Gabim?!

[Rebele]

Per gjuhetaret dhe drejtshkruesit e Shqipes:

Nuk e di nqs e keni vene re kete, por mua me duket gabim ne sintakse (strukture).

Marrim nje fjali te thjeshte.

Nuk pashe asgje.

Si "nuk" dhe "as" jane pjeseza mohuese. Dhe dihet qe dy mohuese (-/-) japin nje pohim (+), pasi mohon ate qe mohove me lart.

Normalisht fjalia e siperpermendur duhet te jete: Nuk pashe gje.

Perndryshe: Nuk pashe asgje.
(Nuk eshte se nuk pashe as nje gje) ------> pra pashe dicka.

Si mendoni ju?

Jeni te lutur te sillni shembuj te tjere.

[Legjion]

S'ka të bëjë me sintaksën apo gjuhësinë se është çështje arsyetimi. D.m.th. asgjëja, për nga përkufizimi, nuk ekziston, rrjedhimisht gjithmonë themi "asgjëja nuk është" "nuk bëra asgjë" "kjo s'është asgjë" etj. në mohuese.

Duke ardhur te fjala gabim: nga ana logjike nuk është shqipja gabim, por gjuha angleze (n.q.s. të ka ardhur prej aty ideja) që në "pohim të asgjësë" bie në gabim të papranueshëm logjik.

ave

[edspace]

Nuk pashë as edhe një gjë
Nuk pashë asnjë gjë
Nuk pashë asgjë

[Era1]

Negativet qe kthehen ne pozitive nuk ekzitojne ne gjuhesi (me sa kam une njohuri). Ne gjuhesi brenda nje fjalie mund te japesh nje , dy apo me shume pjeseza mohuese per te bere sa me te qarte idene e asaj qe po thua. Gjuha eshte arti i te folurit dhe gjetja e menyrave te tilla eshte nje art me vete.
Per mua eshte shume me bukur dhe me e plote kur thua :
-nuk pashe asgje
sesa kur thua
- nuk pashe gje

pjeseza as i jep fjalise kuptimin qe duhet dmth qe nuk ke pare absolutisht gje dhe kjo pjesez e ben fjaline me bindese dhe le pak vend per te dyshuar ne ka pare me te vertete gje apo jo.

Eshte e bukur shqipja dhe per mendimin tim mos e krahasoni me gjuhet e tjera qe s'kane gramatike te plote , per kete shikoni se sa te plota jane kohet e foljeve ne shqip dhe sa te cunguara jane ne gjuhet e tjera.

[Legjion]

Nuk pashë as edhe një gjë
Nuk pashë asnjë gjë
Nuk pashë asgjë

Meqë nevojitet në gjuhësi, po e themi fjalën. Rregulli gramatik këtu është se fjala asgjë, qoftë si emër, qoftë si përemër, përdoret vetëm në fjali mohore (rëndom tërësore).

Togu asnjë gjë dhe fjala asgjë nuk kanë lidhje të drejtpërdrejtë fjalëformimi (ndoshta shpjeguese leksikore në këtë rast). Fjala asnjë është përemër i pacaktuar përjashtues i krijuar nga pjesëza parashtesore mohuese as dhe rrënja një (e në togun asnjë gjë sillet për të mohuar qenien e gjësë). Fjala asgjë, hasur, qoftë si përemër i pacaktuar përjashtues, qoftë si emër abstrakt, ndjek të njëjtën rrugë fjalëformimi, por nuk vjen prej përemrit asnjë. Mund të duken sikur kanë lidhje në pamje të parë, por nuk ndodhen në lidhje etimologjike me njëra tjetrën.

Ideja është ajo që u tha më lart dhe vjen si rezultat logjik dhe jo aq gjuhësor. Asgjëja nuk ekziston dhe si e tillë detyrimisht tërë fjalitë e ndërtuara që përfshijnë në kuptim të drejtpërdrejtë fjalën asgjë (si emër a përemër) janë fjali mohore.

Nëse do të shkohej sipas zbërthimit të mësipërm, do të kishim sipas të njëjtës metodë, për përemrin askush:

As edhe një kush,
asnjë kush,
askush,

gjë që është e pasaktë. Dhe shpjegimi leksikor në këtë rast do të ishte: Askush - asnjë njeri, asnjeri.

Ky zbërthim do të ishte i pavlefshëm dhe në anglisht ku nothing shpjegohet si not one thing, not a thing nga ana leksikore, por krijohet nga no+thing. Thjesht anglishtja duke pohuar asgjënë (që nuk ekziston) bie në gabim logjik pasi nga natyra e vet fjala asgjë shpreh gjithnjë një koncept abstrakt mohues.

Ky lloj fjalëformimi ndajshtesor në shqip është themelor e kryhet me morfema të gatshme të shkurtra që nuk vijnë duke u thjeshtuar (pasi janë të thjeshta që më parë), por mbeten pak a shumë në të njëjtën gjendje si në fillesat e veta. (Për rastin në fjalë: As+kush, as+një, as+gjë, etj.) Ky është një plus i madh për shqipen, pasi në këtë mënyrë shqipja trupëzon e siguron vazhdimësi gjuhësore e historike vetëprovuese.


shnet

[episodestory]

[QUOTE=Rebele]
Marrim nje fjali te thjeshte.

Nuk pashe asgje.

REBELE PO NE MUND TA PERDORIM EDHE
NUK PASHE GJE.

[edspace]

Legjion,

Më lart nuk kisha për qëllim të shpjegoja etimologjinë e fjalës asgjë, por thjesht dhashë shembuj që tregonin se pjesëza as përdorët për të përforcuar mohimin. "Nuk pashë gjë" dhe "Nuk pashë asgjë" janë të dyja të sakta, por e dyta shpreh siguri që vërtet nuk pashë gjë.

Mendoj se "Nuk pashë asgjë" është një shkurtim i fjalisë "Nuk pashë as edhe një gjë.". Këtu e kam fjalën për shkurtimin e fjalisë, jo etimologjinë e fjalës asgjë.

[Legjion]

Fjalët janë të ndryshme e as në gjuhë nuk kemi zhvillim të tillë fjalish si më lart. Këtu s'flasim as ne as ata, por gjuhësia


shnet