Ç'mendoni mbi akademik Rexhep Qosja?

[martini1984]

Rexhep Qosja: “Mjerimi i provincializmit”
» Dërguar më: 04/09/2009 - 14:42
Nga Rexhep Qosja

(…vijon nga numri i kaluar)
Ashtu siç e kanë nxitur dhe, në disa raste, frymëzuar Stalini e Krushçovi përkthimin e veprave të Shollohovit, të Fadjejevit, të Fedinit, të Katajevit, të Leonovit, e të disa shërbëtorëve të tjerë letrarë për nevojat e tyre politike ndërkombëtare, ashtu edhe Enver Hoxha e ka nxitur dhe, disa bashkëkohës thonë, financuar përkthimin e veprave të Kadaresë në frëngjisht. Ai donte t'i tregonte Evropës dhe botës, edhe me gjuhën letrare të një shkrimtari, se Shqipëria ishte ajo kështjella e pamposhtur e stalinizmit, që do t'i qëndrojë trysnisë së revizionistëve sovjetikë dhe të imperialistëve amerikanë. E Ismail Kadare atë qëllim ia përmbushte me veprat e tij dhe me publicistikën e tij. Para rënies së komunizmit, Franca ia përkthente veprat atij, por nuk e shpërblente me çmime autorin e tyre. Stalinizmi i Ismail Kadaresë ishte tepër komprometues për çdo institucion që do ta shpërblente me çmime. Sot, Ismail Kadare është i vetmi shkrimtar i një vendi ish- komunist, që jetën e vet politike dhe veprën e vet letrare dhe publicistike e kishte vënë në shërbim të diktaturës, i cili po shpërblehet me çmime e me tituj nga disa institucione e qarqe të huaja. Pse e përkthejnë dhe pse e shpërblejnë sot? Për rolin e tij prej demokrati në kohën e diktaturës? Si e thanë shpërblyesit spanjollë. Jo. Arsyeja është më e sofistikuar. Nuk e dinë shpërblyesit kush ishte Ismail Kadare? Megjithëse ai po gënjen sa po mundet dhe ku po arrin për të kaluarën e vet politike dhe për frymëzimet e qëllimet e disa veprave të veta, është naivitet të besohet se ata, shpërblyesit, nuk e dinë kush ishte ai. Është naivitet të mendohet se ata nuk e dinë se ai ishte pjesëtar i nomenklaturës komuniste; se ishte deputet në Kuvendin e Republikës Popullore të Shqipërisë; se ishte nënkryetar i Frontit Popullor të Shqipërisë, kryetare e të cilit ishte Nexhmije Hoxha; se romani Dimri i vetmisë së madhe është jetëshkrim politik i Enver Hoxhës dhe himnizim i figurës së tij politike e shtetare në historinë shqiptare; se romani Dasma është jehonë politike dhe ideologjike e revolucionit kulturor kinez dhe ftesë letrare për zbatimin e tij në Shqipëri; se me poema dhe me vjersha glorifikonte Partinë e Punës dhe diktaturën komuniste, luftën e klasave dhe revolucionet socialiste në historinë botërore; se mbi tridhjetë vjet ishte ideologu i realizmit socialist, të cilin për herë të fundit do ta mbrojë në vitin 1989, duke luajtur kështu rolin e komisarit në kulturë; se në vazhdimësi shkruante kundër kapitalizmit dhe, si thoshte, imperializmit amerikan; se mbante ligjërata në Universitetin e Tiranës mbi realizmin socialist si doktrinë letrare e amshueshme dhe mbi dekadentizmin e artit perëndimor; se me mosdurim dhe përbuzje shkruante për fenë dhe, në mënyrë të veçantë, për klerin katolik. Si është e mundshme që një shkrimtari me jetëshkrim të tillë politik, me jetëshkrim aq të padenjë, aq të dënueshëm për një krijues, me jetëshkrim të vënë në shërbim të një ideologjie - të ideologjisë leniniste - staliniste dhe të një diktature - të diktaturës totalitare komuniste, të dënuar nga të gjitha vendet demokratike në botë, t'i jepen sot çmime në emrin e demokracisë? Si është e mundshme që një shkrimtar i tillë politik, numri më i madh i prozave të të cilit janë traktate politike dhe ideologjike me vlera të pakta artistike, të rehabilitohet aq lehtë prej atyre që kanë shpenzuar aq shumë energji intelektuale dhe kanë bërë aq shumë shpenzime materiale për të përmbysur atë ideologji dhe atë politikë në Evropë? Është e mundshme! Gjeniu i servilizmit, i puthakëmbëve, i dinjitetit të përulur intelektual para çdo regjimi, Ismail Kadare, e ka gjetur edhe tani mjetin siç e kishte gjetur në kohën e diktaturës, me të cilin e bën të mundshëm këtë rehabilitim, në të vërtetë këtë shpërblim. Dhe, ky mjet është ideologjia. Në kohën e diktaturës, siç u theksua, kjo ishte ideologjia marksiste-leniniste e versionit stalinist, që e sundonte Shqipërinë dhe Evropën Lindore. Ismail Kadare i shërbente përtokas asaj ideologjie dhe ajo e shpërblente: me pozita, me tituj, me dekorata, me pasaportë diplomatike, me të gjitha privilegjet e mundshme. Në kohën e demokracisë kjo është ideologjia fetare. Ismail Kadare tani po i shërben kësaj ideologjie, duke përbuzur islamin dhe duke frymëzuar islamofobinë, në njërën anë, kurse duke propaganduar kthimin në "fenë e të parëve" të pesë milion shqiptarëve të besimit islam në Ballkan, në anën tjetër. Dhe, kjo ideologji fetare po e shpërblen. Qarqeve konservative evropiane që Evropën e imagjinojnë si kështjellë të krishterimit, zëdhënës i të cilave është kryeministri i sotëm italian (delikuenti, si e quajti Hoze Saramago), Silvio Berluskoni, nuk u intereson kush ishte dhe kujt e çkaje i shërbente Ismail Kadare: kryesore për ta është se Ismail Kadare sot shërben mirë, përulshëm dhe mund të përdoret si Kalë Troje për atë që këto qarqe dëshirojnë të arrijnë ndër shqiptarët! Dhe, kjo ideologji e ka bërë të mundshëm rehabilitimin e Ismail Kadaresë edhe në Shqipëri, madje, edhe te kleri katolik shqiptar! Dhe, pse të mos e bëjë. Shqipëria është i vetmi vend ish-komunist i cili prej përmbysjes së komunizmit sundohet prej komunistëve, në të vërtetë prej stalinistëve të konvertuar me gojë, po jo me mentalitet politik. Edhe sot, njëzet vjet pas rënies së komunizmit, Shqipëria është i vetmi vend ish-komunist, që e sundon ish-sekretari i Partisë e kjo domethënë ish-bashkëpunëtori i Sigurimit të Shtetit. Shqipëria është i vetmi vend ish-komunist në të cilin shpërblehet, festohet, privilegjohet në radhë të parë shkrimtari, të cilin e shpërblente, e festonte dhe e privilegjonte si zëdhënës të vetin diktatura komuniste! Shqipëria është i vetmi vend ish-komunist, në të cilin asnjë viktimë e diktaturës nuk ka arritur të krijojë karrierë politike. Shqipëria është sot i vetmi vend ish-komunist në të cilin ish-sekretari i organizatës themelore të Partisë së Punës së Shqipërisë luan me të përndjekurit dhe me ish-të burgosurit politikë si me lecka. Dhe, le të luajë kur e lejojnë! Dhe, e votojnë! Dhe, Kosova është i vetmi vend ish-komunist në të cilin ish-zëdhënësi i Komitetit Krahinor të Lidhjes së Komunistëve të Jugosllavisë në Kosovë dhe ish-drejtori i Radio-Televizionit të Prishtinës, pas vitit 1981, kur rinia dhe inteligjencia shqiptare përndiqej e masakrohej prej regjimit të paraardhësve të Millosheviçit e, pastaj, të Millosheviçit, mbahet qe tetë vjet drejtor i institucionit më të rëndësishëm politik dhe informativ në Kosovë; i vetmi vend ish-komunist ku zyrtarë të ndryshëm të kohës së Millosheviçit bëhen zyrtarë, diplomatë, gjykatës të Republikës së Kosovës! Po, nuk janë këto patologjitë e vetme, as më të mëdhatë të demokracisë sonë primitive, të ndotur dhe të korruptuar. Sikur shoqëria shqiptare të mos ishte e prapambetur siç është, sikur shoqëria shqiptare të mos ishte shoqëri në krizë të rëndë shpirtërore dhe morale ajo, jo që nuk do të rehabilitonte Ismail Kadarenë dhe të tjerë me jetëshkrim politik të ngjashëm me të tijin (megjithëse me jetëshkrimin e tij nuk krahasohet jetëshkrimi i asnjë tjetri), por do të kërkonte llogari politike dhe morale prej tij. Sikur shoqëria shqiptare të mos ishte e prapambetur siç është, sikur shoqëria shqiptare të mos ishte në krizë të rëndë shpirtërore dhe morale siç është, inteligjencia shqiptare jo vetëm se nuk do të rehabilitonte Ismail Kadarenë dhe ismailkadarenjtë e tjerë, por do të mënjanonte njëherë e përgjithmonë modelin e mendimit dhe të sjelljes së tij të pamoralshme intelektuale, në të cilin model janë të përmbajtura: gatishmëria e shërbimit ndaj çdo regjimi, servilizmi, hipokrizia bizantine, përdorimi i çdo mjeti për të arritur qëllimin, trysnia staliniste ndaj mendimit ndryshe, rrena, mashtrimi, intriga e të këqija të tjera. Sikur shoqëria shqiptare të mos ishte e prapambetur siç është, sikur shoqëria shqiptare të mos ishte në krizë të rëndë shpirtërore dhe morale siç është, sikur prej jetës intelektuale të kësaj shoqërie të ishte mënjanuar modeli i mendimit dhe i sjelljes alla Ismail Kadare, atëherë nuk do të ndodhnin as reagime në të vërtetë trysni kooperativiste ndaj mendimit ndryshe, siç është reagimi i Besnik Mustafajt, Diana Çulit, Ylljet Aliçkajt dhe Behar Gjokës ndaj një fjalie të Rexhep Qosjes, së cilës ata nuk janë aq të padijshëm që të mos i besojnë, që është reagim tipik për stalinizmin dhe për fashizmin. Dhe, ta përfundoj këtë përgjigje. Sikur shoqëria shqiptare të mos ishte e prapambetur siç është, sikur shoqëria shqiptare të mos ishte në krizë të rëndë shpirtërore dhe morale siç është, sikur demokracia shqiptare të mos ishte primitive, e ndotur dhe e korruptuar siç është, sikur kjo demokraci të mos ishte e sunduar prej ish-sekretarit të partisë, domethënë prej ish-stalinistit, atëherë inteligjencia jonë, e me ta edhe Besnik Mustafaj, Diana Çuli, Ylljet Aliçkaj dhe Behar Gjoka do ta shihnin gjendjen tonë shoqërore, politike, kulturore, letrare, shkencore, urbane siç është në të vërtetë dhe nuk do të mashtronin veten e popullin me iluzione mbi nivelet tona të paqena letrare artistike, shkencore, demokratike e të tjera gjoja evropiane. Se, siç dihet, vetëm ata që e shohin gjendjen siç është, realisht, objektivisht, dinë çka të bëjnë dhe si të bëjnë që këtë gjendje ta ndryshojnë, ta përmirësojnë e ta çojnë përpara: që këtë gjendje ta bëjë gjendje vërtet evropiane.

Prishtinë, 29.8.200


gazeta shqiptare



Qosja eshte tipik malesor i Vuthajve, inatcor dhe hakmarres me cdo mjet e me cdo menyre!

Sic duket e ka kaplluar "dimri i vetmise se madhe" dhe teksa vertitet sa poshte e lart neper shtepi, nuk ben asgje tjeter vecse mendon se si te sulmoje Kadarene!

Nuk ka me asgje tjeter se me cfare ta mbushe vetmine!

Ka kaluar ne fazen e fundit te crregullimeve mendore dhe nje Zot e merr vesh se cfare do te ndodhe me te!

Dhe pikerisht per kete qe ke shkruar Qosja eshte gjigand,sepse kane shkruajtur gazetat.Shesin volume per tregun idiot bleres.
Dhe te luajturit nga mendte,apo degjeneratat e psikopatise humane shqiptare hedhin vrer mbi Qosen sepse kurva politike jane.
Teori e vjeter:kush flet per realitetin,eshte i padesheruar apo perfundon ne psykiatri.

[DYDRINAS]

Dhe pikerisht per kete qe ke shkruar Qosja eshte gjigand,sepse kane shkruajtur gazetat.Shesin volume per tregun idiot bleres.
Dhe te luajturit nga mendte,apo degjeneratat e psikopatise humane shqiptare hedhin vrer mbi Qosen sepse kurva politike jane.
Teori e vjeter:kush flet per realitetin,eshte i padesheruar apo perfundon ne psykiatri.

Qosja per druzhe Titon:

NJE JO E MADHE DHE SHUME MERITA

Tito e ka udhehequr dhe e ka sjelle deri ne triumf perfundimtar Luften Nacionalclirimtare te popujve te Jugosllavise-ja nje merite e mjafte historike per te gjitha koherat.

Tito e ka udhehequr dhe e ka sjell deri ne triumf perfundimtar luften qe ka permbysur monarkine, duke i hapur rrugen ngadhnjimit te socializmit-ja nje merite tjeter e mjafte per historine.

Tito na ka udhehequr shtigjeve te veteqeverisjes socialiste, te barazise, vellazerimit e bashkimit, bashkejeteses se kombeve dhe kombesive-ja nje merite tjeter e jashtezakonshme historike.

Tito i ka prire idese se madhe qe i reziston presionit te fuqive te medha e qe sot njihet si ide e mosinkuadrimit-ja edhe nje merite tjeter, aq e madhe, aq vendimtare ne historine e perbotshme.

[martini1984]

Qosja per druzhe Titon:

“Tito e ka udhëhequr dhe e ka sjellë në triumf përfundimtar luftën nacionalçlirimtare të popujve të Jugosllavisë – ja një meritë e mjaftë për historinë. Tito i ka thënë “JO” Stalinit, në një kohë kur forca e Stalinit sikur nuk njihte kufij – ja një meritë e mjaftë historike për historinë. Tito na ka udhëhequr shtigjeve të vetëqeverisjes socialiste, të barazisë, vëllazërimit e bashkimit, bashkëjetesës së kombeve e kombësive – ja një meritë tjetër e jashtëzakonshme historike. Tito i ka prirë idesë së madhe që u reziston fuqive të mëdha – ja një meritë tjetër, aq e madhe, aq vendimtare në historinë e përbotshme”.

Ke harruar Ibrahimin...

[DYDRINAS]

Ke harruar Ibrahimin...

Shiko, mos kujto se ndjej kenaqesi kur lexoj apo shkruaj ne tema te tilla!
Me shume ndjej dhimbje!

Ndjej dhimbje per modelin e mbrapsht, qe per fat te keq po servir vitet e fundit Qosja (ndoshta ka qene i tille gjithmone), model qe po ja zbeh edhe ato vlera qe ka percuar me heret ne krijimtarine e tij.

Sic duket ka mbetur jashte kohe!

[KILI MERTURI]

Ja edhe këtu po luhet ajo loja , ta them vetëm atë pjes të së vërtetes që më konvenon.

Cili ishte ai që e ka kundërshtuar haptazi më shumë rexhimin jugosllav në Kosovë më shumë se Qosja?


Le të jemi real , sepse , e vërteta del në drit gjithsesi.

Kili

SHQIPËRIA ETNIKE ËSHTË GJAKU IM QË NUK FALET!

[martini1984]

Shiko, mos kujto se ndjej kenaqesi kur lexoj apo shkruaj ne tema te tilla!
Me shume ndjej dhimbje!

Ndjej dhimbje per modelin e mbrapsht, qe per fat te keq po servir vitet e fundit Qosja (ndoshta ka qene i tille gjithmone), model qe po ja zbeh edhe ato vlera qe ka percuar me heret ne krijimtarine e tij.

Sic duket ka mbetur jashte kohe!

Njeriu s'del dot nga vetja.Dhe Qosja eshte i tille.
S'ka nevoje per dhimbjen tende ....

[hasjani 51]

Hasjan, meqe e paske idol Qosen, athere meso t'ja shkruash emrin!

Ai quhet Rexhep!

Ndersa nga poshte e shikon ti, se Vuthajt eshte pak me lart ne nivel se Hasi.

More ai eshte me teper se idol per shqiptaret,Rexhep Qosja eshte institucion
moral dhe zeri i se vertetes.Plaku i thinjuri Vuthajve me veprat dhe krijimtarine e tij ka te garantuar perjetesine , jo si sherbetor i regjimeve dhe ideologjive por si udherrefyes i nje populli ne momentet me te veshtira por edhe me te ndriteshme te historise,si bashkeudhetare i tij neper kohera te trazuara kur fundi i golgotes solli ringjalljen dhe lirine aq shum te pritur.
Te mohoshe Qosen don te thote te mohoshe te verteten per popullin tend ne periudhen kur me heroizem dhe sakrifice te papare ndryshoi kahjen e historise.
E vertete eshte DYDRINASI lartesite si Qosja njerzit e rendomte mund ti shikojne
vetem nga poshte.

[DYDRINAS]

More ai eshte me teper se idol per shqiptaret,Rexhep Qosja eshte institucion
moral dhe zeri i se vertetes.Plaku i thinjuri Vuthajve me veprat dhe krijimtarine e tij ka te garantuar perjetesine , jo si sherbetor i regjimeve dhe ideologjive por si udherrefyes i nje populli ne momentet me te veshtira por edhe me te ndriteshme te historise,si bashkeudhetare i tij neper kohera te trazuara kur fundi i golgotes solli ringjalljen dhe lirine aq shum te pritur.
Te mohoshe Qosen don te thote te mohoshe te verteten per popullin tend ne periudhen kur me heroizem dhe sakrifice te papare ndryshoi kahjen e historise.
E vertete eshte DYDRINASI lartesite si Qosja njerzit e rendomte mund ti shikojne
vetem nga poshte.

Askush nuk po hedh hije dyshime mbi krijimtarine e Qoses, por thuajse te gjithe i brengos fakti, se cfare ka Qosja qe leshon bubullima kunder nje personaliteti kombetar dhe nderkombetar, sic eshte Kadare.

Ke do te mbroje apo ke do te lehtesoje Qosja? Te kaluaren e tij? Te sotmen apo te ardhmen e tij?

Debati nuk i sjell dem kerkujt, mirepo ai nuk po ben debat, por hipur atje ne bjeshke, po i duket hapesira e vogel, po i duket vetja i vogel, po ndjen se nuk ka me se cfare te thote dhe i gjendur ne kete gjendje, therret Zeusin e tij te Bjeshkeve te Nemuna dhe leshon pa fre egersine dhe gjithe frustrimet e mbledhura keto 20 vitet e fundit!

Dikur e degjoja me endje te Zeri i Amerikes!

[DYDRINAS]

Njeriu s'del dot nga vetja.Dhe Qosja eshte i tille.
S'ka nevoje per dhimbjen tende ....

Une nuk ndjej dhimbje per Qosen, por ndjej dhimbje per shqiptaret, qe denohen te lexojne gjuhe urrejtjeje, gjuhe sharese, ne vend se te merrnin mesazhe tjera nga personalitete si Qosja.

Qosja eshte sulur kunder te gjitheve!

[strider]

Ç'mendoni mbi akademik Rexhep Qosja?


qe nuk eshte akademik etj etj