Dinamo "E Madhe"

[Ka Vetem DINAMO]

Per fitore drejt Shkodres.
Ajo me barazmin, na mbajne ne loje per titullin.
Ne te kundert, mbetet te mjaftohemi me kupen kete vit....

[Ka Vetem DINAMO]

DINAMO ULTRAS FOREVER!

[hoshteva]

te lumte dinamo te lumte plaku na nderove ne shkoder me shume presim nga ju te dilni KAMPIONE

[GeNi_25]

1 - 0 rezultat i ngushte, por qe te jep 3 pike ne xhep ama.

Nendetesja blu me nje silur te goditur ne min 88 ka rrezuar kryqezorin Shkodran, Vllaznia ne pjesen lindore te liqenit te Shkodres.

Sipas njoftimeve qe vijne nga deshmitaret e ngjarjes midis te mbytureve mendohet se eshte dhe traineri dhe kuislinget gjyqtaret te cilet akorduan ne menyre te anshme nje penallti dhe 7 min shtese.

Forca Dinamo

[Qerim]

Urime Dinamos ! Gezohem edhe une per kete fitore te Dinamos.Kampionati ne kete menyre ashpersohet dhe zbukurohet me shume.

Vetem se kam nje verejtje per fitoret e Dinamos. Ne pergjithsi karakterizohen nga nje loje mbrojtje dhe ne pritje te kundershtarit.Fakti se u fitua me nje penallti flet vete.Keshtu Dinamo arrin te na perfaqsoje jashte, dhe na turperon ,sepse ky stil loje pa harxhuar shume energji, me shume psikologjik sesa fizik, nuk ka sukses ne Evrope.

[oliinter]

urime per fitoren e dinomos dhe vjen ne nje moment kur vllaznia nuk po ndalej me. i duhej dinamos kjo fitore per tu afruar ne luften per titull qe edhe per kete vit mund te qendroj tek dinamo.


forca DINAMO

[Ka Vetem DINAMO]

Nje fitore e madhe, prej klasi kampionesh...
Dinamo, ka nje fanelle te rende e me plot personalitet, nuk duhej ta mosperfillnin shkodranet, sepse sic e pane, e pesuan.
Me blerjet e Janarit, nendetesja do vazhdoje lundrimin e saj per te dale triumfatore ne siperfaqe, me kupat e te 2 trofeve, ne fund te sezonit...
Sa per shqetesimin e "Qerim", per paraqitjen europiane, verejtjet qendrojne, por nga gabimet eshte e pamundur mos mesosh dhe Dinamo, me stafin qe ka, perberjen e lojtareve dhe me perforcimet qe do beje ne vazhdimesi, do e nderoje veten dhe futbollin shqiptar ne kupat europiane, pasi ambicja e pashpallur, por reale e dinamoviteve, eshte vetem nje: Pjesemarrja ne grupet e Champions Leagues...
Te shpresojme te gjithe, qe do behet realitet sa me shpejt...

[goldian]

urime fitorja
po per grupet ka ende kohe se jemi 5 pike para
gjithsesi kjo humbje ma shume na ndihmon se na demton
urime dhe nje here

[Ka Vetem DINAMO]

urime fitorja
po per grupet ka ende kohe se jemi 5 pike para
gjithsesi kjo humbje ma shume na ndihmon se na demton
urime dhe nje here

Flm per urimin.
Sa per grupet, ndaj thashe te ndodhe sa me shpejt, se nuk ka garanci kete vit. Por gjithsesi, Dinamo dhe gjithe ekipet shqiptare duhet te permiresojne urgjentisht paraqitjet europiane, ne cdo kompeticion qe luajne.

[Ka Vetem DINAMO]

“Përveç Elis Bakajt, dua edhe dy shqiptarë të tjerë”

Zllatko Daliç, kroati i pankinës dinamovite, pas fitores së rëndësishme me Vllazninë në “Loro Boriçi”, e cila ka hapur kampionatin, gjen kohën për të bërë analiza. Kroati pranon që kjo skuadër ka qenë shumë e vështirë për t’u mundur, kur ka vetëm dy humbje në këto shtatëmbëdhjetë javë. Krenohet me faktin që askush nuk e ka mundur më shumë se me një gol diferencë, por ndjen keqardhje për disa pikë të humbura. Është i bindur se me Bakajn, Dinamo do të jetë më mirë dhe premtimi i tij për tifozët është: Kjo Dinamo do të jetë kampione.

Sa e rëndësishme ishte për Dinamon kjo fitore në Shkodër?
Unë ua kisha thënë dhe lojtarëve që përpara ndeshjes, se ky takim përmbledh të gjithë sezonin tonë. Që do të thotë se një fitore na i hapte dyert e titullit, kurse një humbje na largonte nga rruga e trofeut. Bëmë gjithçka mirë dhe kemi fituar me meritë në Shkodër. Kjo ishte mbyllja më e mirë për këtë fundvit, të paktën
për skuadrën tonë.
Vlerësimi juaj për paraqitjen e skuadrës në këto gjashtë muaj...
Duhet theksuar se kemi vuajtur, kurse në ndeshjet e fundit na u kthye edhe fati. Ne kemi fituar shtatë ndeshje, kemi barazuar tetë dhe kemi humbur dy. Kemi shënuar 20 gola dhe kemi pësuar 11. Të dyja takimet i kemi humbur me një gol diferencë. Duke iu referuar statistikave, nga 20 gola që kemi shënuar në kampionat, 11 i kemi realizuar në minutat e fundit të ndeshjes. Nga ana fizike kemi qenë mirë si skuadër. Kemi pasur vetëm një dëmtim si ai i Nikoliçit, kurse Graniç, që u dëmtua në Fier, ishte gjithçka mekanike. Për ne, Graniç ka qenë një humbje e madhe, përderisa ka luajtur në formacion në gjysmën e kësaj faze. Na mungojnë disa pikë, kur mund të ishim më lart se vendi i tretë në klasifikim.
Duke qenë vetëm pesë pikë larg Vllaznisë, si mund ta administroni situatën në
kampionat për të qenë më pas në vendin e parë?
Dinamo duhet të forcohet gjatë merkatos së dimrit, sidomos në sulm, kur na duhet një futbollist, i cili të luftojë mirë për topin e parë në zonën kundërshtare e më pas ta shpërndajë atë te futbollistët e tjerë. Na mungon edhe një mesfushor i majtë, sepse në 5-6 ndeshjet e fundit nuk kemi pasur një mëngjërash të saktë në formacion, me përjashtim të Ferrajt. Një lojtar tjetër na duhet edhe në mesfushë, që të zëvendësojë Çapjen dhe të alternohet më pas me Allmuçën e Poçin.
Goditja e parë në merkaton e dimrit është Elis Bakaj...
Mendoj se Bakaj është një lojtar cilësor, i cili do të na ndihmojë në vazhdimësinë e këtij kampionati. E rëndësishme është që Bakaj ka një vazhdimësi, sepse ka dalë nga ky kampionat dhe do të vazhdojë të luajë po në të njëjtin kampionat. Kjo është shumë e rëndësishme, por na duhen 2-3 lojtarë si Bakaj.
Sa ju ka ndihmuar në punën tuaj përvoja e Kotorrit, Pishës, Allmuçës e Poçit?
Duhet të dini që Kotorri, Pisha, Poçi, Allmuça e Graniç janë “shtyllat” e formacionit tonë. Ata kanë qenë më të fortët e skuadrës sonë dhe më kanë ndihmuar në punën time. I falënderoj që kanë qenë përkrah meje në ecurinë e skuadrës.
Pjesa tjetër e ekipit, sa është përshtatur me lojtarët e përvojës?
Dihet që është shumë e rëndësishme të luash me lojtarë të përvojës. Veçse futbollistë si Ferraj, Plaku, Sefa, apo ndonjë tjetër, duke luajtur përkrah këtyre lojtarëve me përvojë, kanë pasur më shumë hapësira në skuadër.
Jo pak është përfolur që Petriçeviç e Haliloviç nuk kanë dhënë maksimumin e pritshëm...
Është normale që lojtarët e huaj, teksa vijnë në një kampionat si ky i Shqipërisë, të bëjnë diferencën në lojë, por atyre u duhet shumë kohë për t’u përshtatur, ndonëse të gjithë kanë pritur që këtë përshtatje ta kenë më të shpejtë. Dinamo ka pasur edhe lojtarë të tjerë të huaj, kur Bodrusiçit e Pejiçit i është dashur një farë kohe për t’u përshtatur. Unë e di që Petriçeviç e Haliloviç janë lojtarë të mirë e, në këtë moment, s’mund të pohoj të kundërtën. E vërteta është se s’kanë dhënë atë që pritej.
Kë mund të cilësonit ndeshjen më të mirë të skuadrës?
Si ndeshja më e mirë mund të cilësoja atë në Superkupë me Vllazninë. Kemi luajtur shumë mirë me Tiranën, pavarësisht se kemi humbur ngushtësisht 1-2. Nuk kemi arritur të zgjidhim 2-3 takime. Edhe pse luajtëm mirë, kemi barazuar.
Çfarë ju ka mbetur peng nga kjo periudhë?
Keqardhja më e madhe është për ndeshjet ku kemi dalë barazim, ndonëse kemi qenë në avantazh 1-0. Kështu na ka ndodhur me Vllazninë e kështu me Flamurtarin. Por keqardhje ndej edhe për takimet e tjera, kur nuk kemi shkuar më shumë se barazimi.
Së fundi, një mesazh për tifozët blu...
Ata na japin një ndihmesë të madhe mua si trajner e Dinamos si skuadër. Ata kanë qenë të durueshëm me ne, kur në 4 takime në shtëpi, s’kemi mundur të fitojmë me Teutën, Elbasanin, Vllazninë e Flamurtarin. Në momente të vështira na kanë mbështetur. Premtimi im është që kjo Dinamo do të jetë e para.

Panorama Sport