Ç'mendoni mbi akademik Rexhep Qosja?

[DardanG]

Ajo që është më së brengosëse dhe shihet qartë këto vite të fundit kahu i shpifjeve dhe i sulmit që përdorë Qosja kundrejtë Kadaresë! Tashmë në plan të parë nuk është dhe aq ideologjia e kaluara dhe vlerat e dyshmëta, sipas Qosjes, të veprës së Kadaresë, por religjioni, pra gjoja "antisilamizmi"dhe identiteti europian i shqipëtarëve i Kadaresë! Dihet se Qosja ka kundërshtuar identitetin europian të shqipëtarëve dhe tashmë akuzon qarqet letërare e politike ndërkombëtare se Kadarenë e mbajnë dhe e shpërblejnë se gjoja ky qenka një antislamist! Ai me këtë thuase bënë thirrje për bojkotin e veprës së Kadaresë nga lexuesit shqipëtarë(të besimit islam) gjë që nuk i shëben harmonisë ndërfetare ndërshqipëtarët të të tri feve!
Por qellimi nuk zgjedhë mjetin, kanë thënë dhe Qosja nuk zgjedhë mjetin kur është fjala të Kadare, sulmet ndaj tij, zhvlerësimi i autoritetit të tij moral, njerëzor e letërar! Efektete e kësaj propagande kundrejt Kadaresë janë asfere të dashamirët e veprave letërare të Kadaresë kudo në botë, porse Qosja do të ishte shumë i kënaqur që bile, ndër shqipëtarët sado kudo të nxihet sa emri dhe autoriteti i Kadaresë, pa marrë parsysh se cfarë pasojave mund të këtë propaganda e tij.
Nuk mund të pritet gjë tjetër nga ai, pra nga Qosja, i cili përkrahte dhe i jepte zjarr "Revolucionit të vonuar demokratik" në Shqipëri, në vitin 1997.
Ka të dhëna se Akademisë së Nobelit në Stockholm i kanë shkuar shumë "materiale" shpifëse kundrejtë Kadaresë, madje edhe sosh që ai ka qenë një gardian burgu...! Pra, për bashkëkombësit e Ismail Kadaresë e "ndihmonin"(rast i vecant në botë, e kjo e vecant ndodhë vetëm të shqipëtarët) atë për të konkurruar në cmimin më prestigjioz për letërsi në botë, sic është ai "Nobel, edhe me këso shpifje!
Sigurisht se këto kuzhina shpifjesh ka pasur dhe ka ndër shqipëtarë, më mirë të thuhet ndër antishqipëtarë, brënda shqipëtarve!


Këtu më poshtë po e jepim një shkrim komplet të një gazete për mllefin e përhershëm dhe aktual të Qosjes

MLLEFI ANTIPATRIOTIK I AKADEMIKUT

Vdekja kulturës shqiptare nuk vjen prej syve të Qosjes

(Shkruar nga Miranda Haxhia dhe botuar në Gazeta "Bota Sot", e Merkure 2 shtator 2009)


Nuk e pëlqejnë Kadarenë "Qoset" e vegjël. Krehëri i Qoses e lexon letërsinë shqiptare si me sfurkun e fshatit të tij, kurse bota e lartë, kritika e specializuar bot¨rore vazhdon ta lexojë me kodet e saj, të letërsisë së vërtetë, të stilit, të formës, të alegorisë, të narracionit, të historisë së Shqipërisë që përcjell, të asaj që nuk bën dot njeri i zakonshëm, por vetëm fshehtësia e gjeniut.

Askush nuk ma zgjatë dorën për një ndihmë të tillë. Të gjithë më shikojnë me sytë e mosbesuesit. Cfarë kërkon? Krehëri i Rexhep Qoses nuk mund të krehë letërsinë shqipe, sepse nuk ekziston një krehër i till për këtë njeri. Nuk ia fal asnjë shitës cikërrimash, sapo të shikojë e jo më sapo ta lexojë! Sepse vet Qosja nuk ka krehër; sepse i kanë rënë edhe ato pak fije dije dhe kulture që mbartte dhe ne i kemi lexuar qysh në kohën e diktaturës, por që asnjë nga studentet e mi që studiojnë marrëdhënie ndërkombëtare nuk i kanë lexuar asnjë libër, edhe pse unë kam këmbëngulur ta lexojnë, pasi dikush prej tyre në të ardhmen do të jetë ambasador në Kosovë e do t´i duhet të dijë për kulturën e Kosovës. Nuk ua mbush dot mendjen, sepse studentët nuk janë vetëm studentë, janë edhe patriotë, janë edhe dashamirës të vendit dhe kulturës së tyre. Sepse vet janë prodhim e rriten mes kulturës shqiptare. Por, nëse nuk ua mbush mendjen të lexojnë një libër të Qosjes, do këmbëngul t´u rrëfej se, "Vdekja, kulturës shqiptare nuk vjen prej syve të tillë" (të R.Q), por do t´u tregoj se si na ka zili cdo kulturë e vendit tjetër emra të tillë si Ismail Kadare, Lasgush Poradeci, Mitrush Kuteli, Gjergj Fishta, Fan Noli, Faik Konica, Ali Podrimja, Koco Kosta, Fatos Kongoli, At Zef Pllumi etj, etj, dhe jam i bindur se këto emra janë tashmë të sklerozuar nga mllefi antipatriotik i akademikut të fshatit, Rexhep Qoses. Të mohosh vlerat e asaj që është krijuar në shekuj, në vite, në muaj dhe në ditë, duke u mshehur pas një mllefi dhe skleroze kuklturore, do të thotë të harrosh në shtëpi pasaporten shqiptare dhe të nisesh për të kërkuar një avion e t´u thuash më hipni pasi nuk jam i këtij dheu, se letra me të cilën është bërë ajo pasaportë është e cilësisë jo të mirë!
Krahasim paksa i thjeshtëzuar, por i denjë për fyerjen e madhe që i bënë një njeri si Rexhep Qosja gjithë kulturës shqiptare dhe emrave të saj të vecantë. Nga maratona e gjatë e debatit për identitetin shqiptar, ai fitoi popullaritetin vetëm se përmendej krah emërit të Kadaresë, jo se kujton kush librat që ka shkruar, pasi ati kanë mbetur në ndonjë bibliotekë të mykur e dalë boje. Dhe të gjithë e ndiejnë se inatin e tij e ka vetëm me Kadarenë. Kur Kadare mori cmimin "Man Booker International" në Britani i përzgjedhur mes 17 pretenduesve, që janë shkrimtarët më të njohur të të gjithë botës, mes tyre katër nobelistë si Markez, Mafuz, Kenzabua Oe dhe Gras, për fat të keq nuk e kishin ftuar edhe akademikun tonë, ndaj kultura e fshatit të tij nuk matet me kulturën që Shqipëria i përcon Europës. Përseris se inati i tij është vetëm kundër Kadaresë. E ka marrë vesh Qosja se për shkak të nivelit të librit të parë "Gjenerali i ushtrisë së vdekur", Kadare mori dhe mban urdhërin më të lartë të Francës: Oficer i Legjionit të Nderit si dhe Anëtar i Akademisë Franceze, asaj Akademie Franceze, anëtar i së cilës është dhe papa Bendedikti dhe u pranua në një ditë me ish-Presidentin Ronald Regan, duke zëvendësuar filozofin e shquar vienez Karl Poper?
E di Rexhep Qosja se Kadare ka marrë cmimet më joshëse të botës së letërsisë si cmimi Cino del Duca e Mediterane në Francë, Cmimi Kavur në Itali, cmimi Hreder në Gjermani, cmimi "Për të drejtat i njeriut" në Hollandë. E di Qosja se Kadare studiohet në tekstet e shkollave të mesme në Francë, të cilat kërkojnë një status shkrimi që është në shënjë të qendrueshmënisë, status që e kanë shkrimtarët që janë klasik për një kulturë? E di Qosja se në Amerikë u botua nën një edicion special në letër alumini libri "Ditë Kafenesh"; se Universiteti i Harvardit e vë romanin "Kronikë në gurë" ndër 100 romanet më të rëndësishme të shekullit XX; e di ai që amerikanët përzgjedhin librat "Pallati i ëndrrave", "Doruntina" e "Kronikë në gurë" për lexim të detyrueshëm në lëndën e shkrimtarisë të të gjitha universiteteve të SHBA-së?
E di Qosja që universitetet më të shquara amerikane e ftojnë si një nga shkrimtarët më të rëndësishëm të Evropës që të mbajë leksione? Ka folur pranë poetit John Ashbery, foli në universtitetin Prinston dhe salla u ndje e nderuar në praninë "e shkrimtarit më të madh evropian dhe të poetit më të madh amerikan". E di Qosja se opinioni i universitar i Prinstonit në Shba është shprehur për J. Ashbery-n si poeti më i madh i Amerikës dhe për Kadarenë si shkrimtari më i madh, i gjallë i Europës; apo që Erik Hobsbaum e quan Kadarenë zëdhënes të një populli të vogël malor? Emri i tij është në libra të tillë enciklopedikë si "Larousse apo "Who is Who". I " dogji" Qoses kur shkrimtari shqiptar, Ismail Kadare fitoi cmimin e madh spanjoll "Princi i Asturias për Letërsinë" (prince ofasturias award for letters). Për këtë cmim ishin nominuar emra të mëdhenj të letërisisë botërore, mes të cilëve shkrimtari japonez Haruki Murakami dhe shkrimtari cek, Milan Kundera.
Dhe së fundmi, ky vend që ka kulturë të tillë, ka gjasa të jetë më i vogël se fshati i Qoses? Ja dhe ma dhatë Krehërinë. Por cfarë ti krehim Qoses?

[DYDRINAS]

Papërgjegjësia e akademikut

» Dërguar më: 05/09/2009 - 10:54

Ahmet Selmani

Debatet që zhvillohen për letërsinë shqiptare gjithsesi janë të mirëseardhura në çdo kohë, kuptohet kur ato kanë karakter konstruktiv dhe të argumentuar, por kur ato dalin nga suazat e këtilla, kur shkelin mbi arsyen e shëndoshë, sidomos kur prapa tyre fshihen qëllime të mbrapshta, atëherë shndërrohet në skandale të vërteta. Mbase e këtillë ishte edhe ligjërata me titull "Zhvillimi i shpejtuar i letërsisë shqipe", e akademikut Rexhep Qosja, të cilën e mbajti para të pranishmëve në Seminarin Ndërkombëtar të Gjuhës, Letërsisë dhe Kulturës Shqiptare, (gusht 2009). Lidhur me këtë është e nevojshme të thuhet se, R. Qosja bëri një rrokme të pahijshme, duke mos mbajtur fare llogari se çfarë përshtypje do të linte para albanologëve të huaj, të ardhur nga viset e ndryshme të botës. Ai, duke bërë fjalë për letërsinë shqiptare, në mes të tjerash, theksoi: "Letërsia shqipe ka patur një zhvillim atipik apo të shpejtuar, ndryshe prej letërsive të mëdha evropiane". Dhe, natyrisht nuk e la vetëm me kaq tezën e tij kaq mohuese, por vazhdoi duke e shtruar edhe pyetjen: "Çka do të thotë zhvillim atipik i një letërsie kombëtare?" Ashtu siç pritej nga të gjithë pjesëmarrësit, edhe përgjigjen për këtë prapë e dha vetë: "Do të thotë zhvillim i veçantë që ndryshon pak a shumë prej zhvillimit të letërsive të tjera. Nuk është letërsia shqipe e vetmja letërsi në Evropë e cila ka shënuar një zhvillim atipik ose zhvillim të shpejtuar në historinë e saj."

Teza dhe gabimet

Kjo tezë sa naive, aq edhe djallëzore e shtruar nga ana e tij, doemos të shtyn që ta komentosh. Së pari, kur letërsinë shqiptare në përgjithësi e shpall me gojën plot si atipike ose të shpejtuar, gjithsesi ndihesh i prekur e i përbuzur, aq më tepër kur i përket kësaj, kur je rritur dhe formuar me të. Pra, formulimet e mësipërme "atipike" ose "e shpejtuar" mund të nënkuptohen në shumë mënyra; bie fjala, si letërsi jonormale, artificiale, e sforcuar, e parakohshme, dështake, e papjekur, shkel e shko, mediokre, joserioze etj. Vërtet është për t'u habitur prej nga gjithë ky zell provokues që po vjen pikërisht nga Rexhep Qosja? Ose, çfarë iu desh atij që ta shpallë letërsinë shqiptare si të tillë? Këndej patjetër duhet të themi se në radhë të parë kjo është një vetëvrasje intelektuale për të, por edhe një fyerje e rëndë për gjithë letërsinë shqiptare, për të mos thënë edhe një veprim armiqësor ndaj saj. Prandaj, edhe çdo reagim që mund të vijë përkitazi me këtë është shumë i pritshëm dhe i arsyeshëm. Së dyti, R. Qosja në vazhdim e bëri edhe një marrëzi tjetër, kur para të pranishmëve e shtroi edhe pyetjen e dytë: "Cilat janë këto letërsi në Evropë që kanë një zhvillim atipik në letërsinë e tyre?". Për fat të keq duhet theksuar se përgjigjja është edhe më e marrë se pyetja. Për sa i përket kësaj, ai përsëri u përgjigj vetë: "Studiuesit dhe historianët e letërsive të Evropës thonë se këto janë letërsi të popujve që kanë qenë të pushtuar prej Perandorisë Osmane dhe historitë e letërsisë të popujve që kanë qenë të pushtuar prej Perandorisë Austro-hungareze. Do të thotë se këto janë letërsia shqipe, greke, bullgare, serbe, rumune, malazeze, maqedonase, kroate, sllovene". Vallë ç'është ky arsyetim? Këtu ka një kundërthënie shumë të çuditshme; në njërën anë u referohet studiuesve të huaj, që vetëm ai i di, domethënë dëshmon se kjo nuk është tezë e tij, por e dikujt tjetër, për të mos thënë ndoshta edhe e trilluar dhe, në anën tjetër, aty e fut edhe letërsinë shqiptare, pa qenë i vetëdijshëm se ç'po bën. Me sa duket, R. Qosja realisht nuk e njeh as letërsinë shqiptare, e lëre më letërsitë e pupujve që i përmend. Atëherë, prej nga gjithë ky përgjithësim kaq neveritës? Natyrisht, qëllimi fshihet brenda qenies së tij të kompleksuar, i cili në momente të caktuara di të të trallisë me energjinë e tij negative. Se këto janë gjëra shumë të tepruara e të paqëndrueshme, dëshmon realiteti që ka të bëjë me letërsinë shqiptare dhe letërsitë e popujve të Ballkanit. Sa për dijeni, në secilën gjuhë kryesisht përkthehen dhe botohen autorët e huaj, kuptohet ata më të mirët. Prandaj, ky parim vlen edhe në gjuhën shqipe, ku janë përkthyer dhe botuar librat më të mirë të autorëve që u përkasin këtyre pupujve që i përmend ai. Atëherë si mund t'i fusë në atë kategori autorët si J. Seferis, N. Kazanxaqis, M. Kërlezha, Danilo Kish, Ivo Andriq, Mesha Selimoviq, M. Paviq, Marin Soresku, Nikita Stënesku etj? Nëse këta autorë i duken atipik ose të shpejtuar, atëherë nuk është diçka në rregull me shijen dhe me kriterin estetik të tij. Duket qartë se kjo është një megalomani jashtëzakonisht e mbrapshtë. Së treti, për ta përligjur marrëzinë e tij lidhur me letërsinë shqiptare, R. Qosja më tej shton edhe një gjë: "Megjithëse ka shkrimtarë shqiptarë që janë përkthyer në shumë gjuhë të botës, siç është Ismail Kadare, i cili ka fituar shumë çmime të rëndësishme letrare evropiane dhe është i nominuar për çmimin Nobël për letërsi, nuk duhet krijuar iluzione se letërsia shqipe është letërsi me vlera evropiane". Pra, sipas tij, edhe Ismail Kadare na bëka letërsi atipike ose të shpejtuar, dhe si i tillë, ai nuk paska vlera evropiane. Kështu, akademiku, që beson se është babai i kombit, i mëson pjesëmarrësit e huaj që të mos merren shumë e shumë me këtë autor, pavarësisht që veprat e tij janë përkthyer e botuar në dhjetëra e dhjetëra gjuhë të botës dhe njihet gjithandej rruzullit, e në sajë të tij njihen edhe shqiptarët si popull. Sipas kësaj logjike, del se të gjithë të huajt qenkan kokëkrisur që merren me veprat e Ismail Kadaresë. Ndaj, për t'i bindur ata se realieti është krejt ndryshe, ai u thotë atyre se nuk ka nevojë t'i krijojmë vetes iluzione.

Skandali

Teksa i shohim këto gjëra kaq të mjerueshme, s'kemi si të mos i konsiderojmë si tepër skandaloze. Kjo bëhet edhe më e mjerueshme kur dihet përvoja e tij në fushën e studimit të letërsisë shqiptare, veçanërisht asaj të periudhës romantike. Ai e di fort mirë letrën e Lamartinit që dikur ia dërgonte Jeronim de Radës, kur i thoshte se poezia ka lindur në brigjet tuaja dhe atje duhet të kthehet. Sigurisht Lamartini nuk e thoshte kotas këtë gjë, por nga bindja e paluhatshme, ngaqë i kishte lexuar vargjet e De Radës. Atëherë pse letërsia e Lamartinit na qenka evropiane, ndërsa ajo e De Radës dhe e autorëve të tjerë shqiptarë na qenka atipike ose e shpejtuar? Me sa duket, e keqja më e madhe e Rexhep Qosjes është se përpiqet t'i godasë vlerat më të larta, siç vepron me Ismail Kadarenë, duke e keqpërdorur autoritetin e tij për një qëllim shumë të ulët e ziliqar. Megjithatë, lexuesit tanimë e kanë të qartë mendjemadhësinë e tij, i kanë lexuar edhe polemikat me Ismail Kadarenë, rekomandimet fyese të këtij të fundit për të shkuar ai te neuropsikiatri etj., por kjo nuk paraqet kurrfarë arsyeje që ai të rrefkëtohet dhe t'i japë të drejtë vetes për ta goditur e nënçmuar gjithë letërsinë shqiptare. Kur vepron kështu me I. Kadarenë, atëherë ç'paska mbetur me të tjerët? Pra, ky studiues harron se letërsia shqiptare ka vlera të mirëfillta jo vetëm me I. Kadaresë, por edhe me Anton Pashkun, Martin Camajn, Azem Shkrelin, Mirko Gashin, Fatos Arapin, Moikom Zeqon, Mehmet Krajën, Teki Dervishin, Ali Podrimjen, Eqrem Bashën, Vath Koreshin, Mimoza Ahmetin, Visar Zhitin, Ridvan Dibrën, Besnik Mustafajn, Agron Tufën etj.

Të huajt dhe tanët

A thua R. Qosja e ka pyetur veten ndonjëherë se çfarë kanë më tepër se autorët e mësipërm, ta zëmë Gabriel Garsia Markezi, Le Klezio, Dario Fo, Doris Lesing, Joze Saramango, Vaclav Havel, Milan Kundera, Ernesto Sabato, Paulo Koelo, Dan Braun etj.? Me sa duket, R. Qosja i ka lexuar shkel e shko autorët e mësipërm shqiptarë, ose shumicën prej tyre ndoshta edhe s'i ka lexuar fare, madje për disa as që i ka shkuar ndër mend se ekzistojnë. Kur i merr parasysh këto gjëra, thirrja e secilit shqiptar me arsye të shëndoshë do të ishte kjo: Nuk duhet të bëhemi aq mohues e poshtarakë që t'i nënçmojmë autorët tanë. Është tjetër gjë që ne nuk kemi arritur t'i afirmojmë ashtu siç ka ndodhur me Ismail Kadarenë, por e vërteta është se këta emra janë të denjë për t'u ndodhur në krye të listës së veprave më të mira evropiane dhe më gjerë, jo pse kemi dëshirë ne, por se këtë e thonë vetë të huajt. A thua nuk i mjaftojnë R. Qosjes ato që i thonë vetë të huajt për letërsinë shqiptare? Ja, po ia përkujtojmë vetëm disa mendime lidhur me veprën e Ismail Kadaresë: "Një nga romancierët më të shquar të kohës sonë, në të gjithë botën dhe në të gjitha gjuhët" (Bruse Bauëer), "Shumë njerëz, në gjithë botën, falë kësaj vepre kanë zbuluar Shqipërinë" (Eric Faye), "Nga Shqipëria e vogël na ka ardhur një shkrimtar i madh" (Guy Le Clec'h), "Shqipëria me Ismail Kadarenë e ka jetën përpara" (Laurence Cosse), "Ai ka shkruar disa nga romanet epike më të bukur të këtij shekulli" (Claude Jennout), "Kadareja pëlqehet më shumë se Gabriel Garsia Markesi (Xhon Abdajk), "Një nga shkrimtarët më të mëdhenj të botës që jeton" (Jean-Christophe Casteli) etj.

Vlerësimet për letërsinë tonë

Po ashtu, sa për ilustrim po e përkujtojmë R. Qosjen se mendime shumë të larta për letërsinë shqiptare kanë dhënë edhe disa, të cilët më herët kanë qenë të njohur me qëndrimet e tyre antishqiptare, por që më në fund e kanë pranuar realitetin e pakontestueshëm. I tillë është shkrimtari maqedonas, Ante Popovski i cili më në fund pat thënë troç: "Tek unë gjithnjë e më tepër forcohet bindja se poezia bashkëkohore shqiptare është njëra nga poezitë më autoktone në qarkun letrar evropian dhe njëra nga poezitë prijëse që krijohet në Ballkan". Kur këto mendime kaq pozitive i shprehin vetë të huajt, atëherë pse të bëhemi ne shqiptarët kaq mohues ndaj vlerave tona? S'do mend, aq më tragjike duket kur këtë e bën një historian i letërsisë, siç është Rexhep Qosja. Por edhe më shumë se tragjike është kur këtë e bën para albanologëve të huaj, të cilët vijnë që të njihen me letërsinë dhe kulturën shqiptare, që dikush t'i udhëzojë e t'i informojë. S'kemi si ta kuptojmë ndryshe këtë veprim të R. Qosjes, përveç si një kryeneçësi destruktive për qëllime personale. Të gjithë ata që e kanë përcjellë krijimtarinë e tij në fushën e letërsisë e dinë mirë se vite me radhë ai fliste shumë fjalë të mëdha për veprën e Ismail Kadaresë, por tani ka ndryshuar krejtësisht dhe harron se çfarë ka thënë. Marrëdhëniet e acaruara me të flasin qartë se ai ka krijuar një armiqësi dhe një xhelozi të sëmurë, madje, me sa duket, edhe të pashërueshme. Pra, mërinë që ka ndaj tij, akademiku Rexhep Qosja përpiqet që ta shprehë edhe para albanologëve të huaj. Por me këto sjellje ai po na del krejtësisht i papërgjegjshëm dhe i pandërgjegjshëm për dëmet që mund të shkaktojë.

gazeta shqiptare

[KILI MERTURI]

Mendoj se është më mirë të thuhet e vërteta "para" dhe "pas" albanologëve ndërkombëtarë dhe vendor e jo vetëm atyre se sa të fshihet ajo.

Kur e fsheh të vërteten , njëkohësish po e dezinformon , në rredh të parë veten e pastaj edhe të tjerët.

Kur nuk e di të vërteten , pra kur mashtrohesh apo mashtron të tjerët , mundësia për të përmirsuar gjendjen është shumë e vogël gati e pamundshme, sepse problemet nuk ekzistojn , sepse i kemi fshehur dhe në sy tëtjerëve nuk ekzstojnë , pranadaj po more iniciativa të ndryshosh dicka bëhemi të dyshimt.

A nuk ësht pra më mirë që të dalim me të vërteten par botës , dhe pastaj të miren masa për të bër dicka.
Albanologët , vendor dhe ndërkombëtar , po e ditën të vërteten , jam i bindur se do të ndihmojn që pozita e letërsis shqipe e jo vetëm letërsia po albanologjia në përgjithësi të përmirësohet .

Nuk po e kuptoi reagimin e z. Ahmet Selmanit , ku në vend se të analizoi dhe të shef se Letëria jonë nuk është në gjendjen më të mirë , për të mos thënë në pozitene artë , por përkundrazi në atë cfarë realisht është , kërkon që të fshehim ket gjendje .

Po , athu albanologët ndërkombëtarë , a janë në rrjedhat e zhvillimit të letërsis shqipe?
Unë mendoj se po.
Nuk besoj se alabnologët ndërkombëtare do të ndiheshin komod po që se Rexhep Qosja do të dilte me fjalë mashtruese para tyre. Ata do të humbnin në rradh të parë respektin për albanologët vendor e edhe të Qosjes.

Kili

SHQIPËRIA ETNIKE ËSHTË GJAKU IM QË NUK FALET!

[Zëu_s]

A jeni duke diskutuar per nje far Rexhep Qosja, qe duke menduar se populli shqiptare eshte nje popull i prapambetur mentalisht, popull budalle si gjaja qe han kashte, pa fara ne krye hiç dhe qe nuk kupton absolutisht asgje, menjehere pas luftes ne zgjedhjet e para kosovare thoshte: "Me votoni mua, se une ju garantoj qe do ta beje Kosoven Zvicer per vetem nje vit". Une jetoj ne zvicer, dhe e di qe Kosoves i duhen se paku 100 vite per tu bere si Zvicra, dhe kete vetem nese zhvillohet ekonomia shum shpejt, ndonje bum ekonomik, se perndryshe nuk mund te behet kurre, nuk ka kurrfar shance hiq, kurse ky far "Akademiku" na garantonte per 1 Vit.

Po ti thoshte keto fjale nje femije kater vjeq, do te duhej t'ia zinim shume per te madhe, dhe do te duhej ta qortonim shum ashper per ate pordhe qe e leshoj nga goja tije.

Rexhep Qosja ka qene edhe per mua njeri i madh, ne nje far kohe kur ndegjoja fjalimet e tij neper TV dhe Radio, deri sa e kam pa nje here Live duke folur, dhe aty e kuptova qe nuk ish aq inteligjent e aq i madh siç mendoja. Aty e kuptova qe fjalimet e tije qe i kisha ndegjuar me heret, kishin qene te pergatitura me muaj, apo ndoshta me vite, sepse ne diskutimet Live ai njeri as dy fjale bashk nuk mundej ti beje. Me vone, pas luftes se Kosovës kur ndegjova nga ai ate marreziren e madhe qe do ta beje Kosoven Zvicer per nje vit, nuk i besoja vesheve te mi qe e tha kete fjali Akademik Rexhep Qosja. Ky ishte kulminacioni. Dhe me vone me ra rasti te lexoj nje artikull per Enver Hoxhen dhe Kongresin e Drejtshkrimit te Gjuhës Shqipe, me 1972 ne Tirane, ku e kuptova me se miri se kush na qenka ky far Akademiku. Qe nga aty une personalisht nuk e dua (se ma ka ofenduar shum keq popullin tim), dhe do ta them gjithmone mendimin tim haptas, do t'ia thoja edhe atije ne fytyre qe ai nuk eshte nje intelektual i madh dhe akademik, por eshte nje idiot i madh me shum lesh ne fytyre qe e quan veten akademik.

Mirpo edhe populli ia dha ate qe e meritonte ne mes te pazarit me tomate krese, ketij far kaleshit, se ta ofendosh tere popullin aq keq nuk te duron askush.

[dijetari]

Regjep qosja,njer qe sheh larg njeri qe e thot te verteten haptas,nuk frigohet prej te vertetes dhe larg prej disa qe e quajn veten akadimik,esht shkrimtar qe shkrimet etij nuk mund ti kuptojn nje pakic njerzish,te tjeret i qmojn veprat e tij plot domethenjes,njeri i penes te kombi shqiptar.

[hasjani 51]

Te gjithe ata qe po i versulen Rexhep Qoses me intriga e akuza pa asnje argument si pro orientalist,antieuropian, etj. ,nuk mund ti shkaktojne asgje me shum se pickimi i mushkojave ne ***** te luanit. Ai eshte besnik i fajes dhe ze i se vertetes. Krijimi i iluzineve se jemi ashtu si deshirojme te jemi e jo ashtu si ne te vertete jemi eshte vetem nje vetemashtrim alla berishian i cili don te na binde se jemi se bashku me Kinen vendi me i zhvilluar ne bote vetemse ne kete nuk po arrijme ta shijojme me bark bosh.
Akademiku i nderuar ,plaku i urte i Vuthajve eshte zeri i se vertetes dhe i arsyes
e kjo e bene ate kala te pa perballushme per keto mushkajat te cilat i ngordhe acari i pare.

[drague]

Qosja eshte pjerdhur nga trute more profesor.

[hasjani 51]

Qosja eshte pjerdhur nga trute more profesor.

Jo ore njeri i mire ai vetem pasqyron realitetin ne veprat dhe shkrimet e tij e kjo shkakton paknaqesi tek disa tek ata te cilet ose nuk duan te perballen me te verteten e realitetin ose kane krijuar per veten dhe familjet e tyre fale privilegjive te pamerituara nje jete ndryshe nga ajo e shumices dermuese te shqiptareve dhe na akuzojne pse nuk jane edhe ata qe memzi mbijetojne njesoj te lumrur.
Hendeku mes realitetit dhe deshirave eshte shum i madh ,duhet te keshe imagjinate te bujshme per vete ta tejkalosh se lere me te bindesh te tjeret me prralla.E kupton pra se faji nuk eshte te QOsja qe na fotografon ashtu si jemi e jo ashtu si deshirojme .

[KILI MERTURI]

Mua po më vjen keq nga niveli i atyre 4 dhe tash i 5-ti , që kan reaguar ndaj shkrimit te Akademikut Qosja ,në atë mënyr cfarë e kanë bërë.

Natyrish , ata e bëjnë këtë duke mos pas argumente , dhe filojnë sulme në personalitetin e akademikut , dhe cfarë thonë: plak. inaqor e ku ta di unë se cfarë.
Kjo vet¨me tregon nivelin e këtyre 5 vetave .
(nuk po përmendi këtu disa forumista që kan përseritur pothuajse të njëjtat gjëra si "mësuesit " e tyre, por këta jan edhe më të pavlerë natyrisht se ata të 5-të)

E kam thënë dhe po e përseris : Qosja është i pregatitur dhe prandaj fiton gjithmpnë, sepse ka edhe të vërteten me vete.
Kili

SHQIPËRIA ETNIKE ËSHTË GJAKU IM QË NUK FALET!

[Agim Doçi]

Ja si mendoj une. Kerkoj ndjese tifozave. Mos harroni qe ky shkrim behet nga buza e plasur. Mua nuk me pelqen sherri Qose - Kadare, apo Qose me te tjeret. Qose asht i Madh. Por ka mbetur VETMITAR. Une i uroj shendet akademikut tone Qose!!!!!!

Ndrroni ilaçet zotri akadem(y)k!...

Në kapërxyell të viteve ’70-të, u dha porosi nga Fronti Demokratik të hiqen antenat!...
Pullazet dhe taracat mbetën vendstrehim vibratorësh që kapnin vetëm stacionin televiziv të Tiranës. Pra me kontinentin asnjë lidhje. Antenat u hoqën, madje nismën e morri një militant dibran që nuk kishte as televizor…Më dukej se quhej Rexhep, madje ishte dhe qose…(!)
Pikërisht izolimi ndaj Europës i interesonte partisë dhe levës së saj Frontit. Realisht atdheu i shqiponjave kishte vetëm dy “ambasadorë” që pa Letër Kredenciale, ishin atashuar hijshëm në continent: Ansambli Shtetëror i Këngeve dhe Valleve Popullore dhe veprat e Kadaresë.
Mos të harrojmë se De Rada, Dara, Chajupi, At Fishta, Dom V. Prendushi, At, Koliqi, Fan Noli, F. Konica, Migjeni, Chri Chri, , e plot e plot të tjerë shkruanin e botonin në Europë, madje disa prej tyre ishin dhe anëtarë të akademive europiane.
Mbaj mend që u përkthyen në frëngjisht edhe F. Arapi, N.Lako, A.Varfi, I.Kadare, D. Agolli, F. Kongoli etj.etj. si krijues me vlera. Sa mirë!
Lexoj me shumë ëndje letërsi, por sinqerisht atë “nivelin europian” si nocion nuk e kuptoj dot.
Thjesht nuk e di a ia kemi mbrrijtë “nivelit” të shkrimtarëve të tjerë të kontinentit, apo europianët dhe shtëpitë botuese të tyre, na përkthejnë e na botojnë, se jemi gjynah!?...
Ngucakeqi, kur luan “kompetentin’ bahet edhe i bezdisshëm edhe sherraxhi. Mbaj mend se “dikur” Kadare dhe Qose për arsye që ata i dinë, nuk kruheshin me njëri tjetrin. Tashti kanë filluar prej kohësh jo vetëm të “kruhen” por edhe të fyhen.
Kadare mbahet si perëndimor, Qosje deklarohet si oriental. Harrojnë që të dy i kanë emrat Ismail dhe Rexhep. Ismaili po të ndrronte emrin nga kuranorë në ungjillorë do të quhej Frrok(!). Ndërsa Rexhepi, mund edhe të quhet Regjepagiq. Përsa i pëket “nivelit europian” pra prej këtu duhet të marrë cak debati midis Frrokut dhe Regjepagiqit. Këta dy gjeni të gjysëmkombeve shqiptare, pandehin se ne intelektualëve mediokër, na bëhet qejfi kur ia nisin debateve shterpë dhe gjithë fodullëk.
Të krahasosh Europën me Shqipërinë, pra Londrën me Librazhdin, është gomarllëk. Ama, letërsia nuk ka të bëjë aspak me autostradat europiane, me nivelin e mirëqenies europiane, me arrogancën europiane apo indiferëncën europiane…
Nuk ma do mëndja që përkthehen dhe botohen krijuesit shqiptarë se janë gjynah. Kur përkthehen shkrimet e disa shkrimtarëve të Afrikës me emra komikë si Urrumbu Surrumbu, apo kur Qosja përmend dhe një farë Selman Ruzhdije që na qenka i nivelit europian, vaj halli…Selmani mohon Allahun, peshtyn mbi kuranin dhe shkruan vargje satanike!?...Qose thote per '97-ten se ishte revolucion demokratik i vonuar! Aferim Qose!.....
Tashti hidhemi pak tek letersia aktuale shqiptare:
Mesaduket vërtetë zotri Regjepagiq nuk paske lexuar letërsi shqiptare këto kohët e fundit …
20 vjeçari i fundit pasuroi bibliotekat dhe libraritë europiane edhe me krijues të tjerë, që besoj se nuk u botuan për “inat” tëndin apo jo Gjepagiq?!...
Mua më tremb pozicioni keqdashës, mohues, xheloz dhe nervoz i yti zotri akadem(yk).
Lexova tek GAZETA SHQIPTARE e datës 3 shtator 2009 një shkrim analizë tuajin dhe më bëri përshtypje që ju nuk heqni dorë nga mania e madhështisë (vetmitare) që ju ka kapluar kohët e fundit. A mos duhet të ndrroni ilaçet z. akadem(y)k!?.
Konkretisht po citoj një paragraf tuajin ku shkruani të zezën mbi të bardhë: që ju paskeni bërë më shumë se patriotët e kafeneve, shkrimtarët e tjerë, se të gjithë të marrë sëbashku, madje edhe se fare e fisi i tyre dhe çuditërisht edhe nga paraardhësit e tyre(!)…
Modesti është kjo mo Z. Qose?!...Po pse i fyen kolegët bre Gjepagiq?!...
Ua kam shkruar dhe ua kam thënë thënë publikisht, ty edhe Kadaresw, që ju tw dy jeni llastuar gjatë, shumë gjatë. Sedra e juaj është e sëmurë, ndaj dhe po e përsëris: duhet të ndrroni ilaçet.
Pathollogjikisht rasti i juaj ngjan me rastin e Shaban Qoses (ndjestë pastë). Besoj se keni dëgjuar për të?...Shabani kur nuk e ngacmonte njeri, ia niste vetë të “kruhej” me hokatarët. Nuk besoj që mbiemri juaj është mallkim. Druaj që edukimi juaj është difektoz. Po merre vesht njëherë e mirë, nuk kemi kohë të merremi me ju zotri akadem(y)k. ne kemi halle të tjera kombëtare. Nëse nuk të rrihet dot pa u kruar, sepse kështu dhe vetëm kështu merr ndonji honorar apo të del emri në gazetë, unë kam një këshillë dashamirëse: kam dëgjuar që dispononi një vilë në Beograd. Vilë e blerë apo e dhuruar nga akademia e atjeshme. Shko më mirë atje tek ajo vila në Beograd dhe shkruaj, shkruaj pafundësisht, shaj pafundësisht dhe madje mund të pështysh pafundësisht mbi vlerat tona shqiptare. Atje po! Atje të ka lezet dhe të ka kuptim kur shan bashkëatdhetarët, kur shan shkrimtarët, kur shan shqiptarët. Duke qenë i pashaportizuar në Beograd, madje dhe gjuha e huaj e vetme që zotëroni është vetëm serbishtia, keni dhe goxha vilë, prandaj shkoni bre Xhepi atje dhe prej andej nisja e pështyj mbi këdo dhe kurdoherë. Atje mandej ka dhe ilaçe të efektshme për të hedhur baltë mbi Europën, mbi shqiptarët, mbi gjithshka që të shqetson. Por sakaq, dua sinqerisht të të them edhe një here: Qetsoju bre Xhepi! Ndrro ilaçet se mandej bahet vonë. Unë ju uroj shërim të shpejtë.

Agim Doçi