime të rëndësishme ndërmjet grupeve të ndryshme të tradicionalistëve. Disa janë të afërm me fundamentalistët. Asnjëra palë ndërkaq nuk e pranojnë me gjithë mend demokracinë moderne as kulturën dhe vlerat e modernitetit dhe, në rastin më të mirë, me ta mund të jetohet në paqë të ngarkuar.
Modernistët dhe shekullaristët janë më afër Perëndimit kur janë në pyetje vlerat dhe politikat. Mirëpo, ata përgjithësisht janë në pozicion më të dobët në raport me grupet tjera sepse nuk kanë përkrahje të fuqishme, resurse finansiare, infrastrukturë efektive dhe platformë publike. Shekullaristët, krahas asaj që here-herë nuk janë të pranueshëm si aleatë për shkak të përkatësisë së tyre të përgjithshme, po ashtu kanë problem me komunikim me pjesët tradicionale të dëgjuesve islamë.
Islami tradicionalist besimdrejt përmban elemente demokratike të cilët mund të përdoren në rezistencë kundër islamit rerpresiv, autoritar të fundamentalistëve, por ai nuk është zgjidhja më e mirë për zhvillimin e islamit demokratik. Ky është roli i modernistëve islamikë, efektiviteti i të cilëve, ndërkaq, është i kufizuar me disa faktorë, të cilat ky raport në hollësi i hulumton.
Që ta trimërojnë ndryshimin pozitiv në botën islame në drejtim të demokracisë, modernitetit dhe lidhmërisë më të madhe me rendin bashkëkohor ndërkombëtar botëror. SHBA-të dhe Perëndimi duhet me kujdes ta shqyrtojnë se cilat elemente, kahje dhe forca brenda islamit dëshirojnë t’i forcojnë. Cilat janë synimet dhe vlerat e njëmendëta të aleatëve dhe klientëve të tyre të ndryshëm potencial? Cilat janë pasojat tjera më të mundshme të promovimit të programeve të tyre? Qasja e kombinuar e përbërë prej elementeve vijuese do të jenë sigurisht më frytdhënëse:


1. Të përkrahen modernistët

- Të publikohen dhe distribuohen punimet e tyre me çmim të subvencionuar;
- Të trimërohen të shkruajnë për publikun e gjerë dhe për të rinjtë;
- Të futen mendimet e tyre në planet arsimore të arsimimit islam;
- T’u jepet platformë publike;
- Mendimet dhe gjykimet e tyre për çështjet fundamentale, interpretimet fetare të bëhen të kapshme pët publikun e gjerë duke iu mundësuar atyre të garojnë me fundamentalistët dhe tradicionalistët të cilët kanë web-faqe, shtëpi botuese, shkolla, institute dhe mjete të shumta të ndryshme për përhapjen e ideve të tyre;
- Shekullarizmi dhe modernizmi të promovohen si obcion “kundërkulturor” për rininë e dëshpëruar islamike;
- T’u mundësohet dhe të trimërohet njohja me historinë dhe kulturën e tyre paraislame dhe joislame në mediume dhe me planet arsimore të kulturave relevante;
- Të ndihmohet në zhvillimin e organizatave të pavarura qytetare të cilat do ta promovojnë kulturën qytetare dhe do të sigurojnë hapësirë për qytetarët e rëndomtë që të arsimohen në procesin politik dhe t’i artikulojnë qëndrimet e tyre.


2. Të përkrahen tradicionalistët kundër fundamentalistëve

- Të popullarizohet kritika tradicionaliste ndaj dhunës dhe ekstremizmit fundamentalist dhe të trimërohen mospajtimet ndërmjet tradicionalistëve dhe fundamentalistëve;
- Të pengohen aleancat ndërmjet tradicionalistëve dhe fundamentalistëve;
- Të përkrahet bashkëpunimi ndërmjet modernistëve dhe tradicionalistëve të cilët janë të afërm me modernistët;
- Ku është e përshtatshme të arsimohen tradicionalistët në mënyrë që të aftësohen më mirë për debatat kundër fundamentalistëve. Fundamentalistët shpesh janë më superior në retorik, deri sa tradicionalistët praktikojnë “islamin popullor” politik të paartikuluar. Në regjionet çfarë janë Azia qendrore ata ndoshta duhet edukuar dhe aftësuar në islamin besimdrejt në mënyrë që të mund t’i kundërvihen me sukses fundamentalistëve.
- Të fuqizohet prania dhe profili i modernistëve në institucionet tradicionaliste;
- Të bëhet dallimi ndërmjet sektorëve të ndryshëm të tradicionalizmit. Të trimërohen ata që kanë prirje më të madhe kah modernizmi, siç është shkolla juridike hanefite, kundër të tjerëve. Të trimërohen të japin mendime fetare dhe këto mendime të popullarizohen në mënyrë që të dobësohet autoriteti i qëndrimeve regresive fetare të frymëzuara vehabiste. Kjo është në lidhje me finansimin: paratë vehabiste shkojnë për finansimin e shkollës konservative juridike hanbelite. Kjo më tej ka të bëj me dijen: pjesët më të prapambetura të botës muslimane nuk janë të vetëdijshme për ecjen para në aplikimin dhe interpretimin e të drejtës islame;

- Të trimërohet popullariteti dhe pranimi i sufizmit.

3. Të kundërshtohen dhe pengohen fundamentalistët

- Të kritikohen shpjegimet e tyre të islamit dhe të zbulohen pasaktësitë;
- Të bëhen të ditura lidhjet e tyre me grupet dhe aktivitetet jolegale;
- T’u jepet publicitet pasojave të veprimeve të tyre të dhunshme;
- Të tregohet paaftësia e tyre të sundojnë dhe realizojnë përparim në zhvilimin e vendeve dhe bashkësive të tyre;
- Me këto porosi vaçant t’i drejtohen populates së re, tradicionalistëve të devotshëm, pakicave muslimane në Perëndim dhe femrave;
- Të shmanget tregimi i respektit ose admirimi ndaj dhunës së ekstremistëve dhe terroristëve fundamentalistë. Të tregohen si nervozë dhe frikacakë, e jo si heronjë;
- Të trimërohen çarjet ndër fundamentalistët.


4. Të përkrahen selektivisht shekullaristët

- Të trimërohet ideja për fundamentalizmin si armik i përbashkët dhe të pengohen aleancat e shekullaristëve me forcat antiamerikane në platformë të nacionalizmit, ideologjisë majtiste e të ngjashme;
- Të përkrahet ideja se feja dhe shteti mund të jenë të ndara edhe në islam dhe se kjo nuk e rrezikon besimin por kjo edhe mund ta përforcojë atë. Cilado qasje ose kombinim të zgjidhet, kurse rekomandojmë që kjo të bëhet me kujdes të madh, duke e marrë parasysh barren simbolike të disa çështjeve … .


Përgatiti në gjuhën shqipe: N. Ibrahimi
nexhatipz@hotmail.com

[ORIONI]

Ne kete shkrim jane te lejuar te diskutojne vetem muslimanet.



Tematika per studim.

Jepni pergjigje per secilen pyetje mbasi te lexoni shkrimin.





Pse Amerikanet kerkojne reformojne nje fe qe su perket atyre ?

Pse ato zgjedhin pikerisht grupe sufiste dhe moderniste per bashkepunim dhe i japin atyre ndihma ne luften kunder islamit?

Si e kuptoni klasifikimin e muslimaneve si terroriste nen pretekstin e luften kunder terrorizmit?

Pse behet klasifikimi i muslimaneve ne fundamentaliste dhe moderniste dhe kujt i sherben kjo gje?

A eshte metode lufte kunder Islamit ndarja e muslimaneve ne grupe dhe ndihma e njeres pale kunder tjetres?

A eshte argument llogjik se ndihmesa e amerikes kundrejt nje grupi islam tregon se ato nuk jane ne rrugen profetike por ne rrugen hipokrite?

A mendoni se muslimanet duhet te heshtin ndaj kesaj politike?

E njejta linje po perdoret dhe ne shqiperi duke i ndare muslimanet ne radikale dhe moderatore.Pse behet kjo dhe kujt i sherben sipas jush?

A mendoni se Islami dhe muslimanet nuk mund te te luftohen nga amerika ne pergjithesi pa i ndare ato ne grupe te caktuara dhe pastaj goditja e njerit grup duke i then muslimaneve te tjere ckeni ju ne po godasim eksterimistet, terroristet, fundamentalistet, etj epitete.Ju si muslimane sa te ndergjejgjsuar jeni per kete forma lufte dhe armiqesie.

Deri kur mendoni se kjo politike do vazhdoje?

Cmendoni per grupet te cilat permenden ne kete shkrim dhe e ajne ato brenda tradites profetike dhe kuranit?

A e kundershtoni ne zemren tuaj dhe mendjen tuaj kete politike dhe a beni lutje per perfundimin e kesaj lufte globale?


Diskutim te mbare

[forum126]

Islamofobi ne Tirane

Në Shqipërinë e pas viteve 97’ ofendimet mediatike dhe
politike kundër Islamit dhe muslimanëve janë kthyer në
modë. Duke qënë se Shqipëria sot po përjeton akoma epokën
e saj të gjatë dhe të lodhshme të tranzicionit, çdo
injorant që ka akses në mediat tona, ka mësuar që gjëja më
e lehtë që dikush mund të fyejë dhe ofendojë në Shqipëri
janë muslimanët dhe Islami. Imazhi i muslimanit si një
njeri me mjekër që falet në xhamitë e kryeqytetit, krijon
apati mes disa mediashkruesish të kryeqytetit tonë, të
cilët në pjesën më të mirë të kohës, paguhen nga njerëz dhe
interesa të huaja që sponsorizojnë dhe kontrollojnë mediat
tona. Tema kryesore ofenduese që mediashkruesit e Tiranës
nxjerrin kur dikush i pyet se përse të fundit, ofendojnë
besimtarët muslimanë, djemtë me mjekra të cilët i luten
Zotit të tyre, siç edhe kushtetuta e vendit tonë garanton,
të fundit të përgjigjen se këta po na ndajnë nga Evropa.
Ndërsa ndonjë tjetër që kërkon të duket pak më shumë idiot
se të parët edhe të thotë se ne jemi komb i krishterë, por
këta, muslimanët që na i la turku, po na ndajnë nga Evropa.
Miti i të mirës Evropë dhe të keqes muslimane tashmë
pushton me qindra faqe të gazetave shqiptare, punimet e
disa prej aparatçikëve më të mirë të kohës së Enver Hoxhës,
që sot hiqen si perëndimorofilë, dhe deri në emisionet
televizive të disa kanalesh kryesore në Tiranë. Në datën 2
qershor 2005 në televizionin Vizion + të drejtuar nga
gazetari Sokol Balla, 3 besimtarë të krishterë dhe një
aparatçik i kryeministrit Fatos Nano, prodhuan të njëjtin
avaz, të sharjes dhe ofendimit të muslimanëve. Gazetari
PD-ist Fahri Balliu, shkoi aq thellë me ofendime saqë ta
quaj islamizimin e shqiptarëve si një tragjedi kombëtare,
pasi ky fakt e paskësh ndarë Shqipërinë nga Evropa.
Përballë këtyre ofendimesh, z. Ilir Kulla, i cili mesa
dihet përfaqëson kryetarin e komitetit të kulteve në
qeverinë Nano, nuk bënte asnjë reagim por vetëm se
mbështeste si gjithnjë tezat anti-islamike që hidhen në
mediat shqiptare. Në një moment ai arriti deri aty sa të
deklarojë se shteti i zotit Nano, do të ndërhyjë në punët e
brëndshme të KMSH-së nëse ky institucion del jashtë
kontrollit të sulltanit ortodoks të Tiranës. Këto fjalë dhe
hajdutërirat që gëlojnë në KMSH prej vitesh tashmë, do të
revoltonin imamët e Tiranës, të cilët në hytbet e ditëve të
fundme të xhuma, do të demaskonin korrupsionin që ekziston
në KMSH, aparteidin që z. Nano i cili mesa duket kërkon të
bëhet kryemyftiu i Tiranës, tregon kundër muslimanëve, të
cilëve ju refuzon të ndërtojnë një xhami të madhe në tokën
e tyre, në qytetin e tyre, ndërsa ortodoksëve ju ka dhuruar
tokë shtetërore për të ndërtuar një goxha katedrale në mes
të Tiranës. Megjithatë ankimi i hoxhallarëve të Tiranës
ndaj padrejtësive që sot shfaqen në media dhe në politikë
dhe për më tepër deklarata për shtyp e Forumit Musliman të
Shqipërisë, forum i cili nuk është fetar, por është
ndërtuar për të luftuar diskriminimin dhe islamofobinë në
Shqipëri, do të trondiste rëndë z. Ilir Kulla dhe regjimin
Nano, i cili tashmë po lëshon klithjet e tij të fundit në
pushtet. Ky regjim përpara pak ditësh u përball edhe me
disa fjalë të ashpra nga myftiu i Shkodës i cili i kërkoi
qeverisë Nano t’i kthejë pronat KMSH-së në Shkodër, që i
janë pushtuara në mënyrë të pradrejtë. Për t’u përballur me
këto furtuna hytbesh dhe denoncimesh, miqtë e zotit Kulla
në Gazetën Shqiptare të datës 12 Qershor 2005, botuan një
nga sensacionet e radhës me islamikë, që ata kanë aq shumë
qejf. Në faqet e para të gazetës italiane u deklarua se z.
Ilir Kulla qenkësh kërcënuar nga muslimanët, dhe sëbashku
më të, të njëjtin fat paskësh pësuar edhe kryetari i
KMSH-së, Selim Muça. Në vijim të këtij lajmi, policia e
Tiranës, do të vinte në rresht hoxhallarët e nderuar të
qytetit tonë, të cilëve do t’iu merreshin shenjat e
gishtave dhe fotografoheshin, sikur këta njerëz të mos
ishin barijtë që të tregojnë rrugën për te Zoti, por sikur
të jenë kriminelë. Akte dhe ofenidme të këtilla kriminale,
hoxhallarët e Tiranës nuk kanë parë që në kohën e Enver
Hoxhës kur në vendin tonë u mbyll feja me ligj dhe xhamitë
u shkatërruan. Megjithatë duke patur parasysh zellin e madh
të z. Nano për të bindur ndërkombëtarët, se edhe pse ai
është një B.K., ai ngelet sërisht një B.K. pro-amerikan, që
në luftën globale që SHBA-të kanë nisur kundër terrorit, ai
është i aftë të dërgoj edhe hoxhallarët më të ndershëm të
Tiranës në Gjirin Guantanamo, dhe kjo vetëm e vetëm për të
shpëtuar kurrizin e tij. Në marrjen në pyetje të
hoxhallarëve të Tiranës ka patur dorë medoemos edhe z.
Kulla, i cili presupozohet të jetë njeriu që koordinon
mbarëvajtjen e feve në Shqipëri. Megjithatë kohët e fundit
z. Kulla ka treguar gjithnjë e më tepër se ai kërkon të
rrënojë tolerancën dhe mbarëvajtjen e feve në Shqipëri dhe
shtyp liritë e muslimanëve, gjë që po e vërteton çdo ditë e
më shumë me prononcimet që bën në televizionin e punësuesit
të tij të dikurshëm, Karlo Bolino, në të cilin edhe
deklaron se sot rreth KMSH-së ekzistojnë dy rryma: njëra e
radikalëve dhe tjetra e moderatorëve. Këta moderatorët e
Kullës janë ata që kapen si miu në çark me diploma dhe
dokumenta fallco, dhe siç duket me këta hajdutër dhe
matrapazë shteti i z. Nano dhe Kulla kërkon të mbajë dhe
degjenerojë fenë Islame në Shqipëri.

[forum126]

Deklaratë për shtyp


e hënë, 13 – 06 - 2005


Kryetari i Komunitetit Musliman të Shqipërisë, H. Ing Selim
Muça, sqaron për median dhe opinionin publik se lajmi i
publikuar në “Gazetën Shqiptare”, dt. 12 qershor 2005, ku
thuhet: “Ekstremistët dënojnë me vdekje kreun e
muslimanëve,” është i trilluar.

Nuk është aspak e vërtetë se unë kam qenë në shënjestër të
kërcënimeve të vazhdueshme apo të jem kërcënuar qoftë
drejtëpërdrejtë apo në mënyrë indirekte (me anë të
telefonatave anonime apo nëpërmjet internetit siç anonçohet
në media). Siç nuk është e vërtetë që unë jam siguruar me
oficerë të policisë së shtetit. Unë nuk kam kërkuar dhe nuk
më është kërkuar diçka e tillë. Kërkoj nga mediat që të
jenë shumë të kujdesshme me lajme të tilla, që
dizinformojnë opinionin publik dhe krijojnë situata të
papëlqyeshme si në mjediset e muslimanëve, ashtu edhe në
ato institucionale e shtetërore.”


Me respekt

H. Ing. Selim MUÇA

[forum126]

Muca: Politikane, larg myslimaneve
E Merkure, 15 Qershor 2005

Kryetari i Bashkesise Islame te Shqiperise Selim Muca, kerkon qe forcat politike ne asnje menyre te mos perdorin besimtaret ne arritjen e qellimit te tyre elektoral. Deklarata vjen pas dyshimeve se eshte kercenuar per vdekje, nga besimtare myslimane, se bashku me Ilir Kullen, kryetari i Komitetit Shteteror te Kulteve, njekohesisht kandidat per deputet per PS ne Korce. Nenkryetari Bledar Myftari: "Shoqata e re, 'Forumi Mysliman', jo paralele"

TIRANE - Kryetari i Bashkesise Islame te Shqiperise (BISH), (ish Komunitetit Mysliman), Selim Muca, ka kerkuar dje me ane te nje konference per shtyp, qe forcat politike, "ne asnje menyre te mos perdorin besimtaret ne arritjen e qellimit te tyre". Konferenca eshte mbajtur dje ne mjediset e BISH-it, ku i eshte bere thirrje partive politike dhe perfaqesuesve te tyre elektorale, qe te mos perdorin besimtaret per te fituar zgjedhjet. Gjithesesi Muca, nuk ka dale hapur ne deklarimin e tij, per emrat qe beson se po e perdorin situaten per ngritje pikesh elektorale. Deklarata e kryetarit te myslimaneve vjen disa dite pas publikimit se Selim Muca, dhe kryetari i Komitetit Shteteror te Kulteve ne Shqiperi, njekohesisht kandidat per deputet per Partine Socialiste (PS) ne Korce, Ilir Kulla jane kercenuar nga besimtare myslimane.

"Politika larg Islamit"

"I bej thirrje forcave te ndryshme politike qe ne asnje menyre te mos perdorin besimtaret ne arritjen e qellimit te tyre",- deklaroi ne konferencen me gazetaret, kryetari i myslimaneve ne Shqiperi, Selima Muca. "Nga ana tjeter u kujtojme besimtareve te nderuar qe te mos bien viktime dhe te distancohen nga cdo kurth politik apo perfitues te grupimeve te ndryshme, pasi besimi yne eshte me i larte se bindjet politike dhe grupimet e interesave te ndryshme". Te njejtin qendrim dy dite me pare, kane mbajtur edhe te shoqeruarit ne policine e Tiranes, ne sektorin e Antiterrorit, pjesetare te nje grupimi, i cili ka replikuar me drejtuesit e BISH-it, per kercenimin e Muces dhe Kulles. Ata thane per "Korrierin" se "eshte nje show mediatik ne prag te zgjedhjeve elektorale, ku qeveria duket se duhet te beje nje figure te mire ne arenen nderkombetare". Deklarata e djeshme e kryyetarit te myslimaneve, sipas burimeve nga Bashkesia Islame, vjen pas hedhjes se dyshimit se, Muca mbeshtet nje force te caktuar politike, akuza te hedhura poshte nga ai. Ai tha se "Selim Muca, nuk ka marre pjese ne asnje fushate elektorale te ndonje kandidati ne Diber ku ka me shume se tete muaj qe nuk kam shkuar". Behet fjale per dyshimet e hedhura ne nje te perditshme, se Muca kishte qene ne Diber duke bere thirrje ne nje miting, per te perkrahur kandidatin socialist ne zgjedhjet e 3 korrikut.

Kercenimi

Kryetari i BISH-it, tha se "ne emer te institucionit qe perfaqesoj dhe ne cilesine e kryetarit te Komunitetit Mysliman te Shqiperise deklaroj dhe sqaroj per publikun qe une dhe vartesit e mi nuk jemi kercenuar direkt dhe nuk kemi pse te ndjehemi te kercenuar". Deklarata e mesiperme e Muces mbeshtetet ne deklarimin e djeshem zyrtar, te policise se Tiranes. Sipas kesaj te fundit, Muca dhe Kulla jane kercenuar me jete ndaj strukturat e Antiterrorit, kryen hetime dhe gjashte shoqerime. Burime nga policia e Tiranes, bejne te ditur se kercenimi nuk eshte realizuar ne menyre te drejteperdrejte, por te terthorte, ne rruge, te cilat policia thote se eshte ende duke i hetuar. S.Cobo

[forum126]

RRETH TRILLIMEVE E OFENDIMEVE TE MUSLIMANEVE SHQIPTARE

Leter drejtuar Presidentit Alfred Moisiu, nga kreu i
Partise Shqiptare "Atdheu" z.Artan Shaqiri

http://www.kohajone.com/lexo.php?id=35511


"Kur traditat e humbin lidhjen me realitetin aktual, kur
institucionet mbijetojne vetem me ndihmen e represioneve te
verbeta dhe kur individet nuk jane me ne gjendje te njihen
ne veprimtarite e tyre personale, atehere cdo etike
shnderrohet ne shkrumb e hi"

Jürgen Habermas

Ekselenca juaj,

Edhe pse keni probleme me te medha se ato te cilat i
trillojne mediat, me nxitjen edhe te qeverise, serish ndiej
nevojen se ndjenjat e fetarit dhe feja, jane nga fenomenet
te cilat zene vendin kryesor ne kulturen e popujve te
civilizuar. Paramendoni se si paraqitet ky problem:
"Islamiket terroriste", "bomba islamike", "feja aziatike" e
te ngjashme. Me lejoni qe ta paraqes nje revolte timen
rreth ketyre problemeve, te cilat kane bere qe cdokush te
merret me ceshtjen e fese, perpos eksperteve dhe
pergjegjesve te saj.

Zoteri President!

Ne perspektiven e pervojes mbarenjerezore fakti i
kalueshmerise, per fat te keq eshte i pamohueshem. Themi se
cdo gje kalon megjithese presim qe ajo serish te kthehet.
Ritmi i nderrimit te moteve ndodh pavaresisht nga ne, ne
menyre te paevitueshme.

Cdo gje pra kthehet, vetem njeriu udheton ne pakthim.
Udheton madje edhe atehere kur qendron ne nje vend.
Udheton, sepse shpirti i tij nuk njeh ankorim. Ne nuk jemi
ajo qe jemi, ne behemi vetem ne shqetesim dhe kerkim.

Mirepo, eshte rrezik qe ne gjithe kete, te mbetesh i
vetmuar, pa bashkudhetar dhe shok, pa udhezues. Padyshim se
kemi nevoje per dike te na udheheqe, i cili do te kujdeset
per sigurine e ngritjen tone shpirterore. Te gjithe
brengosemi per neser, per ardhmerine, malli mbi mall,
brenga mbi brenge. Brengat na ndjekin deri naten vone, na
marrin gjumin dhe na i thinjin floket. Ekzistojne situata
ne te cilat nuk mund te bejme asgje, ku thjesht
shnderrohemi ne objekt te ndonje procesi me te cilin ne
vete nuk mund te udheheqim. Na udheheq logjika e
ardhmerise. Perfundojme: sot e nesermja do te jete dje.
Vertet, ne nuk jetojme ne te kaluaren, por ne te tashmen me
shikim te frikesuar drejt te nesermes se mundshme, te
pasigurt dhe te panjohur. Frika, kjo eshte dita e neserme.

Pyesim: Pse cdo tranzicion paraqitet me paradokse te
shumta? Pse nen petkun e pergjegjesise se kolektivitetit
shkaterrohemi? Pse fene e politizojme, flasim pa dije dhe
pa pergjegjesi njerezore per te? Cdo kohe e kaluar per
Shqiperine eshte duke lene zbraztesira te medha dhe
deshtime ideologjike, ekonomike e kulturore dhe moskuptim
si nga vetvetja po ashtu edhe nga te tjeret. Ne akoma jemi
te brengosur me sundimet e meparshme, kinse ato kane qene
shkaktare qe Shqiperia asnjehere mos te jete e forte dhe
stabile, ndersa vetveten, faktuminshqiptar brenda atyre
periudhave fare nuk e studiojme e as qe e kritikojme. Shume
lehte e themi fjalen "roberim shekullor", qe mundet madje
te jete edhe e vertete, sepse eshte nje fakt historik.

Perse truri shqiptar e lejon tragjedine e roberimit?

Por, parashtrohet pyetja se valle perse truri shqiptar,
vullneti shqiptar, besa shqiptare ta lejojne tragjedine e
roberimit? A nuk mjafton kjo te kuptohet si e kaluar, e
fakt eshte se eshte e kaluar, e sot nuk kemi njeri te
gjalle qe e ka perjetuar ate kohe, sepse nuk jemi vetem ne
shqiptaret ata te cilet e kemi kaluar ate periudhe, kemi
edhe popujt te tjere te cilet edhe me fe nuk kane
lidhshmeri. Por, ata perpiqen qe te ndalen ne interesat e
tyre duke krijuar marredhenie kulturore dhe diplomaci te
duhur me simpati ndaj njeri-tjetrit. E ne, pa nevoje
krijojme acarim dhe ofendim.

Ideologjia komuniste, sundimi enverian qe ishte "parajse"
per gjithe Shqiperine, bashke me shkrimtare e politikane te
cilet krijuan karierat e tyre akademike me mbrojtjen e
sistemit te tille, me nje sekonde u shnderrua ne hicgje.
Perseri fajtore ishte ideologjia per shkaterrimin ekonomik
dhe shteteror te Shqiperise. Edhe pse Shqiperia nuk ishte
vend i vetem me ate ideologji te shemtuar dhe te felliqur,
ajo ne mesin tone u paraqit ne menyre e cila nuk eshte e
kuptueshme madje as per ata te cilet e kane perjetuar ate,
si per nga aspekti teorik, ashtu edhe politik e fetar. Si
eshte e mundshme qe "cdokush spiunonte", "kishe frike nga
femija yt", "nuk kishte liri ne Shqiperi" etj. Keto jane
momente qe askush nuk i beson e as qe ka mundesi racionale
per t"u besuar. Por te shqiptaret u be fundamentalizem i
gjalle ky tmerr qe shkaterroi shpirtin, familjen, shtetin.

Perfundimisht, vetvetiu u paraqit demokracia dhe shqiptaret
ate masovikisht e pranuan, duke u bere me demokrate se vete
domethenia e fjales. Besoj se askund ne bote demokracia nuk
e mori ate forme te "lirise" si ne Shqiperi. Sic e pame, ne
kete kohe te demokracise trazirat e vitit te kaluar krijuan
nje fotografi para botes e cila fare nuk pati nevoje te
komentohet. U shkaterrua nje shtet, u drodh ne teresi.
Brenda ketij kaosi u formua qeveria e tjeter demokratike me
shpresa se kinse do te merret me ceshtjet jetike te
Shqiperise. Fatkeqesisht, ajo deri me tani po merret me
teori utopike, me Shqiperine pa Shqiperi, me burgime dhe me
luftimin e "fese aziatike", "fundamentalizmit",
"terrorizmit musliman shqiptar", qe do te thote si Don
Kishoti "mullinjte e eres".

Fotografia e jetes qe na mundon

Zoteri President,

Kjo fotografi e jetes se Shqiperise na mundon dhe na
shqeteson. Kjo gjendje vetvetiu nenkupton zhdukjen e
pergjegjesise individuale dhe paraqitjen e pergjegjesise se
kolektivitetit, i cili edhe sot e kesaj dite mbreteron ne
cdo dimension te shqiptarit. Manipulimi kolektiv me fajin
dhe me "vetefaljen" nuk eshte asgje e re. Ngjashmeri do te
mund te gjendej edhe ne fenomenin e ksenofobise e cila ka
marre vrull ne Evrope. Ne te gjitha ato dukuri mund te
gjenden elemente te ngjashme.

Njeriu akoma perpiqet qe fajtor ta konsideroje ate i cili
ka "sjellur" deri te ajo situate: disidentin, te huajin, te
marrin. Mirepo, kur qartesia e veprimeve antietike arrin
permasa te atilla qe ajo mos te mbetet e panjohur, e as qe
mund t"i hidhet mbi supe atij "te ndryshmit", nese nuk
mundte fshihen faktet dhe pasojat, sidomos pasojat e
deshirave te tij - atehere faji i tij behet i qarte. Fakti
se ka bashkepunuar ne krijimin e fajit, se me vetedije u ka
ofruar mbeshtetje dorasve, fiton permasa te stermadhuara ne
mase te njejte me ate kur me pare i satanizonte ata te
cilet deshironte publikisht t"i njollose.

Mund te themi se te ballafaquar me situaten jetesore e cila
i nxit qeniet ne veprim, mbrojtjen personale mund t"ua
dorezojme te tjereve, mirepo menyra me te cilen behet ajo
mbrojtje kthehet kunder nesh, meqe kryesi i asaj mbrojtjeje
vepron ne menyre joetike. Reagimi ndaj kesaj reduktohet ne
mbrojtjen e njeriut nga pergjegjesia me ate qe ua fal
kryesve te veprave joetike te cilat i kane kryer ato ne
emer te tij, e me kete ia fal edhe vetvetes.

Ekselenca juaj,

"Terrorizmi islamik", i trilluar

Diteve te fundit u krijua nje kinse problem i cili as ne
teori, as ne interes, as ne fjalor e kulture shteterore nuk
ekziston, perpos ne "politiken shqiptare" dhe asaj te
medias: "terrorizem islamik", trillim ky i cili eshte i
bazuar ne genjeshter e jo ne njimtim. E verteta logjike
eshte e kundert me njimtimin, ndersa e verteta morale eshte
e kundert me genjeshtren. Genjeshtra mund te jete logjike,
ndersa njimtimi mund te jete moral. Kjo eshte e vertete qe
eshte deshmuar shpeshhere. E c"te besh kur te ballafaqohesh
ne historine tone me momente te cilat pothuajse askund
tjeter nuk mund t"i veresh, sic jane prezentimi i ateizmit
zyrtar, thirrja ne konvertim te pergjithshem, ndarja e
kuptimit te fese ne ate moderne e jomoderne, aziatike,
paraqitja e "fundamentalizmit islamik", "terrorizmit
islamik" e keshtu me radhe. Keso trillime nuk mund te jene
baze studimi, e lere me te gjenden ne fjaloret fetare,
politike e enciklopedike.

Keto dite lexuesi shqiptar eshte i ballafaquar me trillimet
e lartshenuara, atij fare nuk i lejohet te mendoje per
jeten e vet, shtetin dhe kushtet ekonomike dhe ato te
sigurise shteterore. Sidomos pjesetaret e konfesionit islam
jane te prekur nga informimet e llojit te lartshenuar.
Prezentimi i problemeve ne kete menyre krijon nje konfuzion
i cili me te vertete mund te paraqitet me te papritura te
ndryshme. Edhe une si lexues i atyre shkrimeve perjetova
momente te cuditshme. M"u paraqit i tere problemi i
shqiptareve ne ish-Jugosllavi; u detyrova te besoj se
akuzat qe u jane bere shiqiptareve ne ish-Jugosllavi kinse
kane qene te verteta: te gjitha ato burgosje, rasti i
Paracinit, "fundamentalizmi" dhe "terrorizmi" i shqiptareve
e te ngjashme. Pothuajse e njejta metode koheve te fundit
po shihet ne shtypin shqiptar per "fundamentalizmin" e
"terrorizmin". Me te vertete eshte per t"u cuditur kur
dihet se cdo popull i civilizuar dhe i pacivilizuar eshte
rritur e ngritur vetem nen hijen e mitit dhe te fese.
Dashti Zoti dhe i paraqiti fete qiellore qe te gjitha te
jene prezente ne etnikumin shqiptar, por perseri "shqiptari
i cuditshem" perpiqet qe ta crregulloje ate natyrshmeri te
feve. Ku fati qe jo vetem muslimani shqiptar te ishte
besimtar i fese me fe, por edhe i krishteri shqiptar te
ishte i tille pa e politizuar - politika nuk jep fe. Kete e
them duke pasur parasysh friken e Perendimit i cili
ballafaqohet me sekte te panumerta, gje qe paraqet njerin
nga problemet e medha shteterore, e fati i Shqiperise ishte
qe ajo te jete nen hijen e feve qiellore, larg sekteve dhe
deliriuit te Perendimit ne aspektin destruktiv.

Feja eshte imperativ, force ndaj se ciles fuqia njerezore
ne esencen e vet nuk mund t"i kundervihet pos me pranimin
apo refuzimin e saj. Dmth "me apo pa deshire, njeriu do te
takohet me Perendine" "M.Heideger). Njeriu me fene vetem se
ka te drejte te behet fetar i drejte, i sinqerte, njeri i
cili nuk shkaterron kulture dhe shtet. Feja Islame eshte fe
qe beson ne nje Zot, ne punet e mira dhe eskatologjine.
Feja edukon, mbikeqyr pergjegjesine individuale,
lidhshmerine Zot-njeri. Kete e deshmojne si Fjala e Shenjte
po ashtu edhe filozofia.

Atehere, si eshte e mundur qe te lidhen, te kuptohen
akuzat, ofendimet "terrorizmi islamik", "terrorizmi
shqiptar"... Terrorizmi eshte dukuri, drejtim, destruksion
ne vete qe s"ka komb e fe. Keshtu kuptohet, keshtu eshte
dhe nuk mund te jete ndryshe. Do te thoja se problem
kryesor ne hapesiren shqiptare eshte afetarizmi,
afundamentalizmi ne cdo aspekt, perpos negativitetit.
Natyrisht se ketu verehet paaftesia intelektuale, kulturore
e shteterore qe me kete ceshtje te merret vetem per hir te
dikujt tjeter. Shteti kur do ta humb vetveten lejon qe te
merret me mbrojtjen e interesave te te tjereve.

Paramendoni paradoksalitetin e lidhshmerise se
crregullimeve te lartshenuara me shoqatat arabe ne
Shqiperi. Eshte e vertete se disa shoqata arabe bene
aktivitete ne Shqiperi nen emrin e bamiresise dhe te
kultures, por shoqatat e tjera qe sot ekzistojne ne
Shqiperi dhe numri i te cilave eshte mbase mbi 100 sosh,
harrohen, ndersa apostrofohen te gjitha ato vetem se si
disa shoqata arabe. Natyrisht se ketu nuk merrem me
mbrojtjen e asnjeres nga ato; ku fati qe Shqiperia te ishte
nje shtet qe nuk do te kishte nevoje per shoqata bamirese e
kulturore, por ja qe ato jane aty.

Problemi i misionareve ne pergjithesi eshte ceshtje qe
duhet analizuar. Ata me teper jane duke shfaqur dobesi sesa
dobi dhe pelqyeshmeri ndaj shtetit dhe institucioneve. Ata
perpos fjaleve te bukura po percjellin edhe traditat e tyre
kombetare dhe interesat e tyre territoriale e shteterore.
Por, per kete ekzistojne institucionet, shteti e keshtu me
radhe.

Sa u perket shoqatave arabe, ato mund te akuzohen vetem per
joprofesionalizem ne punet e tyre, si ne aspektin fetar,
ashtu edhe kulturor. Shqiperia eshte duke treguar vonese ne
cdo drejtim; perpos lajmeve te mira dhe jetes se veshtire
njeriu fare nuk perjeton dic tjeter. Cdo e mire, cdo bukuri
eshte duke u njollosur me ate qe nuk duhet. Besimtaret
kerkojne respektin e duhur nga cdo institucion si dhe nga
vete shteti.

I nderuari z. President!

Eshte e vertete se ju personalisht nuk e keni identifikuar
"terrorizmin" me fene islame, por fatkeqesisht qeveria po
merret me kete ceshtje joekzistuese, qe do te thote se
eshte duke krijuar genjeshter dhe duke e harxhuar forcen
ekonomike te shtetit shqiptar mbi kete ceshtje. Sic e dini
edhe ju vete ne Shqiperi nuk ka, e as qe mund te kete
"terrorizem islamik". Edhe nese tere bota e thote kete,
interesi shqiptar nuk ka te drejte te lejoje nje shpifje te
ketij lloji ndaj shtetasve te vet.

Ju lutemi z. President mos te lejoni qe Shqiperine ta
izoloni nga marredheniet e mira dhe diplomacia pozitive me
shtetet qe gjenden brenda korpusit islamik. Ndjenjat e
fetareve kane rendesi te madhe, ato jane te shenjta dhe
Zoti nuk i len pa i mbrojtur, por kerkon ng ata qe kane
pergjegjesi te sillen me korrektesi dhe drejtesi ndaj tyre.
Shteti shqiptar te ruhet nga konfuzioni dhe crregullimi
konfesional. Le te ruhet nga diskriminimi fetar. Te
kerkohet pergjegjesi per te thenat e paargumentuara, e
sidomos per deliriumin e mediave. Shtetit shqiptar mos t"i
imponohet ndarja ne ate ne Lindje e Perendim.

Kur"ani thote: "All-llahu nuk e nderron nje popull derisa
ata vetveten nuk e nderrojne."

Sinqerisht

Artan Shaqiri

Kryetare i Partise Shqiptare ATDHEU

[forum126]

Islamofobi e shtypit apo keqinformim i publikut

nga Roald A. Hysa
Në bazë të atyre që shkruhen në një pjesë të veçantë të gazetave, individi që lexon vendoset përballë dilemës: “Islamofobi e shtypit apo keqinformim i publikut”.
--------------------------------------------------------------------------------

Ato që e shohin këtë problem nga brenda jashtë me shumë të drejtë do t’i drejtoheshin islamofobisë së krijuar nga media ndërkombëtare dhe isos që i mbajnë ato të brendshmet sa herë që u duhet të plotësojnë rubrikat e tyre të lajmeve ndërkombëtare. Asosacionet e krijuara të terrorizmit të ashtuquajtur “islamik”, ku shfaqen disa njerëz me mjekra të tmerrshme dhe të cilët janë të gatshëm për sulme kamikaze ndaj vlerave njerëzore, janë bërë një rutinë e rëndomtë. Kjo është në planin ndërkombëtar, por duke ardhur në planin e brendshëm shohim që media të caktuara vazhdojnë t’i bëjnë jehonë këtyre lajme dhe që me një këmbëngulje të admirueshme kërkojnë t’i zbatojnë asociacione të tilla brenda vendit. Nuk mbërrijmë të kuptojmë arsyet e drejtpërdrejta të tyre për t’i bërë më të mëdha gjërat e rëndomta. Ato nuk mund të fshihen pas “detyrimit për informim” që kanë mediat ndaj publikut të gjerë. Në një kohë kur shqiptarët kanë nevojë më tepër për paqtim social, ringjalljen e vlerave njerëzore që po humbin dita-ditës, shohim me keqardhje se media të ashtuquajtura të pavarura i bien ‘tambureve të luftës’. Ne si njerëz që besojmë në vlerat njerëzore të inspiruara nga Zoti, e respektojmë megjithëse pa shumë dëshirë këtë sistem shekullar që përfaqësohet edhe nga kjo pjesë e mediave, por asnjëherë nuk na ka shkuar ndërmend që t’i tregojmë me gisht duke i diskriminuar në sytë e një shoqërie të tërë. Fatkeqësisht gishti është drejtuar për nga muslimanët e thjeshtë, të cilët përbëjnë një copë të ndjeshme të kësaj shoqërie të trazuar që akoma nuk e ka gjetur vetveten në mishmashin global. Ndjenjat islamofobike të një pjese të shoqërisë që disponon “mjetet e përpunimit masiv”, po keqpërdorohen tashmë në dëm të identitetit shqiptar. Kjo gjë nuk ka ndodhur më përpara dhe historia e qyteteve dhe e fshatrave shqiptare na jep shembullin më të mirë të përpjekjeve të tyre maksimale ndaj paqtimit social. Baballarët e atëhershëm të kombit e shihnin këtë gjë si shumë të rëndësishme dhe shpresojmë që edhe këta të sotmit që presin të marrin votat tona për të hipur në pushtet ta shohin përsëri si të tillë. Shqipëria dhe shqiptarët kanë nevojë për të qenë tolerantë ndaj njëri-tjetrit dhe shpirti nacionalist nuk mund të shprehet vetëm në një ndeshje futbolli 90-minutëshe, kundra kujtdo qoftë skuadre, greke apo polake. Deri tashti megjithë përpjekjet e shtypit duke bërë asosacione të dyshimta, nuk është parë ndonjë akt terrorizmi në Shqipëri nga të ashuquajturit “terroristë islamikë”. Kjo fjalë ka mbetur vetëm në supozimet e artikullshkruesve dhe në fushatat publicitare antiislame. Fjala terrorizëm është përdorur me konotacione të caktuara për të keqinformuar, apo thjesht për të shitur lajmin e gazetës apo të një kanali të caktuar televiziv. Kjo mund të gjykohet qartë nga gjuha dhe stili agresiv i përdorur. Edhe një lexues që vjen në kontakt me këto lloj shkrimesh tepër abuzive, do të ndihej keq vetëm për faktin që ka thjesht një emër musliman si Mustafa, Muharrem apo çkadoqoftë. A thua të jetë thjeshtë një keqinformim dashakeq i këtyre mediave që i bëhen avokatë grupeve apo interesave të caktuara?!... Ndonjë naiv do të thoshte se gazetarët duke qenë se janë në pjesën shekullare të shoqërisë, nuk e dinë se çfarë është Islami dhe se ai nuk mund të lidhet në asnjë mënyrë me terma të tillë si terrorizëm apo njerëz kamikazë. Po t’i hynim këtij shqyrtimi, qoftë nga ana e doktrinës, qoftë nga ana historike, të gjithë argumentet do të ktheheshin kundra mediave, të cilat megjithëse e kanë për detyrë që t’i shkojnë deri në fund kontrollimit të argumenteve, nuk kanë arritur ta bëjnë një gjë të tillë. Nuk e dimë për mungesë vullneti, kohe apo për diçka tjetër të padeklaruar ndaj opinionit të përgjithshëm publik shqiptar. Deri tashti në Shqipëri, vendin që na intereson të gjithëve pa përjashtim, nuk ka ndodhur ndonjë akt terrorist apo kamikaz, pavarësisht nga pretendimet e mediave.
Përkundrazi të gjithë muslimanët e Shqipërisë si çdo njeri i thjeshtë kanë nevojat e tyre normale si fjala vjen, të marrin vizat pa pengesa për të shkuar në Perëndim për të punuar, apo edhe për turizëm. Kërkojnë të dalin lirisht rrugëve të Tiranës ose të qyteteve të tjera të vendit pa u treguar me gisht, pse mbajnë mjekër që i dallon nga ata që nuk mbajnë mjekër. Po ashtu edhe ne duam që të hyjmë në një lokal dhe të pijmë një kafe, ose të dalim jashtë qytetit për një piknik me gratë tona.
Të gjithë kanë hallet e tyre, porse vëmendja e publikut, po u tërhiqet nëpërmjet asocacioneve abuzive ndaj njerëzve me mjekër dhe grave të mbuluara. Pse? Islamofobi e shtypit apo keqinformim i publikut, kjo është edhe dilema para së cilës vendoset publiku shqiptar. Por ne do të thonim se si përfundim janë që të dyja dhe prej tyre nuk i vjen asnjë e mirë shoqërisë shqiptare, as dje, as sot dhe as nesër.

[forum126]

Antiterrori shoqëron pesë imamë

MARIGLEN MULLAI

http://www.gazetametropol.com/tekst.php?idt=10072

14 Qershor Firmosën peticionin për përjashtimin e
ish-sekretarit Dervishi, nuk ka denoncim nga të kërcënuarit


TIRANË- Verifikohet aktiviteti i dy ditëve të fundit për
pesë imamë të Tiranës dhe lidhjet e tyre me një kërcënim në
adresë të Ilir Kullës, kreut të Komitetit Shtetwror tw
Kulteve dhe Selim Muçës, kryetarit të Komunitetit Mysliman.
Paraditen e djeshme, shefi i Antiterrorit ka marrë në
pyetje për 3 orë me radhë 5 djem myslimanë, katër prej të
cilëve kanë statusin e imamëve dhe tjetri është jurist. Të
shoqëruarit kanë parë një fletë-thirrje në tavolinat e tyre
të punës, në xhaminë e "Rugës së Kavajës" dhe u paraqitën
menjëherë pranë sektorit të Antiterrorit në Drejtorinë e
Policisë së Tiranës. Burimet policore thanë për gazetën
"Metropol", se fillimisht verifikimet kaluan në çështje
teknike, ku të rinjtë u pyetën imtësisht rreth lëvizjeve të
tyre dhe marrëdhëniet me Kullën e Muçën. Rezultoi se pas
kontakteve me Prokurorinë dhe zyrat e kallëzimeve në
Tiranë, nuk ishte regjistruar asnjë denoncim. Meqenëse një
gjë e tillë përjashton kategorikisht nisjen e hetimeve,
duke qenë se nuk ka asnjë numër celulari, nga ku
pretendohet se ka ardhur kërcënimi, 5 imamët u lanë të lirë
pas sqarimeve që ata dhanë për specialistët.

Konflikti

Burime pranë stafit të xhamisë në "Rrugën e Kavajës" bëjnë
të ditur për gazetën "Metropol", se kyçi i gjithë kësaj
historie mediatike e policore përmblidhet në një emër,
Zylyftar Dervishi. Ky i fundit është kthyer në "mollën e
sherrit" mes myftinisë së Tiranës e Komunitetit Mysliman.
Sipas burimeve, rreth 5 ditë më parë, disa nga imamët e
xhamisë së "Rrugës së Kavajës" kanë firmosur një peticion,
qw nuk pwrbwn kurrsesi akt terorist, apo kwrcwnues, të
cilin më pas ua dërguan autoriteteve më të larta, pra
Bashkësisë Islame. Dhjetë imamë firmosën për pastrimin
shpirtëror të myslimanëve, moralin që ata duhet të kenë dhe
kwtu kontestimet e tyre kishin si adresw Zylyftar
Dervishin. Ky i fundit është përjashtuar më 1 qershor të
këtij viti nga posti i sekretarit të përgjithshëm në
Komunitetin Mysliman dhe u dërgua në Lushnjë si klerik. "Si
mundet që myslimanët lushnjarë e shqiptarë të dëgjojnë
fjalët e një njeriu që nuk është i pastër, që i është
vërtetuar akuza për falsifikim. Ne kërkojmë përjashtimin e
tij të përhershëm nga bota islame, sepse nuk e meriton". Me
pak fjalë, ky ishte teksti i peticionit që u ngjit në çdo
cep të kësaj xhamie, e më pas u dërgua për shqyrtim te
krerët. Këtu, sipas përfaqësuesve të kësaj xhamie, kanë
lindur shqyrtimet nga Ilir Kulla dhe Selim Muça. Ky i
fundit mësohet të ketë përmendur një autokritikë që do
ndërmerrte komuniteti, ndërsa Ilir Kulla, sipas vetë
imamëve, është interesuar për ecurinë e shqyrtimit të këtij
peticioni.

Ligjëruesi i xhamisë së "Rrugës së Kavajës", Ahmed Kalaja,
tregon çastet e shoqërimit në polici

"Po krijohet islamofobia në Shqipëri"

TIRANË- I qetë, pa stres dhe i komunikueshëm. Kështu
paraqitet ligjëruesi i xhamisë së "Rrugës së Kavajës",
Ahmed Kalaja, një djalë rreth 30 vjeç dhe i shkolluar
jashtë. Në momentin e takimit, ai kishte dy orë që kishte
dalë nga zyrat e antiterrorit, nga ku ishte marrë në pyetje
bashkë me 4 miqtë e tij. Ndihet më tepër i zhgënjyer nga ky
realitet mbytës, i krijuar nga mijëra fjalë në adresë të
tyre, sesa i stresuar nga një shoqërim në polici. Me pak
fjalë, ai rrëfen për gazetën "Metropol" rrjedhën e
ngjarjeve...

Në ç’orë iu morën në polici dhe me ç’motiv?

Në fakt, ne ishim në xhami. Na erdhi një fletëthirrje,
rreth orës 10.00, ku thuhet se duhet të paraqiteshin në
polici për disa verifikime. Të qetë, shkuam të pestë dhe
dhamë versionin tonë të plotë, të saktë, juridik e të
pakundërshtueshëm. Antiterrori interesohej për një kërcënim
që i ishte bërë Selim Muçës, kryetarit të Komunitetit
Mysliman dhe Ilir Kullës, kreut të kulteve. Pas
verifikimeve, rezultoi se ne ishim jashtë kësaj çështje. Më
pas takimi shkoi në frymë më tepër miqësore.

Cilat janë marrëdhëniet tuaja me Muçën dhe Kullën?

Myslimanët janë fyer deri në një farë mase dhe ç’është e
vërteta atakimi ynë me këta dy figura të nderuara qëndron,
por në përmasa minimale në krahasim me ato që thuhen. Them
që myslimanët janë fyer, sepse një klerik, Zylyftar
Dervishi, të cilin e përjashtuam për një diplomë false,
vazhdon të predikojë fenë tonë në Lushnjë. Pra, i kemi bërë
një kërkesë Komunitetit të mos e lejojë një gjë të tillë,
për hatër të Islamit, që nuk pranon njerëz që ndiqen
penalisht. Kjo është e gjitha, ndërsa Kulla dhe Muça e kanë
shqyrtuar kërkesën dhe kjo është lidhja me këtë ngjarje. Të
dy i respektoj, njërin si përfaqësues të fesë islame dhe
tjetrin si funksionar.

Mos kjo zhurmë krijon "islamofobinë" e përhapur ngado nga
njerëz të caktuar?

Këtë do ta merrja si pyetje që jo vetëm qëndron, por i
duhet shkuar deri në fund. Si ka mundësi që një problem i
vogël teknik me komunitetin shndërrohet në kamikazë,
gjakpirës dhe epitete të tjera. Dy janë versionet e mia,
ose kjo është një lojë e hapur politike që nxitet nga qarqe
të caktuara, të cilat duan t’i thonë Botës se ja, ne po e
luftojmë terrorizmin islamik në Shqipëri që në fillesat e
tij, ose pastaj po krijohet ajo që thoni ju, islamofobia, e
cila sigurisht që financohet apo përkrahet nga dikush.

Dervishi u shkarkua se falsifikoi diplomën

TIRANË- Kryesia e Bashkësisë Islame (Komuniteti Mysliman
Shqiptar) ka shkarkuar më 1 qershor të këtij viti, gjatë
mbledhjes së saj, sekretarin e shumëpërfolur, Zylyftar
Dervishin. Ai është akuzuar nga njerëz të Bashkësisë se ka
falsifikuar diplomën e tij të shkollës. Ndërkaq, gjatë
mbledhjes, kryesia e Bashkësisë Islame ka emëruar si
sekretar të përgjithshëm Betim Truçin, i cili do të
zëvendësojw tw larguarin. Truçi, deri para marrjes së kësaj
detyre ka qëndruar në postin e drejtorit të Marrëdhënieve
me Jashtë, në Bashkësinë Islame. Sipas burimeve, Truçi
është rreth 35 vjeç dhe ka mbaruar studimet e larta në
Turqi. Sipas burimeve nga Bashkësia Islame, ai njihet si
një ndër përkrahësit e rrymës moderatore në radhët e kësaj
bashkësie. Ish-sekretari i përgjithshëm i komunitetit më të
madh fetar në Shqipëri, është caktuar nga kryesia të punojë
si klerik në degën e rrethit të Lushnjës. Dervishi është
komanduar fillimisht në postin e sekretarit të përgjithshëm
të Komunitetit Mysliman të Shqipërisë, në janar të vitit
2002, pak javë pas vrasjes së mistershme të ish-sekretarit
të atëhershëm, Sali Tivari. Disa muaj pas qëndrimit të tij
në cilësinë e të komanduarit në këtë post, ai u emërua.
Gjatë kohës së qëndrimit të tij si sekretar i përgjithshëm
i Komunitetit Mysliman, ai është atakuar shpesh për mënyrën
e punës së tij.

Mbledhje urgjente pas publikimit tw lajmit

TIRANË- Pasditen e djeshme është zhvilluar një mbledhje
urgjente nga ana e krerëve myslimanë, të cilët kanë
vendosur me të gjitha mënyrat të përgënjeshtrojnë lajmin e
kërcënimeve në adresë të Ilir Kullës e Selim Muçës. Burimet
thanë se, ditën e sotme do të deklarohet publikisht gjatë
një konference publike se asnjë mysliman nuk ka ndërmarrë
një veprim të tillë. Mësohet se nuk është trajtuar asnjë
çështje teknike e problemit në fjalë, pasi po shihet
mundësia që juristët ta konsultojnë atë edhe një herë nga e
para. Pra, siç shihet, interesi i këtij komuniteti për të
mos lejuar abuzime me autoritetin e tyre, është tepër i
madh.

Policia: I shoqëruam për verifikime, s’janë persona të
rrezikshëm

TIRANË- Nga përfaqësuesit zyrtarë të Policisë së Tiranës u
deklarua se 5 të shoqëruarit janë lënë të lirë, pas
shoqërimit në ambientet e brendshme policore. Zëdhënësja e
Drejtorisë së Policisë së Tiranës, Alma Katragjini, tha dje
për gazetën se personat u morën në pyetje nga ekspertët e
Antiterrorit, të cilët panë të gjitha mundësitë për të
zbardhur ngjarjen. Por problemi kyç, sipas burimeve të
tjera policore, qëndron në faktin se në Policinë e Tiranës
nuk është regjistruar asnjë denoncim nga ndonjë i
kërcënuar. Kështu që nuk mund të nisin hetimet pa pasur
pista paraprake, emra, apo numra telefonash, nga ku
pretendohet se janë kërcënuar kryetari i Kulteve, Ilir
Kulla dhe kreu i Komunitetit Mysliman, Selim Muça.
Ekspertët e policisë e kanë parë të arsyeshme t’i lënë të
lirë 5 imamët e xhamisë së "Rrugës së Kavajës", pasi nuk
vunë re asnjë shkelje ligjore. Edhe nga të kërcënuarit nuk
është paraqitur asnjë numër telefoni, nga ku pretendohet se
është bërë kërcënimi, kështu që specialistët nuk kanë si të
hetojnë pa asnjë bazë. Pra, burimet zyrtare të Policisë së
Tiranës e kanë përjashtuar tërësisht faktin se pesë të
shoqëruarit janë persona që kanë vënë në rrezik jetën e
krerëve të myslimanëve.

Prokuroria: Nuk ka mbërritur asnjë denoncim nga Muça e
Kulla

TIRANË- Prokuroria e Tiranës nuk disponon asnjë kallëzim
penal në ngarkim të pesë imamëve që u shoqëruan dje në
polici, ashtu sikurse nuk ka të shënuar asnjë denoncim nga
ana e personave që pretendojnë se janë kërcënuar nga
persona anonimë. Këtë e kanë konfimuar dje për gazetën
burime pranë organit të akuzës, të cilat thanë se gjithçka
është përfolur, nuk ka baza ligjore. "Mund t’iu konfirmojmë
se nuk ka ardhur asnjë person për të dhënë deklarimet e
tij, në lidhje me ndonjë kërcënim të mundshëm. Nëse kjo do
të kishte ndodhur, prokuroria do të kishte nisur menjëherë
veprimet që përcaktohen nga hapësirat ligjore", thanë
burime nga Prokuroria. Gjithsesi, këto burime deklarojnë se
organi i akuzës do të jetë i vëmendshëm ndaj të gjitha
zhvillimeve të mundshme brenda Komunitetit Mysliman.

Muça: Nuk më ka kërcënuar njeri e s’ruhem me oficerë të
policisë

TIRANË- Në një deklaratë për shtyp, kryetari i Komunitetit
Mysliman, Selim Muça, deklaron se nuk është kërcënuar nga
askush. Sipas tij, lajmi i publikuar nga një e përditshme
para dy ditësh, në të cilin thuhej se "ekstremistët dënojnë
me vdekje kreun e myslimanëve", është i trilluar. "Nuk
është aspak e vërtetë se unë kam qenë në shënjestër të
kërcënimeve të vazhdueshme apo të jem kërcënuar qoftë
drejtpërdrejtë apo në mënyrë indirekte (me anë të
telefonatave anonime apo nëpërmjet internetit, siç
anonçohet në media). Siç nuk është e vërtetë që unë jam
siguruar me oficerë të Policisë së Shtetit. Unë nuk kam
kërkuar dhe nuk më është kërkuar diçka e tillë. Kërkoj nga
mediat që të jenë shumë të kujdesshme me lajme të tilla që
dizinformojnë opinionin publik dhe krijojnë situata të
papëlqyeshme si në mjediset e myslimanëve, ashtu edhe në
ato institucionale e shtetërore", përmendet në deklaratën e
kreut të Komunitetit Mysliman. Në fakt, Selim Muça është
detyruar herë pas here të reagojë ndaj publikimeve të
lajmeve të pakonfirmuara, ku pretendohet se një rrymë e re
ekstremistësh kanë filluar të kërkojnë llogari në
komunitet, duke kërkuar ndryshimet e rrjedhës së menaxhimit
të këtij institucioni, arsimit, ndarjes së pronave, etj.

Kulla: Më kanë kërcënuar nëse interesohem për Komunitetin

TIRANË- Ilir Kulla, kryetari i Kulteve në Shqipëri, ka
deklaruar në media se është kërcënuar nga disa persona të
caktuar, të cilët nuk i ka përmendur me emra. Kulla
pretendon se ka marrë disa mesazhe kërcënuese, në të cilat
thuhet se atij i kanë vënë një lloj kufiri në kompetencat e
tij. "Nëse ngatërrohesh më tej në punët e bashkësisë
islame, do të jetë më keq për ty". Me pak fjalë, ky
pretendohet se ka qenë një pjesë e tekstit që përmendej në
kërcënimin e Kullës. Ky i fundit gjatë deklarimit në media,
nuk ka dhënë detaje të mëtejshme, duke e lënë kështu ende
të pazbardhur autorësinë e këtij mesazhi. Organet
kompetente si policia e prokuroria janë vënë në lëvizje për
të bërë të pamundurën për të zbardhur emrat e kërcënuesve,
por gjithçka ka rezultuar e kotë. Në polici e prokurori nuk
ekziston asnjë denoncim nga ana e tij dhe e Muçës, ç’ka e
bën më të vështirë punën e hetuesve dhe të uniformave blu.
Muajt e fundit janë vënë re disa mosmarrëveshje brenda
këtij komuniteti, të cilat më tepër kanë qenë të tipit
teknik, kryesisht për menaxhimin e pronave të myslimanëve.

Myftiu i Tiranës: Policia bashkëbisedoi me pesë imamët

TIRANË- Bledar Myftari, myftiu i Tiranës, deklaron për
gazetën "Metropol", se pesë imamët janë thirrur në xhami e
më pas kanë zhvilluar një bashkëbisedim me krerët e
Antiterrorit. "Mund të them se ne kemi zhvilluar një
mbledhje, ku janë sqaruar rrethanat e kësaj ngjarjeje, ku
në fund ka rezultuar se autoritetet policore kanë treguar
korrektësinë e tyre. Është bërë një sqarim nga ana e
policisë, ku kjo e fundit kishte informacione, të cilat
kishin mbërritur atje rreth një kërcënimi që i ishte bërë
kryetarit të Komunitetit Mysliman, Selim Muça dhe kreut të
Kulteve, Ilir Kulla. Pas sqarimeve, autoritetet policore,
janë njohur me disa probleme, të cilët janë teknike dhe i
përkasin këtij komuniteti dhe i kanë lënë në lirë pesë
djemtë", tha myftiu i Tiranës, duke deklaruar se sqarimet e
këtij lloji zhvillohen brenda komunitetit.

Vrasja e Salih Tivarit, ende e pazbardhur nga policia

TIRANË- Më 13 janar të vitit 2003, ora 08.30, vritet në
zyrën e tij Sekretari i Përgjithshëm i Komunitetit
Mysliman, Salih Tivari. Vrasja është kryer me pistoletë në
distancë të afërt. Ndërsa më 13 janar shoqërohet në polici
nënkryetari i Komunitetit Mysliman, Ermir Gjinishti dhe
bashkëshortja e tij si të dyshuar për vrasje, të cilët më
14 janar lirohen për mungesë provash. Më 15 janar mbërrin
dosja “Tivari” në Prokurorinë e rrethit Tiranë, ndërsa më
15 janar policia shoqëron rreth 50 persona për të dëshmuar
rreth vrasjes. Më 16 janar, Kryeprokurori Sollaku deklaron
pistat e hetimit rreth vrasjes: konflikte personale,
pronat, posti i kreut të komunitetit. Deri më sot, akoma
nuk është arrestuar apo ndaluar ndonjë i dyshuar si autor i
vrasjes.

[forum126]

Shkaktarja e gjithe kesaj trazire gazeta shqiptare dhe agjensia e lajmeve Ballkanweb prone e agjensise italiane Ansa te lajmeve ,me prone te news24 televizion duke bashkepunuar me Fatos Nanon.


Kercenimet ndaj Muces e Kulles, forcat antiterror
shoqerojne ne komisariat 15 myslimane

Lajmi i ores 2:20 PM

[balkanweb]

xhamia e Tiranes

TIRANE (13 Qershor)- Pas kerkecenimeve serioze te bera
kundrejt kreut te Bashkesise Islame, Selim Muca dhe kreut
te Komitetit Shteteror te Kulteve, Ilir Kulla, forcat e
antiterrorit te policise se Tiranes kane shoqeruar per ne
komisariat 15 myslimane praktikante te cilet frekuentojne
nje xhami ne kryeqytet. Kjo mase ka ardhur menjehere pas
padise se ngritur nga drejtuesit e larte te komunitetit
mysliman. Shkak i gjithckaje ka qene qendrimi i tyre hapur
publik ndaj rrymes ekstremiste te Xhihadit Selafist ne
Shqiperi. Behet fjale per te njejten persona qe u perpoqen
te ndryshonin statutin e komutetit mysliman ne muajin prill
duke u zyrtarizuar si pjese e ketij komuniteti edhe rrymen
ekstreme te ardhur vitet e fundit nga vendet arabe ne
Shqiperi. em/em(/BalkanWeb)

[forum126]

Rrenen e mediave e nxjerr ne shesh kryetari i komunitetit musliman.E gjithe kjo sepse ne hytbet e dites se Xhuma u fol kunder Nanoistit Ilir kulla kryetar e kulteve ne qeveri kandidat per deputet per partine socialiste ne rrethin e korces.U demaskua ai ne hytbet e dites se Xhuma nga hatibet per shkak te sharjes dhe ofendimit qe ky perdon i beri islamit dhe muslimaneve dhe sherbimit te tij komunist ndaj Fatos Nanos , i cili eshte elementi me kontigjent per percarjen e popullit shqiptar qe nga viti 1997 ku e ndau ne veri jug dhe tani deshiron te tjera ndarje dhe te tjera probleme per shkak te lidhjeve te tij me armiqte e shqiptareve, (grekeve sllave antishqiptareve te terbuar).







Deklaratë për shtyp


e hënë, 13 – 06 - 2005


Kryetari i Komunitetit Musliman të Shqipërisë, H. Ing Selim
Muça, sqaron për median dhe opinionin publik se lajmi i
publikuar në “Gazetën Shqiptare”, dt. 12 qershor 2005, ku
thuhet: “Ekstremistët dënojnë me vdekje kreun e
muslimanëve,” është i trilluar.

Nuk është aspak e vërtetë se unë kam qenë në shënjestër të
kërcënimeve të vazhdueshme apo të jem kërcënuar qoftë
drejtëpërdrejtë apo në mënyrë indirekte (me anë të
telefonatave anonime apo nëpërmjet internetit siç anonçohet
në media). Siç nuk është e vërtetë që unë jam siguruar me
oficerë të policisë së shtetit. Unë nuk kam kërkuar dhe nuk
më është kërkuar diçka e tillë. Kërkoj nga mediat që të
jenë shumë të kujdesshme me lajme të tilla, që
dizinformojnë opinionin publik dhe krijojnë situata të
papëlqyeshme si në mjediset e muslimanëve, ashtu edhe në
ato institucionale e shtetërore.”


Me respekt

H. Ing. Selim MUÇA