Blerina Limaj është aksidentuar dje në afërsi të drejtorisë së policisë së Tiranës, t

[EDUARDI]

Blerina Limaj është aksidentuar dje në afërsi të drejtorisë së policisë së Tiranës, teksa po kalonte kryqëzimin

Vdes në aksident ekonomistja e “Albautor”

Pranga shoferit të kamionit që aksidentoi 24-vjeçaren. Viktima, e diplomuar një vit më parë

Lindita Çela

TIRANË- Vdes në një aksident tragjik pranë drejtorisë së policisë së Tiranës, ekonomistja e shoqatës “Albautor”. Blerina Limaj, 24-vjeçarja e sapodiplomuar në fakultetin Ekonomik ka qenë duke kaluar rrugën, në urën afër policisë së kryeqytetit, kur është shtypur nga një kamion. Ngjarja e rëndë ka shkaktuar panik tek shumë njerëz, që ndodheshin aty në momentet kur trupi i Blerinës u përfshi nga rrotat e kamionit, me targa TR 4604F. Vajza 24-vjeçare ka humbur jetën menjëherë, pasi trupi i saj është dëmtuar së tepërmi nga rrotat e pasme të kamionit. Punonjësi i policisë rrugore që kryente shërbimin në afërsi të vendit të ngjarjes ka lajmëruar kolegët e tij, ndërkohë që më shumë se 30 minuta trupi i masakruar i 24-vjeçares ka mbetur përtokë, duke tmerruar kalimtarët e shumtë.
Aksidenti
Aksidenti i rëndë ka ndodhur mesditën e djeshme, në momentin që semafori i vetëm në këtë kryqëzim ndërroi ngjyrën e kuqe në jeshile. 24-vjeçarja Limaj, e shoqëruar nga një shoqe e saj nuk e ka vënë re ndryshimin e semaforit, duke rënë brenda pak sekondash nën rrotat e kamionit të drejtuar nga 53-vjeçari Kujtim Rizai. Trafiku, tepër i dendur në këtë zonë të Tiranës është ndërprerë menjëherë, ndërkohë që në vendngjarje kanë mbërritur forca të shumta policie. Ekspertiza në vendin ku ndodhi aksidenti u ka ngrënë mjaft kohë uniformave blu, kohë në të cilën trupi i copëtuar i Blerinës ka mbetur përtokë. Ndërkaq, punonjësit e policisë rrugore kanë shoqëruar shoferin e kamionit, i cili është marrë në pyetje për rrethanat e këtij aksidenti tragjik. Pas përfundimit të ekspertizës, trupi i Limajt është dërguar në morgun e Tiranës, ku është marrë më pas nga familjarët e saj.
Viktima
Që në hyrje të pallatit ku banon prej disa vitesh familja Limaj, në rrugën “Naim Frashëri” dëgjohet zëri i mbytur i grave që qajnë me fjalë jetën e prerë në mes të Blerinës. Të gjithë banorët e kësaj rruge i ka tronditur vdekja e Blerinës, e cila sapo kishte përfundur studimet. Vajza 24-vjeçare, e cila humbi jetën dje si pasojë e aksidentit tragjik ka përfunduar studimet vetëm një vit më parë. Blerina Limaj ishte punësuar në shoqatën “Albautor”, si financiere. Blerina është vajza më e madhe e familjes Limaj, ndërkohë që motra e saj studion në Rusi për Letërsi. Megjithëse trupi pa jetë i 24 -vjeçares ka mbërritur në shtëpi rreth orës 15.00 të ditës së djeshme, ceremonia mortore do të kryhet gjatë ditës së sotme, pasi pritet të vijë në Tiranë motra e saj.



23/04/2005

[Davius]

Me erdhe teper keq kur ndegjova mbreme kete lajm ne Alsat dhe ishte shume trishtuese ajo pamja e kufomes, mandej dicka e dhembshme mu duke edhe menyra se si vozitesi i kamionit rinte ulur ne ne dhe nuk levizte fare vetem kujtohej i shkreti...

[EDUARDI]

Kam kaluar rastesisht aty ne ate ore qe ka ndodh ngjarja me makine me disa shok te punes dhe eshte e pabesueshme te shifje trupin e asaj vajze ne toke deri sa erdhi policia dhe e mbuloj kufomen,eshte me te vertet per te ardhe keq nje pakujdesi e cila i mori jeten vajzes 24 vjecare

zoti qoft me shpirtin e saj

[Foleja_]

Ngushellime te sinqerta nga ana ime per familjaret e Blerines.

[Poeti]

Pakujdesia që i morri jetën Blerinës, dhe pakujdesia që po na merr çdo ditë e më shumë jetërat tona.
Kjo ngutje që të arrihet aty ku duam po na bën që të mos arrijmë kurrë në pikëdestinimin tonë (në kët rast as Blerina e ndjerë e as vozitësi i kamionit që shkaktoi vdekjen e saj), dhe vetëm ca sekonda pritjeje do të shpëtonin një jetë…
Apeloj në shumë – shumë kujdes që të ruajm jetërat e atyre nuk na kanë faj.
Ngushëllime familjes së Blerinës dhe të gjithë shqiptarëve që ndjejnë dhembje për këtë rast.