Pritet gjykimi i Ramush Haradinaj ne qershor

[Llapi]

Bardhyl Mahmuti



«Ju lumtë pushka trima!»: Spektaklet politike “Limaj I” dhe “Haradinaj I”


Ju kujtohet fare mirë se pas përfundimit të luftës çlirimtare dhe tërheqjes së okupatorit nga Kosova një numër prokurorësh ndërkombëtar, në pamundësi që të arrestonin kriminelet serb që kishin kryer krimet më monstruoze kundër popullit shqiptar, morën për mision politik relativizmin e gjenocidit të ushtruar në Kosovë nga pushteti i Serbisë.
Në përputhje me këtë mision, ata filluan një fushatë të tmerrshme kundër UÇK-së. Akuza publike për gjoja “krimet e luftës që kjo ushtri çlirimtare kishte kryer kundër civilëve serb”; shantazhe publike për “ndjekjen e të gjithë pjesëtarëve të të gjitha niveleve komanduese të UÇK-së të implikuar në krime lufte”, “ndjekjen e të gjithë kriminelëve që ndodhen në funksione të niveleve të ndryshme të institucioneve të Kosovës së pasluftës dhe anëtarë të partive të ndryshme politike”, e kështu me radhë.
Akuzat dhe shantazhet u forcuan gjithnjë e më shumë për të marrë formë konkrete me “spektaklet e arrestimeve politike” në momentin kur duhej të fillonte procesi i përcaktimit të statusit politik të Kosovës.
Shumë muaj më vonë pas akuzave publike ndaj personave të papërcaktuar me emra të përveçëm, u arrestua z. Fatmir Limaj ( Shefi i Grupit parlamentarë të PDK-së në Kuvendin e Kosovës) për të vazhduar me z. Ramush Haradinaj (Kryeministri i asaj kohe i Kosovës) dhe një numër veprimtarësh dhe patriotësh të shquar të rezistencës kombëtare shqiptare.
Revoltës së madhe popullore që shpërtheu me rastin e këtyre arrestimeve kryeprokurorja atëhershme e Gjykatës Ndërkombëtare të Hagës, zonja Karla Del Ponte, iu përgjigj me deklaratën e saj pompoze: “Ne nuk jemi budallenj të hapim procedura penale ndaj individëve të profilit të lartë pa pasur argumente të forta. Ne jemi një organizatë profesionale me prokurorë të kualifikuar, me shumë vite përvojë dhe me renome ndërkombëtare”.
Nuk do të zgjatem në atë që shqiptarët e dini mjaft mirë. Po u rikujtoj atyre ndërkombëtarëve që shtiren se kanë harruar faktin se spektaklet politike të arrestimeve dhe proceset gjyqësore përfunduan me pafajësinë e të gjithëve.
Spektaklet politike të arrestimeve dhe gjykimeve që përfunduan me pafajësinë e luftëtarëve të lirisë shkaktuan vetëm tragjedi familjare. Ato nuk mundën të ndalin procesin e pavarësimit të Kosovës!

Spektakli politik “Limaj II”

Shqiptarët e dini fare mirë se që në momentin kur populli i Kosovës i dha mandatin e përfaqësimit politik PDK-së, Kosova hyri në një epokë të re historike. Ky verdikt i popullit i bëri të gjithë armiqtë e pavarësisë së Kosovës të djersiten. Të gjithë u bindën se premtimet elektorale u bënë realitet. Në 100 ditshin e parë u shpall pavarësia e vendit dhe sot, me mburrje mund të konstatojmë se rreth 1/3 e shteteve anëtare të OKB-së e kanë njohur pavarësinë e shtetit të Kosovës. Në mesin e shteteve që njohën pavarësinë e Kosovës janë shtetet më të fuqishme të demokracive perëndimore. Ky rezultat i Qeverisë së Kosovës ka mobilizuar qarqet antishqiptare në rajon dhe më gjerë për të penguar vrullin e rezultateve tona kombëtare.
Krahas realizimit të aspiratës shekullore, Qeveria e Kosovës ndërmori hapa të pa parë deri më tani në zhvillimin e vendit.
Fatkeqësisht, një pjesë e territorit të Kosovës është jashtë kontrollit të institucioneve shtetërore të Kosovës. Një pjesë e territorit të Kosovës është shndërruar në Eldorado të krimit të organizuar dhe korrupsionit. Botërisht dihet se ky krim i organizuar dirigjohet nga Beogradi.
Shpërthimi në publik i skandalit se në krim të organizuar janë të implikuar edhe ndërkombëtarë, në mesin e të cilëve edhe pjesëtarë të EULEX-it, duhej të shërbente si shtytje e një koordinimi edhe më të fuqishëm në çrrënjosen e këtij fenomeni negativ që rëndon ekonominë dhe që dëmton reputacionin e Kosovës në botë.
Në mungesë të vullnetit të mirë që të ballafaqohen me krimin e vërtetë dhe në funksion të heshtjes së skandalit të implikimit të pjesëtarëve të EULEX-it në krim të organizuar, prokurorë të misioneve të vjetra politike edhe kësaj radhe iu vërsulën shqiptarëve.
Bastisja e lokaleve të Ministrisë së Transportit dhe Telekomunikacionit, e shoqëruar me spektaklin mediatik, ka për funksion zhvendosjen e vëmendjes së opinionit publik nga gjeneratori i vërtetë i krimit të organizuar, qeverisë së Beogradit me ndihmën edhe të disa ndërkombëtarëve, në Qeverinë e Kosovës.
Në vend që t’u lehet organeve të hetuesisë të nxjerrin në shesh rezultatet e materialeve të konfiskuara, të cilat do të dëshmonin për korrektësinë apo moskorrektësinë e punës së ushtruar nga kjo ministri, ushtruesi i detyrës së prokurorit të EULEX-it, z. Johannes Van Vresswijk në një intervistë të gjatë për të përditshmen “Koha Ditore” të datës 7 maj 2010 nxori në shesh komplotin e kurdisur politik.
Që në fillim të intervistës së tij z. Johannes Van Vresswijk thotë se “Gjykatësi që e ka dhënë urdhrin për bastisje ka parë gjithçka”!
Unë nuk vë në dyshim se këtij “gjyqtari që ka dhënë urdhër për bastisje”, i kanë ofruar dosjen e konstruktuar ku ai ka parë “gjithçka” që ata kanë kurdisur. Por ajo që mbetet për t’u sqaruar për opinion publik qëndron në kundërthënien se “çka ka mbetur” jashtë “gjithçkahit” që do të arsyetonte spektaklin e ri politiko-mediatik?! Asgjë?! Apo vetëm funksionin politik të këtij skandali mediatik?!
Ushtruesi i detyrës së prokurorit të EULEX-it, z.Johannes Van Vresswijk, në intervistën e tij zhveshi në tërësi komplotin e përgatitur kundër Qeverisë së Kosovës në përgjithësi dhe kundër z. Fatmir Limaj në veçanti.
Në intervistën e tij ai bëri publik jo vetëm konstruksionin e dosjes por edhe vendimin final që është paraparë.
Ai nxori në shesh se në këtë proces të montuar është paraparë në total 55 vjet burg. Në habinë e gazetarit “55 vjet burg ?” ai përgjigjet me vendimin e prerë dhe tanimë të vendosur në kabinetet sekrete:” totalisht po! Për dy të dyshuar. Për ministrin Limaj dhe shefin e prokurimit. Dhe kjo nuk do të thotë se do të mbetet me kaq...Ka edhe njerëz tjerë të involvuar....”!
Me një fjalë, z. Johannes Van Vresswijk del si hetues, prokuror dhe gjyqtarit i këtij procesi politik!
Funksionet e hetuesit, prokurorit dhe gjyqtarit që ka marrë mbi vetë z. Johannes Van Vresswijk e bëjnë paradoksal në këtë intervistë të gjatë. Janë tri funksione që nuk mund të menaxhohen as në një intervistë se jo më në realitet.
Pasi shpalli në cilësinë e funksionit të gjyqtarit aktgjykimin prej 55 vjet burg ai deklaron, në rolin hetuesit, se “ne tash po hetojmë dhe po i mbledhim ato. Dhe në momentin që t’i kemi vendosur këto fakte dhe kualifikuar ato me akuzat që i kemi këtu, do të fillojë procedura”.
Çfarë “faktesh” ju duhen për një dosje të kurdisur në tërësi, ku edhe “Gjykatësi që e ka dhënë urdhrin për bastisje ka parë gjithçka” dhe ku ju e shpallni edhe aktgjykimin prej 55 vjet burg?!
Bastisja spektakulare në këtë komplot politik nuk ka funksion tjetër pos për të fshehur gjurmët e komplotit, që e bëri publik në intervistën tij z. Johannes Van Vresswijk.
Z. Johannes Van Vresswijk kërkon më shumë respekt edhe në media nga ana e Qeverisë së Kosovës madje ai deklarohet si prokuror i zemëruar!
Në këtë kontekst ai citon edhe kërkesën e z. Limaj “që hetuesia të bëj punën e vet e Qeveria të vazhdojë programin e vet”.
Z. Johannes Van Vresswijk harron se respekti është reciprok dhe se intervista nuk është asgjë tjetër pos parafrazim i deklaratave të Karla Del Pontes. Me të vetmin ndryshim që në vend të “krimeve të luftës” përdoret “Krimi i organizuar dhe korrupsioni”!
Shantazhet “se do të ndiqen të implikuarit në krim...të të gjitha niveleve institucionale... të të gjitha partive politike...” janë shantazhe politike déjà vu që synojnë destabilizimin e Kosovës.
Në këtë kontekst historik, kur duhet të fillojnë bisedimet me Serbinë për Çështjet teknike në interes të dy shteteve (Kosovës dhe Serbisë) dhe kur Gjykata Ndërkombëtare me Drejtësisë duhet të prononcohet rreth ligjshmërisë së verdiktit për shpalljen e pavarësisë së Kosovës qarqe të caktuara përpiqen t’i japin një dimension politik këtyre realiteteve.
Kemi bindjen e plotë se Kosova, që mbylli një epokë historike në mënyrë të lavdishme me shpalljen e pavarësisë dhe që hapi epokën e re duke vu themelet e shtetit modern me orientim dhe perspektivë euro-atlantike do të vazhdojë rrugën e sukseseve!
Është koha që ata të cilët përgatisin komplote për të frikësuar shqiptarët të vetëdijesohen se pavarësia e Kosovës është proces i pakthyeshëm! Është koha që me letrat e aktakuzave të montuara në funksion të destabilizimit të Kosovës t’i fshijnë djersët! Kosova shtet i lirë dhe i pavarur do të marshojë drejt horizonteve plot suksese!
Më lejoni që t’u drejtohem z. Johannes Van Vresswijk dhe atyre që fshihen pas tij se
jam plotësisht dakord se “krimi i organizuar dhe korrupsioni janë krime sekrete” . Këto forma të krimit nuk kanë lidhje as me përkatësinë partiake, as me përkatësinë etnike e as me përkatësinë institucionale. E pamë fare mirë me pjesëtarët e EULEX-it.
Më lejoni që t’u drejtohem z. Johannes Van Vresswijk dhe atyre që fshihen pas tij se mos kujtojnë që shqiptarët janë budallenj! Shqiptarët e dinë fare mirë se Komploti politik është krimi më sekret që mund të kurdiset në kabinete sekrete! Akuzat publike për korrupsion pa analizuar provat... dhe shpallja e aktgjykimit me 55 vjet burgim pa u mbajtur seanca gjyqësore dëshmojnë për komplotin e ri politik!
Mungon vetëm arrestimi spektakular! Ndoshta e keni përgatitur që të ndodh diku jashtë Kosovës! Kjo do t’i jepte kuptimin e plotë analogjik “Spektaklit LIMAJ 2”!

Spektakli politike “Haradinaj II”

Për të gjithë njohësit e situatës në Ballkan tani më është e ditur se Serbia, si gjenerator i krimeve më monstruoze të bëra në Evropën e pasluftës së dytë botërore, është shndërruar në Eldorado për kriminelët e Ballkanit! Në pamundësi që t’i imponojë këtij shteti kriminel që të dorëzojë kriminelët e vërtetë të Luftës në Bosnje, Kroaci dhe Kosovë, Gjykata Ndërkombëtare e Hagës kurdis procese gjyqësore kundër personaliteteve që ishin bartës të rezistencës përballë politikës gjenocidale të Beogradit. Në 15 vjetorin e përkujtimit të masakrës së Srebrenicës, të kësaj ngjarje makabre që u zhvillua në sytë indiferent të prezencës ndërkombëtare në Bosnje, kriminelët që urdhëruan dhe kryen këtë masakër ende ndodhen në liri;
Në ditën e zbulimit të varrezës masive në Komunën e Andievicës në Mal të Zi, ku kriminelët serbë kishin varrosur civilët shqiptar të Kosovës, “Dhoma e Apelit” e Tribunalit të Hagës shfuqizon vendimin e këtij tribunali, i cili unanimisht në vitin 2008 shpalli pafajësinë e Ramush Haradinajt dhe bashkëluftëtarëve të tij. Ky vendim i “Dhomës së Apelit” i Tribunalit të Hagës i sjellë një ditë para se Gjykata Ndërkombëtare e drejtësisë të prononcohet lidhur me shpalljen e pavarësisë së Kosovës është një vendim politik, i mbeturinave politike të këtij tribunali, që synon të relativizojë krimet serbe dhe në të njëjtën kohë dëshmon për mungesën e vullnetit të këtij tribunali për të arrestuar kriminelët e vërtetë!

Spektaklet e kurdisura politike “Limaj I” dhe “Haradinaj I” zhveshën përpara publikut ndërkombëtar konstruksionet politike të këtij tribunali dhe detyruan Gjykatën të sjellë vendimin unanim për pafajësinë e të akuzuarve!
Spektaklet politike të arrestimeve dhe gjykimeve që përfunduan me pafajësinë e luftëtarëve të lirisë shkaktuan vetëm tragjedi familjare. Ato nuk mundën të ndalin procesin e pavarësimit të Kosovës.
Spektaklet e kurdisura politike “Limaj II” dhe “Haradinaj II” ( pa marrë parasysh se kurdisjet dallojnë në formë) zhveshin përpara opinionit publikut shqiptar se konstruksionet politike antishqiptare nuk kanë të ndalur !
Reprizat e spektakleve gjyqësore të motivuara politikisht nuk mund të kthejnë reprizën e statusit politik të Kosovës. Armiqtë e pavarësisë së Kosovës mund të djersiten sa të duan! Historia nuk kthehet prapa!
Sa i përket popullit shqiptar, gjërat lidhur me këto spektakle tragjike janë të qarta. Për çdo plumb që kanë shkrepur për lirinë e Kosovës populli u drejtohet me sintagmën që shpreh respektin e thellë ndaj atyre që ju kurdisni procese gjyqësore: «Ju lumtë pushka trima!»

Loja me fatin jetik të njerëzve nuk ka asgjë komike! Ajo ngërthen trauma dhe tragjeditë individuale dhe familjare!
Lidhur me deklaratat identike të ish prokurores së Tribunalit të Hagës, zonjës Karla Del Ponte, dhe të ushtruesit aktual të detyrës së prokurorit të EULEX-it, z. Johannes Van Vresswijk, unë nuk mund të gjykoj se a janë budallenj “prokurorët e kualifikuar, me shumë vite përvojë dhe me renome ndërkombëtare”. Por, atë që mund të them nga përvoja e spektakleve të para qëndron në faktin se roli i tyre komik në spektaklet politike gjyqësore që shkaktojnë trauma dhe tragjedi në familjet shqiptare u kanë ardhur në maje të hundës shqiptarëve!

[ardiana luzha]

mos u ngutuni ata qe nuk ja dojn te miren Ramush Haradianjt
se te gjitha nese i ka pas bile Ramush ka qen legjend e luftes kete e din bota

Kurkush spo ngutet,se veprimtarin e ti gjate luftes nuk e harron askush eshte tjeter dicka mas lufte ne qfare bishe u shendrru Ramushi...por prap eshte Shqiptar me ato te mira,dhe duhet ta perkrahim te gjithe.

[ximi_abedini]

siq duket thaqi do fitoj edhe nje betej nese arrin te burgos ramushin para zgjedhjeve te ardhshme e cila per te do jet e fundit sepse qdo njeri ka fillimin dhe fundin dhe ketu ka ardh fundi per LDK dhe PDK

[fattlumi]

Tribunali i Hages si duket eshte shendrruar ne arene tragjikomike.Ta arrestosh per se dyti here Ramush Haradinajn e ne anen tjeter personi pergjegjes per vrasjen e mbi 8000 njerezve ende shetitet neper Serbi ose Rusi,kjo eshte tmerr.Plus kur kesaj ti shtohet edhe se ideatori i politikes dhe vrasjes se me shume se 300.000 njerezve ne ish Jugosllavi vdiq pa iu shpallur verdikti final.Besueshmerine me te madhe ky tribunal pikerisht e ka pasur nga shqiptaret.E pakta qe mund ta beje dhe eshte dashur ta beje ky tribunal ka qene qe te beje drejtesi dhe jo politike.
Disa arrestime me te vertete po tregojne dhe siq po duket synojne te kenaqin apetitet politike te nje pale te trete,siq eshte Serbia ose disa shtete tjera mike te saj.
Nuk guxoj te flas se ka pasur te kenaqur edhe ne Kosove ne lidhje me arrestimin e Ramushit.Nese dikush i eshte gezuar fshehurazi ketij arrestimi ose rigjykimi te pjesshem atehere besoj qe do e kete buzeqeshjen e shkurte,sepse Ramush Haradinaj ishte komandanti me i suksesshem i vitit 1998-99,deshti apo nuk deshti kush ta pranoj ,kjo eshte e verteta,te tjerat jane llafe kafenesh dhe pseudofolklor patriotik.
Siq qendroi burrerisht heren e pare ,ashtu do qendroj edhe kesaj radhe,dhe shpejt do te lirohet.

[qeli3]

siq duket thaqi do fitoj edhe nje betej nese arrin te burgos ramushin para zgjedhjeve te ardhshme e cila per te do jet e fundit sepse qdo njeri ka fillimin dhe fundin dhe ketu ka ardh fundi per LDK dhe PDK

Hej ximi tu kisha lutë që ta leshë POLITIKENË jasht temes se shtrohet tema për nji HERO TË GJALLË e jo për ni njeri të rendomt se politika ditore e kosoves nuk mund të ndikoj në gjykaten e HAGES . FEJA E SHQIPTARITË ËSHTË SHQIPTARIA.

[guri79]

AAK: Qarqe të jashtme e të brendshme kanë dorë në rastin Haradinaj

Ferizaj, 28 korrik -Nënkryetarët e AAK-së, Blerim Shala si dhe Ahmet Isufi, në takim me drejtues të degës së AAK-së në Ferizaj, kanë shprehur shqetësime të hapura se "qarqe të jashtme dhe të brendshme kanë dorë në dërgimin e Ramush Haradinajt në Hagë për rigjykim". Të pyetur nga anëtarët e Këshillit drejtues se "a mund të ketë dorë Qeveria e vendit në rastin Haradinaj", si dhe nga gazetarët se në kënd mendojnë konkretisht zyrtarët e AAK-së, nënkryetari Shala tha se do të bëjë përpjekje të shprehej sikur do të ishte shpreh vet Haradinaj se "Qeveria me dhjetë gishtërinjtë e saj po e dëmton punën time, por ky dëm nuk është asgjë krahasuar me dëmin që po i sjell vendit". Po ashtu, Shala ka shpreh keqardhjen e tij se "fatkeqësisht, Qeveria nuk na e do të mirën, por na e do të keqen, si Haradinajt ashtu edhe AAK-së". Ndërkaq, Isufi ka pohuar se si parti politike nuk janë marrë me hetime se kush mund të jetë i përfshirë për të keq në rastin Haradinaj. "Ne jemi parti politike, nuk merremi me hetime, por një ditë sigurisht do të ndriçohen të
gjitha rastet", tha ai.
Që të dy nënkryetarët dyshimet e tyre i ndërlidhnin edhe me faktet se në rastet më vendimtare, si atëherë kur është shpallur pavarësia e vendit, por edhe kur GJND-ja solli opinionin e saj, Haradinaj si personaliteti më kontribuues nuk u gjet i lirë".
Ata kanë njoftuar anëtarët e Këshillit drejtues me shumë aspekte të rastit Haradinaj dhe kanë shprehur bindjen se Haradinaj së shpejti do të lirohet të mbrohet në liri, kurse për zgjedhjet e ardhshme parlamentare gjithsesi ai do të jetë pjesë e AAK-së. Duke u ndërlidhë me frikën e anëtarëve të AAK-së se arrestimi i Haradinajt mund të jetë i lidhur me rolin e tij opozitar,nënkryetari Shala ka pohuar se "tash për tash nuk ka indikacione se Qeveria është duke përgatitë zgjedhje të parakohshme për të shfrytëzuar mungesën e liderit Haradinaj". Mirëpo, në anën tjetër, Isufi nuk e ka fshehur pakënaqësinë e AAK-së për mënyrën dhe formën e reagimeve të institucioneve të vendit. "Deri më tash askush nuk na ka kontaktuar zyrtarisht, bile presidenti Sejdiu as nuk ka dhënë asnjë deklaratë, por këtë e ka bërë nëpërmjet këshilltarit të tij, ndërkaq kryeministri Thaçi dhe kryeparlametari Krasnqi kanë shprehur vetëm keqardhjen e tyre".
Kërkesave të anëtarëve të AAK-së që të organizohen më shumë manifestime protestuese dhe kërkesa publike për lirimin e Haradinajt, nënkryetarët e AAK-së u janë përgjigjur se së shpejti do të fillojë një fushatë senzibilizuese, në të cilën do të përfshihen figura të njohura nga jeta publike gjithëshqiptare, duke përfshirë edhe kryeministrin e Shqipërisë Sali Berishën.
Në takim u thanë edhe shumë fjalë kritike për punën e Qeverisë së vendit. " Qeveria e vendit është në ditët më të zeza të saj, kurse AAK-ja është duke shënuar ditët më të bardha të saja", kanë thënë nënkryetarët e AAK-së, duke kërkuar nga anëtarësia e tyre që të ruajë besimin në AAK.

[Agim Doçi]

Komandant Ramushi asht Legjendë dhe jam krejt i sigurte dhe jam krejt i sigurtë, qe ai do kthehet FITUES mbi te gjithe.
Mire ardhsh Komandant Ramushi!

[guri79]

Shoqëria civile dhe pushteti i Pejës solidarizohen me Ramush Haradinaj

Publikuar: Sot, më 06 gusht 2010
Shoqëria civile dhe pushteti i Pejës solidarizohen me Ramush Haradinaj

Pejë, 6 gusht - Një marshim solidarizues me kryetarin e AAK-së, Ramush Haradinaj,është mbajtur të premten në mesditë në qytetin e Pejës. Ftesës së shoqërisë civile për marshim të përbashkët edhe me pushtetin lokal iu kanë përgjigjur shumica e punonjësve të KK-së. Në kohë pauze ka qenë vetë kryetari i Pejës, Ali Berisha në ballë të qindra qytetarëve që mbanin veshur fanella me fotografinë e liderit Haradinaj.
Pas marshimit në qendër të qytetit, para të tubuarve të shumtë ka folur deputeti i Kuvendit të Kosovës, Ali Lajçi. “Jemi takuar këtu të dëshmojmë një solidaritet që përcjell me vete një porosi shumë të madhe për mbrojtjen e vlerave dhe të procesit të pavarësisë së Kosovës”, ka thënë ai, duke shtuar se Ramush Haradinaj është një ish-luftëtar i përmasave të mëdha. Lajçi, i cili në Pejë simbolizon njeriun e protestave studentore të vitit 1981, dhe kryetarin e komunës për dy mandate, ka shtuar se Haradinaj është dëshmuar për një luftë të drejtë në mbrojtje të popullit të vet. “Ne sot duhet të mbrojmë vlerat dhe të fuqizojmë edhe më shumë Kosovën si një shtet funksional dhe ligjor”, ka thënë ai i duartrokitur nga masa.
Marshimin e pejanëve Lajçi e ka cilësuar edhe si një rast të mirë që organeve shtetërore të Kosovës t’i dërgohet mesazh se shqiptarët janë unik për të mbrojtur vlerat dhe pavarësinë e Kosovës.
Ndërkaq, Veton Mujaj, drejtor i organizatës joqeveritare “Syri i Vizionit”, në emër edhe të shumë OJQ-ve tjera, ka thënë se shoqëria civile është e bindur në pafajësinë e Ramush Haradinajt. “Kosova ia ka borxh solidarizimin Ramushit. Ia ka borxh përkrahjen dhe besimin”, ka thënë Mujaj. Haradinajn e ka cilësuar si shembullin më të mirë të vetëflijimit për interesat kombëtare. Ai ka rikujtuar thënien e liderit Haradinajt, një ditë para se të nisej për Hagë, se më i rëndësishëm se vendimi për të ishte vendimi që do të merrte GJND-ja për Kosovën. Në këtë prizëm Mujaj, duke artikuluar edhe bindjen e shoqatave të tjera, ka potencuar se vetëm ata të cilët mendojnë për Kosovën para se të mendojnë për veten janë ata që përherë kanë admirimin e qytetarëve të Kosovës.
Marshi i së premtes është organizuar nga “Iniciativa Qytetare për Solidarizim me Ramush Haradinajn”.
Haradinaj është paraburgosur më 21 korrik për rigjykim të pjesshëm, bashkë me dy ish-luftëtarët e tij, Lahi Brahimaj dhe Idriz Balaj. Urdhrin për rifillim të pjesshëm të gjykimit të tyre e ka lëshuar Gjykata e Apelit e Tribunalit të Hagës.

[javan]

Rigjykimi i nje ceshtje te gjykuar me pare (rasti Haradinaj) eshte pa precedent. Si i tille ka lene te habitur shumicen e gjygjtareve dhe avokateve te cilet nuk kane ndeshur me pare raste kur gjykatesit kritikojne tonin e rrepte te perdorur nga koleget e tyre ne gjyqe te meparshme.

Haradinaj po ri-gjykohet pasi dy deshmitare me gjasa Shqiptare, njeri me mbiemer Kabashi dhe tjetri i identifikuar si W. jane shprehur se kane patur frike te flasin per masakrat e bera nga Haradinaj heren e pare, mirepo kesaj here u ka dale frika.

Rigjykimi Haradinajt eshte pershendetur nga kryeminstri Serv Mirko Svetnovic.


http://www.nytimes.com/2010/07/22/wo...mush_haradinaj

[G-2]

forumin shqiptar eshte media e pare qe permban kete lajm!!




ramush haradinaj kthehet se shpejti ne kosove!!

ju qe e derguat e pesuat deshtuat ramboja do ta drejtoi kosoven ne te ardhmen!!