Transferet verore për sezonin 2005/06

[inter_forever]

Pas spektaklit qe dha Adriano ne Confederation Cup shifni ca do bej ABRAMOVIC...

Para 2 ditesh ofroi 75 milion euro per Adrianon , por natyrisht Morati refuzoi....

Shifeni kur te shkoje me 100 mil euro ...
Do jete cmimi me i larte i arritur per nje lojtar futbolli...

[viganv]

Rumenige: Na intereson Podolski



Lukas Podolski ka konfirmuar aftësitë e tij gjatë Kupës së Konfederatave dhe tani sulmuesi i Këlnit është vënë në qendër të merkatos në Bundesligë. Mbi të gjithë, si zakonisht, qëndron Bajerni i Mynihut. Në intervistën e mëposhtme, zv.presidenti i këtij klubi, Karl Hainz Rumenige, pranon interesimin e bavarezëve për 20-vjeçarin e Këlnit. Ja cila ka qenë intervista e Rumeniges:
- Rumenige, sa i vërtetë është interesimi i Bajernit për Luks Podolskin?
- Në rast se nuk do të ndiqnim nga afër një sulmues gjerman që luan me kombëtaren në moshën 20-vjeçare dhe shënon rregullisht, nuk do të dinim të bënim punën tonë. Po shqyrtojmë mundësinë ta kalojmë te Bajerni në një të ardhme jo shumë të largët.
- Pas Kupës së Botës 2006?
- Podolski ka një kontratë deri në vitin 2007 me Këlnin, ne do të ndjekim nga afër ecurinë e futbollistit, për të qenë të gatshëm kur të na jepet mundësia për ta sjellë në Mynih.
- Keni biseduar me Podolskin, menaxherin e tij ose Këlnin?
- Deri tani nuk kemi pasur asnjë kontakt. Nuk duam të nxitohemi.
- Sipas shtypit gjerman, Bajerni është gati ta marrë Podolskin për të zëvendësuar Santa Kruzin, që do t'i japë lamtumirën Mynihut. Herta e Berlinit duket se do të jetë skuadra e re e paraguajanit. Sa të vërteta janë këto lajme?
- Aspak. Kruzi ka një kontratë deri në vitin 2006 dhe dëshira e të dyja palëve është ta respektojmë atë. Mendoj se ai ka ende për të dhënë te Bajerni.
- Ndërkohë, ju duhet të mbani Balakun në Mynih...
- Do t'i fillojmë bisedimet shtruar dhe me qetësi. Kemi kohë dhe besim se do të arrijmë një marrëveshje të re me Mikaelin. Përpara botërorit, gjithçka do të jetë e përcaktuar dhe duke parë dëshirën e futbollistit, mendoj se Balaku do të qëndrojë edhe për disa vjet me Bajernin.
- Si përfundim, diçka për Kupën e Konfederatave. Si do ta vlerësonit këtë turne dhe ecurinë e Gjermanisë në të?
- Kupa e Konfederatave pati jehonë në të gjithë Gjermaninë dhe ishte një eksperiencë e mirë për një vend që pas një viti do të presë finalet e Kupës së Botës. Vazhdoj të jem i mendimin se nuk është një turne shumë i rëndësishëm, por e pranoj se skuadrat pjesëmarrëse bënë disa teste të rëndësishme, një vit larg botërorit. Përsa i përket skuadrës gjermane, mendoj se e bëri mirë detyrën e saj dhe me pak fat më shumë mund të kalonte në finale ndaj Argjentinës.

[viganv]

Liverpuli, më pranë Zendenit



Kampioni i Europës, Liverpuli, është pranë nënshkrimit të mesfushorit Bodevin Zenden, pas deklaratave të vetë lojtarit, i cili u shpreh se do të dëshironte të luante në "Amfield Road". Holandezi 28-vjeçar pëlqehet shumë nga trajneri Rafael Benitez dhe pas përfundimit të kontratës me ekipin e Midëllsbrout, Zenden është i lirë të kalojë tek ekipi i Liverpulit. Trajneri i "redsave" kërkon të marrë në ekip sa më shumë lojtarë me eksperiencë dhe Zenden, i cili kërkohet edhe nga disa klube europiane, ndodhet në listën e tij. Agjenti i Zendenit deklaroi: "Paratë nuk janë të rëndësishme për Zendenin. Ai ka dëshirë të luajë në Europë dhe Liverpuli është ekipi i duhur për ta bërë këtë. Për momentin nuk është i lidhur me asnjë klub, por gjatë javës së ardhshme do të konsiderojmë të gjitha ofertat, brenda dhe jashtë Anglisë". Klubi anglez i Liverpulit i ka afruar një pagë prej 2.4 milionë eurosh në vit mesfushorit holandez.

[niku-nyc]

Kaladze shtyn kontrakten e tij me Milanin deri ne 2010.

[viganv]

Sulmuesi i deritashem i Southampton 31-vjeqari Kevin Phillips karrieren do ta vazhdoj ne Aston Villa. Transferi i tij ka vleren prej 1.82 milion dollare.


Pas Finlandezit Mika Vayrynen dhe Argjentinasit Osmar Ferreira, skuadra Holandeze PSV, ka angazhuar edhe Belgun Timmy Simmons. Mbrojtesi i kombetares Belge, i cili deri tash ishte anetar i Brugge, ka nenshkruar kontrate trevjeqare, ndersa vlera e transferit eshte 5 milion euro.

[zeus]

---------------------------------------------------------

Vieri iku nga Interi!

---------------------------------------------------------

[viganv]

Juventus: Ikën Trezege, vjen Vieri?



Juventusi dhe Kristian Vieri më në fund sërish bashkë. Në fakt, pas përpjekjeve të kota të sezoneve të fundit, duket se kësaj here golashënuesi dhe bardhezinjtë ndodhen një hap larg ribashkimit. Bobo ka arritur një marrëveshje me Moratin për prishjen e kontratës, Moxhi mund t'i garantojë një pagë të nivelit të lartë, duke shfrytëzuar të ardhurat që mund të burojnë nga shitja e Trezegesë. Francezi ndodhet gjithnjë e më pranë Çelsit. Pas historisë së dashurisë pesëvjeçare, marrëdhënia mes Kristian Vierit dhe Interit ka mbërritur në stacionin e fundit. Konfirmimi, pavarësisht nga përgënjeshtrimet rituale, ka mbërritur nga vetë Morati, i cili, edhe pse i ka mohuar mosmarrëveshjet mes golashënuesit dhe Roberto Mançinit, ka lënë të nënkuptohet se vendimi përfundimtar për Bobon varet pikërisht nga ajo që do të thotë trajneri nga Jesi. Që Vieri nuk hyn më në projektet e tij, tanimë ky duket se është një fakt. Prishja konsensuale e kontratës, mes të tjerash, do t'i lehtësojë arkat e klubit zikaltër nga një shpenzim prej 24 milionë eurosh (mes pagës dhe taksave, kaq do t'i kushtonte lojtari Interit që sot e deri më 2006-n).
Një situatë nga e cila Juventusi është i gatshëm të përfitojë. Nuk është një sekret për askënd, se edhe në sezonet e kaluara klubi bardhezi ka dashur ta risjellë Bobon në Torino. Tani që sulmuesi do të lihet i lirë me çmimin zero, Moxhi me siguri nuk ka ndër mend të qëndrojë duarkryq, aq më tepër që Vieri ka qenë gjithnjë një lojtar të cilin e ka çmuar gjithnjë. Trajneri bardhezi, që në kohët e aventurës së tij në Romë u përpoq ta siguronte dhe tani do të ishte i kënaqur sikur t'i vihej në dispozicion një lojtar kaq ekspert për repartin e tij sulmues. Në formacionin bardhezi, Vieri do të shkonte të zinte vendin e David Trezegesë, i cili gjendet gjithnjë e më pranë shitjes. Oferta e Çelsit (35 milionë euro) është e parefuzueshme në ditët që jetojmë dhe në kampin bardhezi e dinë shumë mirë këtë. Me të ardhurat që mund të burojnë nga shitja e lojtarit, Moxhi njëherazi mund të mbulojë pagën e Vierit, të blejë Kasanon nga Roma dhe të realizojë një përfitim të shkëlqyer. Te Juvja, Bobo mund të ketë rolin e zëvendësit të Ibrahimoviçit ose, si alternativë, mund t'i qëndrojë përkrah suedezit në sulm. Por për sulmuesin zikaltër qëndron në pritje edhe Milani. Nëse Krespo do të kthehej te Çelsi dhe çështja Xhilardino do të dështonte, Vieri do të ishte një zgjidhje alternative që në rrugën Turati mbahet në konsideratë. Aq më tepër që lojtarët që kanë mbërritur nga Interi te kuqezinjtë (sidomos Pirlo dhe Sedorf), kanë rezultuar me të vërtetë si baste të stërfituara. Vieri mund të ishte edhe më tepër se kaq.

[viganv]

Pier Uome, blerja e parë e Interit



Interi ka zyrtarizuar dje në mënyrë të papritur blerjen e kamerunasit Pier Nlend Uome. Futbollisti afrikan ka nënshkruar me klubin zikaltër një kontratë 1-vjeçare që i skadon më 30 qershor të 2006-ës, e cila është depozituar menjëherë në zyrat e federimit të Ligës së futbollit: "Uome ishte një nga objektivat tona prej muajsh, - komentoi Branka dhe Oriali, drejtuesit e merkatës interiste. - Është një lojtar ende i ri, por me përvojën e duhur di të mbulojë shumë role me vazhdimësi. E kemi marrë me çmimin zero, aq të çmuar në këtë merkato".
"Interi është një klub i madh, të cilit nuk i mungon asgjë për të fituar shumë dhe, që këtë vit e arriti një objektiv, Kupën e Italisë. Natyrisht jam shumë krenar në këto momente, por edhe i lumtur që do të mund të ndihmoj për të arritur vërtet suksese të mëdha". Janë këto fjalët e para të Pier Uomes, blerja e re dhe e parë e Interit në këtë merkato të nxehtë futbolli. "Ky, - vazhdon anësori i majtë që në sezonin e shkuar luajti me Breshian, - është vërtet kampionati më i bukur dhe më i vështirë në Botë. Në këto momente pushimi, nuk mendon gjë tjetër veç se të kthehesh të luash. Pastaj për mua, kjo është një shtëpi e dytë. Kam përjetuar shumë vite në Itali dhe në këtë vend ndihem jashtëzakonisht mirë".
Futbolli italian dhe përvoja e përshkruar në Serinë A, ia kanë lehtësuar gjërat kamerunasit edhe në rrugën drejt kombëtares së tij: "Me U-21-in kam fituar dy kupa të Afrikës, - tregon lojtari 26-vjeçar, - dy të tjera i kam fituar me kombëtaren e të mëdhenjve dhe gjithsej janë katër. Në vitin 2000, në Sidnei të Australisë,
kemi fituar kundër Spanjës medaljen e artë në Olimpiadë dhe unë isha lojtari që godita 11-metërshin e fundit, atë më vendimtarin".
Uome, është edhe lojtari i parë kamerunas në historinë e klubit zikaltër: "Jo, nuk e dija, - përfundon ai. - Kjo më bën edhe më të lumtur dhe krenar. Do ta shikoni, do të kem shumë motive për t'ju nderuar". Uome që erdhi në janarin e shkuar te Breshia, luajti 16 ndeshje me "dallëndyshkat", duke shënuar 3 gola. Në Itali në të shkuarën, ai ka luajtur edhe me Viçencën, Lukezen, Romën dhe Bolonjën. Ka debutuar i ri në Serinë A, më 16 mars të 1997 me fanellën e Viçencës në Kaljari.

[viganv]

Fiorentina, vëmendja tani tek Iakuinta


Pasi humbi Mikolin, Kielinin dhe Mareskën, në kampin e Fiorentinës po mendohet për kundërsulmin në merkato. Objektivi më i arritshëm duket Iakuinta, që nga momenti që kërkesa e Palermos për Tonin është gjykuar si tepër e lartë. Si alternativë mund të mbërrijë Bernardo Korradi, i cili i ka prishur marrëdhëniet me Valencian. Midëllsbrou i ka paraqitur një ofertë Juventusit për Apiah, por largimi i tij është "frenuar" nga Luçiano Moxhi. Përveç personazheve të njohur që ndezin fantazinë dhe dëshirat e tifozëve, nga Xhilardino te Kasano, nga Samueli te Ronaldinjo, janë të shumta çështjet e merkatos që mund të dhurojnë surpriza. Fiorentina, që është në kërkim të një sulmuesi, pasi humbi Mikolin me zarfe, synon me këmbëngulje Luka Tonin, i cili duket se është i gatshëm të largohet nga Palermo. Por sulmuesi kushton shumë dhe, për rrjedhojë, vjollcët mund të vendosin ta përqendrojnë vëmendjen te Vinçenco Iakuinta i Udinezes. Dela Vale duket i gatshëm të parashtrojë një ofertë prej 16 milionë eurosh për një dyshe: sulmuesin dhe Pinzin. Një front i nxehtë edhe te Roma: Mikoli është emri më i lakuar i orëve të fundit. Ai do të mbërrinte në kryeqytet si pjesë këmbimi në kuadër të çështjes "Kasano". Dhe te verdhekuqtë mund të kalojnë edhe binjakët Filipini, duke pasur parasysh marrëdhëniet e tendosura midis Lacios dhe Palermos. Antonio dhe Emanuele, për shkak të pagës tepër të lartë, janë ridërguar në Siçili nga bardhekaltrit, por me Del Nerin zor se do të gjenin vend. Klubi i Zamparinit ka propozuar kalimin hua te Roma dhe me një reduktim të ndjeshëm të pagës së tyre. Udinezja vijon bisedimet me Peruxhian për Obodon dhe me Juventusin për Tudorin. Te bardhezinjtë mund të mbërrijë edhe braziliani Felipe, ndërsa Interi thuajse e ka siguruar kartonin e Uomesë, i cili është lënë i lirë nga Breshia; për të është gati një kontratë trivjeçare.

[viganv]

Zamparini: Karaçiolo-Toni, e ardhmja jonë






Pronari i Palermos, Mauricio Zamparini, përmes mikrofonëve të agjencisë radiofonike Grt, i ka bërë një ultimatum Lotitos për binjakët Filipini dhe ka dhënë sqarime për çështjen "Toni". Në plan të parë ka qenë një kalim i mundshëm i Filipinëve te Roma: "Ka edhe tri skuadra të tjera të interesuara të Serisë A, por nuk ka asnjë prishje përfundimtare me Lacion. Nëse Lotito nuk nxitohet të na ofrojë shumën e duhur dhe vazhdon të luajë me uljet e çmimeve, duke përdorur pretekstin e pagave të larta të Filipinëve, ka mundësi që marrëveshja të prishet." Ndërkohë, për Karaçiolon është thuajse arritur gjithçka: "Besoj se do të zyrtarizohet nesër (sot) në mëngjes. Por në përgjithësi jemi marrë vesh për gjithçka." Kapitulli Toni: "Është me pushime sikurse edhe unë. Problemi nuk ka të bëjë me pagën e tij, por me përzgjatjen e kontratës edhe dy vite të tjera dhe me këtë temë do të përballemi kur të grumbullohemi në Austri. Ne synojmë ta mbajmë në gjirin tonë, sepse mendojmë se me Tonin dhe Karaçiolon mund të formojmë një nga dyshet sulmuese më të mira të kampionatit."

Preciozi: S'kam blerë kurrë asnjë ndeshje
Enriko Preciozi ka rrëfyer pafajësinë e tij në një intervistë për të përditshmen sportive italiane "La Gazzetta dello Sport". "Nuk kam blerë kurrë asnjë ndeshje, aq më tepër që vetëm një i marrë mund të mendonte të blinte një ndeshje, rezultati i së cilës nuk kishte asnjë rrugë tjetër përveç se fitores së Xhenoas. Unë jam i vendosur për të dalë i pastër nga kjo çështje dhe askush nuk mund t'ia heqë Serinë A Xhenoas, sepse ka arsye dhe unë kam besim te drejtësia sportive dhe tek organet hetuese."