Breshka gjigande..

[Brari]

shekulli

-------


Rrëfimi i peshkatarit Hysni Xhemali: U dorëzova kur tregtari italian më ofroi Benz-in, prodhim i vitit 2000

Peshkatari këmben breshkën 8 kv me një Benz

Sarandë, breshka gjigante me peshë 8 kuintal del në ujërat e Butrintit dhe përfundon në Romë

Th.Nika

SARANDE- Një breshkë gjigante me peshë 8 kuintal, ka rënë në rrjetën e një peshkatari nga Saranda, i cili ndoshta pa e ditur rëndësinë e një specieje të tillë ia ka dhënë atë një shtetasi italian duke marrë në këmbim një Benz Mercedes, prodhim i vitit 2000. Hysni Xhemali quhet peshkatari që kapi “gjahun” e pazakontë në mëngjesin e djeshëm. Ai e kishte hedhur rrjetën në mbrëmjen e dy ditëve më parë në vendin e quajtur Buka e Vivarit dhe në mëngjes e ka patur të pamundur që ta tërheqë atë për ta nxjerrë nga thellësitë. Lajmi se një “gjah” i jashtëzakonshëm kishtë rënë në rrjetën e peshkatarit Xhemali ka bërë që rreth saj të mblidhen gjithë peshkatarët e tjerë të Rrëzës së Vivarit. Breshka e stërmadhe është nxjerrë nga uji falë ndihmës së një skrepisti.

Peshkatari Hysni Xhemali, me përvojë 10-vjeçare në peshkim, ka parë hijen e zezë të kafshës së ujit të mbështjellë në rrjetën e hedhur prej tij dhe ka kërkuar ndihmën e kolegëve dhe të të njohurve. Mendohet që breshka gjigante ka rënë në pritë, ndërsa ajo është përpjekur të kalojë në ujërat e Butrintit atje ku deti takon me liqenin me të njëjtin emër, i njohur për pasuri të pafund speciesh. Kur breshka e stërmadhe u nxorr në breg e u peshua, ajo rezultoi 8 kuintalë. Peshkatari Hysni Xhemali tha se një tregtar italian peshku i kishte propozuar ta shiste breshkën, por ai s'pranoi të bënte pazar. Ai vendosi ta jepte atë vetëm kur tregtari i ofroi një benz mercedes dhe me në fund breshka u dërgua në një kopsht zoologjik në Romë.
Peshkatarët e zonës thonë se prej kohësh kanë parë të qarkullojnë breshka të tipit kareta-kareta, shumë të njohura për trupin e tyre masiv dhe të preferuara nga turistët.

Tregtari italian
Sensacioni i kapjes së një breshke të tillë në ujërat e Jonit ka nxitur lakminë e tregtarit italian të peshkut Stefano Razoti, që ndodhej në Sarandë. Ai ka shfaqur interes të jashtëzakonshëm për breshkën e stermadhe, e shfaqur befas. Xhemali thotë se fillimisht nuk ka pranuar ofertën e italianit në të holla, por kur ai i ofroi këmbimin e breshkës me “Benzin” e tij, prodhim i vitit 2000, peshkatari u “dorëzua”. Kështu, breshka e stërmadhe, e veçantë në llojin e saj është transportuar me mjete e rrugë detare drejt Romës, ku mendohet se tregtari italian do bëjë biznes të fuqishëm, duke ua shitur atë kopshteve të famshëm zoologjikë të Romës.


Reagimi
Specialisti: Ishte një breshkë e rrallë oqeanesh

Kembimi i breshkës me një Benz ka shkaktuar reagimin e drejtorit të Muzeut te Shkencave Natyrore, Idriz Haxhiu. Drejtori Haxhiu është shprehur për agjencinë Reuters se ka shpëtuar vetë 450 breshka, sipas një programi të mbështetur nga UNDP-ja. Haxhiu, duke folur per agjencine e lajmeve Reuters nga plazhi i Patokut, në veri të Shqipërise, tha se breshka gjigante duhej të ishte e llojit "dermochelys coriacea" ose ndryshe breshkë deti. "Është një breshkë shumë e rrallë oqeanesh dhe do të ishte një gjë fantastike për Shqipërinë",- është shprehur Haxhiu. "Breshka e vetme e këtij lloji, e gjetur në Shqipëri peshonte 820 kilogramë",- ka shtuar ai. Breshka e deti është më e madhja e të gjitha specieve, me gjatësi dhe gjerësi rreth dy metra. E preferuar më shumë për vezët sesa për mishin, ajo është përfshirë në listën e specieve më të rrezikuara. Breshka të tilla mbrohen nga Konventa “Për Tregtinë e Brendshme të Specieve të Rrezikuara”, që është nënshkruar nga Shqipëria dhe Italia. Haxhiu tha se breshka, e gjetur nga peshkatari, ishte drejtuar për në ujërat e ëmbla të lagunës përreth rrënojave të qytetit greko-romak te Butrintit.




26/05/2005

[episodestory]

8 kuintal?
marshallah car breshke,si elefant qenka.

[angeldust]

Shyqyr te pakten ka shpetuar e gjalle.

Kohe me pare mbaj mend qe doli ne gazeta se nje foke ishte pare nga nje peshkatar andej nga Divjaka, dhe ky e plagosi keq se donte ta kapte. Pastaj e mbajti ne govate per pak kohe, por perfundimisht foka vdiq.

[Brari]

angel dushe..

sikur nuku dukesh si Korcare ti.. nga kto te sotmit flas..
ke dicka te vecante..
Mos ke ndonje lidhje me Rilindasit ti.. me ato korcaret e qemotit.. si fis?

Suksese ne ato shkolla e cfar ben andej..

[angeldust]

Brari,
te siguroj se jam korcare 24 karat, nga familje ish-tregtaresh mesatare. lol

[Aragorn I]

Ta mendosh, Xhemali eshte treguar i zgjuar per veten e tij, sepse kishin per t'ja mar kta tanet e s'kishin per ti dhene gje hic, as leke per rrjeta te reja, jo me benz!

O Brari, as ti s'me dukesh si kosovar mua, se si me dukesh ndryshe, si me i sofistikuar!