Dështon debati Nano-Berisha

[Albo]

"Deshton" debati Nano- Berisha

E Diele, 12 Qershor 2005

Kane ngrire mbreme perpjekjet per realizimin e nje "dueli" televiziv mes Kryetarit te PS Nano dhe atij te PD, Berisha per zgjedhjet. Kryeministri deklaron nepermjet zedhenesit se nuk ka marre pergjigje zyrtare nga pala tjeter dhe pranon nje ftese nga Dhoma Amerikane e Tregetise per debat. Stafi i liderit te opozites: Kemi kthyer pergjigje zyrtare. Mero Baze: Terhiqem nga negociatat

Duket se po shkojne drejt deshtimit, perpjekjet per realizimin e te parit debat televiziv ne kulmin e nje fushate elektorale, mes liderit te mazhorances Nano dhe atij te opozites, Berisha. Shkak per kete duket se po sherbejne dy qendrimet gjithnje e me te kunderta qe po mbajne per kete ceshtje, stafet e te dyja paleve, qendrimet te cilat kane shkuar ne ekstrem, dje pasdite.

Ne pergjigje te interesimit te medias mbi negociatat per zhvillimin e debatit, zedhenesi i kryeministrit, Adrin Dalipi, tha se "kryeministri eshte ende ne pritje te nje pergjigje zyrtare nga ana e PD-se per sugjerimet e autorizuara te stafit te z. Nano, derguar permes nje letre zyrtare dy dite me pare. Ne verejme me keqardhje se PD-ja vazhdon te tregoje mungese te theksuar serioziteti dhe transparence per nje nga ceshtjet me te rendesishme te ketyre zgjedhjeve",- shtoi z. Dalipi.

Nderkohe qe dy dite me pare negociatori i zotit Berisha per diskutimin e ceshtjeve teknike rreth ketij debati, botuesi i gazetes "Tema" Mero Baze, ka njoftuar me ane te nje letre negociatorin e Nanos, kryeredaktorin e "ZP" Erjon Brace se "Berisha i qendron idese se debati duhet zhvilluar". Me pas, ne kete leter, PD premton qe drejtuesi i debatit televiziv te jete gazetari i njohur dhe drejtuesi i emisionit "Opinion" ne Tv Klan, Blendi Fevziu. "Diferencat qe ekzistojne ne te dy platformat jane te tejkalueshme nga formati profesional i gazetarit. Emri i tij nuk ka lidhje ne kete rast me stacionin televiziv ku ai drejton nje emisionin politik", thuhet ne letren e stafit te Berishes, drejtuar stafit te Nanos. Por, duket se ky dokument nuk eshte konsideruar zyrtar nga ana e stafit te Kryeministrit.

Nje nga mosmarreveshjet me te medha mes propozimit te te dyja paleve per zhvillimin e debatit televiziv, ka qene fakti se nese lideri i opozites ka ofruar idene per nje debat, stafi i shefit socialist, ka kembengulur per 2 debate. Zedhenesi i fushates se PD, Lulzim Basha, kritikoi dje idene e organizimit te dy debateve, te propozuar nga PS. Ai tha se ishte nje ide marksiste organizimi i dy debateve te vecanta, nje per politiken e jashtme dhe tjetri per politiken e brendshme.

Por, si te mos mjaftonte kjo mosmarreveshje dhe mosgjetja e nje emeruesi te perbashket per emrin e gazetarit dhe televizionin apo televizionet qe do ta transmetonin 120 minuteshin kulmor te kesaj fushate, dje ka ndodhur nje e papritur tjeter. Dhoma Amerikane e Tregtise e ka ftuar Nanon dhe Berishen per nje debat, duke u ofruar si organizatore dhe moderatoret e tij. Nga ana e tij, Kryeministri deklaroi dje se e mirepret ftesen e Dhomes Amerikane te Tregtise. Nje levizje qe duket se gati e ka minuar idene e debatit televiziv mes Nanos e Berishes.

Burimet nga stafi i Berishes i thane mbreme "Korrieri" se eshte e vertete qe rreth dy jave me pare, Dhoma Amerikane e Tregetise ka sjelle nje ftese per debat rreth ceshtjeve ekonomike ne nje tryeze ku do te ishin te ftuar lideret e PS Nano, i PD Berisha dhe ai i LSI, Meta, e cila eshte pranuar ne parim nga kreu i selise blu. "Por, ky debat qe do te zhvillohej ne Hotel "Sheraton" ne prani te medias per ceshtjet e programeve ekonomike, nuk ka lidhje me idene e debatit te drejtperdrejte televiziv mes Nanos e Berishes per ceshtjet e zhvillimeve politike dhe fushates elektorale ne Shqiperi",- tha burimi.

Ne kete menyre, duket se negociatat mes dy paleve per debatin televiziv kane hyre ne nje rruge pa krye. I kontaktuar mbreme me telefon nga "Korrieri", negociatori i Berishes per kete ceshtje, botuesi i gazetes "Tema", gazetari i njohur Mero Baze tha se "keshtu sic po zhvillohen ngjarjet nga kampi tjeter, pasi e kam dorezuar zyrtarisht pergjigjen e stafit te Berishes per debatin televiziv, une e konsideroj te perfunduar detyren time dhe terhiqem nga negociatat e metejshme". Ne kete menyre, pa u mbushur ende nje jave nga pranimi publik i ofertes per nje perballje direkte televizive mes dy lidereve kryesore te politikes shqiptare, shanset per realizimit te tij, tani duken me te largeta se kurre.

[Antimafia]

Dhoma Amerikane e Tregtise e krijuar ne vitin 2000, ka antare te saj biznesmen shqiptare te te gjitha fushave. Asnjeri nga keta biznesmen nuk ka lidhje me qeverine Nano dhe personalisht me Nanon. Ata jane biznesmen te ndershem qe e kane filluar nga hici dhe jane bere supermilioner, duke ju permbajtur te gjitha rregullave te konkurences se lire ne treg.

P.sh.

Antare e kesaj dhome eshte:
Shoqeria "Albacopter", me presidente Xhoana Nano.
Shoqeria " Auto Star Albania" me president Basri Ruken ( ustai qe na dhuroi Benz-in 360 000€ ne shkembim te blerjes se 5,5 milion € Ambulancave )

per me shume info. :

http://www.amcham.com.al/about/index.php?page=alfalist


------------------------------------------

Fatos Nano dhe njerzit e tij e kane pergatitur terrenin prej kohesh, qe debati te zhvillohej nen drejtimin e kesaj dhome.
Cdo gje ne lidhje me debatin Berisha - Nano , qe u propozua nga PS ditet e fundit paska pasur si qellim final, therritjen e Berishes ne strofken Nanoiste.


Berisha duhet te bej kujdes qe te mos bjer ne kurth, sepse ne qofte se ai do futet ne nje debat me komplet klanin Nano me date 29 Qershor, mund te humbas ndonje pike, te cilen nuk ka kohe per ta rifituar.


Berisha duhet te qendroje ne te tijen, qe debati te kete moderator, moderatorin me te mire te medias shqiptare , Blendi Fevziun.
Ne te gjith boten keshtu veprohet. Debatin e drejton moderatori me i mire i vendit.

(Nuk i lihet kjo pune ne dore, ndonje personi qe per te moderuar mendimet e tija i duhet gjysem dite kohe ( sic jane gazetaret ne pergjithsi) apo ndonje personi nga shoqeria civile, qe e vetmja here kur mund te kete dale ne televizor, ka qene dita kur pane vidiokaseten e filmimit te dasmes se tij.)

[Iliriani]

Kush mund te vej ne forum EDITORIALIN e TEMES qe sot eshte per kete ceshtje nga Mero Baze.

[RTP]

Pas Dhomës Amerikane të Tregtisë shfaqin interes edhe Unioni i Biznesmenëve Italianë, Dhoma e Tregtisë Britanike dhe Unioni i Biznesmenëve Grekë

Nano-Berisha, garë ndërkombëtare


Darina Tanushi

TIRANË – Ndërkombëtarët janë vënë në garë për të organizuar një debat Nano-Berisha. Pas Dhomës Amerikane të Tregtisë, janë sipërmarrësit italianë, ata grekë dhe anglezë, të cilët kanë shprehur interesimin e tyre për të iniciuar një debat midis dy liderëve të politikës shqiptare Nano e Berisha. Dhoma Britanike e Tregtisë, Unioni i Investitorëve italianë dhe ai grek kanë dërguar kërkesat e tyre pranë stafeve të Nanos dhe Berishës. Biznesmeni italian, i pranishëm në panairin “Klik Ekspo Klik”, Sandro Innocente, që ka investuar në Shqipëri, thotë se biznesmenët italianë në Shqipëri janë të interesuar për një përballje të tillë. “Nëse Dhoma Italiane e Tregtisë do të na krijonte këtë mundësi, mund të negocionim me drejtuesit politikë të PS-së e PD-së që kjo përballje të realizohet”, - ka thënë biznesmeni Innocente. Ai ka thënë se do të kërkonin stabilitet të qeverisë shqiptare dhe siguri për investimet italiane në vendin tonë. Në fakt, Dhoma Amerikane e Tregtisë në kërkesën dërguar Nanos e Berishës kërkojnë që pjesë e këtij forumi në formë debati të jetë edhe kryetari i LSI-së, Ilir Meta. Dhoma Amerikane e Tregtisë shprehet se ky do të jetë një forum debati që do të konsistojë në çështjet ekonomike të platformave të partive respektive dhe programet që liderët propozojnë për të zhvilluar sipërmarrjen private në të ardhmen. Ashtu siç del edhe në këtë letër të Dhomës Amerikane të Tregtisë, por edhe nga kërkesat e sipërmarrësve italianë, grekë apo britanikë, ky debat që kërkohet prej tyre fokusohet në çështjet ekonomike dhe jo në ato politike. Në ndryshim nga ky format, stafet e dy liderëve, Nano e Berisha, janë duke përgatitur dy debate që do të kenë për tema jo vetëm ekonominë, por gjithçka që ka të bëjë me politikën e brendshme dhe të jashtme. Midis dy përfaqësuesve të Nanos e Berishës deri tani ka mbetur pa u vendosur vetëm moderatori i debatit, emri i të cilit endet midis gazetarit Blendi Fevziu, të propozuar nga PD-ja dhe një personi tjetër që kërkon PS-ja të propozojë, por që ende nuk është vendosur. Duket se pikërisht kjo pamundësi e vetë shqiptarëve për të përballur qoftë edhe një herë të vetme, ka futur në lojë sërish ndërkombëtarët, që nga amerikanët, anglezët e deri te fqinjët tanë, italianët e grekët. Por gjithsesi, Dhoma Amerikane ka propozuar që drejtuesi i këtij forumi të jetë një gazetar shqiptar që merret me çështjet e ekonomisë. Amerikanët propozojnë që ky forum në formë debati të ketë pjesëmarrje të drejtpërdrejtë të rreth 70 personave të përzgjedhur nga bordi i Dhomës Amerikane të Tregtisë dhe të transmetohet nga një ose më shumë televizione që kanë një shtrirje të gjerë kombëtare. Një ditë më parë, kryetari i Komitetit të Taksave dhe Ligjeve të Dhomës Amerikane të Tregtisë, Genci Boga, tha se për “Shekullin” se “ne u kemi dërguar kryetarëve të PS-së dhe PD-së nga një ftesë për një debat të nivelit të lartë, më parë se në media të hapej çështja e debatit të tyre. Si ide në fillim kishim që ta organizonim debatin në fillim të muajit, por tani, nisur nga ngjarjet dhe situata e ditëve të fundit, e kemi shtyrë në kohë. Mendojmë që debati të zhvillohet në fund të muajit, në 27, 28 ose 29 qershor”. Boga, i cili po merret me organizimin e debatit së bashku me drejtoreshën ekzekutive të Dhomës Amerikane të Tregtisë, është i mendimit se formati i debatit mes Nanos dhe Berishës nuk do të jetë një format i rëndomtë me replika, sharje dhe fyerje. “Secilit do t’i drejtohen pyetje dhe përgjigjet do të jepen brenda një kohe të caktuar. Pyetjet janë duke u përgatitur nga një staf i gjerë specialistësh dhe mendoj se debati do të jetë i një niveli të lartë”, - ka thënë ai.




13/06/2005
SHEKULLI

[RTP]

Letërkëmbimi i Dhomës Amerikane të Tregtisë me përfaqësuesit e BGR

Këshilltari i Berishës, “OK” ftesës së Dhomës Amerikane


D.T

TIRANË – Këshilltari amerikan i kompanisë Barbour Grifithh & Rogers, LLC, Gregory Minjack, pranë kryetarit të PD-së, Sali Berisha, i ka kthyer dje përgjigje pozitive ftesës së Dhomës Amerikane të Tregtisë drejtuar kryetarit të PD-së. Në përgjigjen e tij, këshilltari amerikan i Berishës shprehet se “i kemi rekomanduar doktor Berishës që ta pranojë ofertën tuaj. Ne jemi veçanërisht të kënaqur që ju keni përfshirë në këtë forum edhe kryetarin Meta dhe data 20 qershor është shumë e përshtatshme, megjithë dendësinë e takimeve që doktor Berisha ka ndërmarrë në të gjithë vendin. Kjo është një prej ditëve të pakta të mbetura hapur në kalendarin e fushatës”, - thuhet në përgjigjen e PD-së për përfaqësuesit e Dhomës Amerikane të Tregtisë. Berisha është shprehur se “beson se është shumë e rëndësishme që organizata joqeveritare dhe të paanshme si Dhoma Amerikane e Tregtisë, të marrin pjesë në këtë proces për të garantuar që asnjë parti politike e caktuar apo interesa të veçanta të mos favorizohen në fushatë”. Sipas tij, ky forum e plotëson këtë standard. Nga ana e saj, Dhoma Amerikane e Tregtisë pret përgjigje zyrtarisht edhe nga Nano e Meta deri sot, megjithëse Nano e ka dhënë një përgjigje nëpërmjet zëdhënësit të tij se e pranon ofertën. DHAT ka bërë tashmë një format paraprak të forumit në formë debati, i cili do të përqendrohet në çështjet ekonomike kryesisht. Kështu propozohet që data të jetë 20 qershori, ndërsa mënyra se si do të komunikojnë Nano, Berisha dhe Meta nuk do të jetë në formë debati me njëri-tjetrin, por secili do t’i përgjigjet të njëjtave pyetje me të njëjtën kohë të përcaktuar nga bordi i DHAT. Ky bord tashmë po merret me përgatitjen e pyetjeve dhe do të përzgjedhë gjithashtu edhe të pranishmit që do të ndjekin direkt debatin si dhe gazetarin që do ta drejtojë atë. Në mes 70 të ftuarve do të ketë edhe përfaqësues të institucioneve ndërkombëtare. Propozohet që tre liderët t’u përgjigjen pyetjeve nga ora 9 deri në 1030 në mjediset e hotel “Sheraton”, ku do të krijohet edhe mjedisi për mediat të cilat do ta transmetojnë.




13/06/2005

[shkodra13]

Pas Dhomës Amerikane të Tregtisë shfaqin interes edhe Unioni i Biznesmenëve Italianë, Dhoma e Tregtisë Britanike dhe Unioni i Biznesmenëve Grekë

...shoqata e kepucareve rumune, leshpunuesit peruane dhe fishekzjarristat kineze...
hej bela...e bahet fjale per fatet e shqiptareve!!!
Amerikani i Barbour Grifithh & Rogers thote ok! Paret i merr e mbas votimeve merr valixhet e shkon ne pune te vet!
Po cka thone fotoksinepiresit (si thote Brari) e sydalet prej territ kush po e ka problem!
Kane vendose ato edhe kush duhet me qene i thirrun Berisha, Nano e Meta...
Se c'vlere ka vota e shqiptareve e fati i tyne...

[RTP]

Ja propozimi i stafit të Kryetarit të PD, Sali Berisha rreth debatit me Kryetarin Nano, botuar edhe dje në media


Debati të drejtohet nga Blendi Fevziu
Zotit Erjon Braçe


Tiranë


I nderuar zoti Braçe.

Në vijim të letrës suaj të datës 9 Qershor mbi konceptin e debatit që Kryetari i Partisë Demokratike, Sali Berisha, është i gatshëm të zhvilloj me Kryetarin e Partisë Socialiste, Fatos Nano, e konsideroj të konsumuar problemin e njohjes së koncepteve të dy palëve për debatin.

Kryetari i Partisë Demokratike, Sali Berisha, i qëndron idesë se debati duhet zhvilluar dhe se e konsideron të rëndësishme faktin që të biem dakord për emrin e gazetarit që duhet ta drejtojë atë.

Pas kësaj, mendoj se diferencat që ekzistojnë në të dy platformat janë të tejkalueshme nga formati profesional i gazetarit. Ai e ka më të lehtë të zgjidh problemin e vendit ku do të mbahet debati dhe përmbajtjen konkrete të temave.

Ne propozojmë që ky debat të drejtohet nga gazetari Blendi Fevziu, duke e vlerësuar atë si gazetarin që drejton emisionin politik më popullor në vend, dhe nga ana tjetër si gazetarin që ka mundur të drejtojë debatin e parë mes Fatos Nanos dhe Sali Berishës, dy vite më parë. Emri i tij nuk ka lidhje në këtë rast me stacionin televiziv ku ai drejton një emision politik.

Mero Baze



LEXONI ME SHUME

1. Berisha, në Bradashesh dhe Fushë Mbret për Muharrem Kajollin dhe Aurel Bylykbashin
PD do të anëtarësojë vendin në NATO dhe BE

http://www.rilindjademokratike.com/R...5/politika.htm


2.Miting i jashtëzokonshëm në Pogradec. Kryetari i PD prezanton kandidatët e fitores Besnik Jacelli dhe Eris Hoxha
Berisha: Qeveria e PD, kredi për zhvillimin e turizmit

3.Stafi i kryeministrit refuzon që debati të moderohet nga Blendi Fevziu
Nano tërhiqet nga negociatat për debatin me Berishën

4.Kryetari i PD-së bashkëbisedon me përfaqësues të biznesit në zonën e tij elektorale
Biznesmenët e Kavajës i paraprijnë fitores së PD

ETJ

[shkodra13]

[COLOR=DarkOrange][SIZE=3]J
1. Berisha, në Bradashesh dhe Fushë Mbret për Muharrem Kajollin dhe Aurel Bylykbashin
PD do të anëtarësojë vendin në NATO dhe BE

Uroj te fitojne PD, por s'besoj se ne krye te problemeve te banoreve te Bradasheshit qendron hymja ose jo ne NATO.

[Brari]

lol ..me ke ba me kesh mor shkodran..

Mir e ke.. as po i rruhet kujt ma per Nato e BE me hi a mos me hi..
Enveri i hymun ka qen ne te gjitha ..sa ish kryetar..
edhe Mizi shkoj ne Amerik .. Nano po e po qe ne koh te Dulles shkonte vinte ne itali tek Tezja e vet qe ka qen martu me italan qe ne koh te facizmit..
edhe kta lideret plural u ben me pasosha me hi e me dal neper evrop.. por
problem mbeten njerzit e thjeshte qe akoma nuk levizin kollaj..

Shqiperia ka dy kategori kryesore mileto-re.. fshataro-bujqerit.. dhe qytetaro-kat dyt tretasit..
Fshatari muarr nje cop tok.. pra e ka nje hambar ku ne dac e ben parking makine..traktori..ose shpi per cunin e trete qe do i martonet.. ose tullo-qoromidhe mbajtese per biznes.. ose sere per kastro domato speca jonxh e rrush ose qebabtore me i shit mish qeni qafleshve te fshatit me raki ureje azotiku.. etjetj..
Mirpo cdo bej qytetari.. i kat dyt tret kater pestit.. se ai i katit pare e beri kafene e kepuc-shitore e berbero-rrojtoren e vet e po ja sheh hajrin tash 16 vjet qe kur Mizi lejoj hajdutllekun haptazi...kur privatizoi bylmeto-ushqimoret..
...
Per kete kategori ( pra qe jetojn ne kat dyt tret 4-5 deri ne te gjashtin) akoma ska then gje Berisha.. as tani as ne 91-nent dhjet e dynë.. se nanua edhe ka thene.. psh Nanua ka thene.. behuni me mua.. si Sk.ari cakejve.. te Lion Kingu.. e do kullosni ku te doni..
psh nanua nje natash paco apo edvin kodhel qe ka banuar ne kat dy t apo nje papul qe ka banuar ne kat tret apo nje caco ruc e poc qe ka banuar ne pallat me pun vullnetare e ka ber.. bos -sheik me land benxo rover e me nderrmarrje private..miljardo dollarshe..
Por kjo quhet zgidhje pjesore jo..milet-ore..
Pra Berisha akoma nuk di cti thote Miletit prandaj flet i ziu per ulje akcizash e hyrje dalje Natosh e Bë-e-sh.. qe jane procka koti per miletin..

Pra Berisha nuk ka asnji plan per ti bere dhe qytetaret e kat dyt tret 4-5 gjashtit.. qe skan qene kurre e sjan hajduta.. pjestare te Atdheut..pra milet qe kan dicka.. ku mbi kte dicka te ven ne levizje.. sikurse thot Berisha inisiativen private..qe ai e quan Lev Arkimedi..

Por leven e Arkimedit nuk mund ta ngulesh ne balkon te katit te katert se shum shum me te hedh ndonji vazo lulesh ne kok te ndonje qyqari..
Pra levrin ne ajer nje tallje e madhe.. dhe pikerisht mbi ata qe Votuan Demokracine e qe e votojne perseri..


Pra ka nje BOSHLLEK te MADH..

Duhet bere RI-NDARJA e cdo Pellembe tok e objekti mbi kete truall prej 29 000 km katrori.. pik..

Kjo qe eshte bere deri tani ne kto 16 vjet te qelbura Ramizo Nano Mekso tritano berisho Dash sheh-i Meto Edvin-iane jane UZURPIM e jo privatizim..

..nejse..

ja dhe Dubaistet qe paguajn Dubajet e Nanos..na lane shendene..provizorisht sipas lojes Nano-Moisi


--

RD


Hajdutët po na lënë

Artur Kopani

Qeveria e Partisë Socialiste konfirmoi dje se ka cekur fundin e mandatit të saj. Andis Harasani, një nga eksponentët kryesorë të klanit "Nano" tha dje, se çdo punë ka një fillim dhe një fund. Ai deklaroi se nuk do të rikthehej më në krye të KESH-it, të cilin e moli harbutërisht gjatë dy viteve të fundit. Bashkë me të u larguan Idrizi i pangopur i doganave, si edhe një radhë menaxherësh të tjerë të renditur në majat e larta të korrupsionit të qeverisë së kryeministrit Fatos Nano.

Largimi i abuzuesve milionerë me fondet shtetërore është një ogur i mirë. Padyshim që presioni i jashtëzakonshëm ndërkombëtar nuk i la zgjedhje tjetër Fatos Nanos, por të detyronte vasalët e tij që të jepnin dorëheqje njëri pas tjetrit, kur një ditë më parë kishin filluar lejet e zakonshme, apo "lejet pa pagesë".

Kandidatët e Fatos Nanos për deputetë lanë detyrat e larta në administratën shtetërore, pasi ligji për zgjedhjet ua kishte kërkuar ta bënin muaj më parë. Largimi i tyre kërkohej për të shmangur vënien e administratës shtetërore që kontrollonin në shërbim të fushatës së tyre elektorale në realizimin e parimit të shanseve të barabarta për forcat politike që kërkojnë votën e shqiptarëve më 3 korrik. Kjo kohë, i shërbeu Harasanit, Idrizit dhe të tjerëve që të përdorin postet e tyre për të përballuar shpenzimet elektorale, jo vetëm në zonën e tyre, por për të gjithë kandidatët e Partisë Socialiste.

Kërkesa e Partisë Demokratike për të kontrolluar aktivitetin e këtyre menaxherëve të lartë të enteve kombëtare, është një mundësi që i jepet Partisë Socialiste dhe kryeministrit Nano që të kufizojnë sadopak hemoragjinë e votave. Vërtet shumë e vonuar, por Nano mund të tregojë një vullnet politik për të luftuar korrupsionin në administratën e tij. Harasani, Idrizi janë plot me skandale dhe abuzime të hatashme financiare dhe është çështje kohe kur ata vërtet do të përgjigjen dhe do t'u kërkohet të rikthejnë milionat e munguara në arkën e shtetit.

Në Shqipëri fati i hajdutëve është i shkruar, që ditën që shqiptarët përmbysën sistemin e Hoxhës. Nano është prova e gjallë, si edhe modeli që fatkeqësisht këta zyrtarë të rinj kanë zgjedhur të imitojnë. Nano nuk mund t'i shpëtojë milionerët e tij nga humbja e sigurtë që ata i pret në këto zgjedhje, sikurse nuk mund të shpëtojë as Angjelin, Doklen, Finon, Malajn, Poçin, Dukën, e të gjithë kabinetin e monopolistëve dhe administratën e tij të korruptuar nga dështimi me turp.

Presioni ndërkombëtar kishte një ndikim të dukshëm tek Fatos Nano që të urdhëronte harasanët dhe idrizët të largoheshin, por presioni i madh që po ushtron votuesi shqiptar duket se ka qenë fatal për këta menaxherë milionerë. Ndërsa ata morën dhuratë karrige të rëndësishme në hierarkinë shtetërore dhe i bënë milionat në pak muaj, e lexonin në gazeta skandalet e tyre të njëpasnjëshme, është hera e parë që detyrohen të dalin në publik dhe të përballohen me urrejtjen e madhe që vlon në çdo cep të Shqipërisë ndaj qeverisjes më të korruptuar që ka patur vendi.

Eshtë krejt ndryshe që të dëgjosh në Parlament dhe në televizor Sali Berishën, Edi Palokën, Sokol Olldashin, Shaban Meminë, e dhjetra politikanëve të tjerë të opozitës denoncimin që i është bërë krimeve të këtij pushteti, dhe të shkosh në zonën elektorale dhe të provosh më së paku pështymën në fytyrë nga mijëra e mijëra të papunë, të pastrehë, të grabitur nga faturat aforfe, të dërrmuar nga mjerimi që nuk u ndahet. Këtu, unë i gjej arsyet më të forta të këtyre dorëheqjeve të komanduara nga Nano, dhe nuk do të jem i befasuar nëse deri më 3 korrik do të mësojmë largimin e tyre jo vetëm nga kandidimi, por edhe nga Shqipëria.

Nëse shkon në zonën e Idrizit, Harasanit, por edhe të pushtetarëve të tjerë socialistë, përveçse atyre njerëzve që janë të detyruar ca nga përlyerja në vjedhjet e administratës, e ca nga urdhërat që iu japin shefat e tyre, nuk gjen njeri tjetër të jetë nën shoqërinë e tyre. Dhe, vetmia është armiku më i madh i atyre që janë të kapluar nga frika. Rakia, gjiza dhe sallami i Nanos në Pallatin e Kongreseve e bëjnë edhe më të zymtë perspektivën, pasi shumë prej pushtetarëve aktualë iu besohet se ka ardhur dita të rikthehen në kioskat prej kashte që rrethonin dikur selinë e Partisë Socialiste.

Harasani dhe Idrizi janë shumë të rinj në PS, por në qeverinë aktuale ka plot të tjerë me eksperiencë që kanë ditur të gjejnë argëtim edhe në opozitë. Fatos Nano është rasti më domethënës.


-----

[RTP]

O miq,

A e moret vesh se Nano e Berisha nuk rane dakort se
cili gazetar duhej ta drejtonte debatin e tyre, e se
me ne fund u vendos qe ta drejtonte Genc Boga, dhendri
i Enver Hoxhes. Se pak gazetare ka Shqiperia e u deshn
nje pinjoll oligarkist i dinastise Hoxha qe ta bente
kete.

Thoni po te doni qe klani komunist nuk e ka nen
kontroll Shqiperine.

O Zot ndihmona.

sd.