AC Milan vs Liverpool - (Foto & Lajme)

[Davius]

Me qenese tema tjeter do jete debat, kjo teme le te mbetet vetem si gallery dhe si vend ku do te postojme lajmet kryesore dhe fotot nga takimi....

[Davius]

Operacioni "simpatia" del me sukses. Turqit do të mbështesin kuqezinjtë, por anglezët do të jenë 30 mijë 25-05-2005

Milan buzëqesh: Stambolli është me ty!


"Ne nuk i duam anglezët në shtëpinë tonë, sepse shkaktojnë gjithnjë trazira", - thoshte të dielën në mëngjes Emreja, teksa mbërrinte në aeroportin "Ataturk". Ai kishte kohë që e kishte programuar një rikthim në këtë periudhë në shtëpi, por jo kështu, pa Interin. Për tri ditë pushimi. "Do të kishte qenë një ëndërr të luftoja për të fituar Ligën e Kampioneve në vendin tim. Të gjithë turqit do të kishin qenë interistë, por ja që tani do të jenë të gjithë milanistë. Por, për fat të mirë, sot në mëngjes do të largohem." Të gjithë milanistë, sepse anglezët s'i durojnë dot. Ishte edhe Emreja në Gallatasarain që më 05.04.2000 u përball në Stamboll me Lidsin, në gjysmëfinalen e Kupës UEFA. Një natë më parë, jashtë një lokali të Taksimit, gjatë një përleshjeje të pakontrollueshme mes tifozëve, humbën jetën dy huliganë: Kevin Spejt, pronarë "Pub"-esh dhe Kristofer Loftus, elektricist, baba i dy fëmijëve të moshës 3 dhe 8-vjeçare. "Ha futboll, pi futboll, vdis futboll", shkruajtën anglezët mes luleve në "Elland Road", duke u frymëzuar nga një parullë e "Coca Cola"-s.
Pati përleshje të mëdha edhe në Kopenhagen, me rastin e finales së mëpasme Gallatasarai-Arsenal, arsye për të cilën, kur dy përfaqësueset u ndeshën në vitin 2003, federatat vendosën t'i mbanin në shtëpi tifozët përkatës. Por kësaj here kontakti do të jetë i pashmangshëm. Anglezët do të mbërrijnë dhe do të jenë të shumtë. "Presim më shumë se 30 mijë vetë, - tha zv.konsulli anglez. - S'do të kenë të gjithë bileta? Atyre u intereson në radhë të parë që t'i qëndrojnë pranë skuadrës." Të mos e lënë vetëm, sikurse thotë himni i tyre, tani që mund të rishtrëngojnë veshët e një kupe, të cilën kanë 20 vjet që e presin. E megjithatë, thuajse të gjithë do të kenë bileta. 20.031 vendet e rezervuara për Liverpulin janë zhdukur sa hap e mbyll sytë. Por në Stamboll betohen se 7.200 të tjera janë "zhvatur" në tregun turk dhe në atë të internetit. Ka disa javë që në sheshin Taksim vijnë rrotull tipa me kartonë të shkruar në turqisht: "Blejmë bileta me çfarëdo lloj çmimi." Kështu që 150 eurot e sektorit më të lirë kanë shkuar në 1 mijë euro.

Prej javësh, oferta të tilla kanë pushtuar shtypin vendës, me saktësimin: "Ndalohet shitja e biletave në tregun e zi". Sepse bileta është personale dhe s'duhet të rishitet. Por në këtë pikë të vjen për të qeshur nëse mendohet se të gjithë 70 mijë personat e "Ataturkut" do të kontrollohen me dokument në dorë. Edhe për këtë arsye, "turq-matrapazë" kanë angazhuar miq italianë që t'u gjejnë klientë të gatshëm të blejnë bileta, por me çmim të dyfishuar. Kështu që rreziku i të paftuarve në kurbën e jugut ekziston, pra infiltrimin e anglezëve në sektorin e milanistëve. "Një bankier turk, - shpjegon Karmelo Mesina, - më kërkoi një biletë italiane për një bankier nga Liverpuli, që ka mbetur pa biletë. Iu përgjigja se në zonën italiane duhet të shkojnë vetëm italianë. Por si mund ta garantojnë se edhe të tjerët kanë vepruar si unë?". Kush është Karmelo Mesina? Me fjalët e tij: "Kryetari "VIP" i milanistëve të Romës, me veprimtari më serioze në Itali dhe Turqi." Ai jeton 15 ditë në Romë dhe 15 ditë në Stamboll. "Kujtimi im më i bukur si milanist është festa që organizova në tarracën time, pas finales së Barcelonës më '89-n. Kam vendin më të lartë në zonën Prati. Ishin Berluskoni, Konfalonieri dhe 7 ministra të Republikës." Me pak fjalë, dikush i dhënë për marrëdhëniet. Për këtë arsye është ngarkuar nga Milani, që të udhëheqë operacionin e "simpatia" në Stamboll. Në marrëveshje me Galianin, ai dërgoi në Milanelo një grup gazetarësh turq që drekuan dhe darkuan me skuadrën në një restorant luksoz në Brera. Kështu që të enjten gazetarët turq ishin të stërmbushur me foto ekskluzive dhe për këtë s'ngurruan t'i falënderonin publikisht kuqezinjtë. "Sa i sjellshëm Milani, - shkruanin ata, - na la të intervistonim veç e veç Maldinin dhe Shevçenkon, ndërkohë që gazetarëve italianë iu desh të mjaftoheshin me konferencat rituale për shtyp." Anglezët po bëjnë çmos për të hyrë në stadium, kurse kuqezinjtë për të hyrë në zemrat e turqve.


10 mijë forca sigurie në qytet
Finalja thuajse ka trokitur në Stamboll, ndërsa tifozët e Milanit e të Liverpulit vazhdojnë të zbresin në dy aeroporte të ndara dhe, nga ana tjetër, vazhdojnë masat e sigurisë në stadiumin "Ataturk" dhe në rrugët e zonat problematike të qytetit. Do të jenë të angazhuar rreth 9 mijë agjentë të forcave të rendit, që do t'u shtohen edhe 2 mijë e 600 të tjerë në brendësi të stadiumit, ku 1 mijë mes të cilëve do të jenë "të padukshëm" në publik. Rreth 600, për shembull, do të jenë të fshehur në tribuna, të gatshëm për të ndërhyrë në rast incidentesh. Ndërkohë, agjentë të tjerë të policisë së Stambollit janë në gjurmë të 5.000 biletave të hedhura në tregun e zi.

Me të kuqe fitohet, Liverpuli qesh
Është e kuqja ngjyra e fitores. Sipas një studimi të dy antropologëve anglezë të Universitetit të Durhamit, skuadrat që kanë ngjyra të kuqe, fitojnë 7 në 10 herë. Një lajm që pa dyshim nuk e kënaq Milanin, duke parë që Liverpuli do të zbresë në fushë pikërisht me fanellën e zakonshme, të kuqe. "Megjithatë, ky rregull vlen vetëm kur skuadrat kanë të njëjtën forcë, përndryshe nuk vlen më", - shpjeguan kërkuesit.

Në finale, edhe 50 parlamentarë italianë
Rreth 50 deputetë dhe senatorë do të jenë në finalen e Stambollit. Parlamentarët kuqezinj do të shkojnë drejt tokës turke me një avion të posaçëm, të rezervuar nga presidenti i "Milan Club Montecitorio"-s, Antonio Verro.

Maradona, koment finales për "Sky"
Diego Armando Maradona do të jetë një komentator i veçantë për televizionin italian me pagesë, "Sky", për finalen e Stambollit mes Milanit dhe Liverpulit. Ylli argjentinas do të lidhet drejtpërsëdrejti me studiot televizive të këtij kanali, përpara dhe pas finales, në kuadër të një programi prej 29 orësh, që është përgatitur nga rrjeti televiziv për finalen e Ligës së Kampioneve.

Finalja e shtatë për Maldinin
Finalja e Stambollit do të jetë e shtata për Paolo Maldinin, në karrierën e tij. Kapiteni i Milani ka luajtur në të gjitha finalet e epokës Berluskoni. I vetmi që ka bërë më mirë se numri 3 i Milanit, ka qenë spanjolli i Realit, Fransisko Gento, që ka luajtur tetë finale të tilla. Edhe Ançeloti synon rekordet. Kjo, pasi në rast se trajneri kuqezi do të fitojë, do të bëhet trajneri i 13-të që fiton Ligën e Kampioneve, dy herë me të njëjtën skuadër."

Rruga për në Stamboll
Milan
Faza në grupe
Milan - Shahtior 4-0 (1-4)
Milan - Barcelona 1-0 (1-2)
Milan - Sëlltik 3-1 (0-0)
në 1/8-t
Milan - Mançester 1-0 (1-0)
Në çerekfinale
Milan - Inter 2-0 (3-0)*
Në gjysmëfinale
Milan - PSV Eindhoven 2-0 (1-3)
* aforfe
Liverpul
Faza në grupe
Liverpul - Monako 2-0 (0-1)
Liverpul - Olimpiakos (3-1) (0-1)
Liverpul - Deportivo 0-0 (0-1)
në 1/8-t
Liverpul - Leverkusen 3-1 (3-1)
Në çerekfinale
Liverpul - Juventus 2-1 (0-0)
Në gjysmëfinale
Liverpul - Çelsi 1-0 (0-0)

Finalja e dhjetë për Milanin
1957/58 Real M ? Milan 3?2
1962/63 MILAN ? Benfika 2?1
1968/69 MILAN ? Ajaks 4?1
1988/89 MILAN ? Steaua B 4?0
1989/90 MILAN ? Benfika 1?0
1992/93 Marsejë ? Milan 1?0
1993/94 MILAN ? Barcelona 4?0
1994/95 Ajaks ? Milan 1?0
2002/03 MILAN ? Juventus 0-0 (3?2 pen)
... e gjashta për Livepulin
1976/77 LIVERPUL ? M'gladbah 3?1
1977/78 LIVERPUL ? Bryzh 1?0
1980/81 LIVERPUL ? Real M 1?0
1983/84 LIVERPUL ? Roma 0-0 (5?3 pen)
1984/85 Juventus ? Liverpul 1-0

Eshtë finalja më e "titulluar" e historisë
Kurrë në të kaluarën nuk janë ndeshur me njëra-tjetrën në finale dy skuadra, që së bashku kanë fituar dhjetë herë Ligën e Kampioneve. Milanit i mungon vetëm Kupa UEFA, ndërsa Liverpuli nuk ka fituar asnjë Kupë Interkontinentale. Deri tani, Juventus-Real Madrid në vitin 1981, Milan-Ajaks në vitin 1995 dhe Real-Juventus në vitin 1998 kishin qenë finalet, ku në fushë do të luanin dy skuadra që së bashku kanë fituar tetë Liga Kampionesh.
Trofetë e fituar nga Liverpuli dhe Milani
Milan Liverpul
Tituj kampionë 17 18
Kupa kombëtare 5 6
Superkupa kombëtare 5 14
Liga Kampionesh 6 4
Kupa Kupash 2 -
Kupa UEFA - 2
Superkupa Europe 4 2
Interkontinantale 3 -

Përballjet italo-angleze në finale
Ja cilat kanë qenë rezultatet e përballjeve të skuadrave italiane me ato angleze, në finalet e kupave të Europës. Italianët janë në avantazh 6-3.
Liga e Kampioneve
1983/84 Roma ? LIVERPUL 0-0 (3?5pen)
1984/85 JUVENTUS ? Liverpul 1?0
Kupa e Kupave
1972/73 MILAN ? Lids 1?0
1993/94 ARSENAL ? Parma 1?0
Kupa UEFA
1960/61 ROMA ? Birmingem 2?0 (2?2)
1970/71 Juventus ? LIDS 2?2 (1?1)
Superkupa
1984 JUVENTUS ? Liverpul 2?0
1994 Arsenal ? MILAN 0?0 (0?2)
1999 LACIO ? Mançester U. 1?0

Libri i Artë
1956 Real M.
1957 Real M.
1958 Real M.
1959 Real M.
1960 Real M.
1961 Benfika
1962 Benfika
1963 Milan
1964 Inter
1965 Inter
1966 Real M
1967 Sëlltik
1968 Mançester U.
1969 Milan
1970 Fejënord
1971 Ajaks
1972 Ajaks
1973 Ajaks
1974 Bajern M
1975 Bajern M
1976 Bajern M
1977 Liverpul
1978 Liverpul
1979 Notingem F
1980 Notingem F
1981 Liverpul
1982 Aston V
1983 Hamburg
1984 Liverpul
1985 Juventus
1986 Steaua B
1987 Porto
1988 PSV Eindhoven
1989 Milan
1990 Milan
1991 Crvena Zvezda
1992 Barcelona
1993 Marsejë
1994 Milan
1995 Ajaks
1996 Juventus
1997 Dortmund
1998 Real M
1999 Mançester U
2000 Real M
2001 Bajern M
2002 Real M
2003 Milan
2004 Porto

[Davius]

Size, i bindur: Benitez, sekreti ynë

Sulmuesi i Liverpulit, Djibril Size, është rikuperuar në mënyrë të pabesueshme nga dëmtimi i shtatë muajve më parë, gjatë ndeshjes në kampionat ndaj Blekbërnit. Francezi pësoi një frakturë të dyfishtë të këmbës së djathtë dhe kjo mund ta linte jashtë finales së Stambollit. Vullneti për t'u rikthyer sa më shpejt në fushë, i dha mundësi Sizesë të jetë i gatshëm për finalen e sotme ndaj Milanit. "Isha i sigurtë se mund të rikthehesha të luaja përsëri gjatë këtij sezoni. Kur pëson një dëmtim të rëndë, duhet të jesh i fortë në mendje, pasi duhet të punosh shumë dhe të besosh se mund t'ia dalësh. Unë jam mësuar kështu, pasi kam një personalitet të fortë dhe vullnet në momentet e vështira. Nuk kisha asnjë dyshim që do të rikthehesha. Disa thoshin që karriera ime ishte e përfunduar. Për mua ishte e vështirë të dëgjoja ato fjalë, pasi doja të rikthehesha me çdo kusht," - deklaroi sulmuesi francez. Size konfirmoi momentin e mirë që po kalon, pasi shënoi dy gola në ndeshjen e fundit të kampionatit ndaj Aston Vilës. Ai pranoi se dy golat e shënuar do t'i jepnin më shumë siguri në vetvete, në ndeshjen ndaj Milanit: "Kur dëmtohesh rëndë, nuk ke asnjë zgjidhje tjetër.

Duhet të kesh durim dhe të punosh, për t'u rikthyer si më parë. Këmba ime ishte e thyer dhe nuk mund të rrija në këmbë. Ishte shumë e lodhshme për mua. Ai ka qenë momenti më i vështirë në karrierën time. Rikthimi në fushën e blertë ishte një moment gëzimi. Më erdhi keq që luajta ndeshjen e parë larg "Anfield Road"-it, por isha i lumtur që ndodhesha përsëri midis shokëve të ekipit." Edhe pse Milani është favorit për ta fituar finalen e Stambollit, Size u shpreh se pika e tyre e dobët ishte besimi i tepërt në vetvete. "Milani mendon se do të jetë një ndeshje e lehtë, por mbase ky është gabimi i tyre. Unë mendoj se nuk do ta kenë aq të lehtë. Do t'i duhet të djersisin shumë për të na mposhtur. Fakti që ata vuajtën shumë ndaj PSV-së, tregon se edhe ata kanë dobësitë e tyre. Nga ajo ndeshje mësova se asgjë nuk është e pamundur.

Nuk duhet të frikësohemi nga ata, por duhet të përqendrohemi mbi atë që mund të bëjmë," - deklaroi Sizeja. Një sukses në ndeshjen e sotme do ta ndihmonte trajnerin Benitez, që të konfirmonte reputacionin e tij si një nga trajnerët më të mirë në qarkullim. Size e vlerësoi trajnerin e tij më shumë se portugezi Mourinjo, i cili fitoi Championsin e vitit të kaluar, me ekipin e Portos: "Rafa është një nga trajnerët më të mirë që kam pasur. Ai është shumë i zgjuar dhe di ta përshtasë ekipin në sisteme të ndryshme. Besoj se nuk ka asgjë më pak se Mourinjo, madje Benitezi është më i mirë se ai. Ai e di se kur duhet të tregohet i sjellshëm dhe kur duhet të jetë autoritar. Benitezi u jep lojtarëve atë që u nevojitet. Mendoj se është sekreti i vërtetë i ecurisë së Liverpulit në këtë edicion të Championsit," - përfundoi Size.

[Davius]

Benitez: Nuk kemi ç'të humbasim

Trajneri i Liverpulit, Rafael Benitez, deklaroi se nuk kishte në plan asnjë lloj taktike për të eliminuar kërcënimin e sulmuesit ukrainas të Milanit, Andrij Shevçenko. Në finalen e sotme, sulmuesi i Milanit do të jetë kërcënimi kryesor për portën e Liverpulit, por Benitezi deklaroi: "Nëse mendojmë vetëm për Shevçenkon, do të ishte një gabim i madh. Ata kanë shumë lojtarë të rrezikshëm dhe ne duhet të marrim në konsideratë secilin prej tyre. Nuk mund t'ia lejojmë vetes të neutralizojmë vetëm Shevçenkon, pasi do të linim pas dore Kakanë, Pirlon ose Krespon, të cilët janë lojtarë që shënojnë shpesh." Benitezi u shpreh optimist për finalen e sotme, duke hedhur poshtë deklaratat e mediave të ndryshme, të cilat e cilësuan arritjen e Liverpulit në finale, si një goditje fati: "E përsëris edhe një herë se nuk jemi në finale, pasi ishim me fat. Kush të dojë, të rishikojë kasetat e ndeshjeve tona dhe do të bindet që kemi luajtur vërtet mirë.

Çdo ndeshje është e ndryshme nga tjetra. Ndaj Juventusit dhe Çelsit na u desh të luanim më shumë në mbrojtje, por ndaj Milanit nuk kemi mundësinë e ndeshjes së kthimit, prandaj nuk kemi çfarë të humbim. Do të mundohemi të luajmë mirë dhe të përqendruar. E dimë se sa e rëndësishme është kjo ndeshje për klubin dhe lojtarët, por nuk ndihemi nervozë, përkundrazi, jemi të qetë dhe kemi shumë besim në vetvete. Nuk kemi asgjë për të humbur, por kemi shumë për të fituar, kështu që do të mundohemi të bëjmë më të mirën. Për formacionin e plotë nuk kam vendosur akoma. Dje, gjatë stërvitjes, Kjuelli luajti pas Sizesë dhe funksionoi gjithçka mirë, por do të më duhet të shoh deri në momentin e fundit formën e çdo lojtari. Jemi të përgatitur shumë mirë, si fizikisht, ashtu edhe psikologjikisht. Barosh? Do të jetë i gatshëm për të luajtur dhe kjo është një siguri më shumë për mua. Ai mund të jetë vendimtar në momentet më të vështira", - përfundoi Benitezi.

[Davius]

Gonzalez: Finalja për mua është një nder

Gjyqtari i ndeshjes finale të Ligës së Kampioneve do të jetë spanjolli Mejuto Gonzales. 40-vjeçari ka arbitruar edhe më parë një ndeshje të ekipit të Milanit.

Gonzales ishte gjyqtari i ndeshjes në 1/8 e Championsit, ku Milani fitoi 1-0 ndaj ekipit të Mançesterit. Një gol i Krespos në minutat e fundit të takimit idha fitoren ekipit italian. Në një intervistë të dhënë për UEFA-n, Gonzales deklaroi: "Për një gjyqtar është shumë e vështirë të arrijë nivelet maksimale në vendin e tij dhe është akoma më e vështirë ta bësh këtë në arenën ndërkombëtare. Të jesh gjyqtari i finales së Ligës së Kampioneve, është një privilegj i madh për mua. Shpresoj të jem në lartësinë e duhur, pasi sot do të përfaqësoj edhe vëndin tim.

Gonzales ka nisur karrierën e tij si gjyqtar në Primera, në vitin 1995, kurse në UEFA, në vitin 1999. "Eshtë një gëzim i madh për mua dhe gjithashtu një nder i madh. Kur je i ri nuk e mendon se një ditë munmd të të ndodhë një gjë e tillë", - përfundoi Gonzalesi.

[Davius]

Dudek: Jam gati për 11-metërshat

Portieri i Liverpulit, Jerzi Dudek, u shpreh i gatshëm për finalen ndaj Milanit, edhe në qoftë se ndeshja do të shkonte me penallti.
"Për shumë njerëz, finalja midis Juventusit dhe Milanit ishte ndeshja më e shëmtuar në historinë e finaleve të Ligës së Kampioneve dhe mund të ndodhë përsëri në finalen e sotme. Gjatë 11-metërshave është shumë e rëndësishme të arrish të futesh në mendjen e kundërshtarit. Nuk jemi praktikuar për 11-metërshat, por ndihem i gatshëm, në rast se ndeshja do të mbyllet e barabartë."

Hipia: Stambolli, shansi im i fundit
Mbrojtësi finlandez i ekipit të Liverpulit, Sami Hipia, kërkon medoemos të arrijë fitoren e këtij edicioni të Ligës së Kampioneve.
"Jam shumë i përqendruar te kjo ndeshje. Shpresoj të sjellim kupën në Liverpul. Ky mund të jetë shansi im i fundit për ta fituar këtë kupë dhe nuk mund ta humbas." I pyetur për ukrainasin Shevçenko, ai u përgjigj: "Eshtë një nga sulmuesit më të mirë në botë. Ndaj tij do të jetë me të vërtetë e vështirë", - përfundoi Hipia.

Barosh: Kjo është finalja e duhur
Pasi mungoi në finalen e Kupës së Ligës, ku ekipi i Liverpulit humbi 3-2 ndaj Çelsit, Milan Barosh u shpreh se tashmë ishte gati për finalen më të rëndësishme të karrierës së tij: "Fakti që nuk luajta në finalen e kupës, bën që kjo ndeshje të jetë më e rëndësishmja e karrierës sime. Në jetë mund të të jepet vetëm një herë mundësia për të luajtur në finalen e Ligës së Kampioneve. Kjo është ëndrra e çdo futbollisti", - përfundoi Baroshi.

Alonso: Endërroj të shënoj golin e fitores
Mesfushori spanjoll i ekipit të Liverpulit, Ksabi Alonso, ëndërron të jetë autori i golit vendimtar në finalen e sotme dhe të arrijë të ngrejë kupën për Liverpulin, pas 21 vitesh. "Kemi mbërritur në sfidën më të rëndësishme dhe meritë të madhe për këtë ka trajneri Rafa Benitez. Ai është një trajner me mentalitet fituesi. Tifozët e duan, pasi ka risjellë Liverpulin në majat e futbollit europian. Në finale mund të ndodhë gjithçka," - deklaroi Alonso.

Luis Garsia: Kam bërë zgjedhjen e duhur
Mesfushori i talentuar i Liverpulit, Luis Garsia, erdhi në fillim të këtij sezoni nga ekipi kampion i Barcelonës, por nuk pendohet për vendimin e tij. "Kam folur disa herë me lojtarët e Barçës dhe ata janë shumë të lumtur që fituan titullin. Unë mund të isha një prej tyre, por nuk pendohem për ardhjen time në "Anfield". Jam i lumtur për ata, por mendoj se kam bërë zgjedhjen e duhur," - përfundoi Garsia.

[Davius]

Shevçenko: Më të fortë se Liverpuli

Përpara dy vjetësh, Andrij Shevçenko ka shënuar "penalltinë e artë", në finalen e Ligës së Kampioneve që Milani luajti kundër skuadrës tjetër italiane, Juventusit, në "Olld Traford". Ishte një mbrëmje, ku urkainasi Shevçenko, një nga sulmuesit më të mirë në Europë, kishte në dorë të gjithë sezonin e skuadrës së tij. Përsa i përket përgatitjes së tij për ndeshjen e sotme finale kundër Liverpulit, duket se është krejtësisht e ndryshme. Pra kjo finale e dytë ka një tjetër emocion. "Kjo është krejtësisht një eksperiencë e ndryshme në krahasim me atë të Mançesterit, - ka thënë sulmuesi i Milanit. - Për disa nga lojtarët tanë, kjo do të jetë finalja e parë, për këtë arsye kërkohet një përgatitje tjetër. Pra të gjithë jemi duke provuar një tension tjetër dhe një emocion të veçantë.

Tashmë, pasi kanë kaluar dy vjet nga ajo finale në stadiumin e Mançesterit, jemi në Stamboll, ku shpresojmë të arrijmë një tjetër sukses, - ka vazhduar Andrij Shevçenko, sulmuesi i skuadrës taliane të Milanit. - Në ndeshjen kundër Juventusit na duhej të provonim forcën tonë, ndërsa kundër Liverpulit jemi kundërshtarë të fortë dhe favoritë, midis këtyre dy gjërave ka shumë ndryshim. Mendoj se jemi më të fortë se skuadra e Benitezit." Për Shevçenkon, në këto dy vjet kanë ndodhur shumë ndryshime në jetën e tij profesionale dhe personale. Në këtë sezon, në kampionatin italian, 24 golat e shënuar kundrejt 32 ndeshjeve, nuk e kanë ndihmuar skuadrën e tij që të fitonte titullin kampion. Gjithashtu nuk mund të lëmë pa përmendur "Topin e artë" që mori në muajin dhjetor. Përsa i përket jetës private, ai përveç se është bërë një bashkëshort, tashmë është edhe baba.

"Gjëja më e rëndësishme është që do të përballemi të qetë me Liverpulin, megjithatë kjo nuk do të thotë se ne nuk e ndiejmë presionin e madh që vjen nga kjo finale e Ligës së Kampioneve, që është një nga veprimtaritë më të mëdha europiane. Duhet të kujtojmë gjithashtu se nuk ka më ndeshje kthimi, pra luhet vetëm një herë për trofeun." Ish-sulmuesi i Dinamos së Kievit ka kaluar dy sezone shumë të suksesshme, megjithatë, të enjten pa se ishte Juventusi ai që festonte fitoren e kampionatit italian. Sipas ukrainasit, Milani e humbi sezonin me humbjen 1-0 në ndeshjen e drejtpërdrejtë kundër Juventusit. Po sipas tij, kjo disfatë e kuqezinjve mund të rrisë më shumë dëshirën për fitore në këtë finale në Stamboll. "Humbja e kampionatit nuk na ka demoralizuar, përkundrazi, na ka rritur dëshirën për të fituar këtë finale. Shpresojmë që të kthehemi nga Stambolli me trofeun e Ligës së Kampioneve," - ka përfunduar Andrij Shevçenko.

[Davius]

Anceloti: Milani është gati


Trajneri Ançeloti deklaron se Milani po kalon një formë të mirë dhe është gati për t'u përballur me Liverpulin, të mërkurën, në finalen e Ligës së Kampioneve. Ançeloti shpreson të fitojë kompeticionin e vetëm që i ka ngelur, duke qenë se Milani e humbi garën për kampionatin italian, të cilin e fitoi Juventusi. Por trajneri i Milanit tha të martën se ekipi kishte kohë të mjaftueshme për të lënë pas zhgënjimin e kampionatit dhe për t'iu përkushtuar ndeshjes kundër katër herë kampionëve të Europës. "Unë nuk kam dyshime për ekipin tim, dyshimi i vetëm që kam, është rezultati. Nuk ka asnjë dyshim në mendjen time se çfarë paraqitjeje do të japim, - tha Ançeloti gjatë një interviste në stadiumin olimpik "Ataturk".

- Ne filluam të mendonim për këtë ndeshje që pas sfidës me Leçen, kështu që patëm 10 ditë kohë për t'u përgatitur. Ekipi është në një formë të mirë, kështu që shpresoj te ndeshja e së mërkurës. Në fakt, ne nuk e humbëm kampionatin, ne dolëm të dytët. Nuk ka ndonjë çmim që jepet për këtë, por unë mendoj se meritonim më shumë, duke parë se çfarë kemi dhënë gjatë gjithë sezonit." Kapiteni Paolo Maldini, i cili po përgatitet të luajë finalen e tij të shtatë në Ligën e Kampioneve, ka deklaruar se klubi është në një formqë të mirë, edhe pse humbi ndaj PSV?së dhe Juventusit, dhe barazoi me Leçen e Palermon. "Forma jonë nuk është aq e keqe sa mendojnë disa njerëz. Ne jemi përgatitur për finalen dhe shpresat tona për kampionat i humbëm që kur barazuam me Leçen," - tha ai

[Davius]

Maldini: Vlen vetëm fitorja

Paolo Maldini, i cili do të luajë finalen e tij të shtatë, ka folur përreth lidhjes së tij me Milanin. "Martesa ime me Milanin është arritur, sepse unë jam një lojtar ambicioz dha kam takuar gjatë rrugës sime një skuadër ambicioze. Lodhja jonë në këtë periudhë është shumë normale, si çdo skuadër që është në fund të sezonit. E rëndësishme sot është vetëm fitorja, nuk ka rëndësi se si. Do mundohemi që të luajmë mirë, por në një finale, më e rëndësishme është fitorja. Edhe nëse fiton pa bërë lojë të bukur, përsëri e tregon forcën e ekipit." Maldini synon të fitojë Ligën e Kampioneve, për herë të pestë në karrierën e tij.

Sedorf kërkon të fitojë për herë të 4?t
Në një kohë që Paolo Maldini do të luajë finalen e tij të shtatë, Klarens Sedorf do të luftojë për të fituar për herë të katërt Ligën e Kampioneve. Ai e ka fituar më parë këtë kompeticion me Ajaksin, Realin e Madridit dhe para dy vjetësh me Milanin. "Jam i uritur për të fituar akoma, - tha Sedorfi. - Nëse ke fituar më parë, nuk do të thotë se nuk mund të fitosh më."

Gatuzo: Do të futemi në histori
Milani është ekipi që ka fituar më shumë në botë. Është për t'u theksuar se kjo është finalja e shtatë për Milanin në 18 sezone. Kjo nënkupton se Milani gjithmonë ka qenë një ekip i fortë. "Duhej të isha unë që të paguaja një shoqëri të tillë, e cila më jep mundësinë të marr pjesë në kaq shumë kompeticione, dhe jo e kundërta," - tha Gatuzo.

Galiani: Liverpuli, skuadër me traditë
Adriano Galiani ka folur për ekipin kundërshtar, duke thënë se është një ekip i madh: "Liverpuli është një ekip me traditë të madhe në futboll. Kam dëgjuar se në Stamboll, turqit do të bëjnë tifo për ne, por ata nuk bëjnë dot gola. Sido që të vejë, ne do të luftojmë deri në fund dhe sezoni ynë do të ngelet pozitiv, por është e qartë që duam të fitojmë."

Krespo: Ndihem mirë dhe do ta tregoj
Në prag të ndeshjes finale të Ligës së Kampioneve, sulmuesi Krespo u shpreh: "Unë fizikisht jam mirë dhe kam shumë dëshirë që ta tregoj këtë gjë në fushë, por të flasësh tani, nuk ka shumë rëndësi. Për mua do të ishte shumë bukur të ngrija kupën, edhe pse bashkë me Kafunë do të ishim lojtarët e vetëm që kemi fituar Kupën Libertadores në Amerikën e Jugut dhe Ligën e Kampioneve në Europë."
Pankaro: Një kënaqësi e rrallë të luash
Pankaro ka folur për ndjesitë e tij para pjesëmarrjes në finalen e Ligës së Kampioneve: "Është një ndeshje që të gjithë lojtarët e kanë ëndërr për të qenë dhe ne e kemi mundësinë. Po i jetojmë këto ditë me kënaqësinë se do të marrim pjesë në finale. Po përgatitemi me shumë kujdes dhe do të luftojmë deri në fund për të fituar. Sido që të shkojë ndeshja, jam shumë i kënaqur që do të jem në Stamboll dhe, për më tepër, jam i nderuar që jam lojtar i Milanit."

Dida: Jemi me meritë në finale
24 orë përpara ndeshjes finale ndaj Liverpulit, portieri i Milani, Jezus Dida, u shpreh: "Jam i përqendruar maksimalisht në këtë ndeshje, ashtu si e gjithë skuadra. Ndeshje të tilla rastisin rrallëherë në karrierën e një futbollisti dhe për këtë do të përpiqem të jap maksimumin. Kemi mundësinë të tregojmë se jemi më të fortët në Europë, pasi kemi arritur një finale të merituar."

[Davius]

Tifozeria e kuqe..............