Për të shijuar diellin dhe për të shkuar deri në fund të pushimeve me një nxirje dhe lëkurë perfekte, filloni që tani numërimin. Përgatituni si më poshtë.
Fytyra: ndiheni e sigurtë për të përballuar verën?
Një muaj para
Parandalo rrudhat : tashmë dihet që rrezet ultravjollcë janë armiqtë më të këqinj të lëkurës. Për të shmangur shenjat para kohe, filloni të merrni ushqime ose vitamina me përbërje antioksidantësh, që rrisin mbrojtjen natyrale të lëkurës.
Dy javë para
Fillo nxirjen: nuk do të pëlqente të shkoje në plazh me fytyrë të praruar? Atëherë çdo mëngjes lyhu me një krem vetënxirës, të përshtatshëm për tipin tënd të lëkurës: aplikojeni në fytyrë dhe qafë me lëvizje të shpejta duke shmangur në këtë mënyrë krijimin e njollave pak a shumë të errëta.
Një javë para
Gjallëro ngjyrën: për të përgatitur lëkurën për nxirje e për të siguruar një ngjyrë homogjene e të ndritshme, bëji fytyrës një pastrim të kujdesshëm në një institut bukurie. Kështu elimionon qelizat e vdekura dhe pastron poret, duke rritur padyshim cilësinë e lëkurës.
Tre ditë para
Rregullo vetullat: është një rit bukurie i domosdoshëm, pasi parregullsia e tyre zbeh shkëlqimin e vështrimit dhe të fytyrës. Nëse nuk je eksperte lër një estetiste të të ndihmojë.
Një ditë para
Bëj një maskë hidratante: penetron më në thellësi sesa kremi dhe siguron një lëkurë vitale dhe elastike, që është gati për të pritur “sulme” të ndryshme.
Flokët, përgatiti për pushime
Kujdes i vazhdueshëm, permanent, prerje, lyerje; tridhjetë ditë programi intensiv për të shkuar në plazh me flokë të fortë, të shëndetshëm dhe plot shkëlqim.
Një muaj para
Fillo një kurë forcimi : floku duhet të jetë i fortë dhe i ushqyer para se të goditet nga dielli, era dhe klori. Bli në farmaci një flakon një përdorimsh, që ka si bazë proteina të vezës, substanca me aftësi rigjallëruese dhe riforcuese. Apliko çdo mëngjes mbi flokë të larë një flakon, duke masazhuar mirë me gishta rrënjën dhe gjithë gjatësinë e flokut.
Dy javë para
Mund të bësh permanent : përshpejtimi i trajtimit prej disa ditësh është idealja për të arritur në plazh me flokë me efekt natyral. Në fakt shenjat e bikutinave, të dukshme në fillim, por jo aq të bukura për t'u parë në flokë të lagur, mbajnë vetëm dy javë. Sa mbajnë kaçurrelat mund të vlerësohet vetëm pas dy, tre larjeve të para të kokës. Për çdo të papritur ka kohë për rregullime. Nuk asnjë rrezik që permanenti të zhduket para përfundimit të pushimeve: në fakt permanenti mban më shumë në det, ku flokët rrinë gjithmonë të lagur.
Një javë para
Mund t'i presësh : është mënyra më e mirë për të pasur një kokë gjithmonë të rregullt duke harruar, të paktën për pushime furçën dhe krehjen. Kjo këshillë vlen edhe për atë që duhet të presë vetëm majat: në këtë mënyrë eliminohet problemi i flokëve me maja të djegura e të ndara më dysh. Ndryshe rrezikohet që larjet e shpeshta në det të bëjnë të humbasë shkëlqimi dhe shëndeti i flokëve.
Tre ditë para
Po lyerjes: lyerjet me bojë, këna apo fije është mirë të bëhen vetëm pak ditë para pushimeve, në mënyrë që të shmanget problemi i rritjes së flokëve gjatë pushimeve. Idealja është të zgjidhni një ton më të errët sesa ai i zakonshmmi, pasi uji i detit dhe klori i pishinave tentojnë ta çelin flokun.
Një ditë para
Përgatit çantën e kozmetikës me produktet e duhura për mbrojtjen e flokëve: një specialitet me filtra UV për ta përdorur në plazh, shampon, balsamin dhe një maskë që ta përdorni çdo tre ditë për të shmangur tharjen e flokëve dhe prishjen e fibrës kapilare.
Mit: Nëse përdorni kremin kundra diellit ka më shumë të ngjarë të merrni kancerin e lëkurës
E vërteta: Kremi i diellit nuk shkakton kancer të lëkurës. Ju duhet të aplikoni një sasi të madhe të kremit me faktor të lartë mbrojtjeje (me mbrojtje UVA dhe UVB), për t'i dhënë një shkëlqim të dukshëm lëkurës së trupit para se të dilni në diell, për më tepër që duhet të lyheni çdo dy orë gjatë kohës së ekspozimit.
Mit: Kremi i nxirjes nuk të bën mirë
E vërteta: çdo gjë që vendoset në lëkurë përmban një rrezik potencial për të shkaktuar një reaksion alergjik te disa njerëz dhe kremi i diellit këtu nuk përjashtohet. Megjithatë është më e mundur që trupi të reagojë negativisht ndaj aromës së kremit sesa ndaj substancave kimike që përdoren për t'u mbrojtur nga rrezet UV. Edhe pse ka pasur shqetësime se disa nga filtrat kimike UV përthithen nga lëkura, nuk është provuar që këto të jenë të dëmshme. Për të qenë super të sigurtë përdorni kremra me filtra fizikë, siç është titaniumi.
Mit: Dëmtimi nga dielli mund të rikuperohet
E vërteta: Pjesa më e madhe e dëmtimit të shkaktuar nga rrezatimi UV është e pakthyeshme, veçanërisht kur ato shkaktojnë kancer lëkure. Terapia lazer mund të regullojë vetëm disa shenja të dukshme të plakjes së lëkurës, rrudhat dhe pigmentin e shkaktuar nga ekspozimi në diell.
Mit: Lëkura nuk e humbet elasticitetin deri në moshën 25 vjeç, kështu që jam në rregull nëse nxihem para kësaj moshe.
E vërteta: Tetëdhjetë përqind e dëmit të shkaktuar nga dielli ndodh para moshës 18 vjeç, prandaj është më e domosdoshme të mbroheni në moshë të re duke shmangur pasojat negative. Nxirja është reagimi i lëkurës që tregon se dëmi është bërë.
Përgjigju Duke Cituar
Postuar më parë nga angeldust
Krijoni Kontakt