Dinamo "E Madhe"

[Qerim]

Teuta siguron "play-out"-in, Dinamo UEFA-n
Llambi Kallço


Teuta - Dinamo 1-0

Nga Durrësi, Llambi Kallço

Shënues: Babamusta 25'


Teuta: Kapllani, Pashaj, Zëre (Jakupi 57'), Kapaj, Kovaç, A.Duro, Hodo, Babamusta (Gjondeda 57'), Xhihani, Gega, Buna.
Trajner: A. Ferko.
Dinamo: Lika, Vinçentiç, Çaval, E.Xhafa, Ahmataj, Gudjabi, Deliallisi (Kone 63'), D. Bici, Alikaj, Pema (Ferraj 55'), Diop (Kastel 46'). Trajner: V. Bici.

Gjyqtarë: E. Peza, G. Qirici (Tiranë), A. Mali (Patos).
Kartona të verdhë: Gjondeda, Hodo.

Minutat e lojës:
6'- Buna gjuan nga distanca, Lika nuk zotëron topin dhe atje Hodo nuk arrin të shënojë përballë portierit dinamovit.
9'- Pema gjuan nga distanca e 25-m, topi kalon fare pranë shtyllës së majtë pingule.
13'- Buna jep një asist për Xhihanin që nuk arrin që të shënjestrojë portën e Dinamos.
15'- Xhihani depërton në zonën e Dinamos, gjuan por grushton Lika.
16'- Hodo jep një asist për Gegën që me finte godet me zgjuarsi, por Lika tregohet në lartësinë e duhur.
25'- Hodo pason për Babamustën në hyrje të zonës dhe ky i fundit godet rrafsh me tokën në qendër, duke e bërë të pavlefshme hedhjen e portierit Lika. Teuta kalon në avantazh, 1-0.
28'- Pema futet bukur në zonën e Teutës, gjuan në pozicion të prirët, por Kapllani nuk lejon prekjen e rrjetës duke e larguar topin me këmbë.
29'- Goditje këndi për Dinamon dhe atje Diop me kokë, për pak sa nuk barazon rezultatin, por topi për fatin e Kapllanit kalon ngjitur me shtyllën e djathtë pingule.
30'- Albert Duro kroson nga e majta e sulmit të Teutës dhe Gega me kokë, për pak sa nuk dyfishon rezultatin.
33'- Pema gjuan bukur në hyrje të zonës dhe topi kalon pranë shtyllës.
40'- Ahmataj gjuan bukur me kokë, por topi kalon pak centimetra larg shtyllës së majtë pingule.
50'- Buna godet brenda zonës pranë pikës së 11-metërshit, por topi kalon mbi shtyllën transversale.
52'- Ahmataj gjuan në ecje e sipër nga distanca 30-metra, topi kalon mbi shtyllën transversale.
67'- Ferraj gjuan bukur në hyrje të zonës së Teutës, topi nuk gjen kuadratin e portës.
69'- Hodo gjuan fort brenda zonës së rreptësisë së Dinamos, grushton Lika.
75'- Kros i Hodos në zonën e portjerit Lika dhe atje Gega me kokë nuk arrin që të shënjestrojë kuadratin e portës.

Komenti i ndeshjes:
Teuta fiton minimalisht 1-0 me Dinamon dhe siguron biletën për "play-out" me Skënderbeun. Fitorja e ekipit durrsak nuk i ka prishur punë as Dinamos, që duke përfituar dhe nga rezultati i ndeshjes Tirana Partizani, ka siguruar gjithashtu një vend për në Kupën UEFA. Takimi është ndjekur nga 500 tifozë durrsakë, që e kanë mbështetur gjatë të gjithë takimit ekipin e Teutës, në një ndeshje që ka pasur dy tablo. Një pjesë e parë e dominuar totalisht nga Teuta, që mund të kishte shënuar 2 3 gola në portën e Dinamos dhe një pjesë e dytë e një niveli nën mesatar, ku mungoi ritmi i pjesës së parë dhe rastet e pastra për shënim. Përcaktues në këtë takim ka qenë goli i Dritan Babamustës, i cili i ka treguar sulmuesve se si shënohet. Në 30 minutat e para të takimit, ekipi i Teutës ka pasur 2 3 raste të mira shënimi, por as Hodo, as Xhihani dhe as Gega nuk kanë arritur të shënojnë, duke ja lënë fatin e kësaj ndeshje golit të Babamustës. Në pjesën e dytë të takimit, Dinamo e ka ngritur disi ritmin e lojës, duke ju afruar dhe golit të barazimit me anë të Diop apo Pemës, por pa arritur që të gjejë rrugën e rrjetës. "Djemtë e detit" kanë marrë një fitore tepër të çmuar që i jep shansin për të shpresuar qëndrimin në superligë, në një kohë që tashmë çdo gjë është përqëndruar në takimin e "play- out"-it, kur Teuta do të ndeshet të mërkurën me ekipin e Skënderbeut. Ndeshja e së mërkurës është konsideruar nga trajneri Alfred Ferko, si një finale e vogël që do të përcaktojë ekipin që do të qëndrojë në superligë. Ferko është shprehurt optimist në lidhje me këtë finale, në një kohë që nga ana tjetër, trajneri Bici ka preferuar më mirë të komentojë atë që ka arritur Dinamo në këtë kampionat sesa takimin mes Teutës dhe Dinamos. 500 tifozët që kanë ndjekur Teutën në takimin në takimin me Dinamon, tashmë do të duhet që të mbështesin përsëri ekipin, në takimin e fundi me Skënderbeun e Korçës. Ekipi i Teutës do të jetë i kompletuar në takimin final, ku në formacionin bazë pritet që të rikthehet edhe Bledar Mancaku, që për arsye dëmtimi mungoi në takimin e djeshëm.

Deklarojnë...
Alfred Ferko, trajneri i Teutës:
"Takimi me Dinamon ishte një ndeshje tepër e rëndësishme përsa i përket "play-out"-it. Shpresojmë që në ndeshjen e së mërkurës me Skëndërbeun të fitojmë dhe të qëndrojmë mes më të mirëve. Do të kemi për këtë ndeshje në dispozicion, të gjithë grupin e futbollistëve, gjë që na bën optimist për një fitore. Kjo është një detyrë e të gjithë futbollistëve ndaj tifozerisë, atyre që mbështesin skuadrën dhe ndaj emrit që Teuta ka në futbollin shqiptar. Kjo do të jetë një finale e vogël, për të cilën do të përgatitemi seriozisht. Të mërkurën do të kemi të gatshëm dhe Mancakun, eksperienca e të cilit është e nevojshme në ndeshje të tilla. I bëj thirrje tifozerisë durrsake, që të mbështesë ekipin në këtë takim vendimtar për fatet tona, përsa i përket qëndrimit në superligë. Kemi problem shënimin e golave, që shpresoj që ta zgjidhim në takimin me Skëndërbeun".
Vasil Bici, trajneri i Dinamos:
Pavarësisht nga fakti që kemi arritur një vend në Kupën UEFA, mund të them se Dinamo me mundësitë dhe elementët që ka, mund të ishte pozicionuar më mirë në tabelën e klasifikimit, pse jo, të merrte dhe titullin kampion. Kemi bërë disa gabime të pafalshme duke humbur me skuadra të vogla, gjë që na ka kushtuar jo pak në tabelën e renditjes. Përshëndes futbollistët që kanë sakrifikuar në këtë kampionat, trajnerët dhe stafin drejtues të kampionatit që me ndonjë difekt të vogël, u zhvillua dhe eci mirë.

Të veçanta:
- 500 tifozë të Teutës, kanë përkrahur fuqimisht ekipin në ndeshjen me Dinamon.
- Pas një seriali të gjatë humbjesh në kampionat me Dinamon, më së fundi, Teuta ka arritur që të fitojë me të ashtuquajturën "mace të zezë".
- Në minutat e fundit të takimit, tifozeria në tribunën e "Niko Dovanës" ka brohoritur, pas një njoftimi të dhënë për një barazim të Vllaznisë në Korçë, por më pas çdo gjë ka rezultuar e pavërtetë.

[Qerim]

Ahmataj: Mendoj për Dinamon dhe UEFA-n
Aurel Celibashi


Për Julian Ahmatajn, e tashmja dhe e ardhmja lidhet vetëm me ekipin e Dinamos. Pavarësisht zërave që e shohin tek Elbasani, duke filluar që nga ndeshjet e Ligës së Kampioneve, mesfushori i krahut të majtë përgënjeshtron gjithçka. Madje, 27-vjeçari justifikohet se edhe pushimet është duke i kaluar në kryeqytet dhe jo pranë njerëzve më të afërt në qytetin e lindjes. Në deklarimin e tij të djeshëm për "Sportin shqiptar", Ahmataj shprehet se mendjen e ka te Dinamo dhe takimet e muajit në korrik në Kupën UEFA. Sipas tij, skuadra i ka të gjitha mundësitë që në sezonin e ardhshëm të pretendojë denjësisht titullin kampion, i cili mungon në klub prej katër vitesh. "E kam thënë edhe më parë, por e përsëris dhe tani: Dinamo mbetet shtëpia ime e dytë dhe nuk mendoj se do të lëviz nga kjo skuadër edhe për shumë kohë të tjera. Madje, pushimet e fundsezonit jam duke i kaluar këtu në kryeqytet, kështu që nuk më bie ndër mend të ndërroj fanellë. Janë disa ekipe të kampionatit shqiptar që më kanë bërë ofertë, por e kam ndarë mendjen se do të qëndroj këtu ku jam. Që tani kam filluar të mendoj për ndeshjet e ardhshme që na presin në Kupën UEFA,"- bën të ditur mesfushori dinamovit.
Në sezonin që sapo është mbyllur, Julian Ahmataj ishte një prej lojtarëve me më shumë minuta në fushë, pas portierit Ilion Lika. Madje, elbasanasi në disa takime ka mbajtur edhe shiritin e kapitenit, duke treguar rëndësinë e tij në skuadër, por njëkohësisht edhe besimin që kanë drejtuesit. Për Ahmatajn, ishte shumë e rëndësishme që në fund të edicionit u sigurua pjesëmarrja në Kupën UEFA, pasi në njëfarë mënyre u bë realitet një prej objektivave, siç ishte pjesëmarrja në Europë. Për numrin 7 të bluve, titulli kampion mbetet një peng, duke parë gjendjen që kishte skuadra në fillim. "Meraku që më ka mbetur nga ky sezon i fundit, ka të bëjë me mungesën e një trofeu, ku titulli kampion ishte më i lakmuari për ne. Gabimet tona u bënë në fazën e parë, ku morëm disa barazime radhazi dhe ndërkohë Elbasani përfitoi për t'u shkëputur. Gjithsesi, edhe Kupa UEFA është një arritje, sepse tani i kemi të gjitha shanset të përfaqësohemi denjësisht në Kupën UEFA, e cila vjen e dyta për nga rëndësia, pas Ligës së Kampioneve,"- vazhdon idenë e tij mesfushori që ka provuar të luajë me të tri ekipet kryeqytetase, por edhe me Bylisin, Teutën dhe Elbasanin.
Duke folur për këto ndeshje të rëndësishme për financat e klubit, Julian Ahmataj shpreson që deri atë ditë, Dinamo të jetë përforcuar në merkato, pasi vetëm në këtë mënyrë mund ta kalosh turin e parë eliminator. "Nga informacionet që kam, skuadrës i janë larguar dy futbollistë, të cilët sigurisht duhet të zëvendësohen në merkato. Me disa ndërhyrje të rëndësishme nga ana e drejtuesve, jam i bindur se do të bëjmë paraqitje dinjitoze, pasi në fund të fundit grupi ekziston. Në varësi të paraqitjes në Kupën UEFA, mendoj se do të hedhim edhe themelet e skuadrës që më pas do të pretendoj titullin kampion, i cili mungon prej katër vitesh në klub dhe normalisht kjo është një periudhë e gjatë për një skuadër si Dinamo,"- përfundon deklarimin e tij për gazetën mesfushori Julian Ahmataj.

Blutë kërkojnë të shmangin rumunët
Pasi janë njohur me kundërshtarët e ardhshëm që do të hidhen në shortin e Kupës UEFA, lojtarët dhe drejtuesit dinamovitë kanë dalë në konkluzionin se skuadrat që duhet të shmangen, janë ato rumune. Duke parë gjendjen e tyre shumë të mirë në këtë veprimtari, blutë do të ishin të lumtur sikur të mos binin përballë Rapidit të Bukureshtit apo Sportul SB. Gjithsesi, edhe skuadrat bullgare, maqedonase apo qipriote duhet thënë se nuk mbeten prapa në nivel futbolli se sa ato rumune, kështu që Dinamo duhet t'i bëjë mirë llogaritë kur të përballet, nëse vërtet kërkon të kalojë turin e parë eliminator.

Faza përgatitore, në dorë të trajnerit të ri
Drejtuesit dinamovitë janë të paqartë në lidhje me vendin se ku do të zhvillohet faza përgatitore, në kuadrin e ndeshjeve europiane në muajin korrik. Një enigmë e tillë do t'i lihet në dorë trajnerit të ri, që pritet të emërohet shumë shpejt nga ana e presidentit Besnik Sulaj. Hëpërhë krerët më të lartë të klubit janë duke u marrë me afrimin e lojtarëve të rinj, duke qenë se merkatoja është në ditët e saj më të nxehta. Brenda datës 20 qershor, te blutë kryeqytetas pritet të zbardhen shumë enigma, duke filluar nga trajneri i ri, lojtarët që do të afrohen apo do të largohen, si dhe vendi ku do të zhvillohet faza përgatitore.


Bokatola firmos per Dinamon
23 Maj Nje levizje e befasishme nga ana e presidentit te Dinamos, Besnik Sulaj, ka dhene si rezultat nenshkrimin e kontrates se pare te klubit blu per sezonin e ri. Ka qene mesfushori kongolez, Ricard Bokatola, “gjahu i pare” i bluve ne “sofren” e perforcimeve, si per kupen UEFA ashtu edhe per kampionatin e ardhshem. Dje, ne oret e vona te mbremjes, numri 1 i Dinamos dhe kongolezi kane hedhur firmen mbi kontraten 2 vjecare, qe e ben ish mesfushorin e Vllaznise lojtare te skuadres blu. “Rici”, sic e therrasin ne mjediset futbollistike Bokatolen, ka perfunduar kontraten me Vllaznine dhe ne te tilla kushte kishte filluar te kerkonte “stacionin” e ri ne nje skuader tjeter. Ne te vertete, Bokatola kishte kontaktuar javen e kaluar me presidentin e Partizanit, Xhani, per te pare mundesine e bashkepunimit midis tij dhe klubit te kuq, por deshira e drejtuesve te “demave” ishte qe mesfushori kongolez te provohej nga Starova ne ndeshjet e kupes Intertoto, perballe Etnikos Achnos te Qipros, me pas te shkohej ne kontrate sezonale. Rici e hodhi poshte kete “ofeze”, qe sipas tij i beri presidenca e kuqe, duke u shprehur per •Sport Ekspres”: “Kam mbetur i “shokuar” nga takimi me presidentin e Partizanit. Ai me kerkoi qe une te provohesha nga trajneri Starova, si te isha fillestar, fillimisht ne ndeshjet e Intertotos dhe me pas te shikonim mundesine e nenshkrimit te nje kontrate me te gjate. Si ka mundesi qe te provohet Bokatola, i cili njihet mire ne kampionatin shqiptar?”. Nga ana tjeter, duke qene midis ofertes se Partizanit, por dhe te atyre te ardhura nga Besa dhe Flamurtari, kur kampionia e kategorise se pare i ka ofruar 25.000 euro per ta veshur kuqezi, Rici ka preferuar te vishet blu, ndersa ka nenshkruar kontraten e bashkepunimit me Dinamon, ne mjediset e “Taivanit”. Keshtu, kongolezi Bokatola eshte lojtari i pare i huaj qe nenshkruan per Dinamon ne merkaton per sezonin e ardhshem. Gezim Sina

[Qerim]

Dinamo, Sejdini bën gati listën e përforcimeve

Shekulli

Tre janë emrat kryesorë që trajneri Faruk Sejdini ka kërkuar si përforcimet e para te Dinamo, sapo i është komunikuar posti i trajnerit. Bëhet fjalë për mbrojtësin Arian Pisha, por edhe mesfushorët Sergei Romanishin apo Ervin Lika. Të tre këta futbollistë shihen nga njëshi i stolit blu si shumë të rëndësishëm për skemat që pritet të ndërtohen. Në të vërtetë, trajneri Sejdini i njeh mirë Pishën dhe Romanishinin, me të cilët i ka pasur te Dinamo që u shpall kampione në vitin 2002, ndërkohë që Ervin Likën e ka ndjekur në disa takime, duke i lënë mbresa të mira. Gjithsesi, përveç këtyre lojtarëve, nuk përjashtohen përforcime të tjera, duke filluar nga sulmuesi Daniel Xhafa, mbrojtësi Luan Pinari apo edhe të rinjtë Olgert Stafa apo Oriand Abazaj. Me këto ndëryrje në merkaton e verës, dinamovitët pretendojnë blindimin e skuadrës dhe përgatitjet për Kupën UEFA.



03/06/2006

[Cimo]

2006/07 UEFA Cup
First qualifying round draw
First leg: 13 July
Second leg: 27 July

KF Tirana (ALB) v NK Varteks (CRO)
KS Dinamo Tirana (ALB) v PFC CSKA Sofia (BUL)
FC Koper (SLO) v PFC Litex Lovech (BUL)
FK Sarajevo (BIH) v FC Rànger's (AND)
NK Domžale (SLO) v NK Orašje (BIH)
Hibernians FC (MLT) v FC Dinamo 1948 Bucuresti (ROU)
APOEL FC (CYP) v S.S. Murata (SMR)
HNK Rijeka (CRO) v AC Omonia (CYP)
PFC Lokomotiv Sofia (BUL) v FK Makedonija Skopje (MKD)
FK Vardar (MKD) v KSV Roeselare (BEL)
AFC Rapid Bucuresti (ROU) v Sliema Wanderers FC (MLT)
Újpesti TE (HUN) v FC Vaduz (LIE)
CSF Zimbru Chisinau (MDA) v FK Karabakh (AZE)
FC MIKA (ARM) v BSC Young Boys (SUI)
FC Fehérvár (HUN) v FC Kairat Almaty (KAZ)
Zaglebie Lubin (POL) v FC Dinamo Minsk (BLR)
FC Spartak Trnava (SVK) v FK Karvan Evlakh (AZE)
FC Ameri Tbilisi (GEO) v FC Banants (ARM)
FC BATE Borisov (BLR) v FC Nistru Otaci (MDA)
FC Basel 1893 (SUI) v FC Tobol Kostanay (KAZ)
FC WIT Georgia (GEO) v FC Artmedia (SVK)
HJK Helsinki (FIN) v Drogheda United FC (IRL)
Brøndby IF (DEN) v Valur Reykjavík (ISL)
Gefle IF (SWE) v Llanelli FC (WAL)
AS Jeunesse Esch (LUX) v Skonto FC (LAT)
FC Etzella Ettelbrück (LUX) v Åtvidabergs FF (SWE)
FK Ventspils (LAT) v GÍ Gøta (FAR)
Glentoran FC (NIR) v SK Brann (NOR)
Randers FC (DEN) v ÍA Akranes (ISL)
Portadown FC (NIR) v FBK Kaunas (LTU)
Rhyl FC (WAL) v FK Sūduva (LTU)
FC Levadia Tallinn (EST) v FC Haka (FIN)
Skála Ítróttarfelag (FAR) v IK Start (NOR)
SFK Lyn Oslo (NOR) v FC Flora (EST)
IFK Göteborg (SWE) v Derry City FC (IRL)

[miki_al2001]

shume veshtire per dinamon.plus qe ska bere merkato fare.tirana ka mundesi ta eliminoje varteksin.

[KastroZiso99]

FOrca Dinamo........Forca Xhaxhi

[GeNi_25]

Plote ekipe te nje niveli me te dobet dhe bien ato qe s'i kam qejf? Le te themi qe kampionati Kroat eshte teper i forte gjithashtu dhe ai Bullgar.

Megjithate ka vetem nje fjale: Perpara Dinamo


I uroj dhe nje fitore Komshinjve te

[GeNi_25]

Po nga humben keta Dinamovitet e forumit! Apo vetem ne rast fitore e ngrene koken. Nuk eshte se kemi humbur ndonje gje te madhe edhe pse luajtem nje loje te mire qe jo vetem mund te dilte barazim por me pak fat edhe mund te fitohesh.

Le te shpresojme ndonje gje te bukur ne Bullgari!

[FЯODO]

Po nga humben keta Dinamovitet e forumit! Apo vetem ne rast fitore e ngrene koken.

.............

[Demol]

Po nga humben keta Dinamovitet e forumit!

Le te shpresojme ndonje gje te bukur ne Bullgari!

me pushime plako per me shume lini mesazhin ne numrin e sekretaris (davius) dhe do tju kontaktojme sa me pare, pasi te kemi bere qef