Mbikqyrja e shtypit: TVSH haptazi pro qeverisë

[Dr Rieux]

Nga Panorama, 3 Qershor

Monitorimi: TVSH e hapur pro qeverisë

“TVSH-ja dhe radioja publike raportuan në një mënyrë fuqimisht mbështetëse karshi PS-së dhe qeverisë. Ato nuk e përmbushën rolin e tyre që të raportojnë në një mënyrë të balancuar, pavarësisht nga fakti se financohen drejtpërdrejtë nga taksapaguesit. Ne rekomandojmë që në të ardhmen ata të rishikojnë qëndrimin e tyre dhe të raportojnë në një mënyrë më të ekuilibruar”. Eshtë ky konkluzioni i raportit të paraqitur nga ana e shoqatave ACAC, ISO, IDRA dhe CTFI për monitorimin e mediave mbi mbulimin e fushatës zgjedhore nga 14-27 maji. Top Chanel dhe Egnatia TV janë dy televizionet që kanë qenë më të ekuilibruara në transmetimet e fushatës elektorale. Raporti vlerëson gazetën “Panorama” si më të ekuilibruar në pasqyrimin e aktiviteteve politike të partive. “Kjo gazetë ka një hapësirë dhe kontekst të baraspeshuar për dy partitë politike kryesore (PS 32%; PD 34%). Megjithatë, kur bëhet fjalë për vlerësimin cilësor, njëanshmëria është më e dukshme. PD-ja vlerësohet mjaft pozitivisht në krahasim me PS-në”, thuhet në këtë raport.




Ballkan
Kjo gazetë i ka dhënë më shumë dritë pozitive PS-së dhe i ka kushtuar 88% PD-së dhe PS-së bashkë. Hapësira e përgjithshme që u është kushtuar atyre është pothuajse plotësisht e baraspeshuar – PS (43 %) dhe PD (40%). Politikanët më të përfaqësuar janë Nano dhe Berisha, të cilët ndajnë një mbulim shumë të përafërt në lidhje me hapësirën. Meta siguroi 18 % të pasqyrimit. Udhëheqës të tjerë të partive si Gjinushi dhe Dule marrin mbulim më të madh se në gazetat e tjera. Në lidhje me mbulimin e kontekstit, vlerësimet favorizojnë qartazi PS-në në një raport gati 2:1 me PD-në, por Meta kishte një kontekst shumë favorizues me 7 sekuenca pozitive dhe dy negative.

Korrieri
Kjo gazetë është paksa mbështetëse e PD-së dhe LSI-së. Ndërsa si PS ashtu dhe PD zënë pothuajse të njëjtën hapësirë me rreth (28% dhe 27% respektivisht) dhe qeveria zë vetëm 3 %. Baraspesha shtrembërohet kur fjala vjen te PD-ja që ka kontekst më negativ (19) sesa pozitiv (14) dhe PS-ja të kundërtën (26 pozitive; 20 negative). LSI është partia e tretë me 16%, e ndjekur nga LZHK dhe të dy këto parti vendosen kryesisht në kontekst pozitiv. Panorama ndryshon kur u monitoruan udhëheqësit politikë. Meta është shumë afër Nanos dhe Berishës për sa i përket hapësirës së mbulimit. Mbulimi i kontekstit është pothuajse i përmbysur kur krahasohet me atë të partive politike.

Shekulli
Kjo gazetë mban qëndrim të dallueshëm mbështetës ndaj PD-së. Në lidhje me hapësirën, gjetëm se ka një prirje të qartë drejt PD-së pasi lajmet për PD-në zënë 47% të mbulimit në krahasim me 21% për PS-në, ndërsa mbulimi i qeverisë zë vetëm 12%. LSI vjen e treta me 10% të kohës totale të pasqyrimit e ndjekur nga Partia e Blertë me 4%. Nanos dhe Berishës i kushtohet gjerësisht e njëjta hapësirë mbulimi dhe ata ndiqen përkatësisht nga Ilir Meta dhe Gramoz Ruçi. Në lidhje me pasqyrimin kontekstual, PD mbulohet më pozitivisht në krahasim me PS dhe qeverinë së bashku. Berisha pasqyrohet më pozitivisht sesa Nano.

Panorama
Kjo gazetë ka një hapësirë dhe kontekst të baraspeshuar për dy partitë politike kryesore (PS 32%; PD 34%). LSI-ja zë një hapësirë më të madhe sesa në gazetat e tjera të monitoruara (20%) dhe konteksti është pozitiv. Megjithatë, kur bëhet fjalë për vlerësimin cilësor, njëanshmëria është më e dukshme. PD-ja vlerësohet mjaft pozitivisht në krahasim me PS-në. Citimet nga Nano zënë 29% hapësirë në krahasim me Berishën, citimet e të cilit zënë 24%. Edhe Ilir Meta është i mbuluar mirë, me 14 %. Nano mbulohet më pozitivisht nga ana kontekstuale se Berisha. Ilir Meta është i vendosur në një kontekst kryesisht pozitiv dhe asnjanës. Shumica e udhëheqësve të tjerë politikë zënë vetëm pak hapësirë me përjashtim të Genc Pollos të PDR-së, i cili zë 4% të hapësirës në kontekst pozitiv dhe asnjanës.

Koha Jone
Eshtë dukshëm mbështetëse e veprimeve të PD-së dhe mban qëndrime kundër qeverisë. Megjithëse kur bashkohet hapësira kushtuar PS-së dhe qeverisë, vëmë re se shifra arrin deri në 45%, por konteksti dhe paraqitja është dukshëm negative. LSI vjen e treta me 11% dhe vendoset kryesisht në kontekst pozitiv. PDK vjen e katërta dhe vendoset plotësisht me kontekst pozitiv. Për sa u përket përqindjeve për udhëheqësit politikë, vihet re e njëjta përqindje. Nano vjen i pari me 41% të hapësirës së përgjithshme, dhe vendoset kryesisht në kontekst negativ, ndërsa Berisha vjen i dyti me 27%, i vendosur pothuajse plotësisht në kontekst pozitiv.

Gazeta Shqiptare
Kjo gazetë ka raportim thuajse të barabartë për të gjitha subjektet dhe si shumë të tjera i kushton një pjesë të vogël hapësirës së qeverisë. Ajo i jep PS-së/qeverisë gati të njëjtin nivel mbulimi (PS 32%, qeveria 6%) që i jep PD-së (30%). PS dhe PD marrin pothuajse të njëjtin vlerësim, megjithëse qeveria vlerësohet kryesisht në kontekst pozitiv. Mbulim u jepet edhe partive të tjera, për shembull, LSI-së e cila vjen e treta, LZHK-së që vjen e katërta. LSI mbulohet kryesisht në dritë negative. Nano vjen i pari për sa i përket citimeve të shkruara ndërkohë që Berisha e ndjek nga afër. Vlerësimi pozitiv është mbisundues për Nanon ndërsa vlerësimet pozitive dhe negative për Berishën janë pothuajse të njëjta.

[Dr Rieux]

Nga TemA, 3 Qershor

Publikohet një raport i monitorimit të medias gjatë
periudhës para fushatës zgjedhore

Monitorimi, televizionet më shumë në krah të qeverisë

Koalicioni Shqiptar Anti-korrupsion publikoi ditën e
djeshme një raport mbi monitorimin e mediave përgjatë
periudhës paraelektorale përgjatë periudhës 14-27 maj
2005. Ajo që vihet re përgjithësisht është se mediat
vizive, ato që kanë dhe autoritetin më të madh në
përpunimin e opinionit publik, janë të prirura që të
përkrahin Partinë Socialiste dhe qeverisjen e saj.
Ndërsa gazetat e monitoruara duket se reflektojnë
barazi në pasqyrimin e informacioneve, por dhe aty
vihet diferenca në kahje pozitive për qeverinë.
Monitorimi i mediave është kryer nga katër organizata,
Koalicioni Shqiptar Kundër Korrupsionit, Instituti për
Sondazhe dhe Opinione, Instituti për Kërkime Zhvillimi
dhe Alternativa dhe nga Qendra për Transparencë dhe
Informacion të Lirë. Monitorimi i televizioneve është
kryer nga Instituti për Sondazhe dhe Opinione; i
radiove - nga Instituti për Kërkime Zhvillimi dhe
Alternativa dhe gazetave - nga Qendra për Transparencë
dhe Informacion të Lirë. Monitorimi është bërë pak
para nisjes së fushatës, ndaj dhe shërben si një
vlerësimin mbi sjelljen e medias në zonën gri,
ndërmjet ligjeve që kontrollojnë pasqyrimin e mediatik
gjatë zgjedhjeve dhe ndjeshmërive të lexuesve,
dëgjuesve dhe shikuesve në momentet kulmore përpara se
të nisë fushata zyrtare.
Në projekt janë përfshirë 23 monitorues dhe janë
monitoruar televizionet; TVSH, Top Channel, Klan, TVA,
Vizion Plus, News 24, Alsat, Teuta, Egnatia, radiot;
Radio Tirana, Top Albania Radio, Radio Rash, Radio +2,
dhe të gjitha gazetat politike pa kufizim.
Televizioni Alsat
Megjithëse ky stacion raporton kryesisht për qeverinë,
transmetimi i tij i jepte një shtytje të fortë PD-së,
për shkak se Alsat e pasqyron këtë parti me më shumë
sekuenca pozitive dhe PS-në në një kontekst më
negativ. LSI dhe PDR gjithashtu morën një sasi të
dukshme kohore në një dritë kryesisht pozitive. Përsa
u përket deklaratave të shkurtra, Nano mori pjesën më
të madhe të kohës për të folur drejtpërdrejt.

Televizioni Klan
Ky stacion tregoi mbështetje pothuajse të barazpeshuar
në kohë për PS/qeveri dhe për PD-në. Në kontekst ky
stacion është më pozitiv për PD-në, (106 pozitive dhe
41 negative), sesa për PS-në (99 pozitive dhe 74
negative). E njejta situatë qëndron dhe për
udhëheqësit politikë: Sali Berisha ka më shumë kohë
dhe në kontekst pozitiv sesa Fatos Nano, i cili mori
dy herë më shumë pasqyrim negativ krahasuar me
Berishën.

Televizioni NEWS 24
Ky stacion transmetoi një kohë të barazpeshuar
ndërmjet partive politike kryesore. Konteksti i këtij
informacioni ishte gjithashtu i barabartë. Megjithatë,
edhe koha që i jepej qeverisë dhe informacioni ishin
përgjithësisht pozitiv. NEWS 24 pasqyroi PS/Qeveri në
45 përqind të kohës, ku PD mori 25 përqind të
pasqyrimit. Nano ka epërsi përsa i përket kohës së
caktuar dhe ky pasqyrim është kryesisht pozitiv.

Televizioni Top Channel
Ky stacion priret të pasqyrojë në mënyrë të barabartë
të dyja partitë e mëdha me nga 26 përqind. Stacioni
transmeton pozitivisht aktivitetet e qeverisë me 20
përqind. Përsa i përket kontekstit, PS-ja ka një
avantazh të lehtë me 91 shprehje pozitive dhe 29
përmendje negative. Për PD-në, krahasimi është 72
pozitive dhe 43 negative. LSi-ja mori 6 përqind me 34
pozitive dhe 11 negative.

Televizioni Publik Shqiptar
Gjetjet sugjerojmë se TVSH është tepër mbështetës ndaj
PS-së, duke i dhënë asaj një pjesë të ndjeshme kohe
pozitive të transmetimit të tij me 33 përqind si dhe
duke i dhënë qeverisë një kohë të madhe prej 31
përqind. PD mori 15 përqind kohë, me më shumë se
gjysmën e saj si kontekst negativ. Nano ka përparësi
të trefishtë ndaj Berishës. Për më tepër, TVSH-ja jep
4 herë më shumë deklarata të shkurtra të Nanos sesa
Berishës.

Televizioni Koha
Ky stacion anonte nga PS dhe qeveria, pasi pjesën më
të madhe të kohës ia kushtonte të dyjave në mënyrë
mjaft pozitive. Ndërsa numri i rasteve të përmendjes
së PS-së në kontekst negativ ishte i barabartë me atë
të PS-së/qeverisë, dhe numri i informacioneve pozitive
ishte sa gjysma e partisë në pushtet. Nano mori dy
herë më shumë kohë për deklarata të shkurtra dhe u
përmend katër herë më shumë pozitivisht.

Televizioni Arbëria
Gjetjet tregojnë se ky stacion mbështet fuqishëm PS-në
dhe qeverinë. PD merrte 21 përqind të kohës së
programit politik në emisionet e lajmeve, ndërsa
PS/qeveria merrte 61 përqind dhe në lidhje me
kontekstin këto subjekte paraqiteshin tri herë më të
favorshme për PS sesa për PD-në. Në lajmet kryesore,
Nano merrte tri herë më shumë kohë transmetimi se
Berisha. Nano merrte në këtë stacion 38 informacione
pozitive dhe vetëm një negativ.

Televizioni Vizion Plus
Vizion Plus i kushtoi pjesën më të madhe të kohës
diskutimit për qeverinë. Ky raportim ishte i
barazpeshuar. Në këtë stacion ka një raportim të
barazpeshuar për PS/qeveri në lidhje me kontekstin,
por ekziston një dallim i madh në kohën kushtuar
PS-qeverisë në krahasim me PD. Raportimi për PD-në
ishte më pozitiv. Drejtues të PD-së morën më shumë
kohë me deklarata të shkurtra. Vlerësimi në kontekst
për Berishën ishte më pozitiv sesa negativ, dhe për
Nanon ishte i barazpeshuar.

Gazeta Korrieri
Kjo gazetë është paksa mbështetëse e PD dhe e LSI.
Ndërsa si PS ashtu dhe PD zënë pothuajse të njëjtën
hapësirë, dhe qeveria vetëm 3 përqind. Barazpesha
shtrembërohet kur fjala vjen tek konteksti kur PD ka
kontekst më negativ se pozitiv dhe PS-ja të kundërtën.
Meta është shumë afër Berishës dhe Nanos përsa i
përket hapësirës së mbulimit. Nano vendoset në
kontekst më negativ krahasuar me Berishën, kurse
konteksti pozitiv për të dy është i njejtë.

Gazeta Shekulli
Kjo gazetë mban një qëndrim mbështetës ndaj PD-së. Në
lidhje me hapësirën, gjetëm se ka një prirje të qartë
për PD, pasi lajmet për të zënë 47 përqind, në
krahasim me 21 përqind për PS. E treta vjen LSI me 10
përqind dhe më pas Partia e Blertë me 4 përqind.
Berisha pasqyrohet më pozitivisht se Nano. Meta,
Pollo, Mediu, Zogu, Gjinushi mbulohen kryesisht
pozitivisht. Ruçi nuk ka marrë asnjë pikë të vetme
pozitive.

Gazeta Panorama
Kjo gazetë ka një hapësirë dhe kontekst të
barazpeshuar për dy partitë politike. Megjithatë, kur
bëhet fjalë për vlerësimin cilësor, njëanshmëria është
më e dukshme. PD vlerësohet pozitivisht në krahasim me
PS-në. Ndërsa Nano mbulohet më pozitivisht nga ana
kontekstuale se Berisha. Ilir Meta është i vendosur
një kontekst pozitiv dhe asnjanës.

Gazeta Shqiptare
Kjo gazetë ka raportim thuajse të barabartë. Qeveria
vlerësohet kryesisht në kontekstin pozitiv. LSI
mbulohet kryesisht në dritë negative. Nano vjen i pari
përsa u përket citimeve të shkruara. Vlerësimi pozitiv
është mbisundues për Nanon, ndërsa vlerësimet negative
dhe pozitive për Berishën janë pothuajse të njëjta.
Politikanëve të tjerë iu jepet mbulim i pakët.