Dinamo "E Madhe"

[OO7]

TAMOM mer i myti

[FЯODO]

Pjesa pare mbaroi 2-1 per Besen po boni gol ai zezaku ne pjesen e 2-te qe barazoi rezultatin.
Dhe s'kishim as Fortunatin sot se ishte me 2 kartona.

[GeNi_25]

Pjesa pare mbaroi 2-1 per Besen po boni gol ai zezaku ne pjesen e 2-te qe barazoi rezultatin.
Dhe s'kishim as Fortunatin sot se ishte me 2 kartona.

Nuk mund te thuash se Dinamo nuk e meritoi Fitoret edhe pse je me Tirane.
Shikoj njeçik kronikat se çfare rastesh kishte Dinamo ne pjesen e dyte!
Shikoi, shikoi dhe pastaj flasim bashke. Nuk dua te permend shtyllen apo gabimet me port bosh?

[GeNi_25]

]
Edhe pse me tre titullar te perjashtuar ekipi dinamovit kalon pengesen e radhes, pikerisht Teuten e Durresit me rezultatin e thelle 4-0.

[Qerim]

Ivan Kataliniç, ish-trajneri i Dinamos së Zagrebit dhe Rijekës, merr të enjten drejtimin e skuadrës

Dinamo, sërish me një trajner kroat në krye

Aurel CELIBASHI

Pas gjithë atyre fjalëve nën zë, më në fund është konkretizuar. Trajneri i ri i Dinamos është sërish kroat dhe bëhet fjalë për një nga emrat më të njohur të futbollit të këtij vendi, Ivan Kataliniç. Pasi dështoi në rikthimin e Luka Bonaçiçit, presidenti Sulaj nuk reshti së kërkuari një tjetër trajner të huaj dhe më në fund e gjeti atë. Paraditen e djeshme, në zyrën e tij te kompleksi "Taiwan", nën praninë e medias u bë edhe prezantimi i "vëllait" të Bonaçiçit, i cili do ta nisë aventurën e tij në krye të Dinamos pikërisht me derbin me Partizanin. Ivan Kataliniç më parë ka drejtuar me sukses ekipet më prestigjioze në Kroaci, duke filluar me Dinamon e Zagrebit, Rijekën, Hajdukun, Varteksin, pa harruar edhe eksperiencat që ka pasur nëpër vende të ndryshme të botës. Kulmi i karrierës së Kataliniçit mund të quhet ekipi kombëtar i Kroacisë, ku për disa vjet ka qenë përkrah profesorit Blazeviç, me të cilin arriti deri në vendin e tretë të Kupës së Botës "Francë '98". Në intervistën e tij të parë për mediat shqiptare, mëkëmbësi më i ri i bluve do të shprehej: "Pas bisedës që pata me presidentin Besnik Sulaj, rashë dakord për të marrë drejtimin e skuadrës së Dinamos. Oferta që m'u paraqit ishte e kënaqshme në të gjitha drejtimet dhe tashmë mund të më quani trajnerin e ri të skuadrës. Jam shumë i kënaqur për këtë marrëveshje të re dhe mezi pres që të filloj nga puna,"- bën të ditur Ivan Kataliniç.
Ardhja e këtij trajneri të madh kroat në Shqipëri nuk është e rastësishme. Luka Bonaçiç mund të quhet ndryshe edhe "shkesi" i kësaj marrëveshjeje, pasi ishte pikërisht "diktatori" që e bindi atë për të nisur bisedimet me palën shqiptare. Një gjë të tillë Kataliniçi e pranon edhe vetë, kur shprehet: "Sigurisht që ishte Luka ai që më propozoi drejtimin e Dinamos. Ai më tha se kjo skuadër ka synime të mëdha për të arritur në kupë dhe kampionat dhe kjo patjetër që më intrigoi. Jam një trajner me mentalitet fituesi dhe tashmë besoj se kam gjetur vendin e duhur për të punuar sa më mirë. Është shumë e rëndësishme që ta njoh sa më shpejtë grupin të cilin do të stërvit dhe ta nis me fitore këtë eksperiencë të re,"- vazhdon idenë e tij njëshi i stolit dinamovit.
I pyetur në lidhje me mbajtjen në stol të Vasil Bicit, kroati deklaroi se ky nuk është problem për të. "Pse jo? Është normale që në staf të kem patjetër një trajner shqiptar, i cili e njeh shumë mirë gjendjen e skuadrës dhe për këtë nuk kam asnjë kompleks. Dëshira ime është të punoj me të, pasi edhe koha në dispozicion është e pakët deri përpara ndeshjes derbi me Partizanin,"- përfundoi fjalën e tij trajneri më i ri i bluve, Ivan Kataliniç.
Më në fund, mbyllet të paktën për disa muaj enigma e trajnerit të ri te Dinamo, ku brenda një viti janë ndryshuar 6 emra, duke filluar me Sejdinin, Paskulin, Canajn, Kabreron, Bonaçiçin dhe Bicin. Ky është një rekord i ri për blutë, të cilët asnjëherë nuk e kanë gjetur veten e tyre në fushë, kjo si rrjedhojë e këtyre ndryshimeve të shpeshta të trajnerëve, por edhe lojtarëve të huaj. S'na mbetet gjë tjetër për të thënë, veçse të presim çfarë të reje do të sjellë Ivan Kataliniçi, që aventurën e tij te Dinamo do ta nisë me dy ndeshje derbi radhazi.


Kataliniç, të enjten zyrtarisht në krye
Dita e enjte do të shënojë edhe zyrtarizimin e trajnerit Ivan Kataliniç në krye të Dinamos. Pasi ra dje dakord me presidentin Sulaj, kroati u nis menjëherë drejt vendlindjes dhe pritet që vetëm nesër të rikthehet në Tiranë, për të veshur tutat e sportit dhe më pas për të marrë drejtimin e bluve. Në stërvitjen e djeshme, skuadrën e stërviti Vasil Bici, ndërkohë që me rikthimin e kroatit gjërat pritet të ndryshojnë në stërvitje. Mbetet për t'u parë bashkëpunimi i lezhjanit Bici me Kataliniçin, ku prova e parë e "zjarrit" është derbi me Partizanin.

16/11/2005
KATEGORIA: Sport


Bravo Presidenti Sulaj per kete veprim !

Uroj qe ky trainer te kete jete te gjate tek Dinamo .

[GeNi_25]

Shoke e shoqe neser perpara!

Pyesni se ku?

Po ne stadium ore!

Luhet derbi i madh i Tiranes "Dinamo - Tirona"



Oe, oe Tirone ça ke?

"Gudjabi na e futi nje petull"

Oe, oe Tirone ça ke?

"Marinjo na e rrasi edhe nje tjeter"

Oe, oe Tirone ça ke?

"Eskudero na e çau edhe njehere"

Oe, oe Tirone ça ke?
Oe, oe Tirone ça ke?
Oe, oe Tirone ça ke?
Oe, oe Tirone ça ke?
Oe, oe Tirone ça ke?
Oe, oe Tirone ça ke?
Oe, oe Tirone ça ke?
Oe, oe Tirone ça ke?
Oe, oe Tirone ça ke?
Oe, oe Tirone ça ke?
Oe, oe Tirone ça ke?
Oe, oe Tirone ça ke?

"u mundem keq"

hahahahahahahahahahahah
hahahahahahahahahahahah

Oe, oe Tirone ça ke?
Oe, oe Tirone ça ke?
Oe, oe Tirone ça ke?
Oe, oe Tirone ça ke?
Oe, oe Tirone ça ke?
Oe, oe Tirone ça ke?

[GeNi_25]

Entuziazmi i madh me duket se ndonjehere te bene dhe pak keq!

[Qerim]

Blutë kanë marrë një fitore të vyer në Durrës, duke lënë durrsakët në krizë totale &nbsp23-12-2005
Dinamo sheh kreun, Teuta thellon krizën
Llambi Kallço


Teuta Dinamo 0-1
Shënues: Gudjabi 24'

Teuta: Kapllani, Dollaku, Likmeta, Jakupi, Hodo, Buna (Bardhi 58'), Kote, Kovaç, Kapaj, Mancaku, Emanuel. Trajner: N.Jani.
Dinamo: Lika, Kastel, Vincentiç, Xhafa, Ahmataj, Marinjo, Gudjabi, Poçi, Deliallisi (Eskudero 65'), Pema (Asllani 37'), Diop (Moriagi 32'). Trajner: I.Kataliniç.
Gjyqtarë: B.Pashaj, A.Pregja (Tiranë), A.Molla (Laç)
Kartonë të verdhë dhe të kuq nuk ka

"Radiografia"
7'- Goditje dënimi për Dinamon, e ekzekutuar nga Ahmataj, dhe topi përplaset në barrikadën e mbrojtjes durrsake.
12'- Gudjabi pason për Marinjon në zonën e rreptësisë, i cili shfaqet përballë Kapllanit, por ndërhyn në kohën e duhur mbrojtësi Likmeta.
14'- Gudjabi shfaqet 3 metra përballë Kapllanit, godet fort, por portieri i Teutës bën mrekullinë, duke pritur një top goli.
18'- Hodo depërton bukur në zonë dhe në pozicion të prirët me Likën, gjuan, por pret portieri dinamovit.
24'- Marinjo pason në zonë për Gudjabin, që pranë pikës së 11-metërshit gjuan në gjysmë kthese, duke kaluar topin në trekëndëshin e djathtë e duke kaluar ekipin e tij në avantazh. 0-1 për Dinamon.
34'- Emanuel ka një rast të mirë shënimi, kur shfaqet përballë portierit Lika, por ky i fundit pret me mjeshtëri.
51'- Pema futet bukur në zonnë e rreptësisë së Teutës, gjuan në pozicion të prirët dhe topi përplaset në rrjetën e jashtme.
56'- Mancaku gjuan në hyrje të zonës së Dinamos, por topi kalon pak cm larg shtyllës së majtë pingule.
62'- Pema gjuan brenda zonës, topi devijohet nga Kapllani, por i drejtohet portës dhe në vijën fatale Jakupi largon topin që po i drejtohej rrjetës.
64'- Mancaku shpërthen nga krahu i majtë i sulmit të Teutës, lëshon një top të rrezikshëm në zonën e Dinamos, por Emanuel nuk arrin ta shtyjë topin drejt kuadratit të portës.
70'- Pas një lëmshi në zonën e Dinamos, Likmeta gjuan, por topi nuk ka fuqinë e duhur për të përfunduar në rrjetën e Likës, që arrin të zotërojë topin.
76'- Pema shfaqet 4 5 metra përballë portierit, gjuan, por jashtë kuadratit.
88'- Gudjabi gjuan brenda zonës dhe topi kalon pak cm larg shtyllës së majtë pingule.

Komenti
Ekipi i Dinamos ka marrë 3 pikë të merituara në stadiumin "Niko Dovana" të qytetit të Durrësit, duke u futur seriozisht në luftën për titull, në një kohë që Teuta ka lënë 3 pikë të arta që e kanë zhytur akoma më thellë në fundin e tabelës së klasifikimit dhe në një krizë që nuk dihet se kur do ta dalë. Takimi është zhvilluar në kushtet e temperaturave të ulëta, në praninë e rreth 200 spektatorëve, të cilët kanë shpenzuar kohën e tyre për një ndeshje që ka dhuruar pak emocione. Në stolin e Teutës është ulur trajneri i dytë Niko Jani për shkak se Lika ishte dënuar nga komisioni i disiplinës për këtë ndeshje. Teuta me probleme ka pasur 3 mungesa në formacion, me futbollistë të tillë si Zëre, Pashaj dhe Xhihani, në një kohë që Dinamo e fortë ka zbritur me formacionin e saj më të mirë. Teuta është përpjekur që në fillim të ndeshjes të shikojë nga porta e Dinamos, por dëshira e "djemve të detit" është shuar përballë lojës me ritëm të dinamovitëve dhe rrezikshmërisë që paraqesin futbollistë të tillë, si Gudjabi apo Marinjo. Teutës i ka munguar forca organizuese dhe rrezikshëria në repartin sulmues, ku Mancaku i vetëm e ka pasur të vështirë të konkludojë përballë mbrojtjes së ngjeshur të Dinamos. Blutë kanë marrë shumë shpejt frenat e lojës në dorë dhe i janë afruar golit me anë të Gudjabit dhe Marinjos. Gudjabi ka humbur një rast të mirë, kur i vetëm 3 4 metra përballë Kapllanit ka gjuajtur, por kapiteni durrsak ka bërë një pritje që mund të quhet spektakolare. Atë që nuk e ka bërë në minutën e 14-të të pjesës së parë, Gudjabi e ka bërë në minutën e 24-t, kur pasi ka marrë një asist nga Marinjo, në gjysëm kthesë e ka dërguar topin pranë këndit të djathtë të portës së Kapllanit, i cili me gjithë kërcimin, e ka pasur të pamundur ta pengojë topin, që përfundoi në rrjetë. Pas golit të Dinamos, Teuta është përpjekur që të reagojë, por Emanuel përballë Likës nuk ka arritur të shënojë, duke humbur edhe një nga rastet e rralla për durrsakët. Në pjesën e dytë, kur pritej reagimi i "djemve të detit", që nuk kishin se çfarë të humbisnin më, në të vërtetë ka ndodhur e kundërta, pasi futbollistët e Teutës kanë treguar shenja lodhjeje dhe mosorganizimi, në një kohë që Dinamo ka kontrolluar lojën dhe është shfaqur rrezikshëm para portës durrsake, ku në disa raste me Pemën mund të kishte shënuar golin e dytë. Rasti më i mirë për durrsakët ka qenë në fundin e pjesës së parë, ku mbrojtësi 19-vjeçar Likmeta nuk arrin të shënojë në një pozicion të përshtatshëm në zonë. Vërshëllima e fundit e Pashajt ka qetësuar trajnerin Kataliniç, që i është gëzuar lojës dhe pikëve të Dinamos, në një kohë që durrsakët do ta presin vitin tjetër si ekipi që mbyll tabelën e klasifikimit dhe si ekipi që kërkon revolucion për të dalë nga kjo krizë që rrezikon ta largojë nga superliga. Si rrallëherë në historinë e tij, ekipi i Teutës ndodhet para një fakti të tillë trishtues, në një kohë që klubi shumësportesh, presidenca, por edhe pushteti lokal, duhet të ndërhyjnë për të ndihmuar Teutën që ta kalojë këtë moment. Askush nuk do të donte dhe imagjinonte që një ekip si Teuta me tradita në futbollin shqiptar të përfundonte si Flamurtari i madh, që prej disa vitesh ra nga kategoria, por që për fat tashmë po rikthehet. Futbollistët dhe stafi teknik ndodhen përballë një realiteti të tillë, pesha e të cilit duhet ta kalojë sedrën personale në emër të futbollit durrsak.

Deklarojnë:
Niko Jani, zëvendëstrajner i Teutës, nuk bëri komente për takimin.
Ivan Kataliniç, trajner i Dinamos: "Mendoj se arritëm një fitore tepër të rëndësishme në Durrës, duke pasur parasysh faktin që u përballëm me një ekip që luftonte për pikë dhe pozitat që ka në tabelën e klasifikimit. Teuta luajti mirë, por ne arritëm që ta dominojmë lojën dhe kishim raste për të shënuar edhe gola të tjerë. Mendoj se kjo fitore është e rëndësishme, por për të folur për pretendimet që kemi në kampionat duhet që të shikojmë rezultatet e 4 5 takimeve të para në fazën e tretë. Unë mendoj se janë 4 5 ekipe që pretendojnë për titull. 3 pikët janë me vlerë, por deri në fund të ndeshjes ishim në ankth, pasi mund të pësonim një gol në fund dhe fitorja të na rrëshqiste nga duart."

Të veçanta:
- Për shkak të pezullimit, trajneri Lika e ka ndjekur takimin nga tribuna, në një kohë që skuadrën e ka drejtuar zv.trajneri Niko Jani.
- Vetëm 200 spektatorë e kanë ndjekur takimin mes Teutës dhe Dinamos.
- Teuta me probleme ka pasur në këtë takim mungesën e gjysmës së repartit të mbrojtjes, me Zëren dhe Pashajn, si dhe gjysmën e vijës
sulmuese, me Tikon dhe Xhihanin.

[Qerim]

Peruani rezulton futbollisti i superpaguar te blutë, ndonëse nuk dha rendimentin që pritej &nbsp07-01-2006
Marinjo, "gol" 60.000-eurosh për Dinamon
Aurel Celibashi


Huan Karlos Marinjo i ka shënuar Dinamos "golin" më të bukur të karrierës. Mesfushori peruan, sipas burimeve të sigurta brenda klubit, rezulton futbollisti më i paguar. Në gjashtë muaj në skuadër, fantazisti ka përfituar 60 mijë euro "cash", pa harruar ushqimin falas në lokalin "Taiwan" (pronë e presidentit Besnik Sulaj) dhe një shtëpi luksoze me qira në zonën e ish-bllokut. Të gjitha këto të mira duket se nuk ishin të mjaftueshme për Marinjon, i cili dy ditë më parë u dha lamtumirën drejtuesve dhe shokëve të ekipit. Në mënyrë "harbute" peruani telefonoi ditën që duhej të kthehej në Tiranë, duke u justifikuar me probleme personale, ndërkohë që i mbushi mendjen Eskuderos dhe Moiragit ta bëjnë të njëjtën gjë. Tashmë të gjithë në kampin blu kanë mbetur të habitur me këtë sjellje të futbollistit, i cili u mor me shumë bujë, por nuk dha rendimentin që pritej. Jo vetëm kaq, por ai i mbushi mirë xhepat dhe me këtë shifër prej 60.000 eurosh mund të bëjë një jetë qetë edhe sikur ta lërë fare futbollin, po të kujtojmë se përpara se të vinte në Shqipëri nuk ishte aktivizuar as edhe një minutë me ekipin e Lanusit në Aperturë. E gjithë kjo mesele vjen nga fakti se amerikano-latini nuk ka pasur kontratë të rregullt me presidentin Besnik Sulaj dhe gjithçka midis palëve ka qenë një marrëveshje "xhentëlmenësh". Kjo është dhe arsyeja kryesore që Marinjo bëri çfarë i deshi qejfi në skuadër, gjë që është pranuar nën zë edhe nga ana e drejtuesve të klubit, të cilët vazhdojnë t'i luten menaxherit Pedro Pablo Paskuli që ta sjellë sërish. Edhe dita e djeshme ka qenë e ngjeshur për sa u takon telefonatave në Argjentinën e largët (aty ku banon aktualisht peruani), teksa mësohet se është shumë e vështirë që të realizohet rikthimi. I vetmi "shpëtim" mund të jetë që të dyfishohen të ardhurat dhe ato të merren në dorë, pasi Marinjo është kaq i zgjuar për të kuptuar se, nëse rikthehet, nuk përjashtohet mundësia e ndonjë mase ndëshkimore në formë hakmarrjeje prej bluve. Për momentin mund të thuhet fakti se në klubin "Dinamo" ka pllakosur heshtja, sidomos nga drejtuesit më të lartë, që prej disa ditësh nuk janë dukur fare në stërvitje, madje kur i takon rastësisht rrugës, bëjnë rolin e të paditurit. Është vërtet e tmerrshme një situatë e tillë, ku e gjithë barra bie mbi stafin teknik që duhet të gjejë sa më shpejt një organizator tjetër për të dhënë pasimin e fundit. Huan Karlos Marinjo do të mbetet një hije e zezë, që do të kujtohet gjatë për mënyrën e tij të sjelljes, por më e rëndësishmja për "golin" e mrekullueshëm që shënoi. 60 mijë euro për gjashtë muaj punë janë një shifër stratosferike që s'fitohen në asnjë vend të botës, përveç te Dinamo në rastin konkret.

Miqësorja, Shkumbini në vend të Shpresave
Dinamo do ta luajë ndeshjen e sotme miqësore të planifikuar përpara katër ditësh me Shkumbinin dhe jo me ekipin Shpresa, siç ishte deklaruar një ditë më parë. Ky ndryshim "kursi" erdhi si rrjedhojë e drejtuesve të U-21, ku me anë të telefonatave u njoftua se skuadra nuk ishte në dispozicion. Menjëherë trajneri Vasil Bici pati kontakt me trajnerin e Shkumbinit, Sulejman Demollari, ku u ra dakord që sot paradite, në orën 11:00, në fushën kryesore të kompleksit, të zhvillohet ndeshja miqësore, e cila do t'ju shërbejë të dyja skuadrave për të parë më mirë gjendjen e secilit lojtar.

Rigels Qosa, korçari që kërkon rikthimin
Mund të jetë Rigels Qosa zëvendësuesi i peruanit Marinjo për dy fazat e ardhshme. Mesfushori korçar i rikthyer ditët e fundit në Shqipëri pas emigrimit të shkurtër në Shtetet e Bashkura të Amerikës, ka vendosur që të aktivizohet në superligë. Në kampionatin amerikan korçari i ka ndërprerë mardhëniet me klubin ku u aktivizua për 6 muaj dhe tani është një lojtar i lirë. Nga burime brenda ekipit, mësohet se Qosa ka kërkuar të rikthehet te Dinamo, ku kujtojmë se deri një vit më parë ai ishte pjesë e bluve, madje, ka fituar edhe titullin e fundit në sezonin 2001-2002. Çdo gjë do të varet nga biseda që lojtari do të ketë me presidentin në lidhje me shumën financiare të kontratës.

Përforcimet vazhdojnë te mbeten enigmatike
Në lidhje me ardhjen e futbollistëve të rinjë të huaj po flitet shumë në kampin dinamovit, por të paktën deri dje asgjë nuk dukej në fushë. Edhe mesfushori kroat që dukej i sigurt për të ardhur, mësohet se ka patur disa probleme dhe shumë shpejtë do të bashkohet me skuadrën. Për sa i takon një sulmuesi dhe një mbrojtësi, vazhdojnë kërkimet sa në Afrikë, por edhe në Amerikën-Latine, ku nga ana e drejtuesve nuk bëhen emra të ditur. Orët e fundit në skenë ka dalë hipoteza për blerjen e Blendi Shkëmbit, futbollistit që deri pak kohë më parë aktivizohej në kampionatin ukrainas.

[niku-nyc]

Dinamo eshte perfocu ne merkaton e Dimrit! Me ardhjen e Katalanic, Dinamo eshte rrit ne loje dhe po duket ekip pretendent. Mendoj se Dinamo ka shanse te arrij Elbasanin dhe Partizanin ne krye! Suksese Dinamos!