AC Milan vs Liverpool - (Foto & Lajme)

[Davius]

Ançeloti: Ishin gjashtë minuta çmendie


Karlo Ançeloti ka qenë pranë fitores së dytë të Ligës së Kampioneve me fanellën e Milanit, por ka dështuar. Pas ndeshjes, trajneri kuqezi ka dalë i trishtuar përpara gazetarëve dhe tha: "Kaluam gjashtë minuta çmendie, sepse skuadra luajti më mirë se Liverpuli në harkun e 120 minutave. Nuk kam çfarë t'u them futbollistëve të mi, ajo që ndodhi, ishte i pabesueshme. Luajtëm një futboll dominues për 120 minuta dhe në fund të një ndeshjeje, ku ishim në avantazh 3-0, detyrohemi t'i themi lamtumirë trofeut më të rëndësishëm sezonal. Jemi shumë të zhgënjyer dhe të mërzitur, por nuk ke ç'të bësh. Ky është futbolli."


Shevçenko: Nuk arrij ta besoj
Pas humbjes në finalen e Ligës së Kampioneve, sulmuesi ukrainas i Milanit, Andrij Shevçenko, u shpreh: "Nuk arrij ta besoj sesi u mundëm. Pritja e dyfishtë e Dudekut ishte me fat, edhe pse duhet të pranoj se portieri polak tregoi shkathtësi. Kemi zbritur me këmbë në tokë. Më vjen keq vetëm për një lojë me mund, që u hodh poshtë. Kjo do të thotë se vitin e ardhshëm do të bëjmë gjithçka për të fituar këtë trofe."


Berluskoni: Trajneri nuk preket
Silvio Berluskoni, menjëherë pas humbjes së Milanit në stadiumin "Ataturk", në finalen e Ligës së Kampioneve ndaj Liverpulit, u shpreh: "Eshtë e pabesueshme, por duhet ta pranojmë humbjen. Skuadra bëri të pamundurën dhe besoj se ajo që ndodhi sot, nuk përsëritet shpesh në fushat e lojës." Në lidhje me të ardhmen e Ançelotit, presidenti kuqezi tha: "Eshtë e vërtetë që e mbyllëm sezonin pa trofe, por unë e di mirë si është futbolli. Nuk do të marr masa, kësisoj trajneri nuk preket."

[Davius]

.,.,.........................

[Davius]

Xherrard: E meritojmë këtë sukses


Kapiteni i ekipit të Liverpulit, Stiven Xherrard, nuk gjente dot fjalët për të përshkruar gëzimin e tij pas fitimit të Ligës së Kampioneve. Në pjesën e dytë të takimit, 25-vjeçari ishte lideri i përmbysjes së "redsave", duke shënuar edhe golin e parë për ekipin e tij. Kjo mund të jetë ndeshja e fundit për Xherrardin me fanellën e Liverpulit, pasi lojtarit i skadon kontrata në fund të qershorit, por pas fitimit të Championsit, mundësitë e qëndrimit të tij te Liverpuli janë rritur shumë. Pas ndeshjes së fituar ndaj Milanit, Xherrardi tha: "Nuk arrij akoma ta besoj që fituam.

Në përfundim të pjesës së parë ishim në disavantazh të tre golave dhe unë mendoja se tani do të isha në lotë, por pas golit të parë filluam të shpresonim sërish dhe ia dolëm mbanë. Trajneri na tha të hidheshim në sulm, në kërkim të një goli që në minutat e para të pjesës së dytë, dhe besoj se shënimi i golit të parë ishte çasti i kthesës për ekipin tonë. Ndihem jashtëzakonisht i lumtur. Secili prej nesh e meriton këtë sukses. Nuk e kam marrë akoma veten nga gëzimi dhe nuk arrij të gjej fjalët e duhura për të përshkruar atë që ndiej. Tifozët ishin lojtari ynë i 12-të në takimin e sotëm. Ata na dhanë një ndihmë të jashtëzakonshme dhe nuk pushuan kurrë së kënduari." I pyetur për të ardhmen e tij, Xherrardi tha: "Së shpejti do të bisedoj me drejtuesit, por çdo gjë duket se po shkon mirë", - përfundoi Xherrardi.

[Davius]

..........,....................

[Davius]

Finalet e Liverpulit


Liverpul - Mynshengladbah 3-1
Në vitin 1977, Liverpuli fitoi Ligën e Kampioneve për herë të parë në historinë e klubit. Ata arritën një fitore 3-1 ndaj ekipit gjerman të Mynshengladbahut. Autorët e golave për "redsat" ishin Terri Mekdermot, Tomi Smith dhe Fill Nill, i cili realizoi golin e tretë, pas penalltisë së fituar nga Kevin Kigan.

Liverpul - Bryzh 1-0
Finalja u zhvillua në Londër, në vitin 1978, dhe përfundoi me fitoren e anglezëve me rezultatin 1-0. Goli i vetëm për "redsat" u shënua nga Kevin Kigan. Ky ishte suksesi i dytë radhazi për Liverpulin në Kupën e Kampioneve të asaj kohe.

Liverpul - Real Madrid 1-0
Pasi eliminoi favoritët e Bajernit të Mynihut, Liverpuli i vitit 1982 arriti të fitonte 1-0 në finale ndaj ekipit spanjoll të Realit. Goli i vetëm i takimit u shënua nga Alan Kenedi, i cili e çoi ekipin e tij në avantazh pas tetë minutave të para të takimit.

Liverpul - Roma 1-1, (4-2) pas penalltive
Liverpuli, nën drejtimin e trajnerit Xho Fagan, u kthye në Romë, atje ku anglezët fituan kupën e parë në vitin 1977. Roma ishte favorite, pasi luante në shtëpi, por miqtë ishin të parët që kaluan në avantazh, me anë të Fill Nillit. Për italianët barazoi Roberto Pruco dhe pas penalltive Liverpuli fitoi kupën e tretë të Championsit.

Juventus - Liverpul 1-0
Finalja e vitit 1985 ishte një finale për t'u harruar nga tifozët italianë. 39 prej tyre vdiqën në shkallët e stadiumit "Hejsel" të Brukselit. Liverpuli humbi finalen e parë të historisë së tij. Goli i vetëm për Juventusin u shënua nga francezi Mishel Platini.

Milan - Liverpul 3-3 (2-3 pen)
Finalja e këtij viti ka qenë suksesi i pestë për ekipin e Liverpulit në Ligën e Kampioneve. Një ndeshje, e cila dhuroi gjashtë gola, por u deshën penalltitë për të shpallur fituesin e këtij edicioni. Golat për Liverpulin u shënuan nga Stiven Xherrard, Vladimir Smicer dhe Luis Garsia. Heroi i ndeshjes ishte portieri çek, Jerzi Dudek, i cili priti dy 11-metërsha, duke i dhënë kupën ekipit të tij.

[Davius]

.................,..........

[Davius]

.........,...................

[Davius]

....,.,................

[Davius]

.........................,.

[Davius]

,.,.............