I denoncuar per pengmarrje, lufton me arme

[Xhuxhumaku]

I denoncuar per pengmarrje, lufton me arme

E Marte, 31 Maj 2005

Kujtim Duro, nje 58 vjecar me banim ne lagjen "Palorto", te qytetit te Gjirokastres, ka terrorizuar mbreme banoret, ndersa u konfrontua me arme me policine. Ishte denoncuar nga babai i nje 16-vjecari se e kishte marre peng prej 3 ditesh, duke kryer me te, marredhenie seksuale. I mituri, mohon perdorimin e forces. Deshmite ne vendngjarje per minutat e panikut dhe kush eshte i dyshuari

GJIROKASTER - Nje 58 vjecar eshte izoluar ne banesen e tij ne nje lagje te qytetit te Gjirokastres ndersa eshte nen rrethim policor, pasi eshte denoncuar nga babai i nje te mituri, se e ka marre peng ate, prej tre ditesh. I dyshuari, eshte Kujtim Duro, 58 vjec, banues ne lagjen "Palorto", te qytetit jugor. Ai dyshohet se ka kryer marredhenie seksuale me nje djale 16 vjecar nderkohe qe mbreme i mituri, i ka deklaruar policise se nuk ishte detyruar te shkonte me force me 58 vjecarin. Duro, njihet ne kete qytet, si njeri me probleme me drejtesine me pare, i divorcuar disa here. Ai punon si roje ne spitalin rajonl te Gjirokastres.

Burime ne vendngjarje, thane se krismat e automatikut gjate tentatives te policise per te shoqeruar nje person ne mjediset e komisariatit te policise ne Gjirokaster kane terrorizuar mbreme, banoret e qytetit te Gjirokastres. Nderkohe qe inspektoret e policise kane tentuar te ndalojne te dyshuarin Kujtim Duro, pas nje denoncimi te bere per te ne komisariatin e Gjirokastres, ai i eshte pergjigjur uniformave blu me krisma automatiku

Ngjarja

Ka qene ora 17.30 e dites se djeshme, kur inspektoret e krimeve ne Komisariatin e Policise se Gjirokastres jane drejtuar ne banesen e 58 vjecarit Kujtim Duro ne lagjen "Palorto", per te bere shoqerimin e tij ne dhomat e paraburgimit. Sipas burimeve policore, per 58 vjecarin Duro ishte bere nje denoncim ne polici. Denocimi ishte bere nga shtetasi A.M., 43 vjec nga rrethi i Permetit. Ai e akuzonte Duron se i kishte marre peng djalin e tij 16 vjecar, nxenes ne Shkollen e mesme Industriale per tri dite me rradhe, duke kryer marredhenie seksuale me force me te. Burimet policore konfirmojne per "Korrieri"-n, se inspektoret e krimeve dhe Prokuroria e Gjirokastres kane nisur hetimin per kete ceshtje. Sipas burimeve nga keto organe, behet e ditur, se 16 vjecari dhe i ati i tij jane shoqeruar ne komisariatin e Policise. Sipas deponimeve te bere nga 16 vjecari rezulton se ai nuk ishte marre peng nga personi ne fjale por kishte shkuar me deshiren e vet ne banesen e tij. Nderkohe per te zbardhur plotesisht ceshtjen, agjentet e antikrimit kane shkuar te shtepia e 59 vjecarit Duro per ta shoqeruar ate ne komisaria. Por ai nuk ka pranuar duke u mbyllur brenda ne shtepi. Deri ne oret e vona te nates agjentet antrikim te komisariatit te Gjirokastres kane mbajtur nen mbikqyrje shtepine, nderkohe qe Prokuroria e rrethit vazhdonte hetimet ne lidhje me ngjarjen, duke mos nxjerre ende nje urdher arresti.

Panik nga krismat

Nderkohe banoret e lagjes Palorto, ne zonen prane gjimnazit "Asim Zeneli", kane ndjere frike dhe panik, per shkak te krismave te vazhdueshme qe vinin nga shtepia e 58 vjecarit tim Duro ne lagjen "Palorto" te qytetit te Gjirokastres. Njeri prej banoreve ne vendin e ngjarjes, u shpreh per "Korrierin", se ka pare disa police te veshur me uniforma, te cilet nxitonin ne drejtim te shtepise nderkohe qe 58 vjecari gjuante me automatik ne drejtim te tyre. Gjate gjithe mbasdites kemi degjuar krisma automatiku, shprehet nje tjeter banore e lagjes.



Policia ne gatishmeri

"Krismat nisnin sa here qe policia tentonte t'i afrohej shtepise", tregon nje banore, prane shtepise se 58 vjecarit Kujtim Duro, ne lagjen "Palorto". "Na tmerruan femijet dhe kalamajte e vegjel. Nderkohe goditjet me automatik kane filluar te fashiten gjate oreve te mbremjes duke rene nata. Nga ana e tyre, forcat e policise nuk kane tentuar te hyjne ne shtepi por 200 metra larg baneses kane krijuar nje kordon policor duke mbajtur nen mbikqyrje banesen. Nderkohe, shtepia e Duros ne lagjen Palorto gjate gjithe nates te se henes, duke u gdhire dita e sotme, vazhdoi te ishte nen mbikqyrjen ne distance te afert, te forcave policore.

Blerim Kore



TE DHENAT



Kush eshte roja i dyshuar

GJIROKASTER - Sipas banoreve te lagjes "Palorto", 58 vjecari Kujtim Duro punonte roje ne spitalin e Gjirokastres, Aktualisht ai ishte divorcuar nga gruaja e tij nderkohe qe ka qene i denuar edhe per vepra te tjera. Mesohet se i dyshuari eshte ndare edhe dy here te tjera, me bashkeshorte te tij. Banoret thone se gjate ketyre diteve nuk kishin verejtur levizje te ndonje njeriu perreth shtepise se tij. I dyshuari, sipas Prokurorise, mund te perballet me akuzen e kryerjes se marredhenieve seksuale me te mitur si dhe kundershtim me arme zjarri, te forcave te policise. B.K

Korrieri

[Xhuxhumaku]

AKSIONI/ Duro gjatë gjithë kohës ka qëlluar me armë në drejtim të policisë dhe në fund i ka vënë flakën shtëpisë Pedofili, në qeli pas 26 orësh qëndresë

58-vjeçari është dorëzuar pa negociata, vetëm pasi RENEA ka vendosur të ndërhyjë me forcë

Odise KOTE

GJIROKASTËR- Përfundon me sukses pas rreth 26 orësh operacioni forcave speciale të Reneas e të policisë në Gjirokastër. 58-vjeçari monstër më në fund ka rënë në duart e drejtësisë shqiptare. Negociata 20-orëshe, djegia e shtëpisë 200-vjeçare, njeriu kyç në operacion dhe dorëzimi pa kushte në duart e policisë. I nisur prej orës 11.00 të dy ditëve më parë, superoperacioni forcave të policisë shqiptare ka përfunduar me sukses dje në mesditë rreth orës 13 e 32 minuta. 58-vjeçari Kujtim Duro, nga lagjia “Palorto” në Gjirokastër, ka hedhur poshtë armën e tij tip “Kallashnikov” dhe është dorëzuar në duart e policisë shqiptare pas rreth 26 orësh rezistence të armatosur ndaj forcave të policisë. Pas përfundimit të këtij operacioni të stërgjatë ka mbaruar dhe ankthi banorëve të zonës në lagjen “Palorto”, vendi ku banonte autori ngjarjes K.Duro. E gjithë lagjia ka qenë e rrethuar prej më tepër se 26 orë dhe kuptohet që kapja e të kërkuarit K. Duro e çliroi situatën e rënduar nga forcat e policisë e ato të ndërhyrjes së shpejtë, të mbërritura dje paradite në Gjirokastër. Menjëherë pas vetëdorëzimit, Kujtim Duro është shoqëruar në dhomat e paraburgimit të Komisariatit të Policisë në Gjirokastër, ndërkohë që ekspertë të Policisë Kriminale kanë kryer sipas standardit profesional ekspertizët ligjore, matjet, kqyrjet e vendit të ngjarjes e sigurimin e provave.

Pse zgjati operacioni policor

Rreth orës 11.00 të dy ditëve më parë inspektori rendit në Komisariatin e Policisë në Gjirokastër e një grup i forcave të gatshme të Policisë së Rendit, shkojnë në banesën e shtetasit K.Duro për të marrë këtë shtetas e për ta çuar në polici. Shkak për këtë thirrje ishte akuza e ngritur nga babai një 16-vjeçari nga Përmeti, nxënës në vitin e dytë të shkollës së mesme industriale “Thoma Papapano” në Gjirokastër, për pedofili. Djaloshi përmetar prej dy ditësh ishte larguar nga konvikti dhe drejtuesit e shkollës të alarmuar kishin lajmëruar prindërit e tij. Pasi u gjet djali dhe u pyet në polici prej ekspertëve të kriminalistikës, pohoi se prej gati tre muajsh kryente marrëdhënie seksuale me dëshirën e tij me 58-vjeçarin K.Duro. Pas këtij rrëfimi babai tij bën denoncim e kallëzim në polici e Prokurorinë e Rrethit. Pikërisht ky denoncim ishte arsyeja që inspektorë të policisë shkuan pranë shtëpisë së Duros për ta njoftuar e thirrur atë në polici. Shtëpia e Duros në lagjen “Palorto”, në krye të rrugës kur ngjitesh për në pikën turistike të Kërçudhës mbi qytet, është një shtëpi e stërmadhe me avlli e kopsht. Pas thirrjes së punonjësve të policisë për t’u takuar me Duron, ai e refuzon një gjë të tillë e futet brenda në shtëpi, duke deklaruar se asnjë nuk duhet të hyjë, pasi është i armatosur. Fill në atë kohë ai gjuan dy-tre herë në ajër, duke paralajmëruar forcat e policisë se nëse do të tentonin, ai do të qëllonte. Menjëherë janë njoftuar forcat e gatshme të policisë dhe shtëpia e Kujtim Duros është mbajtur nën kontroll të plotë dhe e rrethuar deri në përfundim të operacionit.

BASHKËPUNIMI/

Komuniteti ndihmon policinë në operacion

Policia e Shtetit ka kryer një operacion model për nga ekzekutimi. Sipas banorëve të lagjes, që kanë qenë gjatë gjithë operacionit në ndihmë të forcave të policisë, Kujtim Duro ka qenë i vendosur për të mos u dorëzuar e në kushte depresioni, e ndoshta nën efektin e drogës, mund të kishte shkaktuar viktima. Policia e Shtetit në këtë operacion, jo vetëm ka treguar profesionalizëm, por dhe një ndjenjë të lartë bashkëpunimi me komunitetin. Vendosja e shtëpive në atë zonë gati njëra mbi tjetrën, vendi i pjerrët dhe rrugicat e ngushta, kanë qenë një vështirësi e madhe për realizimin me sukses të një operacioni që zgjati rreth 26 orë pa ndërprerje.

HISTORIA/ 58-vjeçari ishte dënuar edhe për përdhunimin e mbesës së tij

“Duro kryente marrëdhënie me të ëmën”

Kujtim Duro, sipas banorëve të lagjes, ishte plotësisht një monstër, pasi “bëmat” e tij nuk kanë të treguar. Kujtim Duro është dënuar katër herë nga drejtësia shqiptare. Herën e parë ai është dënuar për marrëdhënie seksuale me dhunë me mbesën e tij. Fqinjët flasin se ai kryente marrëdhënie seksuale forcërisht edhe me nënën e tij. Më pas është dënuar për grabitje. Një herë tjetër është dënuar për armëmbajtje pa leje. E përsëri i dënuar për përdhunim. Kujtim Duro ishte tip që nuk shkonte me asnjë në lagjen e tij. Jetonte vetëm. Zhdukej për ditë e muaj të tëra nga banesa e qyteti. Hyr e dil nëpër burgje. Konflikt me çdo fqinj. Ishte braktisur prej të gjithëve. I kishin mbetur vetëm dy motra pas vdekjes së nënës, rreth 20 vjet më parë. Njëra nga motrat ka varur veten disa kohë më parë. Tjetra e martuar në Lushnjë, as që e ka marrë ndonjëherë mundimin të vijë e ta shohë të vëllain e saj. Vetë Kujtim Duro punonte murator në një firmë private ndërtimi. Gjente punë ku të mundte, për të shtyrë ditët. Herë pas here punonte në Gjirokastër, por edhe në fshatra apo në zona larg qytetit. Askush nuk e dinte se si rridhte jeta e këtij vetmitari të madh, e sipas banorve të lagjes, edhe të monstrës së keqe, që herë pas here çudiste të gjithë me “bëmat” e tij.

NEGOCIATAT/ Specialtët e kanë arrestuar autorin, pasi ka hedhur armën vetë në tokë

Ja, operacioni minutë pas minute

Operacioni nisi në orën 11.00 të dy ditëve më parë. Prej atij momenti forcat e grupeve të gatshme e të ndërhyrjes së shpejtë kanë rrethuar shtëpinë e të kërkuarit Kujtim Duro. Menjëherë kanë nisur tentativat për negociim, duke i bërë thirrje Kujtimit t’i dorëzohet ligjit, drejtësisë shqiptare. Përgjigjja e tij ka qënë negative dhe për ta përforcuar këtë përgjigje, herë pas here Duro shtinte në ajër. Shefi i Komisariatit të policisë në Gjirokastër, Edmond Targaj tentoi për disa orë rresht të negocionte e të zgjidhte situatën, por pa rezultat. Ai përdori të gjithë mjetet në dispozicion me profesionalizëm të lartë, duke mos shkaktuar as panik dhe as ngjarje në lagjen e rrethuar e tek banorët e shumtë të lagjes, në pritje të zgjidhjes së “nyjes” së marrëzisë të Kujtim Duros. Rreth orës 19 e 20 minuta sillet në vendngjarje një nga njerëzit më të besuar të tij, Rahman Boçi, mik i babait të autorit. Rahmani kujdesej vazhdimisht për Kujtimin dhe ishte i vetmi njeri me të cilin ai pranoi të negocionte. Por edhe kjo përpjekje e policisë duket se dështoi. Rahmani doli nga avllia e ndërtesës së Duros dhe gjatë gjithë orëve të natës shtëpia ka mbetur e rrethuar. Herë pas here ai shtinte me armën e tij Kallashnikov që nga brenda, në ajër. Policia e ka mbajtur të rrethuar shtëpinë deri në mëngjes. Rreth orës 6 e 50 minuta të mëngjesit të djeshëm, nga shtëpia e Duros nisi të dilte flaka e një tym i zi dhe i dendur. Duro kish hipur në tavan dhe kishte spërkatur trarët e pjesët e drunjta të shtëpisë e më pas i kishte vënë flakën. Pas rreth 20 minutash shtëpia e vjetër gati 200-vjeçare është shembur si një kutizë, megjithë mbërritjen e zjarrfikëseve të mbrojtjes nga zjarri. Dera e jashtme e avllisë ishte e mbyllur dhe Duro ishte fshehur me armën e tij nga pas banjës së jashtme me soletone. Rreth orës 12.00 të paradites së djeshme mbërrijnë forcat e Reneas nga Tirana. Edhe forcat e Reneas kërkuan të negocionin me K.Duron dhe më në fund kur ata u bënë gati për ndërhyrje, K.Duro lajmëron se pranon të dorëzohet. Hedh armën dhe rreth orës 13 e 32 minuta, specialet e prangosin të kërkuarin Kujtim Duro

Marre nga gazeta - Dita.

[Xhuxhumaku]

E Merkure, 01 Qershor 2005


PEDOFILI PENGMARRES I DOREZOHET "RENEA"-S

Rajmond Taho

GJIROKASTER " Aventura e nje te moshuari te akuzuar per pedofili ne Gjirokaster, ka perfunduar pas 15 oresh raskapitjeje te uniformave blu dhe specialeve. Eshte dashur pikerisht nderhyrja e "RENEA-s" qe homoseksuali te trembej e te dorezohej me duar pas koke. Fatmiresisht, shkembimi i zjarrit i nisur oret e vona te mbremjes se hene, kur policet shkuan tek shtepia e Kujtim Duros, pas denoncimit te prinderve te nje 16 vjecari, ka perfunduar pa viktima. Adoleshenti peng eshte liruar dhe bashke me te u dorezua edhe pedofili. Por fakti me i cuditshem eshte se i mituri ka pranuar se prej tre vitesh kishte kontakte me Duron, i njohur edhe me pare per pedofili, nderkohe qe prinderit e djalit kane kryer denoncimin. I rrethuar ne shtepine e tij, ne lagjen e qytetit te gurte "Palorto", ne afersi te shkolles se mesme "Asim Zeneli", 58 vjecari eshte dorezuar pa kushte. Duke iu referuar burimeve te marra nga Drejtoria e Policise se Qarkut Gjirokaster, i ndaluari ne momentin e arrestimit kishte qelluar grupin e gatshem, te cilet po kryenin ekzekutimin e urdhrit te arrestit, pasi ai kishte konsumuar vepren penale te pedofilise.

Ngjarja

Askush nuk eshte ne gjendje te shpjegoje saktesisht te gjitha shkaqet qe sollen revoltimin e 58-vjecarit, Kujtim Duro. Deri tani jane hedhur ne "treg" dy versione te ndryshme, por qe kane te njejtin pike kulmore, ate te marredhenieve homoseksuale.

Duke iu referuar versionit te pare, 16-vjecari nga qyteti i Permetit, nxenes i shkolles se mesme industriale, emri i te cilit per arsye etike nuk identifikohet, kishte qe prej muajit prill qe kryente marredheniet seksuale kundrejt nje shume te caktuar.

Ndersa, duke iu referuar versionit te dyte, i ndaluari e kishte rrembyer 16-vjecarin dhe e kishte kercenuar me vdekje, me ndihmen e kallashnikollit, ne rast se nuk kryente me te aktet e turpshme.

Denoncimi

Ne oret e para te mengjesit te dites se hene, prane Drejtorise se Policise se Qarkut Gjirokaster, eshte kryer nje denoncim nga babai i djalit. Kaq i ka mjaftuar forcave te rendit, qe rreth ores 13:00, te shkonin ne shtepine e tij, per te kryer ekzekutimin e urdhrit te arrestin, por qe do te sillte pasoja te renda. Policet jane gjetur disi te papergatitur, kur i zoti i shtepise i ka "pritur" me plumba kallashnikovi "miqte", plumba qe fatmiresisht perfunduar larg kokave te policeve.

Ndalimi

Nese unifromat do te kishin nxituar, gjithcka do te quhej e deshtuar. Gjate kesaj kohe te gjitha negociatat per te mbyllur shpejt e shpejt kete ngjarje nuk kane "pire uje", madje ishin te pafuqishem te kontrollonin veprimet e pedofilit. I gjendur perballe presionit te bluve, Duro i ka vene zjarrin baneses se tij dhe ka zbritur ne bodrum. Rreth mesdites ne lagje jane shfaqur forcat speciale te "RENEA-s", qe kane bere rrethimin e plote te shtepis-_ltimatumi qe kane dhene specialet ka trembur pedofilin, i cili vendosi te dorezohej me ne fund pa kushte. Me pare liroi adoleshentin dhe me pas me duar pas koke ka kerkuar te mos qellohet se po dorezohej.

Hetimet

Policia mori ne pyetje pas ngjarjes edhe adoleshentin "peng" te homoseksualit. Femija mesohet te mos kete rrefyer shume gjera. Por ai ka pranuar se nje fare deshire e kishte shtyre te kishte marredhenie me 58 vjecarin Duro. Gjithsesi jane hetimet e mevoneshme ato qe do zbardhin gjithcka. Hetimet paraprake bejne te ditur per median se ndaj te ndaluari Duro jane ngritur te pakten pese akuza te renda, qe do ta mbajne per nje kohe te gjate ne paraburgim. Burime te policise thane se po diskutohet edhe per dy akuza te tjera, per te cilat do vendoset me vone dhe mund ta cojne numrin e pergjithshem ne shtate akuza. Nderkohe mesohet se Prokuroria e Rrethit te Gjirokastres ka grumbulluar provat materiale dhe po pergatit brenda nje kohe shume te shkurte dosje per te vleresuar masen e arrestit.

Ky eshte varianti i ngjarjes sipas Koha e Jone.

[Xhuxhumaku]

Kujtim Duro ka shkëmbyer zjarr me policinë dhe në mëngjesin e djeshëm i ka vënë flakën banesës së tij

Pedofili djeg shtëpinë, RENEA e arreston pas 24 orësh

V. Duri

GJIROKASTËR- Ka shkëmbyer zjarr me policinë, i ka vënë flakën dhe banesës së tij për t’i shpëtuar rrethimit, por është prangosur në mesditën e djeshme, falë ndërhyrjes së forcave të RENEA-s. Gati 24 orë Kujtim Duro, 58-vjeçari i denoncuar si pedofil ka “kalitur” durimin e uniformave blu të Gjirokastrës, e cila ka ndjekur me shumë kujdes ngjarjen, që përfundoi pa ndonjë incident. I rrethuar nga dhjetëra uniforma blu, Duro në momente të veçanta dilte në dritare dhe fliste sikur nuk kishte ndodhur asgjë, thanë për gazetën burime të policisë, por dhe banorë të lagjes “Palorto”, të cilët janë terrorizuar nga ngjarja. Herë herë ai kërcënonte policinë dhe qëllonte me breshëri arme ndaj saj, por fatmirësisht në radhët e uniformave blu nuk pati të dëmtuar. Sipas burimeve, një shoku i Duros, R.Buci, tentoi të hynte në negociata me të, por më kot. Si përgjigje Duro shkrehte armën. Tek fliste nga dritarja e banesës, thanë burime të policisë që ishin në vendngjarje, ai deklaronte duke qeshur “po kam kryer marrëdhënie seksuale me djalin. Më desh qejfi”. Në disa momente, ai filloi dhe të këndonte. Rreth 200 metra larg banesës së Duros, përgjatë gjithë kohës ka qëndruar një kordon me policë, në gatishmëri për çdo të papritur, derisa në mesditën e djeshme mbërritën forcat e RENEA-s, ndërhyrja e të cilave i dha fund ankthit.

Ngjarja.

Ngjarja që u përcoll me ankth dhe frikë nga banorët e qytetit jugor, sidomos gjatë orëve të natës, nisi me denoncimin që babai i një adoleshneti nga Përmeti, me inicialet A.M. bëri në policinë e Gjirokastrës në meditën e dy ditëve më parë. Babai i adoleshentit e akuzoi Duron për pengmarrjen e djalit të tij, nxënës në shkollën e mesme industriale të qytetit të Gjirokastrës. Babai i konviktorit e akuzoi Duron se ai kishte kryer marrëdhënie seksuale me dhunë me djalin e tij të mitur. Pas marrjes së këtij denoncimi, policia e Gjirokastrës ka ndërmarrë aksionin për arrestimin e 58-vjeçarit, që s’ishte i panjohur për ta. Mësohet se Duro ka qenë dy herë i dënuar për ushtrim dhune dhe një herë i dënuar me 8 vjet burg për kryerje të marrëdhënieve seksuale me dhunë. Uniformat blu nuk e kishin menduar se do të hasnin në rezistencën e 58-vjeçarit që qëndroi plot 24 orë i rrethuar. Ai nuk ngurroi të qëllonte ndaj tyre me armë zjarri, madje dhe dogji shtëpinë për t’i shpëtuar rrethimit. “Ishte një situatë tejet e vështirë, kur Duro i vuri zjarrin shtëpisë së tij, dhe vetë u izolua në një mjedis ku mund t’i shpëtonte flakëve. Banorët e terrorizuar nga breshëritë e armës së tij u frikësuan nga flakët që rrezikonin shtëpitë e tyre. Ndërhyrja e menjëhershme e zjarrfikëseve e stabilizoi situatën”,- thanë për gazetën burime nga vendngjarja. Sipas ligjit të Policisë së Shtetit, në raste të tilla policia lokale nuk ka kompetencë që të futet në banesë. Ndaj në mesditën e djeshme, në Gjirokastër kanë mbërritur forcat e RENEA-s të cilët rreth orës 14:00 kanë mundur të arrestojnë 58-vjeçarin e akuzuar për pedofili.

Konviktorët

Në konviktin e shkollës së mesme industriale të qytetit të Gjirokastrës dje ishte shumë e vështirë që të takoheshe me nxënësit që jetojnë aty, ndërsa kujdestarët kanë deklaruar se nuk prononcohemi lidhur me këtë ngjarje. Disa shokë të të miturit, që mendohet se ka rënë pre e 58-vjeçarit të akuzuar për pedofili, thanë për gazetën se ai “nuk ka qenë nxënës i dalluar, por as problematik “Si gjithë të tjerët, që në këtë shkollë vijnë pa dëshirë. Se në fund të fundit zanatçinj do bëhen”,- thanë shokët e tij, të cilët nuk pranuan të identifikoheshin. Sipas tyre, kohët e fundit konviktori nga Përmeti kishte bërë mungesa.

Kush është Duro

Banorët e lagjes ku është rritur 58-vjeçari që shkaktoi terror tregojnë për gazetën se ai ka qenë njeri problematik. Sipas tyre, Duro është divorcuar dy herë, pa përmendur bashkëjetesat e tij me ditë dhe javë. Banorët shkojnë deri atje sa të thonë se ai ka gënjyer disa femra të pafajshme, madje ka kryer veprime të turpshme dhe me nënën dhe mbesën e tij. Mësohet se Duro ka punuar si roje në spitalin rajonal “Omer Nishani” dhe prej disa kohësh ishte i pa punë. Pas ngjarjes që pëfundoi me arrestimin e tij, shumë kush e solli ndërmend si burri me kostum të bardhë. Askush që e njihte nuk foli mirë për të dhe shumëkujt nuk i erdhi keq që tashmë do të qëndrojë i izoluar në qelitë e komisariatit të Gjirokastrës. Edhe për policinë Duro nuk ka qenë i panjohur. Ai është arrestuar tre herë prej saj dhe në të tria rastet është dënuar nga drejtësia shqiptare. Dy herë ai është dënuar për ushtrim dhune, ndërsa një herë është dënuar me 8 vjet burg për kryerje të marrëdhënieve seksuale me dhunë, thanë për gazetën burime të policisë.

Djali
Kam shkuar me dëshirë me Kujtimin

“Askush nuk i tha babait që të bëjë denoncim në polici. Unë kam shkuar vetë tek Kujtimi, me ndërgjegje të plotë dhe me dëshirë”. Kështu mësohet të ketë thënë në polici djali 16- vjeçar, nxënës në shkollën e mesme industriale të Gjirokastrës. Ai ka thënë, ndër të tjera, se gjatë tre ditëve që nuk kishte qenë në shkollë kishte qendruar në shtëpinë e 58- vjeçarit dhe se gjithçka që flitej ishte e vërtetë. “Por çdo gjë me dëshirën time. Madje kisha disa muaj që shkoja tek Kujtimi, që nga muaji mars i këtij viti”,- mësohet të ketë deklaruar gjatë marrjes në pyetje adoleshenti.

Banorët
Duro ka përdhunuar nënën dhe mbesën e tij

Dëshmitarë në vendngjarje, banorë dhe komshinj të të dyshuarit për pengmarrjen e 16- vjeçarit, emri i të cilit nuk bëhet i ditur për arsye etike, janë terrorizuar nga breshëritë e armës së Duros. Ata nuk ngurruan të thoshnin se policia ishte e vonuar në ndërhyrjen për arrestimin e tij.E njohim që fëmijë, tha një grua rreth të 70-ave. “Nuk ka qenë i hajrit ai djalë. Ai është dëgjuar për kësi gjerash të turpshme edhe me nënën e tij. Po, po e ka përdhunuar të ëmën. S’ka qenë në rregull nga trutë ai djalë”,- përsërit gruaja e moshuar. Ajo vazhdon të thotë se Duro ka qenë i dëgjuar për vepra të turpshme dhe me mbesen e tij. “Na u tmerruan fëmijët nga krismat”,- tha një nënë e re , banore afër shtëpisë së 58-vjeçarit të akuzuar për pedofili, në zonën mbi gjimnazin “Asim Zeneli”. Banorët herë pas herë kanë kërkuar nga policia lokale që ajo të ndërhynte më parë, madje i kanë konsideruar të vonuara veprimet e saj. Një prej policëve i ka sqaruar ata se “nuk kemi kompetencë që të hyjmë”. Pas kësaj, një nga banorët i irrituar ka thënë se do të ndërhynte vetë për ta mbytur me duart e tij, fqinjin që për orë të tëra u kishte shkaktuar tension dhe terror në familje.

Ngjarja orë pas ore.
Ora 17:00 e së hënës, policia lokale shkon për të arrestuar 58-vjeçarin Duro, por dështon
Ora 20: 30 policia tenton të thyejë derën dhe të futet brenda, por qëllohet me armë nga Duro

Nga mesnata deri në mëngjesin e djeshëm policia ka qenë në përgjim të të kërkuarit për pedofili

Ora 07:00 e së martës,. Duro i vë flakën banesën. Vetë futet në një dhomë bodrum të katit të parë

Ora 07: 15 në vendngjarje mbërritën zjarrfikëset të cilat mundën të evitojnë mospërhapjen e flakëve
Ora 08:00 në vendngjarje ka ardhur dhe kryetari i bashkisë së Gjirokastrës, Flamur Bime.

Ora 08:30 një negociator, tenton të bindë Duron për t’u dorëzuar, por dështon. Kjo ishte tentativa e dytë
Ora 12:00, në vendngjarje mbërrijnë forcat e RENEA-s, të cilat kanë ndërhyrë për arrestimin e Duros
Ora 14:00, Kujtim Duro arrestohet nga policia dhe dërgohët në qelitë e komisariatit të Gjirokastrës




01/06/2005
KATEGORIA: Kronike nga rrethet Shekulli.