SOS - Mësimi plotësues i gjuhës shqipe në Greqi - Jepni ndihmën Tuaj!

[Xpert]

SOS
Viti i ri shkollor po afron. Nxënësit shqiptar si çdo vit do të gjejnë kohën të shkojnë në kurset e mësimit të gjuhëve të huaja dhe në sporte e në balet (dhe shumë mirë bëjnë).
Po në kurset për mësimin e gjuhës shqipe? Sa nxënës shkojnë? Sa fëmijë shqiptarë ka në shtetin Helen? Praktika tregon se kurse janë hapur në të gjithë Greqinë. Shpesh me sakrifica private të individëve apo shoqatave. Në të gjitha rastet që njohim këto kurse ofrohen FALAS. Këta janë rilindësit e rinj, siç shprehej publicisti Abdurahim Ashiku.
Por a i përkrah komuniteti këta «Rilindës të rinj» në punën e tyre fisnike? Praktika tregon se nuk përkrahen sa duhet.
PROBLEMI KRYESOR QË HASIN KËTO KURSE ËSHTË NUMRI I VOGËL I NXËNËSVE QË I FREKUENTOJNË.
Le të mos fshihemi nga vetvetja. Nuk mund ti thurim lavde gjuhës sonë dhe të botojmë shkrime akademike për bukurinë dhe lashtësinë e gjuhës sonë dhe në të njëjtën kohë fëmijët tanë të mos i çojmë të mësojnë shqip.
Le të përpiqemi të gjithë së bashku të ndryshojmë sadopak situatën që është tepër kritike. Të gjithë kemi fëmijë, nipër e mbesa ose miq që kanë fëmijë. Le të bëmi të gjithë misionar të gjuhës shqipe. Le ta propagandojmë atë.
Le të ndihmojmë të gjithë së bashku që fëmijët tanë të mësojnë gjuhën shqipe.

[Xpert]

Po botojmë disa adresa shkollash dhe kursesh të mësimit të gjuhës shqipe:

Athinë:

Shkolla Shqiptare e Athinës
Rruga Feron 15, kati 3
Athinë 10434
Tel. 2105203179 – Cel. 693 7187695
URL: www.bestxpert.com – E-mail: info@bestxpert.com

Selanink:

Shoqata Shqiptarët e Selanikut
 Dashmir Zace - shoq_nene_tereza@yahoo.com - 6972 466 475
 Mimoza Demollari - demolbar@yahoo.gr - 6944 05 44 61

Korinth

Marinela Duri - mduri@atenet.gr – Korinth - +3027480523

Volos

Esmeralda Kasaj - 6944102400

[Xpert]

Në vazhdim të kësaj teme.
Prej 22-25 korrik 2008 u zhvillua ne Struge, Fyrom Seminari mbarëkombëtar për mësimin e gjuhës shqipe ne diaspore, me mësueset dhe mësuesit e SHSHMP në diasporë.

Seminari 2008 realizoi këto qëllime e objektiva:
- Ishte një vazhdimësi konceptuale e seminareve të mëparshme dhe u zhvillua më tej si në përmbajtje ashtu edhe në përfshirje;
- Me përmbajtjet e tij të larmishme dhe me shumësinë e qasjeve, solli ndërveprim e ndëreflektim të konsiderueshëm profesional;
- Krijoi lidhje të reja komunikimi e bashkëpunimi ndërmjet personave, qarqeve dhe institucioneve me interes /në të gjitha lidhjet dhe shtrirjet; Atdhe- diasporë dhe anasjelltas , pastaj brenda Atdheut, ne kuadër te diasporave etj./ për zhvillimin e SHSHMP në diasporë;
- E zhvilloi edhe më tej bashkëpunimin me institucionet përkatëse të shteteve përkatëse në funksion të zhvillimit të SHSHMP në diasporë /ligjëruesja mysafire nga Ministria e Arsimit e Austrisë/;
- Provoi ta ngrinte në nivel të subjektit dhe të bashkorganizatorit edhe komunën e Strugës, që, në këtë rast, reprezentonte institucionin shtetëror të Maqedonisë;
- Rikonstatoi dhe rikonfirmoi edhe njëherë se Shkolla Shqipe e Mësimit Plotësues në diasporë është unike dhe edhe politikat shtetërore ndaj saj duhet të jenë unike apo se pakut të koordinuara ne nivel kombëtar;
- E mirëpriti, e “miratoi” dhe e afirmoi hartimin e Kurrikulës së SHSHMP në diasporë nga MASHT e Kosovës / dokument që u zbërthye dhe u interpretua profesionalisht në zërat e tij kryesor dhe iu shpërnda të gjithë pjesëmarrësve/ dhe konstatoi se tashmë ekziston një referencë institucionale kurrikulare e bërë enkas për SHSHMP në diasporë /e cila edhe do të duhej të zhvillohej në vazhdimësi/, dhe prej këtij viti duhet të zbatohet në praktikën mësimore-pedagogjike;
- Shtroi edhe njëherë zëshëm dhe argumentueshëm nevojën e shpejtimit të hartimit të teksteve mësimore KOMBETARE mbi bazën e Kurrikulës .....;
- Krijoi premisa të reja për ndërgjegjësimin dhe riorganizimin kulturor-arsimor të diasporave të reja /Greqi, Itali/ dhe të forcimit e të thellimit të përkujdesjeve të institucioneve të Atdheut ndaj tyre;
- Realisht në aspektin e përmbajtjeve profesionale brenda seancave plenare dhe të punëtorive u realizua në të gjithë zërat e tij /por, për shkaqe thjesht banale-procedurale ndërkufitare nuk u realizua në planin e vizitës qytetit të Pogradecit dhe të shtëpisë së Lasgush Poradecit !/;
- Ishte një kontribut në integrimet shqiptare;
- Ishte shumë i dukshëm opinioni që edicioni i radhës /2009/ të mbahet në Kosovë /Pejë apo gjetkë/.

Ju pershendes dhe Ju uroj nje vit te mbare dhe te sukseshem shkollor.