OKB i hap rruge shqyrtimit te standardeve ne Kosove

[mani]

OKB i hap rruge shqyrtimit te standardeve ne Kosove



PRISHTINE (25 Maj ) -OKB i hap rruge vleresimit te standardeve ne Kosove. Sekretari i pergjithshem i Kombeve te Bashkuara, Kofi Anan, deklaroi dje se provinca e vogel ballkanike ka arritur nje fare progresi, gje qe i mundeson bashkesise nderkombetare hapjen e bisedimeve per statusin. Sipas agjencise se lajmeve "Reuters", qe publikoi dje nje pjese te fjalimit te Anan-it ne mbledhjen e Keshillit te Sigurimit, brenda pak kohesh do te nise shqyrtimi i standardeve. Megjithate, sekretari i pergjithshem i OKB-se ka deklaruar se nuk eshte krejtesisht i kenaqur me ritmet e deritanishme te punes nga ana e udheheqesve te Kosoves. "Por shqyrtimi i progresit do te filloje kete vere nen supozimin se lideret e Kosoves kane bere 'progres te vazhdueshem dhe efektiv' drejt standardeve". Shefi i OKB-se deklaroi se "duhet te jete e qarte qe rezultati i vleresimit nuk do te paraqese rezultatin final", duke shtuar se "pritet qe edhe pas vleresimit te standardeve, perfaqesuesit e institucioneve te Kosoves dhe lideret politike te vazhdojne me perpjekjet e tyre per zbatimin e standardeve". Anan do te paraqese nje raport te hollesishem lidhur me situaten ne Kosove dhe qendrimin e OKB-se per zgjidhjen e ceshtjes pas dy ditesh ne nje mbledhje te posacme te Keshillit te Sigurimit. Ne kete mbledhje do te marre pjese edhe nje delegacion i UNMIK-ut, i kryesuar nga kryeadministratori Soren Jessen Petersen, i cili do te mbeshtese progresin e theksuar ne te gjitha standardet. Ndryshe nga mbledhjet e tjera, takimi i se premtes ne Keshillin e Sigurimit do te kete rendesi vendimtare per Kosoven, pasi do te vendose per shqyrtimin e standardeve nga OKB-ja ne provincen ballkanike. Lideret kosovare nuk do te marrin pjese ne kete takim, pasi nuk kane te drejte fjale. Por delegacioni serb pritet te paraqese nje strategji te posacme per Kosoven, qe parashikon me shume se autonomia por me pak se pavaresia per te. Nese Keshilli i Sigurimit do te vleresoje pozitivisht situaten ne Kosove, dhe do te miratoje raportin e Petersen-it, Kofi Anan do te emeroje nje te derguar special, i cili do te raportoje per permbushjen e standardeve. Kjo eshte hera e pare qe Kosova rikthehet seriozisht ne tryezen e bisedimeve te OKB-se, ne pritje te nje vendimi per hapjen ose jo te bisedimeve per statusin perfundimtar. em/em (GazetaShqiptare/Balkanweb)

[Davius]

Në raportin e tij për Këshillin e Sigurimit, që pritet të shpallet gjatë javës, sekretari i përgjithshëm i OKB-së, Kofi Annan, thotë se ai nuk është krejtësisht i kënaqur me ritmin e progresit të arritur deri tani nga ana e udhëheqësve të Kosovës. Gjithsesi, Annan ka njoftuar se brenda disa muajve pritet të fillojë vlerësimi i zbatimit të standardeve në Kosovë. Kjo do të thotë se zyrtarët e OKB-së ende i mbahen premtimet se bisedimet për statusin mund të nisin këtë vit.

Megjithatë, shqyrtimi i progresit duhet të rezultojë pozitiv në Kosovë, pasi vetëm në këtë mënyrë do të bëhej e mundur që bashkësia ndërkombëtare të merret me statusin afatgjatë të Kosovës, thuhet më tej në raportin e Annanit, një kopje të të cilit e kishte dje në zotërim Agjencia Rojter e Lajmeve. Më tej Annan ka thënë se “duhet të jetë e qartë se rezultati i vlerësimit nuk do të paraqesë konkluzion final”, - duke shtuar se “pritet që edhe pas vlerësimit të standardeve, përfaqësuesit e institucioneve të Kosovës dhe liderët politikë të vazhdojnë me përpjekjet e tyre për zbatimin e standardeve”.

Annan gjithashtu thotë në raport se ka planifikuar që së shpejti të caktojë një të dërguar special për të kryesuar ekipin e rishikimit të standardeve. Një nga emrat kryesorë të përfolur është Kai Eide, ambasadori i Norvegjisë në NATO. Raporti i tij del një javë pasi SHBA-ja tha se dëshironte që i gjithë komuniteti ndërkombëtar të lëvizë shumë shpejt për të zgjidhur statusin e Kosovës, i cili është lënë i papërcaktuar pas luftërave ballkanike të viteve ‘90. Kombet e bashkuara kanë caktuar një listë standardesh (tetë të tilla), mbi ligjin, rendin, funksionimin e institucioneve demokratike, sigurinë dhe të drejtat e njeriut, të cilat duhet të arrihen para se të hapet çështja e statusit të mundshëm të Kosovës. OKB-ja e ka qeverisur Kosovën që nga viti 1999, pas dëbimit nga fushata bombarduese e NATO-s së trupave serbe. Sipas procesit të përcaktuar nga Këshilli i Sigurimit, vendimi final për statusin e Kosovës i takon komunitetit ndërkombëtar.

Gjithë këtë vit diplomacia ka përmendur se mesi i vitit 2005 do të shënojë edhe fillimin e standardeve. Por ajo që mund ta shtyjë këtë afat është pikërisht progresi i arritur. Rusia që është anëtare e përhershme e KS-së dhe me të drejtë vetoje, i ka vënë vetes synimin që të shtyjë sa më shumë fillimet e bisedimeve për statusin. Fakti që Annan ka paralajmëruar se përmbushja e standardeve nuk është fort e kënaqshme, paralajmërohen raporte shqetësuese edhe në të ardhmen. “Duhet të kuptohet qartë se rezultati i rishikimit të gjithësishëm të standardeve nuk është një përfundim i ditur”, - tha Annan. “Gjatë dhe më pas këtij rishikimi të detajuar, përfaqësuesit e institucioneve të përkohshme të Kosovës dhe liderët politike të Kosovës do të shtrëngohen që të ndjekin dhe shtojnë përpjekjet e tyre për të përmbushur standardet dhe do të vazhdojnë të vlerësohen mbi këto baza”, - thekson Annan në raport.

Ky paralajmërim i Annan zbeh edhe optimizmin e madh me të cilin është nisur kryeadministratori i Kosovës, danezi Soren Jessen Petersen, i cili do të raportojë së shpejti në Nju Jork (më 27 maj) për progresin e tre muajve të fundit të Kosovës. Edhe kryeministri i Kosovës, Kosumi, është ftuar në këtë takim, por nuk dihet nëse ai do të shkojë. Gjithsesi, edhe sikur rishikimi i standardeve të jetë pozitiv, sipas planit amerikan edhe atij evropian për Kosovën, përcaktimi i statusit pritet të zgjasë disa vite. Këtë vit do të fillojnë bisedimet që do të përcaktojnë edhe një kalendar hapash, të cilët në fund do të çojnë në zgjidhjen e statusit përfundimtar. Ndërkohë, serbët kanë bërë të ditur se do të vendosin nëse do të hyjnë në institucionet e Kosovës, pas takimit të datës 27 maj të Këshillit të Sigurimit.

Shekulli.

[RTP]

Kosovarët reagojnë pas raportit të Ananit





Violeta Hyseni
Korrespondente e BBC-së në Prishtinë





Anan vëren se në Kosovë është shënuar progres i vazhdueshëm
Raporti i Sekretarit të Përgjithshëm të Kombeve të Bashkuara, Kofi Anan lidhur me gjendjen në Kosovë është vlerësuar si pozitiv nga institucionet dhe subjektet politike kosovare.
Në raportin e botuar në Nju Jork, zoti Anan vëren se në Kosovë është shënuar progres i vazhdueshëm në implementimin e standardeve, duke vërejtur në të njëjtën kohë se asnjë prej tetë standardeve nuk është përmbushur plotësisht.

Zoti Anan rekomandon që gjatë verës të bëhet vlerësimi i përgjithshëm i standardeve për Kosovën që do të hapte rrugën për fillimin e bisedimeve për statusit.

Zëdhënësi i qeverisë së Kosovës, Daut Dauti i tha BBC-së se qeveria e pranon raportin e zotit Anan.

"Qeveria e Kosovës e ka një ndejnjë se ky raport në Këshillin e Sigurimit do të vlerësohet si shumë pozitiv dhe se do të krijohet një bazë pas dëgjimit të këtij raporti nga e cila do të ecë edhe më tutje procesi i pavarësisë së Kosovës dhe procesi i zhvillimit demokratik i cili nuk supozohet se duhet të ndalet asnjëherë," tha zoti Dauti.

Për zyrtarë të opozitës, raporti i zotit Anan për Kosovës është real.

Nazim Jashari, deputet i Kuvendit të Kosovës nga partia opozitare Ora thotë se megjithëse Sekretari i Përgjithshëm i OKB-së vlerëson se standardet nuk janë përmbushur në tërësi, fakti që ai shtyn proceset përpara drejt zgjidhjes së statusit, flet për qasjen pozitive të bashkësisë ndërkombëtare ndaj Kosovës.

"Këtë qasje dhe këtë raport të zotit Anan ne e shohim si një qasje pozitive të krejt procesit në Kosovë për një arsye themelore, sepse vetë ky angazhim i të gjithë aktorëve ose shumicës së aktorëve të bashkësisë ndërkombëtare për të shkuar përpara në dejtim të fillimit të bisedimeve për statusin e Kosovës është pozitiv," tha zoti Jashari.

Nga ana tjetër, serbët e Kosovës janë shprehur të pakënaqur me përmbajtjen e raportit të Sekretarit të Përgjithshëm të OKB-së për gjendjen në Kosovë. Oliver Ivanoviq, drejtues i Listës Serbe për Kosovën thotë për BBC-në se raportit i mungojnë shumë hollësi që e tregojnë gjendjen reale në Kosovë.

"Nuk jemi aq të kënaqur me raportin, i cli gjendjen e paraqet më të mirë se sa është. Kjo megjithatë nuk është në interesin e akujt," tha zoti Ivanoviq.

Raporti i Sekretarit të Përgjithshëm të Kombeve të Bashkuara, Kofi Anan lidhur me gjendjen në Kosovë diskutohet të premten në mbledhjen e Këshillit të Sigurimit në Nju Jork.

Pritet që të merret edhe një vendim për caktimin e një të dërguari të posaçëm të Kombeve të Bashkuara që do ta bëjë vlerësimin gjithëpërfshirës të standardeve gjatë verës së këtij viti, në mënyrë që të vazhdohet më tutje me bisedimet për statusin përfundimtar.

[Llapi]

Kina dhe Rusia dy krahët e dobët të Serbisë në Këshillin e Sigurimit - Shkruan : Xhevat Bislimi


Kina dhe Rusia dy krahët e dobët të Serbisë në Këshillin e Sigurimit

Shkruan : Xhevat Bislimi

Mbledhja e Këshillit të Sigurimit edhe kësaj here u mbajt pa praninë e ndonjë përfaqësuesi të popullit shqiptar të Kosovës. Në këtë mbledhje Kosova u «përfaqësua» nga danezi, Soren Jesen Petersen, përfaqësues i veçantë i Sekretarit të Përgëithshëm të OKB-së. Kryeministri i LDK-së, Bajram Kosumi, si shumë herë deri më sot, bëri një «shaka» me popullin e Kosovës, duke gënjyer se «jam i ftuar të marrë pjesë në mbledhjen e Këshillit të Sigurimit, por nuk do të shkoj, sepse kemi besim të plotë te zoti Jesen Petersen»! Një fjalë e urtë e popullit tonë thotë: «Gjella me kripë e kripa me karar», zoti Kosumi!

Megjithatë, po të kihet «mirëkuptim» për pozicionin dhe rolin e Petersenit në çështjen e Kosovës mund të thuhet se raporti i tij në KS kësaj radhe ishte mjaft realist dhe i ekuilibruar. Raporti i tij do të ishte më i plotë dhe më i saktë po të përfshihej edhe çështja e dhimbshme e Kosovës, e cila vazhdon të prodhojë lotë, pakënaqësi, protestë dhe tension politik - çështja e kthimit të kufomave të gjenocidit dhe holokaustit serb në Kosovë. Gjatë kohës që po mbahej mbledhja «koincidoi» kthimi i 64 kufomave (eshtra dhe mbetje nga masakrimi dhe djegia e kufomave) në Kosovë! Të gjithë ata që e morën fjalën, por veçmas Peterseni, për shkaqe thjeshtë humanitare, kishte detyrim ta ngriste këtë çështje dhe ta trajtonte në atë mbledhje, para se të fliste për kthimin e atyre që i kanë masakruar, fshehur dhe djegur shqiptarët. Një dëshmitar i huaj në Gjykatën e Hagës e tha hapur se të gjithë burrat serbë të Kosovës kishin marrë pjesë në luftën kundër shqiptarëve. Kjo e vërtetë nuk mund të fshihet. Pa u njohur dhe pranuar botërisht kjo e vërtetë nuk mund të ketë përmirësim dhe «normalizim» të marrëdhënieve ndrënjerëzore shqiptaro-serbe. Pas holokaustit serb në Kosovë për pajtim dhe «vëllazërim» nuk mund të flitet as pas njëmijë vjete…

Përveç kësaj, në raportin e zotit Petersen kishte zënë vend të rëndësishëm «kthimi i serbëve në Kosovë». Kësaj melodie i ranë të gjithë ata që morën fjalën dhe pothaj se me të njëjtat nota. Dihet se nga Kosova janë larguar rreth 70 mijë serbë, ndërsa largimi i shqiptarëve kap shifrën 500 deri 700 mijë. Vend të rëndësishëm para kthimit të serbëve nga Serbia duhej të zinte kthimi i shqiptarëve nga pjesë të ndryshme të Kosovës në shtëpitë e tyre në Mitrovicën dhe Kosovën Veriore. Si nuk u tha një fjalë e vetme për këta shqiptarë dhe për ata që bredhin rrugëve të botës pa pasur mundësi të kthehen në shtëpitë dhe vendin e tyre?! Pastaj, si nuk u tha një fjalë për mijëra shqiptarë që vazhdojnë të largohen për ditë nga Kosova e duke shkuar edhe në Afganistan e Irak për të siguruar një kafshatë buke për vete dhe familjet e tyre?!

Në këtë mbledhje u «zbulua» edhe një e vërtetë që këmbëngulte ta fshihte Qeveria e LDK-së dhe vetë Bajram Kosumi - e vërteta për «decentralizimin». Aty u tha qartë dhe hapur se «decentralizimi» nuk është përfshirë në standardet për Kosovën, por duhet të bëhet për interesin e pakicave (kupto të pakicës serbe)! Secili shqiptarë tashmë e ka të qartë se qeverisëa e LDK-së dhe Kryeministri i saj janë përpjekur ta mashtrojnë dhe gënjejnë popullin e Kosovës, duke e paraqitur «decentralizimin» si interes të Kosovës! Faktori ekonomik dhe social si pengesë për kthimin e të gjithë atyre që duan të jetojnë në Kosovë është përmendur në raportin e Petersenit, por nuk i është dhënë pesha reale. Mendoj se për këtë faktor duhej të flitej më gjerë dhe më «fuqishëm», sepse ky faktor jo vetëm që po pengon kthimin e atyre që duan të kthehen, por po e zbraz Kosovën përditë nga pak…

Megjithëkëtë është hera e parë që përfaqësuesi serb, shovinisti i tërbuar, Nebojsha Çoviç dhe Serbia, morën një flakaresh të lehtë, në vend të një grushti hundëve, që e kanë merituar shumë kohë më parë… Në mbrojtje të tij u vunë hapur dy krahët e dobët të Serbisë, Kina dhe Rusia. Përfaqësuesit e këtyre dy shteteve u përpoqën ta mbronin politikën shoviniste serbe ndaj Kosovës dhe «këmbëngulën» që Serbisë «t’i njihej integriteti dhe sovraniteti mbi Kosovën»! Përgjigjen më të mirë Çoviçit, dhe përfaqësuesit rus dhe ati kinez, ua dha ambasadori zviceran. «Kosova, tha ai, de fakto është e ndarë nga Serbia që nga viti 1999… Kthimi i Kosovës nën Serbi as nuk është realist dhe as i dëshirueshëm…» Qëndrim pak a shumë të njëjtë mbajti edhe përfaqësuesi danez, ai britanik, e të tjerë. Një shuplakë mjaft të nxehtë Çoviçi dhe miqtë e tij ideologjik e shpirtëror e morën edhe nga deklarata e Bashkimit Evropian, e cila duket se ishte afruar bukur shumë me qëndrimin amerikan për çështjen e Kosovës.

Duhet të veçohet edhe paraqitja (fjalimi) i përfaqësuesit shqiptar, Agim Nesha, i cili përfaqësoi dhe mbrojti me dinjitet çështjen më të «nxehtë» dhe më të rëndësishme shqiptare dhe evropiane, Kosovën, në Këshillin e Sigurimit.

Si përfundim mund të thuhet se kjo ishte mbledhja më e favorshme për Kosovën. E keqja është se Kosova nuk ka klasë të aftë institucionale që ta kapitalizojë këtë «përparim» të Bashksisë Ndërkombëtare në çështjen tonë . Kosova «drejtohet» nga një klasë «institucionale» me hipoteka të mëdha nga e kaluara e tyre e zezë…

PDK-ja dhe mbështetësit e saj, në bashkëpunim me miqtë ndërkombëtar, po përpiqen ta tejkalojnë këtë gjendje institucionale tepër të pafavorshme për Kosovën dhe të ardhmen e saj. Edhe Qeveria e drejtuar nga Thaçi për qeverisje të mirë angazhimin dhe përqëndrimin kryesor duhet ta bëjë në këtë çështje jetike për Kosovën. Duket se edhe miqtë tanë amerikan janë të vendosur të na përkrahin në kompromisin që po bënë kombi ynë për një shtet sovran të Kosovës. Vetëm ky shtet mundet dhe do t’i garantojë liritë dhe të drejtat e njeriut dhe të pakicave. Bota, por edhe Serbia duhet ta ketë të qartë se nuk mund të ketë liri të pakicës serbe në kurriz të lirisë dhe të drejtës për vetëvendosje të shumicës absolute shqiptare. Ky mendim, kjo e vërtetë e padiskutueshme po gjenë vend dhe po piqet edhe në Këshillin e Sigurimit dhe në qendra të tjera ndërkombëtare. Mbetet që edhe shqiptarët të kryejnë detyrat e tyre…

[Llapi]

Anan emeron Kai Aide perfaqesues special per vleresimin e standardeve ne Kosove
Lajmi i ores 10:35 AM



UASHINGTON (4 Qershor ) -Sekretari i pergjithshem i Kombeve te Bashkuara Kofi Annan ka emertuar ambasadorin e Norvegjise ne NATO Kai Aide, si perfaqesuesin e tij special per te bere vleresimin e progresit ne zbatimin e standardeve per demokraci dhe shoqeri shumeetnike ne Kosove. Ne nje komunikate te organizates boterore thuhet se Kai Aide do te filloje vleresimin gjitheperfshires kete stine vere, duke i konsultuar palet dhe bashkesine nderkombetare. Annan arsyeton emerimin e Aide, duke u shprehur se ambasadori norvegjez eshte njohes i mire i rrethanave ne Ballkan dhe me pervojen e tij, "shenon njeriun ideal per te kryer kete detyre". Menjehere pas emerimit, Aide tha per BBC-ne se tani detyra e tij eshte te vleresoje standardet ne menyre te pergjithesuar, te vleresoj situaten politike dhe te mundohet te gjeje rrugen dhe menyren se si te ecet perpara. "Por nje pergjigje e imja ne kete kohe do te ishte e gabueshme," tha Aide. "Ajo qe do te doja te them, eshte se padyshim ka shenja te perparimeve ne disa fusha. Kemi pare perparime ne Prishtine dhe disa perparime ne Beograd, ne vecanti kur behet fjale per dialogun dhe kjo natyrisht se eshte pozitive", shtoi ai. Raporti i tij do te jete vendimtar per te mundesuar hapjen e bisedimeve per statusin perfundimtar te Kosoves. Ambasadori norvegjez ne NATO, Kai Aide, ka qene raportues i posacem i sekretarit te pergjithshem te OKB-se, per situaten ne Kosove pas trazirave te dhunshme te marsit te vitit te kaluar atje. Aide eshte i njohur si diplomat qe e njeh mire problematiken ne Ballkan dhe ai do te kaloje afro 8 jave ne terren, ne Kosove dhe ne rajon, per te hartuar rekomandimet e tij per sekretarin e pergjithshem te OKB-se. db/db (RTK-BBC/BalkanWeb)