Dinamo "E Madhe"

[Qerim]

Argjentinas në pankinë: Zuleta në vend të Dajës


29 Qershor Argjentinasi me një kurrikulum të pasur sportiv, teksa ka drejtuar edhe kombëtaret e Haitit dhe të Nikaraguas, ka fituar simpatinë e drejtuesve të klubit blu



Gjithçka ka ndodhur si një “rrufe në qiell pa re”, kur Ilir Daja, që nga e premtja në mbrëmje, nuk është më trajner i Dinamos, dhe në vend të tij në pankinën e kampionëve në fuqi do të ulet një teknik argjentinas, Marcelo Havier Zuleta. Ndaj, në stërvitjen e djeshme të bluve, me të cilën është mbyllur java e dytë stërvitore, Daja nuk ka qenë me skuadrën, por seancën e kanë drejtuar dy ndihmësat e tij, Artan Mergjyshi dhe Ilir Bozhiqi. Edhe pse skuadra e re nisi të ndërtohet sipas ideve të Dajës, kjo nuk ka qenë pengesë për drejtuesit e klubit që t’ia besojnë atë një të huaji, ndërsa trajnerit aktual t’i ofrojnë përsëri postin e drejtorit teknik. Dje, teksa pinte i qetë kafen në një nga lokalet pranë klubit sportiv Dinamo, tashmë në “kostumin” e drejtorit teknik, ashtu sikurse ishte deri në janar, kur u ul në pankinë, Daja është prononcuar për gazetën tonë. “Më duhet të them ﷓ rrëfehet Daja, ﷓ se gjithçka është zgjidhur paqësisht, pas një bisede që kam patur me zëvendëspresindetin Avni Braçe. Në fakt, marrëveshja për të qenë si trajner ishte deri kur të vinte një i huaj në këtë detyrë. Të hënën do të nis kursin e trajnerëve për liçensën A. Në fund të fundit, unë përsëri jam te Dinamo. Kur e mora detyrën e trajnerit, nuk është se e doja, por ishin drejtuesit e klubit që ma kërkuan. Po ju them se, për hir të kësaj Dinamoje, që do të marrë pjesë në Champions League, kam refuzuar edhe oferta të tjera. Megjithatë, e përsëris, kështu ishte marrëveshja ime me presidencën dinamovite”. Daja e ka drejtuar Dinamon për katër muaj e katër ditë, nga 24 shkurti 2008, kur erdhi menjëherë pas shkarkimit të Agim Canajt, deri më 27 qershor, për t’ia lënë vendin në pankinë argjentinasit Marcelo Havier Zuleta.



Zuleta, me vete dy lojtarë dhe përgatitës atletik

Marcelo Havier Zuleta, i ardhur përmes agjensisë menaxheriale të drejtuar nga Gëzim Mançe, pritet që brenda ditës së sotme të jetë në Tiranë. Madje, nesër në mëngjes, Zuleta do të bëjë dhe prezantimin përpara skuadrës së re, të cilën do ta drejtojë në Champions League dhe gjatë sezonit të ardhshëm. Por Zuleta, me një kurrikulum shumë të pasur, nuk do të jetë vetëm, sepse do të sjellë nga Argjentina përgatitësin atletik dhe dy futbollistë, Dario Husain, në rolin e sulmuesit, dhe mesfushorin Fasunio Talin. Sipas Mançes, lojtari i tretë, Gonzalo Klusener, është në diskutim. “Së pari ﷓ thotë Mançe, ﷓ edhe duke operuar si një klub modern, Dinamo tashmë i ka të qarta ambiciet e synimet se ku kërkon të shkojë. Po vjen një trajner, i cili me vizionin e tij nuk do të jetë thjesht vetëm për ekipin, por dhe për të gjitha strukturat e klubit. Jo vetëm kaq, por po sjell lojtarë, t- cilët i ka patur dhe më parë, në mënyrë që ta ndërtojë ekipin mbi bazën e tyre, për ta patur punën më të lehtë. Na është ofruar një parakontratë, ashtu siç kemi dhënë edhe ne atë tonën. Pritet të hidhet firma, kurse më pas kontrata do të jetë e noterizuar dhe do t’u shpërndahet palëve që kanë firmosur”. Zuleta nuk është se s’e njeh ambientin, sepse ka qenë prezent në ndeshjen e fundit të këtij kampionati, Dinamo﷓Partizani, sikurse kaparë dhe në DVD disa prej ndeshjeve të bluve. Madje, ka qenë ai që ka hedhur idenë e vajtjes sa më shpejt në Mavrovë, sepse nuk mund të përgatitet një ekip, edhe duke qenë në prag të Champions League, në një vend që kthehet në monotoni. Gjithsesi, Zuleta është tashmë trajner i Dinamos, bashkë me të dhe përgatitësi atletik e dy futbollistë argjentinas, Husain e Talin.


Tirana: “Ja përse ua dhamë Xhafajn dinamovitëve”

29 Qershor Nga burime të sigurta mësohet se klubi bardheblu pritet të marrë Pejiç, në këmbim nga kampionët





Edhe pse Tirana duket se është i vetmi klub në Shqipëri, që ka më pak lojtarë të konfirmuar se çdo skuadër tjetër, drejtusit bardheblu duket se nuk duan të nguten. Ata sapo kanë zgjedhur trajnerin e tyre të ri, boshnjakun me origjinë kroate, Slishkoviç dhe tani po mundohen të bëjnë një merkato sa më të goditur. Por, për t’ia arritur kësaj, duket se bardheblutë ka nisur t’I ndihmojë edhe Dinamo, kampionia e saposhpallur e Shqipërisë. Përpara dy ditësh, blutë kryeqytetas morën në huazim vetëm për ligën e kampionëve sulmuesin vlonjat, Daniel Xhafajn, i cili ka nisur tashmë stërvitjen me skuadrën, e cila tani do të drejtohet nga argjentinasi Zuleta. Por dihet që asnjeri nuk të jep asgjë, nëse nuk merr diçka tjetër në këmbim. Dhe Tirana e di shumë mirë këtë gjë, ashtu si edhe Dinamo. Edhe pse zyrtarisht duket se gjithçka është në kuadër të një kërkese shumë normale nga ana e dinamovitëve për të patur përforcim vetëm për Champions, Xhafajn, nga burime të brendëshme, bëhet me dije se jo gjithçka është aq e thjeshtë sa duket. Sulmuesi vlonjat nuk është se ka bërë një paraqitje të shkëlqyer në sezonin e kaluar dhe, edhe pse deri tani është i vetmi i konfirmuar nga bardheblutë për sezonin e ri, në këmbim të një sulmuesi, ose më mirë pyke tjetër cilësore, Tirana edhe mund ta lëshojë. E kush më shumë se Dinamo ka në skuadër një lojtar që bën për sulmin e Tiranës? Pero Pejiç. Lojtari i kërkuar nga Tirana, madje edhe i kontaktuar, duket se do të jetë këmbimi i dinamovitëve për të patur, jo vetëm me huazim, por definitivisht Xhafajn. Madje, pritet që Tirana ta deklarojë Pejiçin si blerje pikërisht më 4 korrik. A e ka vënë re njeri se edhe trajneri i ri i Tiranës flet serbokroatisht?

[Qerim]

Zuleta: Kam ardhur jo për të gabuar

1 Korrik

Trajneri argjentinas Marcelo Havier Zuleta, dje në mesditë, rreth orës 13:00, është prezantuar përpara skuadrës dinamovite, por dhe mediave sportive. Në këtë prezantim, Zuleta ka qenë i shoqëruar nga presidenti i bluve, Besnik Sulaj, si dhe nga zëvendëspresidenti Avni Braçe. Në krah të Zuletës ishte edhe përgatitësi atletik i ardhur nga Argjentina, Pedro Martin Kolev. Ndonëse në klubet shqiptare një numër jo i vogël trajnerësh të huaj kanë dështuar, Zuleta ka deklaruar: “Nuk kam ardhur për të gabuar, por për të fituar së bashku me ju”.

Me “këmbë në tokë”: Të kalojmë një tur

Trajneri argjentinas Zuleta, në fjalët e para pas prezantimit ka kërkuar falje për vonesën, si ndaj futbollistëve, ashtu dhe ndaj gazetarëve. “Përgjithësisht ﷓ ka thënë Zuleta ﷓ jam njeri i orareve fikse e më vjen keq që ju bëra të prisni”. “Gjithsesi, ﷓ ka vijuar tekniku argjentinas, ﷓ kam ardhur që ta çoj Dinamon në nivele më të larta ndërkombëtare. Kam qenë i pranishëm në ndeshjen e 17 majit, Dinamo﷓Partizani, e jam i vetëdijshëm se ishte shumë e vështirë për ju për të fituar titullin kampion. Por tani është një detyrë më shumë se e vështirë mbajtja e këtij titulli. Të gjithë së bashku duhet të bëjmë gjithçka, për të kaluar një tur në Champions League. Më shumë do të njihemi së bashku në periudhën përgatitore të Mavrovës”. Pastaj Zuleta ka falënderuar presidentin Sulaj, zëvendëspresidentin Braçe dhe menaxherin Mançe, që i krijuan mundësinë për të kontribuar te Dinamo. Zuleta ka bërë të ditur se do të vijnë si përforcim edhe dy﷓tre futbollistë të tjerë argjentinas. “Edhe përgatitësin atletik ﷓ ka bërë të ditur Zuleta ﷓ e kam sjellë nga Argjentina, në mënyrë që të rregullojmë sa më shpejt gjendjen fizike, sepse kur të nisin ndeshjet të gjithë duhet të jenë në qindpërqindëshin e tyre”. Në fund, një mesazh edhe për tifozët blu: “Te unë do të gjeni njeriun e punës dhe të sukseseve”.

Presidenti Sulaj, me “oreks”

Në prezantimin e trajnerit argjentinas, presidenti i bluve, Besnik Sulaj, është shfaqur me “oreks”, teksa ka shpalosur objektivat e Dinamos. “Siç e keni marrë vesh dhe nga mediat, në vazhdim trajneri i skuadrës sonë do të jetë Marçelo Havier Zuleta. Me të ne duam ta çojmë më përpara nivelin e Dinamos. Kemi patur dhe më parë një trajner argjentinas, Ramon Kabrero, i cili e pati jetën të shkurtër te ne, vetëm një muaj. Por në Argjentinë ai është kampion me Lanusin dhe ne besojmë se me Zuletën do të kemi mundësi që ta rrisim nivelin e futbollit”. Sulaj ka kërkuar marrëdhënie korrekte nëraportet president﷓trajner﷓futbollist. “Ne duhet të japim gjithçka në fushën e lojës, në mënyrë që të rifitojmë titullin kampion, por dhe të kalojmë dy﷓tre ture në Ligën e Kmpioneve” ka shpalosur objektivat presidenti i bluve.


Dinamo, test i lehtë në letër kundër Modriças


Kampionia e Bosnjë-Hervegovinës, ekipi serb FK Modriça, është kundërshtarja e Dinamos në turin e parë të Ligës së Kampioneve, takimet e së cilës do të zhvillohen më 15/16 korrik e ato të kthimit, shtatë ditë më pas, më 22/23 korrik. Nëse kampionia e Shqipërisë, tashmë e drejtuar nga argjentinasi Marcelo Havier Zuleta, do të kalojë turin përballë skuadrës dinamovite, më 29/30 korrik e 5/6 gusht do të jetë kampionia e Danimarkës, Aalborg.

DINAMO – Trajneri i ri i Dinamos, Zuleta (argjentinasi i tretë në drejtimin e bluve pas Paskulit e Kabreros dhe i gjashti i huaj, duke përfshirë edhe rumunin Cikleaunu e kroatët Bonaçiç e Kataliniç), u shpreh qartë në konferencën e tij të parë për shtyp, se ka ardhur ta çojë Dinamon në nivele më të larta ndërkombëtare, ndërkohë që premtimi më i bujshëm i takoi presidentit Besnik Sulaj. “Do të kalojmë dy-tre ture në Ligën e Kampioneve”. Në letër Modriça, 1-herë fituese e Kupës së Bosnjës (2004-2005), duket tërësisht e kalueshme. Por, ia vlen të kujtojmë se Dinamo nuk kalon një tur, qysh nga sezoni 2002-2003 në Ligën e Kampioneve. Edhe sezonin e kaluar, si pjesëmarrëse në Kupën UEFA u uleminua nga CSKA e Sofjes, me dy humbje: Dinamo në Europë ka luajtur 34 ndeshje (ekipi i tretë shqiptar me më shumë ndeshje oas Tiranës, ku ka mundur të fitojë vetëm 6 takime (po aq brazime) dhe 22 humbje, duke shënuar 20 gola e pësuar 60 të tilla. Takimi i parë do të luhet në Tiranë, më 16 korrik.

FK MODRIÇA - Kundërshtari i 17-herë kampionëve të Shqipërisë, Fk Modriça është shpallur sezonin e fundit, për herë të parë kampion i Bosnjë-Hercegovinës, një kompeticion i cili ndryshe nga Superliga shqiptare me 12 skuadra, Premier Liga bsohnjake numëron 16 të tilla. Kampionati i Bosnjë-Hercegovinës me formatin e sotëm zhvillohet që nga sezoni 2000-2001, kohë edhe kur Bosnjë-Hercegovina u shkëput zyrtarisht nga ish-Republika e Jugosllavisë, një shtet që nuk ekziston më. Zheljeniçar është kampioni i parë (ka fituar 2 tituj), ndërsa Modriça, e themeluar zyrtarisht në vitin 1921 fiton për herë të parë. Listën e kampionëve boshnjakë e kompletojnë kundërshtari i Partizanit në Kupën UEFA, Shiroki Brijeg (2-herë kampion), Leotar Trebinje e Zrinjski Mostar (të dyja nga 1-herë). Ndeshja e dytë (më 23 korrik) do të luhet në stadiumin “Maxima” (4000 shikues). Modriça ka një eksperiencë të vogël ndërkombëtare, vetëm katër ndeshje, por duhet theksuar fakti se në pjesëmarrjen e parë të saj në Kupën UEFA (2004-2005) i fitoi dy takimet e para kundër Santo Koloma të Andorrës, por u eliminua në turin e dytë nga Levski e Sofjes. Në gjirin e skuadrës kampionë e Bosnjë-Hercegovonës ka dhjetë lojtarë serbë të Bosnjës, ndërsa pjesa më e madhe e skuadrës përbëhet nga futbollistë me origjinë boshnjake.

[Qerim]

Argjentinasit Husain e Talin, sot në Mavrovë

3 Korrik Administratori Saliaj: “Ata kanë mbërritur në Tiranë dhe sot do t’i bashkohen ekipit, për të nisur përgatitjet për ndeshjet e Champions League”



Dinamovitët kanë vijuar sipas programit seancat stërvitore në Mavrovë të Maqedonisë. Të paktën sipas administratorit Saliaj, grupi i futbollistëve kompletohet sot, kur dje janë bashkuar dhe Diob e Sefa, të cilët menjëherë u janë nënshtruar seancave stërvitore. Tashmë, argjentinasit e premtuar nga trajneri Zuleta kanë mbërritur në Shqipëri. Fjala është për sulmuesin Dario Husain e mesfushorin Faciunio Talin. Husain ka lindur më 2 maj 1976, është 174 centimetra dhe peshon 76 kg. Luan në rolin e sulmuesit, kurse klubi i fundit, me të cilin është aktivizuar, është Gimnasia Y Esgrima de Jujuy. Në Argjentinë, ku dhe ka pjesën më të madhe të karrierës së tij, Husain ka luajtur edhe me Velezh Sarsfield dhe River Plate, dy skuadra shumë të njohura, me të cilat kanë marrë pjesë në Kupën Interkontinentale. Për rrjedhojë, Husain, jo vetëm për karrierën e pasur, por dhe për njohjen që ka me trajnerin Zuleta, është pjesë e bluve që nga dita e sotme. Kurse për Facunio Talin, në rolin e mesfushorit, pak dihet për karrierën e tij. Megjithatë, përderisa ka dalë garant trajneri Zuleta, dinamovitët kanë pranuar ta kenë pjesë të tyre, teksa kanë në diskutim dhe mesfushorin﷓sulmues Gonzales Klusener, që pritet të arrijë akordin me blutë. E sigurt, gjithnjë sipas informacionit që jep administratori Saliaj, është fakti se Husain e Talin do të jenë sot në Mavrovë.



Pas stërvitjes, edhe pishina

Dinamovitët, qoftë dhe me programin e ri që ka bërë trajneri Zuleta dhe përgatitësi atletik Kolev, përveç dy stërvitjeve në ditë, kanë shtuar dhe seancën në pishinë. Paradite kanë bërë gjithçka për përgatitjen fizike, si në palestër, ashtu dhe në fushën e Hotel “Bistros” nën drejtimin e përgatitësit atletik Kolev. Më pas, në 17:00 ﷓ 19:00, dinamovitët kanë punuar me topin, në variante të ndryshme tekniko﷓taktike. Dhe në fund të gjithë kanë shkuar në pishina, teksa janë përdorur dhe saunat për lirimin e shpejtë të muskujve nga ngarkesat që po jepen këto ditë. Dinamovitët do të vazhdojnë në Mavrovë deri nga mesi i javës së ardhshme e më pas do të zbresin në Tiranë, për t’u klimatizuar me temperaturat e larta. Aq më tepër që ndeshja e parë me FK Modricën do të luhet në Tiranë, më 15/16 korrik.

Ende pa ndeshje miqësore

Dinamovitët ende nuk kanë menduar për ndeshje miqësore. Të paktën, ndryshe nga sezoni i kaluar, në Mavrovë kanë shumë mundësi për të shfrytëzuar për ndeshje miqësore. Sidomos me ekipet shqiptare, kur Renova e Tetovës është në Kupën Intertoto, apo FK Milano e Kumanovës përgatitet për ndeshjet e UEFA﷓s. Pse jo, edhe duke mos e patur kundërshtar, dinamovitët mund të shfrytëzojnë dhe kampionen e Maqedonisë, Rabotniçkin. Mundësitë janë, por deri më tani blutë nuk kanë nisur të mendjnë për miqësore, ndonëse ditët ikin dhe formacioni, të paktën sipas asaj që kërkon të jap trajneri Zuleta, nuk është parë në një ballafaqim direkt. Vetëm me njëri﷓tjetrin është pak në prag të ndeshjeve të Champions League, aq më tepër që kanë mbetur gati 12 ditë nga ballafaqimi i parë me Modricën. “Ende nuk kemi menduar për ndeshje miqësore”, thotë duke përfunduar administratori Saliaj, kurse blutë kanë mbyllur ditën e tyre të tretë në Mavrovë të Maqedonisë.

[DYDRINAS]

Blaž Slišković

Datelindja 30 maj 1959
Vendlindja: Mostar, Bosnje-Hercegovine. Origjina e tij etnike kroate.

Nickname: Maradona i Ballkanit.

Ka luajtur ne keto klube futbolli:

Velež Mostar
Hajduk Split
Olympique Marseille
Pescara Calcio
RC Lens
FC Mulhouse
Stade Rennais FC
Pescara Calcio
Hrvatski Dragovoljac
NK Zrinjski Mostar

Ka veshur 26 here fanellen e perfaqesueses se ish-Jugosllavise.

Ka qene tranjer i B-H ne vitet 2002-2006.

[Ribery]

ky kampioni i Shqiperise qenka kot fare.U turperua nga skuadra Boshnjake qe as emri i saj nuk po me kujtohet, ku trajneri i saj qendronte ne tribune sepse nuk kishe license per trajner profesionist nga FIFA, e paramendoni tash
Kam pritur me shume nga te ashtuquajturit "kampion" te Shqiperise

[Qerim]

Zllatko Daliç, trajneri i ri i Dinamos, nuk e ka marrë përsipër ta nisi aventurën e tij me ndeshjen e kthimit në Champions League, ndaj Modricës, më 23 korrik. Në të tilla kushte, Artan Mërgjyshi, së bashku me përgatitësin e portierëve Ilir Bozhiqi, qoftë dhe për emergjencë, do ta drejtojnë Dinamon në Zenica. Mërgjyshi beson te lojtarët e mbetur prej ekipit kampion, por dhe te ata që kanë ardhur nga merkatoja e verës si Sina, Çapja e Brahja, të cilët, nga jashtë, e njohin lojën e Dinamos. Eshtë në pritje të Kulit, i cili ka të gjitha gjasat për t’u ingranuar në mënyrë të menjëhershme me lojën e bluve. Por ka siguri dhe te kthimi i Kotorrit e, në këto kushte, Mërgjyshi është optimist, teksa shpall dhe objektivin: “Të fitojmë në Zenica. Një gol në pjesën e parë mund të na japë shansin për të kërkuar dhe kualifikimin. Por kryesorja është që duhet të fitojmë”.

﷓ Mërgjyshi trajneri i emergjencës, sa e vështirë është ta drejtosh skuadrën në këtë situatë?

﷓ Kjo është e vërtetë që në ndeshjen e kthimit unë, së bashku me Bozhiqin, do të jemi në krye të Dinamos. E vështirë është, sepse humbja e ndeshjes së parë nuk lë shumë hapsira për të tentuar të tjera gjëra. Por duke patur besim te grupi i futbollistëve, ne do të shkojmë në ndeshjen e dytë që të fitojmë. Kualifikimi mund të jetë një çështje e pamundur, megjithatë do të tentojmë. Sepse dhe vetë grupi i lojtarëve, sidomos me kthimin e Kotorrit, që i jep siguri jo vetëm mbrojtjes, por të gjithë skuadrës, ka besim brenda vetes.

﷓ A nuk ju duket i kapërcyer paksa ky objektiv për të kërkuar fitoren në Modrica?

﷓ I kapërcyer? Por nëse do të ndryshojmë lojën tonë, duke e futur atë në rrjedhën e zakonshme, me një punë më të madhe nga krahët, apo me pasime më të sakta, atëherë Dinamo do të jetë ndryshe. Mos harroni që Modrica fitoi, por ardhja e të huajve, mungesa e disa lojtarëve nga ekipi kampion, apo dhe gjërat e tjera ishin faktorët që e bënë skuadrën të mos ishte në ditën e saj më të mirë. Nëse od të shënojmë një gol në pjesën e parë, atëherë dhe kualifikimi do të jetë i mundshëm. Por ne do ta kërkojmë fitoren.

﷓ Modrica, sipas jush, ishte vërtetë për ta mundur Dinamon?

﷓ Të them të drejtën, skuadra boshnjake, nëse do të ishte në kampionatin shqiptar, do të mund të klasifikohej te skuadrat mesatare. Ne bëmë vetë gabime në lojë, kur të gjitha topat i adresuam në qendër të mbrojtjes së tyre, atje ku ata ishin të fortë. Tashmë duhet të ndryshojë gjithçka për të patur një Dinamo ndryshe.

﷓ Pas Kotorrit, a pritet tjetër njeri?

﷓ Presim Kulin, sepse, edhe duke qenë se ishte pjesë skuadrës, ko vetëm në periudhën përgatitore të Dinamos në Mavrovë, por dhe gjatë kampionatit të kaluar, e ka më të lehtë të ingranohet me grupin e futbollistëve.

﷓ Në këto ditë deri të martën çfarë do të mund të ndryshoni?

﷓ Së pari më duhet të them që ne kemi në dispozicion dhe Tapian, kurse sulmuesi Kampoxano ka një dëmtim, i cili e bën me pikëpyetje aktivizimin e tij. Megjithatë grupit aktual të futbollistëve që ka qenë pjesë e sezonit të kaluar, duke i shtuar dhe Brahjen, Çapjen e Sinën, të ardhur nga merkatoja e verës, atëherë do të jetë një Dinamo shqiptare. Pastaj Brahja, Çapja e Sina, të cilët e kanë parë nga jashtë lojën e skuadrës sonë, e kanë më të lehtë për t’u përshtatur me skuadrën. Do të stërvitemi për tre ditë, sepse këto janë deçizive, e të dielën do të marrim rrugën drejt Zenicës. Të hënën e të martën nga një stërvitje të lehtë. Kështu që duke patur grupin e shqiptarëve, me lëvizje të pakta, Dinamo do ta tentojë dhe fitoren.

﷓ Së fundi, ndonjë ndeshje miqësore.

﷓ E pamundur, sepse nuk kemi kundërshtar. Do të bëjmë të shtunën një ndeshje kontrolli, e cila do të jetë dhe deçizive përsa i përket formacionit. Por, e përsëris, përballë Modricës për të patur një Dinamo ndryshe, e cila duhet të fitojë.

[kris3006]

se pari pershendes tifozat e dinamos por dua te them dicka me lidhje me ndeshjen e pare kunder qe u mundem 0-2

te gjithe ja hedhim fajin xhuljetes, por ne fakt te gjithe ne fushe ishin fajtor dhe duhet ta pranojm faktikisht
une e pash ndeshjen dhe u zhgenjeva nga dinamo e asja ndeshje, po cfaj ka trainjeri qe del xhafaj vetem me portierin dhe sdi te shenoj, prandaj po them e dhe njehere te gjithe ishin fajtor.

nejse fitore ne ndeshjet e tjera

[Qerim]

Une nuk mund ta parashikoj se cfare do te ndodhi ne Bosnje ne ndeshjen e kthimit.

Por mund te pohoj se ky grup lojtaresh qe ka Dinamo ,eshte me cilesori qe ka perfaqsuar Shqiperine vitet e fundit ne kupat evropiane.

[Ka Vetem DINAMO]

Besoj ne nje surprize diten e neserme, besoj ne nje reultat pozitiv.Gjithsesi, pavareisht si do perfundoje kjo aventure europiane e Dinamos kete vit, e rendesishme eshte qe e ardhmja e ketij klubi te lavdishem eshte e sigurt sezonin qe po troket dhe jo vetem.

Zlatko Dalic, trajneri aktual i Shpresave te Kroacise dhe trajneri i ri i Dinamos, jane nje garanci e plote e perparimit te klubit nga aspekti menaxherial, perzgjedhjeve te duhura te lojetareve, dhe stervitjes bashkekohore, qe natyrshem ne vitin 2009, do bejne qe Dinamo te ruajte titullin kampion duke i shtuar arkives se saj gjithashtu, Kupen e Republikes, si dhe Superkupen, qe do luhet muajin tjeter ndaj Vllaznise.

Para Dinamo, Lavdia BLUUU!

[OO7]

Ngushellime per eleminimin !