Independent: Të hiqet dorë nga ‘etiketa’ e pavarësisë

[Sabriu]

Independent: të hiqet dorë nga ‘etiketa’ e pavarësisë


Wolfgang Ishinger
Është vetëm një nga të përditshmet britanike e cila sjellë një artikull lidhur me bisedimet e Londrës që do të zhvillohen sot dhe nesër rreth statusit të ardhshëm të Kosovës.

Independent në një editorial sjellë një shkrim me titull : ‘Pavarësia për Kosovën është jashtë agjendës’, duke cituar kështu një nga ndërmjetësuesit kryesor të bashkësisë ndërkombëtare, Volfgang Ishinger.

Ishinger është ambasador gjerman në Britani të Madhe i cili do të merr pjesë në bisedimet e ndara rreth statusit të ardhshëm të Kosovës në Londër.

Bashkësia ndërkombëtare hjek dorë nga përkrahja e hapur për pavarësi të Kosovës, shkruan më tutje Independent duke cituar deklaratën e Volfgang Ishingerit se duhet të hjeket dorë nga ‘etiketa’ e pavarësisë dhe të fokusohen në një mbikëqyrje të mëtutjshme ndërkombëtare.

Zotëri Ishinger këtë deklaratë të tij e arsyeton me faktin duke thënë se Kosova edhe po të jetë e pavarur do të duhet të ndihmohet financiarisht nga bashkësia ndërkombëtare pasi nuk do të ketë mundëis të mbijetimit ekonomik vetanak.

I pyetur gjithnjë sipas Independent nëse ultimatumet e fundit të të dyja palëve në bisedime, serbët se nuk do pranojnë me asnjë kusht pavarësinë e Kosovës dhe shqiptarët se nëse deri në dhjetor nuk do arrihet rezultat do të shpallin pavarësi të një-anshme, do të qojnë këtë herë deri në një rezulatat të pavarësisë së mbikëqyrur nga bashkësia ndërkombëtare, Ishinger është përgjigjur: ‘ Unë do të them se ne do të mundohemi të arrijmë një zgjidhje për statusin e cila do të sillte një status të mbikëyqrur ndërkombëtarisht për Kosovën. Unë do lija hapur cështjen e pavarësisë. Më me dëshirë do të flisja për një status me mbikëqyrje të fuqishme nga bashkësia ndërkombëtare’.

Më tutje në këtë artikull të përditshmes britanike Independent, shkruan se zotëri Ishinger gjithashtu ka bërë të ditur se plani i Marti Ahtisarit nuk është opcion i cili nuk do mirret parasysh apo edhe jashtë tavolinës së bisedimeve por në të njëjtën kohë nuk do të jetë platformë bazë e bisedimeve në Londër.

Rusia kohë më parë ka shtypur tentimet e SHBA-ve dhe Europës për të gjetur një zgjidhje të përhershme të statusit të Kosovës duke hedhur poshtë propozimin e Marti Ahtisarit I cili de-fakto Kosovës i sillte pavarësi me mbikëqyrje ndërkombëtare.

Si pasojë Këshilli i Sigurimit të Kombeve të Bashkuara i ka dhënë afat ‘trojkës’ ndërkombëtare pas refuzimit të planit të Ahtisarit nga ana e palës serbe për të gjetur një zgjidhje të pranueshme për të dyja palët deri më 10 Dhjetor të këtij viti. Ky plan do të duhet ti paraqitet sekretarit të përgjithshme të KS të KB-ve, Ban Ki Moon.

Gjetja e një marrëveshjeje mes dy palëve në bisedime do të sjellë anëtarësi në Bashkimin Europian në të ardhmen përfundon shkrimin kushtuar bisedimeve në Londër për statusin e Kosovës, e përditshmja britanike, Independent.

[drenicaku]

Ne shqiptaret e kosoves nje her jemi duke u marr me gjera te kota siq eshte feja,kete e ka vrejt shum mire bashkesia nderkombtare,shiqoje qdo fshat ne kosove sot ka ngrit gjami dhe ate me para te pista nga arabet.Prandaj asgje nuk eshte per tu quditur qe evropianet kan fillu te terhiqen nga projekti i pamvarsis

[Duaje Siveten]

www.rferl.org

SELL:"AUTORITETET NË KOSOVË DUHET TË SHPALLIN REFERENDUM"
Louis SELL, ish-diplomat amerikan


RADIO EVROPA E LIRË
Zoti Sell, raund pas raundi, negociatat midis Kosovës dhe Serbisë vazhdojnë të përfundojnë pa rezultate thelbësore. Si e shihni ju fundin e këtij procesi?

LOUIS SELL
Unë mendoj se ky nuk është proces negociatash. Këto bisedime janë një situatë e pakuptimtë, nëpër të cilën po kalojnë të gjitha palët. Të gjithë ata që janë të përfshirë në këtë proces, e dinë se nuk do të ketë marrëveshje. Dhe, kur procesi të përfundojë në dhjetor, sinqerisht shpresoj se fundi i tij do të shënojë fillimin e pavarësisë së Kosovës.

RADIO EVROPA E LIRË
Zoti Sell, analistë të shumtë dhe media të ndryshme ndërkombëtare kanë thënë se bisedimet aktuale nuk janë aq shumë midis Prishtinës dhe Beogradit, por midis vendeve anëtare të Bashkimit Evropian. Nëse pajtoheni me një konstatim të këtillë, a mendoni se Bashkimi Evropian do të arrijë një marrëveshje mbi çështjen e Kosovës?

LOUIS SELL
Unë pajtohem me atë se ajo çfarë po ndodhë tani, nuk ka të bëjë me negociatat midis Kosovës dhe Serbisë, por me negociatat në kuadër të komunitetit ndërkombëtar, jo vetëm midis vendeve anëtare të Bashkimit Evropian, por midis Shteteve të Bashkuara, Rusisë dhe natyrisht Bashkimit Evropian. Mendoj se kjo është ajo që po e vonon me vite procesin e pavarësisë së Kosovës. Gjithashtu, mendoj se këto vonesa duhet të marrin fund dhe, me sa e di unë, Shtetet e Bashkuara e kanë pranuar një gjë të këtillë. Besoj se është edhe një numër i vendeve anëtare të Bashkimit Evropian që gjithashtu mendon njëjtë. Shpresoj se të gjitha palët mund të veprojnë bashkërisht dhe nëse nuk munden, atëherë Shtetet e Bashkuara dhe ato vende evropiane që e kuptojnë rëndësinë dhe pashmangshmërinë e pavarësisë së Kosovës, do të veprojnë bashkërisht në mbështetjen e kësaj pavarësie.

RADIO EVROPA E LIRË
Kur flitet për mundësinë e shpalljes së njëanshme të pavarësisë nga institucionet në Kosovë, disa udhëheqës serbë kanë shprehur shqetësimin se komuniteti serb mund të reagojë duke shkëputur veriun. Si e shihni ju këtë çështje?

LOUIS SELL
Unë mendoj se janë dy çështje në këtë drejtim. Ka ardhur koha për Kosovën dhe popullin e saj që të ngritët në këmbë dhe të marrë fatin në duart e veta. Unë besoj se në fund të këtij të ashtuquajturi proces të negociatave, populli i Kosovës duhet të shpallë synimin për t'u bërë të pavarur. Personalisht, besoj se në dhjetor, ata duhet të shpallin se synojnë të fillojnë procesin e vet të brendshëm, që do të çonte deri tek pavarësia brenda gjashtë muajsh. Unë do të merrja shembull nga procedurat që kanë zbatuar sllovenët më 1990 dhe 1991, në kohën kur largoheshin nga Jugosllavia. Autoritetet në Kosovë duhet të shpallin referendumin, të cilin do ta organizonin ata nëse komuniteti ndërkombëtar nuk dëshiron dhe me këtë ata do të shpallnin synimin për t'u pavarësuar brenda gjashtë muajsh, duke mbajtur një referendum, në të cilin populli i Kosovës do të jepte mbështetjen për këtë opsion. Periudha e ndërmjetme prej gjashtë muajsh, atëherë do të duhej të shfrytëzohej për përgatitjet e nevojshme për ta promovuar Kosovën si një shtet vërtet të pavarur. Në këtë çështje do të përfshiheshin edhe masat për t’i dëshmuar pakicës kombëtare serbe, por edhe pakicave të tjera në Kosovë, se ky shtet i ri do t’i ndërmarrë të gjitha masat e plota për të respektuar të drejtat e tyre.

RADIO EVROPA E LIRË
Në këtë kuadër, ju jeni një nga ekspertët që kanë nënshkruar raportin mbi zhbllokimin e çështjes së Kosovës, në të cilin thuhet se vazhdimësia e validitetit të Rezolutës 1244 të Këshillit të Sigurimit nuk e pengon pavarësinë e Kosovës dhe mund të ofrojë një mbikëqyrje efektive ndërkombëtare. Si do të funksiononte kjo?

LOUIS SELL
Mendoj se faktori kryesor në këtë drejtim është se Rezoluta 1244 e Këshillit të Sigurimit është në mënyrë specifike një marrëveshje e përkohshme. Si e tillë, për synim ka të përgatisë terrenin, gjithashtu në mënyrë specifike, për negociata politike që do të çonin deri tek një zgjidhje e statusit politik të Kosovës. Nëse, për çfarëdo arsyeje, Këshilli i Sigurimit i Kombeve të Bashkuara tregohet si i paaftë për ta kompletuar këtë proces, kjo nuk do të thotë se Rezoluta 1244 e Këshillit të Sigurimit mund ta bllokojë pavarësinë përgjithmonë.

RADIO EVROPA E LIRË
Zoti Sell, a mendoni se pas 10 dhjetorit ka gjasë që Kosova të rikthehet në agjendën e Këshillit të Sigurimit?

LOUIS SELL
Këtë nuk e di, por pres që aktorët ndërkombëtarë, të cilët e udhëheqin këtë proces, të kthehen në New York. Me sa e di unë, është kërkuar nga negociatorët ndërkombëtarë që të përgatisin një raport për Sekretarin e Përgjithshëm të Kombeve të Bashkuara. Unë, padyshim, shpresoj që deri atëherë, të gjithë anëtarët e Këshillit të Sigurimit ta njohin faktin se pavarësia e Kosovës është e domosdoshme dhe kritike për arritjen e përparimit të ardhshëm në Ballkan. Nëse një gjë e këtillë nuk ndodh, atëherë shpresoj që Sekretari i Përgjithshëm i Kombeve të Bashkuara të hartojë një raport, duke bërë me gisht në këtë drejtim dhe vendet anëtare ta njohin pavarësinë e Kosovës. Dhe, nëse as kjo nuk ndodh, atëherë shpresoj që Shtetet e Bashkuara dhe miqtë tjerë të Kosovës do të ndërmarrin hapat e nevojshëm për njohjen e pavarësisë.

INTERVISTOI: ARBANA VIDISHIQI