Transferet verore për sezonin 2005/06

[Davius]

Mourinjo: Drogba nuk do të largohet

Hoze Mourinjo ka këmbëngulur në faktin, që sezonin e ardhshëm do të ketë sërish në radhët e Çelsit sulmuesin Didië Drogba. Trajneri pohoi se nuk ishte në kërkim të një sulmuesi tjetër, duke përgënjeshtrurar zërat për një interesim të londinezëve për sulmues të tillë si Adriano, Xhilardino apo Eto. Për Drogbanë, i blerë 24 milionë euro nga Marseja verën e kaluar, sezoni i parë në Premier Ligë nuk ishte në lartësinë e duhur, pavarësisht se Çelsi u shpall kampion. Ditë më parë u përfol për një largim të sulmuesit nga Bregu i Fildishtë drejt Lionit, në këmbim të Esienit, por Mourinjo e mendon ndryshe. Portugezi është i bindur se sezonin e ardhshëm, Drogba do të jetë edhe më i vlefshëm për Çelsin.

"I kam dëgjuar të gjitha ato që janë thënë për sezonin e Didiësë, por jam i bindur se sezonin e ardhshëm do të jetë edhe më efektiv. Ai ka besimin tim të plotë dhe mendoj se është një nga sulmuesit më të mirë në botë. Kam filluar të planifikoj mënyrën si të mbroj titullin kampion vitin e ardhshëm dhe në këto plane bën pjesë edhe Drogba." Përgjigjja e Drogbasë nuk ka munguar. Sulmuesi u përgjigjet kështu elozheve të trajnerit portugez: "Kam pasur gjithmonë mbështetjen e Mourinjos dhe me një trajner të tillë nuk të shkon ndër mend të largohesh nga skuadra. I jam borxhli Hozesë për atë që ka bërë për mua dhe do të përpiqem t'ia shpërblej, duke shënuar sa më shumë të jetë e mundur, sezonin e ardhshëm."

[Davius]

Shtohen llafet per kalimin e Gilas ne Milan me nje shume jo aq te madhe sa flitet ne fillim, ndersa interesi nen hije i Realit, Juves dhe Chelskyt vazhdon por si duket italiani do te zgjedh ekpin nenkapion italian per skuader te radhes, transferi pritet te realizohet mbrenda ketyre diteve.

[Davius]

Di Mikele: Te Roma, edhe në këmbë
David Di Mikele ka shumë dëshirë të kalojë te Roma. Sulmuesi i Udinezes ka zgurdulluar sytë sapo ka dëgjuar të përmendet emri i tij pranë ekipit kryeqytetas: "E them shumë sinqerisht se do të shkoja edhe në këmbë. Do të hiqja dorë edhe nga Championsi për ngjyrat verdhekuqe. Një tifo si ajo romane, mundësia për të luajtur me kampionë si Toti dhe Montela, janë gjëra të cilat s'mund të refuzohen."

Bardhekaltrit arrijnë marrëveshjen për Pandevin
Klaudio Lotito ka nisur të marrë lojtarë ose, më saktë, t'i përtërijë plotësisht. Në fakt, presidenti i Lacios ka arritur një marrëveshje me Interin për Goran Pandevin, duke e zgjatur bashkëpunimin me sulmuesin maqedonas deri më 2006-n. Brenda kësaj jave pritet firma zyrtare. Klubi kryeqytetas e ka të gatshme tanimë kontratën e re: një marrëveshje pesëvjeçare me 250 mijë euro në sezon.

Lacios i ofrohen Rikelme e Legrotalje
Janë të shumta bisedimet që ka ndërmarrë deri tani ekipi i Lacios në frontin e merkatos. Në mënyrë të papritur, disa të dërguar amerikano-jugorë u kanë propozuar bardhekaltërve blerjen e Rikelmes nga Barcelona. Vetëm se pengesë duket se është bërë shifra tepër e lartë që ka kërkuar lojtari. Sot lacialët do të takohen me Juventusin, që duket se është i interesuar për Sezarin. Në këmbim të tij mund të jepet Legrotalje, plus Blazin ose Tudorin.

[Davius]

Park, te Mançesteri për 7.3 milionë euro

Mesfushori korean, Ji Sung Park, do të luajë me Mançesterin në sezonin e ardhshëm, pasi klubi anglez do të paguajë 7.3 milionë euro te PSV Eindhoveni. Lajmin e ka bërë të ditur menaxheri i mesfushorit, Kim Jung, i cili tha: "Ishim gati të rinovonim edhe për dy vjet me PSV-në, por drejtuesit holandezë nuk i plotësuan kërkesat tona. Më pas erdhi oferta e Mançesterit, një skuadër që është e vështirë të refuzohet. Parku do të luajë vitin e ardhshëm në "Old Traford" dhe përpara fundit të kësaj jave, të dyja skuadrat do ta zyrtarizojnë këtë transferim."

[niku-nyc]

Fiorentina ka mar me borxh Sebastian Frey nga Parma per 1 vit per shkembim me Lupatellin. Veren tjeter Fiorentina do vendosi ne qoftese do ta mbaj Frey me kontrakte ose ta kthej prap tek Parma.

[inter_forever]

SUPER OFERTA E REAL MADRID PER LAMPARD !

30 mil euro + Owen dhe Solari per te marre LAMPARD...Lojtarit iu ofrua nje kontrate nga 5.6 deri 6.4 mil euro ne vit...

Chelsi refuzon ... e konsideron mesfushorin me te forte ne bote ...
Edhe Abramovic nuk ben blerje te kota...E ka blere LAMPARD per 16 mil euro nga West Ham...

[Davius]

Inter, frenim për Solari-Samuel

Frenim në frontin Solari?Samuel për Interin. Nuk është arritur përfundimi me sukses i shumëpritur i çështjes së dyfishtë me Real Madridin, dhe bisedimet me të dërguarit e klubit "merenges", që janë kthyer në Spanjë për fundjavë, pritet të rinisin vetëm nesër. Për këtë arsye klubi i rrugës "Durini" nuk i lë pas dore hipotezat e tjera në merkato: Çivun për mbrojtjen dhe Sezarin për mesfushën. Nëse për Veronin është arritur gjithçka, tifozët zikaltër duhet të presin ende edhe disa ditë për ta parë Santiago Solarin dhe Valter Samuelin të veshin fanelën e Interit. Në fakt, prej disa ditësh ndërmjetësit e çështjes Ernesto Bronxeti dhe Pepino Tirri po përpiqen t'i limojnë detajet e dy çështjeve, së bashku me drejtuesit zikaltër, por s'është arritur në ansjë përfundim.

Marrëveshja është ende larg arritjes, arsye për të cilën Bronxeti u kthye në Madrid, për të takuar drejtuesit "merenges" dhe për të bërë me ta një përmbledhje të situatës. Në këtë pikë gjithçka është shtyrë për në një datë të papërcaktuar, ndoshta në ditën e nesërme; kështu që hëpërhë ka rënë disi optimizmi i ditëve të kaluara për realizimin e kësaj çështje të dyfishtë. Ama Interi nuk do që të mbetet duarbosh, në rast se bisedimet do të dështojnë, dhe kështu që i mban "të nxehta" alternativat Kristian Çivu dhe Sezar. Mbrojtësi rumun do të shkonte me kënaqësi tek Interi, edhe pse do të donte të qëndronte në Romë edhe sezonin e ardhshëm. Kurse braziliani është një "kanakar" i vjetër i Mançinit, i cili është ndjekur vazhdimisht nga Interi.

[Davius]

Atletiko merr Kezhmanin, synon Valeronin

Atletiko e Madridit dhe Çelsi kanë gjetur gjuhën e përbashkët dhe javën e ardhshme do të bëhet zyrtare kalimi i Matia Kezhmanit në Primera Divizion. Nuk janë bërë ende të ditur termat financiarë të kësaj marrëveshjeje, ndërkohë që skuadra e trajnerit Karlos Bianki ka piketuar objektivin e radhës në merkato. Atletiko e Madridit është gati të fillojë bisedimet me Deportivon, për të marrë mesfushorin Huan Karlos Valeron.

[viganv]

Toldo: E ardhmja ime ende në dyshim



"Toldo dhe e ardhmja e tij?" - është pyetja që i ka rënë në vesh për muaj e muaj me radhë, në këtë vit të çuditshëm për të (dhe i çuditshëm jo sepse më në fund ka fituar diçka me Interin). Vetëm se tani diçka ka ndryshuar. Më parë, Françesko Toldo përgjigjur duke ngritur supet, ndërsa tani ia kris një të qeshure të madhe me batutat që bën: "Unë do të Toldoj, ti do të Toldosh, ai do të Toldojë..." E të mendosh që pak muaj më parë dukej se e ardhmja e tij do të shkruhej larg Interit. Dhe kjo s'e bënte aspak për të qeshur. Përkundrazi...
? Por ja që kështu është dhe është për t'u habitur, apo jo Toldo?
- Vetëm në futboll që s'mund të habitesh me asgjë, aq më pak unë, që i kam parë të gjitha ngjyrat. Me falni, por për çfarë të habitem?
? Për faktin se Toldo do të jetë sërish portieri i Interit...
- Duke filluar nga ajo fazë kthese e tetorit të vjetshëm, unë kështu e quaj, mendoj se e përfitova dhe e meritova rikonfirmimin, edhe pse më duket e çuditshme të flas për rikonfirmim, duke qenë se kam edhe një tjetër vit kontratë. Kur dikush ka një rendiment të lartë, është e drejtë që t'i bëhen edhe nderimet përkatëse. Megjithatë të ardhmen time e shoh ende në dyshim.
? Kështu që ka qenë një kampionat i mirë?
- Sigurisht që po. Kisha katër vjet që prisja të fitoja dhe ia dola mbanë. Ku janë tani ata që më quanin të vjetër?
? E kishim fjalën për rendimentin individual: ju mendoni se keni luajtur një kampionat të mirë?
- Ndoshta, në mënyrë absolute. Në nivel personal, sezoni im më i suksesshëm tek Interi ka qenë sezoni i parë. Por sivjet besoj se e tregova sërish që jam një portier që e meriton Interin dhe kjo s'është pak.
? A ka pasur ndonjë çast, qoftë edhe një i vetëm, në të cilin ju ka ndodhur t'i thoni vetes: historia ime me Interin ka mbaruar, sezonin e ardhshëm do të iki.
- S'e kam menduar kurrë këtë. Në momentin kur edhe mund ta kisha menduar, ajo që bëra, ishte se shtrëngova dhëmbët dhe u përpoqa ta kapërceja problemin.
? Pa ua vënë veshin fare zërave të merkatos?
- Ato më tepër më kanë stimuluar sesa më kanë krijuar vështirësi.
? Por, a ka ndonjë gjë që ju vuri vërtet në vështirësi?
- Shikoni, unë e kuptova se të pretendosh që të përkëdhelesh gjithnjë, është e gabuar. Në një skuadër mbërrin gjithnjë momenti kur dikush kritikohet dhe kësaj here e kisha unë radhën.
- Duke qenë se kontrata juaj përfundon pas një viti, në këtë pikë a nuk keni menduar që të paktën ta zgjasni?
- Për këtë gjë duhet të flasë klubi. Unë nuk di asgjë, nuk kam dëgjuar asgjë, duhet të mendoj vetëm të paraqitem sa më mirë edhe në sezonin e ardhshëm. Në këtë moshë është e kotë ta planifikosh të ardhmen. Ose, më saktë, nuk është edhe aq thelbësore".

[viganv]

Venger kërkon Robinjon dhe Helbin



Trajneri i Arsenalit, Arsen Venger, ka deklaruar se i nevojiten dy futbollistë të nivelit të lartë, për të rikthyer Arsenalin në nivelet e një sezoni më parë. "Topçinjtë" e mbyllën sezonin e kaluar me 12 pikë më pak se Çelsi dhe u eliminuan në çerekfinalen e Ligës së Kampioneve nga Bajerni i Mynihut. Arsenali u "ngushëllua" me fitimin e Kupës së Anglisë, pas finales së fituar me penallti ndaj Mançesterit, në Kardif. Vengeri synon të ndërtojë një skuadër pretendente për vitin e ardhshëm dhe pasi ndaloi largimin e Henrisë, kërkon dy "yje" të tjerë në "Hajburi". Francezi tha: "Kemi filluar të punojmë për skuadrën e sezonit të ardhshëm. Jemi të bindur se do të rikthehemi pretendentë në të gjitha veprimtaritë, por më parë na duhen edhe disa përforcime. Dua dy "yje" dhe drejtuesit po punojnë për të kënaqur kërkesat e mia." Sipas shtypit britanik, yjet e kërkuar nga Vengeri janë Robinjo dhe Helbi. Për të parin, "topçinjtë" duhet të mposhtin konkurrencën e Realit, por duket se kundrejt 20 milionë eurove mund të marrin shërbimet e talentit 20-vjeçar. Ndërkohë, 12 milionë euro është shifra që i ofrohet Shtutgartit për biellorusin Helb. Ka të gjitha gjasat që marrëveshja ndërmjet dy klubeve të arrihet javën e ardhshme. Gjithashtu, Vengeri i ka mohuar largimet e Henrisë, Piresit dhe Vieirasë: "Kam lexuar se Barcelona është e interesuar për Henrinë, megjithëse ky i fundit mund të largohet, por ju siguroj se Tierri do të qëndrojë me ne. Po ashtu si Robert Pires dhe Patrik Viera. Janë boshti i skuadrës dhe nuk kemi ndër mend t'i lejojmë largimet e tyre. Për më shumë që kam biseduar personalisht me të tre futbollistët dhe më kanë konfirmuar se nuk kanë ndër mend të ikin nga Londra."