Juventus, kampion në Lega Calcio!

[ElMajico]

Ia je ti....

Kismet edhe vitin tjeter perseri bashke do na bjere...

Rendesi ka qe japin spektakel kur luajne bashke keto 2 skuadra..

Ec se dhe une ne Spanje me Realin po behem...

[Davius]

Moxhi: E ndiej që do të hapim një cikël

Luçiano Moxhi është në Napoli, si çdo fillim jave. Por ky fillim jave është ndryshe nga të tjerët. Përveç kënaqësisë për titullin, është ajo për të cilën ka pasur të drejtë kur thoshte se organika e Juventusit ishte e mjaftueshme. Edhe për Ligën e Kampioneve, "sepse, nëse nuk do të ishte anuluar goli i rregullt i Del Pieros me kokë në Liverpul, do të ishim kualifikuar deri në finale". Diskutimet mbi stolin "e shkurtër" të Kapelos, Moxhi i dëgjonte si kritika ndaj punonjësit të tij, sikur nuk kishte arritur t'i jepte trajnerit lojtarët e nevojshëm për ndryshime. "Në të vërtetë nuk ishte kështu, - reagon drejtori i përgjithshëm i Juventusit. - Pavarësisht nga dëmtimet e shumta të lojtarëve më të mirë, fituam titullin dhe falë stolit treguam se mund t'i "dëmtojmë" të gjithë."

- Ku ndryshon ky titull nga pesë të tjerët?
- Titujt janë të gjithë të bukur, por ky ishte edhe një spot për futbollin. Ishte një fluturim i gjatë në të gjithë kampionatin, një "kokë më kokë" që shtonte kënaqësinë e atij që e fitonte.

- Cili ka qenë momenti më kritik?
- Në shkurt, kur Milani na arriti, pasi kryesonim me 8 pikë epërsi. Ata shënonin gjithnjë në minutat e fundit shtesë, ndërsa ne fitonim pa vështirësi.

- Po ndeshja kyç e këtij kampionati?
- Takimi direkt në "San Siro". Skuadra ishte mirë fizikisht dhe psikologjikisht, ndërsa ata ishin më të lodhur. E kuptova që do ta fitonim titullin.

- Pavarësisht nga faktet e ndryshme, për cilën arsye e shpallët heshtjen për shtyp?
- Ai ishte një akt përgjegjësie, pas gjithë asaj që kishte ndodhur. Nga imazhi filmik i Kanavaros, që pikërisht disa ditë para ndeshjes me Milanin hapi një çështje që Juvja nuk ishte e përfshirë, te pezullimi i rëndë i Ibrahimoviçit. Nëse do të kishim folur, "San Siro" rrezikonte të kthehej në diçka më të keqe se stadiumi. Duhej të zgjidhnim mes spektaklit dhe mundësisë që do të ndodhte diçka e shëmtuar. Ne parapëlqyen të parin dhe u kritikuam.

- Kapelo në Livorno i dha dorën Del Pieros, por për të ka thënë se pa punën e ekipit, nuk shkohet larg.
- Dhe e shoh të drejtë. Drejtimi i grupit nga ana e trajnerit ishte i shkëlqyer, edhe ai i Del Pieros. Kur u rikthye në formë dhe u kthye të luajë si Del Piero. Kapelo e ka aktivizuar gjithnjë si titullar. Ale është një njeri dhe nuk është faji i tij nëse nuk e gjeti shpejt formën, por është meritë e tij dhe e Kapelos, që bëri gjithçka për t'ia dalë. Unë nuk besoj se ka ndodnjë gjë për të sqaruar mes tyre.

- Ky titull ka fytyrën e Ibrahimoviçit?
- Nuk arrij dot të vë njeri para të tjerëve, as Kapelon. Ibrahimoviçi vërtet ka qenë i madh. Pastaj po flasim për një lojtar klasi, që është i ri dhe ka ende nevojë të mësojë shumë. Por që në vitin e parë ka konfirmuar se ka cilësi, ndaj dhe e morëm.

- Atëherë do t'ia zgjasni kontratën?
- Ka një premtim në këtë kuptim. Kur erdhi te ne, iu tha se nëse do të ketë njëfarë rendimenti, Juvja nuk do të jetë e pandjeshme.

- Kapelo thotë se të gjithë më të mirët do të qëndrojnë, ndërsa Grande Stevensi, para se të blejë, duhet të shesë. Kush ka të drejtë?
- Asnjë prej të dyve. Por kemi mbrojtjen më të mirë dhe një nga sulmet më të mira, me lojtarë të rinj që mund të japin shumë për të ardhmen. Përshtypja që kam, është ajo e hapjes së një cikli.

- Ka ndonjë repart që duhet forcuar më shumë se të tjerët?
- Me një skuadër të tillë, nuk shoh që duhet bërë diçka e madhe. Do të marrim dikë në mbrojtje për të zëvendësuar Monteron dhe Ferrarën, por siç kemi bërë që nga '94-a e deri tani, duke parë aspektin ekonomik dhe atë sportiv. Mund të shesim ndonjë lojtar të ri, që nuk ka dhënë shumë dhe ndoshta ndonjë lojtar mbi 30 vjeç, për t'i dhënë stimuj, por jo kampionët protagonistë të këtij titulli.

- Pra nuk është e vërtetë që nuk ka asnjë të pashitshëm?
- Të gjithë i duan lojtarët tanë edhe një herë thashë se varet se sa paguajnë. Por nuk e plotësova diskutimin: varet nga sa paguajnë për lojtarët që duam të shesim, jo ata që duan të tjerët.