Artikulli nga Korrieri
"Mediu, i denuar me 3 vjet burg ne Itali"
E Premte, 10 Qershor 2005
Kryetari ekzekutiv i Levizjes per Zhvillim Kombetar, Dashamir Shehi, publikon nje vendim te gjykates se Milanos, ku kryetari i Partise Republikane eshte denuar me 3 vjet burg dhe ndalim per kryerjen e detyrave apo funksioneve ne administraten shteterore per nje afat prej 5 vjetesh: "Ndihmoi nje te kerkuar". Reagon Mediu: "Nese kjo eshte e vertete, jap doreheqjen nga jeta politike"
Kryetari ekzekutiv i Levizjes per Zhvillim Kombetar, Dashamir Shehi, ka akuzuar mbreme ne emisionin "Shqip" ne "Top Channel", kryetarin e Partise Republikane, Fatmir Mediu se, eshte denuar nga drejtesia italiane me 3 vjet burg dhe ndalim per kryerjen e detyrave apo funksioneve ne administraten shteterore per nje afat prej 5 vjetesh. Sipas Shehit, vendimi per denimin e Mediut eshte i formes se prere.
Kjo deklarate e drejtuesit te larte te LZHK-se ka tensionuar shume debatin televiziv, i cili kishte ne fokus te tij fushaten elektorale per zgjedhjet parlamentare te 2005. Reagimi i Shehit erdhi pas akuzave te bera nga Mediu ne kete emission, se LZHK ishte nje krijese e Kryeministrit Fatos Nano, per te demtuar opoziten ne keto zgjedhje. Por Shehi nuk ka ngurruar, qe per akuzen publike bere ndaj Mediut, te vere ne dispozicion te gazetes "Korrieri", dosjen me vendimin e Gjykates Italiane.
Ne dosjen, nje kopje te se ciles tashme e disponon gazeta, pasqyrohet vendimi i Gjykates se Milanos, per seancat paraprake, i cili eshte i formes se prere qe eshte marre qe me 23 prill 2000. Ceshtja ne zyren e Gjyqtarit per Seancat Paraprake eshte gjykuar ne emer te popullit italian nga gjyqtarja per seancat paraprake dr. Marolina Panasiti. Sipas dosjes, Mediu eshte denuar per krimin e parashikuar dhe qe ndeshkohet sipas nenit 309 te Kodit Penal, pasi eshte perpjekur te ndihmoje Gazmend Mahmutajn, te denuar ne Itali per krimin e shfrytezimit te prostitucionit, me nje denim kompleks prej 10 vjet e 8 muaj burg, qe te shpetonte nga nga ekzekutimi i denimit, duke e lejuar te kalonte tranzit ne territorin kombetar (italian), nepermjet nje delegacioni parlamentar shqiptar. Ky delegacion, thuhet ne dosjen e vendimit, ishte drejtuar per ne Strasburg, per te marre pjese ne nje konference mbi kriminalitetin e organizuar nga Parlamenti Europian.
Gazmend Mahmutaj, sipas dosjes italiane, udhetonte me emrin falls Raqi Gjoni. Mediu, nenvizohet ne dosjen e vendimit te zyres se gjyqtarit per seancat paraprake te Milanos, ka konfirmuar nder te tjera identitetin qe ka treguar njeriu qe kerkohej (Mahmutaj), qe nder te tjera mbeshtetej nga nje pasaporte shqiptare. Kryetari republikan, vijohet ne dosje, ka penguar me ndergjegje te plote oficeret e Policise se Gjykates qe te procedonin ne operacionin e verifikimit per kapjen e Mahmutajt. Ngjarja ne fjale, theksohet ne dosje, ka ndodhur prane Aeroportit "Malpensa" te Milanos, me 18 nentor 1998.
Zyra e Gjyqtarit per Seancat Paraprake te Milanos, arsyeton ne vendimin e saj, sipas dosjes se, Fatmir Mediu, per shkak te rendeses ekstreme te qendrimit qe u vu re te kundershtimit te Policise se Gjykates dhe ne krijimin e mundesive te te quajturit Gazmend Mahmutaj qe te kaloje tranzit ne territorin e shtetit italian, bashke me nje delegacion parlamentaresh shqiptare qe shkonin ne Parlamentin Europian per nje mbledhje per krimin e organizuar, me gjeneralitete te rreme, duke e ndihmuar ate ne kete menyre qe t'i shmangej kryerjes se denimit, nuk u konsiderua si njeri qe meriton t'i jepen rrethana lehtesuese.
"Te njejtat konsiderata e bejne kete trup gjykues qe te fiksoje denimin baze ne afate te peraferta me maksimumin e mundshem, me konkretisht, duke e percaktuar ate ne 4 vjet e 6 muaj burg denimin, qe ulet per shkak te menyres se zgjedhur te gjykimit, ne 3 vjet burg", thuhet ne vendimin e Zyres se Gjyqtarit per Seancat Paraprake te Milanos. Perpos kesaj, ne vendim thuhet, se Mediut i ndalohet kryerja e detyrave apo e funksioneve ne administraten shteterore per nje afat prej 5 vjetesh. Si perfundim, theksohet ne dosje, Mediu, duke u shpallur fajtor per krimin e permendur ne kreun 42 te vendimit, dhe duke marre parasysh uljen e denimit per llojin e gjykimit te zgjedhur, denohet me 3 vjet burg.
Pas vendimit te marre nga Zyra e Gjyqtarit per Seancat Paraprake, Mediu, sipas dosjes, me 3 maj 2002, nepermjet avoktatit Minniti, me numer regjistri 454/02, e ka apeluar vendimin e zyres se gjyqtarit per seancat paraprake te Milanos, prane Gjykates se Apelit per Krimet e Renda te Milanos, ne seksionin e dyte penal. Vendimi i dates 21 shkurt 2003, i dhene nga nje trup gjykues, i perbere nga dr. Sergio Piccinni Leopardi (Kryetar), dr. Maria Ecello dhe dr. Francesca Mercelli (keshilltare) ka lene ne fuqi per Mediun vendimin e marre nga Zyra e Gjyqtarit per Seancat Paraprake me 3 vjet burg dhe 5 vjet ndalim te kryerjes se detyrave apo te funksioneve ne administraten shteterore. Perpos kesaj, Gjykata e Apelit per Krimet e Renda te Milanos e ka denuar Mediun dhe me pagesen e shpenzimeve te shkalles se gjykimit.
Pėrgjigju Duke Cituar
Krijoni Kontakt