Ç'mendoni mbi akademik Rexhep Qosja?

[hasjani 51]

Shqiptaret kane nje Rexhep Qose i cili nuk hesiton ta shprehe realitetin,ta thote te verteten edhe athere kur disave nuk ju pelqen.Tani si thoni ta kryqezojme Qosen ,ta thejme pasqyren pse ajo na tregon te shemtuar edhe pse ne te vertete ajo eshte pamja jone e vertete. Ta kryqezojme Qosen pse flete dhe shkruan te verteten dhe realitetin e jo ato qe ne deshirojme.Kemi jetuar gjate me mashtrime e iluzione ideologjike e politike ,me genjeshtra te lidereve politik per parajsen shqiptare te cilen po na ka lakmi bota. A nuk eshte e vertete se edhe sot njezete vjete pas renjes se diktatures po perseritet i njejti avaz: jemi ne vendin e pare ne Europe per shkallen e zhvillimit ekonomik.Jemi para Anglise,Gjermanise,Suedise e SHBA-ve. Sa mire do te ishte po te mos kishim ma teper se gjysmen e popullsise ne varferi dhe afer 20% ne varferi te skajshme. Sa mire do te ishte po te mos kishim pagat 10 here me te ulta se punetoret ne keto vende. Realiteti eshte i idhte por eshte realitet: Shqiperia eshte vendi me i varfer dhe me i izoluar ne Europe ,sot e kesaj dite.
Ne mund te tregojme prralla tere diten por realiteti nuk ndryshohet me prralla dhe mashtrime ,por me angzhim dhe duke u ballafaquar me realitetin.
"Nuk kemi letersi te nivelit europian " tha Qosja . Ai tha nje te vertete te pamohushme te cilen e kane te kjarte edhe keta te cilet po perpiqen ta shpallin plak torollak,njeri qe nuk lexon letersi,njeri te humbur nga vetmia .Pra ne vend qe te merremi me teper me ndrrimin e ketij realiteti me pune dhe angazhim ne fajsojme akademikun emblem shqiptar pse guxon te na ballafaqoje me te verteten.
Sa e sa para jush u perpoqen ti mbyllin gojen Qoses!Deshen ti ndalojne hymjen ne Institutin albanologjik njeriut i cili e formoi dhe ngriti ate. te gjithe i thyen dhembet . Asht i forte eshte Rexhep Qosja.Eshte institucioni moral i Kosoves . Lua eshte e zagarte nuk mund ti trembin as qerpikun.

[Gega i vogel]

Hasjani na trego pak per rastin per menyren e zgjidhjes se qeshtjes per Kosoven veriore nga R.Qosja ,15 % -shin e vendit te Republikes se Kosoves .

[dijetari]

Hasjani na trego pak per rastin per menyren e zgjidhjes se qeshtjes per Kosoven veriore nga R.Qosja ,15 % -shin e vendit te Republikes se Kosoves .

gega i vogel po hajt ti na trego pok per rastinper menyren e zgjidhjes se qeshtjes per kosoven veriore nga R.Qosja,hajt vetem pak.

[Llapi]

Gazetarë halldupë titistë-maoistë kundër Rexhep Qosjes!

11 Shtator 2009
Gazetarë halldupë titistë-maoistë kundër Rexhep Qosjes!

Salih Kabashi


Në një raport lidhur me ligjëratën e Rexhep Qosjes me titull “Zhvillimi i shpejtuar i letërsisë shqipe”, mbajtur pardje (22 gusht 2009) në Seminarin Ndërkombëtar për Gjuhën, Letërsinë dhe Kulturën Shqiptare, një gazetar nga një e përditshme kosovare ka bërë diçka që nuk lejohet në raste të tilla. Ai nuk ka raportuar por ka komentuar ose gjëra periferike e aspak të rëndësishme të atmosferës në sallë, ose ka shprehur impresione krejtësisht të panevojshme, qëllimkëqija dhe të palejueshme për gazetarinë moderne.

Fajet e Qosjes, sipas këtij talibani shtalb të zhurnalistikës kosovare qenkan :

E para : « Ai (Qosja, v.ime) fillimisht shtronte pyetje lidhur me këtë temë dhe menjëherë i jepte vetë përgjigjet…
Çka ka këtu që do të mund të relativizonte apo që do të mund t’i ulte vlerën një ligjërate. Kjo është punë stili dhe kapaciteti retorik të fjalimtarit dhe nuk paraqet asnjësoj mangësie.

E dyta : Ligjërata e Qosjes ngjasonte me një ligjëratë për nxënës të shkollave të mesme, pasi që shtjellonte terminologjitë e ndryshme dhe shpjegonte formacionet dhe shkollat letrare…

Gazetari harron se në shkolla fillore dhe të mesme nuk mbahen ligjërta po mbahet mësim. Ndërsa ligjëruesi gjithmonë zgjedh mënyrën e ligjërimit, i cili brenda vetes nuk ka se si të mos përmbajë terminologji dhe shpjegime të caktuara.

E treta : Nganjëherë ai të krijonte përshtypjen e një gjyshi që u tregonte përralla nipërve dhe mbesave, meqenëse edhe heshtja me të cilën e përcillnin të pranishmit i ngjasonte heshtjes dhe kuriozitetit të fëmijëve për të dëgjuar përrallën deri në fund…

Kjo thënie dashakeqe shënon një vetërrënim për gazetarin, ngaqë heshtja dhe përcjellja me vëmendje e një ligjërate flet për kapacitetin e ligjëruesit, flet për oratorinë e vokabularin e begatshëm të tij dhe, në fund, tregon se ai ligjërues ka autoritetin e mjaftueshëm sa të të krijojë atmosferë ku me aq kurreshtje do ta dëgjojnë studjues shqiptarë dhe të huaj. Dhe domosdo se flet edhe për vlerën e diskursit.

Talebani i ri i zhurnalistikës kishte bërë përpjekje edhe për një përshkrim idiotesk të atmosferës në sallën pushtuar nga qetësia, të cilën e paskan pas prishur « disa persona të papërgjegjshëm, të cilët në vend që ta ç’kyçnin celularin vraponin për të dalë jashtë, duke krijuar rrëmujë, e gati sa nuk rrëzoheshin »…

Dhe çka i ulin vlerë këto cingërima telefonash ligjëratës së Rexhep Qosjes ? Talebani i ri nuk e di këtë gjë dhe ai as bën përpjekje të kuptojë asgjë, sepse ai nuk ka shkuar atje me kokën e vet dhe as ka shkruar me kokën e vet… Qosja mbase, sipas shtalbit të kapardisur zhurnalistik, qenka dashtë të ngritet të lë ligjëratën dhe të presë deri sa të mbarojë bisedën telefonikedhe të kthehet në sallë ai që gati kishte thyer qafën! Dhe pastaj ta kishte pyetur : Kush të thirri, çka të tha e çka i the…Pësenë e marrisë së raportuesit nga Seminari do ta shohim dhe do marrim vesh më poshtë.

Tash le të përkujtojmë titullin e raportit. « A ka letërsia shqipe vlera evropiane? » Ndërsa në nëntitull janë vënë këto fjalë : « Sipas Rexhep Qosjes, letërsia shqipe nuk ka vlera evropiane. Duke mos e përmendur as shkrimtarin e njohur shqiptar Ismail Kadare, i cili prej shumë kritikëve të huaj konsiderohet si një prej shkrimtarëve më të mirë botërorë, Qosja tha se nuk duhet t’i krijojmë vetit iluzione kinse letërsia shqipe ka vlera evropiane ».
Problemi këtu nuk është se Qosja ka thënë se letërsia shqipe nuk ka vlera evropiane, pasiqë për mungesë kualitetesh evropiane të letersisë shqipe është folur sa e sa herë. Bile është folur edhe nga shefi i gazetarit që këtu po gjendet fatkeqësisht. Me një dallim se Qosja faktin e mungesave të vlerave evropiane e trajton si kryeekspert i letërsisë dhe si kritiku më i madh letrar shqiptar, ndësa Shkëlzen Maliqi me përbuzjen e tmerrshme edhe ndaj letërsisë edhe ndaj etnisë shqiptare.

Por problemi i raportit të këtij talebani të ndërsyer qëndron edhe dikund tjetër. Dhe kjo është se Qosja kur ka thënë se letërsia shqipe nuk ka cilësi evropiane, duhet të ketë bërë krimin e rëndë duke mos përmendur një përjashtim-Ismail Kadarenë... Shkëlzen Maliqit, djalit të kryepolicit famëkeq të Titos e të Rankoviqit si dhe talebanit fatkeq nuk u intereson aspak se ligjërimin e tij Rexhep Qosja e kishte lidhur me zhvillimin e shpejtuar të letërsisë shqipe dhe jo për shkrimtarin që prej shumë kritikëve të huaj u konsideruaka si një prej më të mirëve në botë. Këtu ka një dallim esencial. Fundja, edhe nëse është kështu, e nuk është me siguri, a mund të themi se futbolli i Kosovës ka vlera evropiane duke marrë për ekzemplar Lorik Canën...

E lexova në tërësi ligjëratën e Rexhep Qosjes. Fjalës së akademikut është vështirë t'i hiqet edhe një presje e vetme, ndërsa komentet e këtij farë gardiani maoist apo këtij talebani të ri titist të dalë nga fakultetet që merren me pare, nuk janë tjetër pos produkt i një urrejtjeje të sëmurë tridhjetëvjeçare që shefi i tij Shkëlzen Maliqi ka kundër Rexhep Qosjes. Jo për të mbrojtur Qosjen se ai ka kaluar nëpër furtuna edhe më të egra gjatë jetës së tij prej intelektuali dhe i ka përballuar ato, por nuk ke si të mos shtrosh një pyetje :

Si mund të themi se letërsia jonë ka vlera evropiane? Si mund të kemi zhvillim evropian të letërsisë dhe arteve kur kemi një zhvillim ekonomik afrikan dhe më poshtë se afrikan si dhe një jetë më shumë se pesëshekullore nën pushtim?! Këtu duket se dikujt nuk i pëlqen të shihet në pasqyrë! Pse vetëm në Kosovë duan të flasin triumfalisht për zhvillimet në të gjithë lëmenjtë! Ndërkohë që në Evropë bëhen debate të shumta mbi kualitetin e dobët jo vetëm të produkcionit letrar.

Kadareja, Kadareja, Kadareja... Harrohet se Kadareja ishte produkt i një regjimi. I suportuar fuqishëm nga diktatura, vepra e tij një kohë të gjatë (aq sa zgjati diktatura), ishte në funksion të krijimit të një iluzioni të "përparimit të madh" të Shqipërisë socialiste. Vënia shumëvjeçare e tij në shërbim të ndërtimit e figurës së përmasave piramidale të Enver Hoxhës, nuk ka mundë të shpëtojë pa u vënë re nga lexuesi i hollë evropian, i cili nuk i do diktatorët dhe të cilin e neverisin shërbëtorët e diktaturave.

Titulli “Zhvillimi i shpejtuar i letërsisë shqipe” tregon se shqiptarët, jo vetëm në letërsi, shumë nga vlerat e tyre i kanë krijuar në kushte ngushticash dhe ngutish, gjithësesi me qëllimin fisnik, iluminist dhe të drejtë - të mos ngelin në bisht të historisë. Kështu kemi nxjerrë në tregun nacional dhe për një kohë shumë të gjatë jemi detyruar të konsumojmë frutat tona ende të papjekura. Nuk mund të prisnim të piqeshin. Ky ishte kismeti ynë. Të kaluarën nuk e ndryshojmë dot, sidomos nuk e ndryshojnë gazetarë servilë e halldupë titistë-maoistë, por me përpjekje të mëdha sot, ndoshta do të arrihet të lihet diçka e vlefshme ose, thuaje o Zot! t’u krijojmë kushte më të mira zhvillimi brezave të ardhshëm. Po, siç këshillon Qosja, pa krijuar iluzione të rreme për veten tonë.

[chino]

Nuk mendoj fare ne te.

Por nuk di se cfare te imagjinoj nen atributin e tij "akademik"?
C'eshte ky titull? Profesor? Doktor? Absolvent i univerzitetit? Apo cfare?


*

[Brari]

per qosen e sherr-xhinjte qosisto enveriste te kosoves po le kte skec humori qe tregon se cfar ishte epoka e ndritur e enverit qe duan kta monstra te na e sjellin perseri.
votoni enveristet e selise roze uleriti qosja para votimeve.
verini flaken shqiperise tha pisi ne 97 ten.
ska turp.

shikoni ktu se cka hequr ai popull o perbindsha..

[Preng Sherri]

Viti 1997 nuk ishte vit i kobshëm për Shqiperinë ( lexo: Shqiperin e ismail Qemalit) por për tërë kombin shqiptarë dhe vet shqiptarin, kudo që gjendej Ai, në ato kohëra.
Tashti, sa i përket " Revolucionit të vonuar demokratik" që ishte një metafor krahasuese e revolucionit demokratik Borgjez të Nolit sërish duhet t'i japim të drejtë Profesor Rexhep Qosjës ngaqë dha mendimin më të mirë dhe më të saktë për kohën!

Tashti të kuptohemi në një gjë:
" Jemi për 12 vite më herët kështu që Koha e sotshme dhe akteret e at'hershëm në qeverIsjen e shtetit të sotshëm janë dy gjëra fare të kundërta".

Por, gjithësesi, gjatë qeverisjes si president i vendit ( 1992-1997), me kalimin e kohës Berisha ishte bërë( po bëhej) dhe shendërruar në një diktator të vogël por gjithnjë në rritje për t'u bërë një ditë i madh ( tip i Chavezit).

Në Shqiperi nuk sundonte ligji; në Shqiperi më shumë sundonte " maliqi".

Ishte frikë e madhe, jo të bëje rrugën Veri- Jug apo edhe ta zëmë Tiranë- Shkodër, apo edhe Kukës - Durrës ose-ose Vlorë - Gjirokastër por Njeriu s'kishte siguri, sidomos natën as në Kryeqytet ku nuk mund të paramendohej ca lagje të saj që të frekuentoheshin me të rënë muzgu!

Në një formë shteti ishte në një anarki të pashpallur publikisht!

Shqiperia zinte dhe ndjehej, nuhatej që ajo ,do të shpërthen: nevojitej vetëm një shkendijë e vogël!
Të protestosh në mënyrë publike kundra udhëheqesis, të rrahnin aktivistët e PD-ës , ish-skampistat dhe policët si mos më keq!
Një rrahje të tillë e kishte provuar edhe BLENDI FEVZIU kur doli të protestoj kundër shtypjes së lirë të fjalës!
U rrahen jo vetëm gazetarët por edhe ish-të përndjekurit politik!


INTERMECO E QËLLIMSHME


Një ditë të bukur Tironse, po qëndroja ulur në tarras, te restoran " Europa" dhe po pija një raki me kafe t'mëngjezit, kur një " halabak" më afrohet dhe duke pandehur që isha " kosovar", ( kosovaret në ato vite s'kalonin edhe mirë në Tironë - kishte raste të dhunimit të femrave -studente, di personalisht për një rast të tillë por që heshtej aso kohe), së pari më kërkon një shkrepëse për ta ndezë cigaren e tij, por e dija që kjo ishte vetëm shkakë për t'hyrë, në bisedë me mua dhe pastaj, t'më sulmonte fizikisht, duke pandehur se mund të kisha, para me vete.

( Ai i shkreti nuk e dinte që aso kohe vetëm vezë haja tre herë në dite me ndonjë qepë).

Meqë shkrepëse nuk kisha ngaqë cigaren se kam pirë asnjëherë dhe duke pas" frikë" që po i fola në anglisht mund të kuptoj apo edhe në ndonjë gjuhë tjetër ( gjermanisht) vendosa t'i flasë në serbishte!
Posa i fola, ( llomotita diçka) Ay sikur ta kishte goditur rrufeja , u largua nga unë duke më kërkuar falje, herë në shqip e herë duke llomotitur diçka në anglishte!

Gjatë viteve 1992 - 1995 në Tiranë të shëtije natën dhe të flisje serbisht ishe më shumë i sigurt se sa të flisje në gjuhën shqipe!

Të gjitha këto ishin shenja që do të ndodhte një revolte e popullit e cila ndodhi dy vite më vonë dhe me të drejt u quajt " Revolucioni i vonuar demokratik" ( aludim me revolucionin e Nolit të vitit 1924).

Sikur të ndodhte revolta në vitin 1994 apo vitin 1995 do të ishte në kohë dhe s'do t'kishte anarhi dhe katrahur të paparë më herët në ndonjë vend tjetër t'botës!
Sa i përket tre gishtave po ashtu kam parë në lojën e basketbollit, në RTK që kur një lojtar gjaun jashtë vijës së trapezit, referet ngrisin tre gishtet por kjo s'do të thotë që ata me këtë gjë bëjnë ndonjë - ngritje të shenjave të serbëve!


3.

1. Në Shqiperi pritej me pompozitet të madh Bullatoviqi ( dora e djathtë e Milosheviqit) duke ju bërë të githa nderimet që i bëhn një burrështetasi2. Bota mbarë kishte vë embargo të naftës për Serbinë dhe malin e zi ndërsa Shqiperia dhe Iraku ( Sadam Huseini) e thyenin këtë gjë dhe i shisnin atë ari të zi Milosheviqit që i nevojitej për makinerin e tij vrastare.

.2. Bota mbarë kishte vë embargo të naftës për Serbinë dhe malin e zi ndërsa Shqiperia dhe Iraku ( Sadam Huseini) e thyenin këtë gjë dhe i shisnin atë ari të zi Milosheviqit që i nevojitej për makinerin e tij vrastare.

( Ai që nuk duhet përmend emrin ( hëngri fiq e diq) dhe ithtarët e tij ishin dhe sot janë dakord me këtë gjë por atdhetaret dhe mëmëdhetarët s'mund të rrinin kot!)


3. Hekurishtat shqiptare përfundonin në hekuranen e Nikshiqit.

4. Çdo protest ishte e ndaluar ndërsa " kosovaret" që gjendeshin në Shqiperi dhe që mendonin për ndonjë hap më radikal ndajë Serbisë nga SHIK-u përcilleshin dhe burgoseshin!5. Burgosja e Zahir Pajazitit

6. Takimi i Arkanit ( sekret) me t'parin e Shik-ut Bashkim gazideden i cili ngadal por sigurt ishte në rrugë të shenderrohej në një gebels Shqiptar apo në një Beria të dytë

7. Zhdukja e atdhetarëve dhe vrasje enigmatike në Shqiperi( Remzi Hoxha dhe të tjerë) të atyre që nuk pajtoheshin me diktaturen e re por me fytyrë " demokratike".Të gjitha këto dhe të tjera ishin të mjaftueshme për të ndodhë një " Revolucion Demokratik" por që për fat të keq ndodhi më vonë vetëm Ai " Revolucioni i vonuar demokratik"!

Qosja kishte të drejtë në vlersim!

4.
Rexhep Qosja ishte i vetmi që nuk heshte; fliste, kritikonte, propozonte: me pendë vepronte!
Asnjë pushtet që ka për qëllim të shenderrohet në pushtet të dorës së fortë nuk i do Njerzit si Rexhep Qosja!
Edhe po të mos ndodhte " Piramida" revolucioni serish duhej të ndodhte!


Vendet Demokratike të Europes dhe botës pas këtij " Revolucioni të vonuar demokratik" nuk e kritikuan Shqiperinë, nuk e izoluan Shqiperinë!
Edhe ata pak a shumë u pajtuan me Rexhep Qosjen vetëm që nuk e quajtën revolucion por kohë e duhur që Shqiperia me të vërtet të demokratizohej!


Provoj Berisha në vitin 1998, bëri një " Kontrarevolucion të hershëm demokratik" (- aludim në Kontrarevolucionin e Zogut të dhjetorit) - por nuk u përkrah nga bashkesia Europiane dhe SHBA-ja, të cilët i kërkuan që të tërhiqet dhe të mos provoj të marrë pushtetin me dhunë!

Berisha u tërhoq!
Mësoi shumë nga gabimet dhe vendosi që ta marrë pushtetin ligjerishtë; këtë gjë e bëri në vitin 2005 dhe që nga at'herë e gjerë më sot unë Preng Sherri ia heqë kapelën për punën e bërë!
Rexhep Qosja pati të drejtë!

Të gjitha fushatat kundra rexhep Qoses vinin nga Ai " që hëngri fiq e diq" pra nga ai të cilit nuk duhet t'i përmendet emri( aludim në fluronvdekjen tek harry Poteri); Pra ai që nuk duhet t'i përmendet emri bënte gjithçka që intelektualet shqiptarë ti dërgonte në gojën serbë, siç bëri me Ukshin Hotin!
Por, i shkreti hëngri " fiq e diq" në Gorazhdec me dajtë e tij të gjakut, iku dhe me të iku përfundimidht përçarja në mes shqiptarëve!
Por me ikjen e atij që nuk duhet përmend emrin, nuk ikën edhe larvat e lëra pas sikurse me disa të trallisur në tru nga hipnotizimi që u bëri " ai të cilit nuk duhet t'i përmendet emri:
Lum e lum për ne që " hëngri Fiq e diq"!


SHPREHJE E LIRË
Më ka pëlqyer gjithmon thënja e De gollit:
Poshtë francezët!
RRoftë Franca!

Sikur ai të mos e kishte thënë këtë gjë, unë Prenga i sherreve me gjithë zemër do ta thoja të njëjtën gjë:
Poshtë shqiptarët!
RROFTË SHQIPËRIA!

[bili99]

Kontributi i shumeanshem i te gjitha personaliteteve kombetare ne pergjithesi dhe akademik Rexhep Qosjes ne vecanti : per kulturen kombetare,letersine,historine,kritiken dhe ceshtjen kombetare ne pergjithesi, meritojne respekt nga popullata e pergjitheshme shqiptare ,meritojne respektin tone dhe jo sharjet dhe nencmimet.

Konkretisht per akademik Rexhep Qosjen :ndikimin ne zgjim kombetar dhe shume heret me romantizem- realist ne pergatitje te nje ecje maratonike te popullit shqiptar drejt lirise dhe jo me "sprinte njeqindmetershe" keto sprinte siperfaqsore dhe te lustruara kane caluar ceshtjen kombetare (kane lene ceshtjen shqiptare te hapur ne Ballkan vete shqiptaret,edhe pas Dy shtetesh kemi shqiptaret e percare edhe ne kater krahina te lena jasht ketyre dy shteteve),.bartesit e "vizioneve politike sprintore". e kane bere popullin tone te pa qendrueshem , te padurueshenm me mentalitet fitorje dhe kenaqesie instante.
Si recidiv i atij mentaliteti eshte edhe ky ketu ne forum ,duam te permbyllim debatet kombetare me fjalen tone te fundit, me faktin tone ekskuziv, me qendrimet dhe te verteten tone te celikt, ja keshtu pra merremi me njeritjetrin, merremi me fjalet ( e gabueshme qe mund te kene thene personalitetet kombetare, apo edhe me gabimet e tyre , duke fuqizuar ato dhe duke mos permendur fare per veprat e tyre)
Merremi ne me koloset kombetar dhe i gjykojme pse ata kane inate njeritjetrin, pse ata xhelozojne njeri-tjetrin , pse ata kritikojne njeri-tjetrin.
Ata nuk duhet te bejne ate qe bejne kundrejt njeri-tjetrit,por edhe nese e bejne ,sic ne fakt e bejne le ta lejme si ceshtje personale te tyre.
Edhe kritikat shpesh te papelqyeshme per ne, qe nuk jane dukur dhe nuk kane tingelluar mire ,kane ndikuar ne profilimin e te kritikuarve dhe kane ndikuar nje shtyrje nje hap perpara te ceshtjes kombetare, edhe merzia dhe bezdia personale kane ndikuar ne permirsimin e , atyre qe jane kritikuar, me besoni.!

Nuk duhet te kete vend per krahasim mes personaliteteve kombetare,por edhe mes njerezve te zakonshem : ata jane unik si ne personalitet ashtu edhe ne veprimtari te tyre kombetare ,andaj personalizimi mes tyre nuk duhet te ndikoje ne percarje dhe klanizime mbrenda kombit dhe ketu ne forum.
Me besoni se mund ti doni me gjithe zemer si osjen, Kadarene,Demacin,Rugoven,Berishen,Topin,Agollin,Th acin,Sejdiun...edhe sikur ata mos ta dojne njeri tjetrin , biles edhe sikur ata edhe ta urrejne njeritjetrin.

Me 1945 humbi platforma kombetare e Ballit Kombetar per Shqiperine e bashkuar, te tjerat i dini jane "histori"

Me vitet '80-ta humbi platforma kombetare e Rexhep Qosjes( Republika Shqiptare e te gjitha trojeve shqiptare ne Jugosllavi , dhe me pastaj bashkimi me Shqiperine) te tjerat i jetojme, koha do te tregoje.

me nderime per vlerat reale kombetare dhe njerezit qe personifikojne ato,

bili99

[Agim Doçi]

Botova para 4 diteve kete shkrim tek gazeta METROPOL. Asht pritun shume mire dhe kam patur shume falenderime per objektivitetin. Po jua vendos edhe ketu. Ndoshta nuk do inatosen tifozat!!.....

Ndrroni ilaçet zotri akadem(y)k!...

Në kapërxyell të viteve ’70-të, u dha porosi nga Fronti Demokratik të hiqen antenat!...
Pullazet dhe taracat mbetën vendstrehim vibratorësh që kapnin vetëm stacionin televiziv të Tiranës. Pra me kontinentin asnjë lidhje. Antenat u hoqën, madje nismën e morri një militant dibran që nuk kishte as televizor…Më dukej se quhej Rexhep, madje ishte dhe qose…(!)
Pikërisht izolimi ndaj Europës i interesonte partisë dhe levës së saj Frontit. Realisht atdheu i shqiponjave kishte vetëm dy “ambasadorë” që pa Letër Kredenciale, ishin atashuar hijshëm në continent: Ansambli Shtetëror i Këngeve dhe Valleve Popullore dhe veprat e Kadaresë.
Mos të harrojmë se De Rada, Dara, Chajupi, At Fishta, Dom V. Prendushi, At, Koliqi, Fan Noli, F. Konica, Migjeni, Chri Chri, , e plot e plot të tjerë shkruanin e botonin në Europë, madje disa prej tyre ishin dhe anëtarë të akademive europiane.
Mbaj mend që u përkthyen në frëngjisht edhe F. Arapi, N.Lako, A.Varfi, I.Kadare, D. Agolli, F. Kongoli etj.etj. si krijues me vlera. Sa mirë!
Lexoj me shumë ëndje letërsi, por sinqerisht atë “nivelin europian” si nocion nuk e kuptoj dot.
Thjesht nuk e di a ia kemi mbrrijtë “nivelit” të shkrimtarëve të tjerë të kontinentit, apo europianët dhe shtëpitë botuese të tyre, na përkthejnë e na botojnë, se jemi gjynah!?...
Ngucakeqi, kur luan “kompetentin’ bahet edhe I bezdisshëm edhe sherraxhi. Mbaj mend se “dikur” Kadare dhe Qose për arsye që ata i dinë, nuk kruheshin me njëri tjetrin. Tashti kanë filluar prej kohësh jo vetëm të “kruhen” por edhe të fyhen.
Kadare mbahes si perëndimor, Qosje deklarohet si oriental. Harrojnë që të dy i kanë emrat Ismail dhe Rexhep. Ismaili po të ndrronte emrin nga kuranorë në ungjillorë do të quhej Frrok(!). Ndërsa Rexhepi, mund edhe të quhet Regjepagiq. Përsa i pëket “nivelit europian” pra prej këtu duhet të marrë cak debati midis Frrokut dhe Regjepagiqit. Këta dy gjeni të gjysëmkombeve shqiptare, pandehin se ne intelektualëve mediokër, na bëhet qejfi kur ia nisin debateve shterpë dhe gjithë fodullëk.
Të krahasosh Europën me Shqipërinë, pra Londrën me Librazhdin, është gomarllëk. Ama, letërsia nuk ka të bëjë aspak me autostradat europiane, me nivelin e mirëqenies europiane, me arrogancën europiane apo indiferencën europiane…
Nuk ma do mëndja që përkthehen dhe botohen krijuesit shqiptarë se janë gjynah. Kur përkthehen shkrimet e disa shkrimtarëve të Afrikës me emra komikë si Urrumbu Surrumbu, apo kur Qosja përmend dhe një farë Selman Ruzhdije që na qenka i nivelit europian, vaj halli…
Mesaduket vërtetë zotri Regjepagiq nuk paske lexuar letërsi shqiptare këto kohët e fundit …
20 vjeçari i fundit pasuroi bibliotekat dhe libraritë europiane edhe me krijues të tjerë, që besoj se nuk u botuan për “inat” tëndin apo jo Gjepagiq?!...
Mua më tremb pozicioni keqdashës, mohues, xheloz dhe nervoz i yti zotri akadem(yk).
Lexova tek GAZETA SHQIPTARE e datës 3 shtator 2009 një shkrim analizë tuajin dhe më bëri përshtypje që ju nuk heqni dorë nga mania e madhështisë (vetmitare) që ju ka kapluar kohët e fundit. A mos duhet të ndrroni ilaçet z. akadem(y)k!?.
Konkretisht po citoj një paragraf tuajin ku shkruani të zezën mbi të bardhë: që ju paskeni bërë më shumë se patriotët e kafeneve, shkrimtarët e tjerë, se të gjithë të marrë sëbashku, madje edhe se fare e fisi i tyre dhe çuditërisht edhe nga paraardhësit e tyre(!)…
Modesti është kjo mo Z. Qose?!...Po pse i fyen kolegët bre Gjepagiq?!...
Ua kam shkruar dhe ua kam thënë thënë publikisht, ty edhe Kadaresw, që ju tw dy jeni llastuar gjatë, shumë gjatë. Sedra e juaj është e sëmurë, ndaj dhe po e përsëris: duhet të ndrroni ilaçet.
Pathollogjikisht rasti i juaj ngjan me rastin e Shaban Qoses (ndjestë pastë). Besoj se keni dëgjuar për të?...Shabani kur nuk e ngacmonte njeri, ia niste vetë të “kruhej” me hokatarët. Nuk besoj që mbiemri juaj është mallkim. Druaj që edukimi juaj është difektoz. Po merre vesht njëherë e mirë, nuk kemi kohë të merremi me ju zotri akadem(y)k. ne kemi halle të tjera kombëtare. Nëse nuk të rrihet dot pa u kruar, sepse kështu dhe vetëm kështu merr ndonji honorar apo të del emri në gazetë, unë kam një këshillë dashamirëse: kam dëgjuar që dispononi një vilë në Beograd. Vilë e blerë apo e dhuruar nga akademia e atjeshme. Shko më mirë atje tek ajo vila në Beograd dhe shkruaj, shkruaj pafundësisht, shaj pafundësisht dhe madje mund të pështysh pafundësisht mbi vlerat tona shqiptare. Atje po! Atje të ka lezet dhe të ka kuptim kur shan bashkëatdhetarët, kur shan shkrimtarët, kur shan shqiptarët. Duke qenë i pashaportizuar në Beograd, madje dhe gjuha e huaj e vetme që zotëroni është vetëm serbishtia, keni dhe goxha vilë, prandaj shkoni bre Xhepi atje dhe prej andej nisja e pështyj mbi këdo dhe kurdoherë. Atje mandej ka dhe ilaçe të efektshme për të hedhur baltë mbi Europën, mbi shqiptarët, mbi gjithshka që të shqetson. Por sakaq, dua sinqerisht të të them edhe një here: Qetsoju bre Xhepi! Ndrro ilaçet se mandej bahet vonë. Unë ju uroj shërim të shpejtë.

Agim Doçi

[fegi]

Mos i thuaj Rexhep Qoses "IK!"
-- nga KOLEC TRABOINI


Pergjigje një shkrimi denigrues nga Zvicrra, i përqasur me një koment pavend nga Tirana.

Në krye të kresë, zoti Ahmet H. kah Zvicra, edhe kur shkruajnë ingjinjerët, si po i thashkan në shqip një shkrimi a shënimi, kolumne?! Hapa fjalorin e Shqipes jo Anglishtes e tek germa K gjeta fjalë si kollum- gropa ku rrihet balta për të bërë tulla, kollotumba- rrokulliset me kokë përdhe, kokodash-topth i ngjeshur, deri dhe kërbythje-kallami i misrit që mbetet në arë pas korrjes e plot të tjera, por nuk gjeta kurrkund fjalën kolumne.
Ah, moj Kumanovë që e ke përcjellë në Internet këtë kolumne, a ke më afër Monastirin e Kongresit të Shqipes apo Londrën e Çërçillit të anglishtes?
Sa i perket titullit "Lidhja e Shkrimtarëve të Kosovës do të mbetet vetëm me krijues që shkruajnë me dorë të majtë", është e nevojshme të kujtoj se punët e shkrimtarëve nuk i zgjidhin dot ingjinjerat sepse librat nuk janë hekura traktorash dhe as çipsa interneti.
E tash të vazhdojmë më tej, jashtë librave por brenda etikës që është normë civilizimi për çdo qytetarë të botës, e ne shqiptarët nuk ka pse bëjmë përjashtim...
Për sa flet mbrapsht e mbarë për Rexhep Qosen dhe Adem Demaçin, dy burrave të shqiptarizmës, duhet ta dish se përpara tyre je fort i vogël. E jo vetem ti por edhe unë bash njësoj si ti jam fort i vogël (nuk flas për moshë) me u matë me ato burra. Si i thashke ti Rexhep Qoses që ai nuk ka të drejtë të flasë për Kosovën dhe i thua faqezi, pa tu dridhur qerpiku: "Ik ne Mal të Zi!" Mos o Zot!

Po ti e di fort mirë se kush u tha shqiptarëve "ikni" në 1999. A ka nevojë ta përmënd emrin e djallit, kasapit, satrapit, që e dha këtë urdhër? Jo nuk ka nevojë se e di gjithë bota e si nuk e ditkan shqiptarët e Kosovës që e hoqën kalvarin mbi kurriz. Ndoshta kolegu im krijues nga Tirana Ç.L. krejt realisht nuk e di atë kalvar, se ndryshe, në një koment të fundit nuk do të përflitëte fort ligsht e jashtë etikës së shkrimtarit, se si qënka veshur Profesor Qosja me fustan kur dëbohej mbarë një popull. Në atë tmerr, a nuk kishin halle të tjera njerëzit e masmedias apo veç të përgjonin se si u vesh e si doli nga rrethimi i djajve të vdekjes pofesori i moshuar. E po të ishte babai ynë ai që në atë tmerr të ishte veshur me fustan çfarë do të thonim?! A do të gëzoheshim që shpëtoi apo do ta përgojonim për tia nxirë jetën? Për më tepër, mos vallë pantallonat e jo fustani qënka krenaria e shqiptarëve. Po këto pantallona që veshim sot, në histori kanë ardhur vonë. Po fustanella e Gjirokastrës (se Çerçizit) dhe krejt jugut, ku vajti, si u harrua, u shua bashkë me trimat e historisë...
Trimërinë e urtësinë nuk e bëjnë pantallonat i dashur koleg në Tiranë. Kurrsesi nuk mund të bie dakort me komentin tuaj idhnak për Rexhep Qosen, por le të merremi me Ahmet Hasanin e Zvicrrës se ky i ka fjalët e kolumnit më të rënda se sa guri mbi shpatullat e burrit.
Pra, si mund ti thuhet Rexhep Qoses "ik!"? Po Kosova nuk është vetëm çeshtje e atyre që jetojnë në Kosovë, por e të gjithë shqiptarëve kudo ku jetojnë nëpër botë, se duhet ta keni dëgjuar emrin e Skerdilajd Llagamit, djalë i veten, në moshë te re e pa u bërë ende dhëndërr, komandantit i formacioneve të UÇK-së, që luftoi në Kosovë e në Iliriadë ku, në këtë të fundit, ra heroikisht. Ai nuk u lind në Kosovë, por në Tiranë e shkoi e dha jetën e vet për çështjen shqiptare.
E si tash, po na u përjashtoka prej Kosove, e prej kombit për të cilin ka dhënë aq shumë, një burrë shqiptar, dijetar, shkrimtar, si Rexhep Qosja kur prej veprave të tij edhe pse në Shqipërinë e mbyllur, ushqeheshim me atdhedashuri.

Prandaj mos i thuaj Rexhep Qoses ik! Mos shkruaj marrëzira se është turp e të qeshin bota. Të qeshin njerëzit, madje edhe bashkëfshatarët e tu kur ta marrin vesh se si tallesh ti me Adem Demaçin. Adem Demaçi para se njeri është histori. Është lapidar i gjallë paçka se mund të mos jemi i nje mendje me ndonje tezë të tij, fundja në demokraci e pluralizëm jetojmë, në një botë ku respektohet e nuk përtallet mendimi ndryshe.
Rugova, Qosja, Demaçi, Agani, Thaçi, Sejdiaj, Shiroka, Krasniqi, Cana, Limaj, Hajradinaj, janë burra shqiptarë që i përkasin tërë kombit, pavarësisht se çfarë kontradikta e konflikte kanë patur apo kanë në mes vedit...
E duhet ta dish mirë se nuk matësh dot as me hijen e tyre prandaj ndreqe gojën e mos i lë turp vedit se qënke dhe ingjinjer në Zvicrën e kulturuar e diç prej saj duhet të kesh mësue veç teknologjisë.
E si përfundim, nuk ka rëndësi se me cilën dorë shkruan, por ka rëndësi se cilën pjesë të trurit vë në punë kur merr tastin e kompiuterit e, lum Ahmeti, ke harrue bash krejt se në kompiuter jo vetem ti, por të gjithë shkrimtarët i përdorin të dyja duart, e nuk ke pas nevoje me i vue shkrimit nje titull alogjik, që ofendon krejt pa shkak ndonjë mëngjarash që nuk i ka faj kurrkujt në këtë botë çfarë nënkupton edhe ty.

Shpresoj se do te nisësh të kuptosh se, kushdo që e gjuan diellin me baltë ja zën sytë vetes e, me sy të mëshilun, nuk di me shkue as deri tek bunari... e mbetet tërë jetën me fytyrë të palarë! Sepse, le ta thjeshtesojme alegorinë, nëse u merr nderin të tjerëve, mund të jesh shumëçka, por jo i ndershëm.
Ai që nuk ka respekt për burrat e kombit nuk ka respekt as për prindërit e vet, e rrjedhimisht as për vetveten. E kjo është diç më shumë se ajo që i thonë mjerim i shpirtit, ase, të kesh Saharë në ngrehinen e gjoksit.
Prandaj: Mos i thuaj Rexhep Qosës "ik!"!